Post: #1 Title: ثم ضاع ألأمس منى وإنطوت فى القلب حسرة Author: ismeil abbas Date: 10-14-2012, 04:07 PM Parent: #0
بألأمس إنهزم الشباب من الصومال وطار
وضاعت مننا 3 نقاط زامبيا خطأ إدارى.
واليوم ننهزم من إثيوبيا ونطير تطير عيشتنا ألأصلها طايرة..
ما عايزين إتحاد كرة ولا مدرب ولا لاعبين......
فشل جديد للذين يديرون أمر الكرة فى بلادى.
اللهم أصلح حال بلادى فى كل المناحى...
الله يصبرك ياروح...
Post: #2 Title: Re: ثم ضاع ألأمس منى وإنطوت فى القلب حسرة Author: احمد محمد بشير Date: 10-14-2012, 04:13 PM Parent: #1
و الله مباراة كانت ساهلة ومضمونة , لكن نقول شنو مع اكلي الويكة ديل يا اسماعين!!
حاجة تغيظ ,, بالتوفيق للاخضر اليوم
Post: #3 Title: Re: ثم ضاع ألأمس منى وإنطوت فى القلب حسرة Author: ismeil abbas Date: 10-14-2012, 04:15 PM Parent: #2
أخى أحمد لك التحية......نحن تى يعود لينا الفرح؟؟؟؟؟؟
Post: #5 Title: Re: ثم ضاع ألأمس منى وإنطوت فى القلب حسرة Author: الصادق صديق سلمان Date: 10-14-2012, 04:18 PM
حسرة وألم كبيرين اخي اسماعيل لا بد من استقالة كل من يعمل في مجال كرة القدم في السودان وفي الرياضة عامة
Post: #4 Title: Re: ثم ضاع ألأمس منى وإنطوت فى القلب حسرة Author: شهاب الفاتح عثمان Date: 10-14-2012, 04:17 PM Parent: #1
سوء وهم ######ف وفشل كبير
بالامس فرح السودان لملاقاة فريق حمام اثيوبيا واليوم الحمام المخنوق نحن
عجبي
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
Post: #6 Title: Re: ثم ضاع ألأمس منى وإنطوت فى القلب حسرة Author: معتصم دفع الله Date: 10-14-2012, 04:21 PM Parent: #4
يا إسماعيل .. هي المغصة دي كيفنها .. منتخب لاعب ليه حوالي 100 دقيقة ولا شوتة بين الخشبات .. ولا باص صحيح .. منتخب بدون روح .. لاعب بدون تكتيك مجرد إجتهادات ليس إلا .. أخطأ ساذجة لا يقع فيها لاعب مبتدئ .. الله يعينا بس .. ياخي المغصة كاتلاني عديل كده ..
Post: #7 Title: Re: ثم ضاع ألأمس منى وإنطوت فى القلب حسرة Author: معتصم دفع الله Date: 10-14-2012, 04:24 PM Parent: #6
ياخي الكورة الجلاها مساوي بطريقة مسرح الرجل الواحد وجاء منها القون التاني .. أنا الكيشه القدامك دا ما بجليها .. عليك الله دا يقولوا عليه شنو .. اللهم طولك يا روح ..
Post: #8 Title: Re: ثم ضاع ألأمس منى وإنطوت فى القلب حسرة Author: معتصم دفع الله Date: 10-14-2012, 04:29 PM Parent: #7
خرتمائة جريدة رياضية وجيش من المشجعين الصحفيين .. ولا واحد بيكتب عن علة الكرة السودانية أو يطرح الحلول مافي .. السنة كلها عوك عوك هلال مريخ مريخ هلال .. والله في صحفيين عمودهم السنة كلها الحكم ظلمنا أو ح يظلمنا .. جهل في إدارة الكرة وليس هناك من رجل شجاع أو حكيم يتحمل المسؤلية .. بكره يجوا يضحكوا ويتفرغوا ( لعوة ) هلال مريخ ..
اللهم طولك يا روح ..
Post: #9 Title: Re: ثم ضاع ألأمس منى وإنطوت فى القلب حسرة Author: ismeil abbas Date: 10-14-2012, 04:30 PM Parent: #4
Quote: لا بد من استقالة كل من يعمل في مجال كرة القدم في السودان وفي الرياضة عامة
نعم أخى الصادق وده المفروض يحصل..وأن تتم محاسبتهم كمان...لك التحية على مرورك.
Post: #10 Title: Re: ثم ضاع ألأمس منى وإنطوت فى القلب حسرة Author: ismeil abbas Date: 10-14-2012, 04:32 PM Parent: #4
Quote: بالامس فرح السودان لملاقاة فريق حمام اثيوبيا واليوم الحمام المخنوق نحن
Post: #11 Title: Re: ثم ضاع ألأمس منى وإنطوت فى القلب حسرة Author: omer abdelsalam Date: 10-14-2012, 04:44 PM Parent: #10
احذر وأنذر من هنا من المغرب ان الهلال او المريخ { مع الوضعية الحالية للكرة السودانية } اذا لعب احدهم مع فريق الوداد البيضاوي خاسر لامحالة خاصة بعدما ان استعادت الكرة المغريية هيبتها بعد تاهلها لنهايات كأس افريقيا بانتصار كاسح لموزمبيق وكذا بعد ان استعاد الوداد انفاسه بعد تعثر ومعروف ان فريق الوداد بخبرته الافريقية يعود دوما بنهج تصاعدي ومخيف ويكتسح كل خصومه نرجو الا يركن الهلال او الفريق على مستوياتهما مع الفرق الافريقية التى نازلاها فالودا د كوم وبقية الفرق التى لعبا معها كوم آخر ولاعذر لمن أنذر
Post: #12 Title: Re: ثم ضاع ألأمس منى وإنطوت فى القلب حسرة Author: سيف الدولة كامل Date: 10-15-2012, 06:03 AM Parent: #11
سلامات يا اسماعيل عباس ,,, مشتاقين يعلم الله لكن ولكن ,,, ربنا يصلح الحال ,,الضاع كتيييير يا ابو السباع ربك يلطف ونحافظ غلي الفضل .
Post: #13 Title: Re: ثم ضاع ألأمس منى وإنطوت فى القلب حسرة Author: ismeil abbas Date: 10-15-2012, 08:22 AM Parent: #12
يا معتصم يا أخوى نحن عندنا أزمة فى كل حاجة بس ربنا يصلح الحال...وكل وقتنا بنعديه بكى على الفات , مافى تخطيط برؤى ثابته للأمام ومافى محاسبة للذين يخطأون.
كل زول مكنكش فى مكانه لأنو عارف مافى زول بحل محلو.....اللهم كن فى عون العباد والبلاد.
لك الود المكين..
Post: #14 Title: Re: ثم ضاع ألأمس منى وإنطوت فى القلب حسرة Author: ismeil abbas Date: 10-15-2012, 08:24 AM Parent: #12
ألأخ/عمر عبدالسلام لك التحية والسلام وشكراً على المرور.
Post: #15 Title: Re: ثم ضاع ألأمس منى وإنطوت فى القلب حسرة Author: ismeil abbas Date: 10-15-2012, 08:26 AM Parent: #12
أخى الجميل سيف.....سلام وتحية وشوق.
عليك الله مش دى مغصة تقطع المصارين....والله أنا فى حزن ماطبيعى بس ربك يلطف بالباقى من تمثيل بأسم الوطن.
تقديرى الشديد لك.
Post: #16 Title: Re: ثم ضاع ألأمس منى وإنطوت فى القلب حسرة Author: محمد حسن العمدة Date: 10-15-2012, 08:32 AM Parent: #15
ياخ وطن بحالو ضاع يا سمعيل
زي ما ضاعت فرصة الاستمتاع بالاغنية دي قلنا نبدا بيها صباحات الظلام
Post: #17 Title: Re: ثم ضاع ألأمس منى وإنطوت فى القلب حسرة Author: ismeil abbas Date: 10-15-2012, 08:46 AM Parent: #16
ألأخ/محمد حسن العمدة.....ليك مليون سلام.
Quote: زي ما ضاعت فرصة الاستمتاع بالاغنية دي قلنا نبدا بيها صباحات الظلام
أوقد شمعة وأمشى خطوة للأمام.......لانبكى على الضاع خلونا نفكر لبكره..نحن كم سنة بنبكى ونتحسر ومعاهو ما فكرنا لبكره والحيحصل...
الله يكون فى عون الوطن..
Post: #18 Title: Re: ثم ضاع ألأمس منى وإنطوت فى القلب حسرة Author: احمد محمد احمد عتيق Date: 10-15-2012, 09:02 AM Parent: #17
الفاتحة ..يرحمكم الله .. وعود لينا يا ليل الفرح ....
Post: #19 Title: Re: ثم ضاع ألأمس منى وإنطوت فى القلب حسرة Author: محمود بكر Date: 10-15-2012, 09:06 AM Parent: #17
الاخوة الكرام
البلد كلها تسير الى الخلف
كيف لكرة القدم ان تتقدم
هي جزء من هذه المنظومة المسماة السودان الشغلانة ياسمعة متكاملة اذا اشتكى عضو تتداعى له سائر الجسد بالسهر والحمى لك تحياتي الى ان ينصلح الحال
Post: #20 Title: Re: ثم ضاع ألأمس منى وإنطوت فى القلب حسرة Author: ismeil abbas Date: 10-15-2012, 12:03 PM Parent: #19
والله يا أخ أحمد صورة معبرة لواقعنا ألأليم....الفاتحة قبل ما نطير وللا بعد ماطرنا؟؟؟لك التحية.
Post: #21 Title: Re: ثم ضاع ألأمس منى وإنطوت فى القلب حسرة Author: ismeil abbas Date: 10-15-2012, 12:05 PM Parent: #19
سلام أخى محمود بكر.....وفعلاً هى منظمومة لابد أن تسير كلها على نغمة واحدة....الله يصلح حال البلاد .
