Post: #1 Title: ما المقصود بالهامش؟ ومن هم المهمشين في السودان ؟ Author: شرف الزاكي Date: 10-06-2012, 09:36 PM Parent: #0
ما المقصود بالهامش؟ ومن هم المهمشين في السودان ؟ بوست اود ان استخلص فيه الردود المنطقية لمعني الهامش والحقيقية لأهدافهم ففي كل مره نجد كيانا جديدا باسم الهامش .. فتارةً منبر الهامش وتارةً اخري قوي الهامش هذا فضلاً عن حركات الهامش أفيدونا
Post: #2 Title: Re: ما المقصود بالهامش؟ ومن هم المهمشين في السودان ؟ Author: احمد محمد بشير Date: 10-06-2012, 09:46 PM Parent: #1
دي التسميات بتاعة العنصريين في هذا البورد ناس فلانة وعلان . و الله العظيماي زول مهمش في السودان ده . ما عدى المسئولين في الدولة وحاشيتم .
إنت حسع يا شرف قاعد ومجدوع في البرد وعينك طالع من الفلس ومهمش ....... لكن مع ناس فلان ديل ما بيحسبوك مهمش
المعيار بتاعم ده مختل وغير دقيق , وبيستعملو لاغراض عنصرية .
يديك العافية يا شرف
Post: #3 Title: Re: ما المقصود بالهامش؟ ومن هم المهمشين في السودان ؟ Author: شرف الزاكي Date: 10-06-2012, 10:03 PM Parent: #2
الحبيب احمد محمد بشير سلام واحترام
Quote: إنت حسع يا شرف قاعد ومجدوع في البرد وعينك طالع من الفلس ومهمش ....... لكن مع ناس فلان ديل ما بيحسبوك مهمش
شكرا علي مرورك .. وراجع ليك بي مهل يا عزيزي
Post: #4 Title: Re: ما المقصود بالهامش؟ ومن هم المهمشين في السودان ؟ Author: محمد علي عثمان Date: 10-06-2012, 10:13 PM Parent: #3
الهامش مقصود به كل المظلومين و المطهضين في السودان ما عدا ناس النظام والمستفيدين من النظام .
وبالطبع الناس ألفي دارفور وشرق السودان وجبال النوبة والنيل الأزرق وأقصى الشمال أكثر تهميشا لتعرضهم للجوع والقتل والاغتصاب والتهجير القسري .
أما الاصطياد في الماء العكر ومحاولة التفريق بين الناس ، فلن تجد مكانا ،وعاش نضال الشعب السوداني المهمش.
Post: #5 Title: Re: ما المقصود بالهامش؟ ومن هم المهمشين في السودان ؟ Author: شرف الزاكي Date: 10-06-2012, 10:26 PM
تحياتي يا محمد علي عثمان وشكرا لايضاحاتك .. وعلي قولك
Quote: ما عدا ناس النظام والمستفيدين من النظام .
معناها كل السودان مهمش كما قال الاخ احمد محمد بشير اعلاه بس كمان عشان الصورة تكون اكثر وضوحا بالنسبة لي
Quote: وأقصى الشمال
يا ريت تحدد لي بي مفهوم الهامش اقصي الشمال بيبدأ من وين تحديدا اما الجملة الاخيرة في مداخلتك فراجع ليها بي مهل مع مودتي
Post: #6 Title: Re: ما المقصود بالهامش؟ ومن هم المهمشين في السودان ؟ Author: محمد علي عثمان Date: 10-06-2012, 10:35 PM Parent: #5
شكرا يا أخ شرف الزاكي لتفسير وجهة نظري
التهميش ليس له حدود جغرافية
Post: #7 Title: Re: ما المقصود بالهامش؟ ومن هم المهمشين في السودان ؟ Author: شرف الزاكي Date: 10-07-2012, 10:44 AM Parent: #6
السادة المهمشين ما زلت في انتظار رد شافي ومقنع منكم لتساؤلي بمعني الهامش ومن هم المهمشين في السودان؟ فقد كنت اتوقع ان ينبري لي احدكم لشرح فكرة الهامش بصورة ادق واعمق فانا وغيري كثر في حاجة لان نجد تعريفا لمصطلح الهامش خصوصا بعد سقوط بعض المبشرين منكم بفكرة الهامش والمهمشين في مستنقع العنصرية باصرارهم علي دغدغة مشاعر الناس واستفزازهم للمستمعين والقراء بعبارات تحمل الحقد والكراهية وتعمل علي زرع الفته بين افراد الشعب السوداني حيث لا يخلو خطاب من ذكر عرب وزرقه .. جلابه وعبيد .. مركز وهامش, او التلميح بها
Post: #8 Title: Re: ما المقصود بالهامش؟ ومن هم المهمشين في السودان ؟ Author: مهدي صلاح Date: 10-07-2012, 10:53 AM Parent: #7
ربما مهمش قيّضت الظروف له سلطة ما في يده فمارس التهميش ضد غيره
مبدئيا كدة :التهميش اكترو جايي من الخرطوم موجها ضد الاطراف
Post: #9 Title: Re: ما المقصود بالهامش؟ ومن هم المهمشين في السودان ؟ Author: شرف الزاكي Date: 10-07-2012, 11:13 AM Parent: #8
مهدي صلاح تحياتي واحتراماتي وشكرا علي مداخلتك
Quote: مبدئيا كدة :التهميش اكترو جايي من الخرطوم موجها ضد الاطراف
محتاجين تعريف دقيق للهامش عموما وما هي الاطراف المقصوده في كلامك ؟ بمعني الحدود الجغرافية للهامش فقد كتب الاخ محمد علي عثمان بالامس في هذا البوست
Quote: وبالطبع الناس ألفي دارفور وشرق السودان وجبال النوبة والنيل الأزرق وأقصى الشمال أكثر تهميشا لتعرضهم للجوع والقتل والاغتصاب والتهجير القسري .
محتاجين ايضا نعرف اقصي الشمال بيبدأ من وين ؟ بإختصار شديد عايزين نعرف معني مصطلح هامش ومن هم المعنيين به بصورة دقيقة في كل السودان؟
Post: #10 Title: Re: ما المقصود بالهامش؟ ومن هم المهمشين في السودان ؟ Author: mekki Date: 10-07-2012, 01:28 PM Parent: #9
Quote: هامش مقصود به كل المظلومين و المطهضين في السودان ما عدا ناس النظام والمستفيدين من النظام .
وبالطبع الناس ألفي دارفور وشرق السودان وجبال النوبة والنيل الأزرق وأقصى الشمال أكثر تهميشا لتعرضهم للجوع والقتل والاغتصاب والتهجير القسري .
أما الاصطياد في الماء العكر ومحاولة التفريق بين الناس ، فلن تجد مكانا ،وعاش نضال الشعب السوداني المهمش.
يسلم فهمك يا أخ محمد علي،، لي عودة،إنشاء الله، حول هذا الموضوع الهام
Post: #11 Title: Re: ما المقصود بالهامش؟ ومن هم المهمشين في السودان ؟ Author: مهدي صلاح Date: 10-07-2012, 02:39 PM Parent: #10
اعتقد التعريب القسري وفرض الهوية العربية ليهو علاقة بمسألة التهميش دي انا كنوبي بعتقد انو ثقافتي نالها بعض التهميش ، مافي مجال استخدم لغتي عبر اي وسيلة اعلام رسمي ، حتى اذاعتنا الولائية ما بتدينا فرصة كلاميعن التهميش يبدو مرسلا ومن غير تحديد ... مسجل حضور عشان اشوف تعريف للـ(الهامش) وللـ (المهمشين)
Post: #13 Title: Re: ما المقصود بالهامش؟ ومن هم المهمشين في السودان ؟ Author: شرف الزاكي Date: 10-07-2012, 03:05 PM Parent: #11
الحبيب مهدي
Quote: اعتقد التعريب القسري وفرض الهوية العربية ليهو علاقة بمسألة التهميش دي انا كنوبي بعتقد انو ثقافتي نالها بعض التهميش ، مافي مجال استخدم لغتي عبر اي وسيلة اعلام رسمي ، حتى اذاعتنا الولائية ما بتدينا فرصة
وجهة نظرك محترمة ومقدرة انا لا اعرف ان كانت اللغة النوبية لغة مكتوبه ام لا ؟ فإن كانت مكتوبه فما المانع من تدريسها في المدراس واستخدامها متي كان هناك ضرورة لا ستخدامها .. وان كانت غير مكتوبه فما المانع من الاجتهاد علي جعلها لغة مكتوبه وتطويرها .. علي حد علمي كل اللهجات واللغات السودانية مسموح بالتحدث بها والتغني بها فلا يخلو يوم الا ونسمع ونشاهد علي وسائل الاعلام المسموعه والمرئية اغاني النوبيين شمالا واغاني البجة شرقا وبعض من اغاني وتراث دارفور وكردفان .. اما قولك حتي الاذاعة المحلية ما بتديكم فرصة .. فهذا عمل مرفوض واضم صوتي لصوتك مجاهرا به لنشر ثقافة النوبيين واتاحة الفرصة لكم بالتحدث بلغتكم التي تريدونها وكذلك الحال لسائر بقاع السودان وقبائله المختلفه
تخريمه وما زلنا في انتظار النافذين في منابر الهامش لتنويرنا بدلالات مصطلح الهامش وحدوده الجغرافية
Post: #12 Title: Re: ما المقصود بالهامش؟ ومن هم المهمشين في السودان ؟ Author: شرف الزاكي Date: 10-07-2012, 02:43 PM Parent: #10
مكي يا حبيب
Quote: لي عودة،إنشاء الله، حول هذا الموضوع الهام
منتظرين
Post: #14 Title: Re: ما المقصود بالهامش؟ ومن هم المهمشين في السودان ؟ Author: محمد علي عثمان Date: 10-07-2012, 09:26 PM Parent: #12
الاستاذ أمين زكريا رئيس منبر الهامش بالولايات المتحدة ، رسالة للشعب السوداني
Post: #15 Title: Re: ما المقصود بالهامش؟ ومن هم المهمشين في السودان ؟ Author: شرف الزاكي Date: 10-08-2012, 06:01 PM Parent: #14
شكرا محمد علي عثمان علي اجتهادك معنا في توضيح الفكرة