يقرأ المنبر من تحت لفوق.. يبدأ ببوستات اﻹغتصاب الرجالى ثم النسائى ويمر على التهليل والتكبير عند كل "غزوة" لفحول الحكومة.. ثم ينتهى بالقبلة السكرى وانا والنجم والمسا!!
، أوسلي كانت أمي بدري من البداية ولما شربت دمي ما راعت أذايا* ، ثم: شُفتَ أوسلي وشيها اتختف يا"حِبَيِّب" الله ليك من حق "الشَرَفْ"** ، ، والله ليك من حق الشرف إنت برضو يا Osly2 ، تحياتي بله وضيوفك.. يبقالي انا لا هني دفعت رسوم عبوري.. ، ، ـــــــــــــــــــــــــــــــــ * من قصيدة لابن أوسلي الشاعر (محمد أحمد الحِبَيِّبْ). ** من قصيدة للشاعر (كمال حسن محمد) يداعب فيها صديقه الحبيب لابتعاده عن اوسلي التي رآها كأنها "تتشرف لي جية ابنها الغايب". والشرف تقرأ بفتح الشين والراء وتخفيف الأخيرة.. ومعناها التطلع بلهفة لرؤية شخص .. ،
أظنك تشير للحكم الذى أصدره عليه العمدة فى العصر السلجوقى عندما أحضر السلطان الى مضيفة العمدة على حمار أعرج.. وبعضهم قال أن الرواية مفبركة والرواية الحقيقية أنه أكل من الرطب قبل أن يقوم له رأسا وذلك عند العمدة حرام فحكم عليه بالردة ولكن تدخلت الواسطة فحولتها الى مشك ومن يومها حرم أوسلى أكل البلح إلا بعد أن يتقطر منه العرق!!
Quote: الزول دا من أوسلى.. وأوسلى دى فى الشمالية والشمالية داخل حدود السودان لم يطالبوا باﻹنفصال بعد!
يا دكتور الحكومة طلعت اذكى مننا لم تترك لنا حتى التفكير فى الانفصال
قولى كيف ؟ حصرتنا ما بين القيف والصحراء
القيف الهدام شايف شغلو معاهو والصحراء تشيل وتردم فى رمالا فوقنا والرقعة الزراعية بقت اقصر من فساتين الامريكانيات والارض الكان مالكها واحد بقت مملوكة ل 50 ال خمسين دى ما ليها اى علاقة بجرة السر كاونده كما تتبرأ من اشارة المسنوح النصرى امين التحت ديك
فكرنا فى مشروع خلوى نقاوم به زحف الرمال واعتداء الهدام وفك ارتباط ال 1X50
اها يا و د موسى العميان شايل المكسر والعندو شوية مليليمات داخرن والعندها غويشة من زمن قطع الرحط جمعوا الكافى ل وضع كروكى ومسح الارض وتسجيلها بصورة فايتى الرسمية
جاتنا الحكومة وقرمت من الواطة للمناصير المهجرين من السد قلنا خير وبركة كفانا ال كم طاشر الف فدان الفضلت لينا هو يا بلة اتقرم السودان كلو مشروعنا كمان شنو ؟ بس المصيبة قرمتنا بلا تعويضات بترول وبلا حريات اربعة
وفى الزمن العلينا بقت الحكومة اجوع من الناس الجوعتهم ما كفاها الشئ القطعتو شالت باقى الواطه فوق راسا تجلب فيها فى سوق الله واكبر
وقد قال قائلهم الناس ديل لو خلينا ليهم المشروع بزرعوه نخيل والنخلة زائد النخلة بيبقن غابة والغابة مغرية للتمرد
بما أن الزول هولنا، فأنا متبرع بشوال جير، ودفع رسوم العبور عن أول عشرة بورداب
للترحيب بأخونا الحبيب Osli2
وألف مرحب بعودته..
كتر خيرك وبارك الله فيك عوض الله ود احمد الطيب حفيد العلامة المرحوم ود عبد المجيد
شوال الجير وصل للدكتور فى منسوتا وبما انه ومن الممكن ان تنازعه نفسه للحج هذا العام فارجو الا ترسل الظهر على نفس العنوان العشرة المبشرين بتبرعك اخشى الا يكون فيهم جنى وياسر طيفور وللاحتياط ضف اليهم قريبك طارق جبريل
Quote: كتر خيرك وبارك الله فيك عوض الله ود احمد الطيب حفيد العلامة المرحوم ود عبد المجيد
شوال الجير وصل للدكتور فى منسوتا وبما انه ومن الممكن ان تنازعه نفسه للحج هذا العام فارجو الا ترسل الظهر على نفس العنوان العشرة المبشرين بتبرعك اخشى الا يكون فيهم جنى وياسر طيفور وللاحتياط ضف اليهم قريبك طارق جبريل
تحياتى ليك وللمعاك من جم
مرحباً حبيبنا Osli2
الدكتور ده قول رسلنا ليهو الجير والظهر وين يلقا بابا في منسوتا دي يشخبط فيهو إلا كان يشخبط حيطتو اللت الفيسبوك ونجي نعلق لايكاتنا
ووصيتك في جني وود طيفور وود جبرين ما بنقصر فيها جني نفرش ليهو بساط مبهرج من مقالات خال الرئيس الإنبطاحية من بوستيك ده لحدي الربع الجايي يضحك فيها ملء شدقيه وود طيفور نفرش ليهو بساط برتقالي موشى بشموع الحرية من بوستيك ده لحدي 21 أكتوبر وود جبرين نهديهو عشرة شنط ريحة سرتية ومحلبية وبت السودان ويجهز لينا عشرة عروسات مغربيات لعشرة بورداب من الممتنعين المتمنعين نفتح بيهم عشرة بوستات أقلاها بي شريف الفحيل. أها تاني شنو.
ياخ دا بوست يستاهل كرامة والله شوق وتحايا ليكم كلكم والله ويا ابو النسب اوسلي ليك تحايا وشوق خاص والله من كم يوم والله في سيرتك وقطعنا فيك وما تسالني المعاي منو
ياخ المنبر غيرك مسيخ والله يا ابو النسب ياخ
Post: #27 Title: Re: Osly2 Author: عبدالحافظ سعد الطيب Date: 10-04-2012, 05:26 AM Parent: #26
تاقيت الباب و استنيتك صيفين و شتاء و رشة مطرة
نحنا نصاح إلا القراص والتجار والحاصل البحصل كل صباح
Quote: يا أوسلى حركات الجلابة دى خليها يعنى عايز تفهمنى فى حكومة الشوايقة والجعليين دى ناس أوسلى مامستفيدين؟
ياخى سمعنا قالوا دخل الفرد عندكم بقى 1800 دولار ..
عندما هتف يا بله اهلنا المناصير ( عطش المشروع ادانا الجوع ) كانوا اكثر تقدما منا على الاقل عندهم مشروع عطشان رويان دى مرحلة تانية نحن لا رى لا مشروع وبعد دا كلو اولاد ( حظوة بالميلاد ) وجلابة رغم كل مظاهر البؤس
المصيبة كتلوج بشاشا غير قابل للمسح والتمزيق ولا حتى التعديل
Post: #38 Title: Re: Osly2 Author: جميلة ابراهيم السيد Date: 10-05-2012, 05:09 AM Parent: #37
سلام يا دكتور وضيوفك الكرام
اوسلي قابلتوا بعد غيبة في ازقة النت وحصل السلام .......... لكن الدخلني البوست لمة الناس الحلوة وذكريات الايام الجميلة زمن البال كان يستاهل القعدة فيهو بالساعات
د. سيكوت اوسلي منعم 4 المك نمر
اما ناس خضر الطيب ديل تسجيلات تعتبر جديدة بالنسبة للفطاحلة الفوق ديل ويا حليل نصار الادمن الصعب وسكسك ورووم تاهوو ........ الف رحمة ونور تنزل علي روح الغالية امدرمانية والوكيلة كما يسميها تاهو صلحة الكارب وحبيب الكل ود ستنا.
ومعاكم احلي مايك
Post: #39 Title: Re: Osly2 Author: Anwar Ahmed Date: 10-05-2012, 06:24 AM Parent: #38
كمال اوسلي ... البورد منور بالعودة والله مشتاقين
دكتور بلة ... تحياتي واشواقي
Post: #40 Title: Re: Osly2 Author: عبدالكريم الامين احمد Date: 10-05-2012, 06:44 AM Parent: #39
منعم4 ود الابيض شوقى المك نمر اعزيكم فى وفاة الغالية امدرمانية والله لا زلت ازرف الدمع مدرارا لفراقها وكل ما اهبش اى شئ من وسائل التواصل اجد اسمها اوفلاين وللاسف لن تعود اونلاين مرة اخرى كانت صاحبة قلب رقيق بعكس ما توحى طريقة ادارتها للروم كانت انسانة بكل ما تحمل الكلمة من معانى
احر التعازى لكم ولكل قبيلة البالتوك ولزجها عثمان الخير وابنتها
اي زول ايام البالتوك دخل و لو لفترة بسيطة بتزكر اوسلي و المك نمر و امدرمانية (عليها الرحمة) و الاستاذة سوما ... و ناس كتار حلوين و بالتاكيد الحكيم الجميل دكتور سكوت .. (اول مرة اعرف انو دكتور بلة هو دكتور سكوت)
