المنبر حجب من السودان فأصبح حفلة دكاكينية

البداية كانت عيوشة السمحة
وتناسخت البوستات وعرست وولدت

Quote: البداية كانت عيوشة السمحة وتناسخت البوستات وعرست وولدت

وحالتو هاشم لسه ماقرر يعرس عيوشة..
وبكري ذاتو كان ضد العرس مارجع ليه البوست علشان الموضوع مايكبر!

كيف حالك يا عبدالله

مرحبا الملكة منى بت الخليفة
نحن بخير اتمنى لكم الصحة والعافية
.
.

Quote: وبكري ذاتو كان ضد العرس مارجع ليه البوست علشان الموضوع مايكبر!

طيب اسع الموضوع كبر وبقى والي
ما ابقى بكري عادل والم البوستات دي كلها في قيروانة واتصرف فيها
.
.
اقترح في الحفلة دي وما دام الموقع محجوب من السودان
نبدأ نحن الاعضاء في الفسحة دي نتعارف من اول وجديد
ونتكلم عن تاريخ السودان
علي الاقل الاجيال التي ولدت وتربت في الشتات
ولايعرفون عن السودان الا جواز السفر
اتمنى ان نسد الفراغ الحاصل باشياء مهمة
بدلا من عرس وطلق وغرائب الامور التي لاتجدي ولاتفيد
.
.
شكرا جزيلا اختي منى
مع تحياتي وتقديري

حجب الموقع من السودان يجعل كتاب المنبر بانهم يخاطبون بعضهم بعضا
فاصبح المنبر بما هو عليه الان حفلة دكاكينية خاصة ......
.
.
الم تظل مالطا من غير مآذن حتى يومنا هذا .... ؟

ودالبوش سلامات
انت عارف خير الانسان مامنع والحوجة ام الاختراع وجدت الف طريقة وطريقة لدخول الموقع
فالمنبر كل مامنع كلما زاد صيتا وسمعة
حبيت اسلم عليك واتفقدك
باقي طولت من حلتنا بي هناك

عادل خياري
يا سلام يا حبيب سلام وتحية واحترام

Quote: انت عارف خير الانسان مامنع والحوجة ام الاختراع وجدت الف طريقة وطريقة لدخول الموقع

.
.
ديل الناس الشوطن
لكن جماعتي ناس وحاتي شمها وهم السواد الاعظم ماعندهم صيبة كبيرة في حاو وهش
فتح الابتوب فتح سودانيزاولاين قفلت معاهو ركب حمارو ومشى الضهرية
لسع جماعتنا ما وصلو مرحلة كترت البعابص
.
.

Quote: حبيت اسلم عليك واتفقدك

ما فقدنك شينة يا ود عمي ....

Quote: باقي طولت من حلتنا بي هناك

يا سلام على الهدى واهل الهدى والتقى
الهدى هواها يجري في دمي وحبها دين في عنقي
الما بحب الهدى اصلو كلو كلو ما من الجزيرة على الاقل ....
شكرا عادل خياري ونلتقي

Quote: حجب الموقع من السودان يجعل كتاب المنبر بانهم يخاطبون بعضهم بعضا فاصبح المنبر بما هو عليه الان حفلة دكاكينية خاصة ......

اى تعليق مني على المقتبس اعلاه بيوردني موارد الردى ..
ليت بكرى ابو بكر يمر من هنـــا ..