Post: #1 Title: حنان النيل كما لم تغني من قبل ... تعجبني والشيء العجيب !!! Author: omer osman Date: 10-10-2012, 08:59 AM Parent: #0
Post: #2 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-10-2012, 09:05 AM Parent: #1
كلمات الأغنية نقلاً عن مداخلة للاخ الفنان/ لؤى في بوست قديم ....
في بنانك إزدهت الزّهور زادت جمال ونضار وطيب يا مداعب الغـُصن الرّطيب يا المنظرك للعين يطيب تبدل الظلمات بنور وتبدّل الأحزان سرور إن شافك المرضان يطيب تعجبني والشيء العجيب هادئ وأليف ماك النفور بعفـّتك صُنت السّفور والحسن والأصل النّجيب أنا وأنت في الرّوض يا حبيب راق النسيم وحلى للمرور بقى أحلى من ساعة السّرور وأدقّ من فهم اللبيب والرّوضة في موقع خصيب حضنوها وإتلافوا النّهور ترى فيها أنواع الزّهور من كلّ لون أخدت نصيب يانع ثمارها ونصف طيب أشبه بربّات الخدور والبلبل الغرّيد يقول على منبر الأغصان يطير في الرّوض غنّى العندليب وردّد غُناهو الطيور ترتيل أناشيد الحبور وفتيانها يوم عيد الصّليب
دنت الثريا بقت قريب بين السّلوك في تاني دور في ثانية كم سطعت بدور وأهلـّة كان نوعن غريب شي ينعش الرّوح في الأديب و يحيي روح ميت الشّعور للقاك تنشرح الصّدور ويفرح القلب الكئيب
Post: #3 Title: Re: حنان النيل كما لم تغني من قبل ... تعجبني والشيء العجيب !!! Author: محمد عبد الماجد الصايم Date: 10-10-2012, 09:22 AM Parent: #1
غايتو بقيت متخصص في التعذيب!!!
Post: #4 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-10-2012, 09:30 AM Parent: #3
Quote: غايتو بقيت متخصص في التعذيب!!!
ما بوليس !!!
هههههههههههههههههههههه ...
Post: #5 Title: Re: حنان النيل كما لم تغني من قبل ... تعجبني والشيء العجيب !!! Author: Asim Fageary Date: 10-10-2012, 09:30 AM Parent: #3
Quote: بعفـّتك صُنت السّفور
لك التحية يا عمر عثمان
تعال نقرأ بين السطور
شوف الإقتباس الفوق
يعني العفة ما عندها علاقة بنوع اللبس (حجاب ولا توب ولا طرحة)
وهي تلك النصرانية التي لا تغطي (رأسها
وهذا ما قصده الشاعر بكلمة (السفور)
أو أنها تلبس موضة بالبلدي
شفت كيف العفة ما عندها علاقة بنوع اللبس
عشان ما يجوا هنا يقولوا لينا الحجاب هو مقياس للعفة
التعديل لكلمة رأسها
Post: #6 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-10-2012, 09:35 AM Parent: #5
Quote: عال نقرأ بين السطور
شوف الإقتباس الفوق
يعني العفة ما عندها علاقة بنوع اللبس (حجاب ولا توب ولا طرحة)
وهي تلك النصرانية التي لا تغطي (رأسها
وهذا ما قصده الشاعر بكلمة (السفور)
أو أنها تلبس موضة بالبلدي
شفت كيف العفة ما عندها علاقة بنوع اللبس
عشان ما يجوا هنا يقولوا لينا الحجاب هو مقياس للعفة
دي قراية عميقة وجميلة ياعاصم ..........
الف شكر يااااخ .....
Post: #7 Title: Re: حنان النيل كما لم تغني من قبل ... تعجبني والشيء العجيب !!! Author: يحي قباني Date: 10-10-2012, 09:44 AM Parent: #6
من اروع ما كتب سيد عبدالعزيز
Post: #8 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-10-2012, 10:06 AM Parent: #7
Quote: من اروع ما كتب سيد عبدالعزيز
تحياتي يحي .......
سيد عبدالعزيز ده مش القال (مسوا نوركم وشوفو من جبينا صباح الصباح ان لاح لافايدة في المصباح)
وقال (يجلي النظر ياصاحي منظر الانسان الطرفة نايم وصاحي صاحي كالنعسان)
صاحي كالنعسان ... ده زول عجيب جداً ........
Post: #9 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-10-2012, 02:08 PM Parent: #8
Post: #10 Title: Re: حنان النيل كما لم تغني من قبل ... تعجبني والشيء العجيب !!! Author: عزيز Date: 10-10-2012, 09:24 PM Parent: #9
يا جنابو
سلام
تداخلت مره معك. شخط لي!!
بس ذوقك العالي يجبرنى أجيك تاني...
البت المسخوته حنان الدين صلاح الدين عابدين حرمت الذويقة اجمل الأصوات اداءاً
تمعن في كل حرف في الاغنية كيف يأخذ حقه وكانه لا قبله ولا بعده في النطق والتطريب
لو سمعها سيد عبدالعزيز لبكى من إحساسه الذي صورته هذه الاسولية الفلته.
كم نفتقدك ونشتاقك يا بت عم النيل وتفتقدك الساحة الغنائية اليتيمة في بعدك عنها
عليكم الله سوقوا ليكم شيخ فقيه وامشوا ليها في السامراب واقنعوها بان صوتها علاج للروح وليس عورة وحرمة
الغلبنا أنا وشمس الدين امكن يقدر عليه عالم فقيه.
كامل الود والتقدير يا جنابو
عبدالعزيز خطاب
Post: #11 Title: Re: حنان النيل كما لم تغني من قبل ... تعجبني والشيء العجيب !!! Author: خالد العبيد Date: 10-11-2012, 03:36 AM Parent: #10
سلام ياعمر ويا سلام على حنان النيل ويا ريته تعود انا من عشاق حنان النيل حتى الثمالة واكاد في شهور كثيرة لا اسمع الا سواها لك احترامي
Post: #12 Title: Re: حنان النيل كما لم تغني من قبل ... تعجبني والشيء العجيب !!! Author: وليد عبد اللطيف Date: 10-11-2012, 07:56 AM Parent: #11
Quote: يا جنابو
سلام
تداخلت مره معك. شخط لي!!
بس ذوقك العالي يجبرنى أجيك تاني...
ياخي الشماسه ديل دائما ببدلوا الاحزان سرور . . هسه انا اقول شنو عمر الشماسي ولا عمر جنابو احكي ليك طيب صديقي مره حنان النيل حاولت تعمل شريط طنبور بلهجة الشوايقة اها قامت اتصلت على عازف الطنبور في البيت ولم تجده ولكن وجدت طفلته قالت حنان النيل ... اديني ابوك قالت الطفله ... ابوي مافي قالت حنان النيل .. طيب قولي ليهو حنان النيل اتصل قالت الطفله ... كان انتي حناني طيب غنيلي عشان اعرف انتي هي ولا لا حنان النيل ... غنت قالت الطفله ... اي صح صح انت حنان حنان النيل من الاصوات الجميله في الساحه وابدعت حتى في المدائح النبويه وزمان هذه المدحه كنت اقوم بتشغيلها في صباح كل عيد بالسودان في البيت ويروى أن ا الشيخ عبد الرحيم البرعي ( اليميني ) رحمه الله في حجه الأخير مرض على مشارف المدينة وحين هب النسيم عليلا محملا بنسمات الحرم انشد هذه القصيدة ولفظ مع آخر بيت منها أنفاسه . . حنان النيل ياعمر جنابو ممكن تسمع ليها وهي تغني اغاني اولاد المورده ( حقيبه ) ودا شريط حقيبه امكن يكون ماسمعوهو غير ناس صديق الموج وكل من يهتم بالحقيبه برضو جضمت اغانيهم جضيم شديد
Quote: انا من عشاق حنان النيل حتى الثمالة
وانا كمان
Post: #13 Title: Re: حنان النيل كما لم تغني من قبل ... تعجبني والشيء العجيب !!! Author: Asim Fageary Date: 10-11-2012, 08:25 AM Parent: #12
Quote: يانع ثمارها ونصف طيب
أشبه بربّات الخدور
شوف التشبيه دا
أعتقد أنه تشبيه مقلوب
فالثمار ليست الثمار وطيبها أي نضوجها ما يعني أنها في مرحلة الشباب المبكر
Post: #16 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-11-2012, 09:15 AM Parent: #12
Quote: ياخي الشماسه ديل دائما ببدلوا الاحزان سرور . . هسه انا اقول شنو عمر الشماسي ولا عمر جنابو
هههههههههههههه ...
الله يجازي الكان السبب !!! ههههههههههه
Quote: حنان النيل من الاصوات الجميله في الساحه وابدعت حتى في المدائح النبويه
ياوليد حنان النيل مسحت بالاستيكة مقولة (سمح الغنا في خشم سيدو) كدي بس اسمع (ابني عشك ياقماري) وقول لي انت كضاب ....
Post: #15 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-11-2012, 09:11 AM Parent: #11
Quote: سلام ياعمر ويا سلام على حنان النيل ويا ريته تعود انا من عشاق حنان النيل حتى الثمالة واكاد في شهور كثيرة لا اسمع الا سواها لك احترامي
هلا ياخالد .........
حنان النيل تربعت على عرش المزاج السوداني لفترة وتعلق بصوتها الجميع
وفجأة انزوت وغادرت الساحة الفنية وتركت من خلفها فراغ لا يسد .....
Post: #14 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-11-2012, 09:01 AM Parent: #10
Quote: يا جنابو
سلام
تداخلت مره معك. شخط لي!!
بس ذوقك العالي يجبرنى أجيك تاني...
هسي الذوقو عالي منو يااااخ والله انت الذوقك عالي وفاهم
واكيد قدرت انو انا ما شخطت ليك بس بكون اتشغلت وكده ...
Quote: تمعن في كل حرف في الاغنية كيف يأخذ حقه وكانه لا قبله ولا بعده في النطق والتطريب
لو سمعها سيد عبدالعزيز لبكى من إحساسه الذي صورته هذه الاسولية الفلته.
ده كلام سمح شديد ياعزيز يااااخ
Quote: كم نفتقدك ونشتاقك يا بت عم النيل وتفتقدك الساحة الغنائية اليتيمة في بعدك عنها
عليكم الله سوقوا ليكم شيخ فقيه وامشوا ليها في السامراب واقنعوها بان صوتها علاج للروح وليس عورة وحرمة
الغلبنا أنا وشمس الدين امكن يقدر عليه عالم فقيه.
ياريت ياعزيز .....
وبلغها تحياتي وتقديري ...........
Post: #17 Title: Re: حنان النيل كما لم تغني من قبل ... تعجبني والشيء العجيب !!! Author: عبدالرحمن الضريس Date: 10-11-2012, 09:47 AM Parent: #14
hi guys
alsalamo alykom
Iam so sory to write in English I have no arabic keyboard
I miss Hanan so much plse somebody tell her that
hi khatab I miss u to and Shams
plse if u have anyway to contact Hanan send an email [email protected]
Post: #18 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-11-2012, 10:00 AM
Quote: plse if u have anyway to contact Hanan send an email [email protected]
ياريت والله
للاسف انا شخصيا لا املك اى اتصال بها ....
Post: #19 Title: Re: حنان النيل كما لم تغني من قبل ... تعجبني والشيء العجيب !!! Author: عزيز Date: 10-11-2012, 11:10 AM Parent: #18
وليد صاحب النظرية التي إعتمدتها ديدن لي يا فنان سلام وأشواق ومحبة..
جنابو يا ذوق لك التقدير وأنا بعيد عن حنان بمقدار قربي من عشقها كأخت وصديقة وزميلة حيث أقطن هولندا..
وأسمحوا لي أن أرحب بهذا الجميل السماوي فهو ملاك يمشي بين الناس بقدمين
الحبيب عبدالرحمن الضريس الرجل الذي جمعنا حوله حنان النيل وآمال النور وشخصي المحب له
Quote: hi guys
alsalamo alykom
Iam so sory to write in English I have no arabic keyboard
I miss Hanan so much plse somebody tell her that
hi khatab I miss u to and Shams
plse if u have anyway to contact Hanan send an email [email protected]
عبدالرحمن الشوق والحب والأمنيات كلها في بوتقة في القلب محفوظة لك جميلاً مثلك أيها الجميل..
سأرسل لك تلفونها والإسكايب وشيل شيلتك لسانها البشبه غناها مازال كما هو.. ذهبنا لها أنا ود. شمس الدين في إجازتي في العام الماضي وحاولنا أن نفرح بها محبيها ولكنها كعهدنا بها لا تتزحزح عن قناعاتا قيد أنمله
سامدك أيضا بتلفون شمس.. وتلفوناتي والإسكايب الخاص بي لانك قاطعت الفيسبوك.. محبتى لك ولأسرتك الجميلة والأمنيات رسول عبدالعزيز خطاب
Post: #20 Title: Re: حنان النيل كما لم تغني من قبل ... تعجبني والشيء العجيب !!! Author: وليد عبد اللطيف Date: 10-11-2012, 11:39 AM Parent: #19
Quote: وليد صاحب النظرية التي إعتمدتها ديدن لي يا فنان سلام وأشواق ومحبة..
تسلم ياغالي ياخي من الممتع ان نجتمع في حب صوت حنان النيل الذي لايوجد له وصف عارف مره قلت رغم ان امال النور الفنانه برضو صوتها جميل ولكن كان راي بان صوتها كورالي فقط يمكن ان يجعل بعد اخر للاغاني هذا الكلام لم يعجب اخونا الفنان ناذر خليفه صراحه حنان النيل عندما تغني تجعلك في عالم اخر
Post: #21 Title: Re: حنان النيل كما لم تغني من قبل ... تعجبني والشيء العجيب !!! Author: بهاء الدين سليمان Date: 10-11-2012, 11:56 AM Parent: #20
الاخ عمر ... تحياتى استمعت لها وأنا بالمتوسطة فى عام 85 فوالله أيقنت أن صوتها لا يدخل عبر الاذن بل عبر مسامات الجسم كله ... صوت يرحل بك فى سماوات من الابداع والانتشاء ... لا أدرى ان لم تكن حنان النيل فمن تكون ؟؟؟ نعم انها حنان للنيل الوطن ... تعود بنا بصوتها الى الزمن الجميل زمن الناس بخير والدنيا بخير .... انها من الأصوات الفريدة والمتميزة ولكن للاسف الشديد أعتقد انها اعتزلت الغناء ....فى رأيى الصوت النسائى الوحيد الذى يخلفها صوت الفنانة آمال النور .... حنان النيل كم نحن فى حوجة أن نستمع اليك فى اليوم مائة مرة حبا فى صوتك الدافى والصادق
Post: #22 Title: Re: حنان النيل كما لم تغني من قبل ... تعجبني والشيء العجيب !!! Author: محمد الأمين موسى Date: 10-11-2012, 04:17 PM Parent: #21
الله يفتح عليك يا عمر ياخ... الزولة دي تجلت في هذه الأغنية وعرجت بها إلى سماوات لم يصلها أحد من قبل وكأنها تغني على أسوار الفردوس الأعلى... إحساسها بالكلمات - كما قال أخي عزيز - كان مفعما بالتطريب غير المتكلف... ربنا يحفظها ويحفظ صوتها.
Post: #24 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-12-2012, 07:38 PM Parent: #22
Quote: الزولة دي تجلت في هذه الأغنية وعرجت بها إلى سماوات لم يصلها أحد من قبل
وخلتنا مشعلقين فوق ما عارفين ننزل كيف .......
شكرا محمد الامين ......
Post: #23 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-12-2012, 07:36 PM Parent: #21
Quote: فوالله أيقنت أن صوتها لا يدخل عبر الاذن بل عبر مسامات الجسم كله ...
كأنه يتخللك يتسرب اليك قطرة قطرة ..........
شكراً بهاء الدين .....
Post: #25 Title: Re: حنان النيل كما لم تغني من قبل ... تعجبني والشيء العجيب !!! Author: عاطف عمر Date: 10-12-2012, 08:08 PM Parent: #1
Quote: وأدقّ من فهم اللبيب
قال سيدي سعادة الفريق إبراهيم أحمد عبدالكريم - العارف بالحقيبة وأشعارها وأسرارها - رحمه الله قال إن هذا أبلغ وصف في كل شعر الحقيبة فليس على الإطلاق ثمة ماهو أدق من فهم اللبيب لله دره ودر سيد عبدالعزيز
أما حنان النيل فأنا مع ماكتبه كل الزملاء من قبلي ( ومعه مزيد )
ثم
شكراً جنابو
Post: #26 Title: Re: حنان النيل كما لم تغني من قبل ... تعجبني والشيء العجيب !!! Author: omer osman Date: 10-13-2012, 07:31 AM Parent: #25
Quote: قال سيدي سعادة الفريق إبراهيم أحمد عبدالكريم - العارف بالحقيبة وأشعارها وأسرارها - رحمه الله قال إن هذا أبلغ وصف في كل شعر الحقيبة فليس على الإطلاق ثمة ماهو أدق من فهم اللبيب لله دره ودر سيد عبدالعزيز
صدق سعادة الفريق (له الرحمة) كان بحراً زاخراً بالعلوم والفنون ......
Post: #27 Title: Re: حنان النيل كما لم تغني من قبل ... تعجبني والشيء العجيب !!! Author: عماد موسى محمد Date: 10-13-2012, 12:16 PM Parent: #26
عاصم فقيري كتب
Quote: وهذا ما قصده الشاعر بكلمة (السفور)
أو أنها تلبس موضة بالبلدي
شفت كيف العفة ما عندها علاقة بنوع اللبس عشان ما يجوا هنا يقولوا لينا الحجاب هو مقياس للعفة
يا صلاح...الشريعة ما خاطبت النساء بانكن ما عفيفات لأنكن متبرجات..لكن الحجاب بيزيد العفيفة عفاف..والتبرج قد يستغله الشيطان وشياطين الإنس لهتك العفة والعفيفات.. الشريعة أمرتن بالتقوى ..والحجاب..لكن قالت ليهن: "ولباس التقوى ذلك خير" وين التناقض؟ يا خ ياهي ديي واحدة من أشهر نساء فرنسا كمّلت الغنا زااتو!! وكمان"راب"..في النهاية لبست الحجاب!! وقالت كلمة حليوونة ترد على أي علماني وليبرالي:
ديامز:
Quote: وتساءلت: إنّ خالق البحر والشمس هو من أمر بارتداء الحجاب، فكيف أعصيه؟
Post: #28 Title: Re: حنان النيل كما لم تغني من قبل ... تعجبني والشيء العجيب !!! Author: Asim Fageary Date: 10-13-2012, 12:18 PM Parent: #27
Quote: يا صلاح...الشريعة ما خاطبت النساء بانكن ما عفيفات لأنكن متبرجات..
يا عماد
نكتفي بهذا القدر من الإجابة
Post: #29 Title: Re: حنان النيل كما لم تغني من قبل ... تعجبني والشيء العجيب !!! Author: عماد موسى محمد Date: 10-13-2012, 12:40 PM Parent: #28
Quote: يا صلاح...الشريعة ما خاطبت النساء بانكن ما عفيفات لأنكن متبرجات..
Quote: يا عماد
نكتفي بهذا القدر من الإجابة
في القرآن: "يا بني آدم قد أنزلنا عليكم لباسا يواري سوءاتكم وريشا ولباس التقوى ذلك خير" -التقوى خير لباس - :
Quote: إذا المرء لم يلبس ثيابا من التقى
تقلب عريانا وإن كان كاسيا
وخير لباس المرء طاعة ربه
ولا خير فيمن كان لله عاصيا
بعدين الناس ديل إلا الشرطة تورّيهم تلبسو كيف؟! السترة دحين لو ماسمحة كان الجماعة ديل قالو زي دا؟!..والتبرج دي نتايجو:
العربية. نت ((((((((((((( طلبت الشرطة الفرنسية من الباريسيين الاحتشام في الصيف، وإلا واجهوا غرامات وعقوبات قد تصل إلى السجن، في حين بدأ سكان العاصمة يتوافدون إلى المتنزهات وضفاف نهر السين للتشمس.
وقد حددت شرطة باريس في بيان نشرته على موقعها الإلكتروني، قواعد التشمس في الهواء الطلق وخلال فعاليات شواطئ باريس حيث توضع شواطئ رملية على ضفاف نهر السين.
وقالت الشرطة إنه ليس من المحظور "عندما ترتفع الحرارة، ارتداء ثوب السباحة ووضع المنشفة في إحدى الزوايا المعشوشبة او على ضفاف نهر السين"، بحسب ما ذكرت الوكالة الفرنسية.
وحذرت الشرطة من ارتداء أثواب السباحة في منتزهات المدينة الرسمية، مشيرة إلى أنه ينبغي أن تكون هذه الأثواب "محتشمة ومتماشية مع الآداب والنظام العام".
وأكدت الشرطة أن لا مجال للتعري، إذ إن "أي لباس يظهر الأعضاء التناسلية أو الثدي يعتبر عريا وتفرض على صاحبه عقوبة سجن مدتها سنة".
وقد تفرض الشرطة غرامة أقلها 38 يورو على من يرتدون أثواب سباحة غير محتشمة، وقد تصل هذه الغرامات إلى 3750 يورو مع عقوبة سجن لمدة سنتين، على حد قول الشرطة.)))))))))))))) المصدر/العربية نت ملخوظة/ التعديل لحذف رابط"العربية" لاحتوائه على صور لمتبرجة مع رفيقها واكتفينا بمحتوى الخبر-وهو عبرة وذكرى لكل علماني
Post: #30 Title: Re: حنان النيل كما لم تغني من قبل ... تعجبني والشيء العجيب !!! Author: mekki Date: 10-13-2012, 08:39 PM Parent: #29
Quote: وهذا ما قصده الشاعر بكلمة (السفور)
أو أنها تلبس موضة بالبلدي
شفت كيف العفة ما عندها علاقة بنوع اللبس
عشان ما يجوا هنا يقولوا لينا الحجاب هو مقياس للعفة
