Post: #1 Title: مع اهل الفن - محمد الامين + ابوعركي البخيت 1965م اذاعة ذاكرة الامة Author: يحي قباني Date: 10-16-2012, 02:17 AM
برنامج مع اهل الفن
مع محمد الامين , ابوعركي البخيت
اعداد وتقديم : محمد خوجلي صالحين
اذاعة ذاكرة الامة 21 / 1 / 1965م
الشكر موصول لأخي وزميلي بمكتبة الأغنية السودانية مولانا محمد عوض السيد والذى قام بتوثيق هذه الحلقة النادرة
Post: #2 Title: Re: مع اهل الفن - محمد الامين + ابوعركي البخيت 1965م اذاعة ذاكرة الامة Author: ABDELMAGID ABDELMAGID Date: 10-16-2012, 03:15 AM Parent: #1
21/01/1965 .. ياخ ده زمن بعيد خلاس ... الكترابل 47 سنه !!! ياخ ثورة أكتوبر كان ليا 3 شهور بس ! ... شوف تقديم الحلقه كان راقى كيف ! من دون تكلف , من دون تعطيش الجيم و الميم و الخاء و الثاء و هلم جرا ! و القندفه الفارغه البنشوف فيهم الزمن ده ؟؟؟ ياخ الناس كانت على الطبيعه و متمكنه بالرغم من شح الإمكانيات و إنعدام التكنلوجيا و الفلاتر و المؤثرات الصوتيه و غيرها ! بالرغم من ذلك تعتقد أن الحلقه إتسجلت أمبارح ! كل الإمكانيات المتوفره فى الوقت داك آلة عود ,أوضه ( ستديو ) , مايكرفون و جهاز تسجيل ( أبو بكرات العامل زى ميزان الجزار داك ) ! ............. إبداع ما بعده إبداع ... شوف متابعة عركى فى الأغنيه الأخيره بالصفاره ... ........ شكراً أستاذ يحى قبانى و إلى المزيد من التوثيق ... و لك منى ألف سلام ... ......... عبدالماجد
Post: #3 Title: Re: مع اهل الفن - محمد الامين + ابوعركي البخيت 1965م اذاعة ذاكرة الامة Author: يحي قباني Date: 10-16-2012, 04:29 AM Parent: #2
Quote: 21/01/1965 .. ياخ ده زمن بعيد خلاس ... الكترابل 47 سنه !!! ياخ ثورة أكتوبر كان ليا 3 شهور بس ! ... شوف تقديم الحلقه كان راقى كيف ! من دون تكلف , من دون تعطيش الجيم و الميم و الخاء و الثاء و هلم جرا ! و القندفه الفارغه البنشوف فيهم الزمن ده ؟؟؟ ياخ الناس كانت على الطبيعه و متمكنه بالرغم من شح الإمكانيات و إنعدام التكنلوجيا و الفلاتر و المؤثرات الصوتيه و غيرها ! بالرغم من ذلك تعتقد أن الحلقه إتسجلت أمبارح ! كل الإمكانيات المتوفره فى الوقت داك آلة عود ,أوضه ( ستديو ) , مايكرفون و جهاز تسجيل ( أبو بكرات العامل زى ميزان الجزار داك ) ! ............. إبداع ما بعده إبداع ... شوف متابعة عركى فى الأغنيه الأخيره بالصفاره ... ........ شكراً أستاذ يحى قبانى و إلى المزيد من التوثيق ... و لك منى ألف سلام ... ......... عبدالماجد
تسلم اخ عبدالماجد ...
والله ابداع لا نهائي ...
انا فى نظري .. كل مذيع و مذيعة و مقدم برامج و مخرج قبال ما يعتب مكتبه كل يوم ...يقعد نص ساعة
يسمع و يتعلم من الكلام ده ...ياخي صالحين مدرسة متكاملة ...
كمان فنانين الزمن ده حقو يسمعو ويتعلمو من الحلقة دي ...لاحظ محمد الامين كان في بداياته ...وعركي غير معروف ...
تحس بالادب والفن بيتقطر منهم ... لا استغراب انهم اصبحو عمالقة ...
اعمل اشتراكك واجدع لي رسالة خاصة هنا عشان نقوم باللازم ...
Post: #4 Title: Re: مع اهل الفن - محمد الامين + ابوعركي البخيت 1965م اذاعة ذاكرة الامة Author: نادر Date: 10-16-2012, 05:18 AM Parent: #2
إبداع يا قباني والله شكراً بس ود الأمين كان إضينه كده، تحس بيهو غغغغغغ ههههههههههه (تقصد إنو نحن كبرنا يعني) ههههههههه جا الخرطوم اتطوّر بعدين أنت حسه استفدته شنو يا قباني يعني :) والله ضحكتني بيها ضحك الله لا كسبك، كلما أشوفك أضحك
Post: #5 Title: Re: مع اهل الفن - محمد الامين + ابوعركي البخيت 1965م اذاعة ذاكرة الامة Author: khaleel Date: 10-16-2012, 05:42 AM Parent: #4
يا سلام عليك يا قباني
اصوات ندية نداوة مدني الجزيرة
ومدني يا اجمل خبر
ويا ليتنا عدنا او عادت الايام
Post: #6 Title: Re: مع اهل الفن - محمد الامين + ابوعركي البخيت 1965م اذاعة ذاكرة الامة Author: يحي قباني Date: 10-16-2012, 01:20 PM Parent: #5
Quote: إبداع يا قباني والله شكراً بس ود الأمين كان إضينه كده، تحس بيهو غغغغغغ ههههههههههه (تقصد إنو نحن كبرنا يعني) ههههههههه جا الخرطوم اتطوّر بعدين أنت حسه استفدته شنو يا قباني يعني :) والله ضحكتني بيها ضحك الله لا كسبك، كلما أشوفك أضحك
نادر يا حبيبنا ... ياخي كانو ناس خام ... قلوبهم خضرا و سجيتهم نقية ... ادو الفن حقو فاداهم ... ومتعنا انحنا ...
يعني انت متابع ناس لستفدته شنو !!! ... في ذمتك ما مرت عليك زمان ؟؟؟؟ ....
Post: #7 Title: Re: مع اهل الفن - محمد الامين + ابوعركي البخيت 1965م اذاعة ذاكرة الامة Author: يحي قباني Date: 10-16-2012, 01:23 PM Parent: #6
Quote: يا سلام عليك يا قباني
اصوات ندية نداوة مدني الجزيرة
ومدني يا اجمل خبر
ويا ليتنا عدنا او عادت الايام
خليل الرجل العاشق للفن الاصيل ...
حقيقة اصوات ندية ... ولقاء بقدر ما يسعدك ... كمان يخليك حزين علي زمننا الحاضر ...