بالحتة الفيها الحديدة يا (ود اللمين)..شكراً بروف معز عمر بخيت

نقلاً عن صحيفة المجهر السياسي...

Quote: كنت تتعلم تجامل لو فؤادك مرة جرب يا (ود اللمين)؟ د/ المعز عمر بخيت – المجهر السياسي 09/10/2012 14:20:00 حجم الخط: لم أجد في حياتي ولم أتخيل أن هناك شخصاً في هذا الوجود لديه هذه القدرة المتناهية على إحراج الآخرين على مشاهد الأعيان ومسامعهم كما فعل الموسيقار "محمد الأمين" بالبحرين.. ولم أستطع أن أتصور أن يكون هذا الرجل الذي تحتفي به الملايين من محبي الفن والغناء والطرب وهو يدغدغ مشاعرهم بجميل الألحان وعذب الموسيقى وحلو الأداء.. يتصرف هذا التصرف. الفنان كلمة ومعنى والتزام، وليس غير ذلك.. والفنان قدوة يحتذى بها في دروب الإنسانية وحميمية العطاء والإلفة وطيب المعشر وحلو الفعل قبل الكلم واللحن والأداء.. لقد روع الموسيقار "محمد الأمين" دواخلنا وتهاوى من أنظار محبيه قبل أن ينحر أفئدة محبي أعماله في مساء الخميس الرابع من أكتوبر عام 2012م بمسرح مركز المعارض الدولي بالمنامة في ليلة تكريمه من قبل الجالية السودانية بـ (البحرين) ضمن فعاليات (مهرجان البحرين الدولي الـ 21 للموسيقى) الذي تستضيفه المملكة في إطار احتفالاتها بالمنامة عاصمة للثقافة العربية 2012م. الذي حدث يا سادتي أنه قد تم اختيار الموسيقار "محمد الأمين" ليمثل السودان في هذا الحدث الكبير مع كبار وعظماء الموسيقى العربية من قبل اللجنة العليا المنظمة لهذا النشاط، وقد تم ترشيحه بواسطة قامات سودانية بارزة لها وضعها بوزارة الثقافة البحرينية، حيث تقرر أن يقدم نماذج للفن السوداني بآلة العود في القاعة الثقافية مساء الأربعاء 3 أكتوبر 2012م ثم يُحيي حفلاً ساهراً يتم فيه تكريمه في اليوم التالي، وقد احتفى به الجميع في المنامة منذ وصوله رسمياً وشعبياً وإعلامياً، وقد أوردت الصحف البحرينية ذلك وذكرت أنه سيتسنى لجمهور المهرجان الدولي الـ 21 للموسيقى فرصة الاستمتاع بأسلوبه الأخاذ الذي يوظف فيه حسه المرهف وصوته النقي بشكل بديع ليستنطق فيه آلة العود وينتج ألحاناً تتميز ببعدها الرسالي والنضالي.. كما تتاح الفرصة للجمهور في مملكة البحرين بالاستماع إلى الأغاني والألحان الشجية لـ"محمد الأمين" بمصاحبة فرقته الموسيقية في الحفل الساهر يوم الخميس الرابع من أكتوبر بأرض المعارض. لقد تم الاتفاق على ما ورد في الأخبار أعلاه على أن يتقاضى مبلغ (15) ألف دولار أمريكي، كما سيقدم له درع خاص وشهادة تقديرية، وأيضاً قررت إدارة النادي السوداني تحمل كلفة علاجه بأحدث مستشفيات البحرين التخصصية وعلى أيدي أكبر الأطباء الاستشاريين، هذا غير الاستضافة في فنادق (5) نجوم قبل وبعد الفعاليات، مع كامل الخدمات وتذاكر سفر على الدرجة الأولى وسيارة فارهة وسائق ومرافق طوال فترة اقامته بـ(البحرين). ارتأت اللجنة السودانية المنظمة لحفل التكريم توثيق هذا الحدث المهم عبر قناة (النيل الأزرق)، وتم الاتصال بالأستاذ "حسن فضل المولى" وبالموسيقار "محمد الأمين"، وقد علمت اللجنة أن هناك بعض الخلافات السابقة، لكن وافق "محمد الأمين" أن تسجل القناة حفل التكريم وتتم مناقشة الخلافات لاحقاً وحلها قبل بث الحفل، وذلك تقديراً منه كما ذكر لكل هذه المجهودات التي بذلت من أجله ووفاءً لأهل الوفاء. وعليه فقد حضر وفد قناة (النيل الأزرق) وعند حضورهم لـ(البحرين) تم تأكيد ما اتفق عليه. مرت ليلة العود في اليوم الأول بسلام وازدادت تألقاً بمصاحبة فرقة موسيقية رائعة من حوالي عشرين عازفاً، وقد أمها الكثير من الجمهور البحريني والعربي والسوداني وكان على رأس الحضور الشيخة "مي آل خليفة" وزيرة الثقافة البحرينية. في صبيحة اليوم الثاني، وهو يوم حفل التكريم الجماهيري، قدمت لجنة النادي السوداني مبلغاً رمزياً لكل عازف عبارة عن (200) دولار، وفي نفس الوقت تسلم "محمد الأمين" مبلغ (15) ألف دولار، غير ما قررت اللجنة تقديمه له، كتكريم آخر غير المتفق عليه قبل الحفل، وغير تغطية نفقات علاجه واستضافته بعد قضاء المهمة الرسمية ولمدة خمسة أيام بفندق (الريجنسي) أحد أفخم الفنادق بـ(البحرين). عندما علم "محمد الأمين" بأن العازفين تلقوا هذه الإكرامية لم يرضه ذلك واتصل بإدارة النادي مقرراً إلغاء الحفل.. فهل استكثر هذا المبلغ الضئيل عليهم؟ وهنا بدأت حملة (التحنيس) من كل الجهات وعلى أعلى المستويات، وأبلغوه أن هناك مبلغاً آخر كان سيقدم له، وعندما ذهب إليه ممثل النادي وقدم له مبلغ ألف دولار إضافي قال لمندوب النادي دع العازفين يأتون بفنان آخر لكم، وخذ هذا الظرف واذهب.. فترك ممثل النادي الظرف له، وقال بأنه مكلف باعطائه المبلغ وليس الرجوع به. وتواصلت (التحانيس) ومحاولات إقناعه بإقامة الحفل، وأن مبلغاً آخر إضافي سيقدم له قبل الحفل بالمسرح لكن ظل "محمد الأمين" رافضاً الحضور للحفل، إلى أن تم جمع مبلغ جديد له مما تسبب في تأخير الحفل ساعتين من الزمن وسط ضجر الحضور والاحراج الكبير للضيوف غير السودانيين وكبار الشخصيات الذين غادر بعضهم مكان الحفل بعد الملل الشديد وطول الإنتظار. الأدهى في الأمر أنه وبعد حضوره للمسرح لم تكن معه ريشة العود ولم يقبل أي ريشة أخرى مما استدعى تأخير الحفل لنصف ساعة أخرى كي يذهب أحدهم للفندق لإحضار الريشة. لم يكتفِ "محمد الأمين" بذلك، ففجأة وبلا مقدمات والفرقة بدأت تعزف مقدمة أولى أغنياته (زاد الشجون) حمل المايكرفون وقال إنه ليس هناك من اتفاق مسبق مع قناة (النيل الأزرق) في موقف محرج أمام الجمهور والضيوف وعلى الملأ، وهو أمر في غاية الغرابة وعدم تقدير الاتفاقيات حتى ولو كانت شفهية.. خاصة وأن وفد (النيل الأزرق) لم يكن طرفاً في المسألة المادية المتعلقة بالعازفين وردة فعله عليها.. حمل فتية (النيل الأزرق) أدواتهم بصمت وعزة نفس وكبرياء وخرجوا متلفحين بتعاطف الجميع معهم وبصمت القاعة حتى مطلع الأسف على هذا الموقف ممن نعتبرهم أصحاب رسالة.. كان من الأولى برجل في قامته أن يخبر المسؤولين بنقضه للاتفاق وليس على الملأ هكذا، ولعل القناة - وهي ليست طرفاً في ما حدث - كانت ستفي بوعدها وتحل معه أي إشكال مادي أو إداري قبل بث الحفل وهو الذي يكرم فيه وفي أول زيارة له لمملكة البحرين ووسط كل هذا الزخم الإعلامي في مهرجان الموسيقى العربية و(المنامة) عاصمة الثقافة وهو لا يعلم أنه الخاسر الأوحد إعلامياً وانسانياً ومادياً. والله لو كنت مسؤولاً عن هذا الحفل لأنزلته من على المسرح وألغيت الحفل لأن من يقوم بمثل هذه الأفعال لا يستحق التكريم ولا يستحق جليل الألقاب التي أطلقت عليه، لأن الفن أفعال إنسانية وحضارية وليس استرزاقاً وجرحاً للمشاعر وأذى للآخرين.. وقد انتظر الحضور بالأيام والليالي والساعات والدقائق والثواني وقدموا لك خلجات قلوبهم محبة وعرفاناً، وتبرعوا لك بمالهم ووقتهم وجهدهم لتظهر بديع أعمالك ثم تأتي في لحظة تحبط بمشاعرهم وتبعثر طيب خواطرهم بين ردهات الأسى والحزن المعتق بالندم على كل خطوة مشوها إليك، وبنفس اللحظة وإحساسها تقدم غناءً عاطفياً تستنطق به الهوى في نفوس متعبة وتائقة للخلاص من رهق الحياة المقيت، وأن تؤدي دون إحساس يذكر أرق الكلمات وأكثرها شجناً مما حدى بالبحرينية التي كانت بقربي أن تقول لي بالحرف الواحد: لم أعرف أن أبكي لإحراجه للناس أم لشجن كلماته؟!! وقد كان يردد في تلك اللحظات: ماهو باين في العيون وين حنهرب منو وين؟ الهوى البعث الليالي العامرة بي زاد الشجون يفتح قلوبنا ديار محبة ديار حياة للعائدين ما بنقاوم وكيف حنقدر وين حنهرب منو وين؟ ما إفتكرت الحظ يساعد عمري ويورد من جديد من بعد فرقتنا ديك مين كان بيفتكرك تعود كنت بحتاج ليك بشدة وانت عني بعيد مافي عيشة بلاك بتبقى مافي نشوى ومافي ريد والهوى الجمبك عرفتو عاطفة ملتهبة وعهود وين حنهرب منو وين؟ إدعينا وقلنا تاني ما حنشتاق في عمرنا وقبل ما تمر ليلة واحدة بي حرارة الشوق غمرنا كم لهينا وقلنا إمكن ندفن الحب في سهرنا الحياة صعبت علينا وبأثر فقدك شعرنا شفت كيف حبك حياتنا؟؟ أنت يالحبك حياتنا كيف بدون حبك نكون؟ شفت كيف حبك بيعمل؟ بشغل الوجدان بيعذب وبرضو بتقول عني خادع وإني بتلاعب وبكذب ليك حق دنياك خالية لا بتشيل هم لابتتعب كنت تتعلم تجامل لو فؤادك مرة جرب إنو ما يدق دقة واحدة إلاّ ويتفجر حنين يفتح قلوبنا ديار محبة ديار حياة للعائدين ما بنقاوم كيف حنقدر وين حنهرب منو وين؟ وأذكر هنا موقفاً قديماً حين كنت طالباً بكلية الطب جامعة الخرطوم عام 1982م وقد كنت المسؤول الثقافي عن أسبوع لإحتفال باليوبيل الفضي لكلية الطب الذي نظمته الرابطة، وكان "محمد الأمين" فنان حفل الختام، ويا سبحان الله ابتدر الحفل بنفس الأغنية (زاد الشجون) وعندما كان يؤدي الأغنية حضر مصور الثقافة والاعلام بكاميرا سينما وهو يوثق لحفل الختام كما وثق لكل فعاليات اليوبيل، فقطع "محمد الأمين" الأغنية ونزل من المسرح وذهب لعربته المازدا 80 رافضاً مواصلة الحفل ورافضاً توثيق إحدى فعاليات اليوبيل حتى ولو لدقائق معدودة ضارباً بتوسلات كبار مسؤولي وأساتذة الجامعة وطلابها عرض الحائط. { مدخل للخروج: أقابلك وكلي حنية.. وأخاف من نظرتك ليا.. وأخاف شوق العمر كلو يفاجئك يوم في عينيا.. ورا البسمات كتمت دموع بكيت من غير تحس بيا..

ديشااااااك...

بروف معز يا حبيب..الله يخضر يراعك وضراعك..

..

.

آآآآآآآآآآآهــ يا مبدعي بلادي..

الواحد حقو يسأل نفسه في الأول:
العمر باقي فيهو كم؟؟
حتى بعديييين يقوم "يقرر" يرتكب ليهو أخطاء بالجسامة دي

..

.

بروف معز

لا حول ولا قوّة إلاّ بالله
نحب محمد الأمين ونحب فنه بل ونعشقه عديل كدا وما بنرضى فيه وفي نفس الوقت ما بنرضى ليه اللوم
لكن الذكره دكتور معز ومن قبل الأخوان بدري و حمد ما يديك فرصة حتى تلقى عذر

لا اكاد اصدق ان ما جاء فى هذه المقالة قد بدر من الاستاذ الموسيقار محمد الامين ..
حد يجى يكذب ...او يبرر ..

او ينادى ود الامين ذاتو .. ما قادرين نصدق ..!!

هذا التشهير بمحمد الأمين بهذه الكيفية من معز عمر بخيت في مقاله وهذا البوست أيضاً لا يليق. محمد الأمين قامة فنية كبيرة ومن المؤكد أن له حججه في كل ما جرى. فلو أن كاتب المقال أوضح وجهة نظره من جانب واحد فما حجة صاحب البوست؟ هل سأ ل محمد الأمين؟ وما حكاية الدولارات والمسائل المالية؟ دفعنا له وسلمناه وسلمه مندوب النادي ! والحديث عنها هكذا بالمكشوف. هل هذا يليق؟ وهل سأ ل أحد العازفين؟ هل هذا رأيهم؟ محمد الأمين في إحدى أغنياته وبكلمات اسحق الحلنقي يقول
( بيقولوا الغائب عذرو معاه .. وفي غيابك يا ما نشيل اللوم).
ليس لدي هاتف مباشر مع الفنان محمد الأمين لكن سأبحث عنه هاتف وآتيكم بوجهة نظر الفنان في كل ما جرى. واتمنى أن أجد صوت ورأي بعض العازفين أيضاً ووجهة نظر أخرى من بورداب البحرين.

____________________
يا محمود يا عزيزي أصلحت ما بدا لي من أخطاء الطباعة وأضفت اسم محمد الأمين.

الأخ الأكبر الدكتور بشرى الفاضل...

أرجو أن تكون بخير..

آخر مرة قابلتك كانت في حفلة عركي وأخذتك "هزينا وبشرنا" فوق عركي..

عركي الجميل.."طبع" قبلته الحنييييييييييينة ديك على عنقك..

وهمست أنا في أذنك ما همست..

نرجع لموضوعنا:

Quote: هذا التشهير بمحمد الامين بهذه الكيفية من معز عمر بخيت في مقاله وهذا البوست أيضاً لا يليق.

التشهير؟؟

غايتو "بالحتة الفيها الحديدة" دي تعبير ساي..لكن ما لا "يليق" فعلاً يا دكتور هو استخدام كلمة "تشهير" هنا...

لو سألتني لماذا؟؟ أقول ليك: التشهير بشخص "داسيها"...وأبو اللمين حسب تواتر الروايات ما كان "داسيها" ولا حاجة..

عملها ظاااااااااااهرة...برغم ما أغدقه عليه القائمون على تنظيم تلك الفعالية... بعدين عملها "لايف" ومن على خشبة المسرح

والخلوق دي كلها والدنيا والعالمين شهود....وبعد دا كله تجي تقول لي تشهير؟؟ والله كان تشهير ما عارف..

أما "يليق" دي نخليها شوية..بعد نتفق في حتة تشهير دي.. أوكي؟؟

Quote: محمد الأمين قامة فنية كبيرة ومن المؤكد أن له حججه في كل ما جرى. فلو ان كاتب المقال أوضح وجهة نظره من جانب واحد فما حجة صاحب البوست؟

من غير حجة... لم أشأ متابعة البوستات المشابهة كلها وذات الصلة والمجاورة..شأني في ذلك شأن كل المحبين لفن وعبقرية أبو اللمين...

لكن ..ولما كان البروف بالنسبة لي على الأقل ..أهل للثقة إن لم يكن أحد مصادرها..

ولما كان الأمر قد انتقل إلى صفحات يطالعها جميع الناس

في الحافلات والبصات السياحية ودواوين المصالح الحكومية بما فيها وزارة الثقافة والموظفين والمعاشيين وكاااااااااااااااااافة الناس..

لا وشنو..بيدفعوا قروش كمان عشان يقرأو الجرايد...

فقلنا ندفقها ليهم هنا "نقلاً عن"...و"بجان" ساااااااااي..

..

Quote: هل سال محمد الامين؟

لا لا والله...أكضب عاد؟؟

أمنح نفسي حق "النقل" والنقاش..وبالكتير خالص الاستنكار ثم الحسرة..

ولكني لن أمنحها "إن طارت" حق سؤال الأستاذ أصحيح فعلت كذا وكذا وكذا...عيب ياخ..


......

Quote: ليس لدي هاتف مباشر مع الفنان محمد الامين لكن سابحث عنه وآتيكم بوجهة نظره في كل ما جرى واتمنى أن أجد صوت ورأي بعض العازفين أيضاً ووجهة نظر أخرى من بورداب البحرين.

ننتظرك على أحر من الجمر يا دكتور...وإن شاء الله ربنا يكضب الشينة...

لأنها فعلاً شينة شديد والله..

ما لم يثبت العكس..


هذا مع أكيد تقديري ومحبتي لك

..

.

على محمد الخير..تحياتي..

Quote: حد يجى يكذب ...او يبرر .. او ينادى ود الامين ذاتو .. ما قادرين نصدق ..!!

وننادي معك...

شخصياً مرحلة الـ"دينايال" أو "الإنكار" دي غادرتها قبييييييييييل...

لأنه القصة زي سمعتها وقرأتها من مصادر متعددة..

ومع ذلك "أنتظر" ما "يساعدني" على بلع الحدوتة الصعبة دي..

..

.

Quote: لا حول ولا قوّة إلاّ بالله نحب محمد الأمين ونحب فنه بل ونعشقه عديل كدا وما بنرضى فيه وفي نفس الوقت ما بنرضى ليه اللوم لكن الذكره دكتور معز ومن قبل الأخوان بدري و حمد ما يديك فرصة حتى تلقى عذر

علي مسئوليتي الشخصية يا ود البشري
حب محمد الأمين وحب فنه وأعشقه وقف
حيثما أنت من عدم رضاك لومه...

فما كتبه البروف معز ومع كامل تقديرنا له...فيه تحامل واضح علي ود الامين
فحتي ريشة أبواللمين لم تسلم من النقد...(حينما أشار إلي أنه لن يصعد
المسرح الا لما يجيبوا ليه ريشته من الفندق؟) وشاهدناه وسمعناه غني
بدون ريشته...(وسجلناه كمان)

يشهد الله أنا لي مدة بفتش عن موقع أرفع فيه جانبامن الحفل
لأثبت عكس ما أشار اليه الاخوة بدري وحمد والبروف...دون أن
أتحدث أو أكتب شيئا...وتكون تلك الصور والفيديوهات هي
وجهة نظري المناوئة لسلخ بدري والبروف لأبي الامين...

هناك قطعا أخطاء في الحفل لا ينكرها الا مكابر ولكن لا يتحملها
محمد الامين وحده...وقد إعتذر عنها الاستاذ عبدالله عباس نيابة عن
اللجنة المنظمة في بوست بدري...

محمد الامين في هذا الحفل أثبت أنه مغني محترف وقد جاملنا
كثيرا حينما غني بجهاز صوت رديء...ولو كان فعلا كما وصفوه
لما غني أصلا....فأجهزة الصوت والمسئولون عنها ليس بينهم
محمد الأمين...

قل من مبدعي السودان من يتصرف بتواضع و السبب التضخيم و التاليه ...

احب فن و ابداع ود اللمين لدرجة الجنون ... لكن ما قام به في هذا الحفل حسب ما ورد من بعض الحضور و في حفل اخر عندما رفض التقاط صور له مع بعض المعجبين بطريقة فظة ادوني صورة كاملة عن ابو اللمين الانسان .... كنت اتمنى ابو اللمين الانسان هو ابو اللمين الفنان لكن للاسف خاب املي

الفاروق المخضرم العائد من بعيد....

حبابك والله..

Quote: كنت اتمنى ابو اللمين الانسان هو ابو اللمين الفنان لكن للاسف خاب املي

بل دونك قول الشاعر:

وما أنا بالمصدق فيك قولاً ....ولكني شقيت بحسن ظني...

جايز يطلع "بريء" حسب توقعات د. بشرى الفاضل..

..

.

الأخ الفنان الجميل نزار حسين..ياخ مشتاقين والله..

Quote: يشهد الله أنا لي مدة بفتش عن موقع أرفع فيه جانبامن الحفل لأثبت عكس ما أشار اليه الاخوة بدري وحمد والبروف...دون أن أتحدث أو أكتب شيئا...وتكون تلك الصور والفيديوهات هي وجهة نظري المناوئة لسلخ بدري والبروف لأبي الامين...

لا أقدح في مصداقيتك..ولا أضاهيها بمصداقية أي من الثقاة..

ولكني لم أستغرب رؤيتك بعيون "الفنان" العايز "يلطش" ليهو تكنيك من أصابع محمد اللمين..

وما "خساك" بمنظومة الأخطاء والحاجات المستفزة التي أخرجت من شخص زي بروف معز كل هذه الزفرات الحرى...سنة يا الانتباهة؟؟

كدي "ألحقنا" بالمواد العندك..

وليك علينا...نستمتع بيها زي الما حاصلة حاجة..

وأبو اللمين دا من يومو كبير...لكن مو كبير آآجنا على السلخ إن بقى سوى في الناس جنس الكلام الـــ"سمعناهو" دا...

كن بخير يا زول يا رائع..

..

Quote: لكن الذكره دكتور معز ومن قبل الأخوان بدري و حمد ما يديك فرصة حتى تلقى عذر

والقول ما قلت يا ود البشرى...

شكراً لك..

.

شكراً خضر... والبروف صحي "ميّز ضربو بالحيل"..

..

.

Quote: شكراً خضر... والبروف صحي "ميّز ضربو بالحيل".. ..

تحياتى يامحمود يافنان

انت بقيت مابتجى ليه؟

خضر يا فنان...

Quote: انت بقيت مابتجى ليه؟

أجي ؟؟ أجي وين؟؟ أجي يااااااااااااخواني؟؟

لكن بعد دا كله ممكن أجي في أي لحظة...أنا ما مضمون تصدق؟؟

تحياتي..وفي ناس كدا إنت عامل ليهم نفسيات عديل...الله بيسألك ياخ..

..

.

سلامات محمود وضيوفه
لا تحكموا من زاوية واحدة
ما حتوضح الصورة حتى نسمع دفاع الأستاذ محمد الأمين

مرحباً العزيز أشرف الحلبي...

Quote: لا تحكموا من زاوية واحدة ما حتوضح الصورة حتى نسمع دفاع الأستاذ محمد الأمين

معاك حق....ونحن أصلاً ما مستعجلين زاتو على قول قريب ناس فايز ود القاضي داك...

قالوا ليهو التدخين دا عبارة عن موت بطيء...

قال ليهم أنا ما مستعجل زاتو..البطيء أحسن..

..

المقال "ملفوح" من هنا:

المصدر: http://almeghar.com/permalink/5934.html

..

.

سلامٌ ومحبة

Quote: "ملفوح"

المحمود
ويلفح

كبيرة والله
ما هقيتا منك
أ جنى...



وربك يكضب الشينة


تحياتي واحترامي

الحبيب بلة..التحايا والأشواق..

Quote: وربك يكضب الشينة

آمييييييييييين...

لكن عاين هنا......

عبارة "لفح" دي في باطنها "إخلاء طرف"..

البوست دا لسسسسسسسسسه في بدايتو...

وممكن يتفخخ في أي لحظة..

وممكن يتخورن زاتو...ما كتير على الله..


إتا آآجنا أخاف ماك فالح؟؟

خليك تفتيحة يااااااااااااخ...

..

..

تحياتي الحارة للأخ محمود ولضيوفه الكرام

وأدرج لكم المقال الثاني والذي نشر اليوم بالمجهر السياسي.

مع احترامي ومحبتي للجميع

عكس الريح

أ. د. معز عمر بخيت
[email protected]

كنت تتعلم تجامل لو فؤادك مرة جرب يا (ود اللمين) (2)

محمد الأمين فنان عظيم وموسيقار لا يشق له غبار، وهو أحد رموز الفن والإبداع في بلادي وفي كل أرجاء المعمورة - إن جاز لي القول - وهذا أمر لا يشكك فيه إلا ذو حس منقوص. محمد الأمين كان مطرب حفل زواجي وأنا أعشق أغنياته وموسيقاه ولعل هذا كان مصدر لوعتي في ما سقته من أحداث حفل البحرين في مقالي السابق ولعله أيضاً كان الدافع من وراء كتابتي ونقدي لما عايشته حيث أعياني ما وجدته من تناقض بين بديع أعماله وبين ما أتى به.
أنا لم أقصد بالتأكيد أن أشوش عليه أو أن أوجه له أي إساءة من قريب أو من بعيد ومعاذ الله فللرجل عندي محبة واحترام كبيرين لكن توالي الوقائع التي سردتها جعلتني مصدوماً حتى الآن في خلق المعادلة بين محمد الأمين الموسيقار المدهش وما صار في حق عازفيه وحق طاقم قناة النيل الأزرق.
لقد تعددت ردود الفعل على المقال بصورة أسعدتني وأحزنتني في نفس الوقت. فلقد أسعدني أن أكتب حرفاً ويكون له كل هذا الأثر الذي يؤكد بأن للكلمة مفعول سحري في نفوس القراء متى ما عرفت كيف تخاطبهم، وأن لصاحب الكلمة المسئولية والأمانة في حمل رسالته دون المساس بقيم أساسية معنوية وإنسانية وحضارية. أسعدتني كذلك لأنها أكدت لي أن لا كبير على النقد وليس من هو معصوم من الخطأ وأن تقبلنا للنقد هو جزء من فعل العطاء الوجداني لنمضي للأروع وهو جزء من التواضع المحبب.

أما ما أحزنني فهو أن البعض لم يستوعب بشكل صحيح البعد الأعمق من المقال فصاحبت ردود الأفعال بعض المهاترات خاصة من شخصيات مرمموقة في وجهة نظري مما استدعى أن أطلب منهم إعادة قراءة المقال بمؤشرات حاولت تبيانها من خلال تواصلي معهم، كما لجأ بعض قاصري النظر لمسائل شخصية لا تتعلق بموضوع المقال لكنه على كل حال أمر متوقع في مجتمع به الصالح كما به الطالح. البعض اعترض على ذكر المقابل المادي وعلى ذكر الأرقام، وآخرون حكوا قصصاً مماثلة لمطربين كبار، وبعض آخر عد أن الجشع صار ديدن الكثيرين وطالبني بنقد بني مهنتي من الأطباء أولاً. وهناك العشرات إن لم تكن المئات من الرسائل والمداخلات وردتني في شأن المقال وقد اخترت ثلاثة رسائل توضح هذا التباين في ردود الأفعال.
الرسالة الأولى من القاريء العزيز (محمد أبوزيد) وقد ارتبط موضوع رسالته بمهنة إنسانية عظيمة وهي مهنة الطب في ما يختص بالمسائل المادية. الرسالة الثانية من ابن الفنان الضخم ابراهيم الكاشف عليه رحمة الله وهو الأخ الحبيب (وحيد إبراهيم الكاشف) وهي تروي موقفاً عظيماً لفناننا العظيم الكاشف. أما الرسالة الأخيرة فهي من الأخ الحبيب (سعيد إدريس) الأمين العام للنادي السوداني بالبحرين وهي توضح الحقائق المتعلقة بما أوردته في مقالي السابق خاصة موقف الفنان محمد الأمين من قناة النيل الأزرق وقد أدرجها بمنتديات (عكس الريح) بموقعي على الأنترنت.

ألرسالة الأولى:
الاخ المعز، تحية طيبة وسلاما
طالعت ماسطرته عن (ود اللمين) ولعله لا يختلف كثيرا عن مانشهده بين قبيلة الاطباء !! وربما لن يرضيك هذا القول ولكنها الحقيقة عارية هنا . ولئن كان موقفه جارحا للمشاعر فماذا تسمى موقف من يخيرون المرضى عمليا بين الحياة والموت؟ أى إما التكاليف الان (كاش داون) والا فلا علاج ولا حتى مقابلة ! وقد تعرضت شخصيا لموقف كهذا مع شقيقتى التى كانت تتردد على طبيبة ، وابنتها الطبيبة ايضا فى ذات العيادة ، ولم يكن خطائى اذ رفعت المذكورة فجأة الكشف من مائة ألف الى مائة وخمسين ألفا بين زيارتينا ودون مقدمات ! ولم تقبل اعتذارا او (رهنا) حتى نأتى بباقى المبلغ فى صبيحة الغد ، فاضطررنا للاتصال بشقيق فى اقاصى شرق النيل ليأتى بالمبلغ فى اخر الليل !!. وإذا تقبلنا هذا الأمر من المغنيين لاعتبارات كثيرة أهمها أنهم لم يكلفوا مجتمعهم شيئاً نظير غنائهم فماذا نقول في من دفع المجتمع لتأهيلهم الكثير ولسنوات طوال ؟؟!! ولئن كنت ترى ان من (يتغنى) بالحب متكسبا يتعين عليه ان يتمثل رقته اولا ، فماذا انت قائل لمن نحسبهم بين صناع الحياة ؟؟؟ ولك سلام واطيب الامنيات.. (محمد أبوزيد).

الرسالة الثانية:
الاخ الفاضل د. معز
لقد قرأت مقالك عن الفنان محمد الامين ولقد اراحنى المقال كثيرا لاننى كنت ممن تكبد عناء الحضور من الخبر وحزنت لما حدث. دعنى اطلعك على ما كتبه الوالد رحمه الله عن نفسه فى بعض الاوراق قراتها له وانا ضغير وقصة رواها اخى الاكبر لكى تقارن بين الحدثين.
كان الوالد يسجل الاغنية فى الاذاعة باجر 150 قرش كان يستلم المبلغ ويذهب للعازفيين ويفرق عليهم المبلغ بالتساوى كان الوالد نجارا ولم يصرف علينا جنيه واحد من الفن.
يحكى اخى الاكبر بان الوالد كان فى رحلة لاحد المدن لا اذكرها وفى اثناء نومه فى الفندق سمع صوت موسيقى من مسافة بعيدة فقال لاخى "العازفين ديل ممتازين ياللا نشوفهم" حرج الوالد واخى مشيا مسافة حتى وصلو الزواج واخذ المايكرفون وغنا للعريس مجانا بسبب اعجابه بالغازفين.. (وحيد إبراهيم الكاشف).

الرسالة الثالثة:
سأحاول سرد الموضوع منذ البداية بايجاز حتى يعرف الجميع ما حدث و يفهم الموضوع بصورة صحيحة:
(1) بعثة قناة النيل الأزرق في الأصل حضرت بموجب جدولة مسبقة مع السفارة السودانية و النادي لتغطية أنشطة الجالية بمملكة البحرين و غير مرتبطة بحفل الأستاذ/ محمد الأمين و كان من المفترض حضورهم قبل الأستاذ بنحو ثلاثة أسابيع.
(2) لفائدة برامج النادي و الجالية تم الإتفاق مع القناة على تأخير البعثة لتتزامن مع مجيء الأستاذ/محمد الأمين و حينها ذكر لنا الأستاذ/ حسن فضل المولى ضرورة الإتفاق مع الفنان لتصوير الحفل على أن يقوموا هم بالإتفاق معه على حقوقه في البث بعد العودة إلى السودان مع التأكيد على أنهم لن يبثوا الحفلة إلا بعد الإتفاق معه.
(3) يوم وصول الأستاذ/ محمد الأمين قامت لجنة ثلاثية برئاسة شخصية رفيعة المستوى وبتكليف من اللجنة المنظمة بزيارة الأستاذ في مقر إقامته في أحد الفنادق الفخمة بمدينة المنامة و بعد حمد الله على سلامته شرحوا له ترحيب الجالية السودانية بمجيئه ورغبتها في توثيق هذا الحدث بصورة تليق مع قامته كأحد عمالقة الفن في السودان و ذلك بتسجيل الحفل و بثه فيما بعد على قناة النيل الأزرق أيام عيد الأضحى المبارك و أن الإتفاق الخاص بحقوقه سيتم بينه و بين القناة مباشرة بعد عودته للخرطوم و طلب منه رئيس الوفد بصورة مباشرة موافقته على قيام بعثة قناة النيل الأزرق بتسجيل الحفل فوافق على تسجيلها و قال ما يعني " أوكي موافق على إنهم يسجلوا الحفلة يوم الخميس و بعدين نشوف معاهم الباقي في الخرطوم".
(4) يناء على هذه الموافقة قمنا بالتأكيد على الرعاة بتسجيل الحفل بما يعني الإعلان لهم حسب الإتفاق السابق و نقلنا ذلك إلى طاقم النيل الأزرق و علم كل افراد الجالية بذلك ، و قمنا أيضاً بإستئجار كاميرا إضافية بمبلغ (1,500 ريال) إذ أن بعثة النيل الأزرق حضرت بكاميرا واحدة فقط.
(5) حتى لحظة صعوده المسرح لم يعترض الأستاذ على فكرة التصوير مطلقاً و كان طاقم التلفزيون كل في موقعه في إنتظار ضربة البداية ... و تفاجأ الجميع بعد ذلك بقرار الأستاذ بمنع التصوير.
(6) ما زالت ترد إلينا تعابير الإستياء من منع التصوير و الكل يسأل هنا ما الذي كان سيخسره الأستاذ لو أوفى بوعده للجنة و ترك طاقم النيل الأزرق يصور الحفل؟ و يقولون أيضاً لو تم التصوير و لم تبث الحفلة كنا سنرمي باللوم على القناة لعدم توصلها لإتفاق يرضي الفنان. و لكن يبدو أن الأستاذ فضل أن تكون كل الأمور واضحة منذ البداية ليتحمل هو شخصياً و بكل أسف كل الملامة لوحده و منح البراءة الكاملة لقناة النيل الأزرق و جنرالها.
سعيد إدريس محمد
الأمين العام للنادي السوداني
المنامة - مملكة البحـرين

مدخل للخروج:
لا لا ما بنقبل نسيبك تمشي للوحدة وتعاني.. برضو ما بنقدر نقاوم شوقنا من بعدك ثواني.. وما بنغني وراك كلمة وما بنشوف البهجة تاني..

عاوزين قاموس
يشرح لدكتور بشرى كلمات مثل
داسيها
عملها ظاهرة
والحتة الفيها الحديدة
.
.
...
النبي دا كلام تخاطب بيهو صاحب المرأة التي طارت عصافيرها

____
لم أت لحوار بالقطع

قصه شبيهه بما حدث فى البحرين حدثت معنا فى الدوحه عندما كان أيضا
الفنان محمد الأمين مدعوا لأسبوع السودان إبان كانت الدوحه عاصمه
للثقافه العربيه 2010 .
فقد تم الإتفاق معه غلى إحياء حفل خاص بعد إنتهاء فترة دعوته الرسميه
وبالفعل قام مشكورا الأخ لؤئ عازف الكمان القدير بفرقته بإتمام عملية الإتفاق
والتى كان أسهل منها عمل إنقلاب عسكرى على حكومة المؤتمر الوطنى !
فقد كانت مفاوضات شاقه وربما كانت مفاوضات نيفاشا وأديس أرحم منها .
لكنى والأخ عمر سعد كنا صبورين غاية الصبر وتحملنا كثيرا من الإستفزاز
والمهانه فى سبيل أن نصنع أمسيه من الطرب الجميل للجاليه فى الدوحه .
وكان لوقوف العازفين فى صفنا أيضا دافع لنا لتحمل كل الأذى والعنت الذى
وجدناه من الأستاذ ,
بالتأكيد الأستاذ محمد الأمين فنان كبير وناجح ولكنه راسب بجداره فى
موضوع الفلوس .

العزيز كمال سالم...

حبابك..

Quote: قصه شبيهه بما حدث فى البحرين حدثت معنا فى الدوحه عندما كان أيضا الفنان محمد الأمين مدعوا لأسبوع السودان إبان كانت الدوحه عاصمه للثقافه العربيه 2010 . فقد تم الإتفاق معه غلى إحياء حفل خاص بعد إنتهاء فترة دعوته الرسميه وبالفعل قام مشكورا الأخ لؤئ عازف الكمان القدير بفرقته بإتمام عملية الإتفاق والتى كان أسهل منها عمل إنقلاب عسكرى على حكومة المؤتمر الوطنى ! فقد كانت مفاوضات شاقه وربما كانت مفاوضات نيفاشا وأديس أرحم منها . لكنى والأخ عمر سعد كنا صبورين غاية الصبر وتحملنا كثيرا من الإستفزاز والمهانه فى سبيل أن نصنع أمسيه من الطرب الجميل للجاليه فى الدوحه . وكان لوقوف العازفين فى صفنا أيضا دافع لنا لتحمل كل الأذى والعنت الذى وجدناه من الأستاذ , بالتأكيد الأستاذ محمد الأمين فنان كبير وناجح ولكنه راسب بجداره فى موضوع الفلوس .

قلبي على لؤي ذلك الفنان الرقيق وزملائه المهرة..

لكن الأستاذ صعب شديد والله...

وهو في النهاية "أستاذ" لا جدال البتة في الحتة دي..

..

إلى متى تظل ثقافة "مدير الأعمال" غائبة حتى عند

كبار مبدعينا... بغض النظر عن "وهمات" جماعة ناذر ديلاك...


شكراً ليك يا كمال ياخي..

..

.

حولت البنت لمرأة .. فتأمل!

العزيز حسين ملاسي..

Quote: حولت البنت لمرأة .. فتأمل!

أها قول "أتأملتا"..

وبعدين معاك في "الفسالة" دي...

معقولة حالف ما تزيدنا فوق الأربعة كلمات ديل؟؟

بحبحها شوية ياخ..إن شاء الله على سبيل السلام والمجاملة..

يسعد أيامك ياخ..

..

.

سلامات د. معز وكيف أخبارك؟؟

شكرا معز جبيبنا وأتفهم جدا وجهة نظرك وأثق فيك كما تعلم
ولكن:.......

أبو اللمين شخصية بالقطع غير عادية و من المفروض أن تكون ملكاللشعب السوداني ....وهو من المفروض أن يراعي هذه المكانة المتميزة داخل قلوب الناس....,لكن

ربما هناك مالانعلم بين أبو اللمين و قناة النيل الازرق و الذي أدي إلي هذا الموقف

..ربما هناك بقية حقوق...أو بقية إتفاقات لم تنفذأو أو أو

الفنان كما نعلم لديه إلتزامات ....وتصرفه حاد بعض الشيئ...

ولكن نحن نعلم أيضا أن للعباقرة تصرفات قد تكون غريبة...


وأبو اللمين عبقري لايوجد خلاف علي ذلك....

وبما أن الحقيقة لا زالت ناقصة

نعشم في عرض الدكتور بشري الفاضل أن يكمل الحلقة المفقودة من صاحب الموضوع...

وإلي ذلك الحين......لن نسبق الحوادث

فما قدمه حبيبنا.....من قبل...ومازال...وماسيقدمه ...بالتأكيد سيشفع له


تحياتي يا عزنا.....وطولنا منك

Quote: Óحولت البنت لمرأة .. فتأمل!

كل الاسف للدكتور في غلطة تحويل البنت لمرأة

التحيه ليك محمود مصطفي

في البدايه اقول ، ودالامين فنان يحترم نفسه وفنه

لا اقدح في مصداقيه كاتب المقال و المشاركين
ولكن تبقي للحقيقه اوجه مختلفه.
اعطاء كل عازف مبلغ 200 دولار يزيد الشكوك في الموضوع ككل. هنا تظهر المشكله ، عدم الايفاء بمبلغ الحفل كاملا للاستاذ ود الامين، ومحاوله ترضيه العازفين لقيام الحفل.

لذلك اقول كما قال ناصر

Quote: سلامات محمود وضيوفه لا تحكموا من زاوية واحدة ما حتوضح الصورة حتى نسمع دفاع الأستاذ محمد الأمين

وشكرا

العزيز محمد هاشم أبو زيد..

قلت لا "تقدح"؟؟؟

Quote: اعطاء كل عازف مبلغ 200 دولار يزيد الشكوك في الموضوع ككل. هنا تظهر المشكله ، عدم الايفاء بمبلغ الحفل كاملا للاستاذ ود الامين، ومحاوله ترضيه العازفين لقيام الحفل.

قدح أكتر من كدا إلا "القدح المعلى"...

منتظرين النجيضة..

تحياتي..

..

شكرا أبو حتوت.......والله فعلا معاك حق

الدكتور ياسر عبد القادر...

لعلمك ومن موقع قريب جداً وتجارب سابقة...أقول ليك وبالفم المليان:

هذا الرجل لا يسئ إلا إلى اللذين يحترمونه ويقدرون إبداعاته وجليل أعماله....
والمسألة لا فيها حقوق ولا واجبات ولا يحزنون المسألة هي إنه الزول ده هو كده وبس...
ويقبل بذلك على علاته....كبني آدم في مسألة المادة دي (الفلوس) صعب جداً جداً...

أما أنه كمبدع فلا جدال حول ذلك........

وعليكم بالتمييز ومن ثم الإختيار....

فقط إحترموا تاريخ الرجل...
ـــــــــــــــــــــــــــــــ
التعديل لإضافة ألف إبداعاته

شكرا بشرى الفاضل
فقد عبرت عني تماما

أبواللمين بيكون بيعرف عمايل ناس القنوات ديل مع المبدعين كويييس!
يعني أبوالقدح بيعرف يعضي أخو وين
بعدين يا ربي حسن فضل المولى دا بتكون إيدو بيضا
خاصة مع المبدعين؟
عموما أنا متكيف من الباشكاتب, و قناة النيل الأزرق تستاهل
أداها في التنك
أما الجمهور في البحرين و ضيوفهم من الخارج
فأرجو منهم أن يسامحوا الأستاذ, فأبواللمين أثرى وجدانا كلنا
و جمايله علينا أكبر بكتير من (قطاماته)
و ربما كانت غضبة لسبب أو أسباب نجهلها
أما حق العازفين, فلماذا لم يترك للأستاذ أمر معالجته معهم
أشعر بأن المسألة ليست رفضا أو إستكثارا
ربما تعلق الأمر بأوتوكيتات بيعرفوها هم فيما بينهم,
أبواللمين يحب شعبه مافي شك
لكن بلدنا ديك تعقيداتها كتيرة!

العزيز المعز إدريس..

حبابك..

Quote: و ربما كانت غضبة لسبب أو أسباب نجهلها أما حق العازفين, فلماذا لم يترك للأستاذ أمر معالجته معهم أشعر بأن المسألة ليست رفضا أو إستكثارا ربما تعلق الأمر بأوتوكيتات بيعرفوها هم فيما بينهم,

جايز..

شكراً على الصورة المعبرة..

الصورة دي وحدها "تحرج" فكرة الحتة الفيها الحديدة أيما إحراج..

..

Quote: حولت البنت لمرأة .. فتأمل!

لمن أتكتبت الحكاية الزولة كانت بنت و الآن ممكن تكون بقت مرأة.. ياخ عالم ساكة الفارغه بس .....

-------------------------------------------------------------------------------------------------------------------------------------------------------------

خلينا فى موضوع البوست:

بى أمانة مسألة تصوير الحفل و من ثم الذهاب للخرطوم لأجل الأتفاق، فكرة فاقدة للمهنية و تلائم (حكاية المواسير المالية البلد)..

فى مليون طريقة لعمل العقد و التفاوض حول تفاصيل التصوير. أعنى تفويض أحد أفراد بعثة التصوير، التلفون، الإسكايب، الفاكس... و غيرها

القناة موغلة فى السبهللية. و مهنية الأستاذ لا تسمح بالنزول لهذه الدرجة المتواضعة..

بعدين أنتوا التصوير ده مافيه جوانب فنية كثيرة و تفاصيل يجب الأتفاق عليها..

أعتقد أنوا القناة لم تحترم الأستاذ و تعاملت مع الموضوع بصورة أقل ما يقال عنها (متخلفة)..

من هنا أدعوا لوقف هذه البوستات ذات الغرض (الغرض مرض). وافر احترامى لمحمد الأمين و معجبيه..


تحياتى يا حوته و كلوا إلا الأستاذ، و بنبه لى الناس الداير تظهر على أكتاف الآخرين ( و ليست النخب و غيرها من العوة عنكم ببعيد)...

مودتى للجميع و بلا حدود

Quote: من هنا أدعوا لوقف هذه البوستات ذات الغرض (الغرض مرض). وافر احترامى لمحمد الأمين و معجبيه.. تحياتى يا حوته و كلوا إلا الأستاذ، و بنبه لى الناس الداير تظهر على أكتاف الآخرين ( و ليست النخب و غيرها من العوة عنكم ببعيد)...

مش فاهم حاجة خالص يا أبا ذر..

فضلاً لا أمراً..ممكن توضح لينا؟؟

.

يا محمود ببساطة كدة، عدد غير قليل استغل الموضوع لأجل رغبة فى نفوسهم و تحدثوا بما شاء الله لهم عن أنفسهم و أهليهم... و البوستات كتيرة فى هذا الصدد

Quote: قصه شبيهه بما حدث فى البحرين حدثت معنا فى الدوحه عندما كان أيضا الفنان محمد الأمين مدعوا لأسبوع السودان إبان كانت الدوحه عاصمه للثقافه العربيه 2010 . فقد تم الإتفاق معه غلى إحياء حفل خاص بعد إنتهاء فترة دعوته الرسميه وبالفعل قام مشكورا الأخ لؤئ عازف الكمان القدير بفرقته بإتمام عملية الإتفاق والتى كان أسهل منها عمل إنقلاب عسكرى على حكومة المؤتمر الوطنى ! فقد كانت مفاوضات شاقه وربما كانت مفاوضات نيفاشا وأديس أرحم منها . لكنى والأخ عمر سعد كنا صبورين غاية الصبر وتحملنا كثيرا من الإستفزاز والمهانه فى سبيل أن نصنع أمسيه من الطرب الجميل للجاليه فى الدوحه . وكان لوقوف العازفين فى صفنا أيضا دافع لنا لتحمل كل الأذى والعنت الذى وجدناه من الأستاذ , بالتأكيد الأستاذ محمد الأمين فنان كبير وناجح ولكنه راسب بجداره فى موضوع الفلوس .

حدث فى نفس الحفل أيضا أن توقف الحفل مرتين:

ألأولى كانت بسبب عدم رضا الأستاذ محمد الأمين عن أداء مهندس الصوت وقد تفهمت شخصيا ذلك فالشاب الذى كان يجلس وراء جهاز الساوند فيما
يبدو لم يفرق ما بين أن يكون الفنان موسيقار كبير كالأستاذ محمد الأمين وأى ركشة أخرى لا يفرق معه الموضوع كثيرا وقام أحد الشباب العازفين وهو عازف كمان بإفهام الرجل الطريقة التى يفضلها الإستاذ فى ضبط الصوت ولكن كان التوتر قد أفسد الكثير ونفس هذا العازف ذهب مباشرة لغرفته بعد هيجان مصرانه العصبى وأظنه لم يأتى للحفل مرة أخرى!!!!!

الثانية عندما طلب الأستاذ من الحضور عدم التصوير والتسجيل!!!! وحضر طفل صغير حاملا كاميرا موبايل!!!وبصراحة كان رد الفعل غير مناسب ابدا خاصة أن الموضوع عادى والطفل فوجئ بغضب الأستاذ..

واحد أخونا ولا داع لذكر الأسماء الأستاذ صرف ليهو كاش دون ذنب جناه غير إنو دقس دقسة سغيرونة وليوم الليلة مخلوع
...

الأستاذ محمد الأمين معروف بإنو مزاجو(Fragile )جدا ولا يقبل الأخطاء والخرمجة ويتعامل معها بغلظة أو مبالغة وليس لأحد أن نلومه فى تثبيت حقوقه المادية لأن كثيرا من الحوادث وعمليات نصب كان ضحيتها الفنانين خاصة من وكلاء أو منظمى الحفلات فى الخليج خصوصا..

إحراجه لجالية كاملة وضيوف كرام ومعجبين جاؤوا خصيصا ليمتعوا أنفسهم بحضور حفل مميز إذا حدث فعلا فهو شئ مخجل و محرج ويخصم من رصيد الفنان ولكن حسب ما قيل أن الصالة كانت غير مشرفة وأجهزة الصوت دون المستوى أو الحضور كان كثير الحديث وبصوت عال والتكييف ضعيف والعدد الكبير من الحضور الذين لم يستطيعو أن يحصلوا على كراسيهم التى حجزوها ودفعوا ثمنها كاملا دليل على وجود قصور وسوء فى التنظيم وهنا يصعب لوم الفنان وحده..

عبقرية محمد الأمين وتاريخه يحتم علينا البحث عن أسباب حقيقية أدت لهذا الحرج البالغ!!!!

ياخ إنتو قولو الحمد لله الأستاذ ما صرف ليكم على الهواء مباشرة زى أخوكم المذكور أعلاه دا
...

تحياتى..

الأخ أيمن الطيب..

شكراً لإثرائك البوست ..

خلي الأستاذ يصرف لينا...

هو كريم ..ونحن "نستاهل"..

النجيضة: نحن مااااااااا بنعرف نحافظ على "ثرواتنا"..

..

..

Quote: أيمن الطيّب كتب: ياخ إنتو قولو الحمد لله الأستاذ ما صرف ليكم على الهواء مباشرة زى أخوكم المذكور أعلاه دا

أيمن الطيّب يا حبيب .. أنا فاهم لكن عامل رايح





ـــــــ
بالمُناسبة في فنان شاب برضو مرّات عندو حركات زي دي
والله يجازي الكان السبب

Quote: صبري طه كتب: بالمُناسبة في فنان شاب برضو مرّات عندو حركات زي دي

النبي فيك اسمو منو؟؟

عاد يا صبري بعد أبو اللمين تاني الفضل شنو؟؟

قول ساي...عشان احترام الجمهور مهم خالص

حتى لو كان جمهور الهلال المغلوب على أمره..
..

.

معذرة،،

وجدت ما كتبه د. بشرى الفاضل ونقلته أنا هنا، قد وضعه
د. بشرى بنفسه أسفل البوست.

لم انتبه لأن البوست به صفحة ثانية.

الأخوان أزهري ودكتور ياسر عبد القادر..

حبابكم الاتنين..

Quote: هذا الرجل لا يسئ إلا إلى اللذين يحترمونه ويقدرون إبداعاته وجليل أعماله.... والمسألة لا فيها حقوق ولا واجبات ولا يحزنون المسألة هي إنه الزول ده هو كده وبس... ويقبل بذلك على علاته....كبني آدم في مسألة المادة دي (الفلوس) صعب جداً جداً...

يعني عشان الناس تتفادى الإساءة - مثلاً - تقوم تتحول إلى فئة من "لا" يحترمونه ويقدرون إبداعاته

وجليل أعماله ولا كيف؟؟

Never Too Late

الناس يقولوا ليهو بالواضح أخطأت يا أستاذ..

وإن أصاب يقولوا ليهو أصبت يا أستاذ..

أما إبداعه وعبقريته ولاااا كتر خيرنا نعترف بيها..

وبس..

..

Quote: النبي دا كلام تخاطب بيهو صاحب المرأة التي طارت عصافيرها ____ لم أت لحوار بالقطع

طبعاً عارفين مستويات اللغة ونحسب أنفسنا أقرب (على الأقل جغرافياً) لصاحب

"البنت" التي طارت عصافيرها..مروراً بـ"نفسي في داخلك أعاين"..والطفابيع..

والمقامات محفوظة وكل حاجة...ونحسب أن الدكتور عارفنا نحترمه ونقدره

بل ونسعد به بيننا هنا في جدة الجميلة بوجوده..

________


قلت ليك يا راوية...الزول الما جايي لحوار ظااااهر الزمن دا..

..

.

Quote: تحياتي الحارة للأخ محمود ولضيوفه الكرام

ياااا بروف معز...

ياخوي نحن كلنا هنا ضيوفك..وأنا أكتفي بدور موزع المشروبات

التي ليس بالضرورة أن تشمل "المديدة" الحارة..

حبابك والله..

..

.

سلام يا محمود مصطفى محمود

أنا ما عارف ليه نحنا دائما بنفترض إنو كل الأشياء تمشي بالنية الطيبة وبالمجاملة

محمد الأمين فنان محترف والفن مهنته التي يتكسب منها وهو ملتزم تجاهها

واحدة من أتنين يا نقول ليهو يا محمد الأمين نحن ما عندنا قروش ونطلب انسانيتك عشان تعمل لينا حفلة بلاش وعايزين نصورها وكل الحاجات بلاش ونتحصل على موافقتو المسبقة

أو لما المسألة تبدأ باتفاقيات وحقوق على كل طرف أن يلتزم بما عليه من التزامات وإلا من حق الطرف الثاني الرفض وهو غير ملام ولا يفرق المكان سواء كان الخرطوم او المنامة أو لندن

نقلاً عن منتدى النادي السوداني بالبحرين

روايات بعض الشهود من الحضور:

http://www.sudanclub-bh.com/vb/showthread.php...d15ce64d43c5e&t=2208

Quote: نقلاً عن منتدى النادي السوداني بالبحرين روايات بعض الشهود من الحضور: http://www.sudanclub-bh.com/vb/showthread.php...d43c5e&t=2208[/QUOTE] دكتور معز سلام وكانك تود ان تحشد كل ما من شأنه الاشانة بسمعة ود اللمين وبأول مداخلة في هذا المنتدى وجدت ما يشبه الاساءة للاستاذ ود اللمين

---

Post: #52 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 01:12 PM Parent: #37 حمد يا فنان.. إزيك.. Quote: محمد الأمين فنان محترف والفن مهنته التي يتكسب منها وهو ملتزم تجاهها واحدة من أتنين يا نقول ليهو يا محمد الأمين نحن ما عندنا قروش ونطلب انسانيتك عشان تعمل لينا حفلة بلاش وعايزين نصورها وكل الحاجات بلاش ونتحصل على موافقتو المسبقة كلامك يا حمد وجيه إذا تمت قراءته فقط على خلفية إن المشكلة في عدم دفع الإلتزام المالي للأستاذ..وإنه تم "استكرات" الأستاذ في حقوق التصوير والبث وما يسبقها ويعقبها من ترتيبات ... ما فهمته أنا من مقال البروف وبعض القراءات المتفرقة..إنه الأمور كلها كانت عال العال.. والأستاذ فجأة كدا جاط الدنيا كلها..ولخاها ليهم لخ من لا يخشى اللوم والعتاب.. كن بخير.. ومعاً ضد العجرفة الزائدة... ومعاً من أجل ترسيخ مفهوم المهنية والتخصصية وإرساء ثقافة "مدير الأعمال".. على الأقل يشيل وش القباحة بدل يخلي المبدع "يخلصها" من الركاب ويشتبك معاهم في "الفكة"...هذا كل ما هنالك.. ..

---

Post: #39 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: على محمد الخير Date: 10-17-2012, 08:40 AM Parent: #34 تحياتى للجميع Quote: (2) لفائدة برامج النادي و الجالية تم الإتفاق مع القناة على تأخير البعثة لتتزامن مع مجيء الأستاذ/محمد الأمين و حينها ذكر لنا الأستاذ/ حسن فضل المولى ضرورة الإتفاق مع الفنان لتصوير الحفل على أن يقوموا هم بالإتفاق معه على حقوقه في البث بعد العودة إلى السودان مع التأكيد على أنهم لن يبثوا الحفلة إلا بعد الإتفاق معه. هذه الفقرة التى جاء بها كاتب المقال د. معز غريبة جدا كيف ترضى قناة محترمة لنفسها مثل هذه الاتفاقات الشفهية الفطيرة ؟؟ كيف يتم التصوير اصلا من غير اتفاق على كل التفاصيل بما فيها القيمة المادية ؟؟ وكيف يتم الاتفاق من غير توقيعات من الطرفين ؟؟ وكلنا يعرف شروط التعاقد وما فيها من حفظ حقوق للطرفين .. هنا قبل ان نسوق اللوم على الاستاذ ود الامين كان على القناة ان تنجض شغلها قبل احضار الكاميرات طالما ان كل شى تم شفاهة وها هو الاستاذ يلغى الامر شفاهة حتى وان كان محرجا للقناة.. لوموا انفسكم قبل ان تلوموا غيركم حتى وان اخطأ ود الامين بطريقة رفض التصوير من على خشبة المسرح .. وسؤال اخير ماذا يعنى ان يتم التصوير ثم يتم الاتفاق لاحقا على البث او عدمه؟؟ تخريمة .. كان لنا صديق فنان وكنا كثيرا ما نساله عن عدادات الفنانين ولماذا بعض الفنانين يصرون على ان يقبضوا اجرهم مقدما .. فبين لنا ان الغناء ليس بضاعة تؤخذ ثم يتم استردادها اذا لم تنفع .. هذا الغناء لحظى فاما ان تنال حقه مقدما او لن تناله ابدا لانه ليس من الممكن ان تطالب ممن تغنيت لهم باسترجاع الغناء لك .. فود الامين معه حق فى ان يضمن حقوقه مقدما.. والخطأ هنا تتحمله القناة وطريقتها الفطيرة فى ابرام الاتفاقيات ..

---

Post: #42 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: أيمن الطيب Date: 10-17-2012, 08:55 AM Parent: #39 عزيزى محمود رغم كل شئ لكن الموضوع فى مجمله ولا يتعدى كونه (خرمجة) سودانية أصيلة أوصلت كل الأطراف لهذا الحرج والموقف السخيف!!!! طريقة تنظيم وظروف الحفل ثم تفاصيل الإتفاق مع الأستاذ محمد الأمين ثم طريقته فى التعامل كانت بعض الأسباب,, تحياتى,,

---

Post: #48 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: إسماعيل حسن Date: 10-17-2012, 09:47 AM Parent: #42 محمود سلام عليك وعلى ضيوفك لا اعتقد ان هناك تشهيراً بالموسيقار المبدع ود الامين وانا متيم بغناه للغاية... وبروف معز كتب عن حقيقة وموقف عايشه ومن كشف حال امام جمهور سوداني وبحريني واحتمال جاليات اخري يعني الغتغته لا تنفي انه حصل وفي النهاية الامر كله بيرجع لسبهلليتنا وعدم احترافيتنا (ود الامين وافق شفهياً بان تصور القناة الحفل وبعدين يتفاوضوا على المقابل المادي وناس قناة النيل الازرق اعتبروا الموضوع منتهي وخلاص ) يعني عشوائية من الاستاذ قابلتها عشوائية من ناس القناة ) ولا اجد تعبيرا افضل مما ذكره الاخ ايمن الطيب في الاقتباس : Quote: عزيزى محمود رغم كل شئ لكن الموضوع فى مجمله ولا يتعدى كونه (خرمجة) سودانية أصيلة أوصلت كل الأطراف لهذا الحرج والموقف السخيف!!!! طريقة تنظيم وظروف الحفل ثم تفاصيل الإتفاق مع الأستاذ محمد الأمين ثم طريقته فى التعامل كانت بعض الأسباب,, ,,

---

Post: #49 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: ابو جهينة Date: 10-17-2012, 10:28 AM Parent: #48 الأخ الأستاذ محمود مصطفى والمتداخلون الكرام والله قرأت كل مداخلة هنا وقرأت مداخلة الإخوة بالرابط الذي أتى به عزيزنا د. معز. قرأتها لأن ود الأمين يحتل ركنا مميزا في بيت الفن السوداني ويهمنا أن نتابع كل صغيرة وكبيرة في حدث مثل هذا الحدث الذي أغضب محبيه بالوطن وبالمهجر. كثيرون هم من إستغربوا هذه التصرفات من قامة فنية. بعد قراءة كل هذا الزخم من التعليقات التي أحترمها كلها وأحترم كاتبيها، هناك سؤال حيوي يبرز : هل هناك سبيل لفض الإشتباك بين شخصية الفنان وبين فنه ؟ بمعنى : هل يمكن أن أعشق فن الفنان بينما تكون شخصيته غير محبذة عندي ؟ هل يبقى فن الفنان من جهة وتصرفاته الشخصية من جهة أخرى كقضبان السكة حديد لا يلتقيان عند عشاق فنه ؟ أم أنهما ( فنه وشخصيته ) قطبين يولِّدان جملة موسيقية وبطاقة شخصية في آن واحد ؟

---

Post: #56 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 01:35 PM Parent: #49 أوووووووووهـــ.... أمانة عاد البوست لما يجيب ليهو عُمد..قصتنا بتكون صعبة خالص.. خاصة في ظل طرح العمدة أبو جهينة لتساؤلات من فئة: Quote: هل هناك سبيل لفض الإشتباك بين شخصية الفنان وبين فنه ؟ بمعنى : هل يمكن أن أعشق فن الفنان بينما تكون شخصيته غير محبذة عندي ؟ هل يبقى فن الفنان من جهة وتصرفاته الشخصية من جهة أخرى كقضبان السكة حديد لا يلتقيان عند عشاق فنه ؟ أم أنهما ( فنه وشخصيته ) قطبين يولِّدان جملة موسيقية وبطاقة شخصية في آن واحد ؟ حبابك يا عمدة وحباب ريحة الناس الفاهمة .. معك نتساءل.. فهل من مجيب؟؟ .. .

---

Post: #55 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 01:31 PM Parent: #48 الحبيب إسماعيل حسن.. Quote: لا اعتقد ان هناك تشهيراً بالموسيقار المبدع ود الامين وانا متيم بغناه للغاية... وبروف معز كتب عن حقيقة وموقف عايشه ومن كشف حال امام جمهور سوداني وبحريني واحتمال جاليات اخري يعني الغتغته لا تنفي انه حصل وفي النهاية الامر كله بيرجع لسبهلليتنا وعدم احترافيتنا (ود الامين وافق شفهياً بان تصور القناة الحفل وبعدين يتفاوضوا على المقابل المادي وناس قناة النيل الازرق اعتبروا الموضوع منتهي وخلاص ) يا سيدي .. لا فُض فوك..وصح لسانك.. وباللبناني: يسلم تمك.. خاصة في الحتة بتاعة عدم الاحترافية دي.. .. .

---

Post: #54 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 01:24 PM Parent: #42 الأخ أيمن الطيب..حبابك تاني وتالت.. Quote: رغم كل شئ لكن الموضوع فى مجمله ولا يتعدى كونه (خرمجة) سودانية أصيلة أوصلت كل الأطراف لهذا الحرج والموقف السخيف!!!! طريقة تنظيم وظروف الحفل ثم تفاصيل الإتفاق مع الأستاذ محمد الأمين ثم طريقته فى التعامل كانت بعض الأسباب,, تلخيص معلمين والله... لكن الكلام دا تقولوا لزول ما عندو "حديدة" يا حبيب.. ما يُستفاد من مقال البروف معز والبوست: 1) لا كبير فوق "اللوم" 2) توصيل رسالة للمبدعين مفادها إنه الجمهور حاجة مهمة خالص وجديرة بالإحترام.. 3) الحق حق والفضل فضل.. تسلم يا أمير.. ..

---

Post: #53 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 01:14 PM Parent: #39 العزيز علي محمد الخير... كلامك جميل وأفكارك واضحة ومرتبة والله.. شكراً لإثراء النقاش.. .. .

---

Post: #57 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: nazar hussien Date: 10-17-2012, 02:27 PM Parent: #53 Quote: ما فهمته أنا من مقال البروف وبعض القراءات المتفرقة..إنه الأمور كلها كانت عال العال.. والأستاذ فجأة كدا جاط الدنيا كلها..ولخاها ليهم لخ من لا يخشى اللوم والعتاب.. بإختصار شديد يا محمود...قومة النفس دي كلها عشان محمد الأمين وهو بنقرش وبعد أن حيا الحضور...قال الأخوة في النيل الازرق (معليش ما بينا إتفاق)... طوالي شالوا كاميراتهم وطلعوا...وهم جايين معاه في الطيارة... طيب قناة النيل الأزرق دي قناة خيرية؟؟ مش قناة تجارية تكد إعلانات بالملايين...هل كان يعجزها أن تتفق مع محمد الأمين علي التصوير والبث قبل أن ترسل وفدها...ولها تجارب سابقة مع محمد الأمين...حكاها لنا بنفسه...ومقلبوه فيها قال بالحرف الواحد أتفق معاهم علي التسجيل والبث والاعادة فقط...يقوموا يتلاعبوا في حتة الاعادة دي ويعيدو الحلقة ستمية مرة...بي سبعمية إعلان ولما أسألهم يقولوا لا نحن ما قلنا حا نعيد كم مرة... ما سرده الاخ سعيد عن النادي ومن أنهم وبحضور السفير طلبوا من محمد الامين أن يسمح لقناة النيل الأزرق بالتسجيل ووافق...وناس النيل الأزرق لابدين منتظرين أتفاق اللجنة دي مع محمد الامين للتسجيل....(نظام أها يا جماعة الراجل دا قال ليكم شنو؟؟؟ قال لينا ما في مانع... وذلك عندي منتهي عدم الاحترافية...أما كان الأولي من هذه اللجنة ...ان تكون قناة النيل الازرق هي الطرف المفاوض للتسجيل...لا السفير ولا سعيد...لأن القناة لن تبث هذه الحلقة مجاملة للنادي السوداني وهي ليست قناة خيرية... هناك تناتيش أخري تحرق الروح حا أجيها راجع... ولا زلت أوكد أن محمد الامين فنان محترف يريد أن يحفظ حقوقه ولا ضير في ذلك

---

Post: #59 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Bushra Elfadil Date: 10-17-2012, 03:33 PM Parent: #57 العزيز نزار أميل لما قلت أنت وهو تحليل في نظري صائب .والكلام من جانب واحد مع ذلك لا يكشف عن الحقيقة كلها. محمد الأمين صعب علي الوصول غليه.اليس في هذا المنبر من يعرف معلومة عن نجليه معز وغسان؟ اين هما ربما يتصلان بوالدهما ويرويان لنا حقيقة ما جرى ورؤيته خصوصاًأنه مشغول بفنه وبعيد عن المنابر وربما الصحف.

---

Post: #61 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 07:14 PM Parent: #59 Quote: اليس في هذا المنبر من يعرف معلومة عن نجليه معز وغسان؟ اين هما ربما يتصلان بوالدهما ويرويان لنا حقيقة ما جرى ورؤيته خصوصاًأنه مشغول بفنه وبعيد عن المنابر وربما الصحف. كلام جميل يا دكتور بشرى..وتساؤل قد يجعل سماع وجهة نظر الأستاذ أمراً متاحاً... شكراً لاهتمامك ووقتك يا دكتور بشرى يا أصيل.. .. .

---

Post: #60 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 06:41 PM Parent: #57 نزار يا صاحب... عارفك رافض فكرة التناول الذي يبدو سلبياً في مظهره لحفل الأستاذ محمد الأمين.. لكن صدقني يا نزار...الأمر لا سلبي لا حاجة...بل صحي وإيجابي إن شئت الدقة.. Quote: هناك تناتيش أخري تحرق الروح حا أجيها راجع... ما تراه أنت مجرد "تناتيش" قد يكون هو الحلقة المفقودة في هذه المرافعة.. وأرجو أن تكسب المرافعة بالأدلة والقرائن التي أثق في أنها لن تصعب على شخص مثلك لا من حيث إيجادها أو الربط بينها أو قراءتها بما يتسق وواقع الحال.. أنا أصلاً ما مستعجل.. لكن بي تحت تحت كدا..عارفك حا تتفق معاي في حتة "مدير الأعمال" دي.. يا نزار ياخ أبو اللمين محتاج مدير أعمال بدرجة "وزير" عديل.. أبو اللمين شوية؟؟؟ .. عليك الله أرجع لينا للتناتيش دي سرييييييييييع... .. محبتي يا فنان.. .

---

Post: #62 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Bushra Elfadil Date: 10-17-2012, 07:34 PM Parent: #60 يا محمود مشكور الشاب إيهاب محمد عبالله الذي لأهله صلة جوار سكن سابقاً مع أسرة محمد الأمين هاتفني متحدثاً باسم رابطة عشاق الموسيقار محمد الامين بالفيس بوك هاتفني من جة بينما كان يتكلم مع محمد الأمين في الجانب الآخر من الخط ومنه نقل لي إن محمد الامين يحيي عضوية ومشاركي سودانيزاون لاين ويفيدهم بما يلي: أولاً فيما يخص قناة النيل الأزرق لم يكن هناك أي اتفاق لنقل حفلتي ابحرين .وله تجربتين في التعامل سابقاً مع هذه القناة الأولى كانت في حفة صالة سبارك سيتي ايام العيد سجلت فيها القناة ثماني اغنيات سجلتها النيل الأزرق دون إتفاق معه وفي بداية الحفل ذكر محمد الأمين انه ليس هناك إتفاق مع القناة لتسجيل الحفل وقد وضعته امام الأمر الواقع لكنه سيغني من اجل جمهوره وغنى. وهذا مسجل في يوتيوب ثانياً سافر محمد الأمين لأديس ابابا لغقامة حفلات في ذكرى وردي فسافر مصور من قناة النيل الازرق وسجل الحفلات هناك وقد ذكر محمد الأمين أنه في الغناء من اجل وردي ( ما بشيل قروش) صوروا الحلقات ومنعهم محمد الأمين من بثها في حفل البحرين فوجيء محمد الأمين بان مندوبي القناة موجودين وقالوا له نسجل وبعدين نتفاهم. فرفض محمد الأمين. بالنسبة لل15 الف دولار كان هذا هو المبلغ الذي دفعته وزارة الثقافة البحرينية للحفلين ومحمد الأمين لم يتكلم أبداً عن اي مبالغ مالية وهو المبلغ الذي استلمه عن الحفلين. بخصوص المائتي دولار التي دفعت للعازفين كل واحد على انفراد اعتراض محمد الأمين كان أنه لايجب دفع القروش بهذه الطريقة المهينة للعازفين بل يجب ان تسلم لرئيس الفرقة الموسيقية وقد ذكر محمد الأمين لهم ذلك ولا اعتراض عليه في أن تسلم للعازفين أي مبالغ بهذه الكيفية لا بطريقة مناداة كل عازف على حدة ودفع الأموال له هذه الطريقة رآها محمد الأمين مهينة له وللعازفين.علاقة محمد الامين بفرقته الموسيقية يمكن معرفتها من كون هذه الفرقة تعمل معه منذ 19 عاماً فيما يقول إيهاب.. بالنسبة للريشة يقول محمد الأمين إنه غنى ثلاث أغنيات قبل وصولها واصلاً كان قد نسيها في الفندق ولم تشكل تعطيلاً للحفل.بعض الأغنيات لا يحتاج فيها للعزف المنفرد. الساوند في الصالة كان سيئاً ولم تكن هذه مسئولية الفنان وقد بلغ محمد الامين القائمين على تنظيم الحفل بأن هناك مشكلة في الصوت . هذه ما قاله محمد الأمين عبر هاتف إيهاب محمد عبدالله.وقد ذكر إيهاب أن رئيس الجاية بالبحرين قال الحفلة كانت ممتعة ويعترف محمد الأمين بان هناك تأخير في بداية الحفل.وعن هذا سنساله شخصياً عن الأسباب. الصورة لم تتضح بعد فربما ينسف كلام محمد الأمين هذا رواية العازفين ومشاركين ومشاهدين ومستمعين آخرين لما جرى وفي النهاية لا يصح إلا الصحيح.

---

Post: #63 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Balla Musa Date: 10-17-2012, 07:47 PM Parent: #62 والله يادكتور بشرى الفاضل كل يوم الواحد يكتشف فيك جوانب جديدة ومتألقة من العظمة والشموخ!! وخصوصا الواحد لما يشاهدك صورة وصوت ويقرأ تعابير وجهك مع طريقة كلامك.. والله أنك لأنسان تجبر أى شخص على احترامك!!

---

Post: #66 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: سفيان بشير نابرى Date: 10-17-2012, 08:10 PM Parent: #63 سلام جاك يا محمود العربي و تحياتي للجميع صراحة بوستات قصة حفل البحرين دي تابعتها متابعة دقيقة بس كل ما اكتب رد و ارسلو يروح سااكت مني و اظن السبب هو البروكسي و ضعف الشبكه . شخصياً ومنذ اول بوست بدوي كنت اقول في نفسي لابد من سماع الطرف الاخر . لازلت مع هذا الراي مع العلم اني في قرارة نفسي موقن بان ود الامين سيكون معه الف حق في ما قاله واجد نفسي متفق تمام الاتفاق مع الاخ نزار و الدكتور الصديق بشرى الفاضل . يا حوت خليك محايد اوعك تغرق ود الامين دا عووااام و ملتزم و بعرف حققو كوويس . مع تقديري و احترامي لصديقي دكتور معز لكن اقول له يا دكتور هل تسرعت فيما كتبت !!؟ ام انك كنت من الناس المسؤلين من هذا الحفل لذا تكتب بقوة ؟!. ختاماً تحيات طيبة .

---

Post: #67 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 08:48 PM Parent: #66 صديقي الصفوة الجميل سفيان نابري.. علي اليمين مشتاقين الشوق الواحد دا.. Quote: يا حوت خليك محايد اوعك تغرق ود الامين دا عووااام و ملتزم و بعرف حققو كوويس . يابا.. نحن طلاب حقيقة.. والحقيقة بنت الحق.. والحق وااااااااحد.. إن كان أبو اللمين على حق..نحن معاهو.. وإن كان على غير ذلك..فنحن مع البروف.. .. ..

---

Post: #64 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 08:04 PM Parent: #62 دكتور بشرى الفاضل....أيها النبيل Quote: الصورة لم تتضح بعد فربما ينسف كلام محمد الأمين هذا رواية العازفين ومشاركين ومشاهدين ومستمعين آخرين لما جرى وفي النهاية لا يصح إلا الصحيح. حتى تكتمل الصورة - على قول الطاهر حسن التوم - ما أتيت به عبر مصدرك الشاب إيهاب محمد عبد الله ، كلام في غاية الأهمية... الحكاية كدا شكلها بقى ما واضح نهاااااااااااائي... في الآخر خالص: يا يكون الأستاذ غلطان.... يا كمان ناس البحرين شهود العيان غلطانين ومتحاملين على الأستاذ ساي بلا شغلة... .. أنا حريص بل ويهمني جداً أن يكون الأستاذ براءة... والله العظيم صحي.. .. .

---

Post: #65 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 08:05 PM Parent: #62 حذف للتكرار... والدنيا ويك إند وكدا.. ..

---

Post: #68 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: د. ياسر عبد القادر Date: 10-17-2012, 09:06 PM Parent: #65 شكرا لصاحب المكالمة.... بكدا يتضح جزء كبير من الصورة من حق محمد الامين المحافظة علي حقوقه المالية مع ناس النيل الازرق طالما هناك تاريخ معهم هناك جزء يخص محمد الامين في التأخير أو شوية حدة...ودي ماجديدة و معروفة عنده من زمان...وتأخير الحفلات فيهو من عدم الالتزام ....و الجماهير بتضجر....لكن لما يبدأ....كل الناس بتنسي..

---

Post: #69 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: سيف النصر محي الدين Date: 10-17-2012, 09:45 PM Parent: #68 سلامات يا محمود في ظني انو المسألة ظاهرة ، ناس عايزين يسلفقوا الراجل و يمشوه على مزاجهم و يستعملوا الاسلوب السوداني بتاع باركوها يا جماعة و لكنهم اصطدموا بفنان محترم لا يرضى بالهرجلة فكان ما كان. لو كلنا بقينا محمد الآمين كان امور البلد اتصلحت من زمان.

---

Post: #71 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: الامين موسى البشاري Date: 10-17-2012, 10:18 PM Parent: #69 وهكذا اتضحت الأمور تماماً وزال الغبش وذهب الزبد جفاء محمد اللمين فنان محترف ومن حقه المطالبه بحقوقه وهذا ليس فيه عيب أبداً يعني د. معز لو فاتح عيادة وجيت تتعالج عنده لا يمكن تشوف وجهه الا بعد دفع الاتعاب وهذا حقه هناك الكثير من الفنانين لو ما قبضوا العدادات ما بغنوا ليك وهذا حقهم بالطبـــع ولا يستطيع أحد أن يلومهم في ذلك يبدو أن تجارب الفنان محمد الأمين السابقة مع قناة النيل الأزرق قد ألقت بظلالها على تعامله معها وهذا حقه بالطبع ثم كيف يستقيم أن تبث القناة الحفل ثم بعد ذلك يتم التسوية مفروض القناة تحاول حل الأمور العالقه بينهم أولاً ثم بعد ذلك ممكن الامور تمشــي .. .. __ د. معز هذا المقال يخصم من رصيدك أكثر مما يضيف اليه المقال انطباعي ولا تدعمه الحقائق بل أن مداخلات د. بشـــرى قد اوضحت بعض التلفيق فيه (قصة الريشه) مسألة دفع العدادات للعازفين فيه تجاوز للفنان محمد الامين ومنذ متى نعتد بمداخلات الاعضاء في منتدى معين كقرآن منزل؟ وحتى مداخلاتهم ليس فيها سرد لما حدث وبعدين دا ود اللمين انت فاكرينوا طه سليمان ولا شنو؟

---

Post: #73 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 10:45 PM Parent: #71 اللمين البشاري..إزيك ياخ.. Quote: يبدو أن تجارب الفنان محمد الأمين السابقة مع قناة النيل الأزرق قد ألقت بظلالها على تعامله معها وهذا حقه بالطبع ثم كيف يستقيم أن تبث القناة الحفل ثم بعد ذلك يتم التسوية مفروض القناة تحاول حل الأمور العالقه بينهم أولاً ثم بعد ذلك ممكن الامور تمشــي يبدو؟؟؟ دي تقريباً عين الحقيقة بل هو اليقين بعينه... نحن طلاب حقيقة يا جماعة... ولكني أجد نفسي متمسكاً وبإصرار شديد بالآتي:... كان منظر الأستاذ حا يكون محترم خالص لو أن "مدير أعماله" مسك المايك...وأعلن للناس إنه الأستاذ ما حا يطلع المسرح إلا بعد إنصراف ناس قناة النيل الأزرق لعدم وجود اتفاق معهم...وبعد إلتزام الجميع بالــ(استاندرد) بتاع الأستاذ قبل الإنطلاق... كن بخير يا زول يا جميل.. .. .

---

Post: #75 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: الامين موسى البشاري Date: 10-17-2012, 11:13 PM Parent: #73 Quote: اللمين البشاري..إزيك ياخ.. اهلين يا محمود وآسفين على عدم القاء التحية في البداية لأنو الموضوع دا يزعل ويجيب الضغط والسكري ياخ Quote: ولكني أجد نفسي متمسكاً وبإصرار شديد بالآتي:... كان منظر الأستاذ حا يكون محترم خالص لو أن "مدير أعماله" مسك المايك...وأعلن للناس إنه الأستاذ ما حا يطلع المسرح إلا بعد إنصراف ناس قناة النيل الأزرق لعدم وجود اتفاق معهم...وبعد إلتزام الجميع بالــ(استاندرد) بتاع الأستاذ قبل الإنطلاق... عارف لو كان عمل كدا كان يا دوب علقوا ليهو المشانق يا حبيب بالعكس الزول اتعامل معاهم مباشــرة وبدون حرج ودا منتهى الشفافية والوضوح عارف لو قعدنا نحكي عن مواقف واحتكاكات طبيعية بين الجمهور والفنانين صفحات المنبر دي كلها سوف لن تكفي لســـرد مثل هذه القصص والله صحي الزول دا قال لناس الازرق انتم غير مرغوب فيكم هنا وخلاص وبعدها طلع غنا واطرب جمهوره ولا شنو؟ وديل مؤسسة ربحية تتحصل على اموال مقابل بث اغاني الفنانين وبعدين ناس قناة النيل الازرق ديل مالهم بقوا ملطشة كدا قبل كم اسبوع طاردين ابو عبيدة بتاع افراح افراح من صالة عرس في الرياض كن بخير

---

Post: #78 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 11:25 PM Parent: #75 حبابك تاني يا اللمين أخوي.. Quote: عارف لو كان عمل كدا كان يا دوب علقوا ليهو المشانق يا حبيب بالعكس الزول اتعامل معاهم مباشــرة وبدون حرج ودا منتهى الشفافية والوضوح كيف الكلام دا؟؟ مدير أعمال يحافظ على استاندرد معين ..وCheck List موضوعة بصرامة الأستاذ أفضل أم الاحتكاك مباشرة للدرجة التي تظهر الأستاذ "فظاً غليظ القلب"؟؟؟ والله كان شفافية ما عارف.. غايتو بعد دا ما يلمني معاك إلا المريخ.. .. .

---

Post: #79 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: الامين موسى البشاري Date: 10-17-2012, 11:39 PM Parent: #78 Quote: غايتو بعد دا ما يلمني معاك إلا المريخ.. كويس جدا وجميل أن يجمعنا حب المريخ فنحن في المريخ اخوة نحن السودانين ديل كلنا عندنا جين خطير اسمه جين الزعل ولما الجين دا يتملكنا خلاص تاني لا بنشوف ولا بنسمع ومحمد اللمين ليس استثناء من هذا الطبع بالاضافة لدا كلو فهو مغبون من ناس قناة النيل الأزرق انا غايتو ما شايف فيها حاجة هي في النهاية مجرد حفلة لجالية سودانية في البحرين يعني تقدر تقول حفلة سودانية في احدى استراحات ابحــر في النهاية الجمهور هو الخســـران جمهور د. معز وجمهور محمد اللمين ... والله صحي كن بخير

---

Post: #84 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-18-2012, 00:03 AM Parent: #79 اللمين ياخوي ما تخلينا ناخد لينا نومة... ياخ عذبتني عذاب القبورة... يعني مستكتر "مدير أعمال" على أبو اللمين؟؟ ياخ إذا كان وارغو السجمان دا عنده مدير اعمال.. والله أبو اللمين مفروض يكون عنده مدير أعمال يتقاضى راتبه من وزارة الثقافة لو ما كان من اليونيسكو.. Quote: انا غايتو ما شايف فيها حاجة هي في النهاية مجرد حفلة لجالية سودانية في البحرين يعني تقدر تقول حفلة سودانية في احدى استراحات ابحــر في النهاية الجمهور هو الخســـران جمهور د. معز وجمهور محمد اللمين ... والله صحي 1) صاحب مصطلح "الزمكانية" حضورا في هذا البوست علماً وأدباً وشعراً...د. بشرى الفاضل له التحية 2) مجرد حفلة سودانية؟؟؟ ما ليك حق يا اللمين في التحقير دا. (يحول اللمين البشاري لبشاشة).... 3) نحن أقل من اللبنانيين والمصريين والخليجيين في شنو؟؟ 4) الحفلات الجماهيرية دي بقت Industry فيها معينات سمعية وبصرية وإضاءة وإخراج غاية في الروعة..يعني "احترافية ومهنية" 5) بروف معز وجمهوره وأنا وأنت وغيرنا لا نعدو أن نكون جمهور (لفن) العملاق محمد الأمين.. هذا مع جزيل تقديري... .. .

---

Post: #74 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Bushra Elfadil Date: 10-17-2012, 10:56 PM Parent: #71 .اخيراً اتصلت بمحمد الامين كنت أعتقد اأه لا يعرفني لكنه فاجاني بانه يعرفني .حقيقة كنت قد زرته في بيته بصحبة بولامرة في منتصف السبعينات ، لكنه لم ينس تلك الزيارة (تعرفت هناك على تماضر شيخ الدين لأول مرة لو كانت تذكر وغنى لنا محمد الأمين في عيد ميلاد ولده معز(عقبال مية شمعة وشمعة) .لم ينس محمد الأمين زيارتي له إذ دعاني لبيته الجديد في شمبات الأراضي بواسطة سيف الجامعة وعندما جئته فاجاني بطلب شعر .اعتذرت كنت أخبيء شعري بسبب ترددي في جودته ليتني لم أتردد. المهم اليوم اتصلت وقلت له يا محمد لعلك لا تذكرني وعرفته بنفسي . فقال لي كيف لا أعرفك . نحن بلا الذاكرة عندنا شنو؟ وذكر لي لقاءه ذاك وطلبه .(بعيداً عن نرجسيتي هذه نرجع لموضوعنا): حولت المحادثة لموضوع البوست أكد لي ان كل ما ذكره لإيهاب محمد عبدالله عبر الهاتف صحيح .ويمكنك اعتماد كلام إيهاب. قلت له هناك موضوع يهمني أن توضحه لقراء البوست وهو مسألة تأخيرك عن الوصول لمكان الحفل .قال لي التأخير كيف أكون انا مسئول عنه وهم ينقلوني لمكان الحفل من الفندق بسيارة؟ قلت له العازفين وصلوا لمكان الحفل قبلك فرد : العازفين اصلاً كانوا ينتقلون بحافلة من الفندق وانا ياتون لي بسيارة وعندما جاءوا بها ذهبت لمكان الحفل . هناك تأخير وهذا حدث وأنا غير مسئول عنه.أسألوا عنه منظمي الحفل .

---

Post: #76 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 11:15 PM Parent: #74 Quote: حولت المحادثة لموضوع البوست أكد لي ان كل ما ذكره لإيهاب محمد عبدالله عبر الهاتف صحيح .ويمكنك اعتماد كلام إيهاب. قلت له هناك موضوع يهمني أن توضحه لقراء البوست وهو مسألة تأخيرك عن الوصول لمكان الحفل .قال لي التأخير كيف أكون انا مسئول عنه وهم ينقلوني لمكان الحفل من الفندق بسيارة؟ قلت له العازفين وصلوا لمكان الحفل قبلك فرد : العازفين اصلاً كانوا ينتقلون بحافلة من الفندق وانا ياتون لي بسيارة وعندما جاءوا بها ذهبت لمكان الحفل . هناك تأخير وهذا حدث وأنا غير مسئول عنه.أسألوا عنه منظمي الحفل . مااااااااا قصرت يا دكتور...تسلم ايدك إن شاء الله... غطيت "جزئية" معتبرة من المسألة متعددة الجوانب.. الدور على بروف معز عمر بخيت... إنا ههنا قاعدون.. ولو في زول من ناس البحرين ويا حبذا المنظمين يكون أفضل عشان عايزين نقفل البوست دا.... ..

---

Post: #72 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 10:22 PM Parent: #69 العزيز دكتور سيف النصر ذا سوورد اوف فيكتوري.. Quote: في ظني انو المسألة ظاهرة ، ناس عايزين يسلفقوا الراجل و يمشوه على مزاجهم و يستعملوا الاسلوب السوداني بتاع باركوها يا جماعة و لكنهم اصطدموا بفنان محترم لا يرضى بالهرجلة فكان ما كان. لو كلنا بقينا محمد الآمين كان امور البلد اتصلحت من زمان. والله كلام زي الدهب... لا فض فوك يا حبيب.. وأرجو أن يكون الأمر كذلك.. كن بخير يا صديق.. ..

---

Post: #77 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Dr. Moiz Bakhiet Date: 10-17-2012, 11:16 PM Parent: #72 تحياتي مبدعنا الجميل بشرى الفاضل وليتك كنت حضوراً بيننا في ذلك اليوم لكلفتني عناء الصدق النبيل.. أعظم ما قاله لك محمد الأمين جاء في هذا الاقتباس Quote: هناك تأخير وهذا حدث وأنا غير مسئول عنه.أسألوا عنه منظمي الحفل وأنا سألت المنظمين وجاء ردهم بالتالي وهو ما أوردته في مقالي الأول: Quote: في صبيحة اليوم الثاني، وهو يوم حفل التكريم الجماهيري، قدمت لجنة النادي السوداني مبلغاً رمزياً لكل عازف عبارة عن (200) دولار، وفي نفس الوقت تسلم "محمد الأمين" مبلغ (15) ألف دولار، غير ما قررت اللجنة تقديمه له، كتكريم آخر غير المتفق عليه قبل الحفل، وغير تغطية نفقات علاجه واستضافته بعد قضاء المهمة الرسمية ولمدة خمسة أيام بفندق (الريجنسي) أحد أفخم الفنادق بـ(البحرين). عندما علم "محمد الأمين" بأن العازفين تلقوا هذه الإكرامية لم يرضه ذلك واتصل بإدارة النادي مقرراً إلغاء الحفل.. فهل استكثر هذا المبلغ الضئيل عليهم؟ وهنا بدأت حملة (التحنيس) من كل الجهات وعلى أعلى المستويات، وأبلغوه أن هناك مبلغاً آخر كان سيقدم له، وعندما ذهب إليه ممثل النادي وقدم له مبلغ ألف دولار إضافي قال لمندوب النادي دع العازفين يأتون بفنان آخر لكم، وخذ هذا الظرف واذهب.. فترك ممثل النادي الظرف له، وقال بأنه مكلف باعطائه المبلغ وليس الرجوع به. وتواصلت (التحانيس) ومحاولات إقناعه بإقامة الحفل، وأن مبلغاً آخر إضافي سيقدم له قبل الحفل بالمسرح لكن ظل "محمد الأمين" رافضاً الحضور للحفل، إلى أن تم جمع مبلغ جديد له مما تسبب في تأخير الحفل ساعتين من الزمن وسط ضجر الحضور والاحراج الكبير للضيوف غير السودانيين وكبار الشخصيات الذين غادر بعضهم مكان الحفل بعد الملل الشديد وطول الإنتظار. ويمكنك الرجوع للجنة المنظمة برئاسة السيد السفير ولرئيس النادي وأمينه العام والتحقق من سبب التأخير وإذا كان خلاف ما أوردت أعلاه فلومني يا حبيب.. أما مسألة إنو فوجيء بقناة النيل الأزرق في الحفل فيؤسفني أن أقول لك بأنه لم يقل الحقيقة لأنني رأيته بأم عيني في منزل السفير قبل الحفل بيومين في عشاء جمعه وفرقته ووفد النيل الأزرق ثم كانوا جميعاً في فندق واحد.. ثم أن رئيس اللجنة ذكر لنا بالنص في حفل العشاء هذا أن محمد الأمين وافق مشكوراً على تصوير الحفل بواسطة قناة النيل الأزرق على أن يتم البث لاحقاً.. ويمكنك سؤال رئيس اللجنة عن ذلك خاصة وأنك كنت أميناً في محاولة معرفة الحقيقة.. لك احترامي ومحبتي التي تعرف

---

Post: #80 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-17-2012, 11:46 PM Parent: #77 Quote: ويمكنك الرجوع للجنة المنظمة برئاسة السيد السفير ولرئيس النادي وأمينه العام والتحقق من سبب التأخير وإذا كان خلاف ما أوردت أعلاه فلومني يا حبيب.. أما مسألة إنو فوجيء بقناة النيل الأزرق في الحفل فيؤسفني أن أقول لك بأنه لم يقل الحقيقة لأنني رأيته بأم عيني في منزل السفير قبل الحفل بيومين في عشاء جمعه وفرقته ووفد النيل الأزرق ثم كانوا جميعاً في فندق واحد.. ثم أن رئيس اللجنة ذكر لنا بالنص في حفل العشاء هذا أن محمد الأمين وافق مشكوراً على تصوير الحفل بواسطة قناة النيل الأزرق على أن يتم البث لاحقاً.. ويمكنك سؤال رئيس اللجنة عن ذلك خاصة وأنك كنت أميناً في محاولة معرفة الحقيقة.. لم تخيب ظني بالاستجابة الفورية والمنضبطة يا بروف...لك التقدير على تفانيك ووقتك الثمين.. شكراً لدكتور بشرى الفاضل.. شكراً سودانيز اونلاين.. .. .

---

Post: #82 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: بدري محمد بدري Date: 10-17-2012, 11:49 PM Parent: #77 يا دكتور بشرى صدقني محمد الأمين استفز مشاعر جمهوره وما ورد في مقال بروف معز كله كنا شهود عليه وكنت قد فتحت بوست بدافع من الحرقة والألم جراء تصرفات محمد الامين تلك الليلة قبل مقال بروف معز، وسأتصل بك غداً لأشرح لك ما حدث بالتفصيل. وأعتقد أنه محمد الأمين ومهما كان ملتزم تلك الليلة جافاه الالتزام على أقل تقدير تجاه رسالته الانسانية التي يحملها في فنه. أعتقد انه في كتير من الناس ما قادرة تفهم الرسالة الحاول البروف معز وكذلك أنا توصيلها كمحبين لمحمد الامين وفنه ولا يسرنا أنا نرى ما يسيء اليه أو الى أي فنان من كبار فنانينا. كتبت البوست بتاعي قبل مقال بروف معز وكان في مداخلات غير مسئولة تماماً وكلها من منطلق عاطفي ولما قريت مقال معز والله توقعت أن هناك من سيتظاهر بالذكاء ويقول أنه معز كتب المقال دا لأنه محمد الأمين رفض يغني ليه وفعلا دا ما حصل في كتير من الردود في المنتديات، لكن في ظني أن التعاطي مع ما كتبه بروف معز بهذه السطحية لا يمثل الا سطحية من كتب ذلك. ما كتبناه عن محمد الأمين من واقع التزامنا نحنوه كجمهور محب ليس الا.

---

Post: #83 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Adil Osman Date: 10-18-2012, 00:00 AM Parent: #77 ما رأي دكتور معز في توضيح الاستاذ محمد الامين التالي: Quote: بالنسبة لل15 الف دولار كان هذا هو المبلغ الذي دفعته وزارة الثقافة البحرينية للحفلين ومحمد الأمين لم يتكلم أبداً عن اي مبالغ مالية وهو المبلغ الذي استلمه عن الحفلين. بخصوص المائتي دولار التي دفعت للعازفين كل واحد على انفراد اعتراض محمد الأمين كان أنه لايجب دفع القروش بهذه الطريقة المهينة للعازفين بل يجب ان تسلم لرئيس الفرقة الموسيقية وقد ذكر محمد الأمين لهم ذلك ولا اعتراض عليه في أن تسلم للعازفين أي مبالغ بهذه الكيفية لا بطريقة مناداة كل عازف على حدة ودفع الأموال له هذه الطريقة رآها محمد الأمين مهينة له وللعازفين.علاقة محمد الامين بفرقته الموسيقية يمكن معرفتها من كون هذه الفرقة تعمل معه منذ 19 عاماً

---

Post: #91 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: المعز ادريس Date: 10-18-2012, 05:51 AM Parent: #77 سلام يا د. معز, و مثله للأستاذ بشرى, رويدا رويدا بدأت الحقيقة تتضح لي خاصة في جانب موضوع القناة و نقل حفل, و بثه, بعد الإتفاق (في الخرطوم) (فيما بعد)!.. واضح أنه المسألة دي كان قد تناولوها الأستاذ و طاقم القناة بحديث مبدئي كإ(علان حسن نوايا) تبادلوه (على الطريقة السودانية) أي بلغة (غير دقيقة) و دون أن يصل الطرفين لمرحلة تنجيض إتفاق أخير و قاطع وربما (مقنن)! عدم الدقة مسألة تكلف لاحقا طبعا, و هي سمة للكثير من (شمطاتنا) نحن السودانيين و أظني لا أحتاج لمزيد من التوضيح , لاحظ كذلك أنه بشرى الفاضل ذكر هنا نقلا عن إيهاب و الباشكاتب أنه (لم يحدث إتفاق) مع القناة و ليس (قد فجئ بطاقم القناة) كما افتهمت أنت قبل أن توضح لنا ما جرى في دعوة عشاء بيت السفير! بالنسبة لي واضح أنه الشمطة مصدرها (الكلام الميت) و يا زول خير إن شاء الله, و لا لا لا مافي مشكلة, و جدا مافي عوجة, و (بنتفق), و ما ما بنتلوم إلخ!! قروش العازفين, فعلا عدم الخبرة قاد إلي طريقة الدفع بصورة يغلب عليها حسن النوايا بدلا عن الأتوكيت و النظام! الصوت كعب دي بنصدقها طبعا مش لأنها أتت من الباشكاتب فحسب بل لأنها سمة ملازمة لقنواتنا (الصوت لحظة فوق و لحظة تحت!) (آلات موسيقية عالية و أخرى واطية!) (بنقز في السما و كمنجة تئن بالكاد!)إلح! هل أحتاج للحديث عن (التأخير)!!

---

Post: #92 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: nazar hussien Date: 10-18-2012, 07:39 AM Parent: #77 Quote: ويفيدهم بما يلي: أولاً فيما يخص قناة النيل الأزرق لم يكن هناك أي اتفاق لنقل حفلتي ابحرين .وله تجربتين في التعامل سابقاً مع هذه القناة الأولى كانت في حفة صالة سبارك سيتي ايام العيد سجلت فيها القناة ثماني اغنيات سجلتها النيل الأزرق دون إتفاق معه وفي بداية الحفل ذكر محمد الأمين انه ليس هناك إتفاق مع القناة لتسجيل الحفل وقد وضعته امام الأمر الواقع لكنه سيغني من اجل جمهوره وغنى. وهذا مسجل في يوتيوب ثانياً سافر محمد الأمين لأديس ابابا لغقامة حفلات في ذكرى وردي فسافر مصور من قناة النيل الازرق وسجل الحفلات هناك وقد ذكر محمد الأمين أنه في الغناء من اجل وردي ( ما بشيل قروش) صوروا الحلقات ومنعهم محمد الأمين من بثها في حفل البحرين فوجيء محمد الأمين بان مندوبي القناة موجودين وقالوا له نسجل وبعدين نتفاهم. فرفض محمد الأمين. بالنسبة لل15 الف دولار كان هذا هو المبلغ الذي دفعته وزارة الثقافة البحرينية للحفلين ومحمد الأمين لم يتكلم أبداً عن اي مبالغ مالية وهو المبلغ الذي استلمه عن الحفلين. بخصوص المائتي دولار التي دفعت للعازفين كل واحد على انفراد اعتراض محمد الأمين كان أنه لايجب دفع القروش بهذه الطريقة المهينة للعازفين بل يجب ان تسلم لرئيس الفرقة الموسيقية وقد ذكر محمد الأمين لهم ذلك ولا اعتراض عليه في أن تسلم للعازفين أي مبالغ بهذه الكيفية لا بطريقة مناداة كل عازف على حدة ودفع الأموال له هذه الطريقة رآها محمد الأمين مهينة له وللعازفين.علاقة محمد الامين بفرقته الموسيقية يمكن معرفتها من كون هذه الفرقة تعمل معه منذ 19 عاماً فيما يقول إيهاب.. بالنسبة للريشة يقول محمد الأمين إنه غنى ثلاث أغنيات قبل وصولها واصلاً كان قد نسيها في الفندق ولم تشكل تعطيلاً للحفل.بعض الأغنيات لا يحتاج فيها للعزف المنفرد. الساوند في الصالة كان سيئاً ولم تكن هذه مسئولية الفنان وقد بلغ محمد الامين القائمين على تنظيم الحفل بأن هناك مشكلة في الصوت . هذه ما قاله محمد الأمين عبر هاتف إيهاب محمد عبدالله.وقد ذكر إيهاب أن رئيس الجاية بالبحرين قال الحفلة كانت ممتعة ويعترف محمد الأمين بان هناك تأخير في بداية الحفل.وعن هذا سنساله شخصياً عن الأسباب. الصورة لم تتضح بعد فربما ينسف كلام محمد الأمين هذا رواية العازفين ومشاركين ومشاهدين ومستمعين آخرين لما جرى وفي النهاية لا يصح إلا الصحيح. انا أشهد علي صدق كل كلمة وردت في رواية إيهاب...بإعتباري شاهدا علي الوقائع...فيما عدا موضوع تسليم قروش للعازفين وهي رواية نقلت لي من صاحبها ...ومتوافقة مع ما نقله إيهاب تأخير حضور محمد الامين للحفل...ليس تأخيرا يذكر أو يمكن أن ينتقد فيه ولا يسأل عنه...وهو لا يعرف مكان الحفل أصلا ولديه مرافق لنقله لمكان الحفل...كما نقله لمكان الحفل الأول.. فقد حضرت الي الصالة في تمام التاسعة والربع وإلتقيت بدري محمد بدري وحمد واسرتهم خارجها...وكان محمد الأمين موجودا وفرقته علي المسرح ومجرد وصولنا وبعد ربع ساعة طلع المسرح وغني... صحيح أن الحفل معلن حسب ما ورد بالتذاكر الساعة 8...وقد إلتزم الكثيرون بالمواعيد أسوة بمواعيد الحفل الرسمي الأول ...(حفل وزارة الثقافة) كبرنامج موضوع أصلا منذ مدة...وهي كما تعلمون مواعيد لا يمكن تبديلها...لرسمية الحضور ومن بينهم وزيرة الثقافة والحفل الثاني هو حفل خاص بالجالية السودانية...ولم يسبق للجالية أن أقامت حفلا غنائيا أو مسرحيا وألتزمت فيه بالمواعيد كعادة حفلاتنا في السودان...(ايش معني دا؟؟) أها يا محمود نجي للتسجيل العندي....(انت عايز محمد الامين يغرمني؟) يا دكتور بشري: خلي أبواللمين يديني الاذن وسيفي مطرق أرفع ليكم بعضا من الحفل هنا دا...يمين الناس كانوا مستمتعين متعة غير عادية...(حتي أنهم صفقوا له) حينما قال ( معليش يا قناة النيل الأزرق...ما بينا إتفاق) ورت رت رت رت رت رت رت رت (يمين الصفقة زاتا مسجلة) تاني في شنو؟

---

Post: #116 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Shams eldin Alsanosi Date: 10-18-2012, 09:37 PM Parent: #77 الاعلام (قناة النيل الازرق + عكس الريح) في مواجهة فرد (الاستاذ محمد الامين) معادلة غير عادلة بجانب ان حماس البروف في محاولة تجريم الاستاذ لم يعطنا مساحة لقراءته بصورة محايدة

---

Post: #81 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-17-2012, 11:49 PM Parent: #68 سلام وتحية للجميع ,,,, الإخوة,,,, صاحب البوست دكتور معز وكل الأحباب متفقين ام مختلفين عن ما حدث على حسب الروايات المذكورة اعلاه وأقول روايات حتى وإن كانت على لسان شاهد عيان ، لكن الخلاصة الطرف واحد ، ايضا الحجة السودانية هي سيدة الموقف هنا بالسوداني الدارجي اقول للجميع بكل صراحة , نحن دائما نتكلم بمنطق الهاشمية ,, يعني بصريح العبارة أكثر دايرين نعمل زي حكاية ناس فلان المشوا يخطبوا بت فلان وفجعتن كده حلف جارهم التاسع عشر إنه يعقدوا في ليلهم ده لا بهمو فترة الخطوبة والتفاهم ولا بعرف العقد المفاجيء ده ممكن يلوم اهل العروسين نسبة لأنه ما بكونوا عزموا كل الناس القراب النجيضة للحظة دي ورغم إني زي وزي كل القرآء والمعجبين بفن محمد الأمين ما سمعنا وجهة نظره كاملة رغم ما ذكره الأستاذ الشاعر بشرى الله يديه العافية بقولها بالفم الملان للحظة ما شفت سبب واحد يلوم الأستاذ ويشيلوا كل الشينة الإتبرع بيها بعض الإخوة المتداخلين والأسباب مختصرة في الآتي : كتير من الأسباب اللف حوالينها الناس هي المادة !! يقول ليك الأستاذ بحب القروش ؟؟؟ عليكم الله وبصراحة منو الفاتح عيادته ببلاش ومنو البدرس ببلاش ومنو الفاتح ليه دكان بدين الناس مثلا ؟؟؟ الراجل ده ياهو مصدر رزقه ومع حال البلد الوصل لخط الفقر وما عارفين ظروفه شنو ؟ ورغم سنه برضو لايمنو إنه بحب القروش ؟ يعني العالم دي دايرة الفنان ده يسهر ويلحن ويطرب حد الثمالة وببلوشي مثلا ؟؟؟ لمتين المجاملات المخجلة دي؟؟ كلنااا نحمد الله ما بنبقى برا القرش ودي غريزة في البني آدم منذ الأزل .. اهلنا الكبار تعاملهم مع الأصغر منهم فيه حدة كبيرة وده بعامل السن .. هل إنت بتبشع بوالدك مثلا لو رفع صوتو ولا احرجك قدام صاحبك الضيف ؟؟ ولا حتى جاركم كبير السن ولا ابو صاحبك ؟؟؟ اكييييد ما بكون داير يحرجك ، وأكيد في سبب قوي خلاه يتصرف كده واكيييد بنحترم كبيرنا وبنوقره وبنلقى ليه العذر حتى لو في ملامة وعتاب بتكون بي طريقة مافيها تشهير ولا تجريح كما ذكر استاذ بشرى .. تجريح لمشاعر محبي الفنان وفنه العتيق المعتق خاصة رجل في قامة مبدعنا ود الأمين.. واهي الأسباب جاتكم حسب المحادثة الدارت بين جار استاذنا ود الأمين واستاذ بشرى الفاضل إنه حس بي حرج ومهانة لي فرقته إنه ما عوملت بي إحترام !!! وحتى المبلغ سلم لهم بي طريقة لا ترضي اي إنسان ( الناس كلها عرفت فرقة ود الأمين أدوها 200 دولار بسسسس لكل عازف يا كافي البلا وحايد المحن ويا رخصة مبدعينا وبرة بلدهم وفضيحتهم !!!! ) فما ممكن نقول إنه إستكتر عليهم المبلغ وهو مستلم 15 ألف !!!! وهي زاتها ما كتيرة ال 15 ألف دي,, ياما فنانيين بتعاقدوا في بلدهم جوة بي اضعاف المبلغ ده,, اصلا ما مبلوعة والله يا دكتور معز وإنت الشاعر المرهف المفروض تقدر الأشياء قبل الإندفاع في الكتابة عامل السن ليه اثر , استاذ ود الأمين اثبت وبدون ما يثبت اثبتت لنا الأمثلة تهاون قناة النيل الأزرق رغم حجمها الإعلامي تهاونت في عملها واعتمدت على طريقة ( امسك لي واقطع ليك) وشغل النفير والجربندية ,,, وين العقود ؟ في مثل هذه المواقف؟ لمتين نحن عشوائيين ومرتجلين حتى في إمورنا المهمة ؟ وبرة البلد ؟؟؟ حكاية صوروا ولا اتفقوا مع الفنان وبعدين نجي نتفاهم في السودان ! دي بالجد مخجلة وكبوة كبيرة في حق القناة !!!! طيب إنت ليه ترسل ليك طاقم ناقص كاميرات لتصوير حفل وقبل ما تتفق مع الفنان واللجنة المنظمة ؟؟؟ لو الفنان قال لا لو اديتوني تراب القروش ما داير ,! اها القروش الدفعتوها تذاكر دي حصل ليها شنو ؟ مش دي برضو خسارة ؟؟ الشيء التاني قناة كبيرة ترسل طاقم ناقص معدات دي ما سمعت بيها إلا في السودان !!!! الشيء المهم الحاجات العددتها يا دكتور معز إنه قامت بيها مملكة البحرين في حق قامة زي محمد الأمين زي الفندق 5 نجوم وسيارة وتذاكر درجة اولى و و ... الخ ده حقوووووو واكتر من كده كمان , نحن ليه دائما بنمتن على مبدعينا وبنحاول نظهرهم بمظهر إنه الناس ادتهم اكتر من حقهم ؟؟ لاحظ لي اي فنان عربي ولا مذيع ولا مقدم برنامج ، شوفوا كيف بتشرط وبتتعامل معاه الجهات المنظمة بحذر كبير جدا .. كونه الأستاذ محمد الأمين يجي وتكرموا الجالية ولا الجهة المنظمة ـ بشوف ده واجب وحق هو بستحقوا بجدارة ’ يعني ما كتيرة عليهو والحاجات دي متفق عليها مسبقا مقابل زيارة الأستاذ ومشاركته وسفره وتعبه وإسمو الكبير ,, بستحق التكريم بجدارة لأنه شكل وجدان الشعب السوداني واثرى الساحة الفنية وما زال بجميل فنه وإحساسه العالي وعبقريته التي لا ينكرها إلا مكابر في الختام ارجو ان نتقبل النقد بدون تشدد وان لا نخلط بين الصراحة والوضوح والحق الواجب ,وبين المجاملات وشغل الإهمال من جهات مسؤولة وان لا نقلل من قيمة مبدعينا ونكون قاعدين في طرف العنقريب ليهم بالمرصاد اي حركة نشب لا فوق وعلى الأقل نعمل بالمثل انا وأخي على إبن عمي وانا وإبن عمي على الغريب,, حتى لو شفتو استاذ ود الأمين إتلوم ما تظهره لومو للأغراب يا دكتور , خاصة البحرينية الكانت شاركتك القطيعة في رجل بقامة ود الأمين ومن بلدك كانت تشيلك هاشمية المقال الكتبت بيه ده وتدافع عنو بغيرة وتلقى ليه العذر ولو لحين متاوقة نحن لي هسه بندخل شغل ده في ده وطاقية ده بنغطي بيها داك وبنوسط المعلم لي الجزار والنجار لي سيد الدكان وكل زول ما فاهم الحاصل شنو ؟ فقط بنحب نحرج الطرف التاني ونفرض عليهو اشياء دون مراعاة لأي ظروف ولا دايرين نفهم الحاصل شنو ؟ بس همنا المصلحة الوقتية!! ناس القناة ديل مرسلين ليهم سفير لزومو شنو عشان يحرجوا الأستاذ؟ وهم عندهم سوابق معاه ؟ ما يخلوا شغلهم نجيض من البداية ؟؟؟ والسفير زاتو لزومو شنو يقلل من مكانته الدبلوماسية ويقبل تحشروه في حاجات ما معروفة عواقبها شنو ؟ استاذ ود الأمين عداه العيب إنت طالب بي حقو وعداه العيب إن خت النقط في الحروف , وإن لقن قناة درس لن تنساه عشان يكون عبرة للغير الأخ الأستاذ محمود مصطفى صاحب البوست اعتب عليك في إسم البوست ,, (( الحتة الفيها الحديده عديـــــــــل)) كتيرة والله منك وعهدناك رجل فنان والراجل مبدع بحق وكبير قامة وسنا,, الإحترام واجب يابا الشكر للجميع مرة اخرى اعتذر بشدة على الإطالة وتأكدوا يا حبايب إختلاف الرأي لا يفسد للود قضية ... عذرا التعديل لإضافة كلمة

---

Post: #85 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-18-2012, 00:20 AM Parent: #81 الأستاذة الشاعرة المبدعة أسماء الجنيد... كفيتي ووفيتي والله...أفكار واضحة وقراءة عميقة .. أصلاً اللمين البشاري كان مساهر بي... لكن بعد كلامك دا: Quote: عتب عليك في إسم البوست ,, (( الحتة الفيها الحديده عديـــــــــل)) كتيرة والله منك وعهدناك رجل فنان والراجل مبدع بحق وكبير قامة وسنا,, الإحترام واجب يابا أنا قايل ياني المصلي الصبح في محلي دا... أتفق معاك...التعبير الدارج في العنوان "خشن" وغير موفق.. كل الإحترام لإبداع القامة محمد الأمين.. .. .. .

---

Post: #88 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Dr. Moiz Bakhiet Date: 10-18-2012, 00:51 AM Parent: #85 ما رأي دكتور معز في توضيح الاستاذ محمد الامين التالي: Quote: بالنسبة لل15 الف دولار كان هذا هو المبلغ الذي دفعته وزارة الثقافة البحرينية للحفلين ومحمد الأمين لم يتكلم أبداً عن اي مبالغ مالية وهو المبلغ الذي استلمه عن الحفلين. بخصوص المائتي دولار التي دفعت للعازفين كل واحد على انفراد اعتراض محمد الأمين كان أنه لايجب دفع القروش بهذه الطريقة المهينة للعازفين بل يجب ان تسلم لرئيس الفرقة الموسيقية وقد ذكر محمد الأمين لهم ذلك ولا اعتراض عليه في أن تسلم للعازفين أي مبالغ بهذه الكيفية لا بطريقة مناداة كل عازف على حدة ودفع الأموال له هذه الطريقة رآها محمد الأمين مهينة له وللعازفين.علاقة محمد الامين بفرقته الموسيقية يمكن معرفتها من كون هذه الفرقة تعمل معه منذ 19 عاماً تحياتي أحي الحبيب عادل عثمان، أرجو سؤال محمد الأمين إن كان صادقاً في توضيحه لماذا طالب بزيادة المبلغ الخاص به بعد دفع 200 دولار للعازفين ولم يخرج للغناء الا بعد أن تسلم مبلغ 2000 دولار إضافي غير المتفق عليه؟ المبلغ الكلي أصبح 17 ألف دولار فهل ينكر هذا ايضاً؟ والأهم في الموضوع اسأل العازفين ان كان هناك مهانة؟ ما استلموه كان اكرامية لهم لأنهم كانوا سيغادرون صباح اليوم الثاني للحفل فتم منحهم هذا المبلغ الرمزي كي يستطيعون الذهاب للسوق لشراء أشياء بسيطة لأسرهم فما هي المهانة في ذلك ؟ هذا تكريم صغير للعازفين كان يجب أن يسعد به خاصة بعد الـ 17 ألف دولار نصيبه هو. يا حبيب محمد الأمين ذكر بالنص لأمين عام النادي إذا أصلو عندكم اكراميات فالأولى بها الفنان ثم أكمل: وخلو العازفين يجيبوا ليكم فنان.. بصراحة أنا أجد أن هذه التفاصيل تعقد موقف الفنان وتحرج معجبيه - وأنا أحدهم - اكثر فأكثر لكن طالما لابد من ذكر الحقائق فهذه هي الحقائق.

---

Post: #86 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-18-2012, 00:29 AM Parent: #81 Quote: لقد تم الاتفاق على ما ورد في الأخبار أعلاه على أن يتقاضى مبلغ (15) ألف دولار أمريكي، كما سيقدم له درع خاص وشهادة تقديرية، وأيضاً قررت إدارة النادي السوداني تحمل كلفة علاجه بأحدث مستشفيات البحرين التخصصية وعلى أيدي أكبر الأطباء الاستشاريين، هذا غير الاستضافة في فنادق (5) نجوم قبل وبعد الفعاليات، مع كامل الخدمات وتذاكر سفر على الدرجة الأولى وسيارة فارهة وسائق ومرافق طوال فترة اقامته بـ(البحرين جيتكم تاني اعفوا لي على الإطالة غايتو الكلام الفوق ده كونو ترصوه كده شين في حقكم بالجد طالما هو اصلا إتفاق لكن بالجد الوجعني الحتة التحت دي والخاصة بعلاجه والمفروض تكون إنسانية بحتة خاصة منك إنت يا دكتور معز Quote: وأيضاً قررت إدارة النادي السوداني تحمل كلفة علاجه بأحدث مستشفيات البحرين التخصصية وعلى أيدي أكبر الأطباء الاستشاريين، ده واجب إنساني من ابناء بلد لي ابن البلد حتى لو لم يكن مبدع العلاج دخلوا شنو في صفقتكم الفوق دي ؟ هل حضر استاذ ود الأمين فقط للعلاج ؟ اصلا مافي داعي تشيروا للجانب ده لامن قريب ولا من بعيد طالما دي بادرة إنسانية كريمة من الجالية حسب ما إتوقعت هل إشترط عليكم النقطة دي الأستاذ ولا ده إحساس إنساني من الجالية الكبيرة ؟ ولعمري ياها حال السوداني الشهامة والكرم والأيادي البيضاء . وإنتو فضلكم على البلد العايشين فيها كبير (اقصد البحرين ) واهل البحرين معروفين ناس كرم وجود دايرين يردوا ليكم الجميل ,, النقطة دي لم يحالفك فيها الحظ يا دكتور معز خاصة إنك طبيب ومافي داعي نجرح مريض بي إننا قررنا نعالجك وإنت عملت كدا ,,, وكدا وتخلطوا الكيمان . أحد القرآء اشار إن الأستاذ ذكر لقناة النيل عدم الإتفاق المسبق لو هو ما على حق ما بتجرأ وبقولا قدام الملأ (و ناس القناة لو على حق لو الحفل يتفرتق ما بمشوا ) نقطة مهمة ’’ واصل الأستاذ في غناه رغم الخلل الفني في بعض الأجهزة الصوتية وده بنعكس على اداء المبدع طبعا, وممكن جدا يتوقف حفاظا على سمعة مسيرته الطويلة وده من حقو ,, وكتير غيره عملها مافي زول كبير على النقد ولا العتاب لكن فقط بي دوافع وثوابت و منهجية وفهم ومنطق يقنع القاريء ولا يدع له مجال للشك ايضا بي إحترام وإسلوب يعكس مدى ثقافتنا وحضارتنا ومبدأنا في النقد والنقاش قبل الآخرين يعني بصراحة الواحد يخت نفسو محل الطرف النازلين فيه بالطول والعرض لا موجود وسطنا عشان يدافع ولا يوضح , ولا متابع الأسافير عشان يشوف روحو معلقينو بي خلاف. ولا ناقشناه في الحصل عشان نعرف وجهة نظره ودوافعه قبل ان نقول وجهة نظرنا من حاجات بنيت على مشاهدتنا للأشياء الظاهر فقط... بجيكم صادة تاني اتحملوني بس ,,,, فتكم بي عافية

---

Post: #87 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-18-2012, 00:42 AM Parent: #86 Quote: الأستاذة الشاعرة المبدعة أسماء الجنيد... كفيتي ووفيتي والله...أفكار واضحة وقراءة عميقة .. أصلاً اللمين البشاري كان مساهر بي... لكن بعد كلامك دا: . حبابك يابا ربي يعلي مقامك ويديك قدر يرضيك يا ود القبائل بعدين ود البشاري ده صحي مسنوح وسقد لكن فيه باقي خيرة وريحة صوفية جايهاو من تالا الحبيبة ست بيتو عشان كدي تــــــــــب آ بتجيك عوجة يا استاذ محمود Quote: أنا قايل ياني المصلي الصبح في محلي دا... أتفق معاك...التعبير الدارج في العنوان "خشن" وغير موفق.. كل الإحترام لإبداع القامة محمد الأمين.. ربنا يتقبل منك يابا وامانة عليك تنفحنا معاك بي حبة دعوات تنفع خيتك القاعدة في البلد البعيدة وسط الخواجات والدنيا مطر وصي وسقط عدوووك يا ود امي الإعتذار شيمة الكبار ,, كبار فهم وعلم وشيمة الإنسان المتواضع ومن تواضع لله رفعه ,, ربي يعليك فوق للمابيك شكرا يابا مااااااااااارقة من الجوف

---

Post: #89 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Dr. Moiz Bakhiet Date: 10-18-2012, 01:01 AM Parent: #87 شاعرتنا الغالية سوما.. كلامك على العين والراس والله.. لكن الجمرة بتحرق الواطبها.. كل الود والتقدير لكل معجبي فن محمد الأمين وكل معجبي شخص محمد الأمين فالإثنان ليس واحداً.. وكما طالبتيني عزيزتي أن امارس انسانيتي كطبيب أو كشاعر في كتابتي، فهو أيضاً ما طالبت به الفنان محمد الأمين أن يخلق التوازن بين ابداعه وبين انسانيته في فعله فالإثنان يكملان بعضهما البعض. ولك أجمل المنى ست الناس..

---

Post: #90 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: ABDELMAGID ABDELMAGID Date: 10-18-2012, 05:44 AM Parent: #89 فى السودان رأس الدوله داير إبقى ( راس ) مدى الحياة ... رئيس الحزب داير إبقى الزعيم و الإمام و الراعى و السكرتير العام لمن إضربو ألزهيمر .. الفنان داير إغنى و عدادو إمشى لمن حُبالو و بلابيطو إقعن ... يا جماعه لمتين نقعد نسمع فى نفس الغنا القديم و مكرر لاكثر من نصف قرن ؟؟؟ و شنو يعنى أمشى مسرح و أقطع تذكره و أقعد أسمع فى ذات الشجون أو الجريده و غيرها بصوت فنان ثمانينى فى عام 2012 ؟؟؟ و هل يمكن لهذا الفنان أن يؤدى نفس الأغانى بنفس ال DYNAMICS الذى كان عليه هذا الموسيقار قبل ثلاثين أو أربعين أو قل خمسين سنه مضت ؟؟؟ مش أفضل للواحد إشغل ليو mp3 أو dvd أو youTube, و إستمتع بتلك الأغانى فى نسختها الأصليه و بصوت نفس هذا الفنان و هو فى ربيع عمره بدلاٍ من الذهاب للحفل و التملطش و الإزدراء و التاذى بصوت نشاذ متحشرج بلغ به من العمر أرزله ؟؟؟؟ لماذا لا يحترم هؤلاء و هم فى هذا العمر قدرهم و فنهم و ماضيهم و ينأوا بأنفسهم عن تلك الإنفلاتات والإحتكاكات و الإنفعالات ( و التى ربما لتقدم العمر دورٌ فى أغلبها ) تفادياً للحرج , ليحتفظوا بهيبتهم و صورتهم و سمعتهم الزاهيه و الجميلة التى إنطبعت فى أزهان محبيهم و عشاقهم قبلاً ؟؟؟؟ Quote: الأدهى في الأمر أنه وبعد حضوره للمسرح لم تكن معه ريشة العود قمة الإستهتار و الإستنكاح و الإستكرات و عدم الإعتبار للحضور .... الواحد متخيل الفلم و المنظر ! ياهو زاتو TYPICAL سلوك ( فنانين السودان ! ) غطرسه و غرور , وش متجهم و لامبالاة و كأنو إنت صاحب المناسبة زى الشاحدو وجايبو ملح ! مسرحيه متوارثه و مكرره و بايخه بايخه لأبعد الحدود ! إتخيل ! ( ريشة العود ! ) ! نفس السيناريو البعملوه فى حفلات الأفراح و التأخير ! مره ( لستك العربيه ضرب ! ) وووو شنو ما عارف ! ( الحافله قطعت نورأو بنزين أو ضابط الإيقاع عندو فاتحه ! ) مع إنو الوقت البشرف فيو ( سعادتو ! ) تكون الساعه حوالى تسعه أو 9 و نص مساء مضاف ليا حكاية ( الساعه 11 ! ) و هيههههه ما عارف ( النظام العام ! ) !!! و بعد داك الود إطلع المسرح ( داك يا مسوح ! ) و ( صوت مبحوح ! ) , عشره دقائق بالكتير و بعدين فاصل للعشا ! ( لمدة ساعه أو نص ساعه ) و للوقت داك تكون الساعه بقت 10 و نص أو حداشر إلا ! و داك يا آخر ( فاصل ! ) و ياكلفته وسباق مع الزمن و ( الما بقوم منو ! ) ما ( الساعه حداشر قربت ! ) , و ديك يا هيصه و زمبليطه ! و ردحى فى شنو ما عارف ! ( الأعمى إشيل المكسر ! ) و أى زول داير ( إظهر ! ) قبّال الحكم ( إصفر ! ) و تجى الساعه ( إداشر ! ) و صاحبنا ( رب الفن ! ) ما إصدق ! إجدع المايك ( و لاحتى مع السلامه أو مبروك للعريس ما إجن على خشمو ! ) و إطبق عدادو على داير ( الدينار ! ) ! كان 9 أو 10 مليون ( بالقديم ! ) مقابل ( نص ساعه نخنخه و عطيس و حشرجه و سعال و نبيح !زايد فلهمه و إزدراء فى الفاضى و المليان ! ) ! I LOVE THEIR JOB ! ضيعنا عمرنا ساى IT`S LOTTERY ... و ده كلو كان ناس ( النظام العام ! ) عفوك من ( النظام الخاص ! ) و الحق ( المعلوم ! ) فى الزمن الضايع و المخسوم ! 3 أو 5 دقائق INJURY TIME فوق (الساعه إداشر ! ) و مال إيه ! قايلنا فوضى !!!! ما علينا ! و معليش طلعنا شويه من موضوع البوست , لكن الموضوع لبعضيه و أعتقد أن حبايبنا ( الفنانين ! ) و إتحادهم الهميم و ( مافيا الصالات ! ) حكاية ( الساعه إداشر ! ) دى معاهم ( حلى بس ! ) IT`S EASY MONEY ( MILLIONS ! ) FOR JUST HALF AN HOUR SHIFT ( سنه ! ) يا وتر ( أبو ريشه ! ) يا ( الكفر زاتو بقى مافى ! ) ... تقول لى جاى و جاى ! إنتا ما حدثوك و لا شنو ؟؟؟ الفنان بقى فى السودان إذكرك الطاؤوس ! إجى على كيفو و اتأمّر على كيفو و إمشى ( وكت ! ) ما عايز و كمان جيبو مليان و لا جميلتك ! و الما عاجبو ( .... ) عقد شنو و إرتباط شنو و بتيخ شنو ... ........................ عشان كدى بنتباكى على أغانى ( زمان ! ) و البحث عن محمد اللمين ( و لو فى المنامه ! ) ................................................................................... ( زمان ! ) ! بقيت بتعقد من ها الكلمه ( زمان ) ليه كانت القصيده معبره و عفويه بدون تكلف و تحكى عن جمال اللحظه و التى غالباً ما تكون حفلة فرح غير محددة الثوانى و الدقائق عشان كدى طلعت الغنيه حلوه و جميله و قويه و خالده , لا ( نظام عام ! ) لا ( والى ! ) و لا ( مشروع حضارى ! ) .. الناس تهجج و تهيص طول ما ( الليل لا زال طفلاً يحبو ! ) لا دوله فلست لا إنتاج إتعطل و لا إقتصاد إتهاوى و لا جنوب إتفصل و لا رئيساً بحلف بحرم ( التلاته ! ) و الرابعه ( المشاطه ! ) ... و لا زول فى الفريق أو الحى إشتكى و قال الحفله دى ( البارح ! ) أزعجتو , الحكايه كلها فرح و بحصل ( فنا فى الدهر ! ) ... ............... يا جماعه لهسع نحن مع محمد اللمين , وردى , إبراهيم عوض , زيدان , عركى , كابلى ... إلخ مع إحترامى لللأحياء و ترحمى على الراحلين لقد أدوا رسالتهم , وين الجديد ياإتحاد الفنانين ؟ الواحد بقى إقرف لما إفتح قنوات السودان يا ( حفل تأبين ! ) أو حديث ( عن الراحل المقيم ! ) أو فنان مكرر و قديم ! هرمنا ! ما فى أى جديد سوى التباكى و الحسرة على القديم البقى ممل و مكرر ... ......... سلامات استاذ محمود مصطفى محمود و أعذرنى كان أطلت أو خرجت عن الموضوع لأنو الموضوع متداخل و متشابك و ليس فقط تلك الحادثة ... معليش الواحد ( ممغوس ! ) منهم ( الفنانين !) و ضايق عضتم ! ( قال نسيت ريشتى قال ! ) .... نقول إيه ياهم فنانين السودان كان جوه البلد كان بره , كبيرهم أو صغيرهم الحال من بعضو ... ........... كسرة : إنتو يا جماعه كان سعلناكم ( ريشتو ! ) دى ريشة ( نعام ! ) و لا ( طاؤوس ! ) ؟؟؟ لأنو الواحد بخرمج كتير بالعود ( للطرب الشخصى فقط ! ) و فى حدود ( الأوضه ! ) ! لكن كل ما أهبش جيب قميص أو جلابيه أو عراقى أو بنطلون قبل الغسيل بلقى فى كل واحد بلاستيكة ( ريشة ! ) عود !! حالتى و لا ( محمد اللمين ! ) حتى !!!! عبدالماجد

---

Post: #93 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: nazar hussien Date: 10-18-2012, 07:53 AM Parent: #90 يا بروف معز الله يرضي عليك... إذا كنت لا زلت تحترم فن محمد الأمين وتحترمنا فرجاءا هذه التفاصيل مضرة ...فأمسكها عندك ومحمد الأمين هو القامة الوحيدة التي شرفتنا هنا...وأنت عالم بذلك... فسيرة حفلته الأولي علي كل لسان عربي علي أعجمي وكذا الثانية فهي علي لساني وكاميرتي...وهي غاية في الابداع...برغم قصور الصوت أحيانا... وقد غني فيها ابو الامين حتي الواحدة صباحا.

---

Post: #94 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: nazar hussien Date: 10-18-2012, 07:59 AM Parent: #93 من الواضح بأن الجميع هنا يدافعون عن النيل الأزرق وهي قناة تجارية بكامل شخصيتها الاعتبارية... فلو خيروني بين قناة النيل الازرق ومحمد الامين قطعا سأختار محمد الامين وأنصره ظالما أو مظلوما لأنو محمد أمين واحد بينما للهواء قنوات فضائيات.. وليس للهوي الا محمد الامين...(نهواه ما زلنا...نهواه رغم الجور...رغم الصدود عنا) والله يا محمود إنت شخصيا يدوني الإذن أنزل ليك من شوفتو طولنا ومن الحفل...وبهجة الناس الا الحتة الفيها الحديدة دي...تشيلا تدق بيها رأسك....وتبكي لامن تتخنق.. يا جماعة مالكم علينا....

---

Post: #95 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-18-2012, 08:29 AM Parent: #94 نزار يا صديقي يا فنان.. يسعد صباحك.. Quote: والله يا محمود إنت شخصيا يدوني الإذن أنزل ليك من شوفتو طولنا ومن الحفل...وبهجة الناس الا الحتة الفيها الحديدة دي...تشيلا تدق بيها رأسك....وتبكي لامن تتخنق.. هو أنا "رويسي" غير الحتة الفيها الحديدة دي بيستاهل شنو عليك النبي؟؟؟ أكان بقت على البكا...أبشرك..ممكن أبدا ليك الحركة دي من هسي... أمانة عاد أخوك ما بكااااااااااااااااااااي... يمكن البكاء على حاجات كتيرة يريحنا زاتو ياخ طالما ما بنعرف نفرح.. .. .

---

Post: #97 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-18-2012, 10:36 AM Parent: #94 يا نزار... Quote: والله يا محمود إنت شخصيا يدوني الإذن أنزل ليك من شوفتو طولنا ومن الحفل. ياخي أنا عندي إيميل "عتيق" يعتبر من أوائل الإيميلات الإمتلكوها السودانيين..والله صحي.. يعني إيميل شغال من سنة 1996 - 1997 زي الورد..أرسله ليك في "الخاس"؟؟ ترسل فيهو حاجة ولا تخليهو لناس نهال خروبي وعامر العظم وعربي بن عربي..والله ملوني فقر شديد خلاس.. .. رسل ياخي .. .

---

Post: #96 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-18-2012, 08:49 AM Parent: #90 الأخ العزيز عبد الماجد.. معاك في دي: Quote: و ينأوا بأنفسهم عن تلك الإنفلاتات والإحتكاكات و الإنفعالات بس دي.. باقي مداخلتك التي بلا شك أثرت البوست ، تبقى وجهة نظر نحترمها ونحتفظ بحقنا في التحفظ والاختلاف والاتفاق معها.. _______ بالمناسبة.. حتة الريشة دي أنا زاتي عاجـــــبــاني والله... وممكن تكون سبب وجيه خالص لإنهاء خدمات "مدير الأعمال".. الباشكاتب "منضبط" شديد في حتة الوفاء لحاجاته وتفاصيلها الدقيقة.. والله أنا شايف إنه من حقه علينا إننا "نثمن" هذه الأشياء.. ودونك المصريين ديل ... حاجات أم كلثوم عاملين ليها "متحف" عديل.. أطال الله عمر الأستاذ..لكن "ريشة المنامة" دي مفروض تكون مادة تدرس في الجامعات.. .. .

---

Post: #98 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: الامين موسى البشاري Date: 10-18-2012, 11:16 AM Parent: #96 Quote: يعني مستكتر "مدير أعمال" على أبو اللمين؟؟ ياخ إذا كان وارغو السجمان دا عنده مدير اعمال.. محمود مصطفى صباحاتك بيض وإن شاء الله تكون نمته كويس أبدا ياخ ما مستكثر عليهو مدير أعمال لكن لو كان عنده مدير اعمال لكفانا عنت هذا الجدل واللغط وكان كل الأمور دي اتولاها هو على فكرة الفيفا يفرض على الأندية التعامل مع مدراء اعمال اللاعبين وعشان كدا وارغو وغيره من اللاعبين لديهم مدراء أعمال والثقافة دي تكاد تكون معدومة لدينا خصوصاً عند الفنانين Quote: مجرد حفلة سودانية؟؟؟ ما ليك حق يا اللمين في التحقير دا. (يحول اللمين البشاري لبشاشة).... وين التحقير يا شاب؟ بالجد هي حفلة سودانية خاصة بالجالية السودانية فقط الحفلة الأولــى سارت فيها الأمور تمام كما جاء في السرد يعني طالما الحكاية زيتنا في بيتنا من حق ود اللمين ولا غيره منع قناة النيل الأزرق من تصوير الحفل ولا شنو؟ Quote: بعدين ود البشاري ده صحي مسنوح وسقد لكن فيه باقي خيرة وريحة صوفية جايهاو من تالا الحبيبة ست بيتو عشان كدي تــــــــــب آ بتجيك عوجة يا استاذ محمود بت ابوي الجنيد أزيك ياخ ونعل ما عوجة مختفية كدي يعني يعني دحين البركات كلها جاية من ست البيت لو كده نشـــوف لينا زيادة بركه تانية ويبقوا بركتين تحياتي

---

Post: #100 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Adil Osman Date: 10-18-2012, 11:49 AM Parent: #98

---

Post: #105 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-18-2012, 04:41 PM Parent: #100 الحبيب عادل عثمان.. شكراً على الفيديو بتاع سمباتيكو...ملك التوثيق.. وجودك هنا فعلاً كان مؤثر ومفيد.. فشكراً لك.. ..

---

Post: #99 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Bushra Elfadil Date: 10-18-2012, 11:28 AM Parent: #96 نهاركم سعيد الدكتور معز في اتصال لي مع محمد الأمين قبل دقائق ذكر لي الآتي رداً على سؤالك: اصلاً مبلغ ال15 الف دولار طلعت من الحكومة البحرينية ممثلة في الوزارة المعنية وهي عن المقابل المادي لي ولفرقتي عن المشاركة في المهرجان ولاصلة لها بحفل الجالية. هذا الكلام كان قد أبلغني به السفير السوداني بالبحرين من الخرطوم قبل السفر والسفير أضاف يقول لي إن هناك حفل آخر للجالية السودانية هناك تتفق معاهم عليه وناس الجالية ما بقصروا معاك فيه. عندما ذهبت واقمت حفل المهرجان البحريني الرسمي دون اي عقبات استلمت مبلغ ال15 الف دولار بعد تحويلها من العملة البحرينية وسلمت الفرقة منها مبلغ 7 الف دولار وأنا استلمت ال8 الف الباقية. ال15 الف كانت اتعاب حفل الحكومة البحرينيةفقط ولا داعي لخلط الأوراق. نجي لحفل الجالية: مندوب الجالية قام سلم العازفين كل واحد 200 دولار وقال ليهم دي نثريات وقال إنو دافعها من جيبو ورئيس الجالية نفى هذا الكلام وقال إنها قروش الجالية .انا بالنسبة لي هذا التصرف كان غلط لان الفرقة عندها ليدر وكان يجب تسليمه هو هذه القروش أو تسليمها لي انا المسئول عن فرقتي . ومندوب الجالية حاول يسلمني ألف دولار رفضت استلمها لنفس السبب .ما قبلت الألف مش لانها شوية أو كتيرة لكن عشان التقسيم الجرى دا.دي ما طريقة دي.وفي الآخر قبلت بعد تدخل رئيس الجالية واعتذاره لي عن أن تصرف مندوبهم بتوزيع القروش للعازفين بتلك الكيفية كان غلط.في النهاية اتضح إن ال200 دي هي أجر العازفين عن حفل الجالية والعازفين أنا طبعاً اتعامل معهم بطريقتي المذكورة هنا عن طريق الليدر رئيسهم. بعد داك اتصل بي السفير وقال لي أنا ذاتي عندي ليك الف دولار وقلت ليه شكراً لن ارفض هذا الالف لكن أنا ما جايي باتفاق مع ناس الجالية بي قروش محددة . بعد الحفل سلمني السفير المبلغ.واكرر بعد الحفل.وهذا الألف الأخير كان بمبادرة منه ولم اطالب به.الكلام دا كلو أسالوا منه رئيس الجالية بالبحرين وما قاله الدكتور معز غير صحيح فلا دخل لل15 الف بحفل الجالية حفل الجالية استلمت عنه الف منهم و200 لكل عازف بتلك الطريقة التي لم ارض عنها والف من السفير شخصيًاً واسالوا رئيس الجالية في البحرين المسئول عن حفل الجالية ليؤمن على كلامي هذا أو ينفيه. انتهى كلام محمد الأمين الذي كان يتكلم وهو مصاب بنزلة وكان يتكلم بالم فيما بدا لي من صوته .

---

Post: #101 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: أيمن الطيب Date: 10-18-2012, 11:56 AM Parent: #99 سلامات عزيزى محمود... د. بشرى على لسان الأستاذ محمد الأمين وإذا كانت هذه هى الحقيقة المجردة فتلك مصيبة!!! Quote: اصلاً مبلغ ال15 الف دولار طلعت من الحكومة البحرينية ممثلة في الوزارة المعنية وهي عن المقابل المادي لي ولفرقتي Quote: وسلمت الفرقة منها مبلغ 7 الف دولار وأنا استلمت ال8 الف الباقية. ال15 الف كانت اتعاب حفل الحكومة البحرينيةفقط ولا داعي لخلط الأوراق. Quote: وما قاله الدكتور معز غير صحيح فلا دخل لل15 الف بحفل الجالية حفل الجالية استلمت عنه الف منهم و200 لكل عازف بتلك الطريقة التي لم ارض عنها والف من السفير شخصيًاً واسالوا رئيس الجالية في البحرين المسئول عن حفل الجالية ليؤمن على كلامي هذا أو ينفيه. يبدو إنو دكتور معز مطالب بالكثير هنا!!!!!!!!!!!! يا أخوانا الإحراج الحصل دا حصل فى الحفل الرسمى أم حفل الجالية!!!!!!!!!!!! تحياتى

---

Post: #102 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Dr.Elsadig Abdalla Date: 10-18-2012, 12:03 PM Parent: #99 -----------------------------------------------------------------------------------------------------------------------------------------------.تحياتي أحي الحبيب عادل عثمان، أرجو سؤال محمد الأمين إن كان صادقاً في توضيحه لماذا طالب بزيادة المبلغ الخاص به بعد دفع 200 دولار للعازفين ولم يخرج للغناء الا بعد أن تسلم مبلغ 2000 دولار إضافي غير المتفق عليه؟ المبلغ الكلي أصبح 17 ألف دولار فهل ينكر هذا ايضاً؟ والأهم في الموضوع اسأل العازفين ان كان هناك مهانة؟ ما استلموه كان اكرامية لهم لأنهم كانوا سيغادرون صباح اليوم الثاني للحفل فتم منحهم هذا المبلغ الرمزي كي يستطيعون الذهاب للسوق لشراء أشياء بسيطة لأسرهم فما هي المهانة في ذلك ؟ هذا تكريم صغير للعازفين كان يجب أن يسعد به خاصة بعد الـ 17 ألف دولار نصيبه هو. يا حبيب محمد الأمين ذكر بالنص لأمين عام النادي إذا أصلو عندكم اكراميات فالأولى بها الفنان ثم أكمل: وخلو العازفين يجيبوا ليكم فنان. -------------------------------------------------------------------------------------------------------------------------------------------------- نهاركم سعيد الدكتور معز في اتصال لي مع محمد الأمين قبل دقائق ذكر لي الآتي رداً على سؤالك: اصلاً مبلغ ال15 الف دولار طلعت من الحكومة البحرينية ممثلة في الوزارة المعنية وهي عن المقابل المادي لي ولفرقتي عن المشاركة في المهرجان ولاصلة لها بحفل الجالية. هذا الكلام كان قد أبلغني به السفير السوداني بالبحرين من الخرطوم قبل السفر والسفير أضاف يقول لي إن هناك حفل آخر للجالية السودانية هناك تتفق معاهم عليه وناس الجالية ما بقصروا معاك فيه. عندما ذهبت واقمت حفل المهرجان البحريني الرسمي دون اي عقبات استلمت مبلغ ال15 الف دولار بعد تحويلها من العملة البحرينية وسلمت الفرقة منها مبلغ 7 الف دولار وأنا استلمت ال8 الف الباقية. ال15 الف كانت اتعاب حفل الحكومة البحرينيةفقط ولا داعي لخلط الأوراق. --------------------------------------------------------------------------------------------------------------------------------------------------- أين الحقيقه هنا ؟وكيف لنا أن نصل لتلك الحقيقه ؟

---

Post: #103 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-18-2012, 02:14 PM Parent: #102 المذيع محمد عثمان...هاردلك يا عريس.... "الإخوة في قناة النيل الأزرق..معليش..ليس بيننا إتفاق".... معقول ياخي تركبوا الطيارة ساي كدا "متوكلين" وفيها يحصل اتفاق وفيها ما يحصل؟؟ على قول المسنوح الطيب شيقوق..غايتو إلا "تتلهموا" ليكم منتج برامج وتنتجوا ليكم حلقة من "الراس" ساي.. وإلا...منظركم حا يكون بايخ شديد... .. .

---

Post: #104 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: سيف النصر محي الدين Date: 10-18-2012, 02:20 PM Parent: #102 يا الصادق الحقيقة هي كلام محمد الأمين. الفنانين السودانيين عانوا الآمرين من ناس الجاليات و متعهدي الحفلات في خارج السودان و هي قصص تملأ مجلدات. المرحوم وردي و محمد الأمين يطول عمره صارمين جدا في الحاجات دي عشان عارفين حركات الناس ديل و عشان هم ناس بحترموا فنهم و انفسهم.

---

Post: #106 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: المعز ادريس Date: 10-18-2012, 05:38 PM Parent: #104 أميل لتصديق رواية محمد الأمين جالية شنو البتدفع 15 ألف دولار؟! و كمان توصلها ل17 ألف! رواية محمد الأمين تعني أن الحكومة البحرينية دفعت 15 ألف و دا نفسه شئ محزن, هسة لو كانت واحدة من حناكيش الفضائيات اللبنانية كانت قبضت 150 ألف دولار! .. و أنه كل الطلع بيه من الجالية ألفين دولار, ألف بالذوق, و ألف من السفير! + 200 دولار (إكرامية) لكل عازف تحولت ل(إلزامية) في النهاية .. يعني بعدها ما قبضوا التكتح! .. حسب الرواية, هسة لو كان دا واحد أو واحدة من الجماعة المالين الساحة الغير فنية كان قبض/ت 25000 دولار و (هدايا) و صور تذكارية) و 3000 دولار لبتاع (الأوووعق)!

---

Post: #107 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-18-2012, 05:53 PM Parent: #106 Quote: أميل لتصديق رواية محمد الأمين جالية شنو البتدفع 15 ألف دولار؟! و كمان توصلها ل17 ألف! رواية محمد الأمين تعني أن الحكومة البحرينية دفعت 15 ألف و دا نفسه شئ محزن, هسة لو كانت واحدة من حناكيش الفضائيات اللبنانية كانت قبضت 150 ألف دولار! .. و أنه كل الطلع بيه من الجالية ألفين دولار, ألف بالذوق, و ألف من السفير! + 200 دولار (إكرامية) لكل عازف تحولت ل(إلزامية) في النهاية .. يعني بعدها ما قبضوا التكتح! .. حسب الرواية, هسة لو كان دا واحد أو واحدة من الجماعة المالين الساحة الغير فنية كان قبض/ت 25000 دولار و (هدايا) و صور تذكارية) و 3000 دولار لبتاع (الأوووعق)! و ياهو السودان! الأخ المعز تحية ليك ولي صاحب الإميل عبرتوا عني تماما وفعلا ده الكلام الذكرتو في مداخلتي الفوق ، فيما يختص بالمبلغ ال 15 ألف وفي النهاية طلع نصيب الأستاذ منها 8 فقط قسما بالله اي مقدم برنامج عربي لا يقبل عن تسجيل الحلقة اقل من ال 10 ألف ناهيك لو كان مطرب ولا ممثل دعوه عشان يكرم ولو كان مبدع مخضرم زي ود الأمين .. والله ما يتحرك ليهم من بلده دون ال 250 ألف دولار , غير الإكراميات لكن من يهن يسهل الهوان عليه ,, ونحن اصبحنا نرتضي اي شيء وبعد كده فيها تشهير .. غايتو الحمد لله ,, والمبكي الموجع فعلا بعض الأقلام تستكتر علينا تكريم مبدعي البلاد المخضرمين وإحياء الماضي التليد !!!! الما عندو قديم ما عندو جديد ومن نسا قديمو تاه ,,,

---

Post: #109 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: المعز ادريس Date: 10-18-2012, 06:34 PM Parent: #107 فتأملي يا أسماء, لك التحية القيامة دي كلها في 15+2 ألف دولار و ميتيناية لكل عازف و هوتيل و إستشفا و سيارة, و لي منو؟ لي (محمد الأمين)؟ قارني مع ما تم تقديمه لعصام الحضري حارس الفراعنة و المريخ كذلك مع ما قدم لزيدان إبراهيم و هو يحتضر! بكرة أبواللمين (لا سمح الله) تحصل ليهو حاجة, تعالي أقري ما سوف يكتب عنه, و عن (تقصيرنا) في حقو(!), و بعدين أهلنا السودانيين ديل بيعرفو الفنان دا بيغني و بيقول في شنو, لكن ما بيعرفوا جنس فرقة محمد الأمين دي بتعزف (كيف) و تتعب (كم)! أحزنتني ال200 دولار دي في حق كل واحد فيهم (و هم في سفر لخارج البلد), لدرجة. ------------ بتاع الإيميل دا ما عرفته!(وجه باسم رامش)

---

Post: #108 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-18-2012, 06:10 PM Parent: #99 Quote: اصلاً مبلغ ال15 الف دولار طلعت من الحكومة البحرينية ممثلة في الوزارة المعنية وهي عن المقابل المادي لي ولفرقتي عن المشاركة في المهرجان ولاصلة لها بحفل الجالية. هذا الكلام كان قد أبلغني به السفير السوداني بالبحرين من الخرطوم قبل السفر والسفير أضاف يقول لي إن هناك حفل آخر للجالية السودانية هناك تتفق معاهم عليه وناس الجالية ما بقصروا معاك فيه. عندما ذهبت واقمت حفل المهرجان البحريني الرسمي دون اي عقبات استلمت مبلغ ال15 الف دولار بعد تحويلها من العملة البحرينية وسلمت الفرقة منها مبلغ 7 الف دولار وأنا استلمت ال8 الف الباقية. ال15 الف كانت اتعاب حفل الحكومة البحرينيةفقط ولا داعي لخلط الأوراق. نجي لحفل الجالية: مندوب الجالية قام سلم العازفين كل واحد 200 دولار وقال ليهم دي نثريات وقال إنو دافعها من جيبو ورئيس الجالية نفى هذا الكلام وقال إنها قروش الجالية .انا بالنسبة لي هذا التصرف كان غلط لان الفرقة عندها ليدر وكان يجب تسليمه هو هذه القروش أو تسليمها لي انا المسئول عن فرقتي . ومندوب الجالية حاول يسلمني ألف دولار رفضت استلمها لنفس السبب .ما قبلت الألف مش لانها شوية أو كتيرة لكن عشان التقسيم الجرى دا.دي ما طريقة دي.وفي الآخر قبلت بعد تدخل رئيس الجالية واعتذاره لي عن أن تصرف مندوبهم بتوزيع القروش للعازفين بتلك الكيفية كان غلط.في النهاية اتضح إن ال200 دي هي أجر العازفين عن حفل الجالية والعازفين أنا طبعاً اتعامل معهم بطريقتي المذكورة هنا عن طريق الليدر رئيسهم. بعد داك اتصل بي السفير وقال لي أنا ذاتي عندي ليك الف دولار وقلت ليه شكراً لن ارفض هذا الالف لكن أنا ما جايي باتفاق مع ناس الجالية بي قروش محددة . بعد الحفل سلمني السفير المبلغ.واكرر بعد الحفل.وهذا الألف الأخير كان بمبادرة منه ولم اطالب به.الكلام دا كلو أسالوا منه رئيس الجالية بالبحرين وما قاله الدكتور معز غير صحيح فلا دخل لل15 الف بحفل الجالية حفل الجالية استلمت عنه الف منهم و200 لكل عازف بتلك الطريقة التي لم ارض عنها والف من السفير شخصيًاً واسالوا رئيس الجالية في البحرين المسئول عن حفل الجالية ليؤمن على كلامي هذا أو ينفيه. إفادة تاريخية من الأستاذ..أطال الله عمره ومتعه بالصحة.. شكراً د. بشرى الفاضل أن جعلت هذا ممكناً.. ولكن.... المتابع والقارئ الكريم قد يجد الشقة جد بعيدة بين الإفادتين... لا أدري..ولكني بدأت أفقد رغبة البحث عن "الحقيقة"... متعبة الحاجات وشكلها بقى بايخ...موش؟؟ غايتو.. الله يجيب الخير.. .. .

---

Post: #110 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: المعز ادريس Date: 10-18-2012, 06:47 PM Parent: #108 ( المتابع والقارئ الكريم قد يجد الشقة جد بعيدة بين الإفادتين... لا أدري..ولكني بدأت أفقد رغبة البحث عن "الحقيقة"... متعبة الحاجات وشكلها بقى بايخ...موش؟؟) لا لا لا يا محمود ما تفقد بتفقدنا معاك سوائل محمد الأمين دا واحد من إشراقات قليلة طلعنا بيها في حياتنا أهل السودان الجالية بتكون كلمت الحكومة و الحكومة يسرت الموضوع و هسة الرايح لينا هو موضوع (الديباجات)!, عشان نقدر نلخص و نختم!

---

Post: #112 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Bushra Elfadil Date: 10-18-2012, 07:38 PM Parent: #110 التحية للمتداخلين واسمحوا لي أن تكون تحيتكم عبر الشاعرة أسماء الجنيد لها التحية. كلكم عبرتم بطرق شتى عن استهجانكم لما تم من كتابة حتى لو كان ما تقوله حقيقة عن مبدع أضاف للرصيد الذهبي للغناء السوداني أغنيات واغنيات على رأسها الملحمة التي ستدخل دون شك ضمن أفضل مائة أغنية سودانية على مر العصور. هنالك حقيقة لابد من ايضاحها سبق ان أوردت نقلاً عن ايهاب محمد عبدالله عن رابطة معجبي محمد الأمين أن مبلغ ال15 الف كانت عبارة عن أتعاب الحفلتين الحفل الرسمي بالإضافة إلى حفلة الجالية.ويبدو أنني فهمت ايهاب خطأ واتحمل وزر عدم صحة هذه المعلومة فقد ذكر لي محمد الأمين كما أوردت بأعلاه عبر مكالمته الهاتفية إن مبلغ ال15 ألف هو من الحكومة البحرينية لمناسبتها هي فقط ولا دخل للجالية بهذا المبلغ . بقي لنا ان نحسب : محمد الأمين رافقته فيما روى عضو رابطة محمد الأمين بالفيس بوك أيمن كمال 17 عازفاً فهل كان مبلغ الألف الذي منحته له الرابطة يكفي لو قمسه الفنان للعازفين ؟دعكم من ال200 لكل عازف فهذه قالت الجالية إنها نثريات إكرامية .ألن يجعل مثل هذا التصرف العازفين يتلفتون لأخذ نصيبهم من حفل الجالية مع عددهم الكبير ؟كم كان سيكون نصيب كل فرد منهم لو قسم عيهم محمد الامين الألف.طبعاً سيذكر البعض الالف الأخرى التي منحها السفير للفنان بعد الحفل .هذه هل هي من الجالية؟ الحق الحق اقول لكم : لقد استندت الجالية على دعوة حكومة البحرين وإلا سيكون عليها ان تدفع تذاكر سفر للفنان وفرقته ذهاباً وإياباً واتعاب للفنان مضاعفة فالالف الذي منح له في حفل البحرين مبلغ ضئيل مقارنة بحفلات الفنانين السودانيين حتى الذين يجيئون للخليج ويرتاد المغتربون وأسرهم فرادى حفلاتهم بلا جاليات ولا غيرها .مثل تلك الحفلات يكون إيرادها أضعاف أضعاف (إليف) محمد الأمين وحتى الالفين إذا حسبنا ما حصل عليه من السفير.. الكلام عن القروش بهذه الكيفية مسألة محزنة للغاية. وهذا ما قصدت به في مفتتح هذا البوست كلمة تشهير. الفنانون ليسوا معصومين لكن ما يصدر عنهم من تافف أحياناً وهم يقيمون حفلاتهم مفهوم لنا كون الفنان السوداني مثل الكرة الارضية التي بلا غلاف جوي في غياب مديري الأعمال والسكرتاريا كثير من الأشعة الضارة تنفذ إلى هذا الكوكب المبدع. . ومحمد الأمين كوكب دون شك.وعلينا نحن السودانيين من محبي فنه والفن السوداني أن نكون غلافه الجوي الذي يحميه. غداً يجيء فنانون سودانيون عظام مثله بأغلفتهم الجوية مثلما الحال في الغرب والعالم المتقدم. دمتم. ويا دكتور معز ساكتب لك وشكراً لتفهمك الذي أبديته بعدم إثارة هذا الموضوع مرة أخرى.

---

Post: #111 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-18-2012, 07:20 PM Parent: #99 مكررة

---

Post: #113 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Yassir Mahgoub Date: 10-18-2012, 08:58 PM Parent: #111 يعني بالواضح كده يا ابو اللمين نحن الدخلنا إسمك لوزارة الثقافة البحرينية عن طريق القامات العالية جداً بتاعتنا دي و نحن الخليناهم يدعوك و يدفعوا ليك 15 الف دولار و ينزلوك في فندق فايف ستار و يقطعوا ليك التذاكر انت و فرقتك و نحن الإتكرمنا عليك بالعلاج خلال فترة وجودك عشان كده ما من حقك تتدخل في أي إتفاق نعمله مع القنوات الفضائية و فرقتك دي ذاتها ما عندك بيها شغلة نحن بنحاسبها نفر نفر و انت ما عندك غير حق صوتك الالف دي تشيلها من سكات و معاها عطية مزين من السفير.

---

Post: #114 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: سيف النصر محي الدين Date: 10-18-2012, 09:15 PM Parent: #113 للأسف دي النجيضة يا ياسر محجوب.

---

Post: #117 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: saif basheer Date: 10-18-2012, 10:22 PM Parent: #114 Quote: التحية للمتداخلين واسمحوا لي أن تكون تحيتكم عبر الشاعرة أسماء الجنيد لها التحية. كلكم عبرتم بطرق شتى عن استهجانكم لما تم من كتابة حتى لو كان ما تقوله حقيقة عن مبدع أضاف للرصيد الذهبي للغناء السوداني أغنيات واغنيات على رأسها الملحمة التي ستدخل دون شك ضمن أفضل مائة أغنية سودانية على مر العصور. هنالك حقيقة لابد من ايضاحها سبق ان أوردت نقلاً عن ايهاب محمد عبدالله عن رابطة معجبي محمد الأمين أن مبلغ ال15 الف كانت عبارة عن أتعاب الحفلتين الحفل الرسمي بالإضافة إلى حفلة الجالية.ويبدو أنني فهمت ايهاب خطأ واتحمل وزر عدم صحة هذه المعلومة فقد ذكر لي محمد الأمين كما أوردت بأعلاه عبر مكالمته الهاتفية إن مبلغ ال15 ألف هو من الحكومة البحرينية لمناسبتها هي فقط ولا دخل للجالية بهذا المبلغ . بقي لنا ان نحسب : محمد الأمين رافقته فيما روى عضو رابطة محمد الأمين بالفيس بوك أيمن كمال 17 عازفاً فهل كان مبلغ الألف الذي منحته له الرابطة يكفي لو قمسه الفنان للعازفين ؟دعكم من ال200 لكل عازف فهذه قالت الجالية إنها نثريات إكرامية .ألن يجعل مثل هذا التصرف العازفين يتلفتون لأخذ نصيبهم من حفل الجالية مع عددهم الكبير ؟كم كان سيكون نصيب كل فرد منهم لو قسم عيهم محمد الامين الألف.طبعاً سيذكر البعض الالف الأخرى التي منحها السفير للفنان بعد الحفل .هذه هل هي من الجالية؟ الحق الحق اقول لكم : لقد استندت الجالية على دعوة حكومة البحرين وإلا سيكون عليها ان تدفع تذاكر سفر للفنان وفرقته ذهاباً وإياباً واتعاب للفنان مضاعفة فالالف الذي منح له في حفل البحرين مبلغ ضئيل مقارنة بحفلات الفنانين السودانيين حتى الذين يجيئون للخليج ويرتاد المغتربون وأسرهم فرادى حفلاتهم بلا جاليات ولا غيرها .مثل تلك الحفلات يكون إيرادها أضعاف أضعاف (إليف) محمد الأمين وحتى الالفين إذا حسبنا ما حصل عليه من السفير.. الكلام عن القروش بهذه الكيفية مسألة محزنة للغاية. وهذا ما قصدت به في مفتتح هذا البوست كلمة تشهير. الفنانون ليسوا معصومين لكن ما يصدر عنهم من تافف أحياناً وهم يقيمون حفلاتهم مفهوم لنا كون الفنان السوداني مثل الكرة الارضية التي بلا غلاف جوي في غياب مديري الأعمال والسكرتاريا كثير من الأشعة الضارة تنفذ إلى هذا الكوكب المبدع. . ومحمد الأمين كوكب دون شك.وعلينا نحن السودانيين من محبي فنه والفن السوداني أن نكون غلافه الجوي الذي يحميه. غداً يجيء فنانون سودانيون عظام مثله بأغلفتهم الجوية مثلما الحال في الغرب والعالم المتقدم. دمتم. ويا دكتور معز ساكتب لك وشكراً لتفهك الذي أبديته بعدم إثارة هذا الموضوع مرة أخرى. عزيزي الفاضل د. بشرى الفاضل لم اتابع سودانيز اولاين فترة من الزمن، وتنبهت لهذا البوست بالأمس، قرأت كثيراً من الآراء التي لا تستند على أية خلفية موضوعية، وآلمني أن أقرأ بعضها من أصدقاء يعرفون القامة محمد الأمين عن كثب (أعني الصديق أزهري)، ولكن بمجرد قراءتي لما تكتب، يزول ذلك الحنق في التو واللحظة.. أعرف أنني لن أكون محايداً لعلاقتي بالموسيقار محمد الأمين، وفكرت في الاتصال به لاستجلاء الأمر، وبالفعل تحدثت مع نجله المعز، ووجدته ساخطاً مثلي تماماً.. وبعدها بدقائق معدودات قرأت مداخلتك وبها المكالمة الهاتفية الأولى (إيهاب). أثمن عالياً مسعاك في تمليك القراء الحقيقة.. وأقدر لك حرصك على إحقاق الحق باتصالك المباشر مع الاستاذ بنفسك. في أحدي زيارات الأستاذ تصادف وجود ابن اخت زوجتي معنا في المنزل، وكان عمره حوالي 10 سنوات. فبعد السلام، سأل الأستاذ سؤالاً مباشراً: انت فنان مشهور يعني انت مليونير؟ فضحك الأستاذ قائلا "يا ريت"، وقلت أنا مخاطباً الصغير: الاستاذ مليونير بحب الناس. فإذا كان الاستاذ حريصا على "المادة" بالشكل الذي أورده البعض في هذا البوست، لكان الأستاذ: - لديه عدد غير محصور من الاملاك والعمارات والشنو ما عارف.. - تمكن من إكمال بناء منزله في الحتانة - تخلى عن السكن في بيوت الإيجار - أعاد أبناءه من الغربة لإدارة هذه الثروات الطائلة التي يدعيها البعض - ... - ... - كان جاء لندن عمل عمليتو المؤجلة! على حسب معلوماتي المؤكدة أن ممثلي وزراة الثقافة البحرينية اقترحوا على الاستاذ أول الأمر أن يشارك بالعود فقط "ويقبض" الـ 15 ألف دولار، ولكنه لحرصه على تقديم فنه بالصورة اللائقة، وتمثيله لبلده بالصورة المشرفة أصر على اصطحاب فرقته بكاملها (ولم يقصر الرجل بأن اقتسم معهم المبلغ). وكما ذكر البعض، شي مخجل أن تتطاول الأقلام على القامة محمد الامين "من أجل حفنة دولارات".. ففي مقارنة غير جائزة ربما، ستقوم المغنية الأمريكية الشابة "ريانا" بتقديم اغنيتين في مركز تسوق في شرق لندن في الكريسماس وسيكون أجرها عن هاتين الاغنيتين 5 ملايين استرليني!! بالنسبة لموضوع العلاج الاقترحوه البحرينيين: بايعاز من السفير "بصورة شخصية" وله الشكر في هذا، اقترحوا أن يجروا له فحوصات شاملة كاملة تشمل حتى العينين، إلا أنه أصر على أنه يعلم بحالته الصحية ولا يحتاج لكل هذا، بل اقترح عليهم أنه إذا كان لابد، فهو يفضل أن يعرض على جراح لبحث موضوع عملية الفتاق المؤجلة لأسباب مالية (قدرت تكلفتها في لندن بـ 12 ألف استرليني). فعرضوه على جراح مصري، إلا أنه هذا الجراح أصر على الاطلاع على التقارير السابقة نظراً لأن هذه ستكون المرة الثالثة لهذا الفتاق. ولكن، لم تكن التقارير بحوزته، فتم الاتفاق على أن ترسل التقارير لاحقاً وآثر العودة للسودان لكي يجنب مضيفيه تكاليف الإقامة بالبحرين (بالفنادق الفاخرة والسيارات والمرافين،،، الخ). أشكرك مرة أخرى يا د. بشرى

---

Post: #115 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-18-2012, 09:22 PM Parent: #113 Quote: يعني بالواضح كده يا ابو اللمين نحن الدخلنا إسمك لوزارة الثقافة البحرينية عن طريق القامات العالية جداً بتاعتنا دي و نحن الخليناهم يدعوك و يدفعوا ليك 15 الف دولار و ينزلوك في فندق فايف ستار و يقطعوا ليك التذاكر انت و فرقتك و نحن الإتكرمنا عليك بالعلاج خلال فترة وجودك عشان كده ما من حقك تتدخل في أي إتفاق نعمله مع القنوات الفضائية و فرقتك دي ذاتها ما عندك بيها شغلة نحن بنحاسبها نفر نفر و انت ما عندك غير حق صوتك الالف دي تشيلها من سكات و معاها عطية مزين من السفير تصدق يا ياسر زغرت ليك !! رغم الوجع البارك ده ,, والله صحي إنا للــــــــــه إنت مش عبرت بس !! إنت مرقت الكان مكتوم في الجوف وفاير دخاخين ,, دخاخين من امس جوفي مولع نارا جمرها يشطشط .. ودايرة اقول كلامك ده بالنص ,, لكن قلت يا سوما اصلها مولعة كدي النبلع المر ونقول رأينا شوية شوية عشان خاطر ناس تانية وعشان خاطر عين اكرم ألف , لكن بالجد ده الفهمتو وإستنتجتوا من كل الهيلامنة دي . وكفى .. تسلم يا ود المحجوب ,, ربي يحجب منك كل شر بركة قبائل العيد السعيد ,, قول آميـــــــن

---

Post: #118 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: الامين موسى البشاري Date: 10-18-2012, 10:37 PM Parent: #115 Quote: تصدق يا ياسر زغرت ليك !! رغم الوجع البارك ده ,, والله صحي إنا للــــــــــه إنت مش عبرت بس !! إنت مرقت الكان مكتوم في الجوف وفاير دخاخين ,, دخاخين من امس جوفي مولع نارا جمرها يشطشط .. ودايرة اقول كلامك ده بالنص ,, لكن قلت يا سوما اصلها مولعة كدي النبلع المر ونقول رأينا شوية شوية عشان خاطر ناس تانية وعشان خاطر عين اكرم ألف , لكن بالجد ده الفهمتو وإستنتجتوا من كل الهيلامنة دي . وكفى .. تسلم يا ود المحجوب ,, ربي يحجب منك كل شر بركة قبائل العيد السعيد ,, قول آميـــــــن ما تعلمي قلمك المهابة يا سوما ياخ والله صحي

---

Post: #119 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-18-2012, 11:07 PM Parent: #118 ود البشاري يا الطير الخداري حاشا وكلا يا ود امي والله لا اخشى قول الحقيقة والرأي الصريح وإن على رقبتي سيف افو انا خيتك يابا بعدين المهابة هنا شن جابا ؟ الطرح الفوق ده كلو مع الشرح المفصل دحين ما فهمك حاجة ؟ انا قلتها بالحرف الواحد إنه لا كبير على النقد ، لكن بي فهم وإحترام الحاجة التانية ما لازم إنت لما تداخل بي رأي معناها الرأي ده بشمل كل المختلف معاهم .. بعدين شايفاك فوق قلت داير تكتر من البركة وتدبل بالخيرة السمحة ياني الجيتك بالدرب والله صحي دحين ارع بي قيدك

---

Post: #120 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Bushra Elfadil Date: 10-19-2012, 07:30 AM Parent: #119 عزيزي سبف بشير هذه الكلمات التي سطرتها أنت هنا تنضح بحب محمد الأمين وتضيء الحقيقة الساطعة عن جبل هموم ما يتعرض له أهل المغنى الحقيقيون من أمثاله. في بلادنا لنا أن نتصور ما يكابده الرجل القامة من معاناة تمنعه في كثير من الأحيان حتى من الدندنة بالعود.لك التحية وحبذا لو تحدث معز بدلاً من السخط المكتوم..

---

Post: #121 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: سفيان بشير نابرى Date: 10-19-2012, 11:23 AM Parent: #120 Quote: يعني بالواضح كده يا ابو اللمين نحن الدخلنا إسمك لوزارة الثقافة البحرينية عن طريق القامات العالية جداً بتاعتنا دي و نحن الخليناهم يدعوك و يدفعوا ليك 15 الف دولار و ينزلوك في فندق فايف ستار و يقطعوا ليك التذاكر انت و فرقتك و نحن الإتكرمنا عليك بالعلاج خلال فترة وجودك عشان كده ما من حقك تتدخل في أي إتفاق نعمله مع القنوات الفضائية و فرقتك دي ذاتها ما عندك بيها شغلة نحن بنحاسبها نفر نفر و انت ما عندك غير حق صوتك الالف دي تشيلها من سكات و معاها عطية مزين من السفير. سلام يا ياسر محجوب ياخ امركم يحير الطب الطبابه !!! و أنتو يا أخوي بمساماتكم العاليه و قاماتكم ديل طيب ما كان تقدموا نزار المهندس أو خالد عجُوره!!!!؟ ليه تحديداً محمد الأمين !؟ مش لانو دا ود الأمين الباشكاتب الصنع لنفسه مكانه بعصاميه و صبر و جلد و تاريخ طووويل جداً وصل ل50 سنة لا انت لا القامات العالية دي تعرف عنها حاجة ! بعد تجي تقول تحنا الدخلنا اسمك!!! ياخ عليك الله خليك عادل و منصف اسم ود الأمين الدخلو هو جودة تاريخه صنعه و دا السبب الاقنعكم انتو و ناسك ديل فبالله ما تلو الحاجات ساااي كدا !!! أختي أسماء الجنيد كيفن تزغردي للغلط !!! انتي زولة نصيحة فبقول ليك كلام ياسر دا ما بزغردوا ليهو ياسر دا لازم يعرف انو ود الأمين القدم اسموا هو تاريخو . و العتبى لكم .

---

Post: #122 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-19-2012, 11:52 AM Parent: #121 Quote: أختي أسماء الجنيد كيفن تزغردي للغلط !!! انتي زولة نصيحة فبقول ليك كلام ياسر دا ما بزغردوا ليهو ياسر دا لازم يعرف انو ود الأمين القدم اسموا هو تاريخو . و العتبى لكم . سلام يا سفيان واريتك طيب وأسرتك الكريمة وكل سنة وإنتو طيبين إن شاء الله والله يا سفيان يا خوي بالجد حيرتني في فهمي ,, ربما اكون فهمت غلط ولا إنت غلط وفي الحالتين منكم نتنور وإتنين يقولولك غلطان يبقى لازما عليك تتبن رأسك طوالي ,,, كده إنت أكدت لي كلام ود البشاري , يعني بقيتو علي إتنين نجي برواقة الغلط شنو في كلام الأخ باسر ؟؟ قبل كل شيء الزميل ياسر يشهد الله والدنيا جمعة لا اعرفه ولا حصل قريت ليه ولا إتداخلت معاه قبل كده ، إلا في المداخلة اعلاه في هذا البوست... واعتقد إنه زميل جديد في سودانيز ’ لكن إشارته الفوق دي فهمت منها إنه الناس دي الإختلفت مع ود الأمين جملة وتفصيلا قصدهم كلو إنه يمتنوا عليه وكفى .... لأنه ذكر الحاجات بي تفاصيلها كان مر شدييييد ,,, وده كان فهمي حسب قرايتي لي المداخلة ,, عشان كده قلت لي عبرت عني تماما وعن الكثيرين ,, لكن لو كان فعلا انا فهمت غلط وكلامك إنت وود البشاري صاح وأكد الأخ ياسر ما يشير له عكس فهمي للمداخلة يبقى الحق علي اعتذر علنا في هذه المداخلة ولكم العتبى حتى ترضوا ومي الزغروتة دي نسحبها ونعلقا لي ود البشاري في ضهرو بس يمرق لينا جلد المريخ ده ,,, والله صحي شكرا يا نابري للعشم الحنين ولك العتبى مرتين والسلام لك وعبرك مطبوق للحبيبة ست بيتك ,,,

---

Post: #123 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: سفيان بشير نابرى Date: 10-19-2012, 12:08 PM Parent: #122 إخيتي بت الجنيد اسماء كتر خيرك على الرد و السلام و الكلام الطيب (هو حالك و فالك) يا أسماء الأخ ياسر عبد القادر للأسف بقول :- ياود الأمين لو لانا نحنا و القامات العالية ما كانو دعوك للبحرين لانو نحنا و القامات العالية القدمنا اسمك للبحرينيين و ياريت لو اكتفي بي كدا و بس !!!! راجعي كلاموا بتلقيهو اسوء كلام انكتب في كل القصة بتاعة الحفل دا !!! الأخ ياسر يا أسماء فاكر ود الأمين بقى فنان بالهينة و لا كيف!!! فاكر السنين الطووويله العدها ود الأمين بجود في مهنته و احترافيته دي عدت كدا ساااي !!! ياخ الزي ود الأمين يا أسماء لما يقدموهو ناس ما بقدموهو عشان هم ختيرين و قدامين لا بقدموهو لانو هو عبر تاريخه الطوووويل و تجويده صقله لنفسه اقنعهم تمام التمام عشان كدا كراعهم في رقبتهم يقدموهو ولا كتر خيرهم ذاتو !!! فاكرنو شكر الله و لا أحمد الصادق !!! (مع تقديري لجمهور المذكرين) و السلام ختام اختي الشقيقه .

---

Post: #124 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: أيمن الطيب Date: 10-19-2012, 12:17 PM Parent: #123 سلامات يا نابرى,, حيرتنا يا صاحب!!!!!! إنت جاى من الإتجاه المعاكس تماااااااااااما فى فهمك لمداخلة الأخ ياسر!!!!! الرجل وجه سهام كلامه ضمنيا نحو الذين أوحى كلامهم بأنهم أصحاب فضل بإتجاه الأستاذ وعليه أن يتقبل منهم أى شى وكل شئ ويفعل فقط ما يودونه هم دون أن يناقش أويتكلم!!!!!!!!! وقع ليك يا سفيان!!! أرخ أعصابك شوية وأقرا المداخلة تانى... تحياتى.. القصة معقدة ولكن فيما يبدو أن البعض قدتحامل على الأستاذ وبعد ظهور التفاصيل كلها أصبح الموضوع واضح وضوح الشمس...

---

Post: #125 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: على محمد الخير Date: 10-19-2012, 12:32 PM Parent: #124 تحياتى اخى ايمن ، Quote: إنت جاى من الإتجاه المعاكس تماااااااااااما فى فهمك لمداخلة الأخ ياسر!!!!! اكفيتنى الرد .. ان كان المقصود حبيبنا د.ياسر .. كنت على وشك توضيح هذا الخلط .. . يا جماعة روقوا المنقة القراية المستعجلة ما كويسة ..

---

Post: #126 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-19-2012, 12:35 PM Parent: #124 Quote: حيرتنا يا صاحب!!!!!! إنت جاى من الإتجاه المعاكس تماااااااااااما فى فهمك لمداخلة الأخ ياسر!!!!! الرجل وجه سهام كلامه ضمنيا نحو الذين أوحى كلامهم بأنهم أصحاب فضل بإتجاه الأستاذ وعليه أن يتقبل منهم أى شى وكل شئ ويفعل فقط ما يودونه هم دون أن يناقش أويتكلم!!!!!!!!! وقع ليك يا سفيان!!! أرخ أعصابك شوية وأقرا المداخلة تانى... تحياتى.. القصة معقدة ولكن فيما يبدو أن البعض قدتحامل على الأستاذ وبعد ظهور التفاصيل كلها أصبح الموضوع واضح وضوح الشمس... حباااابك يا ود الطيب , كيفنك يا أيمن وأريتك طيب سفيان يا بوي اها انا فهمي للمداخلة وقريتها حسب قراية اخونا أيمن الفوق دي ... الأخ ياسر مداخلتو مستفزة جدا في حق الناس الهاجموا ود الأمين ، والكلام الكاتبوا ده نتاج غضبة شديدة وتحليل لما يدور خلف الكواليس في كل الحاصل ده يعني يا سفيان مش هو البقول الكلام ده . الكلام ده قالوا بلسان الناس الهاجمت الأستاذ , رغم إنهم ما قالوا كده ’ لكن أفعالهم أكدت ,, والله اعلم بعدين يا ود أمي ما ممكن اجي اناقض نفسي بي نفسي في فد بوست والفرقة بيناتهم لفة بس ,,, لو قريت مداخلاتي الفوق للشباب ديل بتعرف مدى غضبتي وعدم رضاي لكل الحصل .. ويا ود الأمين قالوا متألم شوية ,, ياخي ألف بعد الشر عليك اها إن شاء الله يكون كلامنا وقع ليك يا خوي وشكرا من تاني لي الأخ أيمن وتسلم والله

---

Post: #127 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-19-2012, 12:41 PM Parent: #126 متاوقة الأخ إسمو ياسر محجوب يا سفيان ما ياسر عبد القادر ,, لكن لقيتك جاكي جكة لا منكرب غادي ,, والله صحي هسه بجيك ياسر عبد القادر يقول ليك في ظمممممممتك دي شفتني حايم بي جاي ؟ لوووووووولز التحايا للجميع ضحكتونا رغم الوجع والله بالصح بالصح

---

Post: #128 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: الامين موسى البشاري Date: 10-19-2012, 01:07 PM Parent: #122 Quote: نجي برواقة الغلط شنو في كلام الأخ باسر ؟؟ قبل كل شيء الزميل ياسر يشهد الله والدنيا جمعة لا اعرفه ولا حصل قريت ليه ولا إتداخلت معاه قبل كده ، إلا في المداخلة اعلاه في هذا البوست... واعتقد إنه زميل جديد في سودانيز ’ لكن إشارته الفوق دي فهمت منها إنه الناس دي الإختلفت مع ود الأمين جملة وتفصيلا قصدهم كلو إنه يمتنوا عليه وكفى .... لأنه ذكر الحاجات بي تفاصيلها كان مر شدييييد ,,, وده كان فهمي حسب قرايتي لي المداخلة ,, عشان كده قلت لي عبرت عني تماما وعن الكثيرين ,, نحن صاح وصاحبنا سفيان دا أدوه الضل ... أقرب ضل يا جماعة وادوه جك موية سااااقط اسماء دي من امبارح بتلف وتدور وما قادره تقول الكلام دا مباشر وعشان كدا قلت ليك يا سوما ما تعلمي قلمك الخوف والمهابة ما حدث مؤلم حد الوجع ياخ التنظيم ســـئ جدا جدا ودي كل الناس اتفقوا عليها كل شهود العيان تقريباً وهذا ليس ذنب الباشكاتب طبعاً ما يؤخذ على ود اللمين ربما طرده لقناة النيل علناً وأكرر علنا دي كان بالراحة كدا وبينو وبينهم ممكن يقول ليهو اتخارجوا ياخ ومن وضع الناس في هذا اللغط هو الاتفاق الهش والمطاطي بين ود اللمين والقناة بما انو الناس قعدوا للجودية كان يحلوا المسألة في ساعتها في بيت السفير وخلاص ابو اللمين لم ولن يسقط في اعيننا ابدا مهما حدث زول بفتش على حقه وهذا حقه المشروع .. فهو فنان محترف والغناء مصــدر رزقه الوحيد فما العيب في ذلك؟ في الآونة الأخيرة الكثير من المبدعين والفنانين ذهبوا للمحاكم للحصول على حقوقهم كل محاولات النيل من محمد اللمين سوف لن تجدي ابدا ......... والله صحي Quote: ومي الزغروتة دي نسحبها ونعلقا لي ود البشاري في ضهرو بس يمرق لينا جلد المريخ ده ,,, والله صحي آآآآآآآآآآي ماني الحيطة القصيرة حقتك لا عليك يا سوما أخوك شيال التقيلة شيلي واطلســـي ساااي في ضهرو .. والله صحي والزغروته خليها للبركة التانية تحياتي

---

Post: #129 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-19-2012, 01:18 PM Parent: #128 Quote: آآآآآآآآآآي ماني الحيطة القصيرة حقتك لا عليك يا سوما أخوك شيال التقيلة شيلي واطلســـي ساااي في ضهرو .. والله صحي والزغروته خليها للبركة التانية تحياتي ها جنا هااا أنا لصقت فيك ملاح خدرة ولا ملاح ورق اخددددر في جلابية العيد ؟؟ مي زغروووتة وحنيييينة جنس محنة لامن تشرق , والله صحي متاوقة بي تليبة , حاج تلب عدييل الليلة يا ود البشاري اتيمنت واتنضرت نضرا سدادو عمري على قول حبوبتي التومة تني ليك مافي ,, يتنو ليكم الغلب للمريخ قول آمين ,,, قال بركة تانية قال قووم لف اشتري هدوم العيد وتعال , وجيبوا لي معاكم توبي اللخدر

---

Post: #130 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Zomrawi Alweli Date: 10-19-2012, 02:21 PM Parent: #19 Quote: المقال "ملفوح" من هنا: المصدر: http://almeghar.com/permalink/5934.html .. . والله لمن جيت هنا شرطني الضحك... ياخي انت ألذ مرض وايه الوداك هناك في المهجر عالم شمشام

---

Post: #132 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: سمير شيخ ادريس Date: 10-19-2012, 03:10 PM Parent: #130 كتب د. بشرى الفاضل ( ويا دكتور معز ساكتب لك وشكراً لتفهك الذي أبديته بعدم إثارة هذا الموضوع مرة أخرى.) دعنى اختلف معك استاذى فبعد قراء تى افادتك على لسان الباشكاتب والتى اجلت كثير من المواقف اثارنى السطر الاخير بمناشدة البروف معز بعدم اثارة الامر ثانية .... أن البروف ينقصه قبل ان ينزوى اعتذارا للباشكاتب ومعجبيه عمااصابه واصابهم من صدمة وتجريح من جراء الكلام القاسي الذى نقله البروف عنه ..وايضا عن تسرعه فى نقل الوقائع قبل ان يستبين الكثير من الحقائق حولها ونشرها على الملأ دون أن يترك للطرف الثانى فرصة أو الدفاع عن نفسه لا نغمط البروف حقه فى النقد وليس الباشكاتب بكبير على ذلك لكن فلياتى الامر فى صورة محببة وكريمة ولا أجد مبررا للغة الخشنة التى تنضح بالمرارة التى كتب بها البروف مقاله والتى تشير بشكل واضح لاستهداف البروف للباشكاتب فهى لغة مختلفة اقراها لاول مرة على لسان البروف حتى فى مخاطبة منتقديه شخصيا تعرضت للبروف عديد من المرات بالانتقاد والمخاشنة فى عدد من المداخلات لكنه رد على بلغة عالية الهدؤ رغم خشونة المداخلات مما يجعلنى اشك بان حالة الباشكاتب مختلفة ولها دافع خفى . والشكر لدكتور بشرى لما بذله من جهد وزمن وصبر وما تكبده من مشاق فقط من أجل الحقيقة وتخيل معى لولا هذا الجهد كيف كانت ستكون نظرة الناس للباشكاتب بعد ما ترسخ فى اذهان الكثيرين من تشويش لصورته بعد ان انتاشته سهام قلم البروف الطائشة ؟ بل أرى ان البروف عليه أن كان حقانيا أن يعتذر على ذات الصحيفة التى كتب فيها تخرصاته ليقرأه الالاف الذين طالعزا المقال الاصل ويعنون مقال الاعتذار بالرقم ( 3) فالصحيفة منتشرة اكثر من المنبر ويحتاج عامة القراء لاجلاء الحقائق بقدر ما لحق باذهانهم من تشويش .

---

Post: #133 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: سفيان بشير نابرى Date: 10-19-2012, 04:05 PM Parent: #132 تحياتي يا جماعه اول حاجة اعتذاري لاخي الهلالي الرشاشه ياسر عبد القادر الذي اردته اسمه بالغلط و شكراً أختي اسماء على التنبيه . الحاجه التانيه يا أيمن الطيب و اسماء و علي محمد الخير و البشاري يا جماعة الخير اخونا ياسر محجوب دا كتب كلام طااخ ولا فسر لا كتب اي توضيح اها انا افهمو ليكم كيف!!! ياخ انا الله ما اداني قدر علمكم و فهمكم دا و معرفة النوايا ساكت كدا و حسب معرفتي الحبه في منبر من لا منبر له دا الواحد بيكتب كلامو بشكل كامل و لو في شي ما و اضح بوضحو . اهو انا اتعاملته مع كلامو زي ما لقيتو بس انتو علمكم اكبر من علمي طالما كلكم شايفين كدا و انا النمش الضل ساااكت . يا بت الجنيد بالمناسبة انا بتفق معاك فووق انو اخونا محمود العربي صاحب البوست دا برضو ظلم ود الأمين و انا قلته ليهو خليك محايد و هو و كنت بقصد انو العربي في العنوان بتاع البوست عصر على ود الأمين واهو كلامنا و احد تب . تحياتي للجميع .

---

Post: #134 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Khalid Kodi Date: 10-19-2012, 07:02 PM Parent: #133 Quote: يعني بالواضح كده يا ابو اللمين نحن الدخلنا إسمك لوزارة الثقافة البحرينية عن طريق القامات العالية جداً بتاعتنا دي و نحن الخليناهم يدعوك و يدفعوا ليك 15 الف دولار و ينزلوك في فندق فايف ستار و يقطعوا ليك التذاكر انت و فرقتك و نحن الإتكرمنا عليك بالعلاج خلال فترة وجودك عشان كده ما من حقك تتدخل في أي إتفاق نعمله مع القنوات الفضائية و فرقتك دي ذاتها ما عندك بيها شغلة نحن بنحاسبها نفر نفر و انت ما عندك غير حق صوتك الالف دي تشيلها من سكات و معاها عطية مزين من السفير. انه عصر الانحطاط. أن ياتى احدهم ويسطر ماهو امامنا هنا، هل لنا اقرا هذه الكلمات عن الفنان محمد الامين فعلا؟؟؟ أنه شرف لك ايها النكره، وشرف لوزارة الثقافة البحرينية ولدولة البحرين ان يقبل محمد الامين ان يقف امامكم ويغنى ! رعاع. أنه عصر الانحطاط ان ياتى شبه مثقف (رمانسى) ساذج مثل دكتور معز عمر بخيت ، جاهلا بماهية الفن وتاريخه، وتاريخ المبدعين الموسيقيين تحديدا فى رحلتهم لانجاز مشاريعهم الفنية ... والى أن نعود لهؤلاء الرعاع يظل الاستاذ محمد الامين فنانا ذى سقف عالى من المواقف الاخلاقية والإنسانية وسجل إنجاز إبداعى لايضاهى غناه اموال البحرين وغيرها! ياللاسف وياللحسره.... ياللإنحطاط !

---

Post: #135 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-19-2012, 07:41 PM Parent: #134 يا استاذ خالد كودي سلام وتحية من حقك تغضب وتنتقد وتعبر عن سخطك ’ بس يا ريت دون عبارات الإساءة والألفاظ الغير محترمة لا دفاعا عن دكتور معز , لأنه عنده حساب ومن حقو يدخل ويرد اولا ما في اي إساءة مباشرة للأستاذ ود الأمين ولا بنسمح لحد يتطاول عليهو مهما حصل وإختلفنا مع الغير لكن بصراحة لي كل القرآء والمتداخلين في البوست ده , يا ريت لو يكون في إسلوب حوار يرتقي بنا لمصاف الشعوب الراقية البتناقش وبتحاور دون عنترية ودون إندفاع يقلل من قيمتنا قبل ما نعبر عن وجهة نظرنا.. الناس دي كلها غضبت وحاورت بي إدب وفهم ,, الألفاظ النابية والإسلوب الخشن ما بعبر عن مدي بنا وإحترامنا للطرف التاني ولا بعبر عن مدى غضبنا وإستنكارنا لما يحدث,, فقط بيفسر إنه جهل وعدم موضوعية في النقاش لا غير ,, ما إحترامي ليك وإنت رجل فنان , يا ريت لو تسحب كلامك الفوق ده وقصدت ما اكوتو ليك عشان ما يفضل وصمة في البوست بالجد ما جميلة يا استاذ خالد العبارات الفوق دي مجرد عشم فيك إنك تسحبها ولك الحق في البتشوفو مناسب ,, وعذرا إن ضايقتك صراحتي ,, شكرا من تاني

---

Post: #136 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-19-2012, 08:04 PM Parent: #135

---

Post: #137 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: nazar hussien Date: 10-19-2012, 08:14 PM Parent: #136 الطبلة بتحل يا محمود؟؟؟؟ زول شكل وجدان الشعب السوداني منذ الملحمة سنة كم...أكيد قبل ما يلدوني ويلدوك نجي نحن ناس سنة هسي دي نتكلم في محمد الامين....منع القناة الفلانية وأحرج فلتكان..... وين يا حبيب..؟؟

---

Post: #139 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Mahmoud Mustafa Mahmoud Date: 10-19-2012, 08:49 PM Parent: #137 الحبيب صديقنا نزار... Quote: الطبلة بتحل يا محمود؟؟؟؟ خلاص نضيف ليها "بُنقُز" ودُنَبْ وطار ولا نعملها كيتة مرة واحدة ولا كيف الدبارة؟؟ كتبت في بوست مجاور لحبيبنا دكتور سيف النصر: Quote: بعد التحية... أعتذر عن استخدام التعبير الدارج الموغل في السوقية "الحتة الفيها الحديدة"... صحيح العنوان كان Eye catching وفيه من الإثارة ما جعل قراءات البوست تتضاعف بوتيرة متصاعدة وكذا مداخلات وتفاعلات الأعضاء والقراء من خارج المنبر.. ولكن في النهاية ..لا يصح إلا الصحيح.. وعليه.. أكرر اعتذاري حيث أن التعبير ما كان ليجوز استخدامه في حق شخص في قامة وعطاء الأستاذ محمد الأمين.. خلي الغتاتة ورسل لي قرمة من التسجيلات العندك.. .. .

---

Post: #138 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Yassir Mahgoub Date: 10-19-2012, 08:26 PM Parent: #135 المثل بقول شرح المشروح غلبه لكن عشان ما يجي زول يفتح بوست ينبذني الكلام الكتبته و إقتبسوهو ناس كتار ده انا كنت قايلوا واضح بالشكل الفهموهو معظم الناس. انا ما قدرت اقتبس الكلام لأني ما لقيت حتة الإقتباس دي. الكلام ده انا حسيت بأنه الهجمه الشرسه على الأستاذ المبدع محمد الأمين ده الفهم بتاعها أو ما يقرأ بين السطور.

---

Post: #140 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: د. ياسر عبد القادر Date: 10-19-2012, 08:54 PM Parent: #138 الصفوة المتزمزق....سفيان نابري Quote: اول حاجة اعتذاري لاخي الهلالي الرشاشه ياسر عبد القادر الذي اردته اسمه بالغلط و شكراً أختي اسماء على التنبيه . غايتو كتر خير شاعرتنا سومة اللحقتك في اللفة.....أنا غايتو التلغراف الكان ماشي فرجينيا...رجعتو من أخر شارع في رستون.... أما عن رأي سميي الاخ ياسر محجوب ....ولا أعلم إن كان هو الصحفي أم بلدياتنا وكيل النيابة أم شخصا اخر) فهو بيستنكر في الهجمة علي ابو اللمين...(عكس ما وصل اليه الاخوة أعلاه)....ولكن سوطه هبش أخانا و صديقنا د. معز ونحن والله بروف معز دا ما بنرضي فيهو ...إختلفنا معه في هذا الخيط لكن هذا لا يفقد للود قضية ولا يزحزح مكانته عندنا..وهو وبسماحته المعهودة حيخليها صافية لبن مع الاستاذ ابو الامين ...وستعدي سحابة الصيف إن شاء الله شكرا يا سومة...شاعرتنا القديرة....وشكرا يا علي يا حبيب

---

Post: #141 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: فاروق عثمان Date: 10-19-2012, 09:37 PM Parent: #140 ود اللمين او ابو اللمين قامه فنيه سامقه استظل بها هذا الشعب لخمسين عاما وشلال ابداعي ارتوت منه الاجيال جيلا بعد جيل.فنان شكل وجدان هذا الشعب ونسج ابداعه في ذاكرته الجمعيه وحرك فيه قيم الشجو حينا والشجن حينا والفرح حينا والثوره حينا,محمد الامين قيمه وقامه كاهرامات هذه البلاد ونيلها الجاري لن ينالها تجريح او اساءه,فهو محصن بفنه وابداعه ومهاب بمعجبيه الذين يسدون عين الشمس كما ونوعا,محمد الامين الذي نلجأ اليه حين يتكدر المزاج ويضيق الخلق فيريح اعصابنا ويدوزن مزاجنا تماما كدوزنته لريشته التي حيرت المشرق والمغرب ولم تجد منا نحن ابناء جلدته الا تشهيرا و(كشفا لحاله).محمد الامين الذي يبكيك ويضحكك ويجعلك محلقا في عوالم من الجذب اللذيذ وانت تستمع الي لحن من الحانه,تلك الالحان التي اخذت منه خمسينا عاما تجويدا وابداع, محمد الامين الذي لو غني الملحمه فقط لكفته ولنصبته ملكا متوجا علي قلوب هذا الشعب فما بالك بصاحب تتعلم من الايام وزاد الشجون واربعه سنين ومسيحيه ,وما ممكن تسافر وغيرها من الالحان التي لو قالها او انتجها اي مطرب اخر لقامت بلاده ولم تقعد تمجيدا ولنصبو له التماثيل واطلقو عليه الالقاب مثني وثلاث,ولكن لاننا شعب لا يعرف كيف يحتفئ بقاماته ويسوقها نصبنا لها المشانق واطلقنا عليه عبارات لا تطلق علي رجرجة ودهماء الامم. انه ود الامين وكفي

---

Post: #142 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: طارق جبريل Date: 10-19-2012, 11:42 PM Parent: #141 غايتو يا سفيان نابري انت موش مفو،ض يودوك الضل انت مفروض يختوك في تلاجة موز يا قريبي ضحكتني ياخ انت كنت راكب فيل ولا زرافة لمن قريت مداخلة ياسر دي

---

Post: #144 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: سمير شيخ ادريس Date: 10-20-2012, 00:24 AM Parent: #142 الاخ محمود راعى البوست سلام لن تجدى الطبلة ومحاولة قفل البوست فقد تمدد واصبح ماردا خرج عن قمقمه وصار استفتاءا حقيقيا لمدى مكانة وعظمة الباشكاتب ومدى محبة الناس له .. وقد ساءتنى النبرة الاحتفائية التى ابتدرت بها البوست والعجلة فى الحكم على الاخرين قبل تبين الحقيقة ووقعت فى ذات خطأ البروف الذى فى نهاية البوست هو من أخذ على رأسه بالحتة الفيها الحديدة . لن تجدى الطبلة ولا سبيل سوى البلع ولن يكفى اعتذارك عن استخدام الكلمة فى العنوان بل انت مطالب باعتذار للباشكاتب نفسه لسؤ ظنك به

---

Post: #143 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Zomrawi Alweli Date: 10-19-2012, 11:49 PM Parent: #141 Quote: انه عصر الانحطاط. أن ياتى احدهم ويسطر ماهو امامنا هنا، هل لنا اقرا هذه الكلمات عن الفنان محمد الامين فعلا؟؟؟ أنه شرف لك ايها النكره، وشرف لوزارة الثقافة البحرينية ولدولة البحرين ان يقبل محمد الامين ان يقف امامكم ويغنى ! رعاع. أنه عصر الانحطاط ان ياتى شبه مثقف (رمانسى) ساذج مثل دكتور معز عمر بخيت ، جاهلا بماهية الفن وتاريخه، وتاريخ المبدعين الموسيقيين تحديدا فى رحلتهم لانجاز مشاريعهم الفنية ... رغم بت الجنيد قالت اسحبو الكلام دا الا انني ارى غير ذلك وبالاضافة للحاجات الفوق دي انا اصلوا د. معز دا ما بنزل في حلقي قولولي ليه؟؟ فتحه الجبهات ضد الفنان القامة في عدة مواقع - http://www.drmoiz.com/vb/showthread.php?t=19356 - http://almeghar.com/permalink/5934.html انا اول مرة اشوف لي دكتور يسوق نفسوا بهذا الشكل تعالوا شوفوموقعي الاليكتروني الجديد كان فيما مضى من وقت تبنيه الفنانة شروق ابوالناس وقال انه سيجعل منها فنانة عظيمة وتبنى اقامة حفل لها في البحرين كانت فاشلة بكل المقاييس وربما عدم اشراكه في ترتيبات حضور ود اللمين للبحرين قد اغاظه فاصبح يصب جام غضبه .......... هذا واضح من خلال تهجمه الشرس

---

Post: #145 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: اسماء الجنيد Date: 10-20-2012, 00:36 AM Parent: #143 Quote: شكرا يا سومة...شاعرتنا القديرة....وشكرا يا علي يا حبيب دكتور ياسر الزول الظريف ,, إزيك ياخي واريتك طيب يا حليلو سفيان يا جماعة ما تزنقوه كدي العجب ود جبرين جاهو ناطي المسلط حرام عليك يا طارق ,, تلاجة موز عديييل هههههههههههههه تتجازا إنت يا الممسوخ يا سفيان ولا يهمك طارق ده خلي علي انا بجيهو ليك تــــــــــــب والله صحي تسلم يا ياسر وتسلم ايامك إن شاء الله

---

Post: #146 Title: Re: بالحتة الفيها الحديدة يا (ود اللمين)..شكراً بروف معز عمر بخيت Author: Bushra Elfadil Date: 10-20-2012, 02:06 AM Parent: #145 يا سمير شيخ ادريس إزيك ومشتاقين لمراسلاتك. كما في الماضي أنا لم أطلب من البروف أو اناشده بالتوقف عن الكتابة المسيئة عن محمد الأمين بل هو الذي بادر وأرسل لي لأول مرة رسالة عبر المسنجر وذكر فيها أنه توقف عن الكتابة في الموضوع ولذا شكرته على ذلك وللآن هو ينتظر مني رد على رسالته الالكترونية وسأرسل له موضحاً رأيي .