إنى أفتقدك ..

بالله لو فى زول عندو أخبار عنها فليطمئننا !

دينا بت خالد ,, بالله أين إنت ؟

لا الموريتانى جابك ولا الفلبينى جايك ولا حتى الخواجه ما جابك !!
الحكايه شنو يابتى ؟ ما طولت علينا !
نعلك بعافيه ؟

تصدق وتؤمن يا كيمو ، أنا الليلة دي اتذكرتها..
جايي من الشغل متأخر وتعبان ، وفجأة خطرت ببالي
قلت يا ربي المشوطنة دي وينها!!

غايتو البت دي عليها جنس حركات..
دينا بطلي الأمور البتسوي فيها دي وتعالي
البورد الأيام دي محتاج شوية حيوية ونشاط..

غابت عشان تعرف نحن بنفتقدها ونشتاق ليها واللا لأ..
فعلاً مفتقدينك ومشتاقين ليك، يلا أظهري وباني وعليك (الأماني)..

تكون حردانه ياصلاح ؟؟!!
ولا يمكن يكون بكرى مزعلها ؟

تكون حردانه ياصلاح ؟؟!!
ولا يمكن يكون بكرى مزعلها ؟

كمال سلام عليكم
ونحن كذلك يشهد الله ويعلم
عساها بخير وطيبة وامورا كلَا تمام

غايتو فاتت علينا جنس لووووبات وما قبلها فى عجاجة بوست الخواجة واخوانه واخواته

أنا متأكد إننى لست الوحيد الذى يفتقدها يا احمد .
لذا كان من المفروض أن يكون عنوانى ( إننا نفتقدك ) .

ياسلام كيمو ياخ ...بشدة (شديد) والله ...

نفتقدها وبشدة !

عساك بخير يا دينا ومفتقدينك شديد ...

تسلم أستاذ كمال سالم

فوق عسى ولعل ,,

Deena is coming soon

..........





ولعل وعسى





يلا يا بنية





.......

محمد عبد الرحمن الأنصارى ,, والله إنت ذاتك ( إنى إفتقدك ) .
يظهر إنو عبد الجبار شايف شغلو تمام .

يا مها عبد الله يدك معانا ,, كدى فتشى فى باقى الأسافير
يمكن تكون لقت ليها عرض أحسن من هنا .

عادل عثمان شكلك كده عندك أخبار مطمئنه .

بله يا بله ,,, أعرف أن لهذا الإسم وقع خاص عند دينا ,,
إتمنى يا بله أن تظهر الغائبه الحاضره دينا تقديرا لإسمك ,

كَتًابة جنس كتابة يا كمال ..
وبراها تشبه روحها ..

كلامك ده ياود المشرف ما ياهو المجننا .
يسألنى الله لما أشوف إسمها أقوم جارى
بسرعة كاكا , عشان أشوفها كتبت شنو !

Quote: يسألنى الله لما أشوف إسمها أقوم جارى بسرعة كاكا , عشان أشوفها كتبت شنو !

انا بجرى بسرعة كاريكا ..لانو كاريكا (الليلنا) اسرع
من كاكا يامريخابى ياحاقد ...اما اذا دار محور
سؤالك عنا فاننا بخير فى دوحة الخير ..نمضى
ضحوتنا ومعاها زيادة فى الشغل ونعاود الى
البيت ونعيد الكرة (صبحيت ) اليوم التانى ..وهكذا
دواليبك ...وانى ابرىء عبدالجبار من هكذا اختفاء ...
طبعا البت دى مابتجى داخلة هنا ..أسالنى انا ...
الناس المفتحين مابدخلوا البوستات الفاتحنها ليهم ..
وهى طبعا (تفتيحة لمن بهناك) ...فانت (ناغمها) هنا
وان شاء الله بتطلع بحتة تانية ...مامشكلة المهم
تطلع ....

الرجاء الاستعانة باهل العوض لتوضيح ماخفى عليك
من مصطلحات ...ياودقلبا ....

يا دينا إختشى ,, أو كما قال دينق ,,

على الأقل تعالى باركى لينا فوز المريخ .

Quote: على الأقل تعالى باركى لينا فوز المريخ

تحياتي لها

ولك يا كمال يا حبيب..

ومليون مبروك للمريخ العظيم.

بالمناسبة:

معاكم في الدوحة قريب جداَ بإذنه تعالى..

Qatar Foundation

وامسك الخشب..

وإليها يا كمال
مع مصطفى مدثر جنباً إلى جنب
أهدينا:
تدوينٌ من زوايا متوترة

إلى مصطفى مدثر، دينا خالد...




1)
نستقلُ الجِدارَ
في فضِ اقتراحاتنا
الخرقاء
عن كيف نظلّ
قابعين في مواراةِ
خيباتنا الشاهقة

2)
لولا أن للصبر
نوافِذ مُشرعة
لتحطمتِ النفوس
جراء الوساوس

3)
أضحتِ السطور
ضحية هوس
النميمة القابض
على حياةِ مُبصِرٍ
لا يرى

4)
أول رسمٍ لفنانٍ
بلغت ريشتُهُ مراحل
الارتعاشِ من العُمرِ
كانت
لفتاةٍ تمزقُ
قلباً أعزل.

5)
الحياءُ في لباسِهِ الشفافِ
عادةً
ما يصفعُ نفوسَ الناسِ
بنواياه المتوترة

6)
لا أحد يعرفُ لِم كفت موسيقى
الفتى
مفتوح الصدرِ
عن الصدورِ
عدا
أنثى لم يعرفها بعد

7)
إذن
عند السادسة والنصف
سينصرفُ النهرُ
عن ورطتِهِ الأزليةِ
في التدفقِ
بروحِها اليبابِ
يطوي إلى غير إيابٍ
أسراره المُهدرة.

8)
حنينٌ باسِلٌ
يتصفحُ إحباطاته
في الظفرِ
بأحضانٍ تتسعُ
لنارِهِ المُستعِرةِ
لكنما
ليس بالإمكانِ
اقتناص وطنٍ
من أخيلةِ الشعراءِ الهارِبةِ
ليهدأ الحنين

9)
زارنا الهدوءُ النّاري
فشُغِلنا به
حتى أوشكت رغبتنا المتدفقةِ
أن تحترق.

10)
لفورانِها الحاذِقِ
أن يتعلمَ القفز من
ثنايا ثيابها الفضفاضة
إلى قبضةِ النزقِ المتهادي
في الشوارِعِ.
21/10/2012م

هنا:
Re: مدونةُ الأنخابِ البِكر...


علّ ذلك يخبرها عن معزتها فينا أو أقلاه في نفس من يُدعى بله أيضاً...

ولك التحايا والاحترام

شكرا يابله ,,

غايتو المعلقه دى كان ما جابتها يبقى واجب علينا
نفتش المستشفيات .
الله يكضب الشينه يابله ,, البت دى الله يستر ماتكون
عندها ملاريا وراقده .