Post: #1 Title: فوائد الدخان Author: هويدا شرف الدين Date: 10-11-2012, 08:20 AM
لا ادري من أين بدأت فكرت الدخان ، وهل هي عاده سودانيه بحته أم ممارسه في بعض الدول الأخري ، الدخان هو عباره عن أستخدام بعض أنواع الأخشاب (الطلح ، الشاف ، الهبيل ، الدوم) مع جمر النار وللدخان كثير من الفوائد أولاً : يستخدم الدخان كطارد للبعوض والذباب والطريقة بأن يتم وضع عدد من قطع اي نوع من الأخشاب المذكورهأعلاه وتوضع معها بعض الجمرات ويقفل المنذل ويترك حتي يملا المنذل بالدخان فيتم طرد الباعوض والذباب
بختك يا مسنوحة اقدلي ساي وصولي وجولي قوانين بكري ما فيها مادة تخول له الحق في حذف اى بوست او عنوان بوست offending public decency
العكس كمان المادة (16) من قوانين المنبر ولوائحه تقرأ كالآتي ( يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن)
ياها دي كل قوانين المنبر اقروها
Quote: قوانين المنبر العام ولوائحه
المنبر العام بسودانيزاولاين دوت كم هو منبر حر للنقاش بالشبكة الدولية مفتوح لجميع السودانيين و غير السودانيين دون تمييز بسبب الانتماء السياسي أو العقائدي أو الفكري، وجميع الآراء والأفكار والمواد المنشورة فيه تعبر عن وجهة نظر كاتبيها ولا تعبر بالضرورة عن رأي إدارة الموقع وذلك دون إخلال بقوانين وضوابط النشر المعمول بها دوليا وهذه هي قوانين المنبر ولوائحه، والتي سوف يبدأ العمل بها ابتداء من يوم 28 ديسمبر 2005
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. 2- على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده..... 3- لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية الاعتقاد والرأي ودون مصادرة لحرية البحث العلمي وحق الاجتهاد...... 4- يمنع إعادة نشر مواضيع محذوفة سابقا أو مخالفة قوانين المنتدى أو مواضيع تم قفلها من قبل الإدارة ..... 5- يمنع الدعاية لمواقع تخل بإحدى بنود قوانين المنتدى ..... 6-يجب الإشارة إلى حقوق المؤلف والٍملكية الفكرية عند النقل أو الاقتباس وذلك بوضع اسم المؤلف إذا كان معروفا أو وضع نقاط بين قوسين (....) إذا كان المؤلف غير معروف...... 7- لا يجوز استخدام نظام الرسائل الخاصة (الماسنجر) في أي فعل مخالف لأحكام هذه اللائحة او استخدامه فى الدعاية لمواقع اخرى .....
8- على العضو توجيه ملاحظاته إلى أمين الموقع عند وجود تجاوز من قبل الأعضاء عبر البريد الإلكتروني، ويمنع منعا باتا توجيهها في المنتديات الأخرى
9- يمنع الدعاية التجارية دون أذن مسبق أو الاتفاق مع إعلانات سودانيزاونلاين .....
10- عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر
11- عدم السماح لشخص غير عضو/ة بالمنبر بأن ينشر/يشارك مستخدما حساب عضو/ة بالمنبر بدون علمه
12- لا يسمح لأي عضو الإعلان عن استقالته بطريقة فيها تشهير بالمنبر أو إدراته أو أعضائه، ويجوز للإدارة سحب العضوية من ذلك الشخص فورا وطلب/موضوع الاستقالة من المنبر فورا. ولكن يجوز لأي شخص أن يعلن بأسلوب هادئ بعيد عن الإثارة عن توقفه أو غيبته لأي سبب من الأسباب ..
13- تمكين أي شخص يتعرض للإساءة من أحد الأعضاء من عنوان هذا الشخص لمقاضاته حيثما كان... تسلم هذه المعلومات فقط للجهة القضائية بخطاب رسمى عند طلبه على أن يكون بالبريد العادى المسجل وليس الكترونيا.. كما يحق للإدارة تجميد/سحب العضوية من العضو/ة فى حالة رفض إعطاء الاسم الكامل والعنوان للجهة القضائية بالنسبة للأعضاء القدامى أو من لا تتوفر معلومات لدى الإدارة عنه.
14- لا يجوز لأي عضو أن يسجل في المنبر الحر بأكثر من اسم أو لقب واحد وتسحب العضوية فورا من كل عضو يثبت اشتراكه أو تسجيله بأكثر من اسم أو لقب.
15-على كل عضو مسجل باسم مستعار أن يزود الإدارة باسمه الحقيقي وعنوانه الصحيح إذا طلب منه وأي عضو يمتنع عن ذلك أو يتبين أنه أدلي باسم وعنوان غير صحيحين تسحب منه العضوية فورا
16- يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن.
-17 الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ.
18- لا يسمح باغراق المنبرالسيرفا بصورة متعمدة برفع مواضيع لعضو معين او بمواضيع معينة الى الصفحة الاولى او بشكل لا نهائي أو بفتح عدد لا نهائي من البوستات في وقت واحد….أو فتح بوستات مختلفة من نفس العضو لنفس الموضوع
19- سوف يتم سحب عضوية كل من يستخدم الماسنجر فى رسائل تامرية ضد الموقع او اعضائه
20-لن نقوم بـتحديث المكتبة الارشيفية لأى عضو/ة اذا ثبت اخلاله/ا باللوائح اكثر من مرة إذا أعتقدت الإدارة أو كان لديها ما يحملها على الأعتقاد بأنَّ ذلك الشخص يسعى لتدمير الموقع أو الإضرار به.
21- لن نعمل مكتبة ارشيفية لأي عضو/ة اذا تأكد انتهاكه /ا للوائح و قوانين المنبر اكثر من مرة
22- سوف يتم مسح اى بوست للتزكية او ضياع كلمة السر او خلافه فى المنبر العام 23-يمنع منعا بات جمع التبرعات خارج نطاق منظمة الموقع) تنادينا ( او العمل الدعائى لمنظمات اخرى…..
24- لن يحذف اى موضوع بعد تحويله الى الارشيف او المكتبات.
25-اى عنوان ممطوط يودى لفتل البورد سوف يحذف مباشرة 26-سوف يتم سحب عضوية اى منظمة/مركز/ اتحاد/ نادى...etc يستخدم المنبر فى قضايا و نقاشات غير نشر اخبار مراكزهم/ اتحادتهم و نواديهم ...etc
27- يمنع منعا باتا من جميع الأعضاء بفتح بوست يتعلق بتعليم الناس كيفية القرصنة والدخول للمواقع الالكترونية والبريد الالكتروني أيا كان أو التستر على قراصنة النت لأنها جريمة يعاقب عليها القانون ومتعارف بها دوليا ..وعدم استخدام الموقع كأداة لذلك أو أي جريمة أخرى تقع تحت.
ترسل كل الشكاوي والتظلمات والطلبات والقرارات الإدارية من والى العنوان : [email protected] ولا تنظر الإدارة في الرسائل والمكاتبات التي ترد عبر الماسنجر أو التلفون أو خلافه.
.... تدعو إدارة سودانيزاونلاين جميع الوطنيين/ت والشرفاء/ت إلى مساعدتها وذلك بتنبيهها فى حالة تجاوز أى عضو/ة للائحة عبر البريد أعلاه وذلك لعدم تواجدنا بصورة مستمرة ويومية،
سوف تسرى هذه القوانيين على كل المواضيع والمداخلات التى كتبت ابتداء من يوم 27 ديسمبر 2005.
لو ما كنت ماشه هسى جبرا كان دخلت ليك ,, لووووووووووووووووووووولز
بمثك ليك وردية بالليل بعد عشرة
Post: #15 Title: Re: فوائد الدخان Author: عبد الناصر الخطيب Date: 10-11-2012, 09:01 AM Parent: #6
.
الأخت / هويدا شرف الدين صباحك زين ,,
Quote: وهل هي عاده سودانيه بحته أم ممارسه في بعض الدول الأخري ،
ممارس حصريا لدي قومية الرايا في الهضبة الإثيوبية وهم من فروع التجراى ( الحبش ) وديل (( الرعاه )) العندهم بعض الإختلافات من المزارعين وعندهم حفرة الدخان والشمله ووو كل المتعلقات بالدخان للنساء بس حفرتهم دي شاف طلح شي تاني الله أعلم
حاجات تانية موجودة عند الرايا بتشبه وجودة عند بعض شععوب السودان الكركار أو الدهن لشعر رأس المرأة و الدوبيت للرجال ولو بلغتهم بس الاصوات وطريقته وختت اليد جم الاضان ياها ذاته
منو الجاب الحاجات دي من منو ماظن حيصل الناس لشي قاطع لانوا الحاجات البفتكر السودانيين والاحباش إنها حقتهم حصريا ومرات ديل وديل بيجهلوا وجودة عند التانيين كتيرة زي عصيدة الروب بالسمن
*بالمناسبة البوست ده ممكن يكون جاد ويتكلم عن عادة تراثية أو موروث شعبي ممارس عند بعض شعوب السودان
ومن فوائده تشغيل فرق المطافئ في الخليج ، ما أن يرى الجيران دخاخينك في السما حتى يبلغوا الدفاع المدني بوجود حريق عند الجيران السودانيين .
Post: #24 Title: Re: فوائد الدخان Author: هويدا شرف الدين Date: 10-11-2012, 09:36 AM Parent: #21
الدخان ايضا يستخدم كعلاج للرطوبه ووجع المفاصل حيث يوضع الطلح والهبيل والدوم ويتم مسح الأرجل بي زيت سمسم وتجلس علي كرسي وتوضع الاخشاب مع الجمر في كانون أو رحاله ( الرحاله لمن لا يعرفها مصنوعه من فخار وتشبه أصايص الورود ) وبعد ذلك تضع الارجل قرب الكانون أو الرحاله وتغطي بقماش وتترك لتتعرض للدخان حتي العرق وبعد النهوض ما تديها الهواء طوالي بالتاكيد ستزول كل ألام الرطوبه والمفاصل
Post: #25 Title: Re: فوائد الدخان Author: مصطفى توفيق Date: 10-11-2012, 09:44 AM Parent: #24
اعتقد انه موضوع مطروح بطريقة تثقيفية ومافى داعى بعض الناس يخرجوا من خارج النص ويعلقوا تعليقات جانبية ساخرة انا شخصيا أؤيد كاتبة الموضوع لأنه فى ايجابى لطرحه ا
Quote: الدخان ايضا يستخدم كعلاج للرطوبه ووجع المفاصل حيث يوضع الطلح والهبيل والدوم
ويتم مسح الأرجل بي زيت سمسم وتجلس علي كرسي وتوضع الاخشاب مع الجمر في كانون أو رحاله ( الرحاله لمن لا يعرفها مصنوعه من فخار وتشبه أصايص الورود )
وبعد ذلك تضع الارجل قرب الكانون أو الرحاله وتغطي بقماش وتترك لتتعرض للدخان حتي العرق وبعد النهوض ما تديها الهواء طوالي
بالتاكيد ستزول كل ألام الرطوبه والمفاصل
يعني نفهم من كدا إنو الرجال برضو يتدخنوا ؟
Post: #28 Title: Re: فوائد الدخان Author: هويدا شرف الدين Date: 10-11-2012, 09:45 AM Parent: #24
ومن فوائد الدخان الخاصه للنساء أنه مطيل جدا للشعر فيجب مسح الشعر بكميه من الدهن ويا حبذا لو كان دهن حبوباتنا الزيت والكركار والدهن أو زيت الزيتون قبل الدخان وفي اثناء الدخان وترك الشعر مسدلا في اثناء الدخان فهذا يطيل الشعر ويطيب رائحته
Post: #29 Title: Re: فوائد الدخان Author: سلمى الشيخ سلامة Date: 10-11-2012, 10:01 AM Parent: #28
الاخت العزيزة هويدا تحياتى قبل اكتر من تلاتين سنة فى استاذ جامعى فى جامعة الخرطوم على وجه التحديد كتب بحث علمى عن الدخان اعتقد ان اسمه ضرار وكان الزمن داك قبل الانتفاضة عليها الرحمة اذكر انه جا فى التلفزيون وقدم المبحث دا وتحدث عن بعض القبائل السودانية التى يشح عندها وجود الماء فتستعيض عن الماء بالدخان وتحدث ايضا عن ان الدخان يقتل البكتريا فى الجسم ويزيل الدهون والاملاح الزائدة
من تجاربى الخاصة والدخان ان الدخان حين يدخل الى فم الرضيع يوقف عنده الاسهال واحيانا فى بعض الحالات استخدمته لعلاج "التسوس" عند بعض الناس استخدمته "مضمضة " حيث يدخل الدخان من "ثقب " صغير فى علية الى فم المريض بعدها بخمسة دقائق تقع "السوسة " من الضرس او السن
زمان كما حدثتنى امى رضوان الله عليها ورحمته لم يكن لدى النساء من "كريمات " فكانت العروس تقعدفى الدخان ايام وليالى ينتهى الامر بتكوين طبقة من الجلد هذه الطبقة يتم نزعها من جسد العروس وتوضع فى صحن "قدح " ويتم تقديمها لاهل العريس الذين يوزنونها "دهب " عدا عن ان العروس يكون جلدها ناعما ولا يحتاج من ثم لاى كريمات
Quote: واحيانا فى بعض الحالات استخدمته لعلاج "التسوس" عند بعض الناس
غايتو موضوع علاج التسوس لو صاح
أنا أكون إتمقلبت مقلب كبير
أنا السوس خرب لي معظم ضروسي
شي قلع وشي حشوات ثابتة
ليه ما دخنوا لينا خشمنا دا عشان يعالجوا لينا التسوس
معلومة جاتنا في الزمن الضائع
Post: #31 Title: Re: فوائد الدخان Author: هويدا شرف الدين Date: 10-11-2012, 10:10 AM Parent: #29
الأخت سلمي الشيخ
مداخلتك بالجد مفيده جدا جدا لو ملاحظه ودا طبعا من فوائد الدخان الكنت جايه عليها وكويس ا نك كتبتيها انو دائما بعد اول اسبوع من الولاده أمهاتنا بعملو ليك الدخان وبيتم في نهاية الدخان وهو بارد اخذ الطفل فيه بعد مسحه ويوضع قليلا علي الدخان وفي فترة التسنين يتم نفس الامر خيث يتم تدخين الطفل نهاية الدخان ودا عن تجربة شخصية بخلي الطفل ينوم لي وقت اطول وبيمنع الإرجاع والإسهال وبخلي الطفل ريحتو حلوه خالص خالص
بس عليك الله يا اخت سلمي لو ما وريتني في علاج السوسه دا بعملوه كيف
Post: #33 Title: Re: فوائد الدخان Author: هويدا شرف الدين Date: 10-11-2012, 10:22 AM Parent: #32
يا حبيبها يكون جانا دخان من شيشة المقابر ديك
Post: #34 Title: Re: فوائد الدخان Author: وليد عبد اللطيف Date: 10-11-2012, 10:36 AM Parent: #33
Quote: ومن فوائد الدخان الخاصه للنساء أنه مطيل جدا للشعر فيجب مسح الشعر بكميه من الدهن ويا حبذا لو كان دهن حبوباتنا الزيت والكركار والدهن أو زيت الزيتون قبل الدخان وفي اثناء الدخان وترك الشعر مسدلا في اثناء الدخان فهذا يطيل الشعر ويطيب رائحته
ويعتبر ايضا غسيل للانثى ويعمل على تقليل الالتهابات كنت عايز اجيب ليك حلقة تلفزيوينة تتكلم عن هذا الموضوع بطريقة علميه و عن فؤائد الدخان سبق شاهدتها
Post: #35 Title: Re: فوائد الدخان Author: هويدا شرف الدين Date: 10-11-2012, 10:42 AM Parent: #34
الأخ/ وليد عبد اللطيف طبعا الدخان دا عندو فوائد كثيره وذي ما قلت انت غسيل للأنثي ، عارف مت العادات السودانيه الجميله بالنسبه للعروس والمراه الوالده جديد الدخان ففعلا هو غسيل حيث يمكن للعروس مثلا انو ما تستحمي نهائي لانو الدخان بخلي الجسم يعرق ويطلع كل الاوساخ والخلايا الميته فبالتالي الزول بكون نظيف جدا والرائحه طبعا اجمل ،
Post: #37 Title: Re: فوائد الدخان Author: هويدا شرف الدين Date: 10-11-2012, 10:58 AM Parent: #36
أموت بي كرعي ياالمسنوح مداخلتك دي ما ظاهره فيها حاجه
Post: #38 Title: Re: فوائد الدخان Author: الامين موسى البشاري Date: 10-11-2012, 11:10 AM Parent: #37
هويدا ازيك
انا غايتو فتحته الشبابيك وقعدته اتابع في الموضوع دا غايتو نحن هنا ما عندنا حفر وكل واحدة عاملة ليها بستله للدخان أو صندوق خشبي بالشـــي الفلاني عشان الدخان شفتي التطور دا كيف؟
دخان نسوان السودان ضد معاهدة كيتو
Post: #39 Title: Re: فوائد الدخان Author: هويدا شرف الدين Date: 10-11-2012, 11:26 AM Parent: #38
الأمين موسي البشاري المسخوت عارف طبعا في الدخان دا اتطورت مسيرتو مع تطور الحياة ، يعني اماتنا زمان بدخنو بي بطانيه تقيله مبالغه اسمها شمله لكن هسع في كم نوع تمشي تشتريهو وجاهز ومريح كمان طبعا هسع الشقق ماممكن تحفر فيها والا اتخيل انت في طابق ما ارضي كيف تحفر حفره ، لكن طبعا احلي من الدخان بواسطه الحفره مافي هسع طبعا في الرحاله وتم شرحها في مداخله اعلي ، كمان ذي ما انت قلت الصندوق الخشبي هو فعلا غالي بس مريح جدا أول حاجه ممكن الزول يقعد وبتكل عليهو عشان التكاله الفيهو وتاني حاجه ممكن الزول يلم فيهو كل مستلزمات الدخان ويسهل ترحيله
Post: #113 Title: Re: فوائد الدخان Author: محمد مختار جعفر Date: 10-14-2012, 10:19 AM Parent: #40
سلام وتحية .. هذه من أميز العادات الطيبة ( من الطٍيب ) فى صحة الأنثى السودانية وخاصة بعد الولادة وفترة الإرضاع ، بل هي من ضمن محفزات الرجل السوداني فى العلاقة الجنسية وهو ما يحسدنا عليها من غير السودانيات ، يحكى أن مرأة مصرية كانت جارة لسودانية ، لاحظت حسن العلاقة والحب الدافق مع زوجها السوداني وكثرة إهتمامهم بيوم الخميس ورائحة طيب الدخان العابقة فى نهاية كل أسبوع وأنه برنامج له من القدسية بمكان ، فحكت لجارتها السودانية نفور زوجها وعدم إهتمامه كثيراً بها ، فما كا منها إلا وأن دعتها لحفرة دخانها بعد أن عطرتها وأجلستها أكثر من ساعة زمن ، خرجت المصرية وجاء زوجها فى اليوم التالى ليقدم شكرا وثناءً لهما ، وأسر لزوجها بما بما أسعدهما وتعرفه المرأة السودانية من مفعول الدخان وفوائده المسكوت عنها ..
وتحيتي ...
Post: #48 Title: Re: فوائد الدخان Author: اسماعيل عبد الله محمد Date: 10-11-2012, 12:44 PM Parent: #33
الاخت هويدا شرف - سلام و تحية طيبة لامن مدخنة .. لى سؤال فيما يتعلق بدخان المرأة السودانية و دوره فى تضييق المهبل وتجفيفه بامتصاص الافرازات مما يساعد فى عملية الامتاع الجنسى للرجل لانه و بطبعه يستمتع بضيق المهبل الامر الذى يؤدى الى شدة الاحتكاك و بالتالى يزيد من الاثارة والوصول للنشوى - السؤال :الا يوجد اى بديل للدخان يساعد فى تضييق المهبل وتطهيره من الافرازات المهبلية ؟ الم يستطع الطب الحديث من انتاج اى مستحضر يؤدى نفس الدور الذى يقوم بتأديته الدخان ؟
فى انتظار الاجابة منك يا أخت هويدا أو من ذوى الاختصاص بالمنبر ..
والله كلامك زين يا غاليه وشعر في محلو عارفه يا وضاحه في اغنيه قديمه كدا لو سمعتيها اسمها ست البيت بقول فيها الشاعر بريدها براها ترتاح روحي كل ما اطراها ست البيت في مقطع بقول وما قالت بقيت حبوبه وتركت بوختها المحبوبه لو جات من رياحها هبوبه بتحي عروقك المهبوبه
قد تكون له فوائد ، من النوع الطبي كمطهر وكمعالج للرطوبة مرتبط بالفوائد ذات العلاقة بالتجهيز للجنس
اراه ممارسة سيئة ، خاصة في هدفه الرئيس أظن أن لكل إمرأة نكهتها الخاصة الدخان يجعلهن جميعآ بنكهة واحدة بما يبدد المزايا الخاصة لكل واحدة منهن أقصد النكهة الطبيعية التي تضيعها نكهة الدخان الإصطناعية
على المستوى الشخصي لا اطيقه ويزكم أنفي رائحة حريق بشري مثل حرق الحليب عشان الشاي المقنن اها ، القنانة دي مزعجة لأنفي
أفضل الغسول المهبلي المتقن المناسب مع النكهة الطبيعية وبعض العطور الباريسية التي تضيف على النكهة الطبيعية ولا تبددها كما يفعل الدخان
الأخ/ أبو ساندرا لا ادري لماذا ارتبط الدخان عندنا في المفهوم السوداني بالجنس لكن اصحح ليك معلومه مهمه جدا اغلبية النسوان السودانيات الدخان مرتبط عندهم بالأعياد والمناسبات فبتلقي اي وحدها عندها عرس تقعد تدخن عشان جسمها يبقي نضيف ولامع ولين ولاحظ الحاجه دي لو انت في السودان في موسم الاعياد بتلقي كميه من الدخان ، وبعدين ان جاز التعبير في نكهات كتيره اخري ممكن ان يكون الدخان احدها
الأخ / إسماعيل بما أن تخصصي في مجال الإداره وليس الطب الحديث أوجه سؤالك إلي جهات الإختصاص علك تستفيد ونستفيد نحن
Post: #73 Title: Re: فوائد الدخان Author: الامين موسى البشاري Date: 10-12-2012, 00:58 AM Parent: #51
Quote: وتيب الشلاقة الليك شنو؟ . ما خليك فى ال managerial science بتاعتك دى.
اسماعيل عبد الله
سلام وتحية وتقدير قالوا النصيحة بتعدم الصاحب لكنني دائما بقولها كان ترضاها ولا تباها ياخ أراك قد أغلظت على الأخت هويدا شرف بالمقتبس الفوق دا البوست مطروح للفائدة ويحمل ذلك في طيات عنوانه وفي متنه مداخلتك لو ما الله ستر كانت ممكن تحرف البوست وبعدين أنت سألت سؤال هو :
Quote: فى انتظار الاجابة منك يا أخت هويدا أو من ذوى الاختصاص بالمنبر
يعني أنت بنفسك اعطيت الأخت هويدا خيار انها تجاوبك على سؤالك أو يجاوبوك أهل الاختصاص وهي اعتذرت وقالت ما عندها فكره وقامت بتحويلك لأهل الاختصاص حسب طلبك لأن أو في اللغة العربية تفيد التخيير ولا شنو؟ وهي اختارت أن يرد عليك الاختصاص يبقى كلامك الفوق دا مجرد غشامة منك ساي وتستوجب اعتذارك لها والله صحي
هويدا على بال ما اجيك دسى لى الاعراض ديل عندك المسنوح و السغلاء ديل والشافعة الاسمها وضاحة ما يشوفوهم لووووووووووووول
الخمرة هي الرائحة الطيبة وهي نوع من العطور القديمة المعروفة عند العرب وان اختلفت مكوناتها، والخمرة السودانية مزيج من مسحوق الصندل والضفرة والمحلب والمسك مخلوطة بالعطور السائلة. وهي أنواع مختلفة باختلاف مكوناتها.
المقادير:
خمرة الصندل الريحـــــة الناشـــــفة نصف كيلو صندل مسحون ناعما وقية مسك مسحون ربع وقية ضفرة ( تنظف الضفرة من اللحم وتغسل جيدا ثم تحمس على نار هادئة ثم تسحن ناعما) الريحة السائلة فلور دامور رفدور صاروخ سوار دي باريس صندلية
طريقة التحضير
تخلط جميع المواد الناشفة مع بعضها في وعاء وتعجن بالصندلية وتلصق (تلخ) على جوانب الوعاء المستدير وتدخن بالشاف في نار هادئة .كلما تدخنت العجينة وتحول لونها للون احمر داكن تقلب ثم تعجن بالصندلية وتلصق على جوانب الوعاء وتعرض للدخان وهكذا تتكرر العملية مرة بعد مرة حتى تتشبع برائحة الدخان.ترفع العجينة من الدخان وتوضع في زجاجة وتصب فيها كل الروائح السائلة وترج جيدا وتوضع مغلقة في مكان دافئ لمدة أسبوع على الأقل حتى تتخمر.
2-الدلكة
الدلكة من أدوات الزينة الأساسية التي تستعملها المرأة السودانية لما لها من تأثير فعال على البشرة وترطيبها حيث يتغلغل الدهن والعطر الى مسام البشرة فتكسبها نعومة وحيوية ولمعان. وللدلكة تأثير صحي على الجسم فعملية الدلك تساعد على جريان وتنشيط الدورة الدموية وتشد عضلات الجسم فيكون متماسكا وتساعد على التخلص من ترهل الجسم خاصة مع التقدم في السن وقد إلتفت العالم حديثا لأهمية التدليك في المحافظة على الصحة والرشاقة فانتشرت صالات التدليك والمساج.
فوائد الدلكة
الدلكة ذات تأثير فعال على البشرة تساعد على ترطيب الجسد في بلاد حارة وجافة أحيانا – كالسودان - ، وبها يتغلل الدهن والعطر إلى مسام البشرة فيكسبها نعومة وحيوية ولمعة ، وفيها راحة للمرهق خصوصاً أصحاب المهن الشاقة ، فهي عملية دلك طبيعية مُثيرة وهي رفاهية ومتعة للمرتاحين من أصحاب الوظائف المريحة.
طريقة عمل الدلكة العادية
لعمل الدلكة يستخدم حوالي ثلاثة كيلو من دقيق الذرة النقي ويعحن الدقيق بالماء المنقوع بالقرنفل (ينقع القرنفل في الماء لمدة ليلة كاملة) ثم يلطخ على قدح من الخشب ( صحن كبير ) في باطنه حتى يلتصق تماما ثم نكفي القدح على حفرة الدخان ويدخن بالشاف ونغطي الصحن والحفرة جيدا لتتغلغل رائحة الشاف فيه جيدا ويترك حتى يحمر لون العجين . ثم نرفعه من نار الدخان ويعجن مرة اخري ويبلل بمزيد من نقيع القرنفل ويوضع مرة اخرى على الدخان وهكذا نكرر هذه العملية لمدة أقلها ثلاثة ايام حتى ينضج و يكون لون العجين أقرب للسواد . دليل النضج هو تساقط العجين من القدح. .ترفع العجينة المتكونة من الدخان وتخلط بالمسك المسحون والضفرة المسحونة والأرياح السائلة(وهي: فلور دامور والصاروخ وقلامور وقليل من الخمرة) وتعجن جيدا لضمان اختلاط العطور بالعجين وتعبأ في إناء محكم الاغلاق . يستحسن تقطيعها قطعا أو تشكيلها في كريات صغيرة لسهولة استخدامها. عند الاستخدام نأخذ كتلة صغيرة وتبلل بالماء حتى تصير في شكل شبة سائل ويدلك بها الجسم ويستخدم الدهن أو الزيت المعطر ليسهل خروجها ويكسب الجسم لمعانا
دلكة المحلب
دلكــــــة المحلب يسحن المحلب ناعما ثم ويغربل ثم يعجن بعصير الليمون المخفف بالماء وتدخن بنفس الطريقة المستخدمة في دلكة الذرة وتعجن في كل مرة بمزيج الماء والليمون حتى تنضج وتتساقط من القدح. تعجن بالعطور : صندلية ، فلور دامور ومسك مسحون وقلامور وتعباء في إناء محكم الإغلاق وتترك لتتشرب العطور. تستخدم بنفس الطريقة السابقة
دلكة البرتقال
يجفف قشر البرتقال والقريب فروت ثم يسحن ناعما ويغربل ويعجن بمزيج الماء وعصير الليمون ويدخن بنفس الطريقة السابقة حتى ينضج. يعجن بالعطور: الصندلية،ر والفلور دامور والمسك المسحون ويعبأ في إناء محكم الإغلاق ليستخدم عند الحاجة.
Post: #54 Title: Re: فوائد الدخان Author: محمد علي البصير Date: 10-11-2012, 01:40 PM Parent: #52
في تقديري الشخصي ، أن عدد كبير من العادات السائدة في المجتمع السوداني لها فوائد عظيمة ، ولم تتناقلها الأجيال إلا لفوائدها الكبيرة ـ
لعل أهم ما أعني ـ الدخان ـ كان لدى قناعة أن الأمر ليس مجرد أداة تؤدي أغراض معينة ـ بل الأمر أهم وأعظم من ذلك
وفعلاً مع مرور الوقت تكشفت لي الفؤائد الكبيرة لهذه العادة
من واقع تجربتي الشخصية :
قبل فترة وحينما أصبحت زوجتي تستشير والدتها في كل صغيرة وكبيرة بعد ولادتها للمولود البكر ـ ومع حداثة التجربة ـ كانت أولى نصائح أم رامي (ست النسب) وهى أمراة تسلحت بقدر كبير من المعلومات الخاصة بشئون المرأة والطفل حديث الولادة ـ فكانت نصيحتها لزوجتى وهى تشكو من بعض المتاعب التي عانت منها مولودتنا وعمرها لم يتجاوز شهرين ـ أن تتدخن ليها
وده خلوهو على الهامش لما اجيكم بمداخلتى الرئيسة(حلو الرئيسة دى) شايف احمد حنين جاب لى النبذ فى صمة خشمى..
طنقول:
لا أحد يعرف قيمة الدخان الحيقية الا السودانيين عموما بمعنى كلا الجنسين الرجال والنساء
رغم ان الكثير الان من الشعوب قد عرف الدخان واستعمله البعض فعلا
ماهي قصة الدخان هذه وكيف بدأ ؟
للأسف الشديد لا توجد لدينا في السودان دراسات عميقة تهتم بمثل هذه الاشياء او معلومات موثقة وكل مانتحصل عليه من هذا التراث عن طريق وسائل تفتقد للدقة اكثر مقولة يتقبلها العقل عن نشأة الدخان ان اكتشافه تم عن طريق الحطب الذي يجلب لأغراض إعداد الطعام والتدفئة ويقال ان منطقة بربر هي اول المناطق التي عرفت الدخان
حيث كان يستعمل في العواسة ( إعداد الكسرة ) حيث لاحظت النسوة ان هذا الخشب يتصاعد منه دخان كثيف ذو راحة جميلة وبدأ التطور في استعماله
يستعمل للدخان نوعان من الخشب هما الأكثر شهرة الشاف والطلح وهناك انواع أخرى لكن هذان اشهرهما الدخان ارتبط بالنساء المتزوجات نظرا لآثاره الكثيرة التي سوف نتناولها لاحقا وفي تطور ايضا لتاريخ الدخان أصبح يستعمل للفتاة بعد خطبتها لتجهيزها للزواج
تأثيره على البشرة
يعمل الدخان على بشرة الجسم عامة حيث استعماله يشبه الى حد كبير البخار فيجعل الجسم يفرز كمية من العرق ويخرج الاملاح التي تعيد للبشرة النضارة والنقاء كما ان الدخان يساعد على تقوية المفاصل والعظام او مايعرف عندنا محليا بالرطوبة كذلك المداومة على عمله تجعل البشرة تميل الى اللون البرونزي وتتكون طبقات رقيقة وهي التي تعرف بقشرة الدخان التي تزال عن طريق دلكة العجين او عن طريق الحلاوة البلدية
وفي تطور ايضا تُزال قشرة الدخان عن طريق البخار العادي هناك ايضا فوائد للدخان حيث له تأثير في معالجة بعض الالتهابات النسائية والتي تعاني منها بعض السيدات كمان ان رائحة الدخان تمنع رائحة العرق والافرازت الغير محببة
التأثير النفسي للدخان تأثير نفسي ملحوظ فهو ارتبط بالجمال والعناية ويقال بلغتنا العامية فلانة ( شبّابة ) يعني بتحب الدخان والدلكة وتجد امثال هذه الانثى تتباهى بذلك في مجتمع النساء
كما انها تكون محظية لدى زوجها الذي يرى في عملها للدخان انوثة وإغراء حيث ترسبت هذه المفاهيم في عقلية الرجل السوداني
طريقة اعداد الدخان وكيفية عمله على الوجه الصحيح
يختار الخشب الجيد من الشاف والطلح بحيث يكون نظيفا لا يحوي مايقال عنه السوس او يحوي تهشما بداخله يغسل جيدا (الشاف والطلح ) ويوضع على برش في الظل حتى يجف من الماء يحضر قرنفل وينقع في وعاء كبير ثم يصفى يوضع الخشب على ماء القرنفل طوال اليوم حتى يتسرب بداخله جيدا ثم يوضع على الظل ليجف ويحفظ لحين الاستعمال
طريقة عمل الدخان
هنا نتحدث عن عمل الدخان العادي اما مايخص تجهيز العروس مختلف سأسرده لاحقاً
عادة يستعمل الدخان على مايعرف بالحفرة ويكاد لا يخلو بيت سوداني منها لكن مع التطور العمراني وتواجد الشقق استعيض عن الحفرة بما يعرف بالحفرة المتجولة وهي عبارة عن وعاء بالفخار غالبا
اختيار نوع الخشب حسب الرغبة لكن الطلح عند ذوي الخبرة هو الافضل في الاستعمال والشاف قد يضاف في الدقائق الاخيرة لرائحته الجميلة يدهن الجسم بكريم كان في الماضي الكركار (ساشرح طريقة عمله في بوست آخر ) ولازال البعض يصر على استعماله لكن من الممكن استعمال ( زيت بيبي لوشن ) او اي زيت الغرض ترطيب الجلد ثم يتم تغطية الجسم كاملا والابخرة التي تتصاعد عبر الغطاء يستفيد منها الوجه عادة الجلوس المتوسط في الدخان يتراوح مابين 30 – 40 دقيقة ولاباس من ادخال الوجه بداخل الغطاء لبعض لحظات
بعد ان ترتاح قليلا ( الشبّابة هانم ) تشرب سوائل كانت في السابق ( المديدة ) التي تساعد على زيادة الوزن اما الان فهي تشرب ماء او عصير
ثم يتم عمل الدلكة المعروفة لازالة الشوائب عن البشرة واثار العرق او يتم عمل عجنية تسمى ( الدرداقة ) وهي عبارة عن عجينة تتكون من دقيق فينو يعجن بماء وقليل زيت تمررعلى الجسم تزيل تلك الشوائب النساء اللاتي يستعملن الدرداقة يفضلن رائحة الدخان الطبيعية اي بدون رائحة الدلكة
بعد ذلك تستطيع المرأه ارتداء ملابسها وعمل البخور الصندل ثم التعطر بالخمرة السودانية م
وده خلوهو على الهامش لما اجيكم بمداخلتى الرئيسة(حلو الرئيسة دى) شايف احمد حنين جاب لى النبذ فى صمة خشمى..
طنقول:
لا أحد يعرف قيمة الدخان الحيقية الا السودانيين عموما بمعنى كلا الجنسين الرجال والنساء
رغم ان الكثير الان من الشعوب قد عرف الدخان واستعمله البعض فعلا
ماهي قصة الدخان هذه وكيف بدأ ؟
للأسف الشديد لا توجد لدينا في السودان دراسات عميقة تهتم بمثل هذه الاشياء او معلومات موثقة وكل مانتحصل عليه من هذا التراث عن طريق وسائل تفتقد للدقة اكثر مقولة يتقبلها العقل عن نشأة الدخان ان اكتشافه تم عن طريق الحطب الذي يجلب لأغراض إعداد الطعام والتدفئة ويقال ان منطقة بربر هي اول المناطق التي عرفت الدخان
حيث كان يستعمل في العواسة ( إعداد الكسرة ) حيث لاحظت النسوة ان هذا الخشب يتصاعد منه دخان كثيف ذو راحة جميلة وبدأ التطور في استعماله
يستعمل للدخان نوعان من الخشب هما الأكثر شهرة الشاف والطلح وهناك انواع أخرى لكن هذان اشهرهما الدخان ارتبط بالنساء المتزوجات نظرا لآثاره الكثيرة التي سوف نتناولها لاحقا وفي تطور ايضا لتاريخ الدخان أصبح يستعمل للفتاة بعد خطبتها لتجهيزها للزواج
تأثيره على البشرة
يعمل الدخان على بشرة الجسم عامة حيث استعماله يشبه الى حد كبير البخار فيجعل الجسم يفرز كمية من العرق ويخرج الاملاح التي تعيد للبشرة النضارة والنقاء كما ان الدخان يساعد على تقوية المفاصل والعظام او مايعرف عندنا محليا بالرطوبة كذلك المداومة على عمله تجعل البشرة تميل الى اللون البرونزي وتتكون طبقات رقيقة وهي التي تعرف بقشرة الدخان التي تزال عن طريق دلكة العجين او عن طريق الحلاوة البلدية
Quote: وفي تطور ايضا تُزال قشرة الدخان عن طريق البخار العادي هناك ايضا فوائد للدخان حيث له تأثير في معالجة بعض الالتهابات النسائية والتي تعاني منها بعض السيدات كمان ان رائحة الدخان تمنع رائحة العرق والافرازت الغير محببة
التأثير النفسي للدخان تأثير نفسي ملحوظ فهو ارتبط بالجمال والعناية ويقال بلغتنا العامية فلانة ( شبّابة ) يعني بتحب الدخان والدلكة وتجد امثال هذه الانثى تتباهى بذلك في مجتمع النساء
كما انها تكون محظية لدى زوجها الذي يرى في عملها للدخان انوثة وإغراء حيث ترسبت هذه المفاهيم في عقلية الرجل السوداني
طريقة اعداد الدخان وكيفية عمله على الوجه الصحيح
يختار الخشب الجيد من الشاف والطلح بحيث يكون نظيفا لا يحوي مايقال عنه السوس او يحوي تهشما بداخله يغسل جيدا (الشاف والطلح ) ويوضع على برش في الظل حتى يجف من الماء يحضر قرنفل وينقع في وعاء كبير ثم يصفى يوضع الخشب على ماء القرنفل طوال اليوم حتى يتسرب بداخله جيدا ثم يوضع على الظل ليجف ويحفظ لحين الاستعمال
طريقة عمل الدخان
هنا نتحدث عن عمل الدخان العادي اما مايخص تجهيز العروس مختلف سأسرده لاحقاً
عادة يستعمل الدخان على مايعرف بالحفرة ويكاد لا يخلو بيت سوداني منها لكن مع التطور العمراني وتواجد الشقق استعيض عن الحفرة بما يعرف بالحفرة المتجولة وهي عبارة عن وعاء بالفخار غالبا
اختيار نوع الخشب حسب الرغبة لكن الطلح عند ذوي الخبرة هو الافضل في الاستعمال والشاف قد يضاف في الدقائق الاخيرة لرائحته الجميلة يدهن الجسم بكريم كان في الماضي الكركار (ساشرح طريقة عمله في بوست آخر ) ولازال البعض يصر على استعماله لكن من الممكن استعمال ( زيت بيبي لوشن ) او اي زيت الغرض ترطيب الجلد ثم يتم تغطية الجسم كاملا والابخرة التي تتصاعد عبر الغطاء يستفيد منها الوجه عادة الجلوس المتوسط في الدخان يتراوح مابين 30 – 40 دقيقة ولاباس من ادخال الوجه بداخل الغطاء لبعض لحظات
بعد ان ترتاح قليلا ( الشبّابة هانم ) تشرب سوائل كانت في السابق ( المديدة ) التي تساعد على زيادة الوزن اما الان فهي تشرب ماء او عصير
ثم يتم عمل الدلكة المعروفة لازالة الشوائب عن البشرة واثار العرق او يتم عمل عجنية تسمى ( الدرداقة ) وهي عبارة عن عجينة تتكون من دقيق فينو يعجن بماء وقليل زيت تمررعلى الجسم تزيل تلك الشوائب النساء اللاتي يستعملن الدرداقة يفضلن رائحة الدخان الطبيعية اي بدون رائحة الدلكة
بعد ذلك تستطيع المرأه ارتداء ملابسها وعمل البخور الصندل ثم التعطر بالخمرة السودانية م
بت ابا هويدا..حبابك كتر خيرك على هذه النافذة.. كنت ناوي ادخل احاحي ليك صديقنا و استاذنا ود شيقوق.. لأنو دخل تووشك لوائح و الذي منو..و في النهاية قال اخير نستعدل مرقها في (الطابق البوخة..القام من الدوخو..نداهو يقطر).. اها هويدا.. باقي ليك لو قلتي للناس ديل (حمام ساونا مثلا).. الحكاية كان ح تفرق؟.. الحكاية فيها خطوط كتيرة متشابكة. ثقافة.. جمال.. صحة..الخ.. و الناس ممكن بعد داك تسال.. ليه ناس الخلا مثلا.. يستخدموا انواع شجر معينة (هبيل ، شاف ، طلح.. دروت..الخ)؟..
زمان كتبت لي قصة قصيرة اتنشرت في واحدة من صحف الخرتوم.. و مضمونها.. انو زول قاعد ليهو في مطعم و قام هجم عليهم سرب نحلة ماكن..و العالم كلها اتضايرت..و قام واحد مجنون قاعد يكورك لواحد و يقول ليهو (ولع سجارة..ولع سجارة)..و مافي زول انتبه..الفكرة مستوحاة من ممارسة شعبية عندنا في مجتمع البقارة و مرتبطة بي سل النحل.. لأنو بنولع النار و نعمل دخان عشان النحلة تتخارج (نظام اسحلة دمار شامل و كده) و بعد داك بنشيل بروش العسل..! برضك استخدمت الفكرة في عمل غير منشور بعد..و فيهو زولة بتقول للزول (ح اوديك حفرة الدخان عشان تتدخن)..و الزول طبعا وقف انبوبة و قرب يطرشق.زو في النهاية قالت ليهو (حمام ساونا يا جلف هوي)..!!! الطيب القدامك.. عارف زاغ ليه من حكاية القوانين و اللوائح؟.. لأن بيكون متذكر ايام الصبا..لمن كان بيولع النار للأبل..و يطفيها عشان تعمل دخان كثيف..وكت المغربية..و ده عشان يطرد الضبان (يا ناس البندر هوي الضبان المقصود ياهو البعوضة و القيم و ضبانة التسي تسي في ذات نفيها)..!
غايتو نقرا و نتابع..و يا جماعة هو الموضوع فيهو جوانب صحية و ثقافية..الباقي داك معروف مو محتاج لنضمي..! و دمتم.. كبر
Quote: كنت ناوي ادخل احاحي ليك صديقنا و استاذنا ود شيقوق.. لأنو دخل تووشك لوائح و الذي منو..و في النهاية قال اخير نستعدل مرقها في (الطابق البوخة..القام من الدوخو..نداهو يقطر)..
ابدا يا كبر بس لاني من عنوان البوست توقعت الناس تجي تبهدل هدهد دى بالقوانين واللوائح رغم حسن نيتها في طرح الموضوع ولان المادة 16 من تلك القوانين تتحدث عن نشر المعرفة فهي - اى هدهد - تدرك تماما ان الكثيرين في حاجة لمعرفة الدخان وانواعه واستعمالاته وما تفضلت به انت من استعمالات ما كانت Foreseeable لناس البندر لا سيما طردو للنحل ودخان التقابة والضبان .
يا هويدا المسنوح انا مابعرفه لكن بما اننى زول برىء ساكت طول عمرى اقرأ عن مضار الدخان اول مره اشوف زول يتحدث عن فوائده لانى بقرأ على السجاير مكتوب الاتى: تحذير صحى: الدخان سبب رئيسى للسرطان وامراض الرئة وامراالقلب والشرائين
Quote: يا عمنا دي ما مشكلة للما معدد هي زوجة واحدة ليعتبر دي النكهة الأصلية و متفردة طالما ما ح يضوق غيرها
ههههههههههههههه ، تصدق كنت متوقع ها الزنقة زي ماقالت رشا ولمح فقيري لكن ما كنت متوقعها منك من صاحبك ، أصلكم الإتنين يوم ح تودوني التوج
حتى المرأة الواحدة يمكن أن تتعدد عندها النكهات وفقآ لنوع تغذيتها و لما زوجها يعلق إستحسانآ لنكهة ما ، عليها أن تتذكر ماذا أكلت في ذلك اليوم وبهذا يحددان ما ينفعهما ، بدلآ عن نكهة اللبن المقنن المفروضة فرضآ
في واحد صاحبنا صار يكتر ليها من الجوافة وأخر مغتاظ من عشق زوجته للملوحة
Quote: يا عمنا دي ما مشكلة للما معدد هي زوجة واحدة ليعتبر دي النكهة الأصلية و متفردة طالما ما ح يضوق غيرها
ههههههههههههههه ، تصدق كنت متوقع ها الزنقة زي ماقالت رشا ولمح فقيري لكن ما كنت متوقعها منك من صاحبك ، أصلكم الإتنين يوم ح تودوني التوج
حتى المرأة الواحدة يمكن أن تتعدد عندها النكهات وفقآ لنوع تغذيتها و لما زوجها يعلق إستحسانآ لنكهة ما ، عليها أن تتذكر ماذا أكلت في ذلك اليوم وبهذا يحددان ما ينفعهما ، بدلآ عن نكهة اللبن المقنن المفروضة فرضآ
في واحد صاحبنا صار يكتر ليها من الجوافة وأخر مغتاظ من عشق زوجته للملوحة
Post: #85 Title: Re: فوائد الدخان Author: هويدا شرف الدين Date: 10-14-2012, 06:20 AM Parent: #84
الأمين البشاري
حبابك ياخ ، والله ما تتخيل كلامك دا كبرك في نظري قدر كيف بشكرك كل الشكر وبالجد معدنك ظهر أنا ما عارفه الأ اسماعيل كتب شنو؟ انا رديت عليهو بعد ما هو قال لي يا ريت تجاوبي أو جهة الإختصاص وبي صراحه كنت عاوزه ما ارد علي المداخله بتاعتو ، واقول ليك انا ما غالبني ارد عليهو بي نفس ايرادو للكلمات لكن في نفسي شئ يمنعني وانا اعلم انو في ناس كتيرين بعرفهم بقروا مداخلاتي وبي صراحه اكتر مداخلتو ما عجبتني نهائي ذي ما قال واحد من الاخوان فوق واظنو تبارك انو فوائدو معروفها بس انا حبتيت اتكلم عن الفوائد الما معروفه والله المستعان
Post: #86 Title: Re: فوائد الدخان Author: هويدا شرف الدين Date: 10-14-2012, 06:25 AM Parent: #85
المسنوح انت من ما الله خلقك زول نصيحه ، عاين عاصم دا انساهو كدي تعال قول لي انا دي وبشكرك علي كل المداخلات وبقيتك امين علي البوست دا من هنا ولي غادي
Post: #87 Title: Re: فوائد الدخان Author: هويدا شرف الدين Date: 10-14-2012, 06:26 AM Parent: #85
صديق الموج ، بس اقول ليك شنو
اولا ياخ مشكور علي كل المعلومات المفيده اتاريك ما هين ههههههههههههه ومشكور علي ابيات الشعر لكن طلعت مسنوح اكتر من المسنوح ذاتو
Post: #88 Title: Re: فوائد الدخان Author: هويدا شرف الدين Date: 10-14-2012, 06:32 AM Parent: #87
الأخ
محمد علي البصير مشكور علي المرور
الأخ تبارك شيخ الدين مشكور علي المرور
الاخ جلال جبريل شكرا للمداخله
الأخ أحمد حنين علي الله المكان دا وين عشان نوصفو لي ناس كدا
الأخ ود الباوقه مرورك علي البوست اسعدني وشكرا للمعلومات
الأخ / عوض للدخان فوائد كثيرا خاصة للرضع الصغار بس انت خلي ود البشاري دا يبعد بعيد منك
الأخ كبر
المسنوح دا خليهو بعيد هو شن عرفو باللوائح دا من عصرا بعيد وعصر العنكوليب لسه ما اتطور
Post: #89 Title: Re: فوائد الدخان Author: هويدا شرف الدين Date: 10-14-2012, 06:37 AM Parent: #88
الغالية رشا أحمد مرورك علي هذا البوست اسعدني وشكرا كتير للدخان فوائد كثيره جدا جدا لكن يمكن اغلبية الناس مركزين في جانبو الجنسي فقط بالرغم من انو عندو فوائد علاجيه كثيره
الغاليه اسعاد محمد فعلا كلامك كلو صحيحه الدخان حتي في تغيير لون الجسم ويعمل كمرطب طبيعي وطارد للسموم من الجسم بواسطة العرق وبفتح المسامات غير الريحه الطيبه
Post: #90 Title: Re: فوائد الدخان Author: هويدا شرف الدين Date: 10-14-2012, 06:44 AM Parent: #89
لي مداخلة سابقة في ( ص 1) قصدت بها الدعابة وليست السخرية من بوستك ، كما أشار الزميل مصطفى توفيق، أدرك تماماً أن البوست هادف ونعرف فوائد الدخان وعرفنا المزيد من خلال البوست .
أرجو المعذرة .
Post: #92 Title: Re: فوائد الدخان Author: هويدا شرف الدين Date: 10-14-2012, 06:48 AM Parent: #91
الأخ ولياب ولا يهمك ما في اي مشكله مرورك اسعدني جدا
Post: #94 Title: Re: فوائد الدخان Author: هويدا شرف الدين Date: 10-14-2012, 06:54 AM Parent: #93
الأخ مصطفي توفيق شكرا علي تايدي لكتابة هذا الموضوع وهو بالمناسبه موضوع مهم لجهل كثير من الناس به
Post: #95 Title: Re: فوائد الدخان Author: هويدا شرف الدين Date: 10-14-2012, 07:00 AM Parent: #94
الأخ عاصم فقيري من الفوائد المهمه جدا للدخان والبتحرص عليها امهاتنا الدخان بعد الولاده طبعا بقولن ودي حقيقه انو الوالده ظهرها فاتح طبعا دا من التعب من الحمل والجهد المبذول (يا عاصم المبذول دي صاح ولا بالزاي) أثناء الوالده عشان كدا الدخان بساعد في تقوية الظهر واستعادة القوه وبفتح نفس المراه الوالد للأكل والشراب وبالتالي التغذيه الجيده لها وللجنين
Post: #96 Title: Re: فوائد الدخان Author: عزالدين عباس الفحل Date: 10-14-2012, 07:48 AM Parent: #95
الغالية هويدا شرف الدين
حياك الله ،
بوست جميل مـفـعـم ، بالـثـقـافـة الـجـنـسـيـة ، ومـثـير للجـدل والاثـارة ، في عـصـر العـولمة ، كل شـي متاح ، ما عدا الاخـلاق الفاضلة ، اذكر قصة حقيقية في شانغهاي ، في الصين العظيمة ، شانغهاي من اكبر مدن الصين ، وكمان مرفأ تجاري ، يخوضها رجال الاعمال ، وبـيـوت المال ، وهي تقع عند مصب ، نهر اليانغتسي ، وهي من المدن الساحرة ، المهم وباختصار ، نظراً لضيق الوقت ، أحدهم من الجالية السودانية ، لا داعي لذكر اسمه ، زوجته أشعلت موقد حفرة الدخان ، والراجل يتلوي كالثعبان ، صعدت كل الدخاخين والروائح ، الي كبد السماء ، وضربت اجهزة انـذار الحريق، في كل أرجاء المبني ، وجاءت سيارات المطافي ، من كل فج عميق ، وصلوا بخراطيم المياه، الي شقة السوداني ، عـنـدهـا هـرولت زوجـتـه تـرتـجـف ، نـصـف عــاريــة ، تـاركــة حـفـرة الـدخــان ، مخـافة من أن تصـلها خراطيم المياه ، وتفـسـد الـعـسـل بالـخــل ، ضـرب رجال المطافي ، باب الشقة بكل عنف ، خوفاً من انتشار الحريق ، أطل عليهم اخونا السوداني ، وشرح لهم أن زوجته تتدخن ، حسب التقاليد والأعـراف السودانية ، وبعد مناقشة طويلة ، مستفيضة المعاني ، قالوا ليه خلاص :- عندما تريد زوجتك ممارسة طقوس الدخان ، بس حـرر اذن كتابياً ، من ادارة المطافي ، في شانغهاي باليوم والساعة ، حتي نكون علي قمة الاستعداد ، خــوفـا من الـعـواقـب ، هنا غـضـب اخونا السوداني ، أشد الغـضـب ، وهــاج ومــاج ، وقـال ليهـم :- -- - -- -- -- -- -- مـديـنـة شانغهاي كلها لازم تعـرف ، دي فـضيحـة بجـلاجـل ،،،،
Quote: المسنوح انت من ما الله خلقك زول نصيحه ، عاين عاصم دا انساهو كدي تعال قول لي انا دي وبشكرك علي كل المداخلات وبقيتك امين علي البوست دا من هنا ولي غادي
جنك قام عليك؟ الكلام دا لميهو عندك ما يسمعوهو المسانيح بقوموا بلطشوني بعين هسه
زي مُهر السّبق في مشيَّتو وِوِحِيلُو ضامر هافو تُقْل أردافو هدَّد حيلو ردفولو الطلح ملَّص عقودو وتيلو أخد البوخة قام عرقو الصفيح ما بشيلو
المضمر هافو زي فرخ الحمام في قِديلو خلف الكية في قلبي الدوام قاديلو ردفولو الطلح دخانو جاو راديلو طبق البوخة قام توبو العليو شاديلو
ضامر هافو دأ ال لي قلبي كسر ودمر مبروز الصدير مدفع ملان ومعمّر سولو الدخان واللون عجيب ومقمّر طبق البوخة قام خلاني لوح ومسمر
Post: #105 Title: Re: فوائد الدخان Author: بدر الدين محمد Date: 10-14-2012, 09:37 AM Parent: #102
بما أن الدخان له ما له من الفوائد العديدة (متفق عليه من كل السودانيين) السؤال الذي يطرح نفسه لماذا إرتبطت هذه العادة الجميلة بطقوس الزواج وما بعد الزواج فقط ؟ ... أنا أعني لماذا لا تتدخن الفتيات غير المتزوجات أو حتى الرجال ؟؟
Quote: ههههههههها وقفنا في محل نم اهلك الجعليين الجيتي باهليهو لينا هنا كلو
ما تكتري بسحروك لي حتك
شيقاااااااا جاتك وضاحة
ممشوقة القوام النافرة شبه الصيدا تفرح تجيك بسراع ان درت مرا تصيدا قوليها الكلام الزين بالحالي زيدو رصيدا فوق سوح البنات ما تقول لغيرها قصيدا
ثمح يا مسنوح ههههههههههه
Post: #106 Title: Re: فوائد الدخان Author: بدر الدين محمد Date: 10-14-2012, 09:38 AM Parent: #102
بما أن الدخان له ما له من الفوائد العديدة (متفق عليه من كل السودانيين) السؤال الذي يطرح نفسه لماذا إرتبطت هذه العادة الجميلة بطقوس الزواج وما بعد الزواج فقط ؟ ... أنا أعني لماذا لا تتدخن الفتيات غير المتزوجات أو حتى الرجال ؟؟
شايفين البنية كيفن تدوبي قصيدا عقابلها الطلح والدلكة والزغريدا الزي الغزال نافرة وحلاتها أكيدة يا ريت بالنفور ما تبقى إنتي بعيدة
Post: #111 Title: Re: فوائد الدخان Author: هويدا شرف الدين Date: 10-14-2012, 09:59 AM Parent: #106
الأخ بدر الدين محمد
لا ادري لماذا ارتبط الدخان بالنساء فقط ولكن كثير من الناس الذي يعانون من الرطوبه حتي من الرجال يمارسون الدخان بصوره مختلفه يعني مثلا ذي ما اشرت في الاول بي كانون ويخلط معه الدوم وبزيل الرطوبه
Post: #112 Title: Re: فوائد الدخان Author: الامين موسى البشاري Date: 10-14-2012, 10:04 AM Parent: #111
غايتو وضاحة دي عاملة زي بنات قناة النيل الازرق البقدمن افراح افراح كلهن عزابيات والغريبة بنصحن في العرسان ... والله صحي () .. ..
Post: #114 Title: Re: فوائد الدخان Author: محمد مختار جعفر Date: 10-14-2012, 10:24 AM Parent: #112
سلام وتحية .. هذه من أميز العادات الطيبة ( من الطٍيب ) فى صحة الأنثى السودانية وخاصة بعد الولادة وفترة الإرضاع ، بل هي من ضمن محفزات الرجل السوداني فى العلاقة الجنسية وهو ما يحسدنا عليها من غير السودانيات ، يحكى أن مرأة مصرية كانت جارة لسودانية ، لاحظت حسن العلاقة والحب الدافق مع زوجها السوداني وكثرة إهتمامهم بيوم الخميس ورائحة طيب الدخان العابقة فى نهاية كل أسبوع وأنه برنامج له من القدسية بمكان ، فحكت لجارتها السودانية نفور زوجها وعدم إهتمامه كثيراً بها ، فما كا منها إلا وأن دعتها لحفرة دخانها بعد أن عطرتها وأجلستها أكثر من ساعة زمن ، خرجت المصرية وجاء زوجها فى اليوم التالى ليقدم شكرا وثناءً لهما ، وأسر لزوجها بما بما أسعدهما وتعرفه المرأة السودانية من مفعول الدخان وفوائده المسكوت عنها ..
وتحيتي ...
معذرة للتكرار
Post: #115 Title: Re: فوائد الدخان Author: هويدا شرف الدين Date: 10-14-2012, 10:41 AM Parent: #114
الاخ محمد مختار فعلا دي من العادات الجميله جدا التي تميز المراه السودانيه
اخليكم - اقدلوا مع بت شرف الدين ووضاحة الحجل بالرجل اختوا الشي البودي الزبالة
ابقوا عشرة على الكلام العلمي والموضوعي لتعم الفائدة الجميع حسبما نصت عليه المادة 26 من قوانين المنبر
اى خروج من تلك القواعد انا برة
نناشد بكري برفع هذا البوست الهادف في السماء
Post: #117 Title: Re: فوائد الدخان Author: هويدا شرف الدين Date: 10-14-2012, 11:20 AM Parent: #116
المسنوح كما اخبرتك سابقا بانني لا استطيع فتح مثل هذه البوستات بالمنذل (كيتا في عاصم فقيري ما بالمنزل) ولظروف خاصه ، حا اكون غير متواجده لمدة يومين عشان كدا لازم تتابع البوست دا وتعض عليه بالنواجز
Post: #122 Title: Re: فوائد الدخان Author: عزالدين عباس الفحل Date: 10-14-2012, 11:44 AM Parent: #120
الغالية هويدا شرف الدين
حياك الله ،
بوست جميل مـفـعـم ، بالـثـقـافـة الـجـنـسـيـة ، ومـثـير للجـدل والاثـارة ، في عـصـر العـولمة ، كل شـي متاح ، ما عدا الاخـلاق الفاضلة ، اذكر قصة حقيقية في شانغهاي ، في الصين العظيمة ، شانغهاي من اكبر مدن الصين ، وكمان مرفأ تجاري ، يخوضها رجال الاعمال ، وبـيـوت المال ، وهي تقع عند مصب ، نهر اليانغتسي ، وهي من المدن الساحرة ، المهم وباختصار ، نظراً لضيق الوقت ، أحدهم من الجالية السودانية ، لا داعي لذكر اسمه ، زوجته أشعلت موقد حفرة الدخان ، والراجل يتلوي كالثعبان ، صعدت كل الدخاخين والروائح ، الي كبد السماء ، وضربت اجهزة انـذار الحريق، في كل أرجاء المبني ، وجاءت سيارات المطافي ، من كل فج عميق ، وصلوا بخراطيم المياه، الي شقة السوداني ، عـنـدهـا هـرولت زوجـتـه تـرتـجـف ، نـصـف عــاريــة ، تـاركــة حـفـرة الـدخــان ، مخـافة من أن تصـلها خراطيم المياه ، وتفـسـد الـعـسـل بالـخــل ، ضـرب رجال المطافي ، باب الشقة بكل عنف ، خوفاً من انتشار الحريق ، أطل عليهم اخونا السوداني ، وشرح لهم أن زوجته تتدخن ، حسب التقاليد والأعـراف السودانية ، وبعد مناقشة طويلة ، مستفيضة المعاني ، قالوا ليه خلاص :- عندما تريد زوجتك ممارسة طقوس الدخان ، بس حـرر اذن كتابياً ، من ادارة المطافي ، في شانغهاي باليوم والساعة ، حتي نكون علي قمة الاستعداد ، خــوفـا من الـعـواقـب ، هنا غـضـب اخونا السوداني ، أشد الغـضـب ، وهــاج ومــاج ، وقـال ليهـم :- -- - -- -- -- -- -- مـديـنـة شانغهاي كلها لازم تعـرف ، دي فـضيحـة بجـلاجـل ،،،،
Quote: شوف المسنوح اها طلعنا ليك من البوست وحرتوا قدل فيه براك تقدل عريان فى البردانة وتلقط الاكياس بركة الصالحين
Quote: هههههههههههههههها مالك متلهماني زعلانة منى - نارك همدت ولا شنو ؟
Quote: الدخان ليهو فوائد صحية وجمالية واكثرها الصحية وكثيرون من الرجال ياخدو بوختهم بس شايف عجايز المنبر همهم في الغالبهم وجو يفشو غبينتهم
ود شيقوق,,, شوف ود العمدة دا قال شنو,,,
التيمس لو طرمبة جازو سخنت شديد دفرة ما بقوم فدحين ابقى مارق شايفك بالحيل حتل ,,, وكذلكم السفنجة البدفورد..
فاااااا شنو أبقى مارق لا برة,, أو كمان أبقى هندى أحمر *!!!)
*بعض قبائل الهنود الحمر تستعمل الدخان كعلاج معتمد وفعال لكثير من الأمراض حتى الفتاكة منها كالملاريا وطريقتهم أشبه ما تكون بطريقة المرأة السودانية حيث تحرق أنواع معينة من الأعشاب والأخشاب ويقوم المريض بالجلوس بطريقة معينة لمدة معينة فى موضع معين على دخان الأعشاب المحترقة حتى تخرج كل سموم الجسم وشياطينه كما يعتقدون..
Post: #131 Title: Re: فوائد الدخان Author: عزالدين عباس الفحل Date: 10-15-2012, 08:54 AM Parent: #130
الاخ الفاضل أيمن الطيب
حياك الله
أجمل مافي الميكانيكية ، استخدامهم لغة المفكات ، في التعامل بين البشر ، او لغة الرندوك ، بس الميكانيكـيـة اشطر الناس ، في استخدام تلك اللغـة ،،، ،،،
Quote:
التيمس لو طرمبة جازو سخنت شديد دفرة ما بقوم فدحين ابقى مارق شايفك بالحيل حتل ,,,
سلامات يا أخى الفاضل الفحل,, رجل السفرجل والزيزفون,,
يا صديقى أولست القائل:
Quote: بوست جميل مـفـعـم ، بالـثـقـافـة الـجـنـسـيـة ، ومـثـير للجـدل والاثـارة ، في عـصـر العـولمة ، كل شـي متاح ، ما عدا الاخـلاق الفاضلة!!! ،
فضلا أشرح ما تحته خط أعلاه؟؟؟ علما بأنو كلامى يخلو تماما من أى رندوك أو أى لغة خاصة بفئة بعينها مكانيكية كانت أم كهربجية أو كمسنجية!!
إنت براك ياللخو أعصابك بايظة فى عصر عولمة أم الحفرة ذات الإثارة حسب ما أوردت ,,, البعض إعتمد هذا البوست كمصدر للمعلومة المفيدة والمعرفة فما تجوط الناس بالله...
Post: #135 Title: Re: فوائد الدخان Author: عزالدين عباس الفحل Date: 10-15-2012, 10:57 AM Parent: #134
الاخ الفاضل أيمن الطيب
حياك الله
السفرجل لا طعم له ولا رائحة ، الرجل الـراقـي ، الخـلوق ايمن الطيب ، سلامات ، والله مشتاق ليك ، ما أقصده بعض المداخلات ، بها كثير من الاثارة ، ولغة المفكات تستحوذ الانتباه ، بها كثير من الذكاء ، وســرعـة البديهة ، مع خالص الود ، ،،،
Quote:
سلامات يا أخى الفاضل الفحل,, رجل السفرجل والزيزفون,,
يا صديقى أولست القائل: Quote:
بوست جميل مـفـعـم ، بالـثـقـافـة الـجـنـسـيـة ، ومـثـير للجـدل والاثـارة ، في عـصـر العـولمة ، كل شـي متاح ، ما عدا الاخـلاق الفاضلة!!! ،
فضلا أشرح ما تحته خط أعلاه؟؟؟ علما بأنو كلامى يخلو تماما من أى رندوك أو أى لغة خاصة بفئة بعينها مكانيكية كانت أم كهربجية أو كمسنجية!!
إنت براك ياللخو أعصابك بايظة فى عصر عولمة أم الحفرة ذات الإثارة حسب ما أوردت ,,, البعض إعتمد هذا البوست كمصدر للمعلومة المفيدة والمعرفة فما تجوط الناس بالله...
,,,