فضيحة ادارية .... الاتحاد الدولى يعاقب السودان بسحب نقاط زامبيا

Quote: FIFA has stripped Sudan of its 2-0 win over Zambia in a 2014 World Cup qualifier because one of its scorers was ineligible to play. FIFA says its disciplinary committee ruled that Saif Ali shouldn't have played in the June 2 match in Khartoum, so Zambia is awarded a 3-0 victory. FIFA also fined the Sudan soccer association $6,430. Zambia now leads Group D with six points after two matches, and Sudan falls to third place with one point. Ghana has three points and last-place Lesotho has one. Zambia protested that Ali played despite receiving yellow cards in previous competitive matches, including when Zambia beat Sudan in an African Cup of Nations quarterfinal in February.

قرر الاتحاد الدولى لكرة القدم سحب نقاط السودان واعتباره خاسرا لمباراته ضد زامبيا
وكان السودان قد كسب زامبيا فى تصفيات كاس العالم 2014 م المقامة بالبرازيل
واعتبرت لجنة الانضباط بالفيفا السودان مهزوما 3/0 وتغريمه مبلغ 6400 دولار
معروف ان السودان كان قد اشرك لاعب الهلال الدولى سيف الدين على مساوى فى مباراة زامبيا
وهو معاقب بالايقاف بعد نيل البطاقة الحمراء فى مباراة زامبيا نفسها فى بطولة الامم الاخيرة

هذه العقوبة افقدت السودان تماما اى فرصة للمنافسة حيث بات فى رصيد السودان نقطة واحدة
بدلا عن اربعة وارتفعت نقاط زامبيا من ثلاثة الى ستة لتتصدر المجموعة امام غانا بثلاثة نقاط
وفى المؤخرة منتخب ليسوتو بنقطة واحدة ايضا ...

بكل صراحة فضيحة ادارية كارثية لا تحدث حتى فى فرق الروابط
كيف تجهل ادارة واحدة من اعرق اتحادات كرة القدم ان مشاركة لاعب موقوف تفقد نتيجة المباراة
وكيف فات عليهم رصد موقف لاعبيهم قبل المباراة
وكيف يجهل لاعب دولى يلعب لما يزيد ال 10 سنوات للمنتخب والهلال موقفه
واين ادارة المنتخب وماذا تفعل وهى تجهل ابسط الامور كهذه
ابسط مشجع سودانى كان يعلم سلفا ان سيف مساوى طرد فى اخر مباراة للمنتخب
حتى ان الصحف كتبت قبل المباراة ان سيف مساوى غائب بالايقاف لنتفاجئ بوجوده
فى التشكيل الاساسى ..

ان لم تخنى الذاكرة فى العام 1996 م فاز السودان على الجزائر فى الخرطوم
بهدفى باكمبا وحجز مقعده فى نهائيات الامم الافريقية لكن خطئ ادارى كارثى
فى التصرف مع حكام المباراة افقد السودان مقعده ومرت الحادثة مرور الكرام
لم يتقدم اى مسؤول باستقالته
ولم يحاسب اى شخص
وكل الاموال التى صرفت فى الاعداد والمعسكرات والسفريات والنثريات
ومرتبات المدربين والاداريين والتى تعتبر ملايين صرفت من حر مال
هذا الشعب المغلوب على امره ضاعت هباء كأن شيئا لم يكن

وستمر هذه الكارثة كسابقتها فى وطن يحتفى بالفاشلين

وبرضو حصلت في الفينات في كورة جاب القونين مجاهد وبرضو شالوا مننا النقاط وكنا متصدرين


بالمناسبة انا قريت قبل كده انو مساوي قبل البارة قال ليهم انا مفروض اكون موقوف وما سمعوا كلامو

المشكلة التانية انو زامبيا ما قدمت شكوى في الزمن المحدد للشكاوي
فكيف ادوها النقاط ؟!

مفروض ناس الاتحاد لو عندهم ده يتابعوا الامر ده حتى المحكمة الرياضة
واحتمال كبير يرجعوا النقاط وتفضل الغرامة

لو فعلا زامبيا قدمت شكواها متاخرة

Quote: المشكلة التانية انو زامبيا ما قدمت شكوى في الزمن المحدد للشكاوي فكيف ادوها النقاط ؟! مفروض ناس الاتحاد لو عندهم ده يتابعوا الامر ده حتى المحكمة الرياضة واحتمال كبير يرجعوا النقاط وتفضل الغرامة لو فعلا زامبيا قدمت شكواها متاخرة

وليد تحياتى
اعتقد ان الاتحاد الزامبى رد على هذه النقطة
واكدوا انهم قدموا الشكوى فى وقتها القانونى تماما
والا لما نظرت فى الشكوى اساسا
لكن حتى باعتبار ان زامبيا لم تقدم شكوى فان العقوبة الادارية
كانت ستطال اللاعب والمنتخب باضافة الايقاف للاعب وتغريم الاتحاد السودانى
هذه مسائل لا تفوت على اطفال

غايتو حكاية زامبيا قدمت شكواها في الزمن المحدد دي فيها قولان


الغلط راكب ناس الاتحاد من ساسهم لي راسهم
هم اساسا اليوم كلو مسافرين يعرفوا الموقوف منو والما موقوف كيف

الأخ هشام عباس

تحياتي - بالطبع هذه سقطة كبيرة تنم عن عدم مبالاة في متابعة الشأن الخاص بالفريق القومي من ناحية إنسجام موقف الفريق مع اللوائح والنظم والقوانيين التي تحفظ الحقوق لك أو عليك ! ويجب ألا يمر هذا الأمر هكذا دون محاسبة وتحقيق .

لكن يا أخ هشام المحيرني كيف وصلت هذه المعلومة للطرف الآخر وهل ربما يكون هناك من تبرع بهذه المعلومة للطرف الزامبي ؟

بحيراوي

Quote: غايتو حكاية زامبيا قدمت شكواها في الزمن المحدد دي فيها قولان

لا اعتقد
حسب قوانين الاتحاد الافريقى يجب تقديم مذكرة احتجاجية او شكوى قبل المباراة للحكم الرابع
لكن هذه العقوبة صادرة عن لجنة الانضباط فى الاتحاد الدولى
ربما هذه اللجنة قوانينها تختلف

Quote: الأخ هشام عباس تحياتي - بالطبع هذه سقطة كبيرة تنم عن عدم مبالاة في متابعة الشأن الخاص بالفريق القومي من ناحية إنسجام موقف الفريق مع اللوائح والنظم والقوانيين التي تحفظ الحقوق لك أو عليك ! ويجب ألا يمر هذا الأمر هكذا دون محاسبة وتحقيق . لكن يا أخ هشام المحيرني كيف وصلت هذه المعلومة للطرف الآخر وهل ربما يكون هناك من تبرع بهذه المعلومة للطرف الزامبي ؟ بحيراوي

بحيراوى تحياتى
مصيبة كبيرة لو مرت هذه السقطة مثلما مرت سقطات مشابهة سابقا
لكن كل الدلائل تشير الى انها ستمر مرور الكرام
لا اعتقد يا بحيراوى ان اى اتحاد كرة محترف ينتظر معلومات يتبرع بها احد
لديها لجان فنية وادارية تتابع بكل دقة وترصد خصومها لحظة بلحظة
مع ملاحظة ان سيف مساوى كان قد طرد ضد هذا المنتخب تحديدا فى اخر مباراة
رسمية للمنتخبين والطبيعى ان المنتخب الزامبى راجع شريط المباراة على الاقل
للوقوف على الخطة المناسبة ..

حتى لو قوانينها تختلف
نفهم انها تعاقب السودان
لكن تكافئ زامبيا ده الما مفهوم

كيف تكافئ زامبيا على تاخيرها

وباقي الدول الفي المجموعة زنبها شنو زامبيا تتصدر عليها وهي المغلوبة والمقدمة شكواها في غير الزمن الرسمي

الككلام ده ما ياهو

لا حول الله
معقولة لكين ؟
لاعب موقوف يخلوهو يشارك ؟؟؟!!!!
لمتين التخلف ده

و الله بي حركاتم دي الواحد كره تشجيع هذا المنتخب الذي يضم هؤلاء المتخلفين كان لاعبين او اداريين .


هشام اخوي .. الناس المسئولين كان في الرياضة او غيرو بوظوا اعصاب البشر
الله يلعنم دنيا وآخرة .

Quote: لا حول الله معقولة لكين ؟ لاعب موقوف يخلوهو يشارك ؟؟؟!!!! لمتين التخلف ده و الله بي حركاتم دي الواحد كره تشجيع هذا المنتخب الذي يضم هؤلاء المتخلفين كان لاعبين او اداريين . هشام اخوي .. الناس المسئولين كان في الرياضة او غيرو بوظوا اعصاب البشر الله يلعنم دنيا وآخرة .

احمد اخوى
الحال من بعضو
كان وقع مرق الراكوبة كلها بتجى الواطة
البلد كلها جات الواطة يا احمد الكويس فيها شنو عشان نبكى على الرياضة

Quote: وستمر هذه الكارثة كسابقتها فى وطن يحتفى بالفاشلين

بالضبط يا هشام
تبني عمارة وتقع قبل ما تتسكن
تترقي من وزير داخلية لوزير دفاع
تبني كبري ويقع
سيبك
وتترقي
تبين أعمدة كهرباء وتقع
برضو سيبك
وتترقي برضو
الوطن الفاشل يحتفل بالفاشلين

Quote: حتى لو قوانينها تختلف نفهم انها تعاقب السودان لكن تكافئ زامبيا ده الما مفهوم كيف تكافئ زامبيا على تاخيرها وباقي الدول الفي المجموعة زنبها شنو زامبيا تتصدر عليها وهي المغلوبة والمقدمة شكواها في غير الزمن الرسمي الككلام ده ما ياهو

كلامك هذا يدحض تماما فرية ان زامبيا لم تقدم شكواها فى الزمن القانونى
لو انها تاخرت لتمت معاقبة السودان
لكن ان تنال زامبيا النقاط هذا يعنى انها قامت بالخطوات السليمة
على العموم سننتظر لان الامر لا يخص السودان وحده
المنافس الرئيسى لزامبيا وهو المنتخب الغانى ستكون له كلمة

Quote: بالضبط يا هشام تبني عمارة وتقع قبل ما تتسكن تترقي من وزير داخلية لوزير دفاع تبني كبري ويقع سيبك وتترقي تبين أعمدة كهرباء وتقع برضو سيبك وتترقي برضو الوطن الفاشل يحتفل بالفاشلين

نصر تحياتى
بلد رئيسها رجل بعقلية البشير
شن راجى فيها يا اخوى ؟؟

بالله البلد دي مافي حاجة فيها ثابتة كل شي في انهيار

بالضيط لمن ترص الدمينو فوق لوحة خشبية مسطحة وتقوم تميل المسطح الدومينو كلها تجي واقعة كشاششششاو