قمر السبوع الداير الليلة عقار ساير .. هييع .. كع ...

بعد الاتفاق الاخير بين حكومة السودان وجنوب السودان وقيام السودان بااعتقال المعارضة الجنوبية وكذلك اتصال باقان اموم بحركات دارفور وقطاع الشمال بضرورة الانسحاب من داخل اراضي جنوب السودان في فترة اسبوع فقط

بسم الله ابديت قولي السمح والزين

عقار والحلو وعرمان

الليلة مكروشين

الليلة العديل والزين

باكر يركبوا البابور

يا عديلة ليه

وباقان حاف يضبح تور

يا عديلة لي

باقان حاف يضبح تور يا عديلة لي

وجينا لسلفا نزور يا عديل لي

اولاد امريكا الثلاثة

يا عديلة لي

اوباما سار بي انبساطة

ولي كنداليزا رايس قطع الرحاتا

يا عديل لي

الليلة عقار سيروه وحزنت امو

وناس عرمان في بيتو اتلمو

والحلو سار لي بت عمو

يا عديلة لي

ههههههههههههههههههههه

باوقشن / بق بق

يا اخي انت زول لذيذ خاااااااالس ،،

مش دا باقان الشيطان زاااااتو،،، هسي حالف يضبح تور ،،

سياسة شارع الهرم ،،،

بس والله بالجد انت SO FUNNY

ثانكيووووو

Quote: هسي حالف يضبح تور ،،

اها ازيدك من الشعر بيتين

نعم قال حالف يضبح تور

ويركب الثلاثي المرح الطرور

كع

ثلاثي الرماد والسجم

يا عديلة لي

اتلم التعيسين على البجم

يا عديلة لي

نجضت

الإنقاذي ود الباوقة.

خلاص بقيت تهضرب براك!

العوان دا مش بيغنيهو (عبده الـ T)

Quote: العوان دا مش بيغنيهو (عبده الـ T)

اعد

وقابلني

Quote: خلاص بقيت تهضرب براك!

دينق

قصدك شنو يعني

كلام الليل يمحوه النهار

Quote: Quote: العوان دا مش بيغنيهو (عبده الـ T) اعد وقابلني

عوان هنا لا أقصد بها العنوان

بل أعني نوع الغناء نفسه فهو لا بالغناء التراثي القديم ولا بالغناء الحديث

شيء بين الإثنين في فترة كثرت فيها مثل هذه الأغاني

وكما قلت فهي لا قديمة بعمرك ولا حديثة بعمر شباب اليوم فهي عوان بين ذلك

أمشي إتعلم عربي كويس وتعال

Quote: أمشي إتعلم عربي كويس وتعال

جدا

الخوف يشتغلوكم حرب عصابات من كل ناحية بحسب المرحلة
ودي خطورتها عليكم اكبر من الحرب النظامية ..
نسال الله لهم التوفيق ...





انتظرتو لما ماجا رجعت جدة ..

Quote: انتظرتو لما ماجا رجعت جدة ..

اخي فايز

تصادف ثاني يوم وعدتك فيه ان نلتقي وفاة ابن عمي ابراهيم

الجيلي في حادث حركة


الغريبة امس جيت جدة دقة سريعة ورجعت

جيت الساعة 11 ورجعت الساعة 7 نفس اليوم

الحي بيلاقي يا ود القاضي

تشكراتي

Quote: الخوف يشتغلوكم حرب عصابات من كل ناحية بحسب المرحلة ودي خطورتها عليكم اكبر من الحرب النظامية

اذا استحكم اغلاق المنافذ عليهم

سيهيمون على وجوههم

او يعودا الى جادة الصواب

تشكراتي

ود الباوقة.

القادة. عقار،الحلو وعرمان، مواطنين سودانين. ويحق لهم الإقامة في أي بقعة سودانية،شمال أو جنوب السودان. ديل ناس ساهمو في حرب التحرير ومازالو يحاربون. يعني يا ود الباوقة، القادة ديل أبطال عديل كده. قول لي جماعتك أحسن يعملو معاهم أتفاقية ويحلو مشاكل السودان.

Quote: القادة. عقار،الحلو وعرمان، مواطنين سودانين. ويحق لهم الإقامة في أي بقعة سودانية،شمال أو جنوب السودان

نعم يحق لهم

بس بدون شوشرة

................................

مش عارف اتخيلتك انت في السيرة دي

ماشي قدامهم

العزيز ود الباوقة

سلام

بالله تأمل وقارن بين المقتبس من مداخلتك الرئيسية .. وتحسر

Quote: وقيام السودان بااعتقال المعارضة الجنوبية

Quote: وكذلك اتصال باقان اموم بحركات دارفور وقطاع الشمال بضرورة الانسحاب من داخل اراضي جنوب السودان في فترة اسبوع فقط

يا باوقة السودان بيعتقل حلفائه .. والله عيييييييييب .. ما أخلاق رجال وتصرف ما بشبهنا
أفهم تقلبات السياسة وتغيّر المواقف والمصالح والضرورات التي تبيح المحظورات ولكن .. بالأصول وأخلاق الفرسان .. كان يجب تجميد نشاطهم و الاعتذار لهم وشرح المستجدات
وإعانتهم حتى يبلغوا مأمنهم وترك الباب موارباً لتقلبات الأيام ومستجدات السياسة .

الدين والسياسة خليناها ... رجالة ساااااااااااااااااااي ما بتتبلع والله

Quote: باوقة السودان بيعتقل حلفائه .. والله عيييييييييب .. ما أخلاق رجال وتصرف ما بشبهنا أفهم تقلبات السياسة وتغيّر المواقف والمصالح والضرورات التي تبيح المحظورات ولكن .. بالأصول وأخلاق الفرسان .. كان يجب تجميد نشاطهم و الاعتذار لهم وشرح المستجدات وإعانتهم حتى يبلغوا مأمنهم وترك الباب موارباً لتقلبات الأيام ومستجدات السياسة . الدين والسياسة خليناها ... رجالة ساااااااااااااااااااي ما بتتبلع والله

اخي singawi

يعني قصدك الاسبوع فترة غير كافية عشان يتخارجوا ؟؟

ولا انت اساسا ضد انسحابهم ومغادرتهم دولة الجنوب ؟

Quote: العوان دا مش بيغنيهو (عبده الـ T)

لاحولالالالالالالالا عصام فقيري نكت الزول دا من وين بالله
ياخي دا بغني
( حمام التاكا قلبي اتعذب معاكا
الجواب الجانا مسوكر قرينا عنوانه قالوا من طوكر )
وكمان بغني
( الناس دايما لوامه وما تسمع كلامه
لو فرقتنا دنيا نتلاقى يوم القايمه )

اها اغنية ود الباوقة جميله وتراثية
ولكن برضو ذكرتني في لقاء تلفزيوني بحريني مع الفنان صلاح ابن البادية
تم سؤاله ماهو معنى ( ياعديلة ) هل هي اسم لانثى
غاتو قال كلام الطير في الباقير وانا خجلت ليهو شديد صراحه





ود الباوقة تحياتنا ليك ولضيوفك قلنا نسلم وبالمره نعرف الناس بالفنان ( عبده ال T ) المعروف بإسم عبده افراح

وليد عبد اللطيف


إزيك

وناس الشعبية أخبارهم

Quote: اها اغنية ود الباوقة جميله وتراثية ولكن برضو ذكرتني في لقاء تلفزيوني بحريني مع الفنان صلاح ابن البادية تم سؤاله ماهو معنى ( ياعديلة ) هل هي اسم لانثى غاتو قال كلام الطير في الباقير وانا خجلت ليهو شديد صراحه

يتخيل لي ربنا يعدلا عليهو محل ما يقبل

شكرا وليد

العزيز ود الباوقة

أقراني تاني بالله

أنا بكاي كلو عشانك انت في النقطة دي

Quote: وقيام السودان بااعتقال المعارضة الجنوبية

وأعيد وأقول :

Quote: يا باوقة السودان بيعتقل حلفائه .. والله عيييييييييب .. ما أخلاق رجال وتصرف ما بشبهنا أفهم تقلبات السياسة وتغيّر المواقف والمصالح والضرورات التي تبيح المحظورات ولكن .. بالأصول وأخلاق الفرسان .. كان يجب تجميد نشاطهم و الاعتذار لهم وشرح المستجدات وإعانتهم حتى يبلغوا مأمنهم وترك الباب موارباً لتقلبات الأيام ومستجدات السياسة . الدين والسياسة خليناها ... رجالة ساااااااااااااااااااي ما بتتبلع والله

Quote: عوان بين ذلك: نَصَف ( وسط ) بين السنّين سورة : البقرة ، آية رقم : 68 المعجم: كلمات القران - 2. عَوَان : اسم علم مؤنث عربي ، معناه : من بلغت نصف عمرها من النساء ، الحرب التي قتل فيها الكثير مرة بعد مرة ، الحرب الشديدة . وفي المثل : " العوانُ لا تُعَلَّم الخِمرةَ ". المعجم: معاني الاسماء - 3.العَوَانُ - عَوَانُ : العَوَانُ : المتوسِّطةُ في العمر بين الصِّغر والكبر ، من النساء والبهائم . ويقال : حربٌ عَوانٌ : قوتل فيها مرةً بعد أخرى . والجمع : عُونٌ . المعجم: المعجم الوسيط - 4. عَوان : جمع عُون : 1 - ما كان في منتصف السِّنّ من كُلِّ شيء " { إِنَّهَا بَقَرَةٌ لاَ فَارِضٌ وَلاَ بِكْرٌ عَوَانٌ بَيْنَ ذَلِكَ } ". 2 - المرأة في منتصف عمرها . • حرب عَوان : قُوتل فيها مرّة بعد مرّة ، وهي من أشدّ الحروب " وفي الحرب العَوانِ وُلدتُ طفلا ... ومن لبن المعامعِ قد سُقِيتُ ". المعجم: اللغة العربية المعاصر - 5.‏ عوان ‏: ‏ المتوسطة في العمر بين الكبر والصغر ‏ المعجم: مصطلحات فقهية - 6. عوان . جمع : عون .: 1 - حرب شديدة قوتل فيها مرة بعد أخرى . 2 - أرض أصابها المطر . 3 - من النساء والبهائم : المتوسطة في السن . المعجم: الرائد - 7.عان ( العاني ) . جمع : عناة ، - مـؤنـث : عانية جمع : عوان .: 1 - فاعل . 2 - أسير . 3 - من الدم أو الماء السائل . المعجم: الرائد - [/QUOT ودالباوقة أركز بس..الناس ديل أحسن يتفقوا معاهم بدل يعملوا لينا شوشرة..ما أسهل أن تقوقل الكلمات للمعانى..قوقلنى وتأمل......فى أبعد معانى.. سلام..

---

Post: #28 Title: Re: قمر السبوع الداير الليلة عقار ساير .. هييع .. كع ... Author: ود الباوقة Date: 10-03-2012, 07:54 AM Parent: #27 Quote: ما أسهل أن تقوقل الكلمات للمعانى..قوقلنى وتأمل سمعة ههههههههههه يعني ما امشي اتعلم عربي الحمد لله كنت شايل جنس هم ولو ما لحقتني كان العصر ماش للاستاذ حسن طباشيرة تخصص علم نحو وصرف

---

Post: #29 Title: Re: قمر السبوع الداير الليلة عقار ساير .. هييع .. كع ... Author: Asim Fageary Date: 10-03-2012, 07:55 AM Parent: #27 شكراً إسمعيل عباس على إيرادك هذا ويا ريت يتعلموا من الحصص المجانية دي

---

Post: #30 Title: Re: قمر السبوع الداير الليلة عقار ساير .. هييع .. كع ... Author: ود الباوقة Date: 10-03-2012, 07:57 AM Parent: #27 ولكن .. بالأصول وأخلاق الفرسان .. كان يجب تجميد نشاطهم و الاعتذار لهم وشرح المستجدات ......................................... اخي سنجاوي بالتاكيد القرار ما بكون طلع الا بعد اخذ ورد معهم وفي نهاية المطاف المصلحة العليا للبلدين تتطلب ذلك .. وشكرا

---

Post: #31 Title: Re: قمر السبوع الداير الليلة عقار ساير .. هييع .. كع ... Author: ود الباوقة Date: 10-03-2012, 08:01 AM Parent: #30 عوان هنا لا أقصد بها العنوان بل أعني نوع الغناء نفسه فهو لا بالغناء التراثي القديم ولا بالغناء الحديث ............................... سمعة في القوقلية حقت دي مافي سيرة لاي غناء طيب دا شنو دا

---

Post: #32 Title: Re: قمر السبوع الداير الليلة عقار ساير .. هييع .. كع ... Author: وليد عبد اللطيف Date: 10-03-2012, 08:13 AM Parent: #31 Quote: يتخيل لي ربنا يعدلا عليهو محل ما يقبل وهو كذلك يا ود الباوقة وربنا يعدلها ويسهلها عليك شقيش ماتقبل الادهشني الفنان صلاح ابن البادية ليه ماقدر يشرح هذا المعني وهو يغني هذه الاغاني بعمره

---

Post: #33 Title: Re: قمر السبوع الداير الليلة عقار ساير .. هييع .. كع ... Author: ود الباوقة Date: 10-03-2012, 08:18 AM Parent: #32 وربنا يعدلها ويسهلها عليك شقيش ماتقبل الادهشني الفنان صلاح ابن البادية ليه ماقدر يشرح هذا المعني وهو يغني هذه الاغاني بعمره ............................... اللهم امين يا رجل ياراقي ... ابن البادية دا صوتو جميل جدا يغني بس المذيع ذانو شليق ما كان يدخل معاه في اي حوار لكن بكون قايل القبة تحتها فكي شكرا ليك كثير اخي وليد بارك الله فيك

---

Post: #34 Title: Re: قمر السبوع الداير الليلة عقار ساير .. هييع .. كع ... Author: Deng Date: 10-03-2012, 09:10 AM Parent: #33 ود الباوقة. كلامك في البوست ده كلام زول خايف ومجهجه تماما. أنت متين بتركز؟؟

---

Post: #35 Title: Re: قمر السبوع الداير الليلة عقار ساير .. هييع .. كع ... Author: adil amin Date: 10-03-2012, 09:41 AM Parent: #34 Quote: قمر السبوع الداير الليلة عقار ساير .. هييع .. كع ... ود الباوقة جينا نرد الزيارة باحسن منها لقينا مستواك هابط جدا والبوست يشبه ونسة المسنجرات وليس الكتابة في المنابر الحرة وكلامك ده كلام زول ((محلوج)) ساكت ذى ناس المؤتمر الوطني بتاعك ديل... انت ما تستعجل الاتفاقية لن يلتزم بها البشير كالمعتاد(والنسى قديمو تاه)...وستنهار وتدخلو الفصل السابع واكلني النمر وانا بجي اسيرك في البورد ده...لحدة ينبع او لاهاي نفسها... قطاع الشمال ليس ثلاث اشخاص فقط كما تتوهم..هزمك في الانتخابات رغم الانسحاب (الوثائق موجودة من موقع المفوضية ) ثانيا القرار 2046 يلزمك تقعد تتفاوض معاهم ..وبعد الفصل السابع حيكون بشروطهم وكان احسن ليكم اتفاقية نافع /عقار...زمان وتشوفو حاجة تانية غير سياسة اعادة تدوير الازمات دي...احسن تحصلو نفسكم قبل من نتنهي الانتخابات الامريكية ويلقوكم في دجلكم ده والنفط لا يجلب استقرار بل الديموقراطية فقط..وشوف صدام والقذافي مشو وين لازم يعاد هيكلة السودان الشمالي باسس جديدة والعودة للانتخابات او الكنس بالفصل السابع.. بعدين مالك عقار ده...شخصية قومية محترمة اي يوم ينزل انتخابات على مستوى الاقاليم او المركز حيكون عنده رصيد كبير من اهلنا الختمية في كل السودان...ونجيبوا نختو ليك في راسك..بتمشي وين... ود الباوقة والله نوعك ده بضقل بيه بي مخي الشمال ان شاء الله نتقابل بعد الانتخابات الامريكية ونشوف

---

Post: #36 Title: Re: قمر السبوع الداير الليلة عقار ساير .. هييع .. كع ... Author: مها عبد الله Date: 10-03-2012, 10:02 AM Parent: #35 ود الباوقة أركز بطَل ( بطبطة ) و ( زمزغة ) البشير الكضاب دا مش قال لا تفاوض مع حشرة وإن منحنوني نصف بترولهم ؟ هييييع كع كرع كرع ورع زاتو

---

Post: #37 Title: Re: قمر السبوع الداير الليلة عقار ساير .. هييع .. كع ... Author: ود الباوقة Date: 10-03-2012, 07:27 PM Parent: #36 معليش يا شباب تعبان شوية وبرجع ليكم