البلجيكي هازارد..

كدي تابعوا معاي الزول ده ..بيلعب في فريق تشيلسي ..وشوفو لمسات وباصات البني ادم ده ...
الزول ده كان مدسوس وين؟؟؟والكشافين مالهم ما كانوا شغالين بيهو؟
انا متفائل جداً أن يسحب هذا اللاعب البساط من رونالدو وميسي ..

عمر الفاروق كيفنك

يعجبني جدا البلجيكي إدين هازارد فهو لاعب مهاري جدا ويتميز بالهدوء وتغيير اللعب بسرعة هائلة ويمتلك رؤية واسعة للملعب ،، كأنه يمتلك عيون بجميع انحاء رأسه
تابعته منذ ايامه في ليل الفرنسي وهو كان السبب الرئيسي في فوز ليل ببطولة الدوري الفرنسي العام قبل الماضي وبفوزهم بالكاس في العام الماضي ،، وبرحيله هبط مستوى الفريق
بصورة كبيرة..
هو نجم قادم بقوة في كرة القدم العالمية ،، نتمنى أن يجد في شيلسي حرية الحركة وأن لا تحد حريته بوضعه وحصره في مركز الجناح فهو من نوعية اللعيبة التي تحب اللعب والحركة بحرية..

ذكرني وروقة قبل ما تدخل عليه قروش الحرام ههههه

سلام عمر الفاروق

اثبت انك ذواق خالص بهذا الاختيار
ياخي ماتتخيل كمية الاحباط الاصابني لمن انتقل لشلسي
طبعا انا كنت عاوزو للبارسا..ميسي انيستا هازارد حاجة لايمكن تخيلها


واخونا شروم قال كل حاجة

Quote: يعجبني جدا البلجيكي إدين هازارد فهو لاعب مهاري جدا ويتميز بالهدوء وتغيير اللعب بسرعة هائلة ويمتلك رؤية واسعة للملعب ،، كأنه يمتلك عيون بجميع انحاء رأسه تابعته منذ ايامه في ليل الفرنسي وهو كان السبب الرئيسي في فوز ليل ببطولة الدوري الفرنسي العام قبل الماضي وبفوزهم بالكاس في العام الماضي ،، وبرحيله هبط مستوى الفريق بصورة كبيرة.. هو نجم قادم بقوة في كرة القدم العالمية ،، نتمنى أن يجد في شيلسي حرية الحركة وأن لا تحد حريته بوضعه وحصره في مركز الجناح فهو من نوعية اللعيبة التي تحب اللعب والحركة بحرية..

عمر الفاروق.... ياحبيب سلام
هازرد به شي من كرستيانو رونالدو والاثنان مشكلتهم واحده بمسوكوا الكوره بين ارجلهم كثيرا
وبنطلقوا بسرعه لذلك كثيرا ما تستخلص منهم بداعي الاحتكاك واللعب العنيف
ودي ممكن تكون اشياء سلبية في بعض الاوقات للاعب
وكما قال احد الاخوان هنا محتاج الى نجوم حوله بنفس حجمة حتى يستطيع اللعب ويكون علامة ظاهره في كرة القدم

شرووووم

Quote: هو نجم قادم بقوة في كرة القدم العالمية ،، نتمنى أن يجد في شيلسي حرية الحركة وأن لا تحد حريته بوضعه وحصره في مركز الجناح فهو من نوعية اللعيبة التي تحب اللعب والحركة بحرية..

يبدو إنو ناس شيلسي شوية شوية بدو يسمعو كلامك والراجل بدا يدخل النص أكتر ما زي ما كان في بداياتو معصور على الجناح..
صراحة ما تابعتو ي لييل الفرنسي وأول مشهاداتي ليهو وغندهاشي بيهو في تشيلسي..وبي كلامك ده أديتني إحساس إنو الكان بيقدمو في لييل هو اضعاف اضعاف ما شاهدته انا في تشيلسي..

أضرب اللوووون يا أشرف ..

الأسامة :

Quote: طبعا انا كنت عاوزو للبارسا..ميسي انيستا هازارد حاجة لايمكن تخيلها

البارشا عندو مشكلة كبييرة جداً والزول ده ما بينفع معاهم وممكن يضيعوهو..
اكبر مشاكل برشلونة تكديس النجوم وضياع المواهب..وأهو فابريجاس ماشي على الطريق..ودي حاجة ممكن تخلي هازارد ما يظهر..
انا شايف إنو هو جا للفريق الصاح عشان يقدر يبرز مواهب أكتر..

زمان ياعمر الفاروق
كان في لاعب زي هازارد دا من اولاد بحري وبلعب في دار الرياضه امدرمان
امكن مع فريق الهاشماب على ما اذكر امكن تكون تتذكره انت
اها دا كان عامل ليهو جمهور بجي عشان يشوف الولد دا مخصوص بقلب ليك الناس دي في
الدار قليب شديد ..

وليد الوليد:
عارف الجري بي الكورة الفيهو مشكلة ده بتاع ناس خليفة داك ..:)
الجماعة ديل وبما فيهم ميسي بيجرو بي الكورة لي قدام لكن كضاب البيقلعا وأكضب منهم الممكن يعوقهم أو يصيبهم..وهنا تكمن ميزة هازاراد ورونالدو وميسي..

عمر الفاروق وبقية الاخوان علكم عافي..

Quote: يبدو إنو ناس شيلسي شوية شوية بدو يسمعو كلامك والراجل بدا يدخل النص أكتر ما زي ما كان في بداياتو معصور على الجناح.. صراحة ما تابعتو ي لييل الفرنسي وأول مشهاداتي ليهو وغندهاشي بيهو في تشيلسي..وبي كلامك ده أديتني إحساس إنو الكان بيقدمو في لييل هو اضعاف اضعاف ما شاهدته انا في تشيلسي..

سبحان الله . ياعمر... شيلسي كان يفتقد للمهارات العالية (مثل هازارد) في الاعوام السابقة وكان يعتمد في غالب لعبه على القوة البدنية واللياقة العالية والتسديد من بعيد وغيرها من المهارات المتمثلة في ( دروغبا ، انيلكا، اسيان ، لامبارد ، وغيرهم كثير) لكنه فجأة اصبح لديه خيارات عديدة في صناع اللعب الذين يتميزون بالمهارات الفنية العالية والمتفردة ، فاستجلبوا هازارد والبرازيلي لوكاس (برضو تابع دا معاك) بالاضافة لماتا الذي جاء قبلهم بسنة ،، وعلى ما يبدو أن هناك مخططا شليساويا لتغيير طريقة لعب الفريق والالتفات للعب الجميل مع القوة في الأداء وهذا ما كان يفتقد إليه الفريق سابقاً...