Post: #1 Title: يا ناس الامن .. اختشو علي دمكم Author: محمد حسن بوشى Date: 10-07-2012, 10:01 AM Parent: #0
ياخوانا اسي ناس الامن ديل بدافعو عن النظام ده لييييييي؟؟ والله اموت واعرف اجابة السؤال ده !!!!!!!!!!!!!!!!!!!!!!!!!!!!!!!!! يعني هم ما شايفين الحاصل في البلد دي ؟؟؟ ما شايفين المواصلات بقت كيف ؟؟ وله المعيشه ... لا اله الا الله .. ياخي طلب الفول بقي في حتات بي 7 الف ياخي كيلو الباميه وصل 16 الف من الفين !!! ياخي كيلو الطماطم بي 40 الف ياخي كيلو اللحمه بي 55 الف ياخي ربع الذره بي 22 الف .. بالله عليكم انتو دايرننا نعيش كيف ؟؟ ودايرننا ما نطلع الشارع كيف ؟؟ ياخي ما تختشو علي دمكم .. واطلعو وشوفو الناس دي حالا بقي كيف .. ياخي الناس عفنت الناس زيتا طلع الناس بتموت بالجوع الناس بتموت بالمرض ياخي انتو شنو ياخي مابشر ؟؟ ماناس ؟؟ ما بتحسو ؟؟ ما عندكم دم؟؟ ما شايفين البنقول فيهو ده؟؟ انتو ما عايشين معانا ؟؟ ياخي كفايه .. ياخي كفايه .. ياخي كفايه ..
حسو شويه يا خلق.. حسبنا الله ونعم الوكيل فيكم
Post: #2 Title: Re: يا ناس الامن .. اختشو علي دمكم Author: Asim Fageary Date: 10-07-2012, 10:04 AM Parent: #1
البوشي
مسكاقمي
أسمعت لو ناديت حياً
ولكن لا حياة لمن تنادي
Post: #4 Title: Re: يا ناس الامن .. اختشو علي دمكم Author: محمد علي عثمان Date: 10-07-2012, 10:12 AM Parent: #2
شكرا الأخ المهندس محمد بوشي ، وبالعمل الجاد ووحدة الشباب ووحدة كل قوى الشعب الحية سينتصر الشعب السوداني على هذا النظام الظالم .
رسالتي للشعب السوداني، مهندس محمد حسن بوشي :
Post: #5 Title: Re: يا ناس الامن .. اختشو علي دمكم Author: احمد محمد بشير Date: 10-07-2012, 10:18 AM Parent: #2
الغريبة قاعدين حاكمين اكتر من 20 سنة وسرقو ونهبوا وعملوا اي حاجة في الدنيا الناس دي اصلوا ما بتشبع!! الكلام ده كلوا حقيقة و الناس صابرة ........... ولكن خلآص للصبر حدود
Post: #3 Title: Re: يا ناس الامن .. اختشو علي دمكم Author: صبري طه Date: 10-07-2012, 10:07 AM Parent: #1
Quote: الناس زيتا طلع
عايز واحد من عندينا يستبدل كلمة زيتا دي بكلمة أخرى أشدّ وقعاً
ــــ كامل تضامني مع ناس الأمن الجعانين وربنا يكون في عونهم :) وحقو نعمل نفرة لدعم ناس الأمن لإنقاذهم من الحالة المعيشية الهم فيها دي :)
Post: #6 Title: Re: يا ناس الامن .. اختشو علي دمكم Author: وضاحة Date: 10-07-2012, 10:27 AM Parent: #3
يا ود البوشي
الناس ماتت ضمائرها يا حليل السودان ورجال السودان
بقوا بتاعن مصالح حتى لو على حساب اقرب زول اليه
Post: #7 Title: Re: يا ناس الامن .. اختشو علي دمكم Author: محمد أبوالعزائم أبوالريش Date: 10-07-2012, 10:36 AM Parent: #6
Quote: عايز واحد من عندينا يستبدل كلمة زيتا دي بكلمة أخرى أشدّ وقعاً
عايز تقول شنو يا صبري؟
عايز تقول دينا طلع؟
هو في حاجة لسة ما طلعت؟
Post: #8 Title: Re: يا ناس الامن .. اختشو علي دمكم Author: صبري طه Date: 10-07-2012, 10:37 AM Parent: #7
Quote: هو في حاجة لسة ما طلعت؟
بترول الشمال
Post: #9 Title: Re: يا ناس الامن .. اختشو علي دمكم Author: Hisham Ibrahim Date: 10-07-2012, 12:56 PM Parent: #8
Quote: هو في حاجة لسة ما طلعت؟
للاسف في.
غضبة الشعب السوداني التي لا يدانيها غضبه .... !!
Post: #10 Title: Re: يا ناس الامن .. اختشو علي دمكم Author: فايزودالقاضي Date: 10-07-2012, 01:06 PM Parent: #9
Quote: ياخوانا اسي ناس الامن ديل بدافعو عن النظام ده لييييييي؟؟ والله اموت واعرف اجابة السؤال ده !!!!!!!!!!!!!!!!!!!!!!!!!!!!!!!!!
يابوشي السؤال ده يسأله زول غيرك .. معقولة بتكون فاكر ناس الامن ديل ماعندهم علاقة بالنظام !!! الامن هو النظام يتخلله بعض الموظفين المستفيدين في الحزب .. والنظام قايم وباقي ببطش الامن واذرعه ..
إلا تكون قاصد الامن الغذائي ..
تحياتي ..
Post: #11 Title: Re: يا ناس الامن .. اختشو علي دمكم Author: محمد حسن بوشى Date: 10-07-2012, 01:26 PM Parent: #10
Post: #12 Title: Re: يا ناس الامن .. اختشو علي دمكم Author: محمد مصطفي مجذوب Date: 10-07-2012, 02:46 PM Parent: #11
بالذمة يا صبري طه ده اسمو كلام
Quote: عايز واحد من عندينا يستبدل كلمة زيتا دي بكلمة أخرى أشدّ وقعاً
طيب خد ده ....
قالوا لي كان في واحد من عندياتكم كان بدرس رياضيات في السعودية. وزهج من الغباء المستحكم اللي كان بلاقيهو . ووصل بيهو الحال انو لازم يطلع للطلبة من اللي في العلبه عشان يتنفس... لكن كان خايف عشان الجماعة حذروه من السودان قالوا ليهو هناك سب الزيت في السعودية فيهو قطع الرقبة علي طول ...
يوم من ذات الايام راح داخل الفصل وكتب علي السبورة بالخط العريض .....(زيت) واتلفت وقال للطلبة الحصة النهار ده (زيت ) ... زيتكم ..وزيت السعودية وزيت الملك (.....) ظاتو ..... و(زيتي) انا الجاي من عند ناس صبري طة عشان قروش (الزيت ) بتاعتكم ده
Post: #13 Title: Re: يا ناس الامن .. اختشو علي دمكم Author: محمد حسن بوشى Date: 10-07-2012, 03:47 PM Parent: #12
هاهاهاهاهاهاهاههههههههههههههههههههههههههههههه التحيه لكم صبري ومحمد مجذوب ولكل اهلنا النوبه
Post: #14 Title: Re: يا ناس الامن .. اختشو علي دمكم Author: Mohamed Elgadi Date: 10-09-2012, 00:51 AM Parent: #13
ياخوانا اسي ناس الامن ديل بدافعو عن النظام ده لييييييي؟؟ Becaus they are the regime per se...!
ya Mohamed magzoub: This is the most hilarious joke I heard so far.... Thanks