Post: #1 Title: جكسا في خط ستة Author: صبري طه Date: 10-07-2012, 11:51 PM
الأخت حليمة شفتها إتضايقت من تغيير مجرى نقاش موضوعها على الرابط التالي زواج الخواجة احلي زواج
فأعتذر لها إن جاء تغيير مجرى النقاش من جانبي ... وسأواصل نقاشي عبر هذا البوست المُنفصل ....
Post: #2 Title: Re: جكسا في خط ستة Author: صبري طه Date: 10-08-2012, 00:06 AM Parent: #1
Quote: تبارك شيخ الدين جبريل كتب: يا صبري انت غيرت موضوع البوست لاكين ما مشكلة ...
الموضات الكانت منتشرة ما كانت زي هيفاء وهبي ... كانت كدا:
وكدا:
يا تبارك .. غايتو ما شايف في فرق في مضمون اللبس بين صورة هيفاء وهبي وما جلبته أنت من صور غير أنّ صورة هيفاء وهبي عالية الوضوح وزاويتها بالجنبة أظهرتها أشدّ فتنة .. وقد تدعو إلى العجلة (الاستعجال) شأنها وشأن أيّ محفّزات أخرى ... شُفت كيف :) :) :)
Quote: لامن المجتمع يتغير النظرة بتتغير ... ما تتشفتن علينا ...
في دي معاك فيها وسبب رفضي لي حاجة مرفوضة بسبب تغيّر المجتمع ونظرتو دي .. ويمكن النظر إليها برضو لمّا تنتقل من مجتمع إلى مجتمع آخر وتندمج فيهو حيبقى ليك المحظور عندينا مُباح عنديهم ...
Quote: وانا متأكد انو الألبومات الأسرية تحفل بالصور (البيختو فيها اليدين في الركبة زي التشهد) حافلة بالمودات والأشكال البتودي التوج بمعايير اليوم ...
راهنت غيري أن يأتوا ببُرهانهم .. فكيف يكون عندي البُرهان وأبحث عنه لدى الآخرين ؟!
Quote: المشكلة في معايير اليوم ... لأننا عمومًا بنعاني من انحطاط بوتيرة متسارعة على مر الزمن ... في الفكر والحضارة والمجتمع والسياسة والإقتصاد والإنسانية والمودة ... وهكذا ...
يا تبارك كلامك دا بشكل عام أم خاص بنا كسودانيين ؟
Post: #3 Title: Re: جكسا في خط ستة Author: صبري طه Date: 10-08-2012, 10:19 AM Parent: #2
رواية عن أحد أصدقائي الأعزّاء:-
حيث أنّ صديقته ناقشته بخصوص قناعاتها فيما ترتديه من ملابس .. وأنّها لا تلبس غطاء الرأس ولا تكترث لذلك إن كانت وسط رجال .. وهو سلفاً يعلم مكان عملها الذي تختلف طبائعه عن طبائعنا ... في إحدى المُناسبات الاجتماعية التي جمعته بها ولحظتها كان جالساً مع بعض أصدقائه في المكان المُخصّص للرجال وحيث أنّ مدخل مقر المُناسبة واحد للجنسين .. دخلت صديقته من البوابة وكان لا بدّ لها أن تشق تجمّع الرجال .. وبدون أيّ مقدّمات وجد صديقي صديقته التي دخلت ورأسها مكشوفاً عندما توسّطت هذا التجمّع وضعت الغطاء على رأسها !!!
السؤال: لما هذا التنازل ؟ أم أنّ فطرتها المُجتمعية لها دورٌ في ذلك ؟
ـــــــ قد تجادل بعضهن وترفع لك راية التحدّي وباستطاعتها فعل كذا وكذا وترك كذا وكذا .. ولكن متى ما اصطدمت بالواقع الذي تعيشه .. تجدها تتصرّف مُقتنعة بفطرة غريزية فرضتها عليها التنشئة المُجتمعية ...
ـــــــ
Post: #4 Title: Re: جكسا في خط ستة Author: وضاحة Date: 10-08-2012, 10:27 AM Parent: #3
يا صبرى اصبحنا بى الله
Post: #5 Title: Re: جكسا في خط ستة Author: ود الباوقة Date: 10-08-2012, 10:28 AM Parent: #4
Quote: يا صبرى اصبحنا بى الله
مالك
الكلوش
ما بتعرفيهو
صبري سلامات
Post: #6 Title: Re: جكسا في خط ستة Author: أيمن الطيب Date: 10-08-2012, 10:38 AM Parent: #5
سلامات يا صبرى,, يازول إنت العرس عمل فيك شنو!!!
علاقة جكسا فى خط ستة بغطاء راس صاحبة صاحبك شنو؟؟؟! بعدين صاحبتو دى زاتا موقعا وين من الإعراب بالنسبة لنوعية النقاش المطروح دا زاتو يعنى صاحبتو ياتو نوع من الصحبات القريب ولا القريب شديد أم البعيد ولا البعيد خالس خالس !!!
عشان يكون نقاش ذو أرضية بس,,
تحياتى..
Post: #7 Title: Re: جكسا في خط ستة Author: الامين موسى البشاري Date: 10-08-2012, 11:25 AM Parent: #6
Quote: جكسا في خط ستة
صبري العريس ..... ازيك
انت اقعد باري لي في تبارك دا على الحلف تخش جوه القوووون عديل خلي خط ستة لفت نظري تعبير الفطرة المجتمعية دي ماف حاجة اسمها الفطرة المجتمعية يا صبري ولكن هناك قيود اجتماعية مفروضة بسبب الدين والعرف والعادات أول ما الزول يتحرر من القيود دي تلاقيهو بتصرف بطبيعته وبلبس الحاجة البتريحه هو مش الحاجة البتعجب الناس لكن أول ما ترجعو للبيئة ويحس بأن هذه القيود عادت بقوم يرجع تاني عشان يرضي الناس والمجتمع من حوله القيود دي مفروضة عليهو فرض نفس الحكاية ممكن تقيسها بالمعكوس يعني لو واحدة محجبه ومنقبه وطلعت بره وماف زولة لابسه حجاب ممكن تفك النقاب وتمشـــي وشها مكشوف لأن القيود الكانت مفروضة عليها زالت لكي تلبس النقاب وفي نفس الوقت اتفرضت عليها قيود المجتمع الجديد الموجودة فيهو
كن بخير
Post: #8 Title: Re: جكسا في خط ستة Author: صبري طه Date: 10-08-2012, 12:06 PM Parent: #7
عُذراً يا شباب لتقديم ردّي على الأخ البُشاري ...
Quote: انت اقعد باري لي في تبارك دا على الحلف تخش جوه القوووون عديل خلي خط ستة
يا بُشاري يا حبيب ... تبارك وود البُشرى ديل من أذكى من قابلتهم وعندما أقرأ لهم أقرأ بتركيز عالي ...
Quote: لفت نظري تعبير الفطرة المجتمعية دي ماف حاجة اسمها الفطرة المجتمعية يا صبري ولكن هناك قيود اجتماعية مفروضة بسبب الدين والعرف والعادات أول ما الزول يتحرر من القيود دي تلاقيهو بتصرف بطبيعته وبلبس الحاجة البتريحه هو مش الحاجة البتعجب الناس لكن أول ما ترجعو للبيئة ويحس بأن هذه القيود عادت بقوم يرجع تاني عشان يرضي الناس والمجتمع من حوله القيود دي مفروضة عليهو فرض نفس الحكاية ممكن تقيسها بالمعكوس يعني لو واحدة محجبه ومنقبه وطلعت بره وماف زولة لابسه حجاب ممكن تفك النقاب وتمشـــي وشها مكشوف لأن القيود الكانت مفروضة عليها زالت لكي تلبس النقاب وفي نفس الوقت اتفرضت عليها قيود المجتمع الجديد الموجودة فيهو
يا بُشاري .. بعد المُكالمة التلفونية لاختصار الكثير يا حبيب .. أوضّح لك أنّ استخدامي لتعبير "الفطرة المجتمعية" لم يكن من فراغ .. ولو كتبت بس في القوقل جُملة "فطرة المجتمع" ستجدها مُستخدمة ... مثال: هنا
ولو تمعّنت قصة صديقي .. لوجدت أنّ العادة المُستمدّة من الفطرة المجتمعية التي قامت عليها في مثل هكذا مواقف هي التي غلبت على تصرّفها رغم شعاراتها ... مثال يا بُشاري: نفس هذه الصديقة ستجدها في الحفلة كاشفة رأسها أمام نفس الرجال ... شُفت كيف
ـــــــــــ
Post: #15 Title: Re: جكسا في خط ستة Author: الامين موسى البشاري Date: 10-08-2012, 07:47 PM Parent: #8
Quote: يا بُشاري .. بعد المُكالمة التلفونية لاختصار الكثير يا حبيب .. أوضّح لك أنّ استخدامي لتعبير "الفطرة المجتمعية" لم يكن من فراغ
يعني نختصر ونعرش على كدا يا صبري؟
Post: #19 Title: Re: جكسا في خط ستة Author: صبري طه Date: 10-09-2012, 01:17 PM Parent: #15
Quote: يعني نختصر ونعرش على كدا يا صبري؟
عارف يا البُشاري .. البوست دا أصلاً متفرّع من بوست آخر .. فإذا لم تعرّش على كدا أعتقد أنّه أيضاً سيتفرّع إلى بوست آخر ... وفي كل الأحوال لك مُطلق الحرّية في تناول الأمر باستفاضة ...
تسلم يا حبيب ،،،
Post: #14 Title: Re: جكسا في خط ستة Author: saif massad ali Date: 10-08-2012, 03:29 PM Parent: #5
ود الباوقة
Quote: مالك
الكلوش
ما بتعرفيهو
يازول ده ما الكلوش ماتدي البنية معلومة غلط
Post: #9 Title: Re: جكسا في خط ستة Author: صبري طه Date: 10-08-2012, 12:26 PM Parent: #4
Quote: يا صبرى اصبحنا بى الله
يا وضّاحة صباحك ورد .. رغم إنّو الوقت عندنا بعد الضهر ...
وأعمل شنو لكن .. فرزت عيشتي بعد طردوني بطريقة غير مُباشرة ... دا كلّو على شان خاطر الخواجة
Post: #10 Title: Re: جكسا في خط ستة Author: Halema2 Date: 10-08-2012, 01:14 PM Parent: #9
Quote: وأعمل شنو لكن .. فرزت عيشتي بعد طردوني بطريقة غير مُباشرة ... دا كلّو على شان خاطر الخواجة
سلام
انت زعلت بالجد ا زول
نحن اسفين ومقدرين وانت اخونا والله
تحياتي واتمني تلقي الرايحة في بوستك دا
وبقول لك هنا : النسوان زمان رقصوا بالرحط ولبسو القصير والكت تحت التوب وناس رفاعة زيهم وزي باقي نسوان السودان وامشي اسال اكبر حبوبة عندكم من الزمن داك لو لسة عايشة وورينا الاجابة
تحياتي
------------------------------ لكن حاجيك راجعة واطلع ليك من الموضوع نشوف بتستحملني وتكون احسن مني
Post: #11 Title: Re: جكسا في خط ستة Author: صبري طه Date: 10-08-2012, 01:37 PM Parent: #10
وعليكم السلام يا حليمة2 ونوّرتي ...
Quote: انت زعلت بالجد ا زول
نحن اسفين ومقدرين وانت اخونا والله
بصراحة ما زعلت الزعل البقولوا عليهو .. لكن إتضايقت لأنّو حسيت بالظلم وأنا جنّي وجن زول يظلمني وأنا ما عندي ذنب !!! باختصار: أنا كُنت برد على ناس بردّوا علي ابتداءً من مُداخلة الأخت تيسير عووضة .. أها في الحالة دي أعمل رايح ولاّ أقول ليهم أبيت ما عندي ...
Quote: وبقول لك هنا : النسوان زمان رقصوا بالرحط ولبسو القصير والكت تحت التوب وناس رفاعة زيهم وزي باقي نسوان السودان وامشي اسال اكبر حبوبة عندكم من الزمن داك لو لسة عايشة وورينا الاجابة
أها يا حليمة كلامك دا نوع من اللوْلوْة .. يعني إنتي بتضربي لي مثال بحالة خاصة وخاصة جداً سواءً كان الرجال حضوراً أم لا .. وبيها ما ممكن تقنعيني إنّو النسوان كانن بلبسن كدا في الأسواق وفي الأماكن العامة الأخرى ... وهكذا ... وحبوبتي الحمد لله عايشة وإن شاء الله سأسألها ...
Quote: لكن حاجيك راجعة واطلع ليك من الموضوع نشوف بتستحملني وتكون احسن مني
ولا حتكوني أوّل واحد/ة يطلع لي برّة موضوع البوست .. وما حصل زعلت من زول شتّت لي الكورة ولو بي قصد
ولكِ كل الود والتقدير والبين الناس عامرة ،،،
Post: #12 Title: Re: جكسا في خط ستة Author: محمد البشرى الخضر Date: 10-08-2012, 03:18 PM Parent: #11
Quote: يا بُشاري يا حبيب ... تبارك وود البُشرى ديل من أذكى من قابلتهم وعندما أقرأ لهم أقرأ بتركيز عالي ...
ياخي كتر خيرك يا صبري على المجاملة اللطيفة دي و اراك اسرفت في حسن الظن
_______________________________ C.C: تنظير و حموودي و البروف في عزلته المجيدة و آخرين
Post: #20 Title: Re: جكسا في خط ستة Author: صبري طه Date: 10-09-2012, 01:20 PM Parent: #12
Quote: C.C: تنظير و حموودي و البروف في عزلته المجيدة و آخرين
لا يوجد إسراف يا ود البُشرى يا حبيب .. فأنت علمٌ في رأسه نار وطلحة عبدالله كالطّلح في حفرة الدخّان
ــــــــ * المقصود من التشبيه بيحرق البوستات
Post: #13 Title: Re: جكسا في خط ستة Author: walid taha Date: 10-08-2012, 03:25 PM Parent: #1
لو كان "جكسا" يدرى أن دخوله " خت ستة" سيجلب له كل هذا لإكتفى بالتسديد من دائرة السنتر
Post: #16 Title: Re: جكسا في خط ستة Author: صبري طه Date: 10-08-2012, 10:20 PM Parent: #13
Quote: مالك
الكلوش
ما بتعرفيهو
صبري سلامات
وعليكم السلام يا ود الباوقة ... ومُشتاقين ياخ ... عايز لي صقرية كدة تكون مُستعجلة
Post: #17 Title: Re: جكسا في خط ستة Author: صبري طه Date: 10-09-2012, 10:41 AM Parent: #16
وعليكم السلام أخي أيمن الطيب ... والعرس ما عمل فيني حاجة أنا زي ما أنا آكل وأمشي في الأسواق ...
Quote: علاقة جكسا فى خط ستة بغطاء راس صاحبة صاحبك شنو؟؟؟!
المضمون يا أيمن واحد وهو داخل في عاداتنا وتقاليدنا .. تابع النقاش في البوست الذي تفرّع منه هذا البوست وستفهم العلاقة ...
Quote: بعدين صاحبتو دى زاتا موقعا وين من الإعراب بالنسبة لنوعية النقاش المطروح دا زاتو يعنى صاحبتو ياتو نوع من الصحبات القريب ولا القريب شديد أم البعيد ولا البعيد خالس خالس !!!
عشان يكون نقاش ذو أرضية بس,,
قريبة أو بعيدة .. بعيدة أو قريبة .. دي أهميتها شنو في القصّة يا أيمن أخوي ؟ إنت يا حبيب أخد القصة كدا وبدون ما تكون ذاتو صاحبتو .. ممكن تعتبرها بت الجيران أو ست الشاي ... قرّبت أكتب ليك "وتأكّد أنّك ما أتيت لحوار" لكن خُفت أظلمك معاي ساي .. وتكون عندك أرضية بي زاوية تانية للنقاش خاصة بالشعارات وصدقها وكدا ...
Post: #18 Title: Re: جكسا في خط ستة Author: وضاحة Date: 10-09-2012, 11:03 AM Parent: #17
صبرى العريس صباحاتك بيض
اها يا صبرى سالت ليك جدتى والله شديتها ليها تلفون مخصوص هههههههههههه
سالتها من جكسا فى خط ستة دا لبستوا
لانوا ماما قالت ما لبستوا لبسوا الفساتين البحملات ( ما عارفة الاسبلنق دا كده صاح بى العربي ولا لا )
قالت لى يا صبرى
نحن لبسنا الرحط ورقصنا بيه بدون اى شى لانوا دا كان من شروط الرقيص علشان الناس تشوف جمال الجسم والرسم ههههههههههههه
واتخلعت قلت ليها معقول بث الرحط قالت لى نعم
ولما الواحدة ترقص وتتنى فى السباتة شعرها بقيسوا ليها بالعصاية اتخيل
وهى واحدة منهم
يا حليلنا نحن الماحضرنا الزمن الجميل الكانت فيه الناس برئىة ونطيفة ونقية
Post: #21 Title: Re: جكسا في خط ستة Author: صبري طه Date: 10-09-2012, 01:31 PM Parent: #18
Quote: صبرى العريس صباحاتك بيض
اها يا صبرى سالت ليك جدتى والله شديتها ليها تلفون مخصوص هههههههههههه
سالتها من جكسا فى خط ستة دا لبستوا
لانوا ماما قالت ما لبستوا لبسوا الفساتين البحملات ( ما عارفة الاسبلنق دا كده صاح بى العربي ولا لا )
قالت لى يا صبرى
نحن لبسنا الرحط ورقصنا بيه بدون اى شى لانوا دا كان من شروط الرقيص علشان الناس تشوف جمال الجسم والرسم ههههههههههههه
واتخلعت قلت ليها معقول بث الرحط قالت لى نعم
ولما الواحدة ترقص وتتنى فى السباتة شعرها بقيسوا ليها بالعصاية اتخيل
وهى واحدة منهم
يا حليلنا نحن الماحضرنا الزمن الجميل الكانت فيه الناس برئىة ونطيفة ونقية
أها شفتِ يا وضّاحة .. جيتي بنفس قصّة حليمة2 واللي هي حالة خاصة بالعروس ... ما جاتني واحدة وقالت لي أنا حبوبتي كانت بتمشي السوق ولابسة زي صور تبارك ...
Post: #22 Title: Re: جكسا في خط ستة Author: تبارك شيخ الدين جبريل Date: 10-09-2012, 03:06 PM Parent: #21
سوق ايه يا ابني ... الناس البينتموا للحقبة دي ناس مهذبين وسايبينك تفهم براك ...
انت ما سألت روحك تبارك جاب ليك صور خواجيات ليه؟
صور السودانيات راقدة ... لاكين يعني انت داير "تتفرج"؟
ولاّ إمكن داير تجيب قون ...
(نحن كان عندنا وزيرات أشيك من البلابل! ... البلابل ديلاك الما بتلحقن ... تاني شنو!)
... المهم ....
Post: #24 Title: Re: جكسا في خط ستة Author: صبري طه Date: 10-09-2012, 03:41 PM Parent: #22
Quote: سوق ايه يا ابني ... الناس البينتموا للحقبة دي ناس مهذبين وسايبينك تفهم براك ...
انت ما سألت روحك تبارك جاب ليك صور خواجيات ليه؟
صور السودانيات راقدة ... لاكين يعني انت داير "تتفرج"؟
ولاّ إمكن داير تجيب قون ...
(نحن كان عندنا وزيرات أشيك من البلابل! ... البلابل ديلاك الما بتلحقن ... تاني شنو!)
يا تبارك .. الصور الشخصية دي خلّيها على جنب يا عزيزي ...
أدّيني صور المّذيعات/مقدّمات البرامج/الممثلات/الوزيرات .. المنتشرة في النت ... بس يكونن لابسات زي صورك الفوق دي ... ولازم تكون الصور ملتقطة في السودان .. ما تجيب لي صورة ملتقطة في أمريكا أو أياً كان إسمها ... حتى الحفلات الخاصة مرّات بيحصل فيها تجاوزات يا تبارك ودي حالات شاذة وقليلة جداً ...
وفي فرق بين وضع طبيعي ووضع غير طبيعي .. (يعني هسّي ممكن تجيب لي صور هبطرش لسودانيات لابسات تياب) لكن مُستحيل تجيب لي صور هبطرش لسودانيات زي صورك دي ... وفي نفس الوقت تقدر تجيب صور هبطرش لمصريات بنفس صورك (شُفت كيف)
عايز صور من خلال الأماكن العامة عشان نختصر اللولوة الكتيرة ...
ـــــ إنت مفتكرني عندي قنبور يا حبيب
Post: #26 Title: Re: جكسا في خط ستة Author: rummana Date: 10-09-2012, 03:45 PM Parent: #22
الاخ صبري سلام الفساتين يا صبري كان عندها أطوال باسماء تعتمد على بعد اسفل الفستان من القدم أو عضم الشيطان (وضاحة بتعرفي عضم الشيطان؟) تبدأ بالماكسي ثم تصاعديا الميدي والميني والميكروجيب/جوب.. في واحد كده "من خير الامور" بين الميدي والميني وده اللي لبسوه بنات جيلنا في الغالب الاعم وكنا بنسميه الشانيل وهو تحت الركبة...الكلام ده كان لحد ما جا البشير وزمرته وبدوا في مطاردة النساء بالسياط والارهاب... بالاضافة لكده كان في الضيق والشوال .. وديل ما ليهم علاقة بالطول بس عشان أقرب ليك الصورة من صورة هيفاء وهبي وجينفر.. وفي البدون كم (امهاتنا كانوا بسموه السواريه) والـ بــ "اسم كم" ساكت ..إلخ الفستان جكسا ده كان في طوله أبعد شيء عن عضم الشيطان.... مش غريبة بالله :) ولبسناه أحيانا ونحن صغار ولانه نحن من عائلة محافظة لدرجة التزمت.. لبس القصير كان لابد له من جهاد وتمرد ومجابدة وأخواتنا وبنات أهلنا لبسوه بايدهم وشديدهم .. لكن امهاتنا أبدا ما لبسوه... يلا ، كل الشكر لمقاعد الدراسة والصور الفتوغرافية، شفنا أمهات الناس التانين لابسين القصير وبدون كم بكل ارتياح .. الـ في الخرطوم أو من رفاعة أو مدني أو من بلد ناس قيقراوي أو أي حتة تانية... عادي يعني... أنا بس عايزاك تتذكر إنه النساء ديل في الغالب كانوا بلبسوا فوق لبسهم ده تياب... عشان يقع ليك الموضوع .. بس طبعا ما كلهم أما الكلوش فده شكله والفكرة فيه انه فضفاااااض وما أصحاب هو والهوا ..:
Post: #23 Title: Re: جكسا في خط ستة Author: الامين موسى البشاري Date: 10-09-2012, 03:33 PM Parent: #18
Quote: يا حليلنا نحن الماحضرنا الزمن الجميل الكانت فيه الناس برئىة ونطيفة ونقية
me too
والله صحي
Post: #25 Title: Re: جكسا في خط ستة Author: Balla Musa Date: 10-09-2012, 03:41 PM Parent: #23
ياصبرى أول بالتبادى المفروض تشرح عبارة جكسا فى خط ستة للناس الصغار مثلنا الماحضروا عهدكم ذاك..
Post: #27 Title: Re: جكسا في خط ستة Author: تبارك شيخ الدين جبريل Date: 10-09-2012, 03:50 PM Parent: #25
Quote: أول بالتبادى المفروض تشرح عبارة جكسا فى خط ستة للناس الصغار مثلنا الماحضروا عهدكم ذاك..
يا دكتور؟
انت نصرالدين جكسا زاتو ما حضر تخريجك دكتور
تسلل ما معانا ....
(والصورة من عهد الرقيص بالرحط بث ... إهداء للدكتورة وضاحة!)
... المهم ....
Post: #28 Title: Re: جكسا في خط ستة Author: صبري طه Date: 10-09-2012, 04:09 PM Parent: #27
Quote: أدّيني صور المّذيعات/مقدّمات البرامج/الممثلات/الوزيرات .. المنتشرة في النت ... بس يكونن لابسات زي صورك الفوق دي ...
Quote: عايز صور من خلال الأماكن العامة عشان نختصر اللولوة الكتيرة ...
يا تبارك بس ما سمعت لي بي زولة بتمشي المكتب بالرّحط ...
بعدين ما تنسى معاك باقي المُداخلات في بوست حليمة2 يعني عادي في قبائل بمشو أم فكّو ... راجع بوست حليمة2 وشوف حدّي وين أنا في القبائل دي ...
Post: #29 Title: Re: جكسا في خط ستة Author: Salah Abdulla Date: 10-09-2012, 04:09 PM Parent: #27
صبري سلام عليك وعلى ضيوفك ..
أنا ما متابع، جيت ماشي بي جاي وجذبني العنوان بس .. ح أقول شوفي من خلال ما فهمته من بعض الردود.. جكسا في خط ستة كانت موضة لبس للحريم (زمان) وهي بالضبط زي الصور النزلها تبارك دي نسوان السودان كان بيلبسوه ( عادي ) شفت عادي دي يا صبري؟؟ كنا في السبعينات ونحن أطفال بنشوفهم ماشات في الشارع (عادي) شفت عادي دي يا صبري؟؟ (وفي وقتها) ما في زول كان شايف فيها أي شي (ما عادي) شايف ما عادي دي يا صبري؟؟ لأنو كان سلوك مجتمع كامل، مجتمع متحضر راقي لا يعاني من أمراض سودان اليوم ويتابع الموضة العالمية..
لكن صورة تبارك الأخيرة دي يعمينا منها،، دي كان في زمن ناس تبارك..
Post: #30 Title: Re: جكسا في خط ستة Author: صبري طه Date: 10-09-2012, 04:22 PM Parent: #29
Quote: صلاح عبدالله كتب: صبري سلام عليك وعلى ضيوفك ..
أنا ما متابع، جيت ماشي بي جاي وجذبني العنوان بس .. ح أقول شوفي من خلال ما فهمته من بعض الردود.. جكسا في خط ستة كانت موضة لبس للحريم (زمان) وهي بالضبط زي الصور النزلها تبارك دي نسوان السودان كان بيلبسوه ( عادي ) شفت عادي دي يا صبري؟؟ كنا في السبعينات ونحن أطفال بنشوفهم ماشات في الشارع (عادي) شفت عادي دي يا صبري؟؟ (وفي وقتها) ما في زول كان شايف فيها أي شي (ما عادي) شايف ما عادي دي يا صبري؟؟ لأنو كان سلوك مجتمع كامل، مجتمع متحضر راقي لا يعاني من أمراض سودان اليوم ويتابع الموضة العالمية..
لكن صورة تبارك الأخيرة دي يعمينا منها،، دي كان في زمن ناس تبارك..
يا صلاح عبدالله ... معي زميلي في العمل ربما يكبرك بضعف عمرك الحالي على حسب صورتك الرمزية الماثلة أمامي ...
سألته عن كلامك هذا فنفاه بل حتى أنّه اندهش لدرجة نطط عيونو ... ياخي عليك الله ركّز في صور تبارك الغير سودانية دي ...
تسلم ،،،
Post: #31 Title: Re: جكسا في خط ستة Author: Salah Abdulla Date: 10-09-2012, 04:39 PM Parent: #30
Quote: معي زميلي في العمل ربما يكبرك بضعف عمرك الحالي على حسب صورتك الرمزية الماثلة أمامي ... سألته عن كلامك هذا فنفاه بل حتى أنّه اندهش لدرجة نطط عيونو ... ياخي عليك الله ركّز في صور تبارك الغير سودانية دي ...
سلام يا صبري..
صاحبك ده عاش وين في السودان ؟؟ بتفرق كتير جداً.. صورة تبارك الما سودانية هي صور الخواجيات، وهي نفس حالة السودانيات في الستينات والسبعينات.. أما صورة البنات البرقصن بالرحط، فهي سودانية مية المية..
لو أنا كنت في السودان كنت نزلت ليك هنا صور تأكد كلامي، وكلام تبارك..
Post: #33 Title: Re: جكسا في خط ستة Author: صبري طه Date: 10-09-2012, 04:48 PM Parent: #31
Quote: سلام يا صبري..
صاحبك ده عاش وين في السودان ؟؟ بتفرق كتير جداً.. صورة تبارك الما سودانية هي صور الخواجيات، وهي نفس حالة السودانيات في الستينات والسبعينات.. أما صورة البنات البرقصن بالرحط، فهي سودانية مية المية..
لو أنا كنت في السودان كنت نزلت ليك هنا صور تأكد كلامي، وكلام تبارك..
غايتو يا صلاح .. المُشكلة إلاّ أمشي أنقل مُداخلاتي من البوست الآخر ... ياخي في البوست الآخر أنا لم أنفي أن بعض القبائل السودانية تلبس أو لا تلبس ذاتو ...
وحصرت الشغلانة دي في البيئة التي نشأت فيها .. وحدّدت قبائل بعينها (الجعليين وما تفرع منها من عرب الشمال + عرب جهينة الرفاعيين وغيرهم يعني التسمية الحالية بعرب الشمال) ... لبس زي لبس تبارك الأجنبي دا ما شفتو عندهم وحتى حبوباتنا ما كانن بلبسن كدا .. وأنا الموضوع دا ما خليتو بس كدا ساي .. سألت لمّا زهجت من السؤال ...
وما عايز أحرج لي زول تاني بالخاص تبعو ...
وإن شاء الله بس تكون فهمتني ...
تسلم ،،،
Post: #32 Title: Re: جكسا في خط ستة Author: تبارك شيخ الدين جبريل Date: 10-09-2012, 04:40 PM Parent: #30
Quote: لكن صورة تبارك الأخيرة دي يعمينا منها،، دي كان في زمن ناس تبارك..
ألا ليت الشباب يعود يومًا ...
فأخبره بما فعل النميري ...
(نحن غايتو معتمدين في عودتنا للأصالة السودانية على جيل وضاحة يا شمس المشارق وصبري طه ... بس هو ما يعصلج!)
... المهم ....
Post: #34 Title: Re: جكسا في خط ستة Author: أيمن الطيب Date: 10-09-2012, 04:53 PM Parent: #32
سلامات يا صبرى,,
Quote: يا صلاح عبدالله ... معي زميلي في العمل ربما يكبرك بضعف عمرك الحالي على حسب صورتك الرمزية الماثلة أمامي ...
سألته عن كلامك هذا فنفاه بل حتى أنّه اندهش لدرجة نطط عيونو ... ياخي عليك الله ركّز في صور تبارك الغير سودانية دي ...
تسلم ،،،
صاحبك دا إحتمال يكون جا مارى بالخرطوم ترانزيت سريع كدا من أجل المطار والطيارة!! وهنا تبدو مشكلة صغيرة ففى هذه الحالة تكون تجربة الرجل بما يختص بالعاصمة والحضر والعصر الذهبى منقوصة...
يا صبرى حتى الآن توجد فى بيوت كثيرة فى السودان صور قديمة لأمهات وحبوبات لابسين فوق الركبة ,, خلى أعمامك تبارك وصلاح عبدالله ديل يونسوك بالجيرك والفالس والتويست ونوادى الخرطوم وليالى الخرطوم ,,
إنت بالمناسبة غلاطك فى شنو؟؟
تحياتى..
Post: #36 Title: Re: جكسا في خط ستة Author: صبري طه Date: 10-09-2012, 04:57 PM Parent: #34
سلام يا أيمن ...
Quote: صاحبك دا إحتمال يكون جا مارى بالخرطوم ترانزيت سريع كدا من أجل المطار والطيارة!! وهنا تبدو مشكلة صغيرة ففى هذه الحالة تكون تجربة الرجل بما يختص بالعاصمة والحضر والعصر الذهبى منقوصة...
يا صبرى حتى الآن توجد فى بيوت كثيرة فى السودان صور قديمة لأمهات وحبوبات لابسين فوق الركبة ,, خلى أعمامك تبارك وصلاح عبدالله ديل يونسوك بالجيرك والفالس والتويست ونوادى الخرطوم وليالى الخرطوم ,,
إنت بالمناسبة غلاطك فى شنو؟؟
شوف إنت هسي مشيت لي للخاص ... ياخي أنا مالي ومال صورة شخصية معلّقة في غرفة النوم أو في الحمام ذاتو ... أنا غُلاطي إنو اللبس الجابو تبارك بتاع الأجنبيات دا أصلو ما شفتو عند عرب الشمال لا في طبيعة ولا في صورة ... ولا حتى في صورة خاصة بي ...
ـــــــــ إنتو الخرطوم دي ناسا براهم كدا يعني .. ما لحم راس إنت مفتكرها شنو ؟
Post: #35 Title: Re: جكسا في خط ستة Author: Salah Abdulla Date: 10-09-2012, 04:53 PM Parent: #32
Quote: (نحن غايتو معتمدين في عودتنا للأصالة السودانية على جيل وضاحة يا شمس المشارق وصبري طه ... بس هو ما يعصلج!)
يا تبارك ياخ إنت كمان ما تبالغ..
Post: #37 Title: Re: جكسا في خط ستة Author: تبارك شيخ الدين جبريل Date: 10-09-2012, 04:58 PM Parent: #35
ما بوليغ يا صلاح ... لاكين استراتيجية الضهبان ...
هسى انا متحاشي "التعمق" في البوست دا لى سبب واحد ... اللي هو:
Quote: إنت بالمناسبة غلاطك فى شنو؟؟
... المهم ...
Post: #39 Title: Re: جكسا في خط ستة Author: صبري طه Date: 10-09-2012, 05:04 PM Parent: #37
Quote: هسى انا متحاشي "التعمق" في البوست دا لى سبب واحد ... اللي هو:
إتعمّق ولا يهمّك .. وممكن يكون حدّنا نقعد مع الحبوبات على الطبيعة ونشوف الفهم شنو ؟ إنتو مفتكرين الناس دي لافة ساكت كدا بدون حبوبات ...
Post: #40 Title: Re: جكسا في خط ستة Author: تبارك شيخ الدين جبريل Date: 10-09-2012, 05:05 PM Parent: #37
عندي صاحبي من رفاعة "افندي" بمهنة مميزة .. كان بيتكلم معاي عن زمن "جكسا في خط ستة" ... قال ليّ البنات زمان بى لبسهم القصير كانن خجولات جدًا ... انا لامن امشي رفاعة اجازة واجي شاقي الحي ماشي على البيت يتردمن ورا البيبان والشبابيك عشان يتاوقن ليّ ... والبترسّل جواب غرامي معطر وما بتكتب اسمها .... وشغلانية ... مافي واحدة بتتجرأ تصرّح بى مشاعرها .... وكلهن لامن يمرقن بالنهار ولاّ نلاقيهن في الافراح بالليل ياهو بيلبسن جكسا في خط ستة ...
... المهم ....
Post: #41 Title: Re: جكسا في خط ستة Author: أيمن الطيب Date: 10-09-2012, 05:10 PM Parent: #37
صبرى يا حبيبنا..
Quote: أنا غُلاطي إنو اللبس الجابو تبارك بتاع الأجنبيات دا أصلو ما شفتو عند عرب الشمال لا في طبيعة ولا في صورة ... ولا حتى في صورة خاصة بي ...
هى لكن يا صبرى إن بقيت إنت ما شفتو يبقى ما حصل كلو كلو!!!!
اللبس الجابو تبارك يا موسى قالو ليك كان موضة فى العالم كلو وبنات الخرطوم والحضر والمدن الكبيرة فى السودان ما قاعدين فى إضنينم وكانوا بلبسوا زيهم وزى بنات كل عواصم الدنيا!!!
غلاطك فشنك ياخ,, إنت وصاحبك المعاك القال ليك الكلام دا ما حصل!!!!
إنتو قولو ما شفنا وأقيفوا هنا بتكون مفهومة لكن تنفو وتنكرو أعمامك ديل ما بخلوك وما برضو تمسح تاريخ عشان إنت ما شفتو!!!
تحياتى
Post: #54 Title: Re: جكسا في خط ستة Author: Nazik Eltayeb Date: 10-09-2012, 09:45 PM Parent: #41
والله يا صبري يا خوي غلاطك دا قرب يخليني اجيب صور عماتنا وبنات اهلنا الفيها الفساتين قصير ة والاكمام كط والشعر تسريحة في الكوفير وكلهم كانوا في الصور بشبهو جاكلين كيندي الغريبة بعض الصور كان فيها معاهم اولاد العائلة الصور من النوع البكون فيها الولد عندو انحناء للرأس بالجمبة ديك و الشعر كتييييير ....بعض هولاء الاولاد هم الان من الرجال المتزمتين دينيا وربما ( دون كيشوتات) للمشروع الحضاري حاليا و الطرحة دي يعميني فيها....توب يمكن شفتا مرات فوق الهدوم القصير ة لكن طرحة كانت رابع المستحيلات زمن كان العائلات بتمشي سينما يوم الخميس وتقضي وقت جميل في كازينو النيل الازرق و تتعشى في المطعم الافريقي في الفندق الكبير وكلو بالهدوم القصيرة زي في صورة تبارك المكوتة انت دي بالضبط ------------ الغريبة انا ما بشجع الناس تلبس كدا الان لانو الزمن بقا كعب وهم ذاتم يقولو ليك الله يغفر لينا(ربنا يغفر ليهم...... آمين) لكن المحيرني الناس دي كانت متصالحة مع تفسها بشكل عجيب.... وين مشى التصالح د اً؟ اكيد في حاجة غلط ؟؟
حاشية: السودانيات في الصور ديك كانو من اجمل البنات في الارض انيقات ورشيقات لاسائلين في لبنانيات ولا حبشيات ولا مغاربة ولا موريتانيات و بدون كريمات كمان الان اللون بقا مايل للابيض و الاوزان زايدة بصورة عجيبة.... و الرجال مشو يفتشو برا السودان على بنات لابسين زي نسوان السودان زمان)
Post: #38 Title: Re: جكسا في خط ستة Author: ombadda Date: 10-09-2012, 05:01 PM Parent: #32
Post: #42 Title: Re: جكسا في خط ستة Author: Salah Abdulla Date: 10-09-2012, 05:10 PM Parent: #38
Quote: ياخي في البوست الآخر أنا لم أنفي أن بعض القبائل السودانية تلبس أو لا تلبس ذاتو ...
وحصرت الشغلانة دي في البيئة التي نشأت فيها .. وحدّدت قبائل بعينها (الجعليين وما تفرع منها من عرب الشمال + عرب جهينة الرفاعيين وغيرهم يعني التسمية الحالية بعرب الشمال) ... لبس زي لبس تبارك الأجنبي دا ما شفتو عندهم وحتى حبوباتنا ما كانن بلبسن كدا .. وأنا الموضوع دا ما خليتو بس كدا ساي .. سألت لمّا زهجت من السؤال ...
طوّل بالك يا أبوالشباب .. عموماً طالما الموضوع قبائل ومناطق وعادات قديمة، فـI am out نحن حدنا واختصاصنا الخرطوم..
نعتذر وننسحب بهدوء..
Post: #44 Title: Re: جكسا في خط ستة Author: صبري طه Date: 10-09-2012, 05:17 PM Parent: #42
Quote: طوّل بالك يا أبوالشباب .. عموماً طالما الموضوع قبائل ومناطق وعادات قديمة، فـI am out نحن حدنا واختصاصنا الخرطوم..
نعتذر وننسحب بهدوء..
يا حبيب ياخي لسة بدري ... وأنا عبّرت عن زهجي عن السؤال حقيقة ...
بالنسبة للخرطوم أنا سمعت ولم أرَ أن الأقباط (الناس البيض) كانوا بلبسوا كصور تبارك (أها شُفت كيف) ... ودا الفرق ... المُشكلة البوست دا زي ما قُلت ليك مبتور لأنّو نصّو أو بدايتو في بوست تاني ...
تسلم ،،،
Post: #43 Title: Re: جكسا في خط ستة Author: صبري طه Date: 10-09-2012, 05:13 PM Parent: #38
Quote: صبرى طه سلامات بوست فى مكتبة Deng البوست يقع فى 6 صفحات. كشف الصدور قديما عند نساء السودان .
وعليكم السلام يا أم بدة ... إنت عارف بالطريقة دي حنرجع للوراء شوية شوية لحدّي ما نصل لآدم وحواء ذاتم ونقول ما كانوا بلبسوا ذاتو ...
أنا بأتحدث عن وضع اجتماعي عشتو ... وبحواري مع الأخت تيسير قبلت بي إنّو ندخل في الحتّة دي لحدّي زمن الحبوبات باعتبار إنّو الواحد ممكن يسأل عادي ويشوف الوضع كان كيف ...
أها أخد الصورة دي في بالك وأخد كلامي بكل ثقة إنو ما شفت يعني ما شفت لا في طبيعة ولا في صور خاصة ... بالنسبة للصور العامة برضو ما شفت .. وأهو منتظر ويا ريت يحددو الفترة متين عشان مافي زول يجيب لي صورة من سنة حفروا البحر برضو .. لأن العادات والتقاليد ذاتا ممكن تتغير مع تغير الزمن ... وعشان الناس ما يجيبوا لي صور قبائل خارجة عن إطار البيئة التي نشأت فيها .. حدّدت نقاشي بعرب الشمال ... شفت كيف ...
تسلم ،،،
Post: #45 Title: Re: جكسا في خط ستة Author: تبارك شيخ الدين جبريل Date: 10-09-2012, 05:19 PM Parent: #43
Post: #46 Title: Re: جكسا في خط ستة Author: صبري طه Date: 10-09-2012, 05:30 PM Parent: #45
Quote: غلاطك فشنك ياخ,, إنت وصاحبك المعاك القال ليك الكلام دا ما حصل!!!!
يا أيمن أخوي .. أنا ما عارفك فاهمني ولاّ لا ... ياخي في فرق بين اللبس القصير بي توب وبدون توب ودا متذكرو كويس ... وفرق بين صور تبارك (بقيت أكرر في الكلام) ...
موضة اللبس القصير دي أصلو ما بختلف معاك فيها ... ولكن الاختلاف في حدّو وين ...
والكلام دا مُش كلام صاحبي وبس ...
تسلم ،،،
Post: #47 Title: Re: جكسا في خط ستة Author: تبارك شيخ الدين جبريل Date: 10-09-2012, 05:35 PM Parent: #46
Quote: موضة اللبس القصير دي أصلو ما بختلف معاك فيها ... ولكن الاختلاف في حدّو وين ...
Quote: Re: جكسا في خط ستة
(يعني نتعمّغ نطير وين؟)
... المهم ....
Post: #49 Title: Re: جكسا في خط ستة Author: Salah Abdulla Date: 10-09-2012, 05:52 PM Parent: #46
Quote: ياخي في فرق بين اللبس القصير بي توب وبدون توب ودا متذكرو كويس ... وفرق بين صور تبارك (بقيت أكرر في الكلام) ... موضة اللبس القصير دي أصلو ما بختلف معاك فيها ... ولكن الاختلاف في حدّو وين ...
معليش يا صبري إضطريت أرجع تاني .. أول حاجة إنت زااااتك من وين؟؟؟ لأنك لو ما من الخرطوم أو واحدة من المدن الكبيرة، فحيبقى (حوار طرشان).. تانياً، منو القال ليك في فرق في اللبس القصير بي توب وبدون توب؟؟ تالتاً ، مافي أي فرق بين صورة تبارك بتاعت الخواجيات وبين لبس نسوان زمان (السودانيات). رابعاً ( وده الأهم) فيما يتعلق بسؤالك عن (حدو وين) خايف أقول ليك ( حدو في خط ستة ) تقوم تزعل ..
جاييك تاني ..
Post: #65 Title: Re: جكسا في خط ستة Author: وضاحة Date: 10-10-2012, 08:28 AM Parent: #45
Quote: (يا وضاحة ديل حبوباتنا البقيسوا ليهن الشعر ... أثناء تآمر على عكاز مقاس الزيت!)
طبارك
شكيتك على الله ديل جبتهم من وين هههههههههههههها
ياخى ديل ما حبوباتى وشعرن ما طبيعى حبوبتى ياخى لونة زى الدهب وشعر نااااعم نازل فى نص طهر والله العظيم رغم انوا ابيض والحين هى فى السبعينات من العمر الله يديها طولت العمر
يا زول ما تلصق فوقنا ساى ههههه
لكن القريبة شوف زمان بلبسوا كيف وهسي نحن محجبين وما مريحننا والله صحى زمن كان سمح
يا ريت لو حضروا زمن الشورط بتاعنا دا كان يكون ما بخلصوا خخخخخ
Post: #48 Title: Re: جكسا في خط ستة Author: ombadda Date: 10-09-2012, 05:50 PM Parent: #43
والله يا صبرى انا لسة ما قلت حاجة. لا مع ولا ضد. اتيت برابط البوست بتاع دينق لانه به مقال لشوقي بدرى والنقاش كان ثر يعنى فى كمية من الاعضاء with واخرين against ولو قريت البوست حتعرف انا مع منو.
Post: #50 Title: Re: جكسا في خط ستة Author: محمد البشرى الخضر Date: 10-09-2012, 06:58 PM Parent: #48
Quote: يا بُشاري يا حبيب ... تبارك وود البُشرى ديل من أذكى من قابلتهم وعندما أقرأ لهم أقرأ بتركيز عالي ...
المقتبس اعلاه من الصفحة الأولى في البوست دا جبتو لعناية تنظير و حموودي عشان ما يعملوا ما شافوه
Post: #51 Title: Re: جكسا في خط ستة Author: الامين موسى البشاري Date: 10-09-2012, 07:44 PM Parent: #50
Quote: المقتبس اعلاه من الصفحة الأولى في البوست دا جبتو لعناية تنظير و حموودي عشان ما يعملوا ما شافوه
الله يسامحك يا صبري ياخ بالطريقة دي ود البشـــرى دا تاني ما بنقدر نتكلم معاهو .... والله صحي
Post: #52 Title: Re: جكسا في خط ستة Author: أيمن الطيب Date: 10-09-2012, 08:23 PM Parent: #51
سلام تانى يا صبرى
Quote: بالنسبة للخرطوم أنا سمعت ولم أرَ أن الأقباط (الناس البيض) كانوا بلبسوا كصور تبارك (أها شُفت كيف) ... ودا الفرق ...المُشكلة البوست دا زي ما قُلت ليك مبتور لأنّو نصّو أو بدايتو في بوست تاني ...
السمعتو دا يا حبيب غير صحيح والحدد ليك إنو (الأقباط فقط) و(الناس البيض )هم البلبسو زى صور تبارك تانى ما تسمع منو أى حاجة لأنو الواضح من المعلومة المنقولة عنو إنو لا يعرف وخير له أن يقول ما عارف,,
Quote: ولكن الاختلاف في حدّو وين ...
إنت رايك شنو!!!
Post: #53 Title: Re: جكسا في خط ستة Author: تبارك شيخ الدين جبريل Date: 10-09-2012, 09:37 PM Parent: #52
رسالة أخرى من "صبري طه" ... يشكو فيها محدودية الكوتا:
Quote: تبارك سأفترض أنّ هذه الصورة خاصة بالجعليين أو الرفاعيين أو أي قبيلة من قبائل عرب الشمال .. أصلو ما بكذّبك ...
هل شاهدت مثل هذه الصورة على الطبيعة يا تبارك وفي القبائل التي ذكرتها (وبنات عرب) ؟
الإجابة مهمّة لأنو برضو الفترة الزمنية مهمّة ...
الصورة حوالي 1930 ومتأخرة عن الصورة الأولى بحوالى 25 عامًا ...
في رأيي أن التغييرات وظاهرة "تطويل الشعر" باستخدام "السلّة" واستبدال "رحط" السيور الجلدية بقرقاب القماش والتغييرات الثقافية التي بدأت في الظهور في تلك الحقبة ... على علاقة مباشرة بالاستعمار الانجليزي والتغييرات الإقتصادية وبدايات التمايز الطبقي بين المجموعات الأثنية النيلية المرتبطة بالعجلة الإقتصادية الإستعمارية والمجموعات القبلية والإثنية التي لم يتغير نظامها الإقتصادي بدخول الإنجليز ... حتى أن الإستعلاء العرقي وادعاء الإنتماء لجذور عربية ازداد وتحوّر في تلك الفترة ... فبعد أن كان هذا الإدعاء مرتبط بتجارة الرقيق والذهب وخطوط القوافل المصرية جاءت سكك حديد الإنجليز ووابوراتهم النهرية لتغيّر خريطة الدماء العربية في المنطقة ... وصحب هذا الإستعلاء تغيرات ثقافية تدريجية ... فاستقطبت القبائل النيلية "اللاوو" البيجاوي من شرق النيل أولاً ... ولبسنه الجعليات والجهنيات بلا شيء سوى "القرقاب" وأمطن عن صدورهن عند الرقص كما اعتدن في عادة الرحط قبل دخول الانجليز ... ورويدًا رويدًا صار الرقص بالرحط مقصورًا على العروس ومراسم الزفاف فقط بينما تبنى العامة خط ريفي استبدل القرقاب الداخلي بفستان افرنجي تحت اللاوو (التوب) وخط مدني تبنى المودا الانجليزية كما هي ... وخط "امدرماني" مزيج بين الاثنين ... بينما بقيت الإثنيات غير المرتبطة اقتصاديًا بالمراكز الإستعمارية على درجة ابطأ في التغيير الثقافي ...
فبنات السودان حتى بدايات الثمانينات يلبسن "جكسا في خط ستة" دون أي تحرج (ربما يكون التحرج من ظهور مودات الخنافس والشارليستون!)
... المهم ....
Post: #55 Title: Re: جكسا في خط ستة Author: Salah Abdulla Date: 10-09-2012, 10:01 PM Parent: #52
Quote: (يعني نتعمّغ نطير وين؟)
أسألني دبل!!
Post: #56 Title: Re: جكسا في خط ستة Author: قيقراوي Date: 10-09-2012, 10:46 PM Parent: #55
Quote: لغاية طفولتنا القريبة
ؤ دي كانت في المهدية مش!؟
----------
يا صبري وكت مافي حاجة اسمها جكسا في خت ستة، طيب اللسم دا جا من وين!؟ معقولة بس!؟ معقولة كووولنا نكون اتوهمنا الشغلة دي ساي كدا بس؟
ثم ثانياً شايفك عاوز تناقش المسألة دي برا سياقاتها التاريخية والاجتماعية ... ما ممكن ياخي امكان عامة يعني شنو في الزمن داك؟ وهل كان كلو زول ساعي ليو ايفون مجهز بكميرتين؟ علي بالحلال الكميرا كنا نشحدا نصور بيها العرس .. ونرجعا لي سيدا .. وهي وااادة في الحي يجيبوا ليك صور من وين؟ اهو قاعدين نحمض ليك في الصور المخزونة في رامات النساء والرجال .. لكن اظنك ما بتصدق الا الكميرات الديغيتال بس .. وكأن التاريخ قد بدأ في موعد اقصاه الآن
Post: #57 Title: Re: جكسا في خط ستة Author: الامين موسى البشاري Date: 10-09-2012, 11:05 PM Parent: #43
Quote: وعشان الناس ما يجيبوا لي صور قبائل خارجة عن إطار البيئة التي نشأت فيها .. حدّدت نقاشي بعرب الشمال ... شفت كيف ...
صبري طه العريس ... الهلالابي المغلاط غايتو أكلتني حنك في حكاية الفطرة المجتمعية دي
غايتو عندك غلاط كدا بتعرفو براك ياخ موضوع لبس النساء للرحط كان قريب جدا وحينها لم يكن صدر المرأة عورة وكانت تقريباً كل نساء السودان يلبسنه والموضوع دا محســــوم سلفاً قلته لي عايز صورة من عرب الشمال؟ طيب هاك الصورة دي من الشمالية تحديداً شايف النخيل والجروف دي موجودة في جوبا مش كدا؟ صبري أقرأ شوية عليك الله ياخ هاك الرابط دا هنا في بوست كتبه الراحل خالد الحاج بوست قيم جدا يا ريت تقراهو برضو مع الاسف صوره كلها اتمسحت مع تغيير مركز رفع الملفات القديم حقهم وماف زول فكر يجدد الصور دي مع الاسف كدا اكتب الرحط بس وقوقل الموضوع دا
تحياتي
Post: #58 Title: Re: جكسا في خط ستة Author: بشرى مبارك ود السقاى Date: 10-09-2012, 11:45 PM Parent: #57
قصه جكسا فى خطة سته هى أن الكابتن نصرالدين عباس جاكسون وجده يبدو أنه من جذور (الفرنجة ) كان ولازال وسيماً وفاتح اللون (أبيض بالعربى كده ) وكان لبس اللاعبيين للشورت (قصير جداً جداً ) وقد ظهر الكابتن جكسا فى بداية تألقة ونجوميته بعد هدف المولد الشهير فى المريخ فى بداية الستينيات من القرن الماضى !!فكان لبسه فوق للركبة مثل لبس الفتيات فى ذلك العهد فما أدرى هل لبس جكسا كان الاول أو لبس البنات ولكت (قد يكون هناك تزامن بين الموضوعين ) . شاهدت جكسا فى مباراة تكريمة فى العام 1980م بكلية الشرطة برى وقد أرتدى (طُلبه ) وهى لبسه للتدريب بيضاء وللرياضة أيضاً ولكن عندما لبسها جكسا بانت وكأنها (جكسا فى خط سته ) رغم أن اللبسة بمثابه (فنله وليست شورت ) . تخريمة : أحداهن وكانت تلبس جكسا فى خط سته وتوب شفون وحايمة فى سوق أمدرمان فما كان من واحد حمش (رباطابى ) جلده وقال ليها لو عندك والى دى محلى فى السوق خليهو يجى يقابلنى !!! أظنو ده (الطفش البنات من جكسا فى خط سته !!!عفييت منو ). غايتو جكسا فى خط سته أنا شفتها حتى فى أرياف العاصمة وكانت شىء عادى كنا نشاهده فى أعياد (الكباشى ) من فتيتات أشتهرن بصناعة المناديل وبيعها بأنفسهن فى أعياد الفطر والاضحى بالكباشى(البنات من خارج الكباشى ولا داعى لذكر المنطقة ولكنها منطقة مشهورة وقبابها معروفة برضو)!! وكنا صغار فى بداية (المراهقة ) فى المتوسطة ولكن كنا نشاهد أعمامنا وأبناء القرية الكبار (يتكشمو زى نار القصب مع صاحبات المناديل ) . وكم شاهدنا أحدهم وهو يفتخر بإسم صاحبه المنديل الذى أشتراه بخمسة قروش عندما كان القرش قدر البرش .
Post: #59 Title: Re: جكسا في خط ستة Author: تبارك شيخ الدين جبريل Date: 10-10-2012, 00:28 AM Parent: #58
Quote: (البنات من خارج الكباشى ولا داعى لذكر المنطقة ولكنها منطقة مشهورة وقبابها معروفة برضو)!!
احتمال يكونوا رباطاب حمشين ... عليك الله بطّل تخاريف ... في زول بيجلد ليهو بت في الشارع بى سبب هدومها وما بينكتل؟
(لو الفكرة دي حايمة ليك في راسك انساها ... الإشاعات ما حا تخليها ممكنة في يوم من الأيام!)
ازدواجية المعايير عند السودانيين وإدعاءهم لى هوية ثقافية مثالية مستحيلة ... هو الجهجه الهدوم والعيشة والأخلاق وأي شي في السودان!
... المهم ....
Post: #60 Title: Re: جكسا في خط ستة Author: سيف النصر محي الدين Date: 10-10-2012, 01:18 AM Parent: #59
غايتو اهلنا كلهم كانو بيلبسو البتاع ده و نحوه اللهم الا القاعدين في البلد كانو متكمكمين بالتياب و بالفرد. ياخ فستان بي اكمام ده انا ما شفتو الا في التسعينيات الميلادية.
Post: #61 Title: Re: جكسا في خط ستة Author: طارق جبريل Date: 10-10-2012, 01:48 AM Parent: #60
يا صبري ازيك ياخ غايتو ما عايز انظر لكن امشي حيطتي في الفيسبوك حا تلقى صورة لي حبوبتي نفيسي مع اخوها جدي عثمان اها الصورة بالضبط بتكون العشرينيات او الثلاثينيات من القرن الماضي اها دي ما عارف حا تكون جكسا في خط كم لكن يشهد الله حبوبتي عديييييييييل وانا كتبت عنها كتير هنا وانا ما عايز اجيب الصورة هنا
Post: #62 Title: Re: جكسا في خط ستة Author: الصادق اسماعيل Date: 10-10-2012, 04:18 AM Parent: #61
Quote: وانا ما عايز اجيب الصورة هنا
سفراً بـ(الماوس) ما بعيد
Post: #63 Title: Re: جكسا في خط ستة Author: الصادق اسماعيل Date: 10-10-2012, 04:30 AM Parent: #62
Post: #64 Title: Re: جكسا في خط ستة Author: صبري طه Date: 10-10-2012, 08:22 AM Parent: #63
Quote: طارق جبريل كتب:يا صبري ازيك ياخ غايتو ما عايز انظر لكن امشي حيطتي في الفيسبوك حا تلقى صورة لي حبوبتي نفيسي مع اخوها جدي عثمان اها الصورة بالضبط بتكون العشرينيات او الثلاثينيات من القرن الماضي اها دي ما عارف حا تكون جكسا في خط كم لكن يشهد الله حبوبتي عديييييييييل وانا كتبت عنها كتير هنا وانا ما عايز اجيب الصورة هنا
لا عليك الله تم الناقصة وجيبها .. المافي شنو ؟
واحد بيستشهد لي بي صورة خاصة فيها حبوبتو ومعاها أخوها .. فتأمّل !!!
Quote: الصادق إسماعيل كتب: طالبات التمريض 79
يا حبيب .. نفسي أعرف صورة طالبات التمريض دي فيها شنو .. قدر ما دنقرت لي تحت ما شُفت حاجة ؟
Quote: سيف النصر محي الدين كتب: غايتو اهلنا كلهم كانو بيلبسو البتاع ده و نحوه اللهم الا القاعدين في البلد كانو متكمكمين بالتياب و بالفرد. ياخ فستان بي اكمام ده انا ما شفتو الا في التسعينيات الميلادية.
بتاع شنو يا سيف النصر ياخ .. على كل حال أنا حأعمل رد مزدوج لأخونا تبارك والبُشاري .. وركّز فيهو كويس عشان تعرف إنت والأخ أيمن البوست ذاتو شايت وين ؟
Quote: أم بدّة كتب: والله يا صبرى انا لسة ما قلت حاجة. لا مع ولا ضد. اتيت برابط البوست بتاع دينق لانه به مقال لشوقي بدرى والنقاش كان ثر يعنى فى كمية من الاعضاء with واخرين against ولو قريت البوست حتعرف انا مع منو.
أم بدّة مشيت أنا للبوست وشفت الحاصل فيهو شنو .. وإن شاء الله أسمع رأيك هنا بصراحة ...
ـــــــــ
Post: #66 Title: Re: جكسا في خط ستة Author: صبري طه Date: 10-10-2012, 09:42 AM Parent: #64
Quote: تبارك شيخ الدين جبريل كتب: الصورة حوالي 1930 ومتأخرة عن الصورة الأولى بحوالى 25 عامًا ...
يعني شاهد ما شافش حاجة ... ذكّرتني عادل إمام لمّا قال للقاضي هو معاكم .. القاضي قال ليهو لا مُش معانا .. طوّالي قبّل عليهو وضربو ... وقال ليهو أنا ناقص ... دا من جانب يا تبارك .. ومن جانب تاني جايب لي صورة من سنة حفروا البحر والصورة بتتحدّث عن كشف الصدر وليس عن جكسا في خط ستة مع إنو حتى زمن المهدية في القرن التاسع عشر كما أشار الأخ قيقراوي انظر ماذا فعلوا:-
وإنت هنا بتكتب إنو الصورة سنة 1930 على كلٍ سآخذ إنّهم كانوا خارج عن سُلطة المهدية وبرضو حأفترض إنهن من قبيلة الجعليين والرفاعيين وبقول ليك فهل كنّ يمشين وسط غير المحارم بهكذا لبس وبيقودني للكلام دا كلام جبتو إنت ذات نفسك في الاقتباس أدناه:-
Quote: تبارك شيخ الدين جبريل كتب: فاستقطبت القبائل النيلية "اللاوو" البيجاوي من شرق النيل أولاً ... ولبسنه الجعليات والجهنيات بلا شيء سوى "القرقاب"
كلامك دا يا تبارك أخوي بيؤكد إنّو اللاوو دا كنّ يلبسنه الجعليات والجهينيات مع القرقاب .. ثمّ إنّو دا كلّو يا تبارك برجّعني لسؤالي لك بعد جلبك للصورة .. أنت يا تبارك وبي شنباتك شاهدت الصورة دي على الطبيعة وعلى غير محارمك في أماكن عامة يتسوقن أو يدرسن مثلاً ؟ ولو عايز تعرف لماذا إصراري على تحديد الفترة الزمنية .. أرجع لرد الأخت تيسير علي ولردّي عليها وليعرف معك من لم يسعفهم فهم مسار النقاش حتى تاريخه .. من خلال ردّي على الأمين البُشاري أدناه:-
Quote: الأمين البُشاري كتب: ياخ موضوع لبس النساء للرحط كان قريب جدا وحينها لم يكن صدر المرأة عورة وكانت تقريباً كل نساء السودان يلبسنه
يا البُشاري ... قريب متين ؟ يعني مثلاً يا البُشاري أخوي بتعني إنو البنات كانن بلبسن الرحط بشكل عادي وكاشفات للصدور في السنة الفاتت دي 2011 ... أم أنّ الصورة التي جلبتها تحكي عن تاريخ يعود للفترة من 1800-1956 حسب ما هو مبيّن في موقع الراكوبة ... هذا إن صحّت نسبتها لقبيلة عربية ولم تكن لواحدة من الإماء التابعات لعرب الشمال كما هو مُتعارف عليه في تلك الفترة ؟! وطالما أنّ الحكاية جابت ليها رجوع للتاريخ حتى القرن التاسع عشر وليس مرتبطاً بمسار نقاشي مع الأخت تيسير والذي أتى ردّها لي في الاقتباس أدناه:-
Quote: تيسير عووضة كتبت: طبايع غير شنو يا صبري الله يهديك؟ معظم السودانيات كان أماتنا ولا خالاتنا وعماتنا لغاية قريب دا كانوا بيلبسوا فوق الركبة في الأماكن العامة والرجال قبلانين وماشايفين فيها حاجة أصلاً من بقوا يلبسوا عبايات الخليجيين دا ياهو التطبع بطبايع الغير
Quote: وهذا ردّي على الأخت تيسير عووضة:-
Quote: صبري طه كتب: يا تيسير غايتو أنا فترت من الغُلاط .. وكلامك عن اللبس فوق الركبة بالنسبة للسودانيات دا غايتو إلاّ في بيئة غير البيئة التي نشأت فيها أنا دا وإلاّ في زمن غير الزمن الأنا عشت فيهو دا .. حتى الصور القديمة موجودة صور الحبوبات موجودة يا تيسير .. ما عندنا غايتو نحن لبس فوق الركبة ولا سمعتها حتى من ناس البندر (المطلوب العادة السائدة وليست القاعدة الشاذّة) ... يا أخوان/ت .. الحبوبتو/أمو/خالتو/حبوبة أمو/ كانت بتلبس فوق الركبة يقول أنا ما تتلبدوا الموضوع لأجل إثراء النقاش
عليك الله يا حبيب وبدون مُكابرة هل صورتك أعلاه يمكن أن أعتدّ بها فيما يخص عبارة الأخت تيسير عووضة والتي تقول: معظم السودانيات كان أماتنا ولا خالاتنا وعماتنا لغاية قريب دا كانوا بيلبسوا فوق الركبة في الأماكن العامة لغاية قريب دا بتاعة الأخت تيسير دي .. حدّك فيها وين يا البُشاري .. أنا ما عندي مانع إنّو القريب دا يكون 40 سنة مثلاً .. أها يا الحبيب يعني عايز تقنعني إنو في عام 1973م زي صورتك دي رغم إنها ما موضوعي مع الأخت تيسير لأنها بترتبط بكشف الصدر وليس اللبس فوق الركبة كانت لبس عادي عند بنات عرب الشمال ويلبسنها أمام غير المحارم ؟ حبوبتي يا الحبيب عايشة وهي مولودة قبل تاريخ تبارك الفوق دا يعني قبل تاريخ 1930م وبالمناسبة أخونا صلاح عبدالله بسأل أنا من وين ؟
دعني أعرّج بالرد على أخونا صلاح عبدالله لأنّو سألني أنا من وين ...
طيب يا صلاح أخوي أنا من مدينة رفاعة ... أها شُفت شوقي بدري الموجود في الرابط الذي أتى به البُشاري في مُداخلته أعلاه ذو صلة قرابة قريبة جداً من بابكر بدري .. وبابكر بدري كما تعلم هو مؤسس أوّل مدرسة لتعليم البنات في السودان .. وكان تأسيس المدرسة دي في رفاعة ... دا إذا عايز تعمل المُقارنة حضر وريف وتعليم واستنارة ... فيا حبيب البنات واللي أنحن هسي في البوست دا بنتحدّث عن لبسهن (وركّز في مُداخلة تيسير والخالات والعمّات والحبوبات اللي لحدّي قريب دا .. بس عشان تضبط معاي الفترة الزمنية) أها البنات ديل أول مدرسة قامت ليهن في السودان عندنا برفاعة ... وبرضو بقول ليك مما تفتّحت عيناي في هذه المدينة التي أصبحت رمزاً لتعليم المرأة السودانية لم أُشاهد فيها امرأة لابسة فوق الركبة على الطبيعة أو في صورة كما بيّن تبارك بصور الغير سودانيات ... شُفت كيف يا الحبيب ...
أرجع ليك يا تبارك ويا البُشاري ... استغرابي حسب كلام تيسير يُدلل على أنّ ما أتت به وإن وُجد في مُحيط بنات العرب في الأماكن العامة فهذا يُعدّ قاعدة شاذة لا يُعتد بها لتبيان مُمارسات وسلوكيات مُجتمع في فترة زمنية مُحدّدة ... فأرى أنّه لا يُمكن لعادة سائدة ومُتعارف عليها وتُشكّل غلبة نسبياً في فترة زمنية محدّدة أن تكون محل نزاع (موجودة وغير موجودة) بين من هم من نفس البيئة/المنطقة ...
وللجميع كل الود والتقدير ،،،
ـــــــ
Post: #67 Title: Re: جكسا في خط ستة Author: الامين موسى البشاري Date: 10-10-2012, 10:34 AM Parent: #66
Quote: لغاية قريب دا بتاعة الأخت تيسير دي .. حدّك فيها وين يا البُشاري .. أنا ما عندي مانع إنّو القريب دا يكون 40 سنة مثلاً .. أها يا الحبيب يعني عايز تقنعني إنو في عام 1973م زي صورتك دي
صبري طه ازيك يا حبيب
كويس الليلة عامل حسابك عشان ما تفقد سوائل زي أمبارح نعم يا صبري في الستينات والسبعينات من القرن الماضي كانوا النسوان بلسبن كده وكانت حاجة عادية جداً وما فيها حاجة والا انت جبته عبارة جكسا في خط سته من وين؟ كشف الصدر للنسوان عمره لا يتعدى المائة عام يا حبيب واللبس فوق الركبه دا كان في الستينات والسبعينات برضو موجود يمكن أنت ما حضرتو حضروه ناسس وضاحة وتيسير وتبارك أما أنا فحكوا لي وقريت كتير عن الموضوع دا وشفته بعيني قلت جيبو لي صورة من الشمالية جبناها قلت لا دي عبيد ورقيق يا زول كبر الصورة وشوف الشلوخ سمح ياخ يا صبري ما تبقى زي الجماعة القالوا: والله لن نؤمن لك حتى نرى الله جهرة وارجع أقرا مداخلة طارق جبريل ونازك الطيب وتبارك وأنا ......... الخ يعني نحن ديل كلنا كضابين ولا شنو؟ عارف مشكلتك ما بتقتنع كلو كلو ... (الله يعين المدام عليك) ومحاورتك زي محاورة الأخوان برشم الله يطراهم بالخير بجدعو الكورة قدامهم وبتموا الباقي جري ...... والله صحي النسوان زمان كانوا بلبسوا قصير وفاتحات صدورهن الموضة رجعت تاني في الفترة دي الستينات والسبيعات وأنا القدامك دا حضرتها وشفته ناس لابسين كدا .. اها تاني شنو لغاية يوم الليلة دي يا صبري ثقافة العري وعدم لبس الهدوم دي قاعدة في جنوب كردفان وفي الجنوب وفي بعض اجزاء دار فور والشرق والشمال ... الخ الخ يا زول انت كان رجعت السودان امشي قيف النيل (جهات الري المصري والفتيحاب وأبو روف) بتملص امفكو وبتقع البحر وماف زول بكون شغال بيك وحات الله فترة قريبة الحكاية دي موجودة ياخ غايتو انا آمنت يقنعك رب العالمين بس في الكورة لأنكم ما عندكم حاجة كنا بنقدر عليكم لكن هنا الظاهرة الفورة مليون
تحياتي
Post: #68 Title: Re: جكسا في خط ستة Author: صبري طه Date: 10-10-2012, 10:50 AM Parent: #67
Quote: والا انت جبته عبارة جكسا في خط سته من وين؟
يا بُشاري تنبيه ... جكسا في خط ستة جابها تبارك شيخ الدين وأنا اخترتها منه كعنوان وضعته لهذا البوست الذي يبدأ بمداخلته التي توضّح جكسا في خط ستة ... إيه رأيك جكسا في خط ستة تعريفها عند أبناء جيلنا ليس كما أشار لها تبارك شيخ الدين ... شُفت كيف .. ولو تابعت ردودي على تبارك في البوست المفترع منه البوست دا حتلقى أنا شرحتها لي تبارك لكن ما مُشكلة بورّيك نحن كنّا وما زلنا بنستخدم جكسا في خط ستة في الوصف لي شنو من خلال المقتبس أدناه:
Quote: صبري طه كتب: يا تبارك لا جهلول ولا يحزنون ... في عُرف جيلنا نحن "جكسا في خط ستة" ليس كالصور التي جلبتها ...
أشرحها ليك: في لبسة اسمها خطوة فاتحة من خلف الإسكيرتي ... أها يا حبيب لمّا الإسكيرتي يكون قصير نوعاً ما وهو بالطبع تحت الرُكبة في كل الأحوال مع المشي بيظهر الجزء الأعلى من الساق في الخلف وكلّما اتّسعت الفتحة زاد ظهور الساق حتى يصل مرحلة ظهور جزء من الفخذ ... أها يا حبيب دي عندنا إسمها جكسا في خط ستة ...
لو الحاجة دي عند جيلكم مافي ما تصف الناس بالجهل ملح ساكت كدا ...
Quote: وارجع أقرا مداخلة طارق جبريل ونازك الطيب وتبارك وأنا ......... الخ يعني نحن ديل كلنا كضابين ولا شنو؟
غايتو شكلها الحناء شالت فيك ... كدي أمشي جيب لي نجيضة طارق .. لأنّو أكتر واحد هنا جاب لي النجيضة وقال أمشوا شوفوا صورة حبوبتو ...
ــــــ يا بُشاري سؤال مهم ياخ وهو:- أنت قلت أن جكسا خط ستة بتاعكم طبعاً كان موجود الستينات والسبعينات ... إذاً لماذا اختفى في فترة الثمانيات قبل 1983م ؟
السبب شنو .. لأنّو بعد 83 ممكن نقول قوانين سبتمبر ... أها الفترة من 80 - 83 دي ليه اختفى فيها (وبالمناسبة الفترة دي أنا بأتذكرها زي جوع بطني) ولم أرَ فيها جكسيكم دا ...
بس ما تقول لي لأنو جكسا لاعب الهلال اعتزل الكُرة :)
ــــــــ
Post: #69 Title: Re: جكسا في خط ستة Author: الامين موسى البشاري Date: 10-10-2012, 11:44 AM Parent: #68
Quote: القمر بوبا عليك تقيل
الصغيرة شجيرة الأراك
يا قمر عشرة الفي سماك
شاغلة روحي و قلبي المعاك
وين لقيتك لا من أباك
القمر بوبا عليك تقيل
الصغيرونة الما كبيرة
الرقيبة قزازة عصير
السنون براقهن يشيل
العيون مثل الفناجيل
ما بتحش قش التناقير
ما بتشيل جردل على الزير
الزراق فوقها تقول حرير
شتتي الشبال يا أم ضمير
خلي قلوب الصبيان تطير
إنت ريحتك دمور فرير و لا بت السودان أصيل
القمر بوبا عليك تقيل
الجزيرة أم بحرا حمى
فيها روحي و حبي النمى
ما بسيبها إن بقت في السماء
ما بخلي الناس تظلمها
روحي في دربك سايمها
يا غرقت يا جيت حازمها
القمر بوبا عليك تقيل
الغزال الفوق في السلم
المحبة تزيدي الالم
كل يوم أصبح لي في هم
سيسبان عودك منظم
شمعدان نفسك يا أم ختم
القمر بوبا عليك تقيل
الصغيرونة أم الجنا
يا كريم ربي تسلمها
تبعد الشر من حلتها
جنة للأم الولدتها
الفي جبل عرفات وضعها
دي ترباية حبوبتها
التميرة الفي سبيطتها
الصفار صابغ خدرتها
معذورة أمها كان دستها
وا هلاكي الناس شافتها
معذباني أنا ود حلتها القمر بوبا عليك تقيل
الدفيفيق الدابو ني
البسيمتو تكويني كي
أهلو ضنوا عليها و علي
حبها النساني والدي
ما بخليه إن بقين حي
يا قصيبة السكر الني
ووب على أمك و ووبين علي
القمر بوبا عليك تقيل
القديمة قديم الحمام
الوزيزين في موجو عام
ياما رايقة قليلة كلام
واحلاتها تقول السلام
القمر بوبا عليك تقيل
الديوان الديمة مقشوش
بالزهور و الورد معروش
بالحرير الأصلي مفروش
ريحتو مايقوما بلا رتوش
كان دوا أصلو ماهو مغشوش
كتروا الزاد منو في الحوش
القمر بوبا عليك تقيل
بحر الدميرة العب و نزل
مر يسقي الفل و النخل
فيهو عام وزين أو قدل
ياني أنا البيك عقلي إنشغل
بعت روحي عشان ليك أصل
و إنت أبعد لي من زحل
القمر بوبا عليك تقيل
المبارك شيخ الظهر
العليك ساسقت و فترت
كلي جنيت و لا دسترت
واي أنا المرضان مكنتر
جابوا لي حكيم خيرو شر
قال لي يا زول مرضك كتر
سببك كم شلاخا خدر
القمر بوبا عليك تقيل
العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ما تقول برحمن
القمر بوبا عليك تقيل...
يا صبري شوف الزول دا بوصف في البت دي كيف من فوق لااااااا تحت ياخ غايتو في زمنكم انتم الا تشـــوفها في حوض سباحة ودا اسماعيل حسن الشاعر
تقرأ القصيدة أعلاه مع
في بسيمو عقد الدر *** في صدرو جوز تفاح
وكذلك البرتكان نهدك مدردم
الجماعة الظاهر ستروا الفوق وخلوا التحت
نعود ليك لكلامك الفوق دا :
Quote: صبري طه كتب: يا تبارك لا جهلول ولا يحزنون ... في عُرف جيلنا نحن "جكسا في خط ستة" ليس كالصور التي جلبتها ...
أشرحها ليك: في لبسة اسمها خطوة فاتحة من خلف الإسكيرتي ... أها يا حبيب لمّا الإسكيرتي يكون قصير نوعاً ما وهو بالطبع تحت الرُكبة في كل الأحوال مع المشي بيظهر الجزء الأعلى من الساق في الخلف وكلّما اتّسعت الفتحة زاد ظهور الساق حتى يصل مرحلة ظهور جزء من الفخذ ... أها يا حبيب دي عندنا إسمها جكسا في خط ستة ...
لو الحاجة دي عند جيلكم مافي ما تصف الناس بالجهل ملح ساكت كدا ...
أول حاجة تعريفك للعبارة جكسا في خط ستة زاتو مغلوط و(غلت) جكسا في خط ستة هو وصف يطلق على ملابس الفتاة وهذه الملابس أو الاسكيرت يكون فوق الركبه بكثير وبالتالي يكون قريب من القوون زي ما خط ستة قريب من القوون وما عندو علاقه لا بفتحة ولا كسرة ولا ضمة يا صبري ولو مغالطني أسأل عمر البشير لأنو في يوم من الأيام وصف ليهو مسؤولة أمريكية بأنها لابسه جكسا في (خت) سته صبري طه بتعرف الميني جيب ولا لا؟
Quote: المينى چيب - من الفرنساوى: minijupe ، انجليزى: miniskirt -، هى جونله قصيره للبنات و الستات بتوصل لفوق الركبه. انتشرت المينى چيب و بقت لبسه شعبيه و وصلت لذروتها فى لندن فى ستينات القرن العشرين و لسه رايجه لحد النهارده بالذات عند الشابات و المراهقات. الميكروجيب من انواع الجونلات المينى لكن اقصر منها. اتعرفت موضة المينى چيب فى مصر فى فترة الستينات و انتشرت بين البنات فى القاهره و اسكندريه و ظهرت كتير فى الافلام المصريه. قبل رواج المينى چيب الجونلات القصيره كانت بتتلبس فى الالعاب الرياضيه زى التنس. http://arz.wikipedia.org/wiki/%D9%85%D9%8A%D9...9_%D8%AC%D9%8A%D8%A8
اها ياهو دا جكسا في خط سته ....... والله صحي
Quote: إذاً لماذا اختفى في فترة الثمانيات قبل 1983م ؟
دا ما موضوعنا وعادات الشعوب دالة في متغيرين هما (الثقافة ، الزمن) المهم انو كان موجود يا حبيب أقول ليك حاجة يا صبري جدك ادم كان عريان امفكو وحبوبتك حواء زاتها كانت امفكو وحتى بعد ما اكلا من الشجرة برضو الناس كانت عرايا لغاية قصة هابيل وقابيل وبرضو ما انستروا لأنو في ناس ليوم الليلة دي عرايا خلي جكسا في خط سته
تحياتي
Post: #70 Title: Re: جكسا في خط ستة Author: صبري طه Date: 10-10-2012, 12:45 PM Parent: #69
البُشاري حتة أم فكو في زمن تاني غير زمنّا مسار النقاش وفي مجتمعات غير المجتمعات القصدتها حيبقى زي ما نتناقش عن الدوري السوداني والدوري الإسباني ... يعني موضوع آدم وحواء وموضوع في ناس في جنوب كُردفان دا أنا أصلاً أنا ما اعترضت عليهو وما عندي عليهو اعتراض ...
Quote: أول حاجة تعريفك للعبارة جكسا في خط ستة زاتو مغلوط و(غلت) جكسا في خط ستة هو وصف يطلق على ملابس الفتاة وهذه الملابس أو الاسكيرت يكون فوق الركبه بكثير وبالتالي يكون قريب من القوون زي ما خط ستة قريب من القوون وما عندو علاقه لا بفتحة ولا كسرة ولا ضمة يا صبري ولو مغالطني أسأل عمر البشير لأنو في يوم من الأيام وصف ليهو مسؤولة أمريكية بأنها لابسه جكسا في (خت) سته صبري طه بتعرف الميني جيب ولا لا؟
أها شُفت يا بُشاري دي في حدّ ذاتا مُشكلة ومُشكلة كبيرة ... قول لي كيف .. يعني شايف صرف العربي الفوق دا كلو عشان اقتنع بي حاجة أنا ما شاهدتها وشوف إنت هسي بتغالط في حاجة أنا نطقتها بلساني وسمعتها بأضاني في وسط كنّا عارفين وفاهمين كويّس نحن قاصدين بيها شنو ...
غايتو إلاّ تغالطني بعد دا وتقول لي سمعك كان مجلّي ونطقك كان بالفرنسي ... أرجع وأقول ليك جكسا في خط ستة كنّا بنقولها وعارفين نحن قاصدين بيها زي ما شرحتها ليك فوق ... (وممكن تعتبرها استخدام تاني غير استخدام البعض ليها)
أما بخصوص الفترة بتاعة الثلاثة سنوات واللي أنا وإنت على ما أعتقد إنّو بنتذكرها كويس أصبحت خارجة عن القسمة البنشوف بيها زي صور تبارك الغير سودانية ... يعني نندب حظّنا ونقول يا ريت لو إتولدنا قبل ثلاثة أو أربعة سنوات ولاّ شنو البُشاري أخوي ؟
ثلاث إلى أربع سنوات فرقت معاي وأهو البُشاري جايي يقنعني ويقول لي:
Quote: دا ما موضوعنا وعادات الشعوب دالة في متغيرين هما (الثقافة ، الزمن)
غايتو فارق الثقافة والزمن ومتغيراتن الذكرتها دي واللي هو فرق معانا أنا وإنت بي ثلاثة سنوات بذكّرني الآية التي تقول:
ــــــ يعني أنا وإنت ومن لفّ لفّنا خلينا مع البحر المالح وتبارك ومن لفّ لفه خليهم يشربوا الموية الطاعمة
ــــــ أو نشتري لينا مُركب ونتلّب منّها بي غادي .. فما رأيك
Post: #71 Title: Re: جكسا في خط ستة Author: صبري طه Date: 10-10-2012, 02:27 PM Parent: #70
ثورة اكتوبر 1964
خروج الناس للشارع يتم بشكل عشوائي وكذلك مُشاركة النساء تتم بشكل عشوائي .. أنا اعتبرته عينة عشوائية تصوّر لي مظهر الناس وقتها من حيث اللبس ... هذا الفيديو طوله 23 دقيقة و 20 ثانية .. وخلال كل اللقطات التي ظهرت فيها نساء .. لم أرَ جكسيكم الفي خط ستة دا ... على العكس تماماً وجدت خلاله النساء محتشمات أكثر مما هن عليه في زماننا هذا !!!
السؤال: هل تمّ منعهن من الخروج لهذه الثورة وهنّ مرتديات جكسيكم الفي خط ستة دا ؟ أم أنّ للثورات زي خاصٌ بها كما الجلابية البيضاء المكوية في يوم العيد ؟
ـــــــــ يا البُشاري بسحروك ليَّ هنا الظريفة أحمد القرشي طه يشبه لاعب الهلال جكسا ... لكن برضو ما شُفت خط ستة
Post: #72 Title: Re: جكسا في خط ستة Author: تبارك شيخ الدين جبريل Date: 10-10-2012, 03:05 PM Parent: #71
Quote: يعني شاهد ما شافش حاجة ...
انت ... هناي؟
سألتني من الشفتو ... وضحت ليك وجبت ليك صورة ... سألتني من الصورة ... اديتك تاريخها وجعرافيتها ... انا شخصيًا ماشفت الصورة دي إلاّ أول امس بعد دست الرابط الجايبو امبدا ... يعني لغاية اول امس "ما شافش" الصورة ظاطو ...
(هناي دي مقصود بيها "عريس" ... مخك ما يمشي لى بعيد )
بعدين الصور الفي فيديوك دا عن الإستقلال ما اكتوبر ... الجزء الليهو علاقة بى المظاهرات جايبينوا من انتفاضتنا على الشريعة سنة 1985... وممنتجة بواسطة التلفزيون الغتّس حجرنا بى طريقة خبيثة ... في حوالى الدقيقة 8:10 بيظهر جامع النيلين دا بناه اكتمل 1984 بعد اعلان الشريعة ... ياخي المناسبة بتاعة الإستقلال دي حوا الطقطاقة فصّلت ليها توب مخصوص ... ما يجوا بى جلاليب مكوية؟
هم - بالمناسبة ما بيغنوا للجلابية بالصدفة - الوكت داك اتعلموا لبس الجلاليب والبدل جديد ...
وانا قلت ليك ما بجيب ليك صور خاصة ... وطارق جبريل قال ما بجيب ... انت ما بتفهم؟
... المهم ....
Post: #73 Title: Re: جكسا في خط ستة Author: صبري طه Date: 10-10-2012, 09:19 PM Parent: #72
الجزء الخاص بصور التلفزيون يا تبارك سأبحث أمره وأرى إن كانت كل الصور تابعة لانتفاضة أبريل أم لا ...
Quote: وانا قلت ليك ما بجيب ليك صور خاصة ... وطارق جبريل قال ما بجيب ... انت ما بتفهم؟
ما بفهم كيف يعني .. هسّي طارق جبريل دا أنا لونتو بالأحمر ليه ؟
ثمّ ثانياً صورك الخاصة لن تفي بالغرض إنت قُلت خاصة وعايز تعتدّ بيها (كيف يعني ؟) طيّب ممكن الواحد يتصوّر في الحمّام (أها في حالة صور الحمّام الخاصة دي يعني حأجي أقنع لي زول إنّي بمشي أم فكّو ودليلي على ذلك هي الصور دي ؟
Post: #74 Title: Re: جكسا في خط ستة Author: صبري طه Date: 10-10-2012, 09:36 PM Parent: #73
Quote: نازك الطيّب كتبت: والله يا صبري يا خوي غلاطك دا قرب يخليني اجيب صور عماتنا وبنات اهلنا الفيها الفساتين قصير ة والاكمام كط والشعر تسريحة في الكوفير وكلهم كانوا في الصور بشبهو جاكلين كيندي الغريبة بعض الصور كان فيها معاهم اولاد العائلة الصور من النوع البكون فيها الولد عندو انحناء للرأس بالجمبة ديك و الشعر كتييييير ....بعض هولاء الاولاد هم الان من الرجال المتزمتين دينيا وربما ( دون كيشوتات) للمشروع الحضاري حاليا و الطرحة دي يعميني فيها....توب يمكن شفتا مرات فوق الهدوم القصير ة لكن طرحة كانت رابع المستحيلات زمن كان العائلات بتمشي سينما يوم الخميس وتقضي وقت جميل في كازينو النيل الازرق و تتعشى في المطعم الافريقي في الفندق الكبير وكلو بالهدوم القصيرة زي في صورة تبارك المكوتة انت دي بالضبط
غايتو يا نازك أختي .. ما بقدر أقول ليك كذّابة .. بس ما مُقتنع إنّها كانت عادة سائدة والناس بتتعامل معاها بشكل طبيعي ... كدي أقري رد أخونا القال دقّ ليهو واحدة وحالتها لابسة توب ... دقّاها ليه لو كانت المسألة دي عادية ؟
Quote: نازك الطيّب كتبت: الغريبة انا ما بشجع الناس تلبس كدا الان لانو الزمن بقا كعب وهم ذاتم يقولو ليك الله يغفر لينا(ربنا يغفر ليهم...... آمين)
أها يا عمّتك .. دي الحاجة الجنّنت بوبي وخلتو عمل ليهو صفحة في الفيس بوك وسمّاها "ناس راح ليها الدّرب" ... يعني هل هم مقتنعين إنّو لبسهم دا كان غلط من منظور ديني ولاّ الفهم شنو ؟ (أنا غايتو ما عايز أدخل الدين في النقاش دا بقدر الإمكان) ...
Quote: نازك الطيّب كتبت: لكن المحيرني الناس دي كانت متصالحة مع تفسها بشكل عجيب.... وين مشى التصالح د اً؟ اكيد في حاجة غلط ؟؟
طالما كانت متصالحة مع نفسها وربطت الكلام دا بما ترتديه من ملابس .. أنا شايف مفروض يتجلّى التصالح دا في أسمى صوره وهو إنها تمشي ساي (أم فكّو) مُش قلتي متصالحة ... لو الكلام دا ما أقنعك معناها التصالح دا عندك نسبي يعني في تصالح بالمصري كدا "أوي" وفي تصالح "مش أوي" بالمناسبة دي ذكّرتني مسرحية عادل إمام وجملة "شخط أوي وما شخطش أوي" راجعي اليوتيوب حتلقيها في مسرحية شاهد ما شافش حاجة لأنّو الممثلة رفعت فستانها أعلى رُكبتها مظهرة جزء من فخذها .. يعني بقت عاملة كدا زي جكسا في خط ستة
Quote: نازك الطيّب كتبت: حاشية: السودانيات في الصور ديك كانو من اجمل البنات في الارض انيقات ورشيقات لاسائلين في لبنانيات ولا حبشيات ولا مغاربة ولا موريتانيات و بدون كريمات كمان الان اللون بقا مايل للابيض و الاوزان زايدة بصورة عجيبة.... و الرجال مشو يفتشو برا السودان على بنات لابسين زي نسوان السودان زمان)
أريتن لو رجعن عشان على الأقل كان ارتحنا من مولد بوستات الزواجات الحايمة اليومين ديل ... واحد عايزها مغربية والتاني موريتانية والتالت ما عارف شنو ... أختنا حليمة2 لمّا شافت البورة الشينة دي على بنات بلدها فكّرت تفكّها ليهن بالبيجو والمارسيدس والفورد وهكذا موديلات
ـــــــــــ
Post: #75 Title: Re: جكسا في خط ستة Author: صبري طه Date: 10-10-2012, 09:52 PM Parent: #74
وعشان الناس ما تمشي بعيد لجملة "شخط أوي" شاهدوا الفيديو ...
ـــــــ ولكم في هذا الفيديو عبرةً يا بورداب
Post: #76 Title: Re: جكسا في خط ستة Author: احمد الأمين على إدريس Date: 10-10-2012, 10:11 PM Parent: #74
صبرى ازيك ياخ انا غايتو شفت صور ياما من النوع البقولوها ليك ناس تبارك ديل بعدين يا صبرى ياخ بدون صور بدون ايو حاجة زاتو كونك تكون انت ما شفت ولا رأيت دا مايمنع انها كانت موجودة وسائدة ياخ فايدتى العظمى من بوستك دا ولا واحداً شبهو غايتو عن نفس الموضوع انى عفصتلى رابط لى تبارك يكتب فيه لحبيبتو وعنها امتعنى والله جد جد كما يمتعك ميسى يا صبرى بل ازيد قليلاً والمهم زاتا شبه كشفنا نومتا كان ما خانتنى قراية الاضنين فهو المهم والناس جميع مابتهمها وعليه جرى توقيعه المميز
امنية اخيرة اتمنى دخول عمر الفاروق هنا ان شاءالله بسبب جكسا سااى كان ماليهو فى الباقى :)
ودمتم جميعاً بخير وعافية
Post: #77 Title: Re: جكسا في خط ستة Author: قيقراوي Date: 10-11-2012, 00:25 AM Parent: #76
Quote:
ثمّ إنّو دا كلّو يا تبارك برجّعني لسؤالي لك بعد جلبك للصورة .. أنت يا تبارك وبي شنباتك شاهدت الصورة دي على الطبيعة وعلى غير محارمك في أماكن عامة يتسوقن أو يدرسن مثلاً ؟
انا دا شفتا بعيني الح ياكلا الدود دي والله جد
وتقريباً كنت الوحيد المشتغرب .. ودا ذاتو خلاني استغرب .. بعد شوية فترت من الاستغراب .. بقيت ما مستغرب كلو كلو
-------
الكلام دا في بداية تسعينات القرن المنصرم وفي مدينة كبيرة شنو ليك!؟
Post: #78 Title: Re: جكسا في خط ستة Author: Egbal Elmardi Date: 10-11-2012, 02:09 AM Parent: #77
سلام لسيد البوست والزوار
عندنا زوله جارتنا بنتها قامت في حكاية الحجاب دي أيام الشريعه وبقت منجضه ليك أمها ده حرام وده حلال.. الأم زهجانه منها وما قادره تقول حاجه... قامت الأم مشت الحج .... جات من الحج البت بقت ناطه ليها كل دقيقه ... يا أمي حرام تلبسي بلا كم إنتي زوله حاجه الأم قالت ليها الرسول يا بتي كان نصحتيني...أنا ما بلبس كم...وبدل الزنب الواحد ببقن زنبين.... وحات الله أنا الكم ده لمن البسو أتقول لابساهو في نخرتي...بحميني النفس....
.......بالمناسبه جارتنا دي من الشماليه....
Post: #79 Title: Re: جكسا في خط ستة Author: Salah Abdulla Date: 10-11-2012, 05:16 AM Parent: #78
يا جماعة صبري ده رايحة ليهو ونسه ساي .. خلوه في حالو بالله..
غُلات زي ده، اصلو ما شفناه*..
----------- (دي أغنية لعوض الكريم عبدالله)
Post: #80 Title: Re: جكسا في خط ستة Author: صبري طه Date: 10-11-2012, 07:45 AM Parent: #79
Quote: قيقراوي كتب: انا دا شفتا بعيني الح ياكلا الدود دي والله جد
وتقريباً كنت الوحيد المشتغرب .. ودا ذاتو خلاني استغرب .. بعد شوية فترت من الاستغراب .. بقيت ما مستغرب كلو كلو
------- الكلام دا في بداية تسعينات القرن المنصرم وفي مدينة كبيرة شنو ليك!؟
يا قيقا إنت طيّب جبت النجيضة .. بدلالة أهو استغربت .. طيّب منظر زي دا لو كان عادي لماذا استغرب قيقراوي وقال كعادل إمام "يا خراااابي" ؟
Quote: صلاح عبدالله كتب: غُلات زي ده، اصلو ما شفناه*..
يا صلاح يا حبيب .. إنت شكلك بتعامل معاي زي ما أكون جيت شايل مصاحف وقاعد أحلف بيها بالدور لعدم وجود مثل صورة تبارك ... يا حبيب ركّز في كلامي قبل ما تقول تعليقك دا ...
في فرق بين عادة سائدة وحالة شاذة ... يعني يا صلاح لو غالطتك في الثوب السوداني مثلاً حأكون زول راح لي الدّرب ساي ... كونك إنت دا صلاح شُفت حالات زي دي بي شحمها ولحمها .. دا ما معناه إنّو دي كانت طبيعة المجتمع كدا ... قد تجد البعض تأثر بالإنجليز أو بالمصريين أو بالأتراك وهكذا ...
أها يا ود البندر إنت .. أنا الغالاط دا سألت من هم أكبر منك بكثير هل شاهدوا مثل صور تبارك على الطبيعة فنفوا مُشاهدتهم لها وفي البندر كمان ... القصة ما قصة صدقك وصدقهم .. القصة قصة حاجة منتشرة وغير منتشرة ... حالة عادية وحالة شاذة ... وهكذا ...
ياخي لو تأملتوا رد الأخت تيسير لي واللي هو تسبب في افتراعي لهذا البوست ستجدوا أنّها تصف الحالة وكأنّها عادية جداً زيّها وزي التوب ... وطبعاً المقصود في الأماكن العامة ... شغل الخاص دا في ناس بلبسوا من غير هدوم عديل كدا ...
Post: #81 Title: Re: جكسا في خط ستة Author: صبري طه Date: 10-11-2012, 08:00 AM Parent: #80
عناية تبارك شيخ الدين جبريل
تشييع أحمد القرشي 1964م
Post: #82 Title: Re: جكسا في خط ستة Author: Nazik Eltayeb Date: 10-11-2012, 08:46 AM Parent: #80
(بالمناسبة دي ذكّرتني مسرحية عادل إمام وجملة "شخط أوي وما شخطش أوي" راجعي اليوتيوب حتلقيها في مسرحية شاهد ما شافش حاجة لأنّو الممثلة رفعت فستانها أعلى رُكبتها مظهرة جزء من فخذها .. يعني بقت عاملة كدا زي جكسا في خط ستة )
شكرا صبري على المثال الكوميدي لكن كلام عادل امام بتاع مش اوي ما بنطبق نهائياً على كلامي لانو انا اتكلمت عن فترتين زمنيتين
الفترة الاولى الناس بتلبس قصير لكن في احتشام في السلوك و قبول للآخر ودا االتصالح مع الذات ولاني من ناس اليومين ديل لمن اشوف انو المجتمع كان آمن و معدلات الجريمة منخفضة و التشدد الديني معدوم حاسمي دا تصالح مع النفس و الغير لانو ما سمعنا بواحدة جلدوها لانو لابسة قصير مثلا ولا سمعنا انو المجتمع استنكر هذا الزي (هل تسميتي خاطئة ؟لا ادري). الفترة الثانية (هذا الزمن) نفس هولاء الناس عندما انتشرت نزعة التدين (وهذه لا ينكرها الا مكابر) ينظرون للماضي ويقولون (ربنا يغفر لينا ) لكن هذا التدين و الاستغفار مظهري فقط . ببساطة المعايير اختلت الناس بقت بتشوف انو الحرام لبس بنطلون وشرب خمر و عدم احتشام ولا ترى الحرام في اكل اموال الناس بالباطل و النهب و السرقة والرشوة و المحسوبية و الكذب و الظلم و قتل النفس وتشريد الآمنين .
ملخص : 1-ناس زمان لابسين قصير ويمكن بشربوا لكن معاييرهم الاخلاقية الاخرى عالية جدا 2-ناس اسي لابسين طويل و مربطين و لكن بعملوا السبعة وذمتا سراً ، القابضنوا في الخور قابضنو والفي شقة قابضنوا والدقون ما تديك الدرب واول ما يطلع المكرفون يقول ليك هي لله وطبعا هو او هي اول من يسارع لاكل الحرام والرشوة. 3- ناس زمان لمن كبروا في زمنا دا بقو يقولوا الله يغفر لينا (مجاراة للموجة التى تري التدين في المظهر فقط ربما) وليعد عادل امام لقواعده سالماً حتى نحتاجه
Post: #83 Title: Re: جكسا في خط ستة Author: Abdullah Idrees Date: 10-11-2012, 09:15 AM Parent: #82
يا صبري انا من عرب الشمال الاتكلمت عنهم انت تحديدا .. ناس الارياف .. كلام تبارك صحيح الى حد كبير بالذات حته تغير المفاهيم .. في السبعينات وانا صغير وقتها رايت مثل هذه الصور في الاعراس ، لم تكن الثقافة السائدة في القرى لكن كانت موجودة في المناسبات والاعراس وفي الصور الجماعية بتاعة البنات في المدارس وموجودة اسي في البوماتنا في البيوت بالذات صور العروس كانت جكسا "تحت الصفر" ، اللبس المعروف للبنات غير المتزوجات كان اسمو الشوال وهو فستان تحت الركبة بقليل لا يختلف كثيرا عن الصور المعروضة ، اطول شوية ونص كم وبلسوهو بدون توب و كان عادي جدا بجيبوا بيهو الحطب والموية من البحر ، الطرحة ما كنت مهمة ، تخيل يا يا صبري انهم كانو بعومو في البحر ؟ يا صبري مجتمعنا كان متسامح ونضيف ومتحضر جد البنات لمن يعومو مافي شاب بقرب منهم رغم انهم بعومو بقمصانهم دي حاجة انا شفتها بعيني ، وين اسي؟ البتغرف هين موية من البحر يقطعوا يدها .. لكن في المدن اللبس ده كان عادي وشفناهو كتير .. تحياتي
Post: #84 Title: Re: جكسا في خط ستة Author: طلحة عبدالله Date: 10-11-2012, 09:32 AM Parent: #83
طيب يا جماعة وطالما موضوع (خط ستة ) دا مهم كدا ويستحق كل الجوطة دي ففي الحالة دي يبقي موضوع ( اظهار رقم ) برضو من الأهمية بمكان فياريت واحد يتكرم يفتح لينا بيهو بوست وأهو الواحد ع الأقل يقضي وقتو في حاجات مفيدة . من جهة تانية يا صبري طه الناس الفوق ديل كلهم صدقني لن يقتنعوا بانك إتا الصاح وهم الغلط مالم ترشهم بسؤال سؤالين من ( سؤالاتك ) . رشهم يا صبري طه رشهم .
Post: #86 Title: Re: جكسا في خط ستة Author: صبري طه Date: 10-11-2012, 09:43 AM Parent: #83
Quote: عبدالله إدريس كتب: يا صبري مجتمعنا كان متسامح ونضيف ومتحضر جد البنات لمن يعومو مافي شاب بقرب منهم رغم انهم بعومو بقمصانهم دي حاجة انا شفتها بعيني
بس كلامك فيهو تناقض يا عبدالله ... لماذا لا يقترب منهم الشباب طالما أنّ المجتمع كان متسامحاً ؟
Quote: طلحة عبدالله كتب: طيب يا جماعة وطالما موضوع (خط ستة ) دا مهم كدا ويستحق كل الجوطة دي ففي الحالة دي يبقي موضوع ( اظهار رقم ) برضو من الأهمية بمكان فياريت واحد يتكرم يفتح لينا بيهو بوست وأهو الواحد ع الأقل يقضي وقتو في حاجات مفيدة . من جهة تانية يا صبري طه الناس الفوق ديل كلهم صدقني لن يقتنعوا بانك إتا الصاح وهم الغلط مالم ترشهم بسؤال سؤالين من ( سؤالاتك ) . رشهم يا صبري طه رشهم .
يا طلحة إنت لعبت لي باص تشافي هيرنانديز ما يلعبو خاصة للذين يقولون أنّ اللبس الساتر الحالي فرضه واقع وسـخــان .. مع العلم يا طلحة أخوي أنا بشوف إظهار رقم أشدّ إثارة من جكسا في خط ستة ...
ـــــــــ
Post: #85 Title: Re: جكسا في خط ستة Author: صبري طه Date: 10-11-2012, 09:34 AM Parent: #82
الأخت نازك الطيب أتت بمثال خاص وعندما رددت عليها وسألتها سؤالاً بخصوص "الله يغفر لينا دي" قلبت الشغلانة عام بدليل إنّو ما حأقدر آخد من وصفها العام دا إنو أهلها هسي بيأكلوا أموال الناس بالباطل ولكن عادي ممكن في لبسهم في الماضي يقولوا "الله يغفر لينا" ... على العموم ما علينا (أو كما قالت ندى القلعة) ... كامل احترامي لكِ ولأسرتك الكريمة ...
Quote: نازك الطيب كتبت: شكرا صبري على المثال الكوميدي لكن كلام عادل امام بتاع مش اوي ما بنطبق نهائياً على كلامي لانو انا اتكلمت عن فترتين زمنيتين
كلامي كان واضحاً ويحمل معنى: إذا كان التصالح مع النفس مرتبط مع اللبس .. فلا داعي للبس من أصلو .. وحقّو الناس كان تمشي أم فكّو .. وأنتِ من أوردت التصالح مع النفس في ردّها بخصوص موضوع البوست وهو هيئة للبس النساء في فترة زمنية معيّنة تلخيص لعلاقة تصالحك مع موضوع البوست: (يعني كانوا بلبسن كدا والناس كانت متصالحة مع نفسها وما بتعاين لغرض)
Quote: نازك الطيب كتبت: الفترة الاولى الناس بتلبس قصير لكن في احتشام في السلوك و قبول للآخر ودا االتصالح مع الذات ولاني من ناس اليومين ديل لمن اشوف انو المجتمع كان آمن و معدلات الجريمة منخفضة و التشدد الديني معدوم حاسمي دا تصالح مع النفس و الغير لانو ما سمعنا بواحدة جلدوها لانو لابسة قصير مثلا ولا سمعنا انو المجتمع استنكر هذا الزي (هل تسميتي خاطئة ؟لا ادري). ]الفترة الثانية (هذا الزمن) نفس هولاء الناس عندما انتشرت نزعة التدين (وهذه لا ينكرها الا مكابر) ينظرون للماضي ويقولون (ربنا يغفر لينا ) لكن هذا التدين و الاستغفار مظهري فقط . ببساطة المعايير اختلت الناس بقت بتشوف انو الحرام لبس بنطلون وشرب خمر و عدم احتشام ولا ترى الحرام في اكل اموال الناس بالباطل و النهب و السرقة والرشوة و المحسوبية و الكذب و الظلم و قتل النفس وتشريد الآمنين .
غايتو يا نازك أختي .. ما حصل شُفت أولاد الحلّة مسكوا ليهم بت جلدوها في الشارع عشان لابسة كدا كتعبير لحالة المُجتمع الرافضة لقبول الآخر ... إلاّ يكون قصدك قوانين النظام العام والحاجات التي فرضتها حكومة الإنقاذ .. فإذا كان هذا هو قصدك بالطبع حكومة الإنقاذ لا تمثّل إلاّ نفسها ولا تمثّل المجتمع الذي نعيش فيه ... تحليلك لا محلّ له من الإعراب وما استفدته منه هو نقد مبطّن لسياسة حكومة الإنقاذ في الفترة الأولى ... وفي فترتك الثانية وإن كان منه من مسّ المجتمع نوعاً ما تأثراً بنظام الإنقاذ .. فلا زلت أرى فيه تبطيناً لنقد حكومة الإنقاذ ...
Quote: نازك الطيب كتبت: 1-ناس زمان لابسين قصير ويمكن بشربوا لكن معاييرهم الاخلاقية الاخرى عالية جدا
ولا يُمارسون الرذيلة مع بت الجيران .. ولكنهم يُمارسونها في الإنداية (قيمة أخلاقية سالبة تنتقل من مكان إلى مكان آخر)
Quote: نازك الطيب كتبت: 2-ناس اسي لابسين طويل و مربطين و لكن بعملوا السبعة وذمتا سراً ، القابضنوا في الخور قابضنو والفي شقة قابضنوا والدقون ما تديك الدرب واول ما يطلع المكرفون يقول ليك هي لله وطبعا هو او هي اول من يسارع لاكل الحرام والرشوة.
كذلك ناس زمان بعملوا السبعة وذمتها .. وفهمت أنّك تقصدين الاختلاف في اللّبس وادّعاء التدين ... يعني ناس زمان غير منافقين وناس هسّي مُنافقين .. ولكن يا نازك خلينا من ادّعاء التديّن ... التديّن نفسه بشحمه ولحمه قد لا يقي الناس بشكل نهائي من الوقوع في المعاصي .. والمعاصي أشكال وألوان (شفتِ كيف) ...
Quote: نازك الطيب كتبت: 3- ناس زمان لمن كبروا في زمنا دا بقو يقولوا الله يغفر لينا (مجاراة للموجة التى تري التدين في المظهر فقط ربما)
إذا لم يسرقوا وينهبوا ويأكلوا أموال الناس بالباطل ويظلموا .. فلا مُشكلة من الاستغفار للجزئية التي اكتشفوا أنّها خطأ .. ولو استغفروا بشكل عام لكل الخطايا بيكون أشمل وأفضل ...
Quote: نازك الطيب كتبت: وليعد عادل امام لقواعده سالماً حتى نحتاجه
عادل إمام خليهو يجهجه لينا ناس تبارك ديل .. آه نسيت إنّهم من الجيل المُتصالح مع نفسه ؟
ولكِ كل الود والتقدير ،،،
ـــــــ
Post: #87 Title: Re: جكسا في خط ستة Author: صبري طه Date: 10-11-2012, 10:11 AM Parent: #85
وعشان الناس ما تمشي بعيد لجملة "ما علينا بتاعة ندى القلعة دي" شاهدوا الفيديو ...
ــــــــ الفيديو من سلسلة إيلام فايز ود القاضي
Post: #88 Title: Re: جكسا في خط ستة Author: Abdullah Idrees Date: 10-11-2012, 10:30 AM Parent: #87
مافي اي تناقض يا صبري في احترام للخصوصية واعتراف بالاختلاف ودي قمة التحضر .. بنات بعوموا انت مالك ؟ بالفهم ده يعني ..
Post: #89 Title: Re: جكسا في خط ستة Author: صبري طه Date: 10-11-2012, 10:45 AM Parent: #88
Quote: مافي اي تناقض يا صبري في احترام للخصوصية واعتراف بالاختلاف ودي قمة التحضر .. بنات بعوموا انت مالك ؟ بالفهم ده يعني ..
ــــــ طيّب لما يمشن في الشارع بمشوا معاهن في نفس الشارع ولاّ بمشوا بي شارع تاني بي منطق كلامك مفروض عادي كلّهم يعوموا مع بعض
Post: #90 Title: Re: جكسا في خط ستة Author: Abdullah Idrees Date: 10-11-2012, 11:04 AM Parent: #89
عادي شنو ياخي .. اقول ليك خصوصية تقول لي عادي .. الكلام ده يعني انو المرأة لم تكن مرادفا للشيطان كما تصورها الافكار الاصولية الصحراوية الوافدة التي تغلغلت في مجتمعنا الآن ..
Post: #91 Title: Re: جكسا في خط ستة Author: أيمن الطيب Date: 10-11-2012, 12:07 PM Parent: #90
يا صبرى سلامات يا حبيب,,
Quote: مع العلم يا طلحة أخوي أنا بشوف إظهار رقم أشدّ إثارة من جكسا في خط ستة
يبقى البورد موعود ببوست كارب وعمران بخصوص خدمة إظهار الرقم مع وجود خاصية المس كولات والبنطلون خالى المسؤولية مع فصل الدين عن الدولة بوجود الGS!!!
يا صبرى ياخ حيرت الغلات فى راسو دا!!
تحياتى..
Post: #92 Title: Re: جكسا في خط ستة Author: تبارك شيخ الدين جبريل Date: 10-11-2012, 01:52 PM Parent: #91
Quote: أها يا ود البندر إنت .. أنا الغالاط دا سألت من هم أكبر منك بكثير هل شاهدوا مثل صور تبارك على الطبيعة فنفوا مُشاهدتهم لها وفي البندر كمان ... القصة ما قصة صدقك وصدقهم .. القصة قصة حاجة منتشرة وغير منتشرة ... حالة عادية وحالة شاذة ... وهكذا ...
والله السلفية غلبهم يغيّروا الواقع ... دايرين يغيّروا الحقايق التاريخية ...
(انا السنة دي متفاجئ بى وهابية صبري طه وصلاح عباس فقير ... لا حول ولا قوة إلاّ بالله)
... المهم ....
Post: #93 Title: Re: جكسا في خط ستة Author: محمد البشرى الخضر Date: 10-11-2012, 02:09 PM Parent: #92
Quote: يا بُشاري يا حبيب ... تبارك وود البُشرى ديل من أذكى من قابلتهم وعندما أقرأ لهم أقرأ بتركيز عالي ...
يا تنظير بلا اظهار رقم بلا لا يوجد لديك رصيد الكوت اعلاه - في الصفحة الأولى - ما تعمل رايح منو
Post: #94 Title: Re: جكسا في خط ستة Author: الامين موسى البشاري Date: 10-11-2012, 02:14 PM Parent: #91
Quote: يبقى البورد موعود ببوست كارب وعمران بخصوص خدمة إظهار الرقم مع وجود خاصية المس كولات والبنطلون خالى المسؤولية مع فصل الدين عن الدولة بوجود الGS!!!
ولبن الطير .... وإظهار الرقم في الرياض السعودية (خارج أسوار قصر الوليد بن طلال وبرجه العاجي )
... المهم ...
Post: #96 Title: Re: جكسا في خط ستة Author: داليا حافظ Date: 10-11-2012, 02:39 PM Parent: #95
Quote: إذاً لماذا اختفى في فترة الثمانيات قبل 1983م ؟
السبب شنو .. لأنّو بعد 83 ممكن نقول قوانين سبتمبر ... أها الفترة من 80 - 83 دي ليه اختفى فيها (وبالمناسبة الفترة دي أنا بأتذكرها زي جوع بطني) ولم أرَ فيها جكسيكم دا ...
بس ما تقول لي لأنو جكسا لاعب الهلال اعتزل الكُرة :)
ههه لا بكون أغترب ..فشفشتا مرارتي ياخ ..هسة المشكلة بقت في الفترة بين 80لـ83 دي المغلباك ..
اقول ليك حاجة..قول كوع
Post: #101 Title: Re: جكسا في خط ستة Author: صبري طه Date: 10-11-2012, 07:15 PM Parent: #96
Quote: داليا حافظ كتبت: ههه لا بكون أغترب ..فشفشتا مرارتي ياخ ..هسة المشكلة بقت في الفترة بين 80لـ83 دي المغلباك ..
اقول ليك حاجة..قول كوع
يا داليا حافظ .. دي ما مُشكلتني أنا لو قريتي الردود كويّس ... دي مُشكلة الأمين موسى البُشاري .. واللي هو حكوا ليهو يعني (آآآآآآآآلولو) إنو في الستينات والسبعينات البنات كانن بلبسن كدا ... وهو كونو قريب منّي في العمر معناها بيتذكر الثمانيات ... فيبقى يجي يشرح لي مُشكلة الثمانيات قبل تطبيق الشريعة ليه ما شاف ... ولو قال في الفترة ديك كان عندو ضعف نظر (أهو برضو وجهة نظر)
ـــــ ثمّ يا ناس المرارة لو كانت القصة على قوانين فُرضت لتقييد الناس في اللبس .. أنا بعرف ناس عايشين في أمريكا وأوروبا ومن زمان ولم يلبسوا جكسا في خط ستة دا
Post: #108 Title: Re: جكسا في خط ستة Author: الامين موسى البشاري Date: 10-12-2012, 00:32 AM Parent: #101
Quote: دي مُشكلة الأمين موسى البُشاري .. واللي هو حكوا ليهو يعني (آآآآآآآآلولو) إنو في الستينات والسبعينات البنات كانن بلبسن كدا ... وهو كونو قريب منّي في العمر معناها بيتذكر الثمانيات ...
نقطة نظام يا صبري يا صبري والله العظيم أنا حكو لي عن الرحط لكن جكسا دا (موضوع البوست) شوف عين عدييييييييل الله يجيرك ياخ ودا كلامي القلتو فوق لبس الرحط ما حضرتو صاح لكن جكسا في خت ستة النصيحو حضرتها وشفتها عدييييييييييييييييل بعيوني ال حيأكلها الدود دي وبعدين يا صبري سنة 83 وفي تطبيق الشريعة كان ماف تضييق على اللبس نميري شالتو الهاشمية قام العرقي والويسكي وقفل 7 بيوت والعشش لكن ما كان في ذلك التضييق الموجود حالياً على اللبس .. ..
__ غايتو لو بتسمع كلامي تخلي البوست دا يحتل تحت
Post: #97 Title: Re: جكسا في خط ستة Author: omer osman Date: 10-11-2012, 02:42 PM Parent: #95
ياصبري تحياتي .......
اذا كان المطلوب اثباته في البوست ده هو وجود لبس جكسا في خط ستة بصورة عامة وليست حالات شاذة
انا القدامك ده شفت شوف العين الما كتلو غزال (لبس جكس في خط ستة) والكلام ده نحن نص نص لاصغار ولاكبار
في السبعينات شفتو شوف العين في الشارع العام وفي النادي السوري ، والنادي الايطالي والنادي الكاثوليكي (هسي بقو دار المؤتمر الوطني)
شفتو في النادي العربي (هسي بقه النادي الوطني بتاع جهاز الأمن) ، شفتو في النادي القبطي والنادي الارمني ونادي الخليج (بقي النادي الدبلوماسي)
وعيييييييييييييك واصلو ما كان قاصر على القبطيات او الناس الحمر !!!
ياصبري الخرطوم كانت مدينة غير !!! سوق نمرة 2 الواحد القاعد ده لو شفتو في الزمان داك تقول دي باريس
(ياخي انا في طفولتي بتذكّر حبوبات Topless ... وكنت قايل الحكاية خرف ... بعد ماتن وكبرت حتى فهمت الحكاية!)
... المهم ....
Post: #99 Title: Re: جكسا في خط ستة Author: أيمن الطيب Date: 10-11-2012, 04:48 PM Parent: #98
يا صبرى غُلات ,,,,, الدين النصيحة يا اللخو,,
Quote: (ياخي انا في طفولتي بتذكّر حبوبات Topless ... وكنت قايل الحكاية خرف ... بعد ماتن وكبرت حتى فهمت الحكاية!)
أنا شايف تبدأ تكبر اللفة من البوست العاضى دا شوية شوية,, عمك تبارك دا بدأ يوسع الخطو فى محاولاة إقناعك,,,القصة دى ممكن تشكل خطورة عليك ,,, أرجو أن تأخذ كلامى على محمل الجد,, يا جنابو صبرى دا كان ناقصو يشوف حفلة راس سنة فى النادى الأمريكى ولا كريسماس فى الألمانى أو عيد ميلاد فى الأرمنى فى الزمن قبل زمن التتار ما يهجموا,,, كان عفانا من الغلات الغير مؤسسى دا,, تحياتى,,
Post: #100 Title: Re: جكسا في خط ستة Author: صبري طه Date: 10-11-2012, 07:06 PM Parent: #97
Quote: في السبعينات شفتو شوف العين في الشارع العام وفي النادي السوري ، والنادي الايطالي والنادي الكاثوليكي (هسي بقو دار المؤتمر الوطني)
شفتو في النادي العربي (هسي بقه النادي الوطني بتاع جهاز الأمن) ، شفتو في النادي القبطي والنادي الارمني ونادي الخليج (بقي النادي الدبلوماسي)
وعيييييييييييييك واصلو ما كان قاصر على القبطيات او الناس الحمر !!!
يا جنابو أخوي ولماذا تخصيص هذه الأندية إن لم تكن حالات خاصة ارتبطت بالظرف المكاني أكثر من كونها ارتبطت بالظرف الزماني ...
يا عالم .. يرحمكم الله ... أفهموني قبل ما تحكموا عليّ بالغلاط وما شابه ذلك ...
صبري طه .. لم ينكر وجود مثل هذا اللبس نهائياً وقال أنه لم يراه لا على الطبيعة ولا على الصور لبنات عرب الشمال .. وسأل عدّة أشخاص فقالوا بنفس قوله ... وهذا لا يعني أنّ صبري طه قال أنه لا يوجد البتة (غايتو إلاّ أكون بعلم الغيب) لو رجعتوا لأوّل رد ذكرته للأخت تيسير قُلت لها عبارة حالات شاذة ...
يعني نسبة البلبسن كدا من بنات عرب الشمال حتكون ضئيلة مما يُضعف وجود جكسا في خط ستة كعادة سائدة ...
أنا شايف الناس مجتهدة عشان تقنعني بوجود هذا الزي .. ولو فهموا ردّي على الأخت تيسير لتكبّدوا عناء البحث وأتوا ليناقشونني بأنها كانت عادة سائدة وعادية زيّها وزي الثوب السوداني تلبس في أيّ مكان ...
مثال: لماذا لم يقل صبري طه بعدم مُشاهدته للقرقاب رغم أنّه أقدم من جكسا في خط ستة .. وكذلك لم ينفي أنّه كان عادة سائدة ؟ البخلّي داك تبش ودا عجور شنو ؟ يرحمكم الله ...
Post: #102 Title: Re: جكسا في خط ستة Author: قيقراوي Date: 10-11-2012, 07:28 PM Parent: #100
Quote: يا قيقا إنت طيّب جبت النجيضة .. بدلالة أهو استغربت .. طيّب منظر زي دا لو كان عادي لماذا استغرب قيقراوي
يا صبري انا استغربت في الـtopless ما في الجكسا في خت ستة .. آي عشان نكون في نفس الصفحة .. وما توحي لعزيزك القارئ بحاجة تانية وبما اني ما قدر طبارك .. فطبيعي اني استغرب .. لانو تقريباً الحاجة دي انقرضت (او شبه انقرضت الا من جيوب هنا و هنااااك .. محل شفتها داك) لذا لزم التنويه
----------
هاكم اظهار (الرغم)
Post: #103 Title: Re: جكسا في خط ستة Author: Halema2 Date: 10-11-2012, 08:05 PM Parent: #102
سلام صبري وضيوفه
في الدورةالمدرسية في 1لتمانيات كان الطالبات بلعبواالكرةالطايرة وكرة اليد بشورتات فوق للركبة في قصر الشباب الواحد دا
Post: #104 Title: Re: جكسا في خط ستة Author: Halema2 Date: 10-11-2012, 08:20 PM Parent: #103
Quote: صبري طه .. لم ينكر وجود مثل هذا اللبس نهائياً وقال أنه لم يراه لا على الطبيعة ولا على الصور لبنات عرب الشمال
ياصبري انا من البداية ساكتة ومادايرة الموضوع دا لكن لانو الغلاط طال انا يا صبري دنقلاوية وخالاتى وحبوباتى لبسوا الرحط دا ولبسوا المني جوب وخالتى الكبيرة الله يرحمها لمن سالتها كم مرة شاكلتنى وقالت لى ما انا براي الواطة دى كلها اشلخت ورقصت بالرحط وما تسالي كتير وهم كانوا قمة في الاحترام النوع المبتاكل مع نسيبها في صينية واحدة وما بتبيت في بيت بتها وبتقعد لو راجل حتي لو ولدها جا داخل
فما تدق في الموضوع دا شديد عرب الشمال ما احسن وحشمة اكتر من باقي القبائيل
تحياتى
Post: #105 Title: Re: جكسا في خط ستة Author: صبري طه Date: 10-11-2012, 08:49 PM Parent: #104
Quote: آي عشان نكون في نفس الصفحة .. وما توحي لعزيزك القارئ بحاجة تانية وبما اني ما قدر طبارك .. فطبيعي اني استغرب
يا قيقا ما تزعل ياخ ... شن جابك لتبارك بتاع التيوبلس.. المافي شنو ؟ وبما أنّ فترة التسعينات ذاتو اللبس دا ممنوع بقانون النظام العام حيبقى مثالك مجرّد حالة شاذة جداً جداً ...
Quote: في الدورةالمدرسية في 1لتمانيات كان الطالبات بلعبوا الكرة الطايرة وكرة اليد بشورتات فوق للركبة في قصر الشباب الواحد دا
يا حليمة2 .. أها هسي شوفي جنس مثالك دا مُش ياهو زي القاعدين نفتّش لي جكسا في خط ستة في خشم البقرة ... لعبة رياضية أكيد بلبسوا ليها أزياء معيّنة (ضرورة زي لمّا الطبيب يطعن المريضة حُقنة في مؤخرتها) ... وبعد انتهاء المُباراة حيمشن البيت بي الشورتات دي ولاّ حيلبسن لبسن العادي واللي أتوقّع إنو يكون ما جكسا في خط ستة ... مثالك لن أعتدّ به ... شوفي ليك حناء بتمسك حتى ولو كترتي ليها المحلبية .. على قول قيقا .. المافي شنو ؟
Quote: فما تدق في الموضوع دا شديد عرب الشمال ما احسن وحشمة اكتر من باقي القبائيل
يا حليمة أنا ما قصدي أميّز عرب الشمال أخلاقياً .. كل القصد إنّو عاداتهم وتقاليدهم ما بتسمح بي حاجات كتيرة ومن ضمنها جكسا في خط ستة دا .. ولو قلتو زمان في .. هسي مافي وبيعتبر حالات شاذّة ... وزي ما قُلت لداليا حافظ .. لو كانت القيود المفروضة من نظام الإنقاذ باسم الشريعة هي التي منعت من ظهوره .. فالكثير من بنات عرب الشمال لا يرتدين جكسا في خط ستة وهن في بلاد المهجر التي لا يعترض بعضها عليه ...
إذاً العادات والتقاليد لها دورها في مثل هكذا مُمارسات وسلوكيات ... وأنا برجع لتعليقي الأول وهو أن العادات والتقاليد والأعراف التي نشأت عليها لا تسمح لي بأن أدع زوجتي تلبس فوق الرُكبة ... والعايز يدقّ لي جرس في كلامي دا .. بقول ليهو خلاص يا حبيبي أسمح لزوجتك تمشي أم فكّو ...
ولكم كل التحايا والتقدير ،،،
ــــــــــ بمُناسبة الكرة الطايرة أنا القدّامك دا درّبت بنات في المتوسطة وفي الثانوي (توجد صورة) لكن لن أضعها إلاّ بعد مُعالجتها لتغطية وجوه البنات ... لبس البنات كان اسكيرتيات وأسفل الاسكيرتي لازم الواحدة تلبس بنطلون ...
بدون بنطلون أسفل الإسكيرتي ما بتتمرن ولو جا الجيش
Post: #106 Title: Re: جكسا في خط ستة Author: محمد البشرى الخضر Date: 10-11-2012, 08:59 PM Parent: #105
Quote: أنا القدّامك دا درّبت بنات في المتوسطة وفي الثانوي
أسّي تلقاهن هاريات رجالهن هري بالغلاط :)
Post: #107 Title: Re: جكسا في خط ستة Author: صبري طه Date: 10-11-2012, 09:38 PM Parent: #106
Quote: أسّي تلقاهن هاريات رجالهن هري بالغلاط :)
في جكسا في خط ستة ولاّ في خط ستة ولاّ في الخط ذاتو ؟
ــــــــــ
Post: #109 Title: Re: جكسا في خط ستة Author: تبارك شيخ الدين جبريل Date: 10-12-2012, 01:38 AM Parent: #107
اليافطة فوق (أقصى اليمين) ...ـب بأم درمان ... (لزوم الغلات)
ساعدنا بالتركيز ياخي بتجيب قون في مرماك بالطريقة دي
Post: #111 Title: Re: جكسا في خط ستة Author: تبارك شيخ الدين جبريل Date: 10-12-2012, 04:00 AM Parent: #110
تيوبليس دي ابيت اهبشها لأنها مصنفة (تلاتة صلايب ×××) في "لجنة المصنفات الاجتماعية" ... وانا "ود ناس" ما زي صبري طه ...
(هو صبري طه غلاتو دا كلللللو ... داير "يتفرج")
... المهم ....
Post: #112 Title: Re: جكسا في خط ستة Author: يحي قباني Date: 10-12-2012, 04:25 AM Parent: #111
Quote: في السبعينات شفتو شوف العين في الشارع العام وفي النادي السوري
والله سعادتك شفناهو زى شوفك ده بالحيل ...
بالله يا جنابو بنات النادي السوري الواحده فيهم زى القزاز ...تقيف قدامها و عينك للدورة الدموية لافة في جسمها ...
غايتو انحنا اخدنا نصيبنا من الدنيا دي ...
بالنسبة لي جكسا في خط 6 ... مش كان موضة وبس ... ياخي ده كان في شلل بتتباري في التلبس اقصر منو ...
علي اليمين الا تطلع فوق تربيزة حتين ما تشوف حاجة ...
Post: #113 Title: Re: جكسا في خط ستة Author: تبارك شيخ الدين جبريل Date: 10-12-2012, 04:42 AM Parent: #112
Quote: كل القصد إنّو عاداتهم وتقاليدهم ما بتسمح بي حاجات كتيرة ومن ضمنها جكسا في خط ستة دا
القصة ما سماح وعدم سماع ... القصة نظرة جمالية مختلفة ... يعني تمشي ورا القون ما مشكلة ... لاكين جكسا في خط ستة ما محبذ ...
(وافهم البتفهمو ... ما تسأل من تفاصيل ... نحن ما عندنا نظرة جمالية موحدة ... لاكين كل مدن السودان كانت "معولمة في يوم من الأيام)
... المهم ....
Post: #114 Title: Re: جكسا في خط ستة Author: حبيب نورة Date: 10-12-2012, 05:32 AM Parent: #113
أبقي شنطة فيها الكُتُب وأبقي طرحة أغتي الصلب لي بنات المدرسة ونادوا لي المدرسة
Post: #115 Title: Re: جكسا في خط ستة Author: صبري طه Date: 10-12-2012, 10:22 AM Parent: #114
تبارك شيخ الدين وقيقراوي .. شكلهم شكّلوا ثنائية زي روماريو وبيبيتو وجو عشان يقنعوني بالصورة الفوق دي إنّها دي جكسا في خط ستة زي صور تبارك شيخ الدين للغير سودانيات الموجودة في هذا البوست ...
تبارك أخوي أجيك من الآخر صورك لغير السودانيات الظاهر فيها هو الشخط (الفخذ) آسف لكلمة الشخط دي لكن أهو الواحد لازم يستخدمها عشان يوصل المعنى ...
ثمّ ثانياً يا مان .. حدّ الركبة دا إنت مُش جبتو في مثال العساكر ... أها الجديد شنو في الصورة دي ؟
Post: #116 Title: Re: جكسا في خط ستة Author: صبري طه Date: 10-12-2012, 10:50 AM Parent: #115
ويا تبارك ويا قيقراوي ويا بُشاري ... أها بقول ليكم الحاجة الغلبتكم لحدّي اللحظة إنّكم تثبتوها من خلال الصور ... أنا بأثبتها ليكم لكن برضو لم تقنعني كعادة سائدة تُمارسها نساء عرب الشمال زيّها وزي الثوب السوداني
إليكم هذه الصورة ... واحدة من اللاعبات (يبدو أنّها قبطية أو مصرية أو تركية) حد لبسها يشبه صور تبارك لغير السودانيات بدرجة كبيرة ... شفتوا كيف ؟
ترتيبها الثالث في بنات البعثة السودانية ...
يتقدم طابور العرض الدكتوره فردوس يوسف ممثلة الوفد السوداني يليها المدربين ملاسي ثم عبد المنعم ابو الدود
ثم يليهم اللاعبات سهام عباس - وفاء دياب - تغريد عبدالرحمن- اميره عبالله قلندر ثم اللاعبين الشبل عادل فريد طوبيا- والاعبين عبدالمنعم محمد سعد- كمال عباس- حامد- صالحيين
ــــــــــ ألذّ ما في الموضوع كلّو إنّو الواحد بيعمل رايح من تعليقات المُراد بها إقناعي وهي في نفس الوقت بتقنعني بصحّة كلامي ... مثال: واحد بيسألني إنت من وين وناس الأرياف ما زي ناس الخرطوم وهكذا لف ودوران ...
طيب يا الحبيب أخوي طالما أنّ الأرياف ما عندهم الحاجة دي ... ونسبة قد تكون ضئيلة أو زيدها زي ما عايز في الخرطوم بيلبسن كدا ... في ظل المُعادلة دي كيف حتحكم عليها إنها عادة مجتمع سودانية عامة وسائدة في المدن والأرياف ...
لو حاولت تطلّع نسبة لهذا الزي ... وجاملتك فيها بالنسبة لبنات عرب الشمال فلن أتعدّى الـ 3% وهذا يلائم كلامي بالحالات الشاذة .. في كل مائة ثلاثة .. وما أظن ذاتو
Post: #117 Title: Re: جكسا في خط ستة Author: معتصم دفع الله Date: 10-12-2012, 06:22 PM Parent: #116
غايتو طلعت من البوست دا بوهابية صبري طه
هدف البوست ما كان محدد يا صبري عشان كده قادك للحتة دي .. طبيعي إنه تكون في إختلافات في عادات وتقاليد كل أنحاء السودان .. عشان كده ما بتقدر تنفي وجود جكسا في خط ستة ولا 18 .. لقد حضرت وشاهدته بنفسي وزي ما قالوا ليك الشباب فوق دي موضة كانت سايدة في ذلك الوقت .. ولم تكن هنالك نظرة سالبه تجاهها ..
في صورة ح أجيبه ليك بكره من جهاز تاني إن شاء الله ..
تحياتي ..
Post: #118 Title: Re: جكسا في خط ستة Author: طلحة عبدالله Date: 10-12-2012, 07:05 PM Parent: #117
أسأل يا صبري طه كان عايز توزع العالم دي أسأل . ...................... جرجير عندك شهو ع أنو الكلام الفوق دا مقصود بيهو إتا ؟ وأوع تقول لي شهودي الكاتبو لأنو شهادتو بتكون مجروحة .
Post: #119 Title: Re: جكسا في خط ستة Author: تبارك شيخ الدين جبريل Date: 10-12-2012, 07:33 PM Parent: #118
Quote: في صورة ح أجيبه ليك بكره من جهاز تاني إن شاء الله ..
معتصم دفع الله ما تجيب صورة هنا ... الود دا داير "يتفرج" ...
... المهم ....
Post: #120 Title: Re: جكسا في خط ستة Author: قيقراوي Date: 10-12-2012, 08:02 PM Parent: #119
هو جكسا دخل خت ستة جديد انت قايلو يا صبري .. امسك عندك .. واتفرج يا سلام
Post: #121 Title: Re: جكسا في خط ستة Author: بدر الدين الأمير Date: 10-12-2012, 08:53 PM Parent: #120
صبرى كان ممكن تكون (ابديت) لوعنوان بوستك ( جكسوية في خط ستة) لكن نقول شنو غير كلام حميد: (باسم الدين والامريكان كل ختا مبدى ومتموم )
Post: #122 Title: Re: جكسا في خط ستة Author: صبري طه Date: 10-12-2012, 11:11 PM Parent: #121
Quote: معتصم دفع الله كتب: غايتو طلعت من البوست دا بوهابية صبري طه
يا معتصم مافي أيّتها وهابية .. لو القصد وهابية كان دخّلت ليكم الدين فيهو ...
Quote: معتصم دفع الله كتب: هدف البوست ما كان محدد يا صبري عشان كده قادك للحتة دي ..
هدف البوست يا معتصم عايز أثبّت حاجة إنت ذكرتها في ردّك دا بشكل جزئي ... واللي هي جكسا في خط ستة لم يكن لبس سائد وسط بنات عرب الشمال إنّما موضة زي ما قلت إنت وفي نطاق ضيق وليس واسع ... يا معتصم لو قريت رد تيسير علي بتلقى إنّها هي بتستغرب لحاجة كانت موضة على حسب إثباتك إنت يعني ما زيّنا الذي ميّزنا إنما حاجة جات دخيلة علينا ... هل تستطيع هي أو أنت أن تنكر أنّ جكسا في خط ستة دخيلة على مجتمع بنات عرب الشمال ؟
Quote: معتصم دفع الله كتب: طبيعي إنه تكون في إختلافات في عادات وتقاليد كل أنحاء السودان .. عشان كده ما بتقدر تنفي وجود جكسا في خط ستة ولا 18 ..
بس جكسا في خط ستة ليست عادة إنّما موضة لها ظروفها التي أتت بها كما أكّدتها أنت بنفسك في الاقتباس أدناه:-
Quote: معتصم دفع الله كتب: لقد حضرت وشاهدته بنفسي وزي ما قالوا ليك الشباب فوق دي موضة كانت سايدة في ذلك الوقت ..
لاحظ أنّك أكّدت أنها مُجرّد موضة .. فهل الثوب السوداني ما زال موضة ؟!
Quote: معتصم دفع الله كتب: ولم تكن هنالك نظرة سالبه تجاهها ..
لو لم توجد نظرة سالبة حيالها لانتشرت بشكل واسع وعمّت المدن والريف يا مُعتصم .. يعني زي الثوب السوداني ... لماذا لم ينتشر جكسا في خط ستة كما انتشر الثوب السوداني في الخرطوم وبقية المُدن والأرياف يا معتصم ؟
ـــــــــ قال بعضهم أنّهم لم يرونها إلاّ في الخرطوم ومن ثمّ يعتبرونها زي يعبّر عن عاداتنا وتقاليدنا ويستنكرون عليك باندهاشهم عندما تقول لا لن أقبل بها .. فتأمّل !!!
ـــــــــ
Post: #123 Title: Re: جكسا في خط ستة Author: تبارك شيخ الدين جبريل Date: 10-13-2012, 00:00 AM Parent: #122
Quote: لو لم توجد نظرة سالبة حيالها لانتشرت بشكل واسع وعمّت المدن والريف يا مُعتصم .. يعني زي الثوب السوداني ...
الله يرحم التوب السوداني ... انت من زمنو؟
Quote: قال بعضهم أنّهم لم يرونها إلاّ في الخرطوم ومن ثمّ يعتبرونها زي يعبّر عن عاداتنا وتقاليدنا ويستنكرون عليك باندهاشهم عندما تقول لا لن أقبل بها .. فتأمّل !!!
كدى ورينا ... الناس الاتناقشوا معاك ديل كلهم قالوا ليك انو عاداتنا وتقاليدنا كانت التهذيب وعدم الحكم على الناس بى هدومها .. وقالوا ليك لامن "جكسا في خط ستة" كان منتشر كان منتشر معاهو أي نوع لبس سوداني أو اجنبي بدون تحرجات وكلام قبلي فارغ نوع "بنات عرب الشمال" وبنات سجم الرماد ...
القال ليك "جكسا في خط ستة" زي يعبر عن - أو يخالف - عاداتنا وتقاليدنا منو؟
ما تتم الموضوع سلبطة وادعاءات ما حصلت ... ركّز ... قلنا ليك "جكسا في خط ستة" كان منتشر عادي ...
... المهم ....
Post: #124 Title: Re: جكسا في خط ستة Author: صبري طه Date: 10-13-2012, 00:17 AM Parent: #123
Quote: تبارك شيخ الدين جبريل كتب: القال ليك "جكسا في خط ستة" زي يعبر عن - أو يخالف - عاداتنا وتقاليدنا منو؟
تبارك في خط ستة .. الكلام التحت دا في خط كم ؟
Quote: معتصم دفع الله كتب: طبيعي إنه تكون في إختلافات في عادات وتقاليد كل أنحاء السودان .. عشان كده ما بتقدر تنفي وجود جكسا في خط ستة ولا 18 ..
Post: #125 Title: Re: جكسا في خط ستة Author: صبري طه Date: 10-13-2012, 00:32 AM Parent: #124
Quote: تيسير عووضة كتبت: طبايع غير شنو يا صبري الله يهديك؟ معظم السودانيات كان أماتنا ولا خالاتنا وعماتنا لغاية قريب دا كانوا بيلبسوا فوق الركبة في الأماكن العامة والرجال قبلانين وماشايفين فيها حاجة أصلاً من بقوا يلبسوا عبايات الخليجيين دا ياهو التطبع بطبايع الغير
ثمّ إنت أصلاً يا تبارك مفتكر الثورة دي قامت عشان شنو ؟ عليك الله غنّي لي أغنية فيها كلمة "معظم" دي
معظم الفي سنتر الخرطوم معظم يا الما مشيتي الأرياف معظم يا الفي النوادي معظم يا الما في البوادي
وراجل المره حلو حلا
اللّخ اللّخ ....
Post: #126 Title: Re: جكسا في خط ستة Author: تبارك شيخ الدين جبريل Date: 10-13-2012, 01:20 AM Parent: #125
طيب يا صبري ...
أدينا زمان ومكان "بيئتك" العربوسلاموية الشريفة دي ...
عشان - حتى لو ما اتفقنا معاك - على الاقل نفهم انت بتتكلم عن شنو ...
... المهم .....
Post: #127 Title: Re: جكسا في خط ستة Author: وليد عبد اللطيف Date: 10-13-2012, 08:06 AM Parent: #126
Post: #128 Title: Re: جكسا في خط ستة Author: شمس الدين ساتى Date: 10-13-2012, 08:23 AM Parent: #127
سلام للكل
فى الستينات والسبعينات وحتى الثمانينات كانت كل بنات العاصمة والمدن الكبيرة يلبسن فوق للركبة
وحتى بنات الثانوى والمتوسط كان لبسهم فوق الركبة نحن نسكن الشعبية والمدارس بالقرب منا
كنا نشاهدهم صباحا وعند خروجهن .. فى حفلات الأفراح كنا نرقص معهن وهن بنفس اللبس القصير
وكان اكثر من عادى ..اقرب مثل لذلك البلابل لبسن القصير فى الحفلات وكذلك لبسن الطويل
وكان عادى جدا. كان مستغربا جدا فى ذلك الزمن لبس الثوب للفتاة الغير متزوجة
Post: #129 Title: Re: جكسا في خط ستة Author: صبري طه Date: 10-13-2012, 08:34 AM Parent: #126
Quote: طيب يا صبري ...
أدينا زمان ومكان "بيئتك" العربوسلاموية الشريفة دي ...
عشان - حتى لو ما اتفقنا معاك - على الاقل نفهم انت بتتكلم عن شنو ...
طيّب يا تبارك .. واحدة واحدة ... صبري لو قال أنّ المرأة السودانية مّنذ أن حفروا البحر والبحار المجاورة لم تلبس فوق الركبة ولم تلبس من غير هدوم بكون راح ليهو الدّرب ...
المرأة السودانية والتي اخترت بنات عرب الشمال في هذا البوست كمثال لها .. لا لعنصريتي إنّما لأنّني تحدّثت عن عادات وتقاليد وأعراف خاصة ببيئة معيّنة حيث قُلت لن أسمح بأن تلبس زوجتي فوق الركبة ... قد تختلف هذه العادات والتقاليد والأعراف في بيئات ثانية في نفس الوطن الواحد دا واللي هو السودان ... جاء استنكار تيسير المبطّن بعبارة مُعظم دي لحالتي أنا التي نشأت وتطبّعت وأخذت أعراف بيئة معيّنة كما ذكرتها أنت في اقتباسك الفوق دا ...
البيئة العربوسلامية دي يا تبارك دخلت علينا بحكم التزاوج والدين .. فأصبحت السمة التي تميّز هذه البيئة في اللّبس وأشكاله وحدوده عادة وعبادة ... وأرى أنّ العادة غلبت على العبادة لأنّه حتى شكله وحدوده تختلف من بيئتنا السودانية عن بيئة أهل الجزيرة العربية إلاّ إذا تمسّكنا بالعبادة التي اختلف فيها العُلماء في الوجه والكفّين ...
تحدّث البعض عن الثوب السوداني وأرجعوه إلى آلاف السنين مّنذ الحضارة البجراوية هنا ولكنّه يا تبارك يؤدي نفس دور الحجاب نسبياً ... وهذا يقودني يا تبارك إلى قاعدة الكيف .. مثال يمكنني أن ألبس جلابية أو بنطلون وقميص وكلاهما ساتر ويؤدي دور الحد الشرعي في الدين الإسلامي ...
جكسا في خط ستة يا تبارك لا تعبّر عن هذه العادة والعبادة التي تأثّرنا بها .. وتتصادم معها بحكم التعرّي الواضح فيها نسبياً .. قد نجد مثلاً إظهار رقم أشدّ إثارة من جكسا في خط ستة كما أشرت له أنا .. ولكن انطباع الناس بحدّ اللّبس قبل شكله هو ما جعل الثاني (جكسا في خط ستة) مستنكر بشكل أكبر من الأول (إظهار رقم) على الأقل في زماننا هذا (طبعاً إنتو قلتو زمان ما كان مُستنكر وما عارف الكلام دا بشكل عام في السودان ولاّ في الخرطوم يا تبارك إنتو ذاتو حدّدوا حد عدم استنكاركم المكاني دا وين) ...
فيا تبارك .. زمان ومكان بيئتي العربوسلاموية دي هي بيئة عرب الشمال في السودان وتحديد الفترة الزمنية يمكنك أن تأخذها ما بعد الاستقلال .. يعني دخّل فيها الستينات والسبعينات .. لأنّ العادات والتقاليد لا يمكن أن تنفصل بانحراف مفاجئ إلاّ إذا فُرضت فرضاً كما هو حال شريعة نظام البشير ...
مثال لما فُرض فرضاً: كشف الرأس قبل نظام البشير كان راقد هبطرش .. وبعد نظام البشير اختفى في الأماكن العامة وأنا أذكر وأنا في الجامعة في أواخر التسعينات كان لا يُسمح للطالبات بدخول الجامعة إذا جاءت مُرتدية كُم قصير وإذا كان رأسها كاشف (ما عارف هسي الحاصل شنو ؟) ...
ولك كل الود والتقدير ،،،
Post: #130 Title: Re: جكسا في خط ستة Author: معتصم دفع الله Date: 10-13-2012, 09:19 AM Parent: #129
Quote: معتصم دفع الله ما تجيب صورة هنا ... الود دا داير "يتفرج" ...
يا تبارك الزول دا كان تخلينا نجهجه ليه باكاته شويه
Post: #131 Title: Re: جكسا في خط ستة Author: الامين موسى البشاري Date: 10-13-2012, 09:25 AM Parent: #130
Quote: يا تبارك الزول دا كان تخلينا نجهجه ليه باكاته شويه
يا شفيف شوت الصورة ياخ
Post: #132 Title: Re: جكسا في خط ستة Author: معتصم دفع الله Date: 10-13-2012, 10:32 AM Parent: #122
يا صبري حكاية الوهابية دي هظار ساي ما تاخد في بالك ..
أنا ما عايز أجيب إقتباسات على كلامك وأرد عليه .. عشان كده ما تاخد كلامي مبتور .. نعم تختلف العادات في كل أنحاء السودان ولكل منطقة تقاليدها ودا ما معناه أنها غير قابله للتطور أو أخذ ثقافات أو موضة كما وصفتها في مداخلتي السابقة بدليل ما وصلنا إليه الآن .. السودان دا تدرج في كثير من الأشياء ويمكن الصور الجابوها ليك الشباب تبين ذلك .. لو عدت بالزمن وراء من بداية طفولتك القريبة دي حتى الآن ح تلقى حاجات كثيره إتغيرت حتى في المفاهيم والتعامل مع الغير .. والله أنا كنت أتمنى زمن الستينات والسبعينات دا يواصل في مسيرته على الأقل السودان دا كان وصل للأفضل .. ما تقصده أنت وقع لي تماماً بس حكاية عرب الشمال دي ما وقعت لي .. السودان دا ياهو السودان حكاية التصنيفات دي جات قريب دا مع المشروع الحضاري حق المؤتمر اللاوطني .. عشان كده ما تحاول تمسك في الموضوع دا كتير بقودنا لجدل ما ح نصل فيه لفائدة .. رأيك يحترم وفكرتك واصلاك لغاية عندك .. لكن فكرة الغير برضو صحيحة ويجب أن تحترم لذلك تداخل معاك الجميع بكثافة حتى وصل البوست للصفحة 4 .. وحقيقي المنبر يفتقد للحوارات العميقة التي تفضي في النهاية للفائدة العامة .. والحوار في حد ذاته لغة جميل بتوصل الناس للمفهوم العايزنه ..
تحياتي لك .. ولضيوفك الكرام ..
Post: #133 Title: Re: جكسا في خط ستة Author: وضاحة Date: 10-13-2012, 10:42 AM Parent: #132
جكسا وصل وين ههههههههه
Post: #134 Title: Re: جكسا في خط ستة Author: saif massad ali Date: 10-13-2012, 10:49 AM Parent: #133
وضاحة
Quote: جكسا وصل وين ههههههههه
جكسا وصلناهو الركبة بقيناهو كلوش
Post: #135 Title: Re: جكسا في خط ستة Author: وضاحة Date: 10-13-2012, 11:06 AM Parent: #134
Quote: جكسا وصلناهو الركبة بقيناهو كلوش
أقول
جكسا دا عندوا علاقة بى رقيص التوستى ههههههههه
وهل الرقيص بتاع التوستى دا نفسوا الSwing Dancing
Post: #136 Title: Re: جكسا في خط ستة Author: Nazik Eltayeb Date: 10-13-2012, 11:12 AM Parent: #120
Quote: (هو صبري طه غلاتو دا كلللللو ... داير "يتفرج")
هههههه الله يعلم ختفتها من خشمي يا تبارك.....الحمد لله الما تحامقت و جبت ليه صور
Post: #137 Title: Re: جكسا في خط ستة Author: صبري طه Date: 10-13-2012, 11:48 AM Parent: #136
وعليكم السلام أختي رُمانة .. وآسف لتأخّر الرد لكِ ولآخرين أتمنى أن أعود إليهم ...
Quote: الفساتين يا صبري كان عندها أطوال باسماء تعتمد على بعد اسفل الفستان من القدم أو عضم الشيطان (وضاحة بتعرفي عضم الشيطان؟) تبدأ بالماكسي ثم تصاعديا الميدي والميني والميكروجيب/جوب.. في واحد كده "من خير الامور" بين الميدي والميني وده اللي لبسوه بنات جيلنا في الغالب الاعم وكنا بنسميه الشانيل وهو تحت الركبة...الكلام ده كان لحد ما جا البشير وزمرته وبدوا في مطاردة النساء بالسياط والارهاب... بالاضافة لكده كان في الضيق والشوال .. وديل ما ليهم علاقة بالطول بس عشان أقرب ليك الصورة من صورة هيفاء وهبي وجينفر.. وفي البدون كم (امهاتنا كانوا بسموه السواريه) والـ بــ "اسم كم" ساكت ..إلخ الفستان جكسا ده كان في طوله أبعد شيء عن عضم الشيطان.... مش غريبة بالله :) ولبسناه أحيانا ونحن صغار ولانه نحن من عائلة محافظة لدرجة التزمت.. لبس القصير كان لابد له من جهاد وتمرد ومجابدة وأخواتنا وبنات أهلنا لبسوه بايدهم وشديدهم .. لكن امهاتنا أبدا ما لبسوه... يلا ، كل الشكر لمقاعد الدراسة والصور الفتوغرافية، شفنا أمهات الناس التانين لابسين القصير وبدون كم بكل ارتياح .. الـ في الخرطوم أو من رفاعة أو مدني أو من بلد ناس قيقراوي أو أي حتة تانية... عادي يعني... أنا بس عايزاك تتذكر إنه النساء ديل في الغالب كانوا بلبسوا فوق لبسهم ده تياب... عشان يقع ليك الموضوع .. بس طبعا ما كلهم أما الكلوش فده شكله والفكرة فيه انه فضفاااااض وما أصحاب هو والهوا ..:
تُشكري على الشرح والتوضيح أختي رُمانة ... بس حتة مُحافظة دي استوقفتني .. وأظنّك تقصدين مُحافظة على موروثاتها بشكل عام عرفية كانت أم دينية أو ملتزمة بمعايير معيّنة في اللّبس .. والله أعلم ...
ـــــــــ
Post: #138 Title: Re: جكسا في خط ستة Author: Salah Abdulla Date: 10-13-2012, 12:37 PM Parent: #137
الخلاصة إنو جكسا في خط ستة دي كانت ثقافة لبس في فترة زمنية محددة في الخرطوم.. ناس ( مراعاة فروق الوقت ) ثقافة اللبس عندهم (وقتها) ما كانت بتشبه ثقافة أهل الخرطوم.. عشان كده ما كانت ثقافة (شائعة) عندهم، بينما هي (عادية) في الخرطوم ولو ملأتوا المنبر بالصور والنقة..
(وشمطط وقمطت*........).
------------ *بقية المقولة أعلاه، يُسأل عنها عماد عبدالله.
Post: #139 Title: Re: جكسا في خط ستة Author: صبري طه Date: 10-13-2012, 12:51 PM Parent: #138
Quote: عشان كده ما كانت ثقافة (شائعة) عندهم، بينما هي (عادية) في الخرطوم ولو ملأتوا المنبر بالصور والنقة..
إذاً هي ليست ثقافة بلد كامل .. ولا يُعتد بها كثقافة قومية
هل أعجبك هذا: إذا أعجبك إضغط like إذا لم يعجبك أضف comment
تسلم ،،،
Post: #140 Title: Re: جكسا في خط ستة Author: تبارك شيخ الدين جبريل Date: 10-13-2012, 02:21 PM Parent: #139
Quote: جكسا في خط ستة يا تبارك لا تعبّر عن هذه العادة والعبادة التي تأثّرنا بها ..
لأنو انتو ما عشتوا معانا في وطننا التاريخو واضح ومافيهو غلات دا ... انتو يا العربوسلامويين ظهرتو قريب دا ...
انت بتتكلم عن وين ومتين في السودان ... عشان نقول ليك الكان حاصل وانت جاهل بيهو أو ناكرو ...
Post: #141 Title: Re: جكسا في خط ستة Author: Salah Abdulla Date: 10-13-2012, 02:33 PM Parent: #139
Quote: إذاً هي ليست ثقافة بلد كامل .. ولا يُعتد بها كثقافة قومية
ياصبري ، إزيّك .. ومنو القال إنها ثقافة (بلد كامل)؟؟؟؟ أنا ذكرت في مداخلتي الأخيرة إنو دي ثقافة (خرطوم) فقط ما بلد كامل!!! يبقى بالتالي أي زول ما شافها (أوانئذٍ) بتكون ما وصلت عندو، أو ثقافة المنطقة العايش فيها تمنع/ تحرم/ تحظر هذا النوع من ثقافة الأزياء الكانت (عادية) فيما عداها من المناطق كالخرطوم مثلاً.. فيا صبري ياخي ، اذا كانت هذه الثقافة ما منتشرة في رفاعة(بلد تعليم المرأة) فده ما بيعني إنها ما موجودة كثقافة في غيرها !! وما تقول لي أنا ما قلت إنها ما موجودة في غيرها وتجرجر في الموضوع..
شفت القصة بسيطة كيف، وما محتاجة لنقة وصور (عندكم ما ثقافة، في الخرطوم ثقافة عادية) .. فلكم ثفافتكم ولغيركم ، غيرها.. بس خلاص..
Post: #142 Title: Re: جكسا في خط ستة Author: تبارك شيخ الدين جبريل Date: 10-13-2012, 02:38 PM Parent: #141
Quote: إذاً هي ليست ثقافة بلد كامل .. ولا يُعتد بها كثقافة قومية
ولا التوب ... ولا الحجاب ... ولا الخمار .. ولا القفازات ... ولا حتى الطرحة ... لا يمكن ان يعتد بها كثقافة قومية ...
... المهم ....
Post: #143 Title: Re: جكسا في خط ستة Author: صبري طه Date: 10-13-2012, 02:42 PM Parent: #141
Quote: تبارك شيخ الدين جبريل كتب: (الوهابية بقوا بيحرّقوا الروح ... انت البيكذب عليك دا نسيبك الجديد؟)
يا حبيب الوهابية خطّهم واضح فما تتهمني ساي ... الوهابية عندهم كشف الوجه في حدّ ذاتو جكسا في خط ستة هذا إن لم يكن في خط مافي !!!
Quote: صلاح عبدالله كتب: بس خلاص..
غايتو على شويّة كدا كان صرفت لي أبو داؤود
Quote: تبارك شيخ الدين جبريل كتب: ولا التوب ... ولا الحجاب ... ولا الخمار .. ولا القفازات ... ولا حتى الطرحة ... لا يمكن ان يعتد بها كثقافة قومية ...
نعم أتفق معك جملةً وقطاعي .. لكن النسبة بترتفع في حتّة وبتقل في حتّة ثانية ..هذا بافتراض كان القياس على سائر أهل السودان ... ولو كان القياس على عرب الشمال فقط فهو حالياً يُعبّر عن ثقافتهم ولا على كيفك !!!
ــــــــ
Post: #144 Title: Re: جكسا في خط ستة Author: تبارك شيخ الدين جبريل Date: 10-13-2012, 06:22 PM Parent: #143
Quote: ولو كان القياس على عرب الشمال فقط فهو حالياً يُعبّر عن ثقافتهم ولا على كيفك !!!
نحن في محكمة النظام العام ولاّ شنو؟
(الصحيح انه يعبّر عن ثقافتهم "ولا على كيفهم" ... لاكين نحن اولاد بلد نقعد نقوم على كيفنا يا حبيب!)
... المهم .....
Post: #145 Title: Re: جكسا في خط ستة Author: محمد حيدر المشرف Date: 10-13-2012, 08:35 PM Parent: #144
بنات عرب الشمال ! جغرافيا محدده واثنية محددة فى فترة زمنية محدده لم يفعلن كذا وكذا !!!
تخيلوا بيتين متجاورين فى تلك الجغرافيا , ذلك الزمان واحد بناتو بنات عرب .. والتانى بناتو "بنات ما بنات عرب" هل يعقل أن يكن متمايزات فى الزى نتيجة لهذا الاختلاف الاثنى ؟!!
تعرف يا صبري ده كلام غريب جدا !!
Post: #146 Title: Re: جكسا في خط ستة Author: صبري طه Date: 10-13-2012, 09:49 PM Parent: #145
Quote: تخيلوا بيتين متجاورين فى تلك الجغرافيا , ذلك الزمان واحد بناتو بنات عرب .. والتانى بناتو "بنات ما بنات عرب" هل يعقل أن يكن متمايزات فى الزى نتيجة لهذا الاختلاف الاثنى ؟!
أها إيه رأيك جيرانا طوّالي نوبة (من نوبة جنوب كردفان) وتطبّعوا بطبايعنا في كل شيء ... وأنا كان ممكن أحدّد المنطقة الجغرافية بغض النظر عن الإثنية أو أن تكون مساحة نقاشي هو السودان مع إنّي شايف تحديد الدولة كإطار للقياس في عادة محدّدة خاطئ بحكم التنوع الإثني والثقافي (طيّب الناس جايطة في شنو لو كان في توحيد في الإثنية والثقافة بشكل عام) ... أها يا حبيب لو عملت كدا واللي هو جعلت نقاشي خاص بالسودان المُتعدّد الثقافات والإثنيات ... ناس تبارك ديل حيهروني بي صور من كل مناطق السودان وحيصرّوا في نقاشهم إنو صورهم دي بتتحدّث عنّي كإثنية رغم إختلافي عنها .. وهكذا جرجرة ...
وأنا عشان أطلع من الحتّة دي كان لازم أحدّد بالضبط الإثنية التي لم تنتشر فيها الموضة التي ذكروها على نطاق واسع لأنو أصل النقاش خاص بتعليق يخصني اُستنكر استنكاراً مبطناً من إحدى الأخوات التي أعتقد أنّها من نفس الإثنية التي أنتمي إليها ...
القصة نهائي كدا ما فيها أيّ تلميح أو تمييز عُنصري ... كأن أتحدّث عن زواج الجنوبيين والطريقة التي يدفعون بها المهر أبقاراً .. أو أتحدّث عن الزي الذي يميّز قبائل شرق السودان .. وهكذا ...
غايتو أنا ما عارف حتة "عرب الشمال" دي بتعمل حساسية لمّا الواحد يذكرها ولاّ الفهم شنو ياخ ؟ ولاّ عشان ارتبطت بعنصريتها وعلى هذا الأساس بتبقى العُنصرية مُلازمة لها حتى عند ذكر اسمها للاستدلال !!! مُش زيّهم وزي بقية قبائل البلد لهم ما يخصهم وما يميزهم من عادات وتقاليد .. وفي النهاية كل العادات والتقاليد مُكتسبة ..فلا توجد قبيلة وُلدت بأسنانها .. قد تتأثر إثنية بإثنية أخرى عبر فترة زمنية تقصر أو تطول ...
ولك كل الود والتقدير ،،،
Post: #147 Title: Re: جكسا في خط ستة Author: صبري طه Date: 10-13-2012, 10:28 PM Parent: #144
ياخي هرشتنا ياخ تخيّل لمّا رجعت لي ورا وعملت ساتر
Quote: نحن في محكمة النظام العام ولاّ شنو؟
(الصحيح انه يعبّر عن ثقافتهم "ولا على كيفهم" ... لاكين نحن اولاد بلد نقعد نقوم على كيفنا يا حبيب!)
رغم ذكاءك يا تبارك لكن ما عملت حاجة بتغيير الضمير لأنني خاطبت تبارك الذي ينتمي لنفس هذه البيئة ...
إذاً تبارك شيخ الدين جبريل يدخل في كيفهم دي حتى وإن تمرّد على واقع لم يكن له الخيار في اختياره ...
حتعمل شنو ؟ لن تستطيع تغييره بين ليلةٍ وضحاها .. ولو كانت ساهلة كدا لما قال الجنوبيون أنّ أفضل لهم الانفصال من أن يكونوا مواطنين درجة ثانية !!! أها شُفت كيف استعجلوا زي استعجال زينب (استعجال زينب دي غايتو بقت لي كدا زي لون زينب ولم يصبروا حتى نتخلّص من هذه الفوارق الاجتماعية ...
ـــــــــ
Quote: تبارك شيخ الدين جبريل كتب: لاكين نحن اولاد بلد نقعد نقوم على كيفنا يا حبيب!)
تبارك باستخدامه اللغة العربية وتحديداً لهجة عرب الشمال .. أهو قعد في البوست دا على كيفو .. فتأمّل !!
ـــــــــ
Post: #148 Title: Re: جكسا في خط ستة Author: تبارك شيخ الدين جبريل Date: 10-13-2012, 10:41 PM Parent: #147
Quote: أها إيه رأيك جيرانا طوّالي نوبة (من نوبة جنوب كردفان) وتطبّعوا بطبايعنا في كل شيء ...
حتى في آبري رمضان والحجبات واللجوء للفكي ورقيص العروس؟
(لأنو دي طبايع النوبة قبل دخول صبري بن ابي السرح بن تيمية بن اللواء عطا السودان!)
... المهم ....
Post: #149 Title: Re: جكسا في خط ستة Author: صبري طه Date: 10-13-2012, 10:46 PM Parent: #148
Quote: حتى في آبري رمضان والحجبات واللجوء للفكي ورقيص العروس؟
(لأنو دي طبايع النوبة قبل دخول صبري بن ابي السرح بن تيمية بن اللواء عطا السودان!)
وهل كان عندهم رمضان قبل دخول صبري بن أبي السرح ؟ وإذا أتاهم رمضان قبل دخول ابن أبي السرح .. من أين أتاهم ؟
Post: #150 Title: Re: جكسا في خط ستة Author: تبارك شيخ الدين جبريل Date: 10-13-2012, 11:00 PM Parent: #149
Quote: وهل كان عندهم رمضان قبل دخول صبري بن أبي السرح ؟
بل كان عندهم آبرى طول العام ... بينما صبري بن ابي السرح بن تيمية بن اللواء العطا يأكل الحلوى بالفالوذج!
... المهم ....
Post: #151 Title: Re: جكسا في خط ستة Author: صبري طه Date: 10-14-2012, 07:55 AM Parent: #150
Quote: بل كان عندهم آبرى طول العام ... بينما صبري بن ابي السرح بن تيمية بن اللواء العطا يأكل الحلوى بالفالوذج!
عادي ياخ الناس تأخذ من غيرها حاجات وهم يأخذوا منّك حاجات ... وجرجرتك الكتيرة برجّعها ليك بالضربة القاضية ... جيراننا النوبة يا تبارك أصبحوا يتكلّمون مع غيرهم من القبائل عرب وغير عرب بلهجتنا العربية بدرجة 100% يعني ما عربي مكسّر يا تبارك ... وأقول ليك حاجة مرّات بيتكلّموا بيها فيما بينهم يا حبيب (سمع أضاني) ... أمّا الأزياء حتى العِمّة للرجال وخمار الرأس للنساء وهكذا ...
من عاشر قوماً أربعين ليلة صار مثلهم هذا المقولة لم تأتِ من فراغ .. فغالبية سكّان الحي من عرب الشمال .. بل غالبية أهل المدينة من عرب الشمال ...
تسلم ،،،
ـــــــــ وعشان ما أضيّع زمني مع القوقل اختصر علي وأدّيني السيرة التاريخية للآبري ...
Post: #152 Title: Re: جكسا في خط ستة Author: صبري طه Date: 10-14-2012, 08:52 AM Parent: #151
ــــــ يا تبارك غايتو بعد سماع هذا اليوتيوب أتوقّع إنّو يجيك مقص ... خلّيك قريب من الحمّام .. وخلّي باب الحمّام فاتح على طول عشان الدخلة والمرقة تكون ساهلة
Post: #153 Title: Re: جكسا في خط ستة Author: وضاحة Date: 10-14-2012, 08:54 AM Parent: #152
انت يا صبرى بتفطنى مالك تفطك مرتك بركة الصالحيين
Post: #154 Title: Re: جكسا في خط ستة Author: صبري طه Date: 10-14-2012, 09:08 AM Parent: #153
Quote: جكسا وصل وين ههههههههه
عشان ما شفتو عشان كدا ما ردّيت .. يا حليلنا نحن العُمرنا ضاع من غير ما نشوف
Quote: انت يا صبرى بتفطنى مالك تفطك مرتك بركة الصالحيين
هسّي لو ربنا سبحانه وتعالى استجاب لي دعوتك دي .. حأقبّل وين يعني ؟
Post: #155 Title: Re: جكسا في خط ستة Author: أيمن الطيب Date: 10-14-2012, 11:43 AM Parent: #154
سلام يا صبرى,,
Quote: تعرف يا صبري ده كلام غريب جدا !!
ود المشرف دا تدى ريالو وتنزلو أقرب محطة وأديهو معاك محطة لو فى طريقة !!!! لأنو متأخر عن الركب وشكلو كدا كان نايم!!!
يا دوب إنتبه إنو إنت يا صبرى كلامك غريب
دا يقولو عليهو شنو هسه!!! أدى ريالو ياخ خلى يشتت..
بعد جكسا فى خط 6 بالله طوالى ندخل على (سانتو فى التمنيات وبعدها ممكن نعرج على عزالدين الدحيش داخل منطقة الجزاء وصولا ل(عبدالكافى وحكومة مافى)
تحياتى..
Post: #156 Title: Re: جكسا في خط ستة Author: صبري طه Date: 10-14-2012, 12:19 PM Parent: #155
وعليكم السلام يا أيمن ...
Quote: يا دوب إنتبه إنو إنت يا صبرى كلامك غريب
يا أيمن أخوي على كل حال أنا كلامي كان أوضح من واضح .. ولو ما فهمت حاجة من البوست دا أرجع للبوست الأصلي واللي أنا وضعت رابطو في بداية هذا البوست ... وأهو ناسك في النهاية مرّاقتهم بقت موضة دي ... وكمان في نطاق ضيّق ...
طيّب أنا كُنت بأذّن في مالطا يا أيمن الطيب ؟
Quote: معظم السودانيات كان أماتنا ولا خالاتنا وعماتنا لغاية قريب دا كانوا بيلبسوا فوق الركبة في الأماكن العامة والرجال قبلانين وماشايفين فيها حاجة أصلاً
من بقوا يلبسوا عبايات الخليجيين دا ياهو التطبع بطبايع الغير
وعليك الله خلّيك ذكي شوية .. فوق الرُكبة دا ما تطبّع وعبايات الخليجيين تطبّع ... فتأمّل !!! وسلّم لي معاك على الموضة
ـــــــــ
Post: #157 Title: Re: جكسا في خط ستة Author: الصادق الزين Date: 10-14-2012, 01:37 PM Parent: #156
الأخ صبرى،
واضح بوستيك ما عنده هدف وهو من شاكلة "من دقنو إفتلو" أنت تعتمد على ردود الأفعال فى تحريك البوست يعنى رزق المداخلة بالمداخلة! بعدين الشيئ الثانى نجرت ليك مصطلحات و صدقتها مع نفسك وقاعد تككررها فى رتابة صكت آذان كل المتداخليين و كأن السودان العريض دا عايش فيه إنت براك! يا أخى الذى تتحدث عنه ممكن يدخل فى إطار الثقافة و ليس فى إطار القبيلة عشان يكون ما أسميتهم بعرب السمال لبسوا "جكسا فى خط ستة" أم لم يلبسوه مع أنه تداخل معك بعض حسب تصنيفك هم عرب شمال أكثر منك حسب ما شاهدناه فى صورة بروفايلك السابقة!! نرجع نقول من جديد هى المكابرة و البحث عن هوية مفقودة و الجرى وراء السراب! جكسا فى خط ستة كان زى إتوجد أولاً فى الخرطوم الإسمها العاصمة القومية و الكانت تمثل "المودل" لكل الإتجاهات و المناطق و نظرة الناس للخرطوم كانت هى نظرة المثال وكل الناس كانت تحاكى ما هو موجود و مشاع فى الخرطوم صحيح أن للأقاليم و الأرياف أشيائهم ومازالت والعادات و التقاليد فى الريف تختلف عن ما هو موجود فى المدن و خاصة الخرطوم، لكن التفضيلات فى إرتداء الملابس ما كان عندو أى علاقة بالجنس و لا القبيلة بل تتحكم فيه درجة المدنية و التحضر بالنسبة للأسر ودا كان المعيار و فى إحترام متبادل بين الجميع، يعنى ممكن العائلة الواحدة ممكن تجد فيها الأخ الأكبر الذى يعيش فى الريف إبنته ترتدى فستان عادى و أخوه الأصغر يسكن فى المدن أو العاصمة و تزورهم إبنته التى ترتدى جكسا فى خط ستة! مع أن البنتيان تنحدران من من جد واحد شفت كيف؟ مطلقاً معيار الإختلاف لم يكن قبلى إنكارك للظاهرة لا مبرر له سوى إنك عايز تثبت إنك من عرب الشمال ما فى حاجة ثانية ممكن ناخدها من البوست دا بريود؟ و يمكن نسألك إذاً من أين جاءت التسمية "جكسا فى خط ستة" إذا كانت الظاهرة غير موجودة و شائعة؟ بعدين يا أخى المجتمع ما كان فيه التمييز المشعشع فى راسك دى! الناس كانت بتلبس وفقاً للموضة وما فى بالها إنهم عرب و لا زنوجة و لا كان فى هوس إسموا فرق تسد الجابوها أدعياء العروبة هؤالاء! الحكام كانوا متصالحين مع أنفسهم خالص وما عندهم الأمراض و العقد دى. من الأزهرى الجاى من الغرب و نميرى الدنقلاوى و أظن الموضة دى جاءت فى فترة حكمه لكنه، وأظن بنات العرب بصفة عامة عرب كل السودان أقبلوا على جكسا فى خط ستة أكثر من غيرهن و هنالك قياسات كثيرة ممكن تستخلص منها منطقى دا. هنالك دوماً و أبداً فوارق بين الريف و المدن حتى فى مستوى الثقافة بمعناها الضيق، فيمكن إنت تستند على هذه الخطة الدفاعية و حاول شتت بيها كور أبناء العاصمة الجاياك كالسيل المنهمر دى، لكن واضح إنو الناس دى كلها دخلت ليك فى خط ستة دا حتعمل ليهم شنو بس!!!
Post: #158 Title: Re: جكسا في خط ستة Author: صبري طه Date: 10-14-2012, 02:51 PM Parent: #157
يُزعجني من يسلك خط الأستاذية في مُداخلاته .. ثمّ يأتي حاملاً قلمه ليُصحّح ومن ثمّ يأمر أحد طلاّبه بجلب السوط ليُعاقب من يخطئ ... يا صادق يا زين للبوست هدف إن لم تفهمه قل إنني لم أفهمه ولا تطلق عليه حُكمك بألاّ هدف له ...
Quote: واضح بوستيك ما عنده هدف وهو من شاكلة "من دقنو إفتلو"
هدف البوست هو الوصول إلى الآتي: لم تمثّل جكسا في خط ستة ثقافة المجتمع السوداني في فترة زمنية محدّدة أو غير محدّدة فقط كانت موضة عابرة وعلى نطاق ضيّق ... فهمت الهدف دا فهمتو ما فهمتو بي كيفك .. ولكن لا تتلاعب بالكلمات وتعتبر أنّك من تملك الفهم ثمّ تصحّح فهم غيرك يا عزيزي ...
Quote: أكثر منك حسب ما شاهدناه فى صورة بروفايلك السابقة!! نرجع نقول من جديد هى المكابرة و البحث عن هوية مفقودة و الجرى وراء السراب!
هل تقصد هذه الصورة ؟ الإجابة لو تكرّمت عشان أشوف قصة الفيلم الهندي بتاع البحث عن هوية مفقودة ...
Quote: يعنى ممكن العائلة الواحدة ممكن تجد فيها الأخ الأكبر الذى يعيش فى الريف إبنته ترتدى فستان عادى و أخوه الأصغر يسكن فى المدن أو العاصمة و تزورهم إبنته التى ترتدى جكسا فى خط ستة! مع أن البنتيان تنحدران من من جد واحد شفت كيف؟
وهذه هي الحالات الشاذّة التي ذكرتها .. إطار ضيّق اسمه الخرطوم في بلد كبير إسمو السودان بعضه استخدم هذه الموضة وبعضه لا .. وإنت ماشي بعيد ليه في مثالك مُشاهدة القنوات الفضائية فقط قد تجلب لك مثل هذه الموضات (وهنا بيخرج سؤال) لماذا لم تتبع فتاة الريف كنسبة عالية الموضة التي شاهدتها عبر قناة فضائية بينما اتّبعتها فتاة المدن أو العاصمة كنسبة عالية مُش المصدر بقى واحد والتوقيت واحد ؟! أتمنى أن ترد على هذا السؤال ...
Quote: إنكارك للظاهرة لا مبرر له سوى إنك عايز تثبت إنك من عرب الشمال ما فى حاجة ثانية ممكن ناخدها من البوست دا بريود؟
ليه يا عزيزي شايفني جيت جاري كدا بدون مُبرّر وفتحت لي بوست عشان أثبت فيهو عروبتي .. لو تابعت البوست كان فهمت ذاتو سببو شنو وأصلاً تفرّع من وين والبوست الذي تفرّع منه شايت وين ومُداخلتي التي تفرّع منها هذا البوست كان سببها شنو .. لكن نقول شنو أهو بأستاذيتك أو شلاقتك اختر ما يُناسبك جيت افترضت حاجة قاطعها من رأسك ... (ورضيت أو أبيت إن كنت أنا عربي أو نوباوي أو شلكاوي عاداتي وتقاليدي تختلف عن غيري) .. وما تسوطها كلّها كدا مع بعض باسم المدنية والتحضّر فمن كان يسكن الخرطوم ولم ترتدي بناته جكسا في خط ستة فهل تصنيفك له سيكون غير متحضّر (وأدّيك ليها كدا لو عايز تنكرها على نفسك أنت حُر ولو أيّ زول عايز ينكرها هو حُر في نفسه ... عندنا البتلبس فوق الرُكبة عيب كبير وما عندنا واحدة لبست فوق الرُكبة بحكم العيب دا لا بحكم الشريعة ولا نظام عام ولا يحزنون مما قمنا قمنا كدا أخدها عُرف سليقة كدا بدون دين وبدون أيّ حاجة) ...
Quote: هنالك دوماً و أبداً فوارق بين الريف و المدن حتى فى مستوى الثقافة بمعناها الضيق، فيمكن إنت تستند على هذه الخطة الدفاعية و حاول شتت بيها كور أبناء العاصمة الجاياك كالسيل المنهمر دى، لكن واضح إنو الناس دى كلها دخلت ليك فى خط ستة دا حتعمل ليهم شنو بس!!!
لا يا عزيزي أيضاً توجد فوارق في العادات والتقاليد والأعراف بين قبائل البلد الواحد .. ثمّ أنّ البلد الواحد دي في حدّ ذاتها فيها تشتيت للكورة ... مثال: يمكنك اعتبار البلد الواحد هو العالم بأكمله حينها ربما أقنعت تفكيرك الضيق بوجود مثل هذه الفوارق .. وربما وصل بك إلى أنّه قد تتقارب قبيلة سودانية في عاداتها وتقاليدها مع قبيلة موجودة في دولة أخرى أكثر من قبيلة داخل إطار نفس الدولة ...
ــــــــــــــ ثم جاب الأستاذ الصادق الزين سيرة البحر:-
Quote: صحيح أن للأقاليم و الأرياف أشيائهم ومازالت والعادات و التقاليد فى الريف تختلف عن ما هو موجود فى المدن و خاصة الخرطوم
ــــــــــــــ عرب الشمال الحاليين وفي الوقت الحاضر وإلاّ من شذّ من القاعدة العامة عندهم عيب يا الصادق أخوي الواحدة تلبس لدرجة يظهر فخذها (وأتحدّاك أن تعمل استطلاع لعيّنة عشوائية داخل السودان أن تأتيك النتيجة بغير ما قُلت لك) الواحد لمّا يقفل كلامو من الآخر أفضل والواضح مو فاضح وبرضو أحسن من اللوْلوَة ...
وإنت لو ما اقتنعت بالعيب العند عرب الشمال دا أنا بشوف إنّو عيب عليك ومُكابرة منّك ساي وللأسف البعض يُكابر بالشيء ولا يستطيع أن يطبّقه على نفسه !!!
ــــــــــــــ
Post: #159 Title: Re: جكسا في خط ستة Author: صبري طه Date: 11-26-2012, 05:48 PM Parent: #158
!!!
لدرجة التزمت.. لبس القصير كان لابد له من جهاد وتمرد ومجابدة وأخواتنا وبنات أهلنا لبسوه بايدهم وشديدهم .. لكن امهاتنا أبدا ما لبسوه...