يا جماعة انتو مـازدا دة مافى طريقة يودوهو لاهاى؟؟

ياخ الزول دة بيعذب فى الشعب السودانى ويحرق فى دمة سنين.

وقدر ما قلنا وورينا الناس جرائمة واخفاقاتة فى حق الشعب السودانى


مافى زول صدقنا.

اها رائيكم شنو يا امة (الامجاد)و الماضى العريق

اها تبقوا قدر المسؤلية وتطلعوا مظاهرات , ولا تقدموا شكاوى

لكل الاتحادات العالمية, ولا ننتظر الفيفا يصدر لينا قرار يتم بموجبة القاء القبض علية ؟؟

يعني ما قدرنا على الحمـــار عايزنا نتشطر على البردعة ولا شنو؟
ما عندنا كوره يا ناس
ما عندنا كوره يا ناس
ما عندنا كوره يا ناس

__
سلام

القال لك منو يا اللمين

عندنا كورة وعندنا لعيبة وعندنا ميادين

الا ما عندنا مدربين اكفاء يوجهونا التوجة الصحيح.


يا اللمين المدرب الممتاز لو جابو ليهو اسود بيخليها تقلب هوبة

تقول لى بردعة .

بتفق معاك ياهشام

Quote: عندنا كورة وعندنا لعيبة وعندنا ميادين الا ما عندنا مدربين اكفاء يوجهونا التوجة الصحيح. يا اللمين المدرب الممتاز لو جابو ليهو اسود بيخليها تقلب هوبة تقول لى بردعة .

لكن المشلكة مافي مازدا براااااهو بس
مازدا جزء من المنظومة الفاسدة التي تمسك بزمام الأمور الكروية في السودان
لاهم لهم إلا أنفسهم
يموت الشعب السوداني يحرق ما عندهم مشكلة
ياخي حتى اللاعبين بخلوا علينا ولو بروح عالية شوية ومنطقية في الأداء
فضيحة كبيرة بجلاجل

كل ناس الرياضة في السودان إلى أقرب كوشة في التاريخ

يا الصادق


ياخ. انا اليومين . الفاتو. دى. والله. العظيم جانى وجع عضلات. ومفاصل
من احلامى. البجرى. فيها ورى. مازدا علشلن الحقة. وأمسكة. وارميهو فى. اقرب بيييير.

والله يا أخوي ... معاك جزء يسير من الحق في الدعوة لمحاسبة السيد مازدا لاكيييين ... شوف لي باقي الأنشطة الحياتية التانية غير الكورة دي؟؟ باقي أنواع الرياضة.... كمال الأجسام ، الملاكمة ، المصارعة ، الجري الساااااكت دا ما قادرين نجريه زي باقي العالم حتى الكماسرة بتاعيننا ما زي باقي كماسرة العالم .... بإختصار كده : الشعب الفاضل دا كله مواسير إلا ربع