استشارة من اهل التجارب

اخوتى البورداب الكرام فى الداخل والخارج

السلام عليكم ورحمة الله وبركاته،،

لقد سمعت بأن هناك شركات تمويل فى السودان تقوم بعمليات البناء والتشييد عن طريق التقسيط (شركة تساهيل مثالاً).
استفسارى عن الشروط والالتزام والمصداقية.
ارجو ان اجد النصيحة الشافية منكم كما عودتمونا دائماً فى هذا الحوش الفسيح والذى اصبح منارة يهتدى بها الضالون لاننى قررت ان ابدأ فى بناء قطعتى السكنية.

وجزاكم الله الف خير

الاخ على ود النعيم

تحياتي

Quote: لقد سمعت بأن هناك شركات تمويل فى السودان تقوم بعمليات البناء والتشييد عن طريق التقسيط (شركة تساهيل مثالاً). استفسارى عن الشروط والالتزام والمصداقية. ارجو ان اجد النصيحة الشافية منكم كما عودتمونا دائماً فى هذا الحوش الفسيح والذى اصبح منارة يهتدى بها الضالون لاننى قررت ان ابدأ فى بناء قطعتى السكنية.

اسمع يا اللخو هاك النجيضة وجديدة لنج

انا كنت في السودان خلال اجازة عيد رمضان المنصرم - وخلال الاجازة قمت بزيارة لسوق الخرطوم للاوراق المالية . هناك التقيت بمجموعة من شركة استثمارية اسمها (سنابل) وهي شركة تابعة لبنك الخرطوم . لدى اجتماعي بهولاء اكدوا لي انهم بصدد زيارة لسلطنة عمان وجميع دول الخليج للترويج لعمليات التمويل التي سيقوم بها بنك الخرطوم او شركة سنابل نفسها .

المهم الناس ديل طرحوا علي المشاريع التي يمكنهم تمويلها وتشمل العربات والعقارا والاراضي ولو عندك بيت ناقص برضو بتموهو ليك .

الناس ديل جادين جدا جدا وما تخاف هم اكدوا لي انهم ما كيزان صوفية سااااااااى - لو المعلومة دي مهمة معاك .

الغريب في الامر في اليوم التاني طوالي كانت عندى معاملة في بنك الخرطوم - لما ذهبت ليهو لقيت ليك المحامين الاعمى شايل الكسيرة يتزاحمون امام بنك الخرطوم . سألت من الحاصل ، وقالوا لي جايين للتمويل العقاري وكمان العربات .

الناس ديل بدوك مكغترب لحدي مليار جنيه وارباحهم 15% لغير المحامين و10% للمحامين واعتقد بقية المهنيين .

لو عايز تلفون واحد صاحبي متولى هذا العمل وبديك تفاصيل اكثر اكتب لي على الايميل ادناه :

[email protected]

تاني عندك كلام يا اللخو؟

جزاك الله الف خير الاخ الكريم ود شيقوق على هذه النصيحة الغالية وكما عهدناك دايماً زول حوبات.

سأكون على اتصال معاك ان شاء الله.

وتقبل ودى الاكيد

تسلم يا ود النعيم

تاني ما تسعل

تعال لي على الايميل عشان اديك اسم الراجل وتلفونو بس قول ليهو جاييك من الطيب شيقوق

حتجد ادق التفاصيل منه

الارباح دي ربوية ياالمسنوح ولا ليها فتوى ؟



تحياتي سيد البوست ..



ثم ارسل تلفون زولك في الخاص النفهم منو ياشقة ..

Quote: ثم ارسل تلفون زولك في الخاص النفهم منو ياشقة ..

انت ما بمولوك يا ود القاضي المسنوح

ما تتعب ساى

عارفين اكان سهلوا ليك شراء العربية ما بتخلي ليك عنكوليبة حايمة هههههها

الاخ الكريم
النجيضة يا اخوى اديك ليها انا ود شيقوق دا ود ضهارى ومخلوع من البندر ساى ههههههههههههه

ناس الشركات ديل مافى حد بعمل ليك شى فرى لزم بختوا ارباح عاليا و لزم ترهن ليهم الارض علشان يضمنوا رجوع المبالغ بتاعتن وفى حين عدم السداد يبلعوا البيت
الحاجة التانية الكولتى بتاعت المواد البشتغلوابيها ما بتكون جيدة بكون مواد رخيصة ما بتعيش طويل علشان الربح بتاعن يكون اكتر ما بزنس

اسمع كلام اختك ودى نصيحة لله

اختك اتدوتكت ( الكلمة دى الاسبلنق بتاعة كده صاح بالعربي ؟؟)

النجيضة انك تلم قروشك وتنزل كل اجازة وتشوف مهندس كويس وتبنى وتشرف على شغلك بنفسك

وتعمل بيتك بمزاجك والالوان والمواد العاوزة ومحل ما يقيف البناء تللملم اطرافك وترجع وتعمل كل سنة كده لحدى ما تخلص بيتك دا لو مغترب

وبعد دا كلوا بياكلوك هههههههههههههههه

لانهم فى السودان بياكلوك وعينك تعايين ههههههههههه

علي اخوي ود امي وابوي
سلااااااااااااااااااااااام شديد كمان
اسمع كلامي دي وختو خرزة في اضانك دي
واسعلني انا مجرب قربة جد
اولا بالتبادي انا كنت بنكرجي في السودان قول واحد
تاني شي انا بنيت بيتي طينة طينة وختيت في اضاني دي طينة والتانية برضو طينة
واصلو ما جاني زول دق لي الباب كو كو وقال داير القسط
سمحت كلامي دا ولا ما سمحتو
ات زول اخوي اصلوووووو كلو كلو ما بخليك تغرق وانا اعاين ليك
شوف اكان داير القلق وعوك عوك اقع البنوك
نحن لمن كنا موظفين بنوك زماااااااان والدنيا كانت بخيرا
بنقول القروض زي اكل الشطة في البداية حلوة لكن خريجا حاااااااار ههههه
يا زول هوي اختا الهم وغنيلو وابني بيتك قشة قشة
يا قماري قشة قشة
علمينا يا قماري كيف بتبني عشك قشة قشة
حصل قبضت قمرية يا علي ولا قديلو ؟ ما حصل قبضا صعب خلاص
والله يا علي انا تميت بيتي دا او في الحقيقة ما تم كلو كلو لكن سكنا فيهو في امان الله
شوية شوية شغال فيهو بسياسة قدر لحافك لحدي ما ربنا تماهو ... صحي والله تماهو ربنا بس
واسع في امان الله لا عوك عوك ولا جوك جوك
غايتو دا فهمي كدي
وارجو ان يفيدك واختا التلاتل والمحن
مع خالص الود والتحية

غايتو اكان سمعت كلام ود البوش دا ياكا الساكن في الايجار للابد

يا ود البوش الخليج 90 % من سكانو بنوا بالتمويل العقاري
كلامك صحيح ولكن ليس على اطلاقه . والقدرة في تحمل مشوار سداد الاقساط تختلف من حالة لحالة ، اي حسب مستوى دخل الفرد الشهري

بعدين هسه ود النعيم دا لو ساكن بايجار شهري 2000 مليون جنيه سوداني يعني يقعد كدا في رمادو يلقط ويكب لسيد البيت ؟

انا يا ود البوش كنت ساكن حى اب روف بايجار شهري مليون جنيه - راجعت نفسي كويس قلت سيبك ياخ امشي اخمش لي قرض من بنك وابدا ابني - بالفعل خمشت القرض واشتريت لي بيت مبني لكن ما مسقوف - وحياتك سقفتو ورحلت فيهو قبل اقفل شبابيكو وصار مليون الايجار يوجه لاكمال البنيان وقد كان لحدى والحمد لله صار بيت متكامل .

Quote: النجيضة يا اخوى اديك ليها انا ود شيقوق دا ود ضهارى ومخلوع من البندر ساى ههههههههههههه

بندر شنو البيخلع يا سجم الرماد انتى - عايزة تضيعي الزول عشان لقيتيها باااااااااردة مبنية وجاهزة وهسه تجلبي في بيوت الورثة في الاسافير وكدا.

Quote: ناس الشركات ديل مافى حد بعمل ليك شى فرى لزم بختوا ارباح عاليا و لزم ترهن ليهم الارض علشان يضمنوا رجوع المبالغ بتاعتن وفى حين عدم السداد يبلعوا البيت

يا بت دى عمليه تراضي بين ود النعيم والجهة الممولة - وكمان الجهة الممولة لازم تكون ليها ضماناتها لانهم بيقرضوك اموال مساهمين وكدا فلازم يحققوا ليهم ارباح .

Quote: الحاجة التانية الكولتى بتاعت المواد البشتغلوابيها ما بتكون جيدة بكون مواد رخيصة ما بتعيش طويل علشان الربح بتاعن يكون اكتر ما بزنس

لا ابدا الكولتي دي مش بحددوها هم بتحددها انت المقترض يا وداها .

Quote: اسمع كلام اختك ودى نصيحة لله

لو سمعت كلامها بتغطس حجرك دى مش عايزة الناس يبنوا دي عايزاهم يجوا يأجروا منها عشان كل اخر شهر تشيل مخلايتا وتجي تخمش منك الايجار شهريا .

Quote: النجيضة انك تلم قروشك وتنزل كل اجازة وتشوف مهندس كويس وتبنى وتشرف على شغلك بنفسك وتعمل بيتك بمزاجك والالوان والمواد العاوزة ومحل ما يقيف البناء تللملم اطرافك وترجع وتعمل كل سنة كده لحدى ما تخلص بيتك دا لو مغترب

والله انت رايقة وفايقة - هو لو قادر يعمل كدا الجابرو شنو على القروض ؟

Quote: لو سمعت كلامها بتغطس حجرك دى مش عايزة الناس يبنوا دي عايزاهم يجوا يأجروا منها عشان كل اخر شهر تشيل مخلايتا وتجي تخمش منك الايجار شهريا .

نحن بناجر لى شركات ما بنجر لسكان تسكن فى حوش بانقا بعد الحال ههههههههههههه

اوعاااك تكون انت شريك فى البزنس دا وعاوز تاكل راس الراجل ههههههههههههه

انا الككو الفجخ الطين


ممكن ياخد سلفية من البلد المقيم فيها ويبنى البيت ويرجع يسدد للبنك من مرتبوا

اضمن من ناس السودان يا زول لو عاوز ياكلوك امشى شيل منهم غايتوا نصحتك

Quote: الارباح دي ربوية ياالمسنوح ولا ليها فتوى ؟ تحياتي سيد البوست .. ثم ارسل تلفون زولك في الخاص النفهم منو ياشقة ..

الاخ ود القاضى

الف شكر لك على مرورك

ياخى والله الواحد داير يعرف حاجة عشان ما يقوم يتخوزق ساهى.

تحياتى بلا حدود

Quote: الحاجة التانية الكولتى بتاعت المواد البشتغلوابيها ما بتكون جيدة بكون مواد رخيصة ما بتعيش طويل علشان الربح بتاعن يكون اكتر ما بزنس اسمع كلام اختك ودى نصيحة لله اختك اتدوتكت ( الكلمة دى الاسبلنق بتاعة كده صاح بالعربي ؟؟)

الاخت الكريمة وضاحة

شكراً جزيلاً على مرورك البهى ونصيحتك السمحة.
اظنك من اهل التجارب واتمنى ان تكونى كذلك حتى استفيد من المحاسن والمساوئ فى مثل هكذا مشاريع. وقالوا فى المثل (البخيت يشوف فى اخوهو).

مزيداً من النصائح ارجوك واخير لى اسمع كلام الزول الببكينى.

مرة اخرى شكرى لك بلا حدود وتسلمى.

Quote: علي اخوي ود امي وابوي سلااااااااااااااااااااااام شديد كمان اسمع كلامي دي وختو خرزة في اضانك دي واسعلني انا مجرب قربة جد اولا بالتبادي انا كنت بنكرجي في السودان قول واحد تاني شي انا بنيت بيتي طينة طينة وختيت في اضاني دي طينة والتانية برضو طينة واصلو ما جاني زول دق لي الباب كو كو وقال داير القسط سمحت كلامي دا ولا ما سمحتو ات زول اخوي اصلوووووو كلو كلو ما بخليك تغرق وانا اعاين ليك شوف اكان داير القلق وعوك عوك اقع البنوك نحن لمن كنا موظفين بنوك زماااااااان والدنيا كانت بخيرا بنقول القروض زي اكل الشطة في البداية حلوة لكن خريجا حاااااااار ههههه يا زول هوي اختا الهم وغنيلو وابني بيتك قشة قشة يا قماري قشة قشة علمينا يا قماري كيف بتبني عشك قشة قشة حصل قبضت قمرية يا علي ولا قديلو ؟ ما حصل قبضا صعب خلاص والله يا علي انا تميت بيتي دا او في الحقيقة ما تم كلو كلو لكن سكنا فيهو في امان الله شوية شوية شغال فيهو بسياسة قدر لحافك لحدي ما ربنا تماهو ... صحي والله تماهو ربنا بس واسع في امان الله لا عوك عوك ولا جوك جوك غايتو دا فهمي كدي وارجو ان يفيدك واختا التلاتل والمحن مع خالص الود والتحية

العميكة ود البوش

ياخى والله الف شكر على اهتمامك بالموضوع وعلى اسدائك للنصح لكن والله انا جد محتار وخايف من الخوازيق دى.
ثم انو اجازتى ضيقة جداً وما بتلقى زول يريحك هناك عشان انت تبنى قشة قشة.
غايتو اخوك بعاين لكتلتو علا ود حسونة يقيف ربابة باقى اخوك فى مثل هذه المسائل عميكة خلاس . غايتو ربك يستر ويوهط القدم ما تقعلها فى هرف.

شكرى مجدداً لك بلا حدود وبرضو فى انتظار نصائحك
تسلم

على ..سلامات ..


انا عندي ارض صراحة شغال فيها بالحتة ..اشتريتها وبعد سنوات سورتها وبعديها عملت ابواب ثم دكان وشوية شوية ببني فيها وصراحة ماحاسي بالتكلفة ..وقبل فترة اتصلت على ناس تساهيل فلقيت شروطهم تعجيزية وحسيت انهم بيبنوا لي بيتي بخمسة اضعاف سعر بناه ...يعني البيت لو بكلف 100 مليون بتلقى نفسك بتقسط 500 مليون وبعد ده زي ماقالت خالتي وضاحة المواد والشغل مابكون ذا قيمة اصلا ..


فيا قمارى ابني بيتك قشة قشة كما قال جدي ود البوش ..



تحياتي ،،

Quote: ..وقبل فترة اتصلت على ناس تساهيل فلقيت شروطهم تعجيزية وحسيت انهم بيبنوا لي بيتي بخمسة اضعاف سعر بناه

ناس تساهيل ديل وهم ساي يا ود القاضي .


انا بقول ليك التمويل هنا من قبل بنك الخرطوم مؤسسة مصرفية ليها تاريخها وسمعتها

بعدين يا على انا بقول ليك بديك رقم الراجل دا - هو دكتور اقتصادي وطيب نامن غلط وصادق نامن غلط بديك اى معلومة وليك الحق تستفسروا من كلام وضاحة دا ذاتو - استوعب كلامو كويس وامشي شاور اهل الخبرة من اهلك واصدقائك .


اما من ناحية دينية فهو حلال جدا

Quote: يعني البيت لو بكلف 100 مليون بتلقى نفسك بتقسط 500 مليون وبعد ده زي ماقالت خالتي وضاحة المواد والشغل مابكون ذا قيمة اصلا ..

ود القاضى سلام

اها والله دا الكلام الانا خايف منو ذاتو عشان كدى طلبت الاستشارة.
ومشكلتى انو اجازتى ضيقة جداً يعنى ما بقدر اعمل اى شئ هناك مالم تكن هناك جهة ما تقوم بالعمل فى غيابى.

تحياتى لك بلا حدود

Quote: غايتو اكان سمعت كلام ود البوش دا ياكا الساكن في الايجار للابد يا ود البوش الخليج 90 % من سكانو بنوا بالتمويل العقاري كلامك صحيح ولكن ليس على اطلاقه . والقدرة في تحمل مشوار سداد الاقساط تختلف من حالة لحالة ، اي حسب مستوى دخل الفرد الشهري بعدين هسه ود النعيم دا لو ساكن بايجار شهري 2000 مليون جنيه سوداني يعني يقعد كدا في رمادو يلقط ويكب لسيد البيت ؟ انا يا ود البوش كنت ساكن حى اب روف بايجار شهري مليون جنيه - راجعت نفسي كويس قلت سيبك ياخ امشي اخمش لي قرض من بنك وابدا ابني - بالفعل خمشت القرض واشتريت لي بيت مبني لكن ما مسقوف - وحياتك سقفتو ورحلت فيهو قبل اقفل شبابيكو وصار مليون الايجار يوجه لاكمال البنيان وقد كان لحدى والحمد لله صار بيت متكامل .

يا ود شيقوق اها دى الجهجهة الانا خايف منها وربك يستر.

راجع ايميلك

شكرى الجم

Quote: ممكن ياخد سلفية من البلد المقيم فيها ويبنى البيت ويرجع يسدد للبنك من مرتبوا

دا كلام منطقي جدا - وهي الطريقة الاعتمدت عليها انا شخصيا في البنيان يا وضاحة

Quote: ممكن ياخد سلفية من البلد المقيم فيها ويبنى البيت ويرجع يسدد للبنك من مرتبوا اضمن من ناس السودان يا زول لو عاوز ياكلوك امشى شيل منهم غايتوا نصحتك

تصدق الخالة دي مرات راسها يشتغل وتقول كلام كويس ..

فعندنا في السعودية مثلا سلفة البنوك نسبة ارباحها مرات تصل لـ 3 % فقط ...وشوف ناس السودان القال عنهم شيقوق ياخدو 15 %


اياك والسودان ياعلي ..

Quote: اوعاااك تكون انت شريك فى البزنس دا وعاوز تاكل راس الراجل ههههههههههههه انا الككو الفجخ الطين

ود النعيم السلام عليكم كلام بنت عمك وضاحه دى ما ترميه وطا
بالمناسبه يا وضاحه على النعيم شغال فى مستشفى حمد فى الدوحه هذا واحد
الشى التانى جعلى يعنى قريبك الشى التالت ود شيقوق بكون داير يعمل دعايه
بكون لاحس ليه حاجه العريبى لووووول او كما يقولون النجيضه يا ود النعيم كلامى الفوق دا كلو خليه
لكن اتصل على عشان عندى اسئله معينه اسالك ليها من ضمنها موقع القطعه وين وبعد داك ممكن اقوا ليك امشى عدل شيل
تمويل او ابعد لى الشر غنيلو

Quote: ود النعيم السلام عليكم كلام بنت عمك وضاحه دى ما ترميه وطا بالمناسبه يا وضاحه على النعيم شغال فى مستشفى حمد فى الدوحه هذا واحد الشى التانى جعلى يعنى قريبك الشى التالت ود شيقوق بكون داير يعمل دعايه بكون لاحس ليه حاجه العريبى لووووول او كما يقولون النجيضه يا ود النعيم كلامى الفوق دا كلو خليه لكن اتصل على عشان عندى اسئله معينه اسالك ليها من ضمنها موقع القطعه وين وبعد داك ممكن اقوا ليك امشى عدل شيل تمويل او ابعد لى الشر غنيلو

الاخ الكريم ود المحرب

السلام عليكم ورحمة الله
كيف حالك وحال الوليدات والعروب الهناك.

شكراً والله كتير على اهتمامك البالغ بالموضوع

بكل اسف فتشت رقم تلفونك لكن اظنو راح منى فى الارقام الكتيرة دى. عليه اكون شاكراً لو ارسلت لى رقم تلفونك اليوم حتى اقوم بالاتصال بك.

ثم تقبل تحياتى بلا حدود

-----------
تخريمة: ياخى ما اظن المسنوح دا يعمل كدى.

**

Quote: الشى التانى جعلى يعنى قريبك الشى التالت ود شيقوق بكون داير يعمل دعايه بكون لاحس ليه حاجه العريبى لووووول او كما يقولون النجيضه يا ود النعيم كلامى الفوق دا كلو خليه

يا مولانا

ليس المؤمن بطعان ولا لعان ولا فاحش ولا بذيئ


دا كلو كوم كدى ورينا الفتوى في شريعية الاقتراض دا هل حلال ام حرام

الحلال ال ..........

الاخ على ود النعيم

تحياتي

ورت الي في بريدي الالكتروني الرسالة الاتية وهي تحمل الكثير من الارشادات المفيدة حول موضوعنا:

Quote: أستاذنا واخونا الاكبر ود شيقوق تحيه واحترام بقيت تجئ السودان وتصهين من السلام علينا مباري العنكوليب سقايه الليل ،،،،،، المهم أتمني ليك الصحه والعافيه ،،،،،، أنا مضيع كلمة المرور لسودانيز اون لاين ،،،،،،، وفي موضوع أخونا العاوز الاستشاره في المباني قول ليهو احذر الشركات الخاصة في مجال المباني للأسباب الآتية اولا : التكلفة العاليه لنسبه التمويل حيث انهم يأخذون الأرباح حتي من المقدم الذي يدفعه وهذا ربا صريح حمانا الله واياك ثانيا : ان أقساطهم تبدا من الشهر الاول دون فتره سماح ثالثا : هم الذين يختارون لك المواد وليس لك الحق في اختيار اي نوع منها سواء سيخ او أسمنت او حتي بوهية رابعا : هم من يحددون المقاول الذي يبني لك وهنا تري العجب من طول فتره اكمل المباني او جودتها خامسا : من الناحيه الشرعية وانت سيد العارفين يجب ان تلتزم الشركه بالبناء وفقا لمواصفات الزبون وتستلم المبني ثم يتم بعدها توقيع عقد الاستصناع مع الزبون وهذا ما لايحدث عادة ،،،،،،،،، نظام البنوك يجنبك كل ما اشرنا اليه اعلاه عدا التكلفه العاليه للتمويل والتي تصل في بعض الاحيان لاكثر من ١٢ في المائه للعام الواحد وللبنوك فنون في زياده هذه النسبه يعني لو صاحبك عاوز يبني بمائه مليون ويسددها في سته سنوات فهنا عليه ان يدفع مائه وستون مليونا غير مصاريف التسجيل والرهن والدمغه وغيرها من دفعيات أؤكد علي العمل بتجربه الاخ ود القاضي (قشه قشه) وكذلك يجب اتباع نصائح الدكتوره وضاحه فتجربتها حقيقه معاشه لك التحايا والود وللعنكوليب اشواقنا حتي أوان الحصاد اخوك : عبدالقادر مصطفي مستشار بنك تنميه الصادرات يمكن تكون نسيتنا عشان كده فصلنا في التعريف صلاح غريبه الا ربع

اهو الزولين ديل بيناقشوا في كلام شيقا !!!!



لكن يبدو ان فيها رفس

قالوا  ليك  ما  كيزان   صوفيـة  سـاى؟!!!!

صوفيـة  معسكرين  فى  سـوق  الأوراق  الماليـة  ويسلفوا  بالربـا..

ينعطبوا  ويتسختو  إن شـاء  الله  ببركـة  الشيـخ  الكباشى..

المكاشفى  يوصى  الترزى  ما  يخيط  جيب  فى  قميصو..  ولما  المفتش  الإنجليزى  عرض  عليه
اراضى  زرعيـة  وطلب  منه  تحديد  مساحتها،  قال  له  أن  له  فى  الأرض  شبـر  واحد  (ود اللحد) 
ولو  تعرف  اين  هو  الان  فحدده  لى..

هؤلاء  هـم  الصوفيـة،  ويا  اخ  صاحب  البوست،  لو  فى  سبب  واحد  يخليك  تبعـد  من  الناس  ديل
هم  تسويقهـم  لإرث  الصوفيـة  فى  ســوق  الإستهبال  التجارى.