Post: #1 Title: الامين البشاري مطلوب تبني موهبة Author: محمد عمر الفكي Date: 10-07-2012, 05:22 PM
امس نزلت لي كوم قنوات لقيت واحد فيهم اسمها مانجو اكتشفت من خلال هذه القناة هذه الموهبة السودانية الصاعدة
لعلمي باهتمامك بمسيرة الفن والغناء السوداني ارجو منك دعم هذه الموهبة (ماشفت راوية العباسي دعمت شريف الفحيل كيف؟ بالله في شنبات هنا ما قدرت تفتح خشمها وتقول كلمة الا هارون دياب وبعد ما ضمن ان راوية ما ظاهرة في المنبر) سمعت الاغنية في مانجو بس صراحة يا الامين الاغنية هي نفس الاغنية بس هناك فيديو كليب مختلف في الفيديو داك الفنان كان في ايديهو في كم خاتم (زي حقات ترباس) فما عارف بيفرقن ولا لا؟ فوائد هذا البوست 1- دعم الفنان الناشئ 2- سمعتك الفنية باعتبارك مكتشف موهبة التالتة والاهم البوست دا مراقة من عبد اللطيف بكري بعد مرمطة بعدين ان الله حيانا ، كل ما يسالك ولا يقابلك في بوست قول له انا ما فاضي عندي ناشئين بعد داك عندي ليك مواهب لا تحصى ولا تعد والبركة في مانجو
Post: #2 Title: Re: الامين البشاري مطلوب تبني موهبة Author: محمد عمر الفكي Date: 10-15-2012, 11:30 AM Parent: #1
اها يا شيخنا وكت ابيت تتبنى الموهبة الفوق حلف عليك كان تتبنى الموهبة دي
اتحداك لو تقدر تسمعها كاملة انا شخصياً من الثانية 20 جاني طمام والله طمام الملاريا ما زيو يا جماعة دا ياهو الغُنا في السودان؟
Post: #3 Title: Re: الامين البشاري مطلوب تبني موهبة Author: الامين موسى البشاري Date: 10-15-2012, 11:37 AM Parent: #2
محمد عمر الفكي أسمعا من خبير وخليك من البشاري لا يوجد قبل وبعد سميرة دنيا ونانسي عجاج موهبة أو أي محاولات أخري . طالب بسحب البوست .
Post: #5 Title: Re: الامين البشاري مطلوب تبني موهبة Author: محمد عمر الفكي Date: 10-15-2012, 11:45 AM Parent: #4
يا البشاري الدعم ما شرط يكون مادي .............. المعنوي مقبول
الاخطبوط طال عمرك طبعاً غير الحقيبة والفنانين الكبار زي وردي ربنا يرحمو وكابلي وابو الامين الله يمد في ايامهم ما قاعد اسمع بس زي ما قلت ليك لقيت قناة مانجو دي جايبا ليها فنانين اول مرة اشوفهم في حياتي فقلت "خليك يا ولد مع الموضة" وكدي النشوف الحاصل شنو بس الامل كبير في راعي المواهب دا ممكن يطلع بحاجة مفيدة لمسيرة الغناء السوداني
Quote: ما قاعد اسمع بس زي ما قلت ليك لقيت قناة مانجو دي جايبا ليها فنانين اول مرة اشوفهم في حياتي فقلت "خليك يا ولد مع الموضة"
محمد عمر الفكي
بالطريقة دي بتحطم المواهب ديل ياخ محمد عمر كل زمن ليهو غنايو مهما اختلفنا معاهم الجميل انو النموذجين ديل بقولوا في كلام معقول ومحترم على الأقل عارف مرة سألت لي شاب لقيتو قاعد يسمع في البرنس احمد البنا فقام قال لي يا زول دا أحسن زول بالنسبة لفئة الشباب وزي ما انتوا بتشوفوا غناهم وكلامهم خارم بارم بالنسبة ليكم نحن والله بنشوف غنا خضر بشير والنعام ادم .... الخ الخ عوارة ساي أما بالنسبة لموضوع التبني دا فيا ريت تعفيني منو لكن لو مصر شديد ممكن نشوف ليهم واحد من أوربا يتبناهم أصلهم هناك بتبنوا أي حاجة وما بعيد يوصي ليهو ببقية ثروته كمان بعد مماته .. ..
___ لقيتني كيف بالله؟ اصلو أخوك اليومين ديل رابط الكرفته وشغال في الأعمال الخيرية وبقيت زول جادي جداد شديد
Post: #9 Title: Re: الامين البشاري مطلوب تبني موهبة Author: محمد عمر الفكي Date: 10-15-2012, 12:32 PM Parent: #7
انت يا الامين قايلني ببالغ لكن والله العظيم لما سمعت الاغنية التانية دي بطني طمت وكنت داير اطرش قلت لي غنا خضر بشير عوارة!!!!!!! سبحان الله بالله زولك دا حصل سمع خضر يغني بطنه طمت؟ بالمناسبة السعيدة دي ما عندك حاجة للعملاق نزار المهندس؟ غايتو لو جوني ناس الخامة الصوتية ديلك الا البوست دا اخليك تتابعو انت
Post: #10 Title: Re: الامين البشاري مطلوب تبني موهبة Author: محمد عمر الفكي Date: 10-15-2012, 12:52 PM Parent: #9
Quote: اها وكت ابيت تتبنى المبدعين اتبنى واحدة من ديل
يا حاقد انت داير تقطع ضراعي ولا شنو يا زول؟ طلب الاغنية محمد عمر الفكي ويهديها لكل الاحباب
Post: #13 Title: Re: الامين البشاري مطلوب تبني موهبة Author: محمد عمر الفكي Date: 10-16-2012, 09:33 AM Parent: #12
مشكور يا ود البشاري على الهدية الما طلبتها منك لثلاثة من عمالقة الغناء في السودان عِلا عندي سؤال واحد بس الكراسي الزي قُداحة المونة دي لقوهن وين؟ سؤال ين تانيات العملاق التالت دا ما عرفتو القاعد طرف ؟ الناس دي لو ما اتلولوت ما بتعرف تغني؟
ملحوظة الزول اب كرفتة دا والله من شدة ماهو متضايق من الغنية لو لقا ليهو عكاز كان كسرو فوق ريسانهم دي (دا غايتو في بداية الغنية ما عارف الحصل شنو في النهاية لانه حدي معاها دقيقة ونص تقريباً)
