كردفان .. بانوراما الخريف .. (صور)

بريمة

بريمة

حمداً لله على عودتك بريمة و حباب بانوراما الخريف

مرحب يا أخى الصادق .. عساك بخير ..

طبيعة كردفان فى الخريف حاجة تفتح الروح رغم المآسى ...

بريمة

بريمة

كل سنة وانت طيب الاخ بريمة محمد
نعم الخريف يبرز جمال ربوع وطني , لكن الخراف ذكرتني عيد الاضحي .
لك التحية

بريمة

مرحب بيك أخ محمد

ومرحب بك فى منبر سودانيز أونلاين ... شرفت الديار ..


بريمة

الخرفان التجاريات ديل هناتُم يا ولد أبّا؟؟ ... مناظر تشرح الصدر ... بإنتظار المزيد... أخوك خالد الرزيقي

خالد

سلامات .. وشرفت الديار ..

السعو حق أهل كردفان .. ما تراه فى الصورة شياه .. وأبقار ترعى فى روابى كردفان ...


بريمة

البيئة الكردفان رائعة بكل المقاييس .. وكردفان فى فترة الخريف .. تسمى عروس الرمال .. وهى تزدهى بثوبها الأخضر على أمتداد البصر ..



بريمة

والرعاة فى الفلوات ...



بريمة

بريمة

الله على بلادي ..
الله عليها ..

......
( المحلب الدقاقه // بسمع حسيس الناقه // تومي دنيا فراقه
الحرير يا إنت // النوم من عيني شِلت // تومي دنيا فراقه )

ينصر دينك يا بريمه ياخ

تسلم يا أخى عماد عبد الله ..

هنا أب قبة فحل الديم .. فى يوم مطير .. الصورة مأخوذة يوم 30 آغسطس الماضى ..



الملاحظة أن الأبيض فى الماضى لا يتأثر بنزول الأمطار .. لكن الأن صارت المياه تركد فى الطرقات ...

بريمة

[darlblue]




بريمة

وفى ذات جو الخريف .. يواصل تجار سوف أب جهل .. وود عكيفة تجارتهم ...




بريمة

الشعب الكردفانى المضياف ... فاطرين على خروف فى جوار منطقة نبق .. جنوب الأبيض وغرب الحمادى .. مع ملاحظة الخضرة والخريف



بريمة

بريمة

بانوراما الخريف .. العرب الرحل فى منطقة خور أب حبل ..




بريمة

أطفال المدارس .. تحت السحب وأجواء المطر ..




بريمة

الطبيعة الكردفانية ..




بريمة

مرحب يا ولد ابوك

وان شاء الله البركه فيكم فى الفقيده الوالده ربنا يوسدها البارده ويدخلها الجنه

صور جميله والخريف جميل ومنظر البار والغنم والخضره بس ركز على الطبيعه وخلك من الديم والطين
وجوطة الديم ادقش الفرقان والفلاة والبوادى والرهود

تحياتى وازقل لى تلفونك او اى وسيله اتصال

الاخ بريمة سلامات شكرا ليك كثير نورة صباحنا الله ينور عليك الخريف والانعام والخضرة والماء والخير الوفير


السَّاري البِتك رعودو وطلق واريبتو
مُشهاد برقو فوق خور الجواد ؤ عنيبتو
عانس البي صعيد ناس تيقا طالة غيبتو
خرفو اهلها والحارس الخليج وا سيبتو

شكرا مثني وثلاث ولك محبتي

حمدا لله على السلامة يابريمة.
ومشكور على الصور النوستالجيك حاجة ما تخلص.
ملاحظتك عن ركود المياه سليمة. لحدي زمن ما بعيد كان الإستعدادات للخريف بتتم قبل فترة.
وكان عمال الصحة يجوا يرشوا البيوت جمكسين عشان يكافحوا البعوض وحملات التطعيم.
كان في وعي بيئي حقيقي أكبر من هسع، لكن نقول شنو غير:
يا حليل زمان وسنين زمان ياخ!

محبتي

شوف جمال بقارة






إنتي جمالك ياهو جمالي
وانتي زهورك من ريحاني

الأخ عبيد الطيب
سلامات وألف شكر على المرور ...

هنا مناظر البيئة الكردفانية فى أول الخريف والمطر ... بانوراما .. تفتح الروح








بريمة

ولد أبوى ضحية أبراهيم

ألف شكر على المرور وتبركك على روح الفقيدة تغمدها الله بواسع رحمته ..

هنا بعض المناظر المآلوفة فى خريف كردفان .. الأفراح .. تابع المنظر ..










الجماعة أندقشو ...

بريمة

بريمة ..البركة فيكم ياحبيب ..وحمداً لله على السلامة ..


ياخي الصورة الاولى مبالغة وغاية في الجمال والروعة واسمح لي استخدمها في الفيس وفي كل مكان يمكن ان نعرض فيه جمال الطبيعة السودانية واكيد يشار الى ملتقطها ان كنت انت ...


شكرا على هذا الجمال ..

الأخ الفاتح
كيف حالك والمشارق .. كردفان فى الخريف عروس فى ليلة زفافها ..










بريمة

ود القاضى

سلامات ..

لك كامل الحرية وكل الأعضاء فى أستخدام الصور .. وإذا أحتجت للاصل فى عمل بوستارات أرسل لى ..

هنا إيميلى ..

[email protected]

بريمة

الأخ فيصل محمد خليل

سلامات .. وهنا بانوراما كردفانية أخرى فى زمن الخريف والمطر ..





الصور لم تكن واضحة شديد .. أغلبها ألتقطها والعربة متحركة ..


بريمة

*****

بريمة

مزيد من بانوراما الخريف والمطر ...






الطراز الكردفانى فى البناء .. وملامح الطفولة ..

بريمة

العزيز بريمة
أولا البركة فينا وفيكم، ياأخي تلفونك ما بجمع على الإطلاق أرجو ارساله على البريد الإلكتروني بالمفتاح.
أما بخصوص كردفان هذا العام الخريف وكأنه خريف الزمن السابق قبل الإنقاذ والحمد لله ربنا يجعله خريف خير ويعقبنا الآفات.
ولا يسعني إلا أن أقول في كردفان:
أبو حبل فاض ودفق معاهو السيــــــــــــــــــــل
ريح الدعاش هبَ فوق جفون بنات جانديــــــــل
والبراق دودا قبلي والهرع مزن صعيد كازقيل
دي كردفان نــوبة وبقارة وابــــالة بشدوا الحيل

تحياتي
أحمد

هذه الصورة في آخر زيارة لي قمت بها في هذا الخريف لمرحاتنا في فلاة بنات جانديل:(بنات جانديل بلغتنا في بادية كردفان يعني الإبل)

روعة بس الصراع ليه ما عملت تفاصيل وصور متعددة من قريب للمصارعين
بوست هابي فيهو النسيم
والدعاش لفحنا رشاشو
مودتي ومحبتي
ومزيد من الجمال

صورة جميلة اخي بريمة ؛وحمدلله علي السلامة.

ح استلف الصورة الاخيرة .

جبر الله كسركم أخي بريمة ...

ولكردفان في نفس المرء أشجاناً ولواعج شوق ...

بين مطر الرشاش ... وقدلات الحسان الواردات ...

مطر الرشاش الرشَّ

فووووووووووق دار كردفان الهشَّة

أنا قلبي طار وانطشَّ

ورا المراح النشَّ

الوراهو سايرات ناس عشَّة ...

تسلم وتشكر على الصور الرائعات

الأخ بريمة

أحسن الله عزاكم

والله متعتنا بالجمال وأرحت نفوسنا من العناء وربنا يديكم نعمة الخريف على أهلنا الغبش فى كردفان

يا فاتح شد حيلك حصل باقى الدرت " تبش وعنكوليب وفول ابقوى وسلطة روب " وشاى مقنن فى ابشره عند المغيرب

تحياتى للأخ أحمد التجانى ونرجو ان يواصل النم والصور من دار الكبابيش وتنة والمزروب

لقد أحيا فينا هذا البوست ذكريات وصور لا تمحى من الخاطر والذاكرة وأماكن عزيزة وغالية و...و....

ارجو ان يظل هذا البوست مفتوحا حتى نتلقى المزيد من الابهار والمتعة

يا سلام يا بريمة ياخي... جمال بديع. الله يدينا الجنة ساكت.

البركة فيكم اخى بريمة وأحسن الله عزاءكم

فعلا كردفان الغرة ام خيرا جوه وبره
شكرا للصور الجميلة المعبرة ..هل لديك صور من طريق الدبيبات الابيض فى هذا الخريف

الأخ منعم
سلامات .. هنا صور مابين الحمادى والدبيبات .. لفرقان الرعاة ...










سوف أئتى بصور للطريق بين الدلنج وكادقلى ..

بريمة

تحياتى

بريمة

الاخ/ بريمة محمد .. سلام عليك و البركة الجيت ولينا طـوولة.. حقا خريف كردفان هذه السنة كان رائع
وارض مخضرة و الناس وبهائمهم شبعانيين .. اشارك بهذه الصور وهي من غرب كردفان بكاميرا
صديق الفيس بوك (التهامي بابنوسة )
center>











في غيبتك افتقدناك في هذا الخيط

جرداق الليل ، همبريب الشوق .. مع الفنان/ حامدين بقادي

ول أبا حسن محمود

ألف شكر على أرفاق الصور .. الصورة التالية أخترتها من صور الكتاب .. الرشاش ..




الرجاء السماح لى بأستعمالها ...


بريمة

ول أبا أحمد التجانى

مرحب بشاعرنا الكردفانى الأصيل ..

Quote: العزيز بريمة أولا البركة فينا وفيكم، ياأخي تلفونك ما بجمع على الإطلاق أرجو ارساله على البريد الإلكتروني بالمفتاح. أما بخصوص كردفان هذا العام الخريف وكأنه خريف الزمن السابق قبل الإنقاذ والحمد لله ربنا يجعله خريف خير ويعقبنا الآفات. ولا يسعني إلا أن أقول في كردفان: أبو حبل فاض ودفق معاهو السيــــــــــــــــــــل ريح الدعاش هبَ فوق جفون بنات جانديــــــــل والبراق دودا قبلي والهرع مزن صعيد كازقيل دي كردفان نــوبة وبقارة وابــــالة بشدوا الحيل تحياتي أحمد

دوماً رائع ..

تصدق يا أحمد لم يحالفنى الحظ، أخذت معى بطارتين للكمرة .. ولكن لسوء الحظ لم أقم بشحن البطاريات قبل المغادرة بها إلى البادية .. لقد فرصة ثمينة لتصوير قطعان من الأبل بالألاف وقطعان من عرب البقارة فى منطقة خور اب حبل .. فى منطقة
مرحال السيسبان شرق السنجكاية .. كان هدفى تصوير كيف يعانى الرحل من الأوحال فى خور أب حبل .. فى المرة القادمة سوف أحكم الخطة ..

سوف أجدع لك ولول ابا ضحية التلفون فى الماسنجر ..

بريمة

من منطقة الحمادى .. جنوب الأبيض ..



لم ألحظ أن الأطفال أنتظموا على حسب أطوالهم ..

بريمة

للذين يعرفون منطقة خشم الوادى كجار .. خور أبوحبل .. فى الصورة تظهر فى الأفق البعيد قرية البقلتى التبلدية .. وخلفها يظهر جبل البلقتى دار دبل ...




بريمة

منطقة الحاجز .. جوار الدبيبات ..



بريمة

جوار منطقة كازقيل .. جنوب الأبيض .. الصورة أخذت يوم 6 سبتمبر 2012




بريمة

منطقة بلامات .. والقضاف .. فى تخوم خور أب حبل الجنوبية .. شرق السنجكاية



بريمة

جوار مناطق السميح ..







بريمة

كادقلى .. فى الصورة تظهر المنطقة الشرقية للمدينة .. وهى المنطقة التى ضرب منها التمرد المدينة قبل أسابيع 8 أكتوبر الماضى .. كما يظهر فى خلفية الصورة جبل حجر المك الذى يقع فى الجهة الشمالية الشرقية من المدينة ..

ألتقطت الصورة فى الثالث من أغسطس 2012




بريمة

من منطقة الرهد أب دكنة متجهاً إلى جبل الداير جنوباً ..






كملت كل الباندوز فى موقع فليكر ... flickr.com مافى طريقة أرفع لكم صور أخرى إلا بداية الشهر القادم ..

أتمنى أن تكونوا أستمعتوا بأجواء الخريف المطر والمطر فى أرض القوز بكردفان ..


بريمة

الصورة الاولى وصورة الابل... اكاد اغرق في تعابير المكان...

كم انم جميل ياسودان

العزيز بريمة
عاطر التحايا وإليك هذه الصورة من مرحاتنا عند زيارتي الأخيرة في رمضان ويظهر فيها الأربد مصقرن من العبس وهو يقرع في أمهاته وهو ما ذكرني أبيات قلتها بعد السنة الثانية لي في ديار الغربة قبل 8 سنوات وأهديها لصديقي العزيز المستشار يحي العبيد عبد الكريم والذي طرى رذاذ الحلم فينا أيام برنامجه الرائع في إذاعة كردفان:
حولين فوق ديار الغربـــــــة ما كســـــــــينا
كايســـــين لرضوة الريــــدو منوسر بـــــينا
الســــموم ونـــار الريـــد موقد لهبيها فــــينا
بنعود ليــك يا ام روبـــة كان صاح مناديــنا

الجميل بريمة شكرا كتير ومتابعين لجمالك وسياحتك بمناسبة الحمادي
لدي صديق جميل من ابناء الحمادي ومنذ ان افترقنا العام1992 لم اقابله
وانقطعت اخباره وهو من ابناء الحمادي واسمه (كولو حمزة كولو) اذا كنت تعرفه بلغة سلامي
الشاعر احمد التجاني الماهل سلامات
والاربد الكاكليت الماصع


التيس العلي أم زانوق تعلِّي الروب
اصبح عيل إحَشِّر منهن مكروب
لكم محبتي

التحية لصاحب البوست وكافة المتداخلين
كردفان الخريف قمة الروعة والخضرة والجمال وكم تغنى بها وجمالها الشعراء والفنانين وهاهو الدكتور تاج السر الحسن يقول في خريف كردفان من خلال قصيدته وادي النهود:

يا كردفانُ ياربوعُ

يا أزاهرا تضوعُ

كم خضّر الخريفُ في وديانك الجذوع

لا تحسبونا نقبر الأشواق والحنان

لا تحسبونا نجهل الأيام والإخوان

فقد رسمنا في قلوبنا سهول كردفان


حشائش (السوزيب) عندما تسوِّر المياه

وشجر (اللالوب) حينما يفيض بالحياه

و(السمبر) الأنيق حين زغرد الخريف

لن تسمعوا سوى صدى الأمطار والحفيف

فما رسمتُ صورة لوجه كردفان

لكن رسمتُ قلبيَ المغترب الولهان


سافرت في أنحائها وجُست في الديارْ

درست في الكتّـاب بين إخوة صغارْ

العزيز بريمة
وينك يا زول، وهاك هذه التحايا من الأبالة للبقارة:
إلبــــل والبــنـــــات والخيــــل
ديل جنة الشايل النهار والليل
البهديني من جنس المسائل ديل
ذنبي عليهو يا قصبة مدالق السيل
إلبل ديل سمحات هيبـــة
إلبل سلاحهن قرمصيص ما حريبة
إلبل جيابات اليوم أبو دعكيبة
سمحات يجنك في القرب واريبة.

يا سلام .. يا ول أبا أحمد

ولكم فى الأنعام جمال حين تسرحون .. والله منظر الأبل فى غاية الجمال والروعة .. ولعل نظرة صاحب الأبل الحانية، للكاكنيت تشيئ بأن العلاقة
بين الأنسان الكردفانى وثروته الحيوانية علاقة حميمية لا يستطيع من لم يربى الثروة فهمها.


زيدنا .. يا أخى أحمد من هذا الجمال الطبيعى

بريمة

العزيز بريمة
لك التحية، والخريف هذا العام عاد بنا إلى أيام السرح وإلبل والبقر والغنم فوق القوز والكباش يداقشن والتيران يداوسن والفحول يصاولن ويتعتلن والشباب فوق ضطور الصهابة والسيطان فوق:

وشوف شاعرنا ود جمع الله المشهور في قبيلة المجانين بالمعوتل شن قال في الجمل:
(مطموس) من بلغْ رِبْعـــانا تمَّ قَرَنْ
وضُوبَعْ للخبيبْ توراً عنـــانا مصَنْ
الزُرْقينْ فوقْ دَفَاريه كي دَفَــاق الشَّنْ
إتَ آضِيبْ الجفــاف أيام قنِيصَكْ جَنْ

براريقْ (امْ دَمـوكْ) ضُهـراً كبير وجَّنْ
وقلبَنْ همــــبريـباً محّــَننِّي مِحَنْ
وكتْ النَّوْ دخَلْ وكت البــروقْ وجَّنْ
مندورْ طرْدَة الضُّل النِّحــــاسي قَرَنْ

كتمْ صوتْ الهبوبْ نــامِنْ مطارقَه دنَنْ
(أبو السَّــاره) آ جلـيس امْ محلباً عجَّنْ
ما تبقى المَدُوكْــلَ البي الدُّقــون لِعبنْ
جبَّـــارة فريقـــكْ أبقى ليها مَسَنْ

يا دُخري الجفــــاف أم لَباسكْ جَنْ
سِمحــاتْ الايامْ كان بيضْ ماك مَشَنْ
برُومَنْ فيكْ عديـــل وايهُوهَنْ وايلُولَنْ
واسكُتْ يا عشــــانا هاكَ ليكَ لَبَنْ

مطموس) من بلغْ رِبْعـــانا تمَّ قَرَنْ
وضُوبَعْ للخبيبْ توراً عنـــانا مصَنْ
الزُرْقينْ فوقْ دَفَاريه كي دَفَــاق الشَّنْ
إتَ آضِيبْ الجفــاف أيام قنِيصَكْ جَنْ

براريقْ (امْ دَمـوكْ) ضُهـراً كبير وجَّنْ
وقلبَنْ همــــبريـباً محّــَننِّي مِحَنْ
وكتْ النَّوْ دخَلْ وكت البــروقْ وجَّنْ
مندورْ طرْدَة الضُّل النِّحــــاسي قَرَنْ

شكرا مثني وثلاث الاساتذة بريمة والتجاني وكل المتداخلين وتعظيم سلام لي كردفان كل صباح جديد نستفتح ببودستكم الرائع
والله خففتو عننا كثيرا

وسايق ضُهْرِي عام سَالاً جِروف ؤ خَورَّن
والسَّاري الحلوب مَطَراتو فاقَن ؤ دَرَّن
واصبح رابط الضحوي البِصُب واتْحَرَّن
ؤسقَّايك كسر غادي وجواسْرِك شرَّن
بِعَطْنَن فوق جواديلك تِلُوب ؤ حورَّن
وابو الجاعورة بِدقُّو الكتيرها تورَّن
والبرقة ام جرس رقَّت فحول ؤعَبَرَّن
ولي شدر العِديد ناس ام قرين بتطرَّن
دي من بواديكم الغربية (0الكبابيش) من شعر جمعة البري
لكم محبتي

الأخ عبيد الطيب

سلامات ..

Quote: الجميل بريمة شكرا كتير ومتابعين لجمالك وسياحتك بمناسبة الحمادي لدي صديق جميل من ابناء الحمادي ومنذ ان افترقنا العام1992 لم اقابله وانقطعت اخباره وهو من ابناء الحمادي واسمه (كولو حمزة كولو) اذا كنت تعرفه بلغة سلامي

والله أنت ذاتك زول بادية ذى ول ابوى أحمد التجانى .. روائع ليس لها حدود .. لقد أزدان بكم البوست بصورة لا تتخيلوها ..


صديقك لم أتعرف عليه ولكن بجيب ليك الخبر اليقين .. أنتظر

تحياتى لكم وأنتم تتحفونا بهذا الجمال والروائع من شعر البادية .. تمنيت لو تكتبوا معانى الكلمات .. الناس فى المنبر (ما) كلهم ناس بادية .. مداخلاتكم ذكرتنى بكتاب الأستاذ حسن نجيلة "ذكرياتى فى البادية" .. شيئ غاية فى المتعة.

بريمة

*****

بريمة

فزقِ

ول أبا أحمد التجانى

تسلم ..

أرمى قدام .. ونحن فى الأنتظار ..

بريمة

****

بريمة