Post: #1
Title: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-12-2012, 11:41 PM
Parent: #0
و لامرأة في المدينةِ
عشبٌ فصيحٌ
و دارٌ من الصندلِ الشبقيَ
و نارْ .
و على الباب مزلاجه الخشبي
- و بعض الروائح عالقة من أياديٍ بعمر الرغائبِ -
لامرأة في المدينة عشبْ
و للريح في عشبها وطران :
ابتغاء الندى .. أولاً
ثم .. فرط التسكع .
…..
لامرأة في المدينة عشبْ
و لها وجرٌ لكلابٍ سلوقية الركضْ
.. و النهشْ .
و حمائمها ما تزال بحال التهيؤ
و حائط مبكىً لها
- خبأته جميلاً جميلا -
و تطلق في ليلها غيمها
باتساع الصلاة ..
تيممه شطر ما يُستحثُ
و ينحرها شأنها المشتهِي
يخلف في عُري بهو ملذاتها
وحمة فوق باب التوغل :
( أيا هيت لك )
…….
لامرأة في المدينة عشب
و طارقها الماء
يحثو جُثُوّاً علي رقعة الوقت
إجزاءه الأكسو/ هايدرو
هجينٌ من الضوء و الحزحزات
و ظلٌ ..
يراوح مزولةً تتأرجح
بين إختباءٍ وشيكٍ لـ ( هلْ ) ؟؟
و انتهاءٍ سميكٍ بـ ( كيف ) ؟؟
ـــــــــــــ
في ليل
26 / 5 / 2012
...........
ملحوظة :
آمنة .. أنا تعبان تعبان
|
Post: #2
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Egbal Elmardi
Date: 10-13-2012, 00:23 AM
Parent: #1
يا عماد الف مرحب بيك حبابك
والبود منور
دخلت أسلم عليك بس
لكن قصيدتك فصيحة العشب ما دايراهو معاها ما عندي عليها تعليق رغم جمالها.....
|
Post: #3
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: معاوية الزبير
Date: 10-13-2012, 00:30 AM
Parent: #2
يجدها بخير، آمنة بت البتول ود مَسَاعد
|
Post: #4
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: حاتم الياس
Date: 10-13-2012, 00:35 AM
Parent: #3
عجيب..
|
Post: #5
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: عمران حسن صالح
Date: 10-13-2012, 06:53 AM
Parent: #4
يسعلني الله فرحت بشوفت اسمكـ
منها نسلِم
ومنها نعانق حروفكـ
إلا التانية دي مرقت منها ملوص 
ما فهمت التكتح !
غير تعبان يا آمنة .
وان شاء الله يجدها بخير
|
Post: #6
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: تيسير عووضة
Date: 10-13-2012, 07:16 AM
Parent: #5
عادت كتابة عماد عبد الله
بلون الشوكليت
ورائحة القهوة
في شكل كلام دقاقة ..
|
Post: #7
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: محمد عبد الماجد الصايم
Date: 10-13-2012, 07:30 AM
Parent: #6
براحة براحة علينا يا معلم!!
شنو ننتظركـ زي المطر تجينا شايل (عشب)!!
داير تأكلنا نيم يعني!!
ياهو أنا زي عمران دا .. طلعت ملوص ساي!!
|
Post: #14
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:57 AM
Parent: #7
ود الصايم الأصلي ..
تعرف يا كوتش .. و انا لسه بمبونز كنت متكيف كيف من النجيلة بتاعت بلاعتنا ..
كانت بلاعه كبيره خلاص .. بره الشارع و جواها جردل . البيستحمى يطلع " ينقُف " موية حمامو ..
كيف قامت نجيلة سمحه و خضرا حوالين البلاعه أم موية صابون دي .. العلم عند الله
- الصابون زمان زاتو كان كويس .. مافيهو كيماويات .. بيكون الفيهو هناي : سماد -
شويتين عرفت إنه إسم نجيلة ده بلدي و ما كويس .. إتعلمت كلمة " عشب " ..
لقيتا ليك ظابطه في السلك .
تاني من هنا و لي قدام .. جنس عشب واحد ..
......
ليه بنبسط و انشكح لما الاقي ليك حاجه ؟؟
مع إنك فاكي و هناي .. لسانك و لسان بشير التنقاري : واااااحد
سليط و طاعم و صادق .
|
Post: #13
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:48 AM
Parent: #6
المعلم " تايسا " ..
ياخي صباحك خير كتير ياخ ..
أولاً بالتبادي أخوك بقى حريف قهوة .
زمان قايل ناس القهوة ديل بتاعين مكنات و حنك ضارب ساكت ..
أتاريها القهوة دي حاجة بتي كـلـب خلاص .. !!
دي حاجه ..
الحاجة التانية ياخي بتكيف أنا من جدعاتك في الكتابة ..
حريفه يا بت و بتعرفي كيف تتوري شعرة الجلد ..
- ما بلقى جنبكم في الامارات دي دوا للصلعه ؟؟ .. جلحاتي ماشات لي ورا شديد ياخ -
شكراً يا تيسير ..
يعدل مزاجك يا رب .. قولي آمين
|
Post: #19
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Masoud
Date: 10-13-2012, 12:27 PM
Parent: #13
سلام عماد
أتمنى أن يصدق فيك ( أعذبه اكذبه )
وإلا فقد ارتكبت المعاصي وعليك التوبة !
|
Post: #28
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:26 PM
Parent: #19
أووووووه .. أستاذنا مسعود ..
ياخي حياك الله وين ما كنت و كيف ما كانت حالك ..
( لو لم تذنبوا لذهب الله بكم ، ولجاء بقوم يذنبون ، فيستغفرون الله ، فيغفر لهم )
أو نحو ذلك من الحديث القدسي ..
هسه أخوك تاكل على الكلام الجميل ده ..
و متيقن بأن " اللهُ أكبر " مِن أن يأخذني بجريرة البوح .
....
ثم ياخي ليك شوق و وحشة يا رجل يا حلو
|
Post: #29
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:28 PM
Parent: #19
أووووووه .. أستاذنا مسعود ..
ياخي حياك الله وين ما كنت و كيف ما كانت حالك ..
( لو لم تذنبوا لذهب الله بكم ، ولجاء بقوم يذنبون ، فيستغفرون الله ، فيغفر لهم )
أو نحو ذلك من الحديث القدسي ..
هسه أخوك تاكل على الكلام الجميل ده ..
و متيقن بأن " اللهُ أكبر " مِن أن يأخذني بجريرة البوح .
....
ثم ياخي ليك شوق و وحشة يا رجل يا حلو
|
Post: #12
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:40 AM
Parent: #5
أنا زاتي ما فهمت حاجه يا عمران ..
" نعانق حروفك " دي كيفتني ..
نعم إنه المعانقات كويسه للصحة
- الكلام ده ما حقي .. ده كلام الطب و ناس الصحة النفسية -
هسه امانةً في ضُمتك دي .. ملوص دي كلمة تتكتب قدام الخلايق ؟؟
الله ده ما تخافوه !!
.....
فرحان بمرورك يا كبير
ارقد عافية يا ابن خالتي .
|
Post: #10
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:33 AM
Parent: #4
أول مره بكري يشعلق لي حاجه يا حاتم ..
من 2005 و اخوك يعافر في البكان ده .
" العجيب " هو الفرحه الماسكه الزول بالرجوع لهذا المكان الحميم ..
أتاري اللون الأصفر و بني ديل ما هينات ..
و سرهم باتع .
يديك العافية يا تيتو .
|
Post: #9
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:26 AM
Parent: #3
ود الزبير ياخ إنبهل بهلتك ساكت ..
آمنتك كورك ليها بت اللزينا ..
أنا غايتو آمنتي أضانه تقيلة شويه بعيد عنك ..
قدر ما ننبح .. لا حياة لمن تنادي ..
المشكلة في التعب يا قريبي .
صباح الخير يا معاوية
|
Post: #8
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:21 AM
Parent: #2
يسعد صباحاتك يا إقبال ..
و النور نورك ياخ , قلنا نتفكفك من الفينا ده ..
أهو ربك رب الخير سخّر لينا ( أوضة كواريك ) نبهلها فيها ..
- قالوا اليابانيين عندهم حاجة زي كده .. أوضه عازلة للصوت في اي ملف في طوكيو .. تدخل جواها تكورك قدر ما الله أداك .. تجي مارق منها " متفشي " -
يديك العافية يا إقبال ..
و إن شا الله في ميزان حسناتك .
|
Post: #11
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: حمد عبد الغفار عمر
Date: 10-13-2012, 08:39 AM
Parent: #8
سلام يا عمدة
Quote: و للريح في عشبها وطران :
ابتغاء الندى .. أولاً
ثم .. فرط التسكع . |
والله توبتنا جابت فايدة
|
Post: #15
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: حبيب نورة
Date: 10-13-2012, 09:01 AM
Parent: #11
بديع
مضطر أجيك راجع
حلاوة العودة غنيناها في موّال
|
Post: #30
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:34 PM
Parent: #15
ياسين اللعين ..
الله يستر من إنطرارك ده ..
نعم إنه قالوا المنطر بيركب الصعب ..
دحين اركب تعال .
......
مش إكتشفت ليك اللوحه المايلة في صورتك ديك مايله ليه ؟؟
اي و الله
|
Post: #16
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 09:02 AM
Parent: #11
حمد هووووي ..
دي سلبطة منك ساكت بس ..
براكم تتوبوا و بعدين يبقى ليكم حار ..
تجوا تفكوها فينا ؟؟
عليك الله جابت فايده ؟؟
أصلو شنو !!
........
شكراً للقراية يا قريبي ..
صباحك حلو يا حمد ياخ
|
Post: #17
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: عمران حسن صالح
Date: 10-13-2012, 10:13 AM
Parent: #16
| Quote: هسه امانةً في ضُمتك دي .. ملوص دي كلمة تتكتب قدام الخلايق ؟؟ |
ضُمتك يعني شنو ؟؟ انا عارفة لكن صدقني ود الصايم بكون مفتكرة رطانة وحا يمشي يسأل الحافظنها يفسروها ليهو .
غايتو ( بلاعة) بكون عارفة من ونسة شلة الشيشة القالو تاني ما جايين هنــا ، لوووووووووووول
_______________________________
يا حلو شوف عدد المتابعين عشان تخجل لامن تغيب
|
Post: #27
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:16 PM
Parent: #17
تعرف يا اب ليفه ..
أنا ظنيتني ديناصور من نوعٍ ما ..
يا كمان رضعتني ديناصورة .. قمت بقيت زي عمك طرزان " ربيب القرود " ..
المفردات الماشه تبقى أحفورية دي بتسحرني يا عمران ياخ , بحس إنها الحاجة الوحيدة الحقتنا شديد و مميزانا . وسط هيلمانة المندلق علينا من الثقافات البيض المحاوطانا دي .. و المتمكنة من الميديا رغم فراغها ..
- إتذكرت بمناسبة كلمة فراغها دي عندها استخدام لذيذ و سفيه و توووووش في الصميم عند حبوبتك الزلال .. يقوم زول يهبشها مثلاً في كلام ما عجبها .. طوالي تصرف ليهو احد : هيييي فراغك -
ليوم الليلة ما عرفت الفراغ ده قاعد وين .. :) ..
لكنه تعبير بيقع ظطططط .. في حتتو . أي كلام تاني ما كان ح يكون أبلغ .
شفت ؟؟
فاللسان السوداني ده يا ابن خالتي أنا شكلي ماشي أهابشو أكتر و اعمق .. نتفرغ ليهو عديل , يا غِرِقْ .. يا كمان غِرِقْ .
كنت بنشر في شوية مواقع عربية ما عليك بيها .. بصرف ليهم لسان سوداني راضع لبن امه ..
في الاول إتضايروا شوية .. بعد بقيت اشرح ليهم الغميس من الكلام .. قاموا بقو بدل يقولوا شيتن فيهو الفايدة .. يجوا يدوني ليك : يا شفيف .. يا رهيف ..
قمت خليتهم .. بلا شفيف بلا طياره .
|
Post: #18
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: وضاحة
Date: 10-13-2012, 10:20 AM
Parent: #1
Quote: ملحوظة :
آمنة .. أنا تعبان تعبان |
سلامتك من التعب
العود احمد
|
Post: #20
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Huda AbdelMoniem
Date: 10-13-2012, 04:16 PM
Parent: #18
آمنة .. أنا تعبان تعبان
لمتين يا امنة
|
Post: #21
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: كمال سالم
Date: 10-13-2012, 04:29 PM
Parent: #20
كدى أول وقبل أيتها شئ ورينا ( شبق الصندل ) ده كيفنو ؟
ثم بعدين والله ما قادر أقول ليك شنو ؟
يأخ معقوله تهملنا كدى فى الصى ده ؟
|
Post: #32
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:49 PM
Parent: #21
كيمو بتاع بلاد بره ..
إزيك يا ابن خالتي , و العيال و الدوحة و عادل و و و و
بعدين انا شن خبرني بشبق الصندل ؟؟ .. لقيتو كده أنا .
و بطِّل تحكها لامن تجيب الدم .. :)
في هذا البلد يا كمال :
( تعيش السلاحف في سبع ليال
و يعمر البعوض دهورا )
أو زي ما قال علي المك
التحايا ليك ياخ
و شاكر سؤالك و تفقدك
|
Post: #22
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Osman Musa
Date: 10-13-2012, 04:50 PM
Parent: #20
عزيزنا عماد
السلامات جملة
والبركة فيكم ياخ في الماتو ياخ .
بت البتول سمحة سماحة جد .
والله العظيم يا عماد تلفونك شلتو من ياسر طيفور وبعد ما جيت السودان حاولتو جاوبني وأحد أسمو
عبدالجليل تاجر شطة .
بعدها مشيت أدي الفاتحة في عمك بعشوم الترزي جوار نادي ديم التعايشة . وهناك سألت الناس عنك . قالوا رحلتو حتات الكلام الدقاقة .
|
Post: #23
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: محمد حيدر المشرف
Date: 10-13-2012, 05:19 PM
Parent: #22
أهو ..
ما المشكلة فى ارتكاب هذا الفعل فى المنبر ..
ما المشكلة فى ذلك ؟!
Quote: آمنة .. أنا تعبان تعبان
|
|
Post: #24
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: محمد حيدر المشرف
Date: 10-13-2012, 05:26 PM
Parent: #23
5289 نفر ..
نفر ينطح نفر ..
كعبين يا عمدة ؟!
وسيلقاها بخير ..
آمنة بِت البتول ود مَسَاعد
|
Post: #25
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: عبدالوهاب علي الحاج
Date: 10-13-2012, 07:19 PM
Parent: #24
ياخ عليك الله قوم لف خلاص جيت راجع للخمج ؟
علي الحلف الكلمة دي ما في زول بكون ختّ ليها بالو غيري،
ولا في زول بكون عارف معناها غيري انا وانت وصلاح اخوك واحتمال ابو ساندرا
قال ينقف قال
ياخ مشتاقين والله
|
Post: #43
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-14-2012, 11:02 PM
Parent: #25
وهبه يا كبير .. ههههههههههههههههه
أتاريك نقاف و نحنا ما جايبين خبر ؟؟
هو يعني الناس ديل طلعو كلمة تانية لنقف البلاعة غير كده ؟؟
يكون ( غَرف البلاعة ) يا ربي ؟ .
ما ظابطة برضها ياخ ..
يا وهبه يا صديقي .. ياخ ليك الشوق و الله ..
والله ليك شوقه كبيره يا رجل .
|
Post: #26
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: سفيان بشير نابرى
Date: 10-13-2012, 07:27 PM
Parent: #24
أتمنى و المنى لا تسمع يا عماد
و انا وحدي فرقت بي الليالي
اه من حالي
فمتى يا صاحبي !!!؟
عد ياخ إلي الشاطي
فسيتجنبها الاتقى الزيك كده
فهات كاساً تروي ظميّ الحزين
فالدنيا دار (زوال)
و أنت تدري يا ضنين
فلتشهِد الدنيا على نور الثناء و البشريات
ومافي فجراً ما عقبو ليل
و مافي (تعب) مالقى (امنتو) .
يلم الله مشتاقين
فلنحي فوق تلك الربوات ياخ
|
Post: #35
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 09:22 PM
Parent: #24
الخمسة الف نفر يا محمد عشان بكري شعلق البتاعة دي فوق ..
اي موضوع فوق الناس بتمشي عليهو باعتبار انه فيهو شي ..
و بعدين الله اكبر عليك ياخ .. قول ما شا الله .. :)
............
متكيف انا من مرورك ده ..
و بركة القبلتين آمنة بخير ..
سيلقاها بخير ..
و انا زاتي يلقاني بخير و .. ما تعبان .
|
Post: #34
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 09:18 PM
Parent: #23
لا مشكلة في ذلك يا ود المشرف
و الله العظيم لا مشكلة في ذلك .. نوهائي .
المشكلة فيني أنا ده في بت ام روحي ..
نسوي شنو ؟؟ .. الله داير كده .
|
Post: #33
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 09:07 PM
Parent: #22
إسمو منو ؟؟ ..
عبدالجليل تاجر شطه ؟؟
الله لا كسبك يا ياسر كان خربت سمعتي .
البركة في الباقين .. على قلتهم يا عثمان .
إنت وكت جيت نادي التعايشه كان تختف رجلك لمحطة الغالي ياخ ..
البركة فيكم في عمك بعشوم و عوض باكرين .
و البركة في وجودك هنا ده ياخي ..
مريح شديد الزول يلاقيك يا ابو عفان بعد الغيبات ..
سلام و مودات كتيره يا جميل
|
Post: #31
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Emad Abdulla
Date: 10-13-2012, 08:42 PM
Parent: #20
يعلم الله تعبان يا هدى ياخ ..
زول تعبان جد ..
وهي : أضان الحامل طرشا
|
Post: #36
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Ahmed musa
Date: 10-13-2012, 09:23 PM
Parent: #31
تعرف يا عماد .؟؟ كم مرة قريت العنوان ... واستخسرت قراية الجوة البوست
كلما اقرا (بجد) بستمتع اكتر بفكرة اني حاقرأ شئ جميل أكتر من قرايته زاتها ...
............ يازول ...................
|
Post: #37
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: احمد الأمين على إدريس
Date: 10-13-2012, 10:35 PM
Parent: #36
الاخ عماد
تعبك زايل ان شاءالله
ماعارف اذا كنت بتتوقع انوالزول يمر هنا ولاينتبه للعشب
بينما البلاعة ونجيلتها الخضرااااء وماتلاهم يعجبوهو عجب شديد..
دا الحاصل بى غايتو
وان شاءالله بت البتول ود مساعد بخير اينما كانت
انا اكيد انو المكان يحتاجك جداً
وانت البتخلى البلاعة تعجب
|
Post: #38
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: معاوية الزبير
Date: 10-13-2012, 11:06 PM
Parent: #37
| Quote: تعرف يا عماد .؟؟ كم مرة قريت العنوان ... واستخسرت قراية الجوة البوست. كلما اقرا (بجد) بستمتع اكتر بفكرة اني حاقرأ شئ جميل أكتر من قرايته زاتها ... |
يا أحمد موسى -بعد اذن عماد- قال محمود درويش:
(الطريق إلى البيت أجمل من البيت)
أو حاجة زي كدا
لكن الطريق إلى بيت عماد وبيته كلاهما أجمل
|
Post: #39
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: عامر تيتاوى
Date: 10-14-2012, 00:06 AM
Parent: #38
ياعمدة .. جيب من جوة
و " انقف " الكلام الدقاقة
ياخى مشتاقون من اقصاه الى اقصاه
|
Post: #40
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Yassir Tayfour
Date: 10-14-2012, 12:45 PM
Parent: #39
يا وهبه علي بالحلال انا وقفت فيها قبلي ما أقرأ مداخلتك وإتذكرت أيامنا البنلعب في الرملة لما البحر ينزل، نحفر الجمامات و"ننقف" بي يدينا لما الموية تبقى صافية كده زي "وجّع" عمدة الرويان بالنّز..
___
يا عمدة كل مرة أقول أجيك في البوست تشغلني عنك "المحفزات" ؛)
|
Post: #41
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Elmosley
Date: 10-14-2012, 01:42 PM
Parent: #1
صمت دهرا ثم نظق كفرا
Quote: هجينٌ من الضوء و الحزحزات
و ظلٌ ..
-------------
يراوح مزولةً تتأرجح
بين إختباءٍ وشيكٍ لـ ( هلْ ) ؟؟
و انتهاءٍ سميكٍ بـ ( كيف ) ؟؟ |
(غايتو )الربط بين هذين الجزئين توحد قل آن نراه في القصائد
سمحا جيت يازول ياحلو
|
Post: #42
Title: Re: الكلام الدُقاقه .. في حق آمنة بِت البتول ود مَسَاعد . يجدها بخير
Author: Muna Khugali
Date: 10-14-2012, 02:20 PM
Parent: #41
سلام..
والحمدلله علي الرجعة..
وبس!
|
|