Post: #1 Title: ياخي دي كورة زي الكورة... Author: محمد البشرى الخضر Date: 10-07-2012, 07:29 PM Parent: #0
صدّق الفصاحة دي كلّها ودا أوّل كلاسيكو أحضروا لايف الزمن دا كلو مضيّع روحي مع ناس بكري المدينة و مهند و سعيد السعودي اتنين وتلاتين دقيقة لحد الآن علي اليمين إدق فيها كفر زي الكفر, كما ورد في كتاب الكورة فوليوم ون تو ثيرتين اتنين وتلاتين دقيقة تفوق آلاف الساعات الضاعت في شلاليت علاء الدين يوسف و زوميات موسى الزومة
لكن يا دفاع برشلونة كان ما بس خايف المبالغة كان قلت دفاع الهلال اخير
Quote: صدّق الفصاحة دي كلّها ودا أوّل كلاسيكو أحضروا لايف
مفروض الواحد ياخد منّك موقف طوّالي يا ود البُشرى !!!
ـــــــــــ يا عبداللطيف بكري ... دي كانت فرصتكم وما أظن تاني تتكرر قريب ... يا ود البُشرى برشلونة لاعب بدون قلب دفاع حقيقي ... ماسيكرانو لاعب وسط وأدريانو باك يسار والاثنين قصيري القامة ... حتى الباكين ألفيس الذي خرج لإصابته والباك اليسار ألبا قصيري القامة ... ولو فعلاً كُنت مُتابع الكلاسيكوهات أو حتى برشلونة على الدوام حتعرف إنو دفاع برشلونة اليوم قلب الهوبة وعمل إنجاز بل إعجاز ...
Post: #21 Title: Re: ياخي دي كورة زي الكورة... Author: طارق جبريل Date: 10-08-2012, 00:26 AM Parent: #20
Post: #22 Title: Re: ياخي دي كورة زي الكورة... Author: على محمد على بشير Date: 10-08-2012, 00:46 AM Parent: #21
Quote: اها نقوم نجيب الدراب ونفلق ولا الفهم اكنو شنو
فلق طوالى يا طارق وانا بجيبلك الدراب
Post: #23 Title: Re: ياخي دي كورة زي الكورة... Author: محمد عمر الفكي Date: 10-08-2012, 06:02 AM Parent: #22
Quote: طويل العمر هو المصاحبني يا ود الفكي ياخ ودي الغربة ياقول الجعلي تخليك تقالد الشايقي هههههههههههه
ياخي دي غربة اخير منها تقعد مفلس عند اهلك هسي ناس ود جبريل وعلي دا قايمين عليك في شنو؟ المثل دا نجرتو انت؟
Post: #24 Title: Re: ياخي دي كورة زي الكورة... Author: وليد عبد اللطيف Date: 10-08-2012, 07:11 AM Parent: #23
Quote: لكن النص ماشاء الله تبارك الله نص شريهان قبل الحادث :)
ههههههههههههههه يا ود البشري عارف يا ود البشرى في مثل هذه المباريات وهذه الاهداف تحتار ماتعرف هل الحارس تعبان ام الدفاع تعبان ام الهجوم ميه ميه معادله صعبه تعرف لمن تشاهد مثل هذه المباريات تتمناها اطول فتره ممكنه يعني اربعة اشواط عشره اشواط مسلسل تركي بس الهم ماتنتهي ... ودا الفرق بين الكوره العالميه وكورتنا يا ود البشرى مره بتذكر اكزافي قال هذا الاسلوب من اللعب نتاج بتاع 15 سنة ليس موسم فقط يعني الناس كان بتبني في طريقة وفكر معين للنادي ودا السبب الذي جعل فرنسا تشكك وتنادي بان كرة القدم ليس عضلات وقوه وتعتمد على البشره السمراء لذلك الان فرنسا تعمل بان تنتهج نفس نهج فريق برشلونه ...
Post: #25 Title: Re: ياخي دي كورة زي الكورة... Author: خالد درق Date: 10-08-2012, 08:06 AM Parent: #24
ود البشرى سلام الاخبار
والله دي كورة ولا اروع الواحد كان مستمتع بجد وانتمنينها ما تنتهي
كلام يا كورة ..
مودتي ...
Post: #26 Title: Re: ياخي دي كورة زي الكورة... Author: عمر الفاروق Date: 10-08-2012, 08:23 AM Parent: #25
صبري الما بعرف كورة ..
Quote: يا عبداللطيف بكري ... دي كانت فرصتكم وما أظن تاني تتكرر قريب ...
دحيين الكلام ده ما برضو قلتو ه في الكلاسيكو الفات؟؟؟
Post: #27 Title: Re: ياخي دي كورة زي الكورة... Author: احمد التجانى احمد Date: 10-08-2012, 08:36 AM Parent: #26
Quote: الركنية حقت برشلونة في الدقيقة 51 مفروض تكون ضربة جزاء!!!
* ود البشرى كنت بتعمل شنو لما كنت ما بتحضر الكلاسيكو , طبعا فى ناس كثيرين ما بحضروا الكلاسيكو ودة راجع لانهم اصلا ما بتاعين كورة وهذا ما لا ينطبق عليك
Post: #28 Title: Re: ياخي دي كورة زي الكورة... Author: عمر الفاروق Date: 10-08-2012, 08:40 AM Parent: #27
أما فيما يتعلق بي نقصان دفاع برشلونة فدي القصة الما قادر أفهما!!!؟؟ دي عاملة زييي لمن تقول الهلال يفقد صالح الأمين وبوييا في مباراة اليوم!!! وهو شنن البييكه؟؟ وشننن بيوول؟؟ ياخ ديل أضعف عمق دفاع ممكن تلاقيهو في حياتك ..بيكيه احسن زول بيسرح..بيوول أحسن زوول بيتحاور.. الإتنين ديل بيذكروني إنو برشلونة بيشبه الموردة وابوعنجة ..زمان ديل كانوا بيجيبو اولاد الحلة بغض النظر عن إنو في زول من برة أحسن منهم ولا لأ.. بيول وبييكيه بيلعبو عشان اولاد الكاتلون والمواصلة خلتهم يتم اختيارهم في المنتخب .. كدي زول بيفهم كورة (غير صبري عليكم الله) يجي يوريني كيف يتم تصنيف بيول وبيكيه مدافعين افتقدهم نادي كبرشلونة؟؟ بعدين في حاجة تانية أهممم.. عييب والله وعيييب كبييير أندية كبرشلونة وريال مدريد ومانشستر يكون فيها الحنك بتاع إفتقدنا فلان وعلان!!! إنتو جادين؟؟؟ فرق زي دي مفروض تلعب بي أييي 11 ويكون المردود هو المردود.. مباراة أمبراح يا ود البشرى ما كانت بي القدر الكبير الوصفتو إنت ده . وصدقني وأسمعا من زول بيعرف كورة ( ما زي صبري) عايز تحضر كورة زي الكورة ؟؟؟ إتفرج في الدوري الإنجليزي مننن طرف.. أييي كورة في الدوري الإنجليزي ..ااي والله أييي كورة!! وح تزيد متعتك وانت بتشوف في أيي مبارة طرفها توتنغهام ..وتشيلسي الأيامات دي .. جرب كلامي ده وتعال وريني رايك عليك الله.. مباراة امبارح مباراة عادية تتخللها في بعض الفترات لمحات جمالية.. مباراة ميسي فيها بيجيب اقوان رزق وتجعل منه النجم الأوحد في الكلاسيكو.. مباراة رونالدو يلعب فيها دور العداء ثم الوقوف متفرجاً ليخدمه الجميع ومن ثم يتشارك النجومية مع ميسي.. مباراة خلتني أرجع أشكك في مقدرات كازياس في حراسة المرمى وانا متابع لكازيس اللي عندو مشكلة كبييرة جداً مع المخالفات برة ال18. مبراة أكدت لي بما لا يدع مجال للشك أنو ماسكيرانو ده ما لاعب كورة.. مباراة أكدت لي غنو بنلعب بي الأسماء فقط فلاعب مثل ألفيز ما بيدقها في برشلونة اساسي لو نطط في ظل وجود الولد البديل ده ..وبعد ده يجيك صبري يقول ليك ونقص الدفاع بخروج ألافيز!!! ياخ الفيز ده امبارح كان شوارع وبرشلونة ما اتصلح إلا بعد ما طلع الزول ده!!! وكأني به تعمد الخروج لأنه غرف إنو برة الفورمة.. عارف انا بحضر الكلاسيكو ده عشان اتابع إتنين ألونسو وإنييستا ..بستمتع جداً بي أدوارهم الميدانية وحركتهم وجديتهم في الاداء وتفرغهم الكااامل لي لعب كورة قدم حقيقية .. الباقين ديل في الكلاسيكو قاعدين يفنجطو ساااي بقو..
Post: #30 Title: Re: ياخي دي كورة زي الكورة... Author: صبري طه Date: 10-08-2012, 09:01 AM Parent: #28
هذا الثُنائي فاز مع البارسا بكل شيء يمكن الفوز به ما فضل ليهم حاجة إلاّ يجوا عندينا عشان يفوزوا بالممتاز على حساب ناس خليفة وبكري المدينة وهذا الثنائي فاز مع المنتخب الإسباني بكأس العالم وللأسف غاب بويول بداعي الإصابة عن أمم أوروبا الأخيرة التي فازت بها إسبانيا ...
أجيب ليك علامة تعجّب من وين ياخي ؟
Post: #29 Title: Re: ياخي دي كورة زي الكورة... Author: حيدر حسن ميرغني Date: 10-08-2012, 08:45 AM Parent: #27
غايتو ياود البشري حرام الواحد بعد الكورة دي يغبَش نظرو بهلال مريخ او كما قلت انت فوق وصدق من شبَه لعبهم بـالـ Play station
Post: #31 Title: Re: ياخي دي كورة زي الكورة... Author: ahmed haneen Date: 10-08-2012, 09:09 AM Parent: #29
علي اليمين يا ود البشري دي كورة زي البرندة المرشوشة.. متعة ساكت
اما ناسنا ديل .. خلينا نقطعو في قلبنا...
Post: #32 Title: Re: ياخي دي كورة زي الكورة... Author: عمر الفاروق Date: 10-08-2012, 09:14 AM Parent: #29
Quote: هذا الثُنائي فاز مع البارسا بكل شيء يمكن الفوز به
وفعلها كازياس ..طيب المشكلة وين؟؟ ده ياهو مقياسك؟
Quote: متى خسر البارسا من الريال في وجود بويول وبيكيه يلعبان مع بعض (يعني ما فيهم واحد غائب يا عُمر) ؟
كدي أمشي قوووقل يا صبري انا زي ما قلت ليك ما بعرف درب القوقل لكن باقي لي في كاس السوبر الإنتهى 2-1 في مباراة الإياب الإتنين كانوا لاعبييين ..وده ما تاريخ بعيد ده تاريخ قريييب.. يا صبري ياخ روووق يا هداك الله ياخ .. ما متأكد في كأس اسبانيا كانوا قاعدين ولا لأ.. لكن برضو في الدوري الفات الريال فاز على برشلونة في وجودهم.. صبري يا صببببري بطططل استعجال..والله بنعرف كورة ياخ ..
Post: #34 Title: Re: ياخي دي كورة زي الكورة... Author: عمر الفاروق Date: 10-08-2012, 09:19 AM Parent: #32
إتقوووقلي ....
Quote: لفت نظري مقالا في الموقع المجاور من رئيس رابطة القلم بعنوان: (من نحن حتى نهزم برشلونة؟؟) يقول فيه بأن مشجعين برشلونة يتذرعون للحجج للخسارة من الأن بحجة غياب بويول وبيكيه. وبما إن الريال هزم برشلونة بتواجدهم في إياب الدوري 2-1 بالكامب نو وفي السوبر الأسباني فكيف يتحججون بغيابهم الأن؟؟ وأنا هنا لاأرد على كاتب المقال لكني هنا اريد النقاش معكم حول هذا الكلام.. صدق الكاتب في ذلك... ريال مدريد فاز على برشلونة في إياب الدوري 2-1 وفي السوبر الأسباني 2-1 بوجود بيكيه وبويول.
Post: #35 Title: Re: ياخي دي كورة زي الكورة... Author: صبري طه Date: 10-08-2012, 09:25 AM Parent: #32
فيما يختص بكاسياس لم يكن كاسياس حارساً للبارسا عندما فاز برشلونة بالسداسية التاريخية يا عُمر ...
Quote: كدي أمشي قوووقل يا صبري انا زي ما قلت ليك ما بعرف درب القوقل لكن باقي لي في كاس السوبر الإنتهى 2-1 في مباراة الإياب الإتنين كانوا لاعبييين ..وده ما تاريخ بعيد ده تاريخ قريييب.. يا صبري ياخ روووق يا هداك الله ياخ .. ما متأكد في كأس اسبانيا كانوا قاعدين ولا لأ.. لكن برضو في الدوري الفات الريال فاز على برشلونة في وجودهم.. صبري يا صببببري بطططل استعجال..والله بنعرف كورة ياخ ..
Quote: وغاب عن برشلونة، حامل اللقب في السنوات الثلاث الاخيرة و10 مرات في تاريخه (رقم قياسي)، قائد دفاعه المخضرم كارليس بويول، الذي عانى من كسر في عظمة وجنته للمرة الرابعة في مسيرته، بعد اصطدامه بلاعب اوساسونا رولاند لاماه الاحد. كما جلس على مقاعد البدلاء لاعب الوسط سيسك فابريغاس والمهاجم دافيد فيا.
وفي الدوري الفات يا عُمر لم يفز الريال في وجودهما معاً ... عايز تغالط برضو بجيب ليك النجيضة* ...
ـــــ * نجيضتي في انتظار غُلاطك وهي قاعدة بس حبّيت أدودرك كدا عشان الليلة يطير ليك عديل كدا
Post: #33 Title: Re: ياخي دي كورة زي الكورة... Author: عمر علي حسن Date: 10-08-2012, 09:17 AM Parent: #29
Quote: اها النرجع للكرور بتاعنا تاني :) قال قلق قال
كل زول وقسمتو .. يا دكتور
مع حفظ المقامات : 1- التشابه بين حالة الدفاع في البرشا والهلال 2- وكذلك الهجوم 3- مش قلت لك الماعارف يقول عدس 4- وسوف نستمتع اكتر بهلال مريخ فهي اسخن واطعم اما الريال والبارسا فكانك بتقرا التكست بوك .. لا واحد بجيه شد عضلي في التسخين ولا واحد بيقول للحكم اكلتنا في بنالتي .. بس بي بي بيلعب زي باسكال 5- الله يستر علي ميسي وكرستيانو ما يدخلوا دائرة (ولدنا) 6- ومع ذلك انا امبارح نمت متكيف ودعيت ربنا يوم 20 نلعب المباراه في الكامب نو عشان نوري الاسبان رجالتنا ..
وكل كلاسيكو وانتم بخير
عمر علي حسن
Post: #36 Title: Re: ياخي دي كورة زي الكورة... Author: عمر الفاروق Date: 10-08-2012, 09:33 AM Parent: #33
Quote: متى خسر البارسا من الريال في وجود بويول وبيكيه يلعبان مع بعض (يعني ما فيهم واحد غائب يا عُمر) ؟
قبل الدووديير.. انا قريت سؤالك ده بي فهم إنو ما حصل الريال فاز في وجودهم نهااائي يا صبري.. وعشان كده جبت ليك كلام البرشلوني ده ..وزي ما قلت ليك انا ما قوووقال..والقوقاال ما حداس.. لكن لو سؤالك طلع إنو إنت عايز التواريخ بالضبط وإنك ما قاصد إنو الريال ممكن يفوز في وجودهم فبجيب ليك النجييضة بي سرعة البرق القوقلية ..
Post: #37 Title: Re: ياخي دي كورة زي الكورة... Author: صبري طه Date: 10-08-2012, 09:48 AM Parent: #36
Quote: قبل الدووديير.. انا قريت سؤالك ده بي فهم إنو ما حصل الريال فاز في وجودهم نهااائي يا صبري.. وعشان كده جبت ليك كلام البرشلوني ده ..وزي ما قلت ليك انا ما قوووقال..والقوقاال ما حداس.. لكن لو سؤالك طلع إنو إنت عايز التواريخ بالضبط وإنك ما قاصد إنو الريال ممكن يفوز في وجودهم فبجيب ليك النجييضة بي سرعة البرق القوقلية ..
عشان كدا أنا سألتك لأنّي لم تمر علي مُباراة انتهت بفوز الريال وكانا متواجدان فيها معاً حتى لحظة إحراز هدف الفوز ... وأنا ما مشيت قوقل عشان أشوف المعلومة دي ...
إنت دا لو عندك مُباراة حصل فيها الكلام دا أسعفني بيها .. ولو ما عندك استعين بقوقل وجيبها وحتكون معلومة جديدة بالنسبة لي ...
الأنا متأكد منو منّذ العام 2008 لم يفز الريال على البارسا في وجودهما معاً ...
ما قبل العام 2008 لا أعرفه .. عشان كدا جا سؤالي .. ولو كنت عارفو ما كان سألت وكان دخلت في الموضوع توشك وقلت ليك لم يسبق ...
Quote: الزمن دا كلو مضيّع روحي مع ناس بكري المدينة و مهند و سعيد السعودي
ياخ انت الذ زول - بيد انك لم تفقدني لاكثر من سنة غبت فيها عن المنبر لكن عسي ان تكرهوا شيئا ....
Post: #39 Title: Re: ياخي دي كورة زي الكورة... Author: خالد عبد الله محمود Date: 10-08-2012, 05:32 PM Parent: #38
Quote: عارف انا بحضر الكلاسيكو ده عشان اتابع إتنين ألونسو وإنييستا ..بستمتع جداً بي أدوارهم الميدانية وحركتهم وجديتهم في الاداء وتفرغهم الكااامل لي لعب كورة قدم حقيقية ..
شنو يا عمر عايزني أشككـ في مقدراتكـ الكروية بعد العمر ده كلو ؟؟ أسه الجب انيستا الفنان لي ألونسو العنيف شنو ؟؟ ياخ ألونسو ده مفروض يأخد تلاتة كروت حمر أمس !! ياتو كورة دي الإتفرغ ليها ؟؟
Post: #40 Title: Re: ياخي دي كورة زي الكورة... Author: محمد حيدر المشرف Date: 10-08-2012, 05:34 PM Parent: #38
كورة زى الكورة وأكتر كمان .. ومورينو مدرب عظيم .. وأسعدنى أن يعود للريال ذلك الالق وشيئا من الهيبة التى كانت لزيدان ورونالدو وفيغو وراؤؤل وكارلوس وماكمانيمان وهييرو .. يا الله ياخى .. عالم تانى ..
تعرف يا ود البشرى !! بعد المتعة دى مشيت حضرت الشوط التانى بين مرسيليا وباريس سان جيرمان .. وفاتنى قون ابراهوميتش فى الشوط الاول .. ياخى مبالغة !! شوفوا القون الاول لباريس سان جيرمان .. وطبعا الصراع بين مرسيليا "مدينة المهاجرين بطبقاتهم الاجتماعية و باريس التى تعلمون .. صراع تأريخى طويل ..
Post: #41 Title: Re: ياخي دي كورة زي الكورة... Author: محمد حيدر المشرف Date: 10-08-2012, 05:46 PM Parent: #40
وعشان الناس ما تقول ليك صدفة وما صدفة .. الزول ده "سلطان ابراهوميتش" طوالى كده .. والله صحى ؟!! أمبارح ناس الجزيرة جابو ليهو اربعة اقوان بنفس الطريقة ..
إبراهيموفيتش يا ود المُشرف لاعب من طُراز عالي .. ولكنه ضاع مع أسلوب البارسا ... فأجبر المدرّب للتضحية بواحد من اثنين إما هو أو ميسي .. وجاء الخيار بالتضحية بإبرا ...
Post: #43 Title: Re: ياخي دي كورة زي الكورة... Author: عمر الفاروق Date: 10-09-2012, 06:07 AM Parent: #42
Quote: أسه الجب انيستا الفنان لي ألونسو العنيف شنو ؟؟
طبعاً ماف ايييي علاقة يا خالد وإنييستا ده بالمناسبة ورغم إني مدريدي الهوى إلا إنو الزول ده ألعب من وجد على هذه البسيطة في هذه الأيام ..لا تقول لي ميسي لا تقول لي رونالدو.. بس بحب اتابع مرات حاجات صغييرة صغييرة في الكورة بعيداً عن المهارات والعنف..بتابع جدية اللاعب وحركة اللاعب ومدى إستيعاب اللاعب للأدوار الموكلة ليهو ودرجة تطبيقه ليها..الحاجة بعرفا بي ملاحظة دقيييقة ..الكلام ده كلللو بيكون تنظير مني وقتها لكن عشان استمتع بي الفكر التدريبي بتاع كرة القدم واقتنع إنها فعلاً علم يدرس بقوم اعمل الوهمات دي مع روحي :)
Post: #44 Title: Re: ياخي دي كورة زي الكورة... Author: محمد حيدر المشرف Date: 10-09-2012, 07:00 PM Parent: #43
يا صبري راس الحربه هو البجيب الاقوان .. اها لو ابراهوميتش قاعد .. ميسي يجيب شنو ؟!
المسألة أن وجود عبقرية كميسي يغير من قواعد اللعبة .. ويجعل جماهير الكرة الارضية تنبسط تمام التمام لامن يفتحو فى البوستات و .. يتعززوا !!
Post: #45 Title: Re: ياخي دي كورة زي الكورة... Author: محمد البشرى الخضر Date: 10-09-2012, 07:13 PM Parent: #44
ههههههههههههههههههههههههه لا والله يا ود المشرف ما تعزز ولا حاجة لكن من شدة ما مبسوط من الكورة كل ما اجي ارد و اكتب في البوست اتذكر شنيف عمر الفاروق ليها و طلعها كورة تعبانة بجيني احباط
انت يا ود الفاروق كمان ما تبالغ تعبانة وعادية كيف يعني, أمال حقن الملاريا القاعدين نحضرها - آكشوالي نسمعها من الغبار و العلالة القايمة - في النيلين و الشروق ينقال عليهن شنو
Post: #46 Title: Re: ياخي دي كورة زي الكورة... Author: عمر الفاروق Date: 10-10-2012, 06:15 AM Parent: #45
يا ود البشرى ..عادل إمام في فيلم التجربة الدنماركية لمن باستو البت .. قال ليها الظاهر البووس اللي كنا بنتباسو ده مش بووس..ده كان تطعيييم..
Post: #47 Title: Re: ياخي دي كورة زي الكورة... Author: وليد عبد اللطيف Date: 10-10-2012, 07:24 AM Parent: #46
المشرف هدف ابراهيموفتش مخالف لقوانين الطبيعه يعني عشان تعرف جمال هذا الهدف لازم تكون بتعرف قوانين ( نيويتن )
ودا هدف السعودي كمان بس في واحد اجمل كان في ضد الوكره القطري بحثت عنه ولم اجده يادكتور حدير المشرف ياخي انت زول ممتع لان مثل هذه الاهداف يمكن ان نسرح بها طبعا الفناننين بقولو الشوف يختلف عن الفِرجه لان ممكن كل الناس تشوف ولكن في الفِرجه تأمل... وجع هههههههههه
