Post: #1
Title: انتاج العالم من الشمع يتضاعف بعد اكتشاف كميات تجارية باذنى اليمنى
Author: النصرى أمين
Date: 10-13-2012, 07:57 PM
الكميات ضخمة جدا نصحنى الطبيب ان ان اضع قطرات من زيت الرضع baby oil
لعدة ايام يمكنه بعدها ان يبدا التنقيب والانتاج التجارى ......
سبب المشكلة استخدامى ل
تانى توبة
من اين ياتى الشمع ؟ هل تفرزه الاذن؟
وهل هناك طريقة بلدية للتعامل مع المشكلة ؟
|
Post: #2
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: إسماعيل حميم
Date: 10-14-2012, 00:47 AM
Parent: #1
يا عم النصري سلام يا حبيب
أخبارك والأسرة
قلت لي السبب قطن الأذنين
يا زول ما تطمن روحك ساكت
دا الإهلاك عديييييل
" هسه إضنينك ديل سمعو قدر شنو من ما مرقوا . . . !! "
ود كتير
إسماعيل حميم
.
|
Post: #3
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: عبدالله ود البوش
Date: 10-14-2012, 06:45 AM
Parent: #2
النصري يا دفعة
سلام واشتياق
ياخي انا اعاني اكثر منك ولمدة عشرين سنة اذني تطن طنننننن السنين دي كلها
والسبب الشمع عندي بتحجر يعني ينشف ويبقى زي الحجر
وكل تلاتة اربعة شهور اعمل غسيل اذن ويطلع منها حجر عديل اقع في الصحن لمن الممرضة تنخلع
.
.
تحياتي
|
Post: #4
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: النصرى أمين
Date: 10-14-2012, 08:52 PM
Parent: #3
سلام يا اسماعيل
سبحان الله ...قبل كم يوم افتقدتك ...قلت فى سرى الظاهر السجك ماشى حريق على
قولة اليمانية ...
وانا فى الثانوى العام كان ينزل معنا فى البيت احد قرائبنا من العيلفون
كان يدرس فى الخرطوم الثانوية القديمة ...كان شاطر جدا...كان مطلع ومثقف
لدرجة الذهول ...توفاه الله وهو يدرس فى المغرب .....
فى احدى المرات قال لى ان الصوت عبارة عن طاقة لا تزول ...تظل موجودة دائما
اضاف يوما ما ستطيع البشرية صناعة جهاز يمكنه معالجة هذه الطاقة واعادتها
الى صورتها الاصلية .....
اتخيل ده كلام طالب فى الثانوى العالى ...
رحم الله معتصم عبدالرحيم فقد كان خير قدوة لنا....
الكبر دخل يامعلم وبقينا نفتش فى الاسبيرات
|
Post: #5
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: النصرى أمين
Date: 10-14-2012, 09:08 PM
Parent: #4
سلام يا عبدالله ومرحبا بك فى قائمة المنتجين العالمين لسلعة الشمع,,,,,
لمن مشيت العيادة امس شكيت للدكتور انى كنت اشعر باضانى ملبكة ..حاولت
تنظيفها بقشات القطن فى الصورة اعلى البوست ...قال لى ده خطا كبير
يجب الابتعاد تماما من استعمال القشات دى لانها تجرح جدار الاذن فى الداخل
وهذا بالظبط ماحدث لى ..بدلا عن اضان ملبكة بقت اضان متورمة ومجرحة ....
بعد الكشف قال لى انه لا يستطيع رؤية الاذن من الداخل بسبب كمية الشمع وسالنى اذا
كنت اريد تنظيفها ....بعوارة وافقت ... عندما بدا التمرجى فى عملية النظافة
كنت اشعر وكانه يسدد طعنات بخنجر فى طبلة الاذن .....طلبت منه التوقف فالالم
لايطاق ....قال لى ان الشمع متحجر مما يطول فى عملية التنظيف.....
فى النهاية اتفقنا على تاجيل "العملية" الى بعد استخدام زيت يساعد على "صهر"
الشمع حتى تسهل ازالته.....
طلبت من الدكتور يصرف لى مضاد حيوى ...رفض ....طبعا المضاد الحيوى هنا فى كندا
زى المخدرات صعب جدا الحصول عليه ....الا بروشته من الطبيب ...
قلت ليهو اوكى اصرف لى تايلون 3 برضو رفض ....قال لى استعمل اسبرو او اى مخفف للالم
مشيت البيت على كده ...لاعيش اربع خمسه ساعات من الجحيم ....
|
Post: #6
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: النصرى أمين
Date: 10-14-2012, 09:36 PM
Parent: #5
اها يا عبدالله رجعت البيت من العيادة بعد ان وقفت فى صيدلية مجاورة..اشتريت
ال baby oil
واخترت اقوى انواع مخففات الالم اسمه
وصلت البيت اشعر بطعم الانتصار ونشوة انتهيت من مشوار الدكاترة .....
طوالى كبيت زيت الاطفال وبلعت حبتين من الحبوب القوية دى وافترضت الموضوع انتهى,,,,
ماهى دقائق الا والاضان بدات تنتح .......
فى الاول عملت مجنون وقلت النتحى ده من زيت الاطفال ,,,,
شوية شوية النتحى بقى الم .......
الالم بقى فظيع ....
تانى مشيت بلعت حبتين قلت امكن الاوايل ضلو الطريق ...
وكانك يا ابوزيد ما غزيت ....
مافى اى تغيير والالم زائد ......
اتصلت بصاحبى كان جاء من السودان قبل شهرين سالته اذا جاب مضاد
حيوى معاهو اجاب بالنفى ...لمن شعر حالتى متاخرة نصحنى بالرجوع للعيادة
ومقابلة الطبيب مرة تانية ...
لبست هدومى على عجل وطيران على العيادة التى تبعد 7 دقائق من المنزل...اول
اشارة مرور كانت حمراء بسبب مرور قطار المترو .....كنت بسب واتلفظ براى
طبعا بالانجليزى .....المهم بعد ثوان الاشارة فتحت ....وصلت العيادة لقيتها قفلت
بعد ان فكيت لى كم نبزة من العيار الثقيل فى الهواء قررت امشى المستشفى العام الذى يبعد 3 دقائق فقط
وصلت المستشفى ...مالقيت موقف ...لفظتين كعبات على السريع .... لقيت موقف فى نهاية
المكان .....لازم ادفع للباركنغ فى الماكنة ....دخلت الكردت كارد وطلبت تزكرة تسمح بالوقوف
لمدة ساعة .....المكنة لم تقبل الكردت كارد...رشيتها ليك بكم لفظ كده ....فى النهاية قبلت
الكرت ...شلت التزكرة ووضعتها على داش بورد العربية عشان يشوف المفتش وما يدينا مخالفة...
ودخلت عل صالة الطوارى
نواصل
|
Post: #7
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: Abureesh
Date: 10-14-2012, 10:47 PM
Parent: #6
النصـرى،
كفــارة وإن شـاء الله أجـر وعافيـة.
بعدين ياخ الألفاظ دى لو وجهتها للشمـع ما كان مشى.. حلت مشكلة اشارة القطر فتحت بعد ثوانى، وحلت مشكلة الباركنج، وحلت مشكلة الكردت كارد.. ياخ كان
تناول الشمـع دا برضو.. واللا كان تدفق الشـوال كله فيه!!
|
Post: #8
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: Abureesh
Date: 10-14-2012, 10:49 PM
Parent: #6
النصـرى،
كفــارة وإن شـاء الله أجـر وعافيـة.
بعدين ياخ الألفاظ دى لو وجهتها للشمـع ما كان مشى.. حلت مشكلة اشارة القطر فتحت بعد ثوانى، وحلت مشكلة الباركنج، وحلت مشكلة الكردت كارد.. ياخ كان
تناول الشمـع دا برضو.. واللا كان تدفق الشـوال كله فيه!!
|
Post: #9
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: Salah Farah
Date: 10-14-2012, 11:35 PM
Parent: #1
الأخ النصري
كفارة .. ولكن رب ضارة نافعة .. ما تبيع ثروتك دي .. قد تفيدك لومشيت السودان مع مشاكل الكهرباء القاطعة والشمع المعدوم .. لما قريت موضوعك دا، أتذكرت Shrek كان بينور بيته من شمع أضانو اليمنى ..
|
Post: #10
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: النصرى أمين
Date: 10-15-2012, 05:25 PM
Parent: #9
غايتو يا ابوريش مافى شئ بفوتك نهائى...
سؤالك منطقى ...صبيت غضبى كله فى حاجات ثانوية وتغاضيت عن المسبب
الاساسى للمشكلة.....اتخايل لى التفسير هو الايمان بالقدر ...
المرض قدر ...
اشارة المرور لا ...
ماكينة الباركنغ لا ..
الكرديت كارد لا .....
just kidding
نواصل ....
دخلت صالة الطوارئ فى المستشفى الكبير ....وقفت فى الشباك للتسجيل
سالتنى الممرضة عن سبب الزيارة ..قلت لها التهاب فى الاذن ....
بدات تكتب فى الكمبيوتر وتاخد المعلومات من الكرت الصحى بتاعى ....
طبعا العلاج هنا فى كندا مجانى لكن الادوية بقروش مالم تغطيها الجهة المخدمة....
الممرضة تكتب وانا اتهوزز .........
سالتها .... كم من الوقت على ان انتظر ..
قالت لى لا اعرف ....
اصريت على سؤالى..
اجابتنى ببعض الضيق ...لا احد يعرف لان كل مريض ياخد زمن مختلف ...
للمرة الثالثة سالتها موضحا اننى لا استطيع ان اقضى اليوم كله هنا ..على مسئوليات
تحتم عل الا اغيب اكثر من بضع ساعات (ساعة ساعتين)
اجابتها كانت حاسمة جدا معاها حدة ..
امامك سبعة مرضى (احتمال سبعين لانى شغال باضان واحدة) لا يدرى احد كم يحتاجو من زمن...
انا لسه بتلايق ....ظهرت ممرضة اخرى وتدخلت لحل الاشكال ..قالت الكمبيوتر يقول ان الانتظار
3 ساعات ولكن ذلك لا يعنى اى شئ...
طلبت من الممرضة ان تعيد لى الكرت الصحى فانا لا استطيع الانتظار 3 ساعات
نظرت لى باستغراب شديد وسالتنى هل انت متاكد
اجبت نعم ....
تغيرت تقاطيع وجهها ...يبدو انها كانت تظن اننى كنت امثل حتى احصل على استثناء...
اخدت منها الكرت وهى مستغربة جدا فى الزول البتهوزز ده وماداير يقابل الطبيب...
لالاسف يا ابوريش ما قدرت اغرف من شوال الشتيمة نسبة لحساسية المكان وكمية الجمهور
داخل الصالة
لكن لمن وصلت العربية فكيت لى كم واحدة على الطاير
|
Post: #11
Title: Re: انتاج العالم من الشمع يتضاعف بعد اكتشاف كميات تجارية باذنى اليمنى
Author: النصرى أمين
Date: 10-15-2012, 05:56 PM
Parent: #10
ازيك يا صلاح
مرحب بيك فى البورد
لازلت ازكر شقتكم فى بروكلين...
شقة طويلة ومستطيلة فى بروكلين هايتس ....
انا احب جدا كل افلام الانيميشن وشاهدت كل افلام Shrek
لكن ما انتبهت لحكاية شمع الاضان دى
الظاهر السمع طاشى من بدرى
----------------
لمن طلعت من المستشفى كنت مصطكى تماما ما عارف اعمل شنو...
اتزكرت طبيب من شرق اسيا يتعامل معه السودانين ..سمعت انه متساهل جدا
لكن المشكلة اليوم كان سبت ولا اعرف اذا عيادته فاتحة بالاضافة انى ماعارف عنوانها...
ربك رب الخير هدانى لصيدلية لا تبعد كثيرا من المستشفى....
مشيت عليها ..... لقيت الطبيب الصيدلى مشغول خلف الكاونتر يجهز فى بعض
الروشتات ويعبئها فى اكياس خاصة بينما مساعدة الصيدلى مشغولة مع احد الزبائن...
بديت ابحلق من الصيدلى ...هو شاب باكستانى فى الثلاثينيات ..وسيم له دقن تشبه دقن
ودلا دن .....بديت ابحلق فيهو راسما وجهها حزينا يحنن الصخر...
الصيدلى لاحظ لى ..جانى مبتسما
شرحت له كل شئ فى دقيقة واشرت للادوية التى استخدمتها فاجانى بقوله ان التايلون
مخفف الالم لن يعمل فى حالتى .....باستغراب قلت له انه extra strength قال لى لايهم
اشر لى لدواء اخر ولكنه سالنى هل اعانى من ارتفاع ضغط الدم اجبت بالنفى ..
اخد الدواء من الرف وسالنى مرة ثانية هل انت متاكد ما عندك ارتفاع ضغط الدم
i am a healthy guy كانت اجابتى ...
الدواء iburprofen
ايضا اضاف انك هناك قطرة مخصوصة لازالة الام الاذن اسمها
auralgan
وصلت البيت وكانت المعجزة
time to go to work
|
|