Post: #1
Title: ....قضايا نُسوية ... يُحبذ دخول الرجال ..!!!
Author: Ahmed musa
Date: 10-06-2012, 02:15 PM
Parent: #0
صراحة كدة غاظتني حاجة ...البوست بتاع الكفيل القفل على مرة صاحب سيد البوست
الغاظني ما البوست ...الغاظني إندراشة الناس في البوست ... لمافيه من إيحاءات جنسية
وشعرت بهبوط مفاجئ في معدلات الأمل ... قلت هل وصلنا لهذا الدرك.؟؟
بصراحة عجبني موقف أخونا ياسر طيفور وغضبته على (الحق) ...
القضية الآن أكبر من كفيل (سافـــل) قفل على زوجة مكفول (أسفل) منه ...
وأكبر تفاصيل زوجة مكفول يحكيها صحابه في بوست لحدى اللحظة قروه خرطمية قاري
وعلق عليه جغجمية متداخل ..... فهل صارت الإيحاءات الجنسية جاذب للبوستات
هل ماتت فينا النخوة ....؟!! ....... ده واحد .....
تاني في الفيس صورة زولة محنّنة حنة سممممحة جدا ماشاء الله تبارك الله ....
فكرت في حتة تانية تغيظ ... وعملناها كلنا ... المرأة عندنا صارت صارت مصدر امتاع
ده كل دورها ..؟!! تتحنن وتتكبرت وتتخمر للراجل تنتظره من الصباح للعشية ....!!!!
والراجل يزعل لو مرتو ما اتدخنت يوم الخميس .... مرات بناقش زوجتي بترد لي
انتو ما بتتزينو مالكم .؟ بتغاظ وانا موقن انها على حق ... نحن مليانين عيوب ياقول هاني العربي ....
....ده إتنين .... تلاتة شنو ماعارف بس بجي تاني ....
|
Post: #2
Title: Re: ....قضايا نُسوية ... يُحبذ دخول الرجال ..!!!
Author: فايزودالقاضي
Date: 10-06-2012, 02:24 PM
| Quote: بصراحة عجبني موقف أخونا ياسر طيفور وغضبته على (الحق) ... |
ياقريبي كلام طيفور ده فرقه شنو من الإيحاء ؟!!
الكلمة القالهابرضو إيحاء لجنس غير طبيعي ..
تحياتي ،،
|
Post: #3
Title: Re: ....قضايا نُسوية ... يُحبذ دخول الرجال ..!!!
Author: صبري طه
Date: 10-06-2012, 02:29 PM
| Quote: بصراحة عجبني موقف أخونا ياسر طيفور وغضبته على (الحق) ... |
لو كان مضمون القصة يحملها هذا العنوان:
 كفيلتي قفلت على زوجي
هل كان سيغضب الأخ ياسر طيفور ويستخدم فيها نفس العبارة ؟
أم أنّ في مثل هذه القصص يجب مُراعاة نوع الجنس (ذكر/أنثى)
ـــــــــــ
غايتو توقعي أنّ في حالة عنواني المقترح .. الأعمى كان سيأتي شايل المكسّر وهاك يا ضحك وهاك لاستعراض العضلات والفحولة والرجالة وعييييييييك
ـــــــــــ
|
Post: #4
Title: Re: ....قضايا نُسوية ... يُحبذ دخول الرجال ..!!!
Author: Ahmed musa
Date: 10-06-2012, 02:51 PM
Parent: #3
أهاااااااا الشئ التالت ... تجي بوردابية او فيسبوكابية تفتح بوست تقول آآآتشوووم
شوفو التعليقات ...في ثواني مُكسّر صبري طه ده شايل أعماه ...
وسلامتك ياست البنات ... والنزلة التقيلة كيف تغلط في دروب الـ... إلخ القصيدة العصماء
و ..... و ...... و ..... يجيك بوردابي يكتب عن ميثلوجيا الصراع التفكيكي للدولة السودانية في كون إنبثاقها
وحاتي وحاتك ولا حد بقول ليه أجارك الله .... وإلا يعمل قصة الحلفاوي الشايل الجنازة
كل واحدمن التلاتة يجيه واحد ويقول ليه أجرك وصل ويشيل منه وهكذا وهو مافي زل هبّب ليه
زعل ورمي العنقريب قائلاً إجدأ الفتيس* وتُقرأ أجدع الفطيس .....
في النهاية البورداب المساكين إضطروا يلجأوا للخداع العنواني
تلقى مكتوب (إنقلاب ) مسبوقة بــ (عاجل) .... وتدخل تلقى الموضوع إنقلاب في مزاجه الخاص .!!
مسكين ...يعمل شنو ؟؟؟
|
|