Post: #1 Title: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:41 AM Parent: #0
بوست القفلة يا هلنا هوي..
كبر
Post: #2 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:42 AM Parent: #1
مافي زول فتح باساميكم بوست..و اهو نحن بنجازف ياااااخ.. ما اصلو الجمال راسمال...يااااخ..
كبر
Post: #3 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:43 AM Parent: #2
اول بالتبادي.. كل الإعتذار لساندرا و اخواتها و اخوانها.. دي ونسة ناس شياب ساكت ياخي..و ما تشتغلوا بيها كتير.. تاني التبادي: يا صلاح و عبد الرحمن..الديم ده و الله لم تتيسر لنا عرفته الإ لماما..و لو سالونا قالوا لينا الديم ده شنو بالضبط.. سنقول هو صديقنا و زميلنا الجميل حسام مصطفى.. واصحابنا في الأسافير.. صلاح عبد الله.. عبد الرحمن بركات.. عماد عبد الله.. و عوضية..و بالطبع لن ننسى كائنات خرافية مثل صديقنا كمال كيلا.. غير كده مافي حاجة الواحد متذكرها غير بصات الديوم الحمرا ديك (ياخي انتو حــُمر حتى في بصاتكم..!!!!).. لكن يظل هناك الجانب الإنساني العميق.. و من الدرب ده..يا ريت تتذكروا معانا الزول سبب الإحتفاء هنا..عارف التقيلة عليكم كتيرة..شئ هوية.. شي دولة مواطنة.. شئ حقوق و انفعال بقضايا الناس التحت..و لكن هل كل الحياة كده؟..
كبر
Post: #4 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:45 AM Parent: #3
عماد كتب (امنة بت البتول بت مساعد)..و كنت داير افاكرو هناك.. لكن بيني بينكم.. لم اجد غير صفة الرتاي..و كنت ح الصق ليهو الغنية هناك.. لكن قلت ياخي المقام مقام شعر..و عيال و بنات الزمن ديل ما بيفهموا الطرفة المليحة..فعماد شاعر فحل و هذا لا يهمني..و لكن الذي يهمني انو عماد بقى رتاي شديد ، على الأقل تجاه المنبر..(على بالحلال يا ناس المنبر رتاي دي.. ماني شارحها تب..!!!)..
و الشيوعية هي شنو يا عبد الرحمن ان لم تكن انسان.. تفاصيل انسان صغيرة دوما تخطئها عين النخبة المتعالية..!
كبر
Post: #5 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:47 AM Parent: #4
من تفاصيلنا الصغيرة يا اصدقائي.. زول جميل اسمو محمد حسنين. .ابو سريع على قول ناس العاصمة..و هو نفس الزول الكانت البنات مكسرات في احذيتو اللامعة جدا ( هوي انا زول راعي بقر ساكت.. و الله صحي على قول قريبي السلفي اياه)..
لكن المحيرني يا صلاح ، عبد الرحمن ، و عماد.. بالرغم من انو محمد حسنين كان فنان طرب اول (مثله مثل رمضان زايد..و اوعى تسالوني الحاجات دي جبتها من وين..!!!!)..شباب اليومين ديل ما غنوا ليهوتب.. ما عارف ليه؟..و الزول الوحيد الغنا ليهو جيلاني الواثق ( يا سهارى)..و يا ابو ساندرا، جيلاني ده مش القال داير ينزل انتخابات 1986 في دايرة نقد نقد..و قام عمنا ، نقد الله يطراهو بالخير و قال ليهو: اهو داك الميدان قدامك ، شيل عودك و اشيل عودي..و نغني للصباح ( من هذه الطرفة عرفت انو نقد كان عواد.. و الشعب السوداني ما محظوظ عشان يشاهدوا بيانا عيانا..!!..و ما اجمل القادة البيقعدوا معانا..يعزفوا.. يغنوا معانا.. و يحكموا لينا مباريات الدافوري اياها..!!!)
كبر
Post: #6 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:47 AM Parent: #5
و يا محمود عبد العزيز ، الشهير بالحوت.. و يا الهادي حامد.. المشهور بود الجبل.. لو قريتو كلامي ده.. عليكم النبي كن ما غنيتوا غنيوة واحدة من اغاني محمد حسنين (طبعا غير يا سهارا.. الغناها جيلاني الواثق زمان.. و و ين يا ا نتو الغناها ابونا صلاح بن البادية..!!!)
يا السايق البوباي.. يا السايق البوباي يا السايق البوباي يا السايق البوباي الإشارة جاي.. ولا جاي ورينا نسوق جاي..جاي ورينا نسوق انجاي. . انجاي. انجاي.. ***
غناي غرام ناجاي.. يا روح غناي و حجاي غناي غرام ناجاي.. يا روح غناي و حجاي.. اٍ ن جيتنا او ما جاي.. اٍ ن جيتنا او ما جاي.. اٍ ن جيتنا او ما جاي.. اصلو العشوق رجاي.. اصلو العشوق رجاي **** ورينا نسوق انجاي.. انجاي.. *** سوق لف يمين و شمال رُش في طريقنا جمال سوق لف يمين و شمال رُش في طريقنا جمال نميل محل ما مال.. نميل محل ما مال نميل محل ما مال اصلو الجمال راسمال *** ورينا سوق انجاي.. انجاي.. ** اعبر طريق لطريق الشوق معاك مشوار.. اعبر طريق لطريق الشوق معاك مشوار.. ما بين فريق و فريق ما بين فريق و فريق ما بين فريق و فريق ما بين فريق و فريق ما بين فريق و فريق
نرعالك التجوال ** ورينا نسوق.. انجاي.. انجاي.. ** سايق الدلالة عجال درع الحصينة رجال سايق الدلالة عجال درع الحصينة رجال
جال طرفو.. آه لو جال.. جال طرفو.. آه لو جال جال طرفو.. آه لو جال وين نلقى ليهو مجال.. وين نلقى ليهو مجااااال... وين نلقى ليهو مجااااال ** ورينا نسوق انجاي..جاي. ** فتحنا باب ورا باب نحنا ، الوراك احباب فتحنا باب ورا باب نحنا ، الوراك احباب
ما لينا فيك اسباب ما لينا فيك اسباب ما لينا فيك اسباب غير كون هواك ارباب غير كون هواك ارباب ** ورينا نسوق انجاي.. ولا انجاي.. **
يا السايق البوباي.. يا السايق البوباي يا السايق البوباي يا السايق البوباي الإشارة جاي.. ولا جاي ورينا نسوق جاي..جاي ورينا نسوق انجاي. . انجاي. انجاي..
كبر
Post: #7 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:49 AM
الفنان محمد حسنين.. السايق البوباي..
كبر
Post: #9 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:52 AM Parent: #7
كل من يعرف او تعرف.. حاجة عن محمد حسنين.. فيلقها .. احتفاءا بنجم سوداني..كاتن نجم على طريقته.. عاش على طريقتها..و ترك ارثا على طريقته.. نغيم فاهك يا ام زين دواي..
كبر
Post: #10 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:54 AM Parent: #9
و ياناس وين انتو..كلمات حسين عثمان منصور (هل تذكرون بعض من اغاني هذا الشاعر؟!!)
كبر
Post: #11 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 10:55 AM Parent: #10
يانس وين انتو.. فيرشن اليومين ديل..و ابونا صلاح ابن البادية..!!
كبر
Post: #12 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 11:07 AM Parent: #11
كنت حالف.. اجيب يا سهارى بصوت الجيلاني الواثق.. لكن اليوتوب قال يطرشني.. لكن..! اهو مناسبة الناس تنفض غبار السمع.. عن زول اسمو الجيلاني الواثق.. صاحب (غالية) و (ديل عيونك ولا واحة..ولا للشوق استراحة).. و الأهم.. ايام الشباب كنا نقول عنه صاحب (الصوت الحالم)..!!! أي و الله..و يكفيهو انو الزول المرق (فلق الصباح) من الأحادية النطية.. لمراقي السوفت جاز..! طبعا يا ديامة يا شرامة.. الجيلاني ظل حبيس لمقولته/ الإدعاء التي قال فيها انه (ملك ملوك الجاز)..في اواخر سبعينات القرن المنصرم..و التي ظنها الشعب السوداني باب من باب الطنقعة و كده..و لكن..! The guy, really has something and big something
ياترى كم من شباب و شابات اليوم يسمع لهذا الجيلاني الواثق؟..
و دمتم.. كبر
Post: #8 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: محمد عبد الماجد الصايم Date: 10-13-2012, 10:50 AM Parent: #5
Quote: غير بصات الديوم الحمرا ديك
كبّر يا زعيم .. باظاتم كانت زرقا!! علب الصلص دي كانت بتاعتنا في الديوم الغربية!!
Post: #13 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 11:13 AM Parent: #8
ود الصايم.. كلو عند الغرابة صابون يا عم..! يازول البصات الزرقا دي كانت بتاعة بري ياااخ..!
اوعك تقول لي الديوم الغربية و الشرقية ما تبع الديم؟؟؟
المهم القاصدو ياهو المحل الكان ساكن فيهو علي السقيد ياعم.. كن طلع ما الديم.. فلا حرج على ناس الريف..! ياخ يكفي نفرق بين الديم و الخرتوم اتنين .. ان شاء الله تنظير ساكت..!! غايتو لو منك استمتع بمحمد حسنين..و الجيلاني الواثق.. باقي النقة هين..!! كل سنة و انت طيب يا صديقي..
كبر
Post: #14 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 11:15 AM Parent: #13
ههههه..نسيت ارفق رابط الجيلاني الواثق (فلق الصباح).. سمعتها سنة سبعة و سبعين في اذاعة هنا امدرمان..و نفس صوت جيلاني في الألفية الثالثة..
كبر
Post: #15 Title: Re: الديامة الشرامة: صلاح ، اب ساندرا ، عماد و اخرين و اخريات..!! Author: Kabar Date: 10-13-2012, 11:17 AM Parent: #14