سادومبتان فى الشباك حلتا على مهل !!!

لاشك أن سادومبا اليوم أعاد لنا شريط هدفيه فى هلال مريخ فى مرمى الحارس (أكرم الهادى سليم ) هدفين ولا أحلى بطريقة واحدة أرضية وإنفراد (خلت أكرم معّط النجلية وقال الكورة يا حليله ) وبعدها جاتو حصوه وشطبو المريخ !!! الله يستر عليك يا الدعيع !!رغم أنك كنت من نجوم المباراة .
كان الحالمون أخواننا الوصيفات مأملين على (أهلى شندى ) أن يعملها مع الهلال !!ولكن كان الهلال فى الموعد وسادومبا فى القمة فوضع هدفين رفع بهما رصيدة الذى جعله يتربع على عرش هدافى البطولة خلال سنوات مشاركته فى الهلال فى السته مواسم السابقة .
التحية لسادومبا أنجح محترف يسجله الهلال وأنجح محترف مر على السودان وقد فاق كلتشى فى الاهداف والنجومية والولاء للهلال وأخشى عليه من تباطؤ الادارة (وقروش الوالى البدفع طوالى ) ووالله العظيم لو قال سادومبا عايز 10 مليون دولار جمال الوالى يدفعه ليهو مغمض ضاربو فيها حجر دغش !!! !!!لذلك على الكاردنيال أن (يدق صدرو لتسجيل سادومبا وعمر بخيت وسيف مساوى وهم أهم ركائز الهلال ) .

إنت بقيت دلال يا بشرى أوعى يكون كتبوك عشان
تشتغل الشغل النضيف دا

رجل تقى وورع وصادق إلتقى عند صديقه بآخر ماكر كان يبحث
عن زوجه فقال ذلك التقى للماكر عليهم جميعا الرحمه ومن كانوا
فى حضرته ياخ إتزوج ليك زبيرابيه أقسمت يمين فالحات ونسوان واجب
وكريمات وكل الصفات السمحه وعندما خرج التقى قال الماكر لمن
ظل معه عليك الله شوف دا الزبيرابيات كتبنو لمن إشتغل دلال وكان
التقى زوجا لزبيرابيه ومن كانوا فى حضرته زوجا لأختها!!




منصور

سادومبتان على الشباك حلتا على مهل
فرح الجمييع والنصر بان عمّ الفريق عمّ السهل
خلى الوصيف ضرب الرصييف خلاهو حالو أبو جهل
نتلاقى فى مسك الختام سادومبا فى الموعد أكيد شباك بهل

يا جنابو عمر عثمان ....... أدخل ليك الامان !!!أصلكم يا الوصيفاب كنتو قافلين جوكر مخاوه على أهلى شندى !! نامين سادومبا (جدع ليكم بايظين خلاكم تتلفتو زى عبدالمحسن فى بكا أولاد الاحمر!!!)