Post: #1
Title: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صورة..
Author: معاوية المدير
Date: 10-13-2012, 00:13 AM
Parent: #0
ظلّ علي مدار الدهوّر ومنذ غابر العصور يحمل هم هذا الشعب. لا كلَّ لا ملَّ. حرر نفسه
من جميع السياسات وقيود الإنتماءآت، وآثر ان يكون حراً طليقاً متفرغاً لخدمة هذا الشعب
دون مُقابل ومن غير منٍ ولا اذى. لم يتعلق في شناكل العلآلي، ولم يلتفت يوماً إلي الدكات
المرتفعة والرفوف التي ناطحت السقوف. لزِم الجآبرة وإتفّن مع الناس في بطن الوآطة، وتعامل
معهم بمستوى وآحد، لم يتأفف من فقيرهم لا إستهواه يوماً غنيهم. ليس ذلك فحسب، بل ذهب به
إهتمامه بالمواطنين إلي ان يتخطى حدود الوطن ليتفقد المقتربين منهم في جميع انحاء المعمورة،
فظلّ مُلآزم لهم في غربتهم يخفف عنهم الآمها ويرفع عنهم معاناتها، فكان بالنسبة لهم نَعْم
الصديق وخير المُعين، ودُخري السنين.
|
Post: #2
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-13-2012, 00:16 AM
رغم كل هذا نجد بعض المواطنين ينتقدونه بشدّة ويسخرون منه ويتبرمون ويتضايقون
من وجوده بينهم. بل يذهبون إلي ابعد من ذلك متمنين أن يقطع الله طاريه ويخسف به
الأرض إلي الأبد.
عجباً!!!، فقد قالت العرب، لا تعدم الحسناء زآماً. لم يكن ذلك خافياً عليه، لكنه لم يعرهم
إهتمام ولم يبادلهم خصاماً بخصام، بل ظلّ يمخضع لطلباتهم كلما طلبوه، ويلبيها من غير
ضجر أو إظهار ملل. حتي الذين يتعاملون معه وهم له كارهين يعترفون بأنه لم يسبب لهم
مضايقات والآم، ويبررون بأنّ سبب كِجنتهم له إنه دائماً معهم، فهم يتضايقون منه إستناداً
علي مبدأ، كترة الطلّة بتمسّخ خلق الله. لكن حاشاهو المساخة، فهو سِيّد الطاعمين جابر خاتر
المساكين. حُلو المعشر، شديد التواضُع، سريع النهمة، خفيف الظِل، مهضوم.
أحبه الجميع، وأكاد أجزم بِأنّه لو خاض غمار جميع المنافسات لفاز لا مُحالة، وبجدارة لكثرة
مُريديه ووفرة مُعجبيه. في كلّ الأزمان كان خير مُعين لهذا الشعب المسكين. ظلّ خادماً وفياً
في لحظات الزنقات، وفي أيام الفيضانات، والجفاف والتصحُر، وفي ظل الديكتاتوريات والديمقراطيات.
وآقف طول اليوم علي شباباتو لخدمة المواطنين، فهو دوماً معهم، في المدارس، والجامعات، وفي
البيوت، وفي السلخانات، وفي المكاتب، في الوزارات، في الجزارات، في الأسواق، حتي في متاهات
الغربة بخيرها وشرها موجود، فهو طِب القلوب، ومُنقذ الشعوب طاعِم الأصل وزينة الحقل.
|
Post: #3
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-13-2012, 00:21 AM
Parent: #2
حيوّه معي،
حياكم الغمام.
|
Post: #4
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-13-2012, 00:24 AM
Parent: #3
هيييييييع، جبار الكسور.
ثائرٌ إذ يغلي في قدرته
ينشد الضعفاء في غليته.
|
Post: #5
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-13-2012, 00:26 AM
Parent: #4
|
Post: #6
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-13-2012, 00:44 AM
Parent: #5
بعد ساعات عمل طويلة رجعت البيت الساعة الرابعة
صباحاً، وقد بدأت إشارات الشتاء تظهر حيث أنّ
درجة البرودة كانت 4 درجات تحت الصفر، وجليد
خفييييف نازل يذوب بمجرّد أن يلآمس سطح الأرض.
رجعت وأنا مهوّي هِويّة صح، فكرت في حاجة سريعة
آكُلآ، فإذا به يخرج لي من هذه الـ بة
ويقول لي شُبيك لُبيك حبيبك بين يديك.
طوالي قلت ليهو، إنت يا العشا اب فول، إن شاء الله
لا تفوت لا تموت، يا دُخري الحوبات...
|
Post: #7
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: طارق جبريل
Date: 10-13-2012, 01:02 AM
Parent: #6
يا قريبي انت طوالي مهوي
|
Post: #8
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: محمد على طه الملك
Date: 10-13-2012, 01:16 AM
Parent: #7
| Quote: يا قريبي انت طوالي مهوي |
هههه ـ مش تقول الحمد الله الفشاها في الفول ..
مالك ما داير تجي تناضمنا بي درابك ـ
تحياتي ود المدير ـ ـ
والله سويتلو راس .
|
Post: #9
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: خضر الطيب
Date: 10-13-2012, 02:04 PM
Parent: #8
سلام ياود المدير
غايتو فولك بتاع حدائق كالفورنيا دا قدر ماحاولتا اتصالح معاهو غلبنى
فى المدينه الانا ساكن فيها مافى مطعم سودانى لكن فى محلات باكستان بتبيع فول حب ناشف ..
فول صنف اول ممتاز ممكن الواحد يعملوا فى البيت
فى شبرد بوش فى مطعم دفع الله عندو فول ممتاز وبزيت السمسم الاصلى وعندو خلطه عجيبه ..
بس السمك بتاعو تقول مستعمل .. هذا السمك لايوصى به اطباء الاسنان
فى اجازتى الفاتت للسودان مشيت اكلتا فول فى محل عادى فى بحرى بس كان فول فوق العاده
هاك الفوله دى
فول (الشماليه) نخب اول مع جبنة (الدويم) الممتازه ومترع بزيت سمسم عصارات (امدرمان) وشويه شمار من (الجزيره ) وملح من (بورتسودان) ودقيق الخبز من مطاحن (بحرى)
شفتا القوميه دى كيف ؟ القومه ليك ياوطنى دا مفروض يكون شعار السودان الدايم بدل صقر الجديان الماعارفين ليهو راس من قعر دا تقول ضاربو سل
بالمناسبه دا الرغيف القال عليهو وهبه انو بخلى المجسات خفيفه 
انا غايتو مما اكلتو تانى ماكسبتا عافيه
|
Post: #10
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-13-2012, 03:00 PM
Parent: #9
| Quote: يا قريبي انت طوالي مهوي |
ود جبرين،
نعلّك طيّب ؟؟؟
بركة الحبيب الشعب دا الليلة جابك لينا.
نان يا طارق نحن القِرّة العندنا دي قِرّة نصاح؟؟؟!!!
يا زول أكان ما بقيت يووووت حاشر إيديك اللتنين
في خشمك وحات نضري تروح في حق الله...
|
Post: #11
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: طارق جبريل
Date: 10-13-2012, 03:28 PM
Parent: #10
Quote: يا زول أكان ما بقيت يووووت حاشر إيديك اللتنين
في خشمك وحات نضري تروح في حق الله...
|
|
Post: #12
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: Muna Khugali
Date: 10-13-2012, 04:40 PM
Parent: #11
معاوية يا معاوية..أوعي يكون رمصان قرب؟؟
الفول ده صاحبي البحبه شديد..وممكن آكله كل يوم واكتر من مرة في اليوم..
وكمان بستغرب لو زول يقول مابيحبه!
بعرف طرق كتيرة لتجهيز الفول..اوريك ليهم؟؟
.....
.....
الطعمية كيف؟
|
Post: #13
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-13-2012, 11:23 PM
Parent: #12
Quote: هههه ـ مش تقول الحمد الله الفشاها في الفول ..
مالك ما داير تجي تناضمنا بي درابك ـ
تحياتي ود المدير ـ ـ
والله سويتلو راس . |
يا ملك يا اخ حبيب الشعب دا كمان بيرجاني
أنا لآمِن اسويلو راس؟!، يا زول وحات الله
دا بيجي مروّس من إنقايتو.
الجنا دا عِصى عليك مالو ؟؟؟
نبادلك التحايا...
|
Post: #14
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-14-2012, 02:48 PM
Parent: #13
Quote:
فول (الشماليه) نخب اول مع جبنة (الدويم) الممتازه ومترع بزيت سمسم
عصارات (امدرمان) وشويه شمار من (الجزيره ) وملح من (بورتسودان)
ودقيق الخبز من مطاحن (بحرى)
شفتا القوميه دى كيف ؟ القومه ليك ياوطنى دا مفروض يكون شعار السودان
الدايم بدل صقر الجديان الماعارفين ليهو راس من قعر دا تقول ضاربو سل |
تعرف يا خدر... قال ليك وآحد بتاع طشمي شديد، بعدين أولآدو دايماً شابكنو
ليك يا ابوي ما تتوب، يا ابوي ما تتوب. كرهو ليك. أها، مرّة ماشي مع ولآدو
لقو ليهم وآحد طاشم لمان داقي الدلجة وعامل عمايل في هدومو. وآحد قال لأبوهو
عليك الله يا ابوي هسّع شوّف حالة الزول دا، وشوّف البهدلة الباقية عليهو.
عليك الله هسّع يا ابوي بترضى لنفسك تكون بالحالة دي ؟؟؟!!!
ابوهو قال ليهو، والله يا ولدي الحالة دي انا كايس لها كُوآسة ما لآقيها.
هسّع دحين فولك دا ياهو الكايسلو أنا زااااتو، بصحنو المطفق دا.
عليك الله هسّع السبب الما بيخليهم يسوهو شعار السودان شنو؟؟؟
علي اليمين يستحقها وكمان بجدارة، نعمنو تب ما قصّر معانا.
|
Post: #15
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-14-2012, 03:16 PM
Parent: #14
Quote:
معاوية يا معاوية..أوعي يكون رمصان قرب؟؟
الفول ده صاحبي البحبه شديد..وممكن آكله كل يوم واكتر من مرة في اليوم..
وكمان بستغرب لو زول يقول مابيحبه!
بعرف طرق كتيرة لتجهيز الفول..اوريك ليهم؟؟
.....
.....
الطعمية كيف؟ |
الطعمية يا منى أكلتي المفضلة، وبدون فخر ما في زول بيجيها
أحسن مني.
كدي وريني طرق الفول. يا زولة شفت العلبة الفوق دي، مرآت
أنا بفتحا وبدون افرغها في حلة بختها في النار، واكشح فيها توم.
بعد تغلي بكشحا في صحن وأكب فيها زيت سمسم وشمار من
السودان، وأقعد إتمطق.
تصدقي؟؟؟
تحياتي، ومودتي...
|
Post: #16
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-14-2012, 03:35 PM
Parent: #15
الفول دا زي ود ابرك و عشوشة،
محل ما تمشي تلقاهو.
والله صحي...
|
Post: #17
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: خضر الطيب
Date: 10-14-2012, 04:43 PM
Parent: #14
Quote:
تعرف يا خدر... قال ليك وآحد بتاع طشمي شديد، بعدين أولآدو دايماً شابكنو
ليك يا ابوي ما تتوب، يا ابوي ما تتوب. كرهو ليك. أها، مرّة ماشي مع ولآدو
لقو ليهم وآحد طاشم لمان داقي الدلجة وعامل عمايل في هدومو. وآحد قال لأبوهو
عليك الله يا ابوي هسّع شوّف حالة الزول دا، وشوّف البهدلة الباقية عليهو.
عليك الله هسّع يا ابوي بترضى لنفسك تكون بالحالة دي ؟؟؟!!!
ابوهو قال ليهو، والله يا ولدي الحالة دي انا كايس لها كُوآسة ما لآقيها.
هسّع دحين فولك دا ياهو الكايسلو أنا زااااتو، بصحنو المطفق دا.
عليك الله هسّع السبب الما بيخليهم يسوهو شعار السودان شنو؟؟؟
علي اليمين يستحقها وكمان بجدارة، نعمنو تب ما قصّر معانا. |
والله يا ود المدير زولك دا واضح انو مابتوب لكن عندى ليهو فيديو ماموجود فى اليوتيوب
ارسلو ليك كيف مامعروف .. لكن كان لحقتا رسلتو ليك بصنع يومك والايام الجايه ..لوول
بالنسبه للفول دا حبيب الشعب , فى رمضان انا كان مافطرتا بى فول بعتبر نفسى صايم بعد المغرب
هاك الفوله دى لحدى مانشوف طريقه للفيديو بتاع الشربه داك :
|
Post: #18
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-15-2012, 07:52 AM
Parent: #17
Quote: والله يا ود المدير زولك دا واضح انو مابتوب لكن عندى ليهو فيديو ماموجود فى اليوتيوب
ارسلو ليك كيف مامعروف .. لكن كان لحقتا رسلتو ليك بصنع يومك والايام الجايه ..لوول
بالنسبه للفول دا حبيب الشعب , فى رمضان انا كان مافطرتا بى فول بعتبر نفسى صايم بعد المغرب
هاك الفوله دى لحدى مانشوف طريقه للفيديو بتاع الشربه داك : |
أخخخخخخخخخخخخ،
دا ختري عدييييل كدا.
والله يا خضر أنا في رمضان ينتابني نفس
الشعور لو ما فطرت فول.
ألحقنا بالفيديو بسراعك...
|
Post: #19
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: خضر الطيب
Date: 10-15-2012, 08:01 AM
Parent: #18
حبيبنا ود المدير يا مدمن الفولات
| Quote: ألحقنا بالفيديو بسراعك.. |
هات الايميل فى المسينجر وبمتع يومك وايامك الجايه وايام الحواليك
|
Post: #20
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: معاوية المدير
Date: 10-15-2012, 08:08 AM
Parent: #19
Quote:
هات الايميل فى المسينجر وبمتع يومك وايامك الجايه وايام الحواليك |
ما في طريقة تكشحو لينا مع الفول
المصلّح دا ؟؟؟
مودتي...
|
Post: #21
Title: Re: إن شـاء الله إنـت يـا الـمـبـرُوّك، لا تـفُـوّت لا تـمُـوّت. في صو
Author: خضر الطيب
Date: 10-15-2012, 10:18 AM
Parent: #20
Quote:
ما في طريقة تكشحو لينا مع الفول
المصلّح دا ؟؟؟
مودتي... |
ضيقه ياحبيب .. والله انا لو نزلتا الفيديو دا هنا بكرى حيوقفنى لى يوم القيامه
|
|