Post: #1
Title: تابوت الحركة الشعبية قطاع الشمال في انتظار التشيع
Author: عصام دقداق
Date: 10-02-2012, 06:31 AM
Parent: #0
بعد الاتفاق الاخير بين حكومة السودان وجنوب السودان وقيام السودان بااعتقال المعارضة الجنوبية وكذلك اتصال باقان اموم بحركات دارفور وقطاع الشمال بضرورة الانسحاب من داخل اراضي جنوب السودان في فترة اسبوع فقط واقالة سلفاكير للعديد من العسكريين وتهديدقطاع الشمال لحكومة الجنوب بالوقوف بجانب ثوار الجنوب في حالة فك الارتباط ومع الحماس الواضح بين الدولتين بتنفيذ الاتفاقية والانتقال لعلاقات تبادل المصالح بين الدولتين نستطيع ان نقول بان الحركة الشعبية في انتظار التشيع
|
Post: #2
Title: Re: تابوت الحركة الشعبية قطاع الشمال في انتظار التشيع
Author: ود الباوقة
Date: 10-02-2012, 06:34 AM
Parent: #1
| Quote: بضرورة الانسحاب من داخل اراضي جنوب السودان في فترة اسبوع فقط |
اسبوع كثير شديد
مفروض الليلة بعد الفطور طوالي يشتتوا
شكرا دقداق
بارك الله فيك
|
Post: #3
Title: Re: تابوت الحركة الشعبية قطاع الشمال في انتظار التشيع
Author: عصام دقداق
Date: 10-02-2012, 07:30 AM
Parent: #2
شكرا الهميم ودالباقة
الجماعة راحوا في شربة موية
اها بعد دا نشوف ناس الكيبورد
|
Post: #4
Title: Re: تابوت الحركة الشعبية قطاع الشمال في انتظار التشيع
Author: علي دفع الله
Date: 10-02-2012, 07:48 AM
Parent: #3
| Quote: تابوت الحركة الشعبية قطاع الشمال في انتظار التشيع |
التوابيت والتشييع احسن كلمتين بتطرب اذانكم ،،،
لكن ثق ،، الحقن المهدئة البتاخدوا فيها لن تمنحكم الحياة ربما تخفف الام العوز والفاقة التي انتابتكم مرحليا ،، ولكن حتى ولو حوصرت الجبهة الثورية كما خيالكم المريض لن يثني الشعب عن ايمانه العميق للوقوف في وجهكم ،، انتم اصغر ان تقودوا الوطن الى ضفة الحياة ،، كل ادبياتكم انعاش وتوابيت ،،
اركزوا بس ،، ايامكم في تناقص ،،
الفرح الهستيري الانتابكم من الاتفاق الباهت يوضح في اي زاوية كنتم محشورين ،،
|
Post: #5
Title: Re: تابوت الحركة الشعبية قطاع الشمال في انتظار التشيع
Author: ود الباوقة
Date: 10-02-2012, 07:51 AM
| Quote: الجماعة راحوا في شربة موية |
خلاص حاليا بطلوا في الروح
|
Post: #6
Title: Re: تابوت الحركة الشعبية قطاع الشمال في انتظار التشيع
Author: Haju Muktar
Date: 10-02-2012, 07:52 AM
حلم الجعان عيش
|
Post: #7
Title: Re: تابوت الحركة الشعبية قطاع الشمال في انتظار التشيع
Author: عصام دقداق
Date: 10-02-2012, 07:57 AM
Parent: #6
| Quote: ولكن حتى ولو حوصرت الجبهة الثورية كما خيالكم المريض لن يثني الشعب عن ايمانه العميق للوقوف في وجهكم ،، |
بل وقف الشعب مهللين مكبرين لاستقبال القائد في المطار
|
Post: #8
Title: Re: تابوت الحركة الشعبية قطاع الشمال في انتظار التشيع
Author: علاء الدين صلاح محمد
Date: 10-02-2012, 08:21 AM
Parent: #7
ان كنت تعتقد ان وجود الحركة الشعبية قطاع الشمال وكل حركات المقاومة السودانية مرهون بانبطاحة وانبراشات حكومة المؤتمر الوطني
فالمؤكد انك مخطيء وبل للاسف واهم
هذه الحركات كما كانت الحركة الشعبية لتحرير السودان خرجت من رحم الوطن ولها قضايا حقيقة وجماهير تؤمن بها وتضحى من اجلها
كما قيادة الحركة تضحي من اجل الوطن والمواطن
هنا استحضر مقولة الاستاذ ياسر سعيد عرمان ( من ينتظر جثمان الحركة الشعبية على ضفاف النيل سيتظر كثير ) والتي قالها رد على مزاعم
المؤتمر الوطني عن خلافاتب ين رئيس الحركة الدكتور قرنق ونائبه سليفا كير ستذهب بريح الحركة الشعبية لتحرير السودان ويبدوا ان الذين
ينتظرون تابوت الحركة الشعبية لتحرير السودان – قطاع الشمال سينتظرون كثيرا
المؤتمر الوطني وعلى لسان احد القادة النافذين من فئة المنبرشة ذكر بالحرف الواحد ان المؤتمر الوطني سيفاوض قطاع الشمال
هل سيفاوض هذا المنبرش مع تابوت الخرطوم
الاستاذ عصام دقداق
خليك صاحي ومفتح عشان ما تموت بالمغص مع ابداعات فريق المنبرشة
ذاكر الرابط ده
حكومة الجنوب ردا على ملاحقة جيمس قاي : لا نؤوي قيادات شمالية معارضة
|
|