Post: #1
Title: تعالوا نموت كلنا ونعرف ,,,
Author: كمال سالم
Date: 10-13-2012, 06:29 PM
Parent: #0
الفاتح جبرا راجل مبتكر
وساخر بذكاء ,, يكفى أن عدد المضافين فى صقحته بالفيسبوك قد بلغ 98000 ألف .
والجريده التى يكتب فيها عموده توزع فقط 5000 نسخه بينما عدد قرائه لنفس العمود
فى المواقع المختلفه قد يكون أضعاف أضعاف هذ العدد .
يعنى ياصعاليق الرقابه القبليه على الصحف إذا حجبتوا عمود الفاتح جيرا أو لم تحجبوه
فالرجل ما فارقه معاهو .
سقت هذه المفدمه وإخترت هذا العنوان بعد أن قرأت له موضوع فى الفيس بوك بعنوان ( أموت وأعرف ) .
وهو عباره عن كبسولات سريعه ولاذعه وربما لادغه أيضا لو يحس المعنيين بها .
أرجو بعد أن نقرأ موت الفاتح جبرا أن نكتب أيضا ما نريد أن نعرفه نحن أيضا قبل أن نموت .
|
Post: #2
Title: Re: تعالوا نموت كلنا ونعرف ,,,
Author: كمال سالم
Date: 10-13-2012, 06:33 PM
Parent: #1
أموت وأعرف !!!
الفاتح جبرا
• أعرف كثيراً من الأسر بناتهن تجاوزن الأربعين ولم يتزوجوا؟ أموت وأعرف النسبة الحقيقية التى بلغتها العنوسة؟ (عشان نعرف مدى إستطاعتنا لمباهاة الأمم وكده) ؟
• كل ما تسأل عن مسئول يقولو ليك مشي (ألمانيا يتعالج) أموت وأعرف المسئولين ديل بيمشوا يتعالجوا في ألمانيا بالذات ليه؟ (سويسرا مالها؟)
• أموت وأعرف اللعيبة بتاعين الكورة بيحتجوا على قرار الحكم عندما يقرر ضربه جزاء؟ (شفتوا ليكم حكم غير رأيو )؟
• كلف خزينة الدولة حوالى ستة ملايين (دولار) .. أموت وأعرف هل تحرك (اليخت الرئاسى) وللا قاعد في بكانو؟
• العلماء بيتكلموا طوالي عن حشمة وزي المرأة أموت وأعرف ليه ما بيتكلموا عن حشمة زي الرجل؟ (يلبس على كيفو يعني؟)
• الختان الفرعوني ، ايقاف بث برنامج اغاني واغاني ، سحب صور النساء من الشوارع الرئيسة ، نصح الشباب بالتعدد في الزيجات، منع دخول المغنية المصرية شيرين للبلاد ، شورت لعيبة الكورة ، شفط الأجنة وأخيراً الكوندوم ... هذه بعض القضايا التي أثارها النائب البرلماني دفع الله حسب الرسول والذي علمت أنه (أستاذ جامعي) .. أموت وأعرف (تخصصو) شنو؟
• أولادنا الفنانين بيهتموا بالشكل بتاعهم .. يوم مشاط .. يوم سلاسل .. يوم شنو ما بعرف أموت وأعرف دخل الحاجات دي في الغناء شنو؟
• لا توجد كراسي للإنتظار في مكاتب بلاغات كل أقسام الشرطة السودانية ؟ أموت وأعرف الحكمة من القصة دي شنو؟ (أفرضوا جات عشرة بلاغات في وكت واحد مثلاً)
• الكهرباء بتاعتنا ما عاوزة تستقر ليها أربعين سنة؟ أموت وأعرف الخلل وين؟
• مويتنا تقطع وكان جات تجي مغبشة وعكرانة؟ أموت وأعرف الدول الما عندها أنهار دي بتعمل شنو؟
• المواطن بيتعالج بقروشو .. يعلم أولادو بقروشو .. يسكن بقروشو .. ياكل بقروشو .. يلبس بقروشو .. يشيل نفاياتو بقروشو .. يشرب بقروشو .. يتنقل بقروشو .. يتقاضى بقروشو .. أموت وأعرف الحكومة دي بتعمل في شنو؟ تنظم في الحركة؟
• أصغر (حلة ملاح) بقت عاوزه ليها 50 ألف .. أموت وأعرف مع الغلاء ده الناس المعرسين ليهم أربعة نسوان وفاتحين ليهم أربعة بيوت ديل قاعدين يصرفو عليهم كيف؟
• تفتح أي صحيفة تلاقي صفحة لأخبار الحوادث والجرائم .. وهنالك صحف متخصصة (في الحاجة دى) أموت وأعرف ما فوائد ومغزى نشر الصحف للجرائم .. يعني شنو (القبض على لص تسور حائط منزل؟)
• ذهبت لتجديد (لاحظ تجديد) رخصة قيادتي منتهية الصلاحية فوجدت أن الرسوم 150 ألف أموت وأعرف إرتفاع قيمة الرسوم دي سببها شنو؟ (المواد غالية مثلاً) !!
• مذيعاتنا الفضائيات بالذات غير مقنعات على الإطلاق (شاهد الجزيرة وإنتا تعرف) .. أموت وأعرف على أى أساس يتم إختيارهن (طبعن لو في أساس من أساسو)
• سائقو (الحافلات بالذات) لمن يشوفوك عاوز تدخل الشارع بيزيدو من سرعتهم .. أموت وأعرف القصة دي بتحصل ليه؟ وهل كووولهم متفقين مثلاً السلوك (الردئ ده؟)
• شوارعنا تعاني كثيراً من الحفر ورداءة الأسفلت .. أموت وأعرف بترولنا ده (الزفت بتاعو) بيروح فين؟
• الـ 50 ألف دولار الذي منحها ديوان الزكاة (تبرعاً) قبل أكثر من ست سنوات (لقناة الضحي) الفضائية (الما قامت) .. أموت وأعرف الحصل فيها شنو؟ هل تمت إستعادتها وللا خلاس (نحتسبها) وكده ؟ !!
• ما أن تظهر فضيحة فساد (بالصدفة طبعن) حتى يبادر المسئولون بحظر النشر عن ملابساتها .. أموت وأعرف شنو الحصل في كل (الفضائح) التي تم حظر النشر فيها؟ لا أعتقد أنه لا توجد في كل (الأقطان) أقصد الأقطارحاجة زى دي !
• الخريف تقريباً إنتهى .. أموت أعرف هل الخريف الجاي ح يجي برضو (فجأتن) !
• الحد الأدني للأجور الآن حوالي (ستة كيلو لحمة) .. أموت وأعرف ح يحصل (نص كيلو) متين؟
• لا يوجد إبن مسئول واحد غير ناجح أو عاطل .. أموت وأعرف الذكاء (الجماعي) و(التوفيق) ده بيحصل كيف؟
• جاء في قانون مكافحة التبغ الذي نشر مؤخراً أنه قد تم رصد حافز مالي لكل من يبلغ عن المخالفين .. أموت وأعرف الحافز ده (كم) عشان دي (شغلانه) مش بطالة !
كسرة :
• أموت وأعرف ما هو شعور النائب العام وهو يطالع كسرتنا الثابتة و (واواتها) تقترب من الرقم (عشرة) !!
كسرة ثابتة :
أخبار ملف خط هيثرو العند النائب العام شنو(ووو ووو ووو)؟
|
Post: #3
Title: Re: تعالوا نموت كلنا ونعرف ,,,
Author: كمال سالم
Date: 10-13-2012, 06:35 PM
Parent: #2
أما أنا نقسى أموت وأعرف سر العلاقه بين عبد الرحيم وبشه !
|
Post: #4
Title: Re: تعالوا نموت كلنا ونعرف ,,,
Author: كمال سالم
Date: 10-13-2012, 06:42 PM
Parent: #3
ونفسى أموت وأعرف لصالح من من أهل النظام يعمل المدعو عبد الباسط حمزه
وماسر هذه المليارات ( بالدولار طبعا ) . ؟؟!!
|
Post: #5
Title: Re: تعالوا نموت كلنا ونعرف ,,,
Author: كمال سالم
Date: 10-13-2012, 06:52 PM
Parent: #4
أحد جيرانى حفرة دخانو مولعه طول الإسبوع ,,, أموت وأعرف نوع الحبوب دى شنو ؟
|
Post: #6
Title: Re: تعالوا نموت كلنا ونعرف ,,,
Author: كمال سالم
Date: 10-13-2012, 06:56 PM
Parent: #5
الطيارات البتقع كل صباح دى ,,, أموت وأعرف هل بتقع براها ولا بوقعوها ؟؟!!
|
Post: #7
Title: Re: تعالوا نموت كلنا ونعرف ,,,
Author: كمال سالم
Date: 10-13-2012, 06:59 PM
Parent: #6
مساعد رئبس الجمهوريه المدعو عبد الرحمن الصادق المهدى ,, أموت وأعرف بساعدو قى شنو ؟؟!!
|
Post: #8
Title: Re: تعالوا نموت كلنا ونعرف ,,,
Author: كمال سالم
Date: 10-13-2012, 07:10 PM
Parent: #7
قرأت هنا قبل فتره أن وزير التجاره الحالى والذى أتى من بواية الإتحادى الأصل إبان
قسمة الكيكه الشهيره ,, قرأت بأنه قد عين إبنته وزوجها فى الوزاره بوظيفة مستشار للإبنه
ومدير مكتب للزوج ,,,, أموت وأعرف هل إنعدمت عند هذا الوزير حتى حاسة الخجل ؟؟؟
|
Post: #9
Title: Re: تعالوا نموت كلنا ونعرف ,,,
Author: خالد الرزيقي
Date: 10-13-2012, 08:31 PM
Parent: #3
| Quote: أما أنا نقسى أموت وأعرف سر العلاقه بين عبد الرحيم وبشه ! |
ما في أي علاقة ولا حاجة ..... ملاحظتك ضعيفة شديد .... المسألة وما فيها : تشابه أسماء ليس إلا..نقعد نفكر نيابة عنكم لمتين؟!!!
|
Post: #10
Title: Re: تعالوا نموت كلنا ونعرف ,,,
Author: كمال سالم
Date: 10-13-2012, 08:50 PM
Parent: #9
يا الرزيقى يا أخوى ,,, أموت وأعرف هل إنت عرفت من هو عبد الرحيم ومن هو بشه المقصودين
فى حديثى أعلاه ؟
|
Post: #11
Title: Re: تعالوا نموت كلنا ونعرف ,,,
Author: كمال سالم
Date: 10-14-2012, 03:03 PM
Parent: #10
خلوها مستوره ,, أموت وأعرف حتكون مستوره لمتين ؟!
|
Post: #12
Title: Re: تعالوا نموت كلنا ونعرف ,,,
Author: الطيب شيقوق
Date: 10-14-2012, 04:39 PM
Parent: #11
| Quote: أحد جيرانى حفرة دخانو مولعه طول الإسبوع ,,, أموت وأعرف نوع الحبوب دى شنو ؟ |
دى حبوب اسمها الكنجالات يا جناي
اكان ما عندك كنجالات الا تسوى .... اكل البليلة
فاهمنى يا كيمو ولا طاشي ؟
الشوق ليك شوف المنتظر كرت الخمسين
|
Post: #13
Title: Re: تعالوا نموت كلنا ونعرف ,,,
Author: كمال سالم
Date: 10-15-2012, 01:03 PM
Parent: #12
ود شيقوق والله نحن شوقنا أكتر ,,
إنت يا أخوى فى الموت ده كلو ما عجبتك إلا حفرة الدخان دى ؟؟
أصلو قالوا ناس مسقط كلهم ( بالهم طويل ) ,
|
Post: #14
Title: Re: تعالوا نموت كلنا ونعرف ,,,
Author: كمال سالم
Date: 10-15-2012, 11:58 PM
Parent: #13
أموت وأعرف الخواجه المقصود فى البوست إياه ,, إنجليزى ولا أمريكى ولا ( فرنساوى ) ؟
|
Post: #15
Title: Re: تعالوا نموت كلنا ونعرف ,,,
Author: جميلة ابراهيم السيد
Date: 10-16-2012, 01:24 AM
Parent: #14
سلامات يا كمال ..اريتك طيب
الرابط ادناة لمدونة الفاتح جبرا........بجد ممتعة وكل ما يدون شي جديد بجيك علي الايميل
مدونة الفاتح جبرا....اضغط هنا
|
Post: #16
Title: Re: تعالوا نموت كلنا ونعرف ,,,
Author: معتز القريش
Date: 10-16-2012, 04:39 AM
Parent: #15
أموووت وأعرف ناس الانقاذ حرموني من لقب (أخو الوزير) ليييييييييييه 
|
Post: #19
Title: Re: تعالوا نموت كلنا ونعرف ,,,
Author: كمال سالم
Date: 10-16-2012, 03:13 PM
Parent: #16
دى ياود القريش ما دايره موت ولا حاجه ,, كل القصه لأنك كنت بتنبذ الشيوعيين والجمهوريين ( بالوكاله ) .
صلح علاقتك مع الشيوعيين وأنا بضمن ليك تكون الوزير إنت فى حكومة الجبهه الثوريه .
|
Post: #20
Title: Re: تعالوا نموت كلنا ونعرف ,,,
Author: كمال سالم
Date: 10-16-2012, 08:29 PM
Parent: #15
أختنا جميله التى فى نواحى كندا ,, إزيك يازوله ,,
طوله شديده ,, إن شاء الله أمورك كلها تمام التمام .
شكرا على الرابط ,, كتابات الفاتح جبرا ممتعه ومسليه .
ياحبذا لو داومتى على إرسالها لى فى الإيميل لأن صلتى
بالفيس بوك ضعيفه ,
تحياتى ,,
|
Post: #17
Title: Re: تعالوا نموت كلنا ونعرف ,,,
Author: خالد الرزيقي
Date: 10-16-2012, 12:37 PM
Parent: #10
غايتو أنا بعرف عبد الرحيم البمشي طوالي مع بشّه ... لكن بشّه دا زاااااتو منو؟؟؟ نفسي أعرف
|
Post: #18
Title: Re: تعالوا نموت كلنا ونعرف ,,,
Author: كمال سالم
Date: 10-16-2012, 03:01 PM
أها يا البرلوم الرزيقى ملاحظتى تبقى ضعيفه كيف وإنت بتقول ما عارف بشه ده منو ؟؟!!
وكت نفسك عايز تعرف اللماضه ليك شنو ؟
|
Post: #21
Title: Re: تعالوا نموت كلنا ونعرف ,,,
Author: كمال سالم
Date: 10-17-2012, 06:47 AM
Parent: #18
&
|
Post: #22
Title: Re: تعالوا نموت كلنا ونعرف ,,,
Author: كمال سالم
Date: 10-17-2012, 06:47 AM
Parent: #18
&
|
Post: #23
Title: Re: تعالوا نموت كلنا ونعرف ,,,
Author: كمال سالم
Date: 10-17-2012, 04:59 PM
Parent: #22
هيثم مصطفى لاعب فنان مافى شك لكنه فى طريقه للإعتزال
أموت وأعرف حال الهلال من بعده حيكون كيف ؟
|
Post: #24
Title: Re: تعالوا نموت كلنا ونعرف ,,,
Author: AWAD MAHMOUD OSMAN
Date: 10-17-2012, 08:52 PM
Parent: #23
سلام صاحب البوست وضيوفه الكرام
اموت واعرف سر المحبة بين صلاح غريبه والجد صديق الموج
|
Post: #25
Title: Re: تعالوا نموت كلنا ونعرف ,,,
Author: كمال سالم
Date: 10-17-2012, 10:29 PM
Parent: #24
وعليكم السلام يا عوض ,,
وبدورى أموت وأعرف سر البرود الذى يكتنف الزميل صلاح غريبه !
|
|