Post: #2 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-01-2012, 06:22 PM Parent: #1
. الصورة فتلت البوست، ودي المداخلة المقصودة:
Quote: حقيقة انا بت لا اثق تماما في كل ما تنقله الاخت نجلاء والسبب واضح وبسيط جدا معظم البوستات التي قامت برفعها مؤخرا لم تكن صحيحة بل مفبركة الزول الفي الصورة الفوق قد يكون عذب فعلا لكن ما سبق من بوستات مفبركة يجعلنا نفكر الف مرة قبل تصديق هذه الرواية ولعلكم تجدون لنا العذر في ذلك . المقرف ليس اعتراضنا على البوست وعدم تصديق الحكاية المقرف هو المعلومات المغلوطة والمفبركةالتي جعلت المصداقية على المحك.
______ تعديل الصورة التعديل التاني لحذف الصورة والإستعاضة بالإقتباس
Post: #3 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-01-2012, 08:04 PM Parent: #2
Quote: المعلومات المغلوطة والمفبركةالتي جعلت المصداقية على المحك
تعال ورينا يا شوقي ....... عشان ناس نجلاء ديل ما يخمونا ساكت
Post: #4 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-01-2012, 09:44 PM Parent: #3
إزدهار جمعة تختار خيار السجن وتسلم نفسها الان (فيديو )
دا واحد
Post: #5 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد علي عثمان Date: 10-01-2012, 10:03 PM Parent: #4
يا أخ شوقي
يا هو ده الفيديو . الفبركة شنو؟
Post: #6 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-01-2012, 10:10 PM Parent: #5
الفيديو دا الزولة دي راكبة امجاد مع نجلاء الامجاد دي مشت وين الله اعلم
Post: #7 Title: Re: يا شوقي سليمان .. وين بوستات نجلاء سيد أحمد المفبركة؟ Author: امين علي الشيخ Date: 10-01-2012, 10:32 PM Parent: #6
الاخ الفاضل ابو الريش تحية واحترام والله أنا مرات بستغرب ليكم ليه بتفتحو بوستات وتضيعو زمنكم مع ناس غريبة وشوقي سليمان ومن شاكلهم ياخي شوقي سليمان ومحمد فرح ديل زاتم مفبركيين تقوم تسألهم ؟
Post: #8 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-01-2012, 10:37 PM Parent: #7
Quote: الاخ الفاضل ابو الريش تحية واحترام والله أنا مرات بستغرب ليكم ليه بتفتحو بوستات وتضيعو زمنكم مع ناس غريبة وشوقي سليمان ومن شاكلهم ياخي شوقي سليمان ومحمد فرح ديل زاتم مفبركيين تقوم تسألهم ؟
طول بالك يا زول
Post: #9 Title: Re: يا شوقي سليمان .. وين بوستات نجلاء سيد أحمد المفبركة؟ Author: Nagat Sid Ahmed Elshiekh Date: 10-01-2012, 10:55 PM Parent: #8
Quote: الفيديو دا الزولة دي راكبة امجاد مع نجلاء الامجاد دي مشت وين الله اعلم
Post: #10 Title: Re: يا شوقي سليمان .. وين بوستات نجلاء سيد أحمد المفبركة؟ Author: امين علي الشيخ Date: 10-01-2012, 11:07 PM Parent: #8
يا البتستعمل اسم شوقي ولا يهمك ياخي أنا بالي طويييييل وما عندي حاجة شخصية معاك او مع غيرك بس متابعك ومن زمن طويل بداية من د. ناهد والاخت مناهل والآن اختنا نجلا انت بالمناسبة معيننك في شعبة الجنس اللطيف والا الحاصل شنو؟
Post: #11 Title: Re: يا شوقي سليمان .. وين بوستات نجلاء سيد أحمد المفبركة؟ Author: سلمى الشيخ سلامة Date: 10-01-2012, 11:35 PM Parent: #10
انت بالمناسبة معيننك في شعبة الجنس اللطيف والا الحاصل شنو؟
سؤال جوهرى جدا شكرا يا امين
Post: #12 Title: Re: يا شوقي سليمان .. وين بوستات نجلاء سيد أحمد المفبركة؟ Author: elsawi Date: 10-02-2012, 00:41 AM Parent: #11
سلامات يا شوقي و لعلك و اسرتك بكل الخير نجلاء سيد احمد من اسرة كريمة قدمت للوطن الكثير وما زالت تقدم، انا اعرف اخيها راشد معرفة جيدة وهو من خيرة شباب السودان و ايضاً اعرف بعض اخواتها وهن من خيرة بنات الوطن المصادمات الائي لا يرضين الضيم والإحتقار لنساء وطنهن وشعبه الصابر، وسمعت الكثير عن ابيها عم سيد احمد وعن نضاله ضد الدكتاتوريات، و انا متأكد لو انك تعرفت على هذه الأسرة عن قرب لما كتبت ما كتبت.
نجلاء نفسها لم تنج من التعذيب ولعلك رأيت اثر سياط الجلاد على ظهرها في الصور التي نشرها زوجها بخاري، نجلاء لم ترتكب اي جريمة تستحق عليها كل التعذيب الذي مرت به وهي لا تحمل غير كاميرا تكشف بها عورات النظام وسوءآته وهذا لعمري عمل تشكر عليه ولا تجرم به، وكم اسفت لأن الله لم يفتح عليك بكلمة ادانة لما حدث لها و اتمنى ان اكون مخطئاً.
الفيديوهات التي تلتقطها كاميرا نجلاء ليست محل شك لدى غالبية اعضاء و قراء المنبر يا شوقي، وهذا يبرر العنف الذي مارسه الأمن و البوليس ضدها لأنها كشفت ما يريد النظام اخفاءه، وحتى ان وقعت نجلاء ضحية فيديو مفبرك و نشرته لا اظن انها تفتقد الشجاعة لسحبه و الإعتذار عنه.
محاولة التشكيك فيما تلتقطه كاميرا نجلاء لا تختلف في جوهرها عن محاولة النظام وجهاز امنه في ارهابها واسكاتها وكسر شوكتها ولا احسب انك تريد ان تتبع خطى كلاب الأمن وتنفذ اجندتهم البائسة يا شوقي يا صديقي.
ليه بقيت كده يا شوقي يا خوي؟ ليه؟
Post: #13 Title: Re: يا شوقي سليمان .. وين بوستات نجلاء سيد أحمد المفبركة؟ Author: امين علي الشيخ Date: 10-02-2012, 01:08 AM Parent: #12
الاخ الصاوي تحية واحترام الاخت نجلا لا تحتاج لتبرير يكفيها فخرا انها ابنة عم سيد احمد وزوجة بخاري وما تتعرض له لن يذيدها الا صموداً ان سمحت لي لدي سؤال من مداخلتك السابقة حديثك لشوقي يدل علي معرفة وثيقة به او هكذا فهمت صححني لو أخطأت ! هل تعرفه شخصياً ام هي معرفه اسفيرية؟ لو كانت الاولي يلزمني اعتزار له عزراً مرة اخري
Post: #14 Title: Re: يا شوقي سليمان .. وين بوستات نجلاء سيد أحمد المفبركة؟ Author: elsawi Date: 10-02-2012, 06:30 AM Parent: #13
Quote: حديثك لشوقي يدل علي معرفة وثيقة به او هكذا فهمت صححني لو أخطأت ! هل تعرفه شخصياً ام هي معرفه اسفيرية؟
اخي امين علي الشيخ تحية طيبة و احترام وافر ومرحباً بك في هذا الفضاء و آمل ان يكون مدادك اضافة نوعية لهذا لمنبر وحبابك عشرة و ارجو ان تعذرني ان كان ترحيبي بك متأخراً
بالنسبة لسؤآلك اجابتي هي نعم، شوقي سليمان هو صديق طفولة وصبا وجار عزيز في حي العمدة بأم درمان حيث تسكن اسرتي لأمي، وكان من احسن شباب الحي واكثرهم حيوية وتجده دائماً في مقدمة الشباب في السراء و الضراء ولم اسمع عنه او ارى له ما يعيب، وكان صديقاً للتحالف الديمقراطي بالمنطقة وكان مداوماً لندواته المغلقة و الجماهيرية وساعد كثيراً في الحملة الإنتخابية للتجاني الطيب رحمه الله.
انا غادرت السودان في صيف العام 1991 اي قبل واحد وعشرين عاماً ولم التق بالأخ شوقي طيلة هذه الفترة وسعدت جداً عندما التحق الأخ شوقي بهذا المنبر قبل سنوات اذ كانت هذه فرصة جيدة للتواصل معه من جديد، وللحقيقة اقول لك ان مواقف الأخ شوقي في مجمل القضايا المطروحة في هذا المنبر كانت غريبة بالنسبة لي ولم اكن اتوقعها منه خاصة الترتيب المعكوس للأولويات وعدم القدرة على الفرز بين الحادبين على الوطن وبين اعداء الوطن وعدم القدرة على اختيار المعارك الحقيقة التي يجب ان تخاض و ترك المعارك الهوائية والجانبية وقد ذكرت له ذلك من قبل وقد تقبل رأيي بصدر رحب ولكن في النهاية اي شخص له مطلق الحرية في تبني المواقف التي يراها صحيحة و ان يلتزم الجهة التي تعبر عنه وانا لا املك الحق في ان املي على شوقي ولا غيره خياراته وان كنت في حالة شوقي استطيع ان اشد اذنه واعاتبه بحكم علاقتي به.
تحياتي لك مجدداً اخي امين وارجو ان اكون قد اجبت على تساؤلك
Post: #15 Title: Re: يا شوقي سليمان .. وين بوستات نجلاء سيد أحمد المفبركة؟ Author: Asim Fageary Date: 10-02-2012, 06:35 AM Parent: #14
التحية لنجلاء سيد أحمد
ولقد عبر عني أخي وصديقي الصاوي خير تعبير
Post: #16 Title: Re: يا شوقي سليمان .. وين بوستات نجلاء سيد أحمد المفبركة؟ Author: نجلاء سيد أحمد Date: 10-02-2012, 06:45 AM Parent: #12
Quote: الفيديوهات التي تلتقطها كاميرا نجلاء ليست محل شك لدى غالبية اعضاء و قراء المنبر يا شوقي، وهذا يبرر العنف الذي مارسه الأمن و البوليس ضدها لأنها كشفت ما يريد النظام اخفاءه، وحتى ان وقعت نجلاء ضحية فيديو مفبرك و نشرته لا اظن انها تفتقد الشجاعة لسحبه و الإعتذار عنه.
شكرا العزيز أبو الريش على البوست ومعك انتظر رد الاستاذ شوقى
شكرا استاذ الصاوى على جميل الكلم فى حق اسرتى ...
توضيح بخصوص فيديو الاستاذة المناضلة ازدهار جمعة اليك روابط موضوعها مع جهاز الامن الذى خيرها بين الوزارة او سجن النساء وانا كنت قريبة ومتابعة للابتزاز الذي
Post: #17 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 06:59 AM Parent: #16
Quote: سلامات يا شوقي و لعلك و اسرتك بكل الخير نجلاء سيد احمد من اسرة كريمة قدمت للوطن الكثير وما زالت تقدم، انا اعرف اخيها راشد معرفة جيدة وهو من خيرة شباب السودان و ايضاً اعرف بعض اخواتها وهن من خيرة بنات الوطن المصادمات الائي لا يرضين الضيم والإحتقار لنساء وطنهن وشعبه الصابر، وسمعت الكثير عن ابيها عم سيد احمد وعن نضاله ضد الدكتاتوريات، و انا متأكد لو انك تعرفت على هذه الأسرة عن قرب لما كتبت ما كتبت.
الاخ العزيز الصاوي كيفك والعيال عساكم بخير
انا اتفق معك في كل ما ذهبت إليه عن الاخت نجلاء نعم لقد سبق ورفعت الكثير من الفيديوهات الحقيقية والتي كان لها أثرها الواضح، لكن في الفترة الأخيرة دي نجلاء بقت ترفع بوستات غير حقيقية وما بكاميرتها وانا اطلب من الأخت نجلاء اذا سمحت ظروفها أن تنزل آخر خمسة او ست بوستات كتبتها حقيقة لم اجدها في مكتبتها ولم استطيع احضارها وكم عدد المتداخلين فيها.
وبالنسبة للجماعة الداخلين شمال النقاش المنطقي مجدي ومفيد ويصب في مصلحة الجميع
Post: #18 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 07:01 AM Parent: #16
شكراً لكل من مرّ من هنا ....
بوست إزدهار جمعة تابعته في حينه، أو بعد مرور بعض الوقت عليه. من يتصفحه يجد أن الأخ شوقي مارس ما يمكن أن أسميه مطاردة للتشكيك في موضوع ازدهار دون أن يستند على شئ.
يمكن تفكيك ذلك البوست مداخلة مداخلة .. إلاّ أني أرجو من الأخ شوقي أن يوضح لي وللمتابعين أين الفبركة في ذلك البوست ... هل المادة المسجلة تمثيلية قامت ببطولتها نجلاء وازدهار؟ أم تعرض الفيديو لمونتاج وأدخلت عليه إضافات لم تكن فيه؟ ..... أرجو التوضيح.
لا بأس إذا أتيتنا ببوست مفبرك آخر لنتعرف على ما يحدث حولنا.
Post: #19 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 07:10 AM Parent: #18
Quote: يمكن تفكيك ذلك البوست مداخلة مداخلة .. إلاّ أني أرجو من الأخ شوقي أن يوضح لي وللمتابعين أين الفبركة في ذلك البوست ... هل المادة المسجلة تمثيلية قامت ببطولتها نجلاء وازدهار؟ أم تعرض الفيديو لمونتاج وأدخلت عليه إضافات لم تكن فيه؟ ..... أرجو التوضيح.
بالنسبة للفيديو بتاع ازدهار جمعة معليش نسحب كلمة فبركة ونقول الفيلم لا يتانسب مع العنوان المكتوب ولم يكن هناك سجن تحديدا في الفيديو دا كانت دردشة في عربة امجاد
Post: #20 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 07:21 AM Parent: #19
Quote: بالنسبة للفيديو بتاع ازدهار جمعة معليش نسحب كلمة فبركة ونقول الفيلم لا يتانسب مع العنوان المكتوب ولم يكن هناك سجن تحديدا في الفيديو دا كانت دردشة في عربة امجاد
ماشين كويس ..... العنوان المكتوب إن أزدهار أدوها خيارين، واحد منهم حبسها، وهي رفضت الخيار الأول، بالتالي تبقى لها الحبس، يبقى العنوان صحيح .... عموماً ده ما موضوع البوست. موضوعنا قولك: ((حقيقة انا بت لا اثق تماما في كل ما تنقله الاخت نجلاء والسبب واضح وبسيط جدا معظم البوستات التي قامت برفعها مؤخرا لم تكن صحيحة بل مفبركة)). ما دام سحبت كلمة (مفبركة) من بوست إزدهار، يبقى إتخاذ البوست ده (بوست إزدهار) لا يصلح كمثال على إدّعائك، لأنو قلنا ليك جيب مثال على الفبركة.
خلاص أنسى بوست إزدهار وهات لينا مثال غيرو للفبركة.
Post: #21 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 07:26 AM Parent: #19
Quote: مواقف الأخ شوقي في مجمل القضايا المطروحة في هذا المنبر كانت غريبة بالنسبة لي ولم اكن اتوقعها منه خاصة الترتيب المعكوس للأولويات وعدم القدرة على الفرز بين الحادبين على الوطن وبين اعداء الوطن وعدم القدرة على اختيار المعارك الحقيقة التي يجب ان تخاض و ترك المعارك الهوائية والجانبية وقد ذكرت له ذلك من قبل وقد تقبل رأيي بصدر رحب ولكن في النهاية اي شخص له مطلق الحرية في تبني المواقف التي يراها صحيحة و ان يلتزم الجهة التي تعبر عنه وانا لا املك الحق في ان املي على شوقي ولا غيره خياراته وان كنت في حالة شوقي استطيع ان اشد اذنه واعاتبه بحكم علاقتي به.
الاخ الصاوي تحياتي
انا لا زلت احمل نفس المبادئ ولا ولن احيد عنها ابدا وحينما ارى خلل ماء لن اتردد عن قول وجهة نظري فيه على الاطلاق وخصوصا اذا كان هذا الخلل من اناس يعول عليهم او له علاقة بالمواطن السوداني البسيط. نجلاء ومن وجهة نظري البسيطة بوستاتها الاخيرة لم يحالفها فيها التوفيق وفي بوستات كتيرة رفعتها وكانت حقيقية ما اكتبه يعبر عن رائي الشخصي فقط وليس له علاقة بأي جهة وانت تعلم ذلك جيدا.
في بعض المتداخلين بقولوا انا اطارد النساء في هذا المنبر وهذه ليس حقيقية لقد سبق للاخ عادل عبد العاطي أن كتب بوست عن طالب الأهلية وطلع مفبرك وطالبته بالاعتذار وقد كان . وسبق لأحد الاخوة كتب عن مقابر جماعية. كل ما هو صحيح وحقيقي ندعمه وقبل ذلك ندعم خيار الشعب السوداني عشان كدا لازم الحقائق تكون واضحة ومعلومة وصحيحة. يا صاوي انا لا انتمي لاي جهة او اي تنظيم وآخر اجتماع تنظيمي أو سياسي لي كان في منزل الحاج وداعة الله رحمه الله ايام ااتحاد الشباب ومنذ ذلك التاريخ حتى ندوة سياسية لم أحضرها.
Post: #22 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 07:34 AM Parent: #21
أفادة الشاب الذي تم تعذيبه وأغتصابه مهاد : كنت حركة أسلامية ( فيديو )
مثلا البوست دا انا بطلب من الاخ الاخت نجلاء تورينا ما هي الملابسات الخلتها تفتح مثل البوست اعلاه هل كان هناك تضليل أم كمين نصب للاخت نجلاء
Post: #23 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 07:43 AM Parent: #22
Quote: حقيقة انا بت لا اثق تماما في كل ما تنقله الاخت نجلاء والسبب واضح وبسيط جدا معظم البوستات التي قامت برفعها مؤخرا
يا ابو الريش ياخ انتوا بتدعوا للديموقراطية وكل ما تكتبونه لا يمت للديموقراطية بأي صلة ياخ انا لا اثق في بوستات نجلاء مش دي وجهة نظر وحرية شخصية وانا مقتنع بيها. بعدين من وجهة نظري البسيطة انا شايف الموضوع دا في مصلحة نجلاء بدل كل الناس تتطبل ليها على الاقل يكون في زول ينتقدها ، دي الديموقراطية البفهمها انا حكومة ومعارضة والمعارضة أهم من الحكومة والسودان ما فيهوا معارضة اطلاقا تهريج اكثر من اي شئ عشان كدا حالنا مائل.
Post: #31 Title: Re: يا شوقي سليمان .. وين بوستات نجلاء سيد أحمد المفبركة؟ Author: نجلاء سيد أحمد Date: 10-02-2012, 01:53 PM Parent: #23
حزف للتكرار
Post: #25 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 07:51 AM Parent: #22
Quote: أفادة الشاب الذي تم تعذيبه وأغتصابه مهاد : كنت حركة أسلامية ( فيديو )
نرجع للسؤال الأول ..... وين الفبركة المارستها نجلاء في البوست ده؟
Quote: مثلا البوست دا انا بطلب من الاخ الاخت نجلاء تورينا ما هي الملابسات الخلتها تفتح مثل البوست اعلاه هل كان هناك تضليل أم كمين نصب للاخت نجلاء
سؤالك ده جاء متأخر، لأنك قررت إنو نجلاء تمارس الفبركة في البوستات.
Post: #24 Title: Re: يا شوقي سليمان .. وين بوستات نجلاء سيد أحمد المفبركة؟ Author: أيمن الطيب Date: 10-02-2012, 07:49 AM Parent: #21
سلامات أخى شوقى,,
يا شوقى سليمان محاولاتك الدائمة والسمتميتة بإظهار نضالات ناس كتار هنا بإنها كلها أكاذيب ومطاردتك لهم بقت شكلها قبيح جدا وإصرارك على تبخيس أشياء الناس شئ محير جدا..
يا شوقى سليمان الناس دى عندها عقول تفرز بيها الإدعاء والكذب من الحقيقة والواقع ووقوف شخص فى الضد ليس بالغريب ولكن الغريب أن تصر دائماعلى إنكار ظلم وقع على هؤلاء الناس..
وعموما هذا لخط ليس خطك وحدك بل وصل بعض الناس فيه أن يطالبوا ضحايا التعذيب بالدليل وللغرابة أيضا مطالبتهم بأن يقاضوا من عذبوهم ومن إعتدوا عليهم جسديا ونفسيا وإجتماعيا وجنسيا فى المحاكم والمطالبة بحقوقهم!!!!!!!!!!!!!!!!!!!!!!!!!!
____________________________________________________________________________________ حدث قبلا يا شوقى إنك أكثرت من بوستات عروض بيع وشراء وتسويق الشقق والدعاية لشركة معينة ولشخص معين وتلميع صورته ومحاولات إظهاره بمظهر المستثمر الناجح والعصامى..صحيح!!! ومن كان ذاك الشخص ؟؟
أتمنى أن أسمع منك إجابة إذا مافى مشكلة!!
تحياتى وعذرا عزيزى أبوالريش,,
Post: #26 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 08:04 AM Parent: #24
Quote: سؤالك ده جاء متأخر، لأنك قررت إنو نجلاء تمارس الفبركة في البوستات
ولا زلت عن رائي
Post: #27 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 08:12 AM Parent: #26
Quote: حدث قبلا يا شوقى إنك أكثرت من بوستات عروض بيع وشراء وتسويق الشقق والدعاية لشركة معينة ولشخص معين وتلميع صورته ومحاولات إظهاره بمظهر المستثمر الناجح والعصامى..صحيح!!! ومن كان ذاك الشخص ؟؟
نعم حدث ذلك وما كان الغرض تلميع ذلك الشخص بل كان موضوع حقيقي وكان القصد أن يستفيد الزملاء والاخوة وذلك من خلال تجربتي الشخصية مع ذلك الشخص لأني وجده انسان صادق مخلص في عمله يوعد ويوفي لا يكذب ولا ينافق نعم هو مالك شركة شهد العقارية وكان في زيارة للرياض وفي زملاء كتار استفادوا من الموضوع دا ولا زالوا يشكروني فقط شكر عشان ما تمشي بعيد واقسم بالله لم استفيد ولا مليم بل هي حقائق ملكتها للزملاء وشافوا براهم وعرفوا وعلى فكرة هو ما بحاج لتلميع او تسويق شغلوا وتفانيه في عمله يغنيه عن ذلك .
Post: #29 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 08:27 AM Parent: #27
Quote: شوقى سليمان محاولاتك الدائمة والسمتميتة بإظهار نضالات ناس كتار هنا بإنها كلها أكاذيب ومطاردتك لهم بقت شكلها قبيح جدا وإصرارك على تبخيس أشياء الناس شئ محير جدا..
يا شوقى سليمان الناس دى عندها عقول تفرز بيها الإدعاء والكذب من الحقيقة والواقع ووقوف شخص فى الضد ليس بالغريب ولكن الغريب أن تصر دائماعلى إنكار ظلم وقع على هؤلاء الناس..
وعموما هذا لخط ليس خطك وحدك بل وصل بعض الناس فيه أن يطالبوا ضحايا التعذيب بالدليل وللغرابة أيضا مطالبتهم بأن يقاضوا من عذبوهم ومن إعتدوا عليهم جسديا ونفسيا وإجتماعيا وجنسيا فى المحاكم والمطالبة بحقوقهم!!!!!!!!!!!!!!!!!!!!!!!!!!
ابو الريش لك تحياتي اولا هي ليست محاولات دائمة او مستميتة فقط عند اللزوم
نعم اتفق معاك الناس عندها عقول تفرز بيها الكذب من الحقيقة والظلم الذي يقع على اي انسان عليه اثباته ودا شئ طبيعي واي شئ دون اثبات باطل وشئ طبيعي ان تقاضي من عذبك وتاخد حقك بالقانون والقانون بحاجة لإثبات والإثبات بحاجة لمصداقية . احيانا قد تكون هناك معلومة مغلوطة وصلت لي ازهان الناس واجب تنبيههم من خلال الاعتراض على بعض البوستات
Post: #28 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 08:26 AM Parent: #24
Quote: يا ابو الريش ياخ انتوا بتدعوا للديموقراطية وكل ما تكتبونه لا يمت للديموقراطية بأي صلة ياخ انا لا اثق في بوستات نجلاء مش دي وجهة نظر وحرية شخصية وانا مقتنع بيها.
أنا شايف العكس تماماً ..... البوست ده ممارسة ديمقراطية ..... لك كل الحرية في إعلان وجهة نظرك وعدم تسبيبها .... لكنك هنا سببت وجهة نظرك بإنو بوستات نجلاء (غير صحيحة بل مفبركة) ... والأعضاء هنا يتعاملوا وينفعلوا مع بوستات نجلاء .... فإذا وصلت لشئ لم يصل إليه الأعضاء، نريد منك توضيحه.
Post: #30 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 01:49 PM Parent: #28
الأخ محمد علي عثمان: شكراً لإيراد الفيديو ... وخلينا نشوف الزول ده خطوة خطوة فهمو شنو للفبركة.
الأخ أمين علي الشيخ: تعرف، أنا هنا ما هاميني شخصية شوقي هي منو ... خلينا نتعامل مع (النيك نيم) شوقي سليمان، ومن خلالو ناس تانيين بيكتبوا بطريقة أشبه بالتنسيق لضرب مصداقية الناس. تحياتي.
الأخت نجاة سيد أحمد: شفتي المحن دي؟ ترك موضوع الفيديو كلو، ومسك في خط سير الأمجاد.
الأخت سلمى الشيخ: شاكر على مرورك .. وخلينا نشوف نهاية الفيلم ده شنو.
الأخ الصاوي:
Quote: الفيديوهات التي تلتقطها كاميرا نجلاء ليست محل شك لدى غالبية اعضاء و قراء المنبر يا شوقي، وهذا يبرر العنف الذي مارسه الأمن و البوليس ضدها لأنها كشفت ما يريد النظام اخفاءه، وحتى ان وقعت نجلاء ضحية فيديو مفبرك و نشرته لا اظن انها تفتقد الشجاعة لسحبه و الإعتذار عنه.
كفيت ووفيت ....... شكراً
الأخ عاصم فقيري: شاكر مرورك.
Post: #32 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 02:00 PM Parent: #30
الأخت نجلاء سيد أحمد، لك التحية.
Quote: توضيح بخصوص فيديو الاستاذة المناضلة ازدهار جمعة اليك روابط موضوعها مع جهاز الامن الذى خيرها بين الوزارة او سجن النساء وانا كنت قريبة ومتابعة للابتزاز الذي
مارسه جهاز الأمن مع الاستاذة ازدهار .
لم أرَ في بوست ازدهار جمعة رأي منك، إنما تسجيل فيديو تحدثت فيه الأستاذة إزدهار مجيبة على أسئلتك .. لذلك سألت الأخ شوقي أين الفبركة هنا .... وعلى أي حال هو سحب وصف (الفبركة) عن ذلك البوست، وننتظر رأيو في البوستات التانية.
______ مثل مصري يعجبني كثيراً الما بيشوف بالغربال أعمى.
Post: #33 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 02:08 PM Parent: #32
Quote: الأخ أمين علي الشيخ: تعرف، أنا هنا ما هاميني شخصية شوقي هي منو ... خلينا نتعامل مع (النيك نيم) شوقي سليمان، ومن خلالو ناس تانيين بيكتبوا بطريقة أشبه بالتنسيق لضرب مصداقية الناس.
لا كدا انت حدت عن الموضوع تنسيق وما تنسيق والكلام الاستهلاكي دا ، انا لا انسق مع اي كائن اكتب بمحض إرادتي وما اراه بالعكس انتم تجيدون سياسة الاصطفاف وشايفين الغلط لكن ما بتتكلموا عشان كدا يا زول انا فارقت دربك.
Post: #37 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 02:19 PM Parent: #33
يا شوقي .... روّق المنقة:
Quote: لا كدا انت حدت عن الموضوع تنسيق وما تنسيق والكلام الاستهلاكي دا ،
الكلام ده أقراهو تاني:
Quote: من خلالو ناس تانيين بيكتبوا بطريقة أشبه بالتنسيق
يخيل لي الكتابة بالتنسيق دي راجعة للـ(ناس التانيين) ... وأنا في البوست ده بناقشك في كلامك إنت وحقيقةً عايز أصل معاك لشئ يمكن تقتنع إنو نجلاء سيد أحمد ما بتفبرك البوستات، أو تقنعنا بوجهة نظرك.
Post: #35 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 02:12 PM Parent: #32
أيمن الطيب:
Quote: وعموما هذا لخط ليس خطك وحدك بل وصل بعض الناس فيه أن يطالبوا ضحايا التعذيب بالدليل وللغرابة أيضا مطالبتهم بأن يقاضوا من عذبوهم ومن إعتدوا عليهم جسديا ونفسيا وإجتماعيا وجنسيا فى المحاكم والمطالبة بحقوقهم!!!!!!!!!!!!!!!!!!!!!!!!!!
يا زول ما تستغرب كتير .... العجب في البورد ده أكبر من مقدرتك على الإستغراب.
Post: #40 Title: Re: يا شوقي سليمان .. وين بوستات نجلاء سيد أحمد المفبركة؟ Author: هشام عباس Date: 10-02-2012, 02:27 PM Parent: #32
محمد ابو العزائم تحياتى لك وللمرور التحية اولا للاخت نجلاء الصامدة التى تمثل رمزا لكل ما هو جميل فى وطنى فيما يخصل الاخ شوقى سليمان لاحظ معى انه حتى الان فشل فى ايراد ولو فيديو واحد او بوست واحد مفبرك او غير صحيح للاخت نجلاء حتى الان شوقى فشل فى اثبات اتهامه للاخت نجلاء اثبات الفبركة لا يحتاج الى لف ودوران كالذى يمارسه شوقى لانه ببساطة يستطيع ان يشير الى فيديو معين ويقول ان هذا الفيديو غير صحيح لكنه لم يفعل ويبدو انه لا يملك اصلا ما يشير اليه بدليل انه اورد فيديو اذدهار كمثال وعندما سئل اين الفبركة سحب كلمة فبركة واصبح يتساءل فى امر بعيد جدا مثل ان الفيديو ليس فى السجن وانما فى امجاد ثم يتساءل فى فيديو مهاد ان كان هناك كمين من جهاز الامن دون ان يشير اين هى الفبكرة لان ما عرض فى الفيديو لا علاقة لنجلاء بها وانما الشخص الذى يتحدث وهو المسؤول عن افاداته وليست نجلاء واضح يا سادة يا كرام ان شوقى اراد فقط مهاجمة نجلاء لانها تكشف حقائق لا يرضى عنها امثال شوقى واضح ان هدف هذا الشوقى فقط استقصاد نجلاء حتى ولو كان باتهامات فارغة او اكاذيب تشين لنجلاء ونحن فى انتظار شوقى ليقدم لنا فيديو واحد لنجلاء قامت بفركته ..
Post: #34 Title: Re: يا شوقي سليمان .. وين بوستات نجلاء سيد أحمد المفبركة؟ Author: اسامه خليفه Date: 10-02-2012, 02:11 PM Parent: #30
الاخوه ابوالريش وضيوفك الكرام .. والشامخه نجلاء سيد احمد .تحياتي..
بطل مكابره يا شوقي واعتذر
Post: #36 Title: Re: يا شوقي سليمان .. وين بوستات نجلاء سيد أحمد المفبركة؟ Author: نجلاء سيد أحمد Date: 10-02-2012, 02:18 PM Parent: #34
شكرا على المرور والدعم القوى
محمد علي عثمان
امين علي الشيخ
Nagat Sid Ahmed Elshiekh توتة
سلمى الشيخ سلامة
elsawi
Asim Fageary
أيمن الطيب
وشكرا سيد الدار ابو الريش.
Quote: نا لا اثق في بوستات نجلاء مش دي وجهة نظر وحرية شخصية وانا مقتنع بيها. بعدين من وجهة نظري البسيطة انا شايف الموضوع دا في مصلحة نجلاء بدل كل الناس تتطبل ليها على الاقل يكون في زول ينتقدها
شكرا استاذ شوقى الانسان مرآة اخيه الانسان لذا يسعدنى اذا اخطأت ان يصوبنى انسان حادب على مصلحتى وعلي حرية التعبير. فقط عندما اكون مخطئة كما ادعيت وكاذبة واعمل على تضليل من يتابع نشاطى ..واحد الاسباب التى جعلت لنشاطى طعم هو كذب اجهزة الاعلام الخاصة بالدولة واتيانى بالحقيقة المجردة عبر الصوت والصورة دون ان اكتب رأيي الشخصى بعد ان نصحنى بذلك نفر كريم فى هذا المنبر العام لذا اضع الفيديو دون كتابه تعليق يخصنى .
Post: #38 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 02:20 PM Parent: #34
Quote: بطل مكابره يا شوقي واعتذر
تحياتي
لا ابدا لن اعتذر بل يجب على نجلاء الاعتذار ، ولا زلت لا اثق فيما تنقله
Post: #39 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 02:24 PM Parent: #38
Quote: لا ابدا لن اعتذر بل يجب على نجلاء الاعتذار ، ولا زلت لا اثق فيما تنقله
لا نطالبك هنا بالإعتذار ولا نطالب نجلاء كذلك ... وحقك مكفول في عدم ثقتك ..... لكن كمان حقنا تورينا الفبركة الذكرتها جات وين؟
Post: #41 Title: Re: يا شوقي سليمان .. وين بوستات نجلاء سيد أحمد المفبركة؟ Author: نجلاء سيد أحمد Date: 10-02-2012, 02:29 PM Parent: #39
Quote: لا ابدا لن اعتذر بل يجب على نجلاء الاعتذار ، ولا زلت لا اثق فيما تنقله
الاستاذ شوقى ساعتذر فورا لو انت جبت الدليل على فبركتى وكضبى.كما لك مطلق الحرية فى ان لاتثق فيما انقله
Post: #48 Title: Re: يا شوقي سليمان .. وين بوستات نجلاء سيد أحمد المفبركة؟ Author: بهاء بكري Date: 10-02-2012, 08:13 PM Parent: #39
Quote: محاولة التشكيك فيما تلتقطه كاميرا نجلاء لا تختلف في جوهرها عن محاولة النظام وجهاز امنه في ارهابها واسكاتها وكسر شوكتها ولا احسب انك تريد ان تتبع خطى كلاب الأمن وتنفذ اجندتهم البائسة يا شوقي يا صديقي.
ليه بقيت كده يا شوقي يا خوي؟ ليه؟
شكرا ياصاوي
Post: #42 Title: Re: يا شوقي سليمان .. وين بوستات نجلاء سيد أحمد المفبركة؟ Author: هشام عباس Date: 10-02-2012, 02:31 PM Parent: #38
Quote: لا ابدا لن اعتذر بل يجب على نجلاء الاعتذار ، ولا زلت لا اثق فيما تنقله
ان تثق فى نجلاء او لا تثق فيها هذا امر يخصك لن يقلل من شان نجلاء ولن يزيدها فى شئ المطلوب منك ليس رايك او ثقتك فيها المطلوب منك اثبات ادعاءك لها بالكذب والفبكرة او الاعتذار ولكن يبدو ان غرضك اصبح واضحا ولا يحتاج لذكاء
Post: #43 Title: Re: يا شوقي سليمان .. وين بوستات نجلاء سيد أحمد المفبركة؟ Author: نجلاء سيد أحمد Date: 10-02-2012, 02:38 PM Parent: #34
شكرا الاعزاء هشام عباس
واسامه خليفه ولكم من التحايا اصدقها
Post: #44 Title: Re: يا شوقي سليمان .. وين بوستات نجلاء سيد أحمد المفبركة؟ Author: صبري طه Date: 10-02-2012, 02:57 PM Parent: #43
Quote: لا نطالبك هنا بالإعتذار ولا نطالب نجلاء كذلك ... وحقك مكفول في عدم ثقتك ..... لكن كمان حقنا تورينا الفبركة الذكرتها جات وين؟
لكن كمان حقنا تورينا الفبركة الذكرتها جات وين؟ لكن كمان حقنا تورينا الفبركة الذكرتها جات وين؟ لكن كمان حقنا تورينا الفبركة الذكرتها جات وين؟
Post: #45 Title: Re: يا شوقي سليمان .. وين بوستات نجلاء سيد أحمد المفبركة؟ Author: rummana Date: 10-02-2012, 05:17 PM Parent: #44
العيار اللي مايصيبشِ... يعمل شنو؟ يدوش ..
Post: #46 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 07:41 PM Parent: #45
ما فهمت قصدك شنو يا رمانة.
Post: #47 Title: Re: يا شوقي سليمان .. وين بوستات نجلاء سيد أحمد المفبركة؟ Author: Haju Muktar Date: 10-02-2012, 07:47 PM Parent: #46
Quote: لكن كمان حقنا تورينا الفبركة الذكرتها جات وين؟ لكن كمان حقنا تورينا الفبركة الذكرتها جات وين؟ لكن كمان حقنا تورينا الفبركة الذكرتها جات وين؟
,
Post: #49 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 08:21 PM Parent: #47
Quote: الاستاذ شوقى ساعتذر فورا لو انت جبت الدليل على فبركتى وكضبى.كما لك مطلق الحرية فى ان لاتثق فيما انقله
الاخت نجلا ياخ العفو مستحيل اتهمك بالكضب ودي نقطة مفروق منها
خلينا نسمي الامور تسميات صحيحة وخليني اقول في بعض البوستات لم يحالفك التوفيق فيها وفي اشياء نرفع لك فيها القبعات مثلا اسهامك في العمل الطوعي ومساعدة الضعفاء والمساكين دا كان عمل جميل لا شك في ذلك.
في بعض الفيديوهات قمتي بتوثيقها بالكاميرا خاصتك برضوا كانت صحيحة في بعض الفيديوهات تم ارسالها لك من الواضح انك لم تتحري الدقة فيها وقمتي برفعها اخرها بتاع الزول العامل ضجة حاليا.
اتمنى ان تتفهمي ما ارمي له له من خلال انتقادي لتلك الفيديوهات والتي اشعر انها مفبركة ليس بالضروري ان تكوني أنتي من فبركها لكن اوحي اليك بأنها صحيحة وهي لم تكن كذلك . النقد احيانا لو بعد من الهتيفة والاصطفافيين بكون مفيد . ارجوا التوقف عند بوستاتك الاخيرة بالنسبة لي انا في شخصي لم استطيع فهمها
عموما احيك على سعة صدرك وعدم اتهامك لي بأني امنجي او منسق مع اي جهة كماء كما ذكر الاخ ابو الريش انا اكتب بمحض ارادتي وحسب فهمي وتقديري للامور احتمال تقديري للامور قد يكون متواضع لكن انا لو مكانك ساضعه مكان الاعتبار حتى لو كان متواضع . الشكر الكتير والتطبيل الكثيرة والاعجاب بالشخصية قد تجعل الشخص يحيد عن الاشياء الاساسية ولب الموضوع.
كلنا نحلم بوطن عريض ينعم بالديموقراطية والرفاهية لكن بكل ما هو حقيقي. ودمتي
Post: #50 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 08:35 PM Parent: #49
Quote: عموما احيك على سعة صدرك وعدم اتهامك لي بأني امنجي او منسق مع اي جهة كماء كما ذكر الاخ ابو الريش
يا شوقي قول بسم الله ..... وين إتهمتك بإنك أمنجي؟ أما مسألة التنسيق ... أظن وضحت ليك الكلام باعتبار إنو إلتبس عليك.
يا شوقي أنا حادب على إنو الكلام يكون هادئ عشان نصل لشئ .. فما ممكن أستفزك بشئ يعكر الهدوء البتمناه لكلامنا.
لم أفتح هذا البوست لأكيل شتائم أو اتهامات لأي شخص ... والغرض منه واضح ومحدد .... إنت قلت إنك لا تثق في كلام نجلاء سيد أحمد لأنو بوستاتها مفبركة. قلنا ليك لك الحق في أن تثق أو لا تثق في أي شخص وطلبنا منك توضيح الفبركة.
أرجو أن أكون أوضحت.
Post: #51 Title: Re: يا شوقي سليمان .. وين بوستات نجلاء سيد أحمد المفبركة؟ Author: nabielo Date: 10-02-2012, 08:49 PM Parent: #50
سلام
Quote: الاخت نجلا ياخ العفو مستحيل اتهمك بالكضب ودي نقطة مفروق منها
كيف يعني نجلاء التي اتهمتها بالفبركة تكون في نفس الوقت صادقة !!!! الفبركة مش نوع من الكضب ؟ اول مرة اسمع بالفبركة الصادقة !!
Post: #52 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 08:50 PM Parent: #50
Quote: يا شوقي قول بسم الله ..... وين إتهمتك بإنك أمنجي؟ أما مسألة التنسيق ... أظن وضحت ليك الكلام باعتبار إنو إلتبس عليك.
يا شوقي أنا حادب على إنو الكلام يكون هادئ عشان نصل لشئ .. فما ممكن أستفزك بشئ يعكر الهدوء البتمناه لكلامنا.
لم أفتح هذا البوست لأكيل شتائم أو اتهامات لأي شخص ... والغرض منه واضح ومحدد .... إنت قلت إنك لا تثق في كلام نجلاء سيد أحمد لأنو بوستاتها مفبركة. قلنا ليك لك الحق في أن تثق أو لا تثق في أي شخص وطلبنا منك توضيح الفبركة.
أرجو أن أكون أوضحت.
الاخ ابو الريش لك تحياتي
انا لا انكر طريقة ادارتك للحوار لا غبار عليها وممكن من خلالها الناس تصل لي نتيجة . انت لم تقل اني امنجي لكن المحت لي اني اقوم بالتنسيق مع البعض لوضع المصداقية علي المحك للاسف الشديد ظروف عملي حالت دون الالتقاء باي بوردابي عدا الذين اعرفهم من فترة طويلة.
دعني اسألك سؤال هل تعتقد كل البوستات التي رفعتها الاخت نجلاء حالفها التوفيق فيها ؟
Post: #53 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 09:46 PM Parent: #52
يا شوقي عايز أقول ليك إنو مسألة إنك شخصية غير حقيقية أنا ما فكرت فيها على الإطلاق ..... وما كان عندي سبب أفكر فيها. علاوةً على ذلك .. كلام الأخ الصاوي عنك يدحض أي اتهام من النوع ده ... فما عارف إنت عايز تدلل على شنو بي مسألة عدم الإلتقاء بالبورداب.
أما البوستات التي رفعتها نجلاء ... زي ما ذكرت قبل كده .. وأكيد إنت ملاحظ، إنو نجلاء بتعرض فيديوهات لا أذكر أنها علّقت عليها .... فقولك إنو البوستات دي مفبركة بتخلي الواحد يفكّر إنو الفيديوهات غير صحيحة وهي إما بتعمل تمثيلية مع الناس البتقابلهم أو بتعمل مونتاج يغير أصل الفيديو ...... عدا ذلك ... ما فاهم كيف تكون الفيدوهات مفبركة؟ طلبت منك توضيح المسألة دي من بداية البوست وما أجبت.
Post: #54 Title: Re: يا شوقي سليمان .. وين بوستات نجلاء سيد أحمد المفبركة؟ Author: سمير شيخ ادريس Date: 10-02-2012, 09:48 PM Parent: #52
ماشى كويس والله يا شوقى فى الاول مفبركة ومضلله وكاذبة بعد شوية سحبت مفبركة وبقت مضللة وكاذبة ثم سحبت الكذب واقسمت باستحالة اتهامها بالكذب واخيرا التى تحسها مفبركة اوحى اليها انها صحيحة وخلاصة اخر كلامك وتحريك للدقة (لم يحالفها التوفيق فى (بعض) البوستات) كلامك فى الاول ما زى كلامك فى الاخر بعد عصروك
Post: #55 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-02-2012, 10:03 PM Parent: #54
Quote: أما البوستات التي رفعتها نجلاء ... زي ما ذكرت قبل كده .. وأكيد إنت ملاحظ، إنو نجلاء بتعرض فيديوهات لا أذكر أنها علّقت عليها .... فقولك إنو البوستات دي مفبركة بتخلي الواحد يفكّر إنو الفيديوهات غير صحيحة وهي إما بتعمل تمثيلية مع الناس البتقابلهم أو بتعمل مونتاج يغير أصل الفيديو ...... عدا ذلك ... ما فاهم كيف تكون الفيدوهات مفبركة؟ طلبت منك توضيح المسألة دي من بداية البوست وما أجبت.
يا بو الريش ما جاوبت سؤالي حول نجلاء
الحاجة التانية البوست بتاع الزول القالوا في الامن رائك فيهو شنو؟
Post: #57 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-02-2012, 10:14 PM Parent: #55
Quote: يا بو الريش ما جاوبت سؤالي حول نجلاء
سؤالك حول نجلاء كان (هل كانت موفقة في كل بوستاتها) ..... بينما موضوعنا (هل بوستاتها مفبركة)
والرد على السؤال ده وسؤالك عن البوست بتاع الزول الإتعرض للتعذيب في غاية البساطة.
إذا كنت أنا شايف إنو البوست ده مفبرك/ لم يحالفها الحظ فيه/ مضلل .... إلخ. (ممكن تختار المناسب) ... لو كان ده الحال، كنت أكون متفق معاك في عدم ثقتك في نجلاء وما كنت محتاج أفترع البوست ده.
يخيل لي كده جاوبت على السؤالين .... يالا أدينا طلبنا الأساسي في البوست ((وين الفبركة))
Post: #56 Title: Re: يا شوقي سليمان .. وين بوستات نجلاء سيد أحمد المفبركة؟ Author: nabielo Date: 10-02-2012, 10:04 PM Parent: #54
Quote: دعني اسألك سؤال هل تعتقد كل البوستات التي رفعتها الاخت نجلاء حالفها التوفيق فيها ؟
وما علاقة حالفها التوفيق بالفبركة !!!!!!
Post: #58 Title: Re: يا شوقي سليمان .. وين بوستات نجلاء سيد أحمد المفبركة؟ Author: nabielo Date: 10-02-2012, 10:17 PM Parent: #56
Quote: يا بو الريش ما جاوبت سؤالي حول نجلاء
Quote: يا شوقي سليمان .. وين بوستات نجلاء سيد أحمد المفبركة؟
يا اخي عنوان البوست سؤال و لم تجب عليه حتي الان !!!
Post: #59 Title: Re: يا شوقي سليمان .. وين بوستات نجلاء سيد أحمد المفبركة؟ Author: نايف محمد حامد Date: 10-02-2012, 11:09 PM Parent: #58
قول الروب
اذا قلتها انا اطلب من صاحب البوست و الاخرين يسامحوك و ما يطالبوك باعتذار
------------------------------------------------------------------ اذا قلتها ام لا انت انسان فاقد للمصداقية
Post: #60 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-03-2012, 06:59 AM Parent: #59
الأعزاء:
هشام عباس اسامه خليفه بهاء بكري صبري طه rummana Haju Muktar nabielo سمير شيخ ادريس نايف محمد حامد
لكم جزيل الشكر
Post: #61 Title: Re: يا شوقي سليمان .. وين بوستات نجلاء سيد أحمد المفبركة؟ Author: rummana Date: 10-03-2012, 07:32 AM Parent: #60
Quote: ما فهمت قصدك شنو يا رمانة.
سلامات محمد أبوالعزائم أبوالريش المثل بقول أن الرصاصة إذا اطلقت وما أصابت الهدف برضو بتتسب في عمل ازعاج .. يعني كده كده الضرر واقع .. الاخ شوقي أطلق عيار "بوستاتها مفبركة" ووضع رأي يطعن في مصداقية نجلاء ولحد الآن ما قدر يثبته... إذا قدر يثبته ح أفترض انه ح يكون مبسوط لانه ده هدفه وإذا ما قدر يثبته حيشوش على بعض الناس البيصدقوا نجلاء 100% شوقي بقول ما حيعتذر لنجلاء .."رغم كلامه اللاحق" .. شنو البخلينا مثلا ما نفترض سوء النية في رأيه الكتبه وما نقول انه قصد "يدوش" بتاعت المثل.. لانه عارف انه ما حيقدر يثبت كلامه..؟! فهمت قصدي ولا نشوف طريقة تعبير تانية!!
Post: #62 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-03-2012, 08:21 AM
Quote: قول الروب
اذا قلتها انا اطلب من صاحب البوست و الاخرين يسامحوك و ما يطالبوك باعتذار
يا نايف كيفك سيبك من الروب انت عملت شنو في موضوع قناتك الفضائية
Post: #63 Title: Re: يا شوقي سليمان .. وين بوستات نجلاء سيد أحمد المفبركة؟ Author: نايف محمد حامد Date: 10-03-2012, 08:48 AM Parent: #62
Quote: سيبك من الروب انت عملت شنو في موضوع قناتك الفضائية
اخى شوقى نخلص موضوع و نخش التانى قول الروب فى الاول هنا و نفتح بوست نوريك الحصل شنو فى موضوع الفضائية عايزين نعرف وين الفيديوهات المفبركة ؟
Post: #64 Title: Re: يا شوقي سليمان .. وين بوستات نجلاء سيد أحمد المفبركة؟ Author: مها عبد الله Date: 10-03-2012, 09:48 AM Parent: #63
كتب الأستاذ بوست بخصوص الظلم الذى لحق بشقيقه من قبل مدير البنك الإسلامي فى مدخل أرشيف الربع الأول للعام 2011 بوستا قبل أن يأخذ القانون مجراه وتبدأ التحقيقات بخصوص القضية ، إستنكر وشجب وأدان وكال التهم والإتهامات لجميع الموظفين فسانده الجميع ووقف معه الجميع لإظهار الحق ، يدعو الآن للتريث وعدم الإستعجال واللفحي أو كما يقول كعادته عند دخوله لأي بوست وخصوصا بوستات ( البنات ) ولا أدري لماذا يستمر أو يتمادي بالتشكيك بمصداقية العزيزة نجلاء ، وغيرها من الزميلات بالمنبر العام ! إبتدرها مع زميلة المنبر مناهل إبراهيم وبوست خاصتي كُتب بخصوص صفية إسحق المغتصبة من قبل رجال الأمن ونادي بالتحقيق والتريث !
لمعرفة أبجديات النضال عند الأخ شوقي سليمان ، البوست قارب أن يكون منبرا لحاله ووصل الصفحة 15 ولم نصل لنتيجة مع الأستاذ شوقي
بالله يا ابوالريش الكلام فى البوست بتاعك واضح ، وبوستات نجلاء واضحة ومجهودك مقدر ومشكور عليه ، بس أعتقد إنك بتضيع فى زمنك مع الأخ شوقي لانك لن تصل لنتيجة !
Post: #65 Title: Re: يا شوقي سليمان .. وين بوستات نجلاء سيد أحمد المفبركة؟ Author: أيمن الطيب Date: 10-03-2012, 10:21 AM Parent: #64
Quote: حدث قبلا يا شوقى إنك أكثرت من بوستات عروض بيع وشراء وتسويق الشقق والدعاية لشركة معينة ولشخص معين وتلميع صورته ومحاولات إظهاره بمظهر المستثمر الناجح والعصامى..صحيح!!! ومن كان ذاك الشخص ؟؟
Quote: نعم حدث ذلك وما كان الغرض تلميع ذلك الشخص بل كان موضوع حقيقي وكان القصد أن يستفيد الزملاء والاخوة وذلك من خلال تجربتي الشخصية مع ذلك الشخص لأني وجده انسان صادق مخلص في عمله يوعد ويوفي لا يكذب ولا ينافق نعم هو مالك شركة شهد العقارية وكان في زيارة للرياض وفي زملاء كتار استفادوا من الموضوع دا ولا زالوا يشكروني فقط شكر عشان ما تمشي بعيد واقسم بالله لم استفيد ولا مليم بل هي حقائق ملكتها للزملاء وشافوا براهم وعرفوا وعلى فكرة هو ما بحاج لتلميع او تسويق شغلوا وتفانيه في عمله يغنيه عن ذلك .
أولا حتى نبعد عن الإتهامات والتشكيك أنا لم أتهمك بأنك إستفدت من تلك الدعاية والتلميع والترويج,, وبكل صدق أنا هنا أصدقك وفى نفس الوقت أفترض فيك البراءة ولكن,,
هجومك الدائم ووقوفك ضد بعد الناس وبعض الأخوات تحديدا هو ما جعلنى أصر فى طرح هذا السؤال عليك أكثر من مرة,, لك مطلق الحرية فى الصفات التى أطلقتها أنت على الشخص المعنى ولكن غيرك يقفون فى الضد تماما ويرون فيك أنك تناصر وتقف بجانب شخص ظالم تسبب فى مصائب من نفس النوع الذى أتيت أنت باكيا شاكيا منها حدثت مع أخوك وكانت فعلا حادثة فساد ونصب ونهب نتج عنها خراب بيوت وضياع حقوق ناس أبرياء كل مصيبتهم أنهم غير موالين..
سؤالى الأخير ولك أن تحتفظ بالإجابة لنفسك وتعرفها لنفسك وستفهم بعدها قصدى من تذكيرك بكل هذا,,
من أين يستمد صاحبك المستثمر الناجح والعصامى قوته ومن هم شركائه وما علاقته بمراكز القوة وما الطرق التى سلكها ليصل لما وصل إليه؟؟؟؟؟؟؟؟؟؟
أنا شخصيا أفترض فيك البراءة كما قلت..
تحياتى,,
Post: #73 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-03-2012, 11:00 AM Parent: #64
سلام أستاذة مها ....
Quote: بالله يا ابوالريش الكلام فى البوست بتاعك واضح ، وبوستات نجلاء واضحة ومجهودك مقدر ومشكور عليه ، بس أعتقد إنك بتضيع فى زمنك مع الأخ شوقي لانك لن تصل لنتيجة !
معليش ... قلنا نديهو حقو كامل .. بعدين شوقي قال في بوستات مفبركة .. وزي ما عارفة الفيديوهات البترفعها نجلاء بيتابعها عدد مقدّر من القراء في سودانيز أونلاين ومواقع تانية وفي اليوتيوب. يبقى المصلحة العامة تقتضي إنو إما نبعد شبهة الفبركة عن الأخت نجلاء، أو يقنعنا شوقي بما يراه ويبين لنا مواضع الفبركة حتى نقوّم نجلاء أو تفقد مصداقيتها لدينا.
لك التحية.
Post: #66 Title: Re: يا شوقي سليمان .. وين بوستات نجلاء سيد أحمد المفبركة؟ Author: صديق الموج Date: 10-03-2012, 10:22 AM Parent: #63
يا شباب ......سلام
والله العظيم وكتابه الكريم لا احد يعرف شوقى حسن سليمان مثل معرفتى به اعرف امه وابيه عليهم الرحمة والرضوان من الله كما أعرف اشقائه واخواله واعمامه وزاملت بعضهم فى المدارس اكلت سمايته و تابعته طفلاً ويافعاً وشاب ولحق بى فى الغربة فى الرياض وكنت من اكثر الناس اعجاباً به لمعرفتى اللصيقة باسرته وباخلاقه وأدبه ومن حيث العرق فهو من لحمى ودمى ، وتتجاور اسرتينا فى السكن منذ الميلاد والى الان ولكن لاشى يدهشنى ويحيرنى مثل شوقى المنبر هذا.. سوف اكتب قليلا بعض سيرته واتمنى ان تضع بعض النقاط فوق الحروف ، معظمكم يعرف بعض اهله ان لم تكونو كلكم، فهو سليل اسرة من اسر السودان الطيبه البسيطة بساطة اهل السودان ولطفهم وكرمهم وطيب معشرهم وحسن جوارهم وما الى ذلك من كل ماهو حميد فى السودانيين..وقدمت للسودان رجال اسهموا فى الحياة السياسية والاجتماعية الكثير. مؤدب لا يطارد النساء كما تظنون بسوء قصد او قلة ادب ولكنه فاقد حنان، وان كان يحب التحدث اليهن ويأنس لذلك كثيراً ، ولذلك سبب لا اظنه سر ان انا افشيته فقد نشأ شوقى إبن خالتى وسط عشرة اخوان ذكور ماشاء الله تبارك فى منتهى الادب والتفوق والنجاح و المشاركة الاجتماعية كل بيوت الحى تشيد بحسن خلقهم الله وكان عندهم اخت واحدة توفيت وهى صغيرة .. وهذا سبب تواجده فى بوستات النساء اكثر من بوستات الرجال. حال بعض الناس الذين يفتقرون للاخوات الاناث يتمنون كل بنت ان تكون اختهم .ويحبون ان تنشأ بينهم وبينها علاقة وان كانت علاقة مناكفة، المهم ان يكون هناك رابط او مدعاة للتحدث معها ومخاطبتها. وفى ذلك بعض تعويض للحرمان.. لا اعرف له انتماء حزبى و لا يحفل بالسياسة كثيرا وليبرال الى حد كبير بحكم كل تصرفاته ونشأته وطريقته فى الحياة .. مبلغ حيرتى لماذا سخطه على المعارضين ؟وانا متأكد حتى هو لا يعرف سبباً لذلك كل الذى أظن انه يتصدى لما يكتب هنا حسب معلوماته التى يستقاها من اعلام السودان.. عليه يا ابو الريش ويا نايف ويا نجلاء هوناً عليكم شوقى يأتى الى هنا لماماً وخطفا يلاقى بوست يكتب فيه كلمتين ثلاثة مكابراً او مقتنعاً على طريقته ويقرأ ما تكتبون وينصرف وهو فى الحالتين راضى عن نفسه ،يضحك وربما مادى لسانه كمان. هذا هو شوقى الذى اعرف، ارجوا ان تتخذوا من حديثى هذا ارضية تتنطلقوا منها للنقاش مع شوقى ان اردتم مع عظيم تقديرى لشوقى واسرته ويبقى الود،،،
Post: #67 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-03-2012, 10:41 AM Parent: #66
Quote: أعتقد إنك بتضيع فى زمنك مع الأخ شوقي لانك لن تصل لنتيجة
مرحب الاستاذة مها
جبتي الفرمالة بتاعتك وجيتي عموما حبابك عشرة ويسعدني كثييييير اشوف البوست بتاع البنك الفاسد دا تاني وتاني بكرر ليك البنك دا هو بتاع ناس المعارضة الانا ما مقنع بيها نهائي .
Post: #68 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-03-2012, 10:47 AM Parent: #67
Quote: مؤدب لا يطارد النساء كما تظنون بسوء قصد او قلة ادب ولكنه فاقد حنان، وان كان يحب التحدث اليهن ويأنس لذلك كثيراً ، ولذلك سبب لا اظنه سر ان انا افشيته
ابن خالتي مشتاقين ياخ
حلوة فاقد حنان دي
Post: #72 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-03-2012, 11:00 AM Parent: #68
Quote: هجومك الدائم ووقوفك ضد بعد الناس وبعض الأخوات تحديدا
ايمن لك تحياتي
اول مرة زول يقول الحقيقة ومن خلال مداخلتك اوضحت اني لا اطارد النساء فقط عكس الجماعة الطيبين يتهموني فقط بأني اطارد النساء فقط علما بأني لا افكر من هي كاتب البوست رجل إمرأة اي حاجة ما ببلعة بقول رائي فيها وبصراحة والناس مفتروض تحترم الرأي والراي الآخر لكن سياسة الاصطفاف في هذا المنبر تحرم أن تقول رائك بصراحة يعني لازم تشيل دلوكتك وتمشي في الزفة خلاف كدا بتكون مجرم ومطارد وامنجي وحاجات كثيرة تكرم بها بعض الاخوة، الاخت نجلاء في الفترة الاخيرة جلطاتها كانت واضحة والناس ديل كلهم عارفينها وشايفنها لكنها سياسة الاصطفاف وفي بعض الناس ملاوزة تقول وجهة نظرة ياخ في الفترة الفاتت دي نجلاء بقت تكتب البوست وترفعوا لوحدها يعني تلقى 15 مداخلة وهي عندها فيها 12 مداخلة اعتقد دي كانت رسالة مبطنة للاخت نجلاء ولكن!!!!
بالنسبة لموضوع الشقق وصاحبها انا اعلم جيدا بأن صاحبها شخص عصامي وبمجهوده وصل الا ما هو عليه وانا شخصيا على بالظاهر اعجبتني الخدمة وتجربتي معه كانت ناجحة فحبيت الناس كلها تستفيد .
Post: #69 Title: Re: يا شوقي سليمان .. وين بوستات نجلاء سيد أحمد المفبركة؟ Author: أيمن الطيب Date: 10-03-2012, 10:52 AM Parent: #66
طيب يا ابوالشوش ما تقول كدا من الأول
Quote: والله العظيم وكتابه الكريم لا احد يعرف شوقى حسن سليمان مثل معرفتى به اعرف امه وابيه عليهم الرحمة والرضوان من الله كما أعرف اشقائه واخواله واعمامه وزاملت بعضهم فى المدارس اكلت سمايته و تابعته طفلاً ويافعاً وشاب ولحق بى فى الغربة فى الرياض وكنت من اكثر الناس اعجاباً به لمعرفتى اللصيقة باسرته وباخلاقه وأدبه ومن حيث العرق فهو من لحمى ودمى ، وتتجاور اسرتينا فى السكن منذ الميلاد والى الان ولكن لاشى يدهشنى ويحيرنى مثل شوقى المنبر هذا.. سوف اكتب قليلا بعض سيرته واتمنى ان تضع بعض النقاط فوق الحروف ، معظمكم يعرف بعض اهله ان لم تكونو كلكم، فهو سليل اسرة من اسر السودان الطيبه البسيطة بساطة اهل السودان ولطفهم وكرمهم وطيب معشرهم وحسن جوارهم وما الى ذلك من كل ماهو حميد فى السودانيين..وقدمت للسودان رجال اسهموا فى الحياة السياسية والاجتماعية الكثير. مؤدب لا يطارد النساء كما تظنون بسوء قصد او قلة ادب ولكنه فاقد حنان، وان كان يحب التحدث اليهن ويأنس لذلك كثيراً ، ولذلك سبب لا اظنه سر ان انا افشيته فقد نشأ شوقى إبن خالتى وسط عشرة اخوان ذكور ماشاء الله تبارك فى منتهى الادب والتفوق والنجاح و المشاركة الاجتماعية كل بيوت الحى تشيد بحسن خلقهم الله وكان عندهم اخت واحدة توفيت وهى صغيرة .. وهذا سبب تواجده فى بوستات النساء اكثر من بوستات الرجال. حال بعض الناس الذين يفتقرون للاخوات الاناث يتمنون كل بنت ان تكون اختهم .ويحبون ان تنشأ بينهم وبينها علاقة وان كانت علاقة مناكفة، المهم ان يكون هناك رابط او مدعاة للتحدث معها ومخاطبتها. وفى ذلك بعض تعويض للحرمان.. لا اعرف له انتماء حزبى و لا يحفل بالسياسة كثيرا وليبرال الى حد كبير بحكم كل تصرفاته ونشأته وطريقته فى الحياة .. مبلغ حيرتى لماذا سخطه على المعارضين ؟وانا متأكد حتى هو لا يعرف سبباً لذلك كل الذى أظن انه يتصدى لما يكتب هنا حسب معلوماته التى يستقاها من اعلام السودان.. عليه يا ابو الريش ويا نايف ويا نجلاء هوناً عليكم شوقى يأتى الى هنا لماماً وخطفا يلاقى بوست يكتب فيه كلمتين ثلاثة مكابراً او مقتنعاً على طريقته ويقرأ ما تكتبون وينصرف وهو فى الحالتين راضى عن نفسه ،يضحك وربما مادى لسانه كمان. هذا هو شوقى الذى اعرف، ارجوا ان تتخذوا من حديثى هذا ارضية تتنطلقوا منها للنقاش مع شوقى ان اردتم مع عظيم تقديرى لشوقى واسرته ويبقى الود،،،
الواحد نفسو يجيب ليك كوت لكن خايفك الحساسية ومتلازمة الF.H يقومو عليك بالليل دا..
تحياتى..
Post: #71 Title: Re: يا شوقي سليمان .. وين بوستات نجلاء سيد أحمد المفبركة؟ Author: هشام عباس Date: 10-03-2012, 10:54 AM Parent: #66
Quote: الاخت نجلا ياخ العفو مستحيل اتهمك بالكضب ودي نقطة مفروق منها
خلينا نسمي الامور تسميات صحيحة وخليني اقول في بعض البوستات لم يحالفك التوفيق فيها وفي اشياء نرفع لك فيها القبعات مثلا اسهامك في العمل الطوعي ومساعدة الضعفاء والمساكين دا كان عمل جميل لا شك في ذلك.
في بعض الفيديوهات قمتي بتوثيقها بالكاميرا خاصتك برضوا كانت صحيحة في بعض الفيديوهات تم ارسالها لك من الواضح انك لم تتحري الدقة فيها وقمتي برفعها اخرها بتاع الزول العامل ضجة حاليا.
اتمنى ان تتفهمي ما ارمي له له من خلال انتقادي لتلك الفيديوهات والتي اشعر انها مفبركة ليس بالضروري ان تكوني أنتي من فبركها لكن اوحي اليك بأنها صحيحة وهي لم تكن كذلك . النقد احيانا لو بعد من الهتيفة والاصطفافيين بكون مفيد . ارجوا التوقف عند بوستاتك الاخيرة بالنسبة لي انا في شخصي لم استطيع فهمها
عموما احيك على سعة صدرك وعدم اتهامك لي بأني امنجي او منسق مع اي جهة كماء كما ذكر الاخ ابو الريش انا اكتب بمحض ارادتي وحسب فهمي وتقديري للامور احتمال تقديري للامور قد يكون متواضع لكن انا لو مكانك ساضعه مكان الاعتبار حتى لو كان متواضع . الشكر الكتير والتطبيل الكثيرة والاعجاب بالشخصية قد تجعل الشخص يحيد عن الاشياء الاساسية ولب الموضوع.
كلنا نحلم بوطن عريض ينعم بالديموقراطية والرفاهية لكن بكل ما هو حقيقي. ودمتي
صراحة يا شوقى انت انسان محير اتهامك لنجلاء كان واضحا وبكلمات محددة وبدلا من تثبيت اتهامك بمثال معين او مقطع محدد نراك فى كل مرة تتهرب من هذه النقطة والاغرب انك تاتى لتقول كلاما عكس ما اتهمت به الاخت نجلاء !!!! واضح يا شوقى انك اماتكتب لمجرد المناكفة كما اوضح صديق الموج او انك فعلا كما اتهمك البعض لديك اغراض او غرض غير نزيه من مثل هذا الاتهام الذى لا يسنده اى دليل بل حتى انت فشلت فى تقديم دليل لاتهامك ..لذلك لا ارى اى معنى لغضبك ممن اتهموك بالامنجى طالما ان ما تقوم به شبيه لتصرفات الامنجية ومحاولتهم لكسر شوكة العزيزة نجلاء او جعلها موضع تشكيك ولا ارى عيبا طالما ثبت انك لا تملك ما يسند قولك ان تقدم اعتذارا للاخت نجلاء ..وبالمناسبة ان اعتذرت او لم تعتذر فالامر لا يفرق مع نجلاء لانها تعرف ما تفعل ولان الجميع يعرف صدقها وامانتها لكن هذا الاعتذار يفرق معك انت شخصيا وفى ثقة الناس بك وامانتك مع نفسك وصورتك امام الاخرين تحياتى
Post: #76 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-03-2012, 11:13 AM Parent: #66
مرحب بيك صديق الموج ....
لك جزيل الشكر على شهادتك في حق الأخ شوقي .. هي شهادة مؤكد مقدّرة وتقرأ مع شهادة الأخ الصاوي.
أؤكد لك أني لا أوجه كلامي لشخص الأخ شوقي ... لكني أناقشه في ما قال .. وما قاله يمس الشأن العام.
لك التحية
Post: #70 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-03-2012, 10:52 AM
Quote: فهمت قصدي ولا نشوف طريقة تعبير تانية!!
شكراً رمانة ...... مرات الفهم بيتقل .... لكن ما قدر دا
Post: #74 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-03-2012, 11:06 AM Parent: #70
Quote: مبلغ حيرتى لماذا سخطه على المعارضين
اي معارضين يا موج ؟ انا ما شايف اي معارض
Post: #75 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-03-2012, 11:09 AM Parent: #74
Quote: يفرق معك انت شخصيا وفى ثقة الناس بك وامانتك مع نفسك وصورتك امام الاخرين
يا راجل صلي على النبي
Post: #77 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-03-2012, 11:17 AM Parent: #75
Quote: معليش ... قلنا نديهو حقو كامل .. بعدين شوقي قال في بوستات مفبركة
Post: #78 Title: Re: يا شوقي سليمان .. وين بوستات نجلاء سيد أحمد المفبركة؟ Author: صديق الموج Date: 10-03-2012, 12:06 PM Parent: #77
Quote: اي معارضين يا موج ؟ انا ما شايف اي معارض
قارة سمح معارضات يا ابو الشوش!!! انت لسه متلازمة فقدان الحنان دى عندك هههههههه كدى نحكى ليك واحده من فقدان الحنان عندكم اولاد خالتى بقارة.. مره نحن خلصنا من تمرين العصر وكعادتنا من ميدان الثعالب القديم اقرب بيت من الميدان بيتكم وجينا مجدعين فى الواطه جنب بيتكم راجين طارق يجيب الموية .. كان فى الحله احد الجيران عندهم مناسبة و هى من نوع المناسبات التى ترسل فيها البنات لدعوة النساء ،والبنات طالعات مداعى نحن شفنا البنات داخلات فى بيت مارقات من بيت ولبدنا منتظرين البنات يجن يكلمو الخالة علنا نظفر بنظرة منهن لا ادعى انها نظرة برئية على الاقل من ناحيتى انا .. فاذا بنا نفأجأ بالبنات يكتفين ببيت الجيران دون الدخول بيتكم حيث نكمن وبعدها يأتينا صوت شافع يكورك لخالتى بقارة عليها الرحمة من نص الحوش وبصوت عالى خالتى بقارة امى قالت ليك :بكرة طهور ناس حنان.. قلت لعلاء الدين اخوك نحن القعدنا جنب بيت العذابة ده شنو؟ هههههههههههههههههههههههههههههههههههههه بعدين حكاية فاقد حنان دى على فكرة ما تفتكرها شتيمة وما تنكرها ولكنها بعض انتم اولاد حسن سليمان وهل هناك من يستغنى عنهن ذوت الثدى حمالات الحطب؟ لوووووووووووووووووووووووووول... ابو الريش ما تكمل معاهو الزول ده ...استصحبوا كلامى ده...
بالجنبة: يا ناس مها و نجلاء الود شوقى ده لما يناكفكم قولو ليه: حاضر يا اخوى او دسو ليه فى حنانو كلمه حارة من نوع سمح يا ود بطنى او يا ايمان دين قلبى الشمال بترضى عليه ،اسألونى انا.. احب الحنان زاتو وكما قال الشاعر: والذى نفسه بغير حنان لا يرى فى الوجود شئياً حنينا. قلتو وانا ستو لووووووووووووووول،،،،
Post: #79 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-03-2012, 07:00 PM Parent: #78
Quote: الامن السودانى جريمة اغتصاب وتعذيب بالنار فيديو وصور نجلاء سيد أحمد الامن السودانى جريمة اغتصاب وتعذيب بالنار فيديو وصور
هل هو حقيقي أم مفبرك
عشان نجاوب السؤال ده، محتاجين نعرّف كلمة (مفبرك)
كلمة مفبرك كلمة جرى تعريبها من الكلمة الإنجليزية fabricated وترجمتها: مزيّف أو ملفّق.
الفيديو الرفعتو نجلاء عبارة عن تصوير لشخص جلس أمام الكاميرا وأدلى بإفادة، قال إنو جرى تعذيبه ودلل على ذلك بأن رفع قميصه أمام الكاميرا ليُري آثار التعذيب. إذا كان هناك تلفيق في الموضوع ده، يكون من الشخص الأدلى بالإفادة. أو أن يكون صاحب الفيديو أو أي شخص تدخّل في المادة المسجّلة وأضاف/ حذف/ عدّل فيها حتى تظهر بغير حقيقتها.
من ناحية الإفادة، مسئول منها صاحب الإفادة ...... أما الفيديو نفسه، لم ألحظ فيه تدخّل بالحذف/ الإضافة أو التعديل، إذاً أرى أنه غير مفبرك أو ملفّق.
يالاّ أدينا إنت رأيك ..... وين الفبركة أو التلفيق في الفيديو عشان نحدد مسئولية أختنا نجلاء في المسألة دي.
Post: #80 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-03-2012, 07:37 PM Parent: #79
يا ابو الريش مساء الخير
ياخ كدا الجدل ببقي بيظنطي.
المهم الخلاصة الاخت نجلاء مسكت ضنب الككو وما كان لها ان تفعل ذلك ومستقبلا عليها ان تعتمد فقط على كاميرتها
Post: #81 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-03-2012, 09:19 PM Parent: #80
Quote: المهم الخلاصة الاخت نجلاء مسكت ضنب الككو
معقول يا شوقي؟ ...... مطلوب مننا ناخد كلامك زي ما هو بدون ما توضح لينا الخلاك تصل لي كده شنو؟
وبرضو ما قلت لي ليه إنت رافض كلامي وتفسيري لي كلمة (فبركة) والنتيجة الوصلت ليها.
Post: #82 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-04-2012, 10:18 AM Parent: #81
شكراً لجميع المتداخلين ---- شكراً شوقي
Post: #83 Title: Re: يا شوقي سليمان .. وين بوستات نجلاء سيد أحمد المفبركة؟ Author: مها عبد الله Date: 10-04-2012, 10:31 AM Parent: #82
بالجنبة: يا ناس مها و نجلاء الود شوقى ده لما يناكفكم قولو ليه: حاضر يا اخوى او دسو ليه فى حنانو كلمه حارة من نوع سمح يا ود بطنى او يا ايمان دين قلبى الشمال بترضى عليه ،اسألونى انا.. احب الحنان زاتو وكما قال الشاعر: والذى نفسه بغير حنان لا يرى فى الوجود شئياً حنينا. قلتو وانا ستو لووووووووووووووول،،،،
______________________________
لوووووول يا مونج يا صديق ، أبو الأشواق مسكهم ليك كلهم ضنب الككو بمزاج ، حتى شوف محمد أبو العزائم أبو الريش قال شنو : شكراً لجميع المتداخلين ---- شكراً شوقي _______________________________
ههههههههههههههههه ما وصلتوا لأى حاجة صح ؟
Post: #84 Title: Re: يا شوقي سليمان .. وين بوستات نجلاء سيد أحمد المفبركة؟ Author: أيمن الطيب Date: 10-04-2012, 10:47 AM Parent: #83
سلامات يا مها,,
Quote: ههههههههههههههههه ما وصلتوا لأى حاجة صح ؟
الحقيقة نحن واصلين من زمان لكن بس حبينا نشارك...
بعدين كلام المونج صديق دا كان كتبو زول تانى شوقى ببقى ليهو فى رقبتو إلى أن يرث الله الأرض ومن عليها..
غايتو أهو إتضارينا ورا الخال وإستعملناه ساتر..
أبوالشوش,,,,,,,, وين يا هنان!!!!
Post: #85 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-04-2012, 11:11 AM Parent: #84
بالعكس يا مها ويا أيمن .... أفتكر وصلنا تماماً ... ما كان هدفي (زي ما طلب بعض الأخوة) إنو شوقي يقول الروب أو يعتذر .....
بدون ما يقولها صراحةً، أنا متأكد إنو وصل لشئ.
Post: #86 Title: Re: يا شوقي سليمان .. وين بوستات نجلاء سيد أحمد المفبركة؟ Author: نجلاء سيد أحمد Date: 10-04-2012, 11:53 AM Parent: #85
Quote: يا ابو الريش مساء الخير
ياخ كدا الجدل ببقي بيظنطي.
المهم الخلاصة الاخت نجلاء مسكت ضنب الككو وما كان لها ان تفعل ذلك ومستقبلا عليها ان تعتمد فقط على كاميرتها
شكرا على النصيحة التى لااحتاجها ، قبل كدا قلت لى اعمل فى مجال العمل الانسانى احسن ....والان تحدد لى ان اعتمد على كاميرتى فقط
انا اعتمد على ضميرى ونظرتى وحدسي وكل ماضميري يحركنى تجاه مظلوم او انتهاك بسعى اليه .
وشكرا مرة اخرى لاتاحة الفرصة لعرض آخر ستة بوستات لزيادة عدد المشاهدة فيها
Post: #87 Title: Re: يا شوقي سليمان .. وين بوستات نجلاء سيد أحمد المفبركة؟ Author: مها عبد الله Date: 10-04-2012, 12:39 PM Parent: #84
الحقيقة نحن واصلين من زمان لكن بس حبينا نشارك...
بعدين كلام المونج صديق دا كان كتبو زول تانى شوقى ببقى ليهو فى رقبتو إلى أن يرث الله الأرض ومن عليها..
غايتو أهو إتضارينا ورا الخال وإستعملناه ساتر..
أبوالشوش,,,,,,,, وين يا هنان!!!!
_________________________________________
سلام وتحية يا أيمن وعارفة إنت بالذات واصل من زمان ، بس بقية الزملاء المندهشون من خاتمة البوست ليه مندهشين ما عارفة لوووول ياخ الخال زاتو ببالغ يعنى كل ما شوقي يكون مزنوق يجي يطلعوا من زنقتو دي بشهادتو وكمان المرة دي فيها هنان لوووووووووووووووول
كل التقدير للعزيزة نجلاء لمجهوداتها المقدرة وكاميرتها السلاح القوي الذى تحمله لتعكس وجهة الحقيقة الخافيه !
Post: #88 Title: Re: يا شوقي سليمان .. وين بوستات نجلاء سيد أحمد المفبركة؟ Author: Nasr Date: 10-05-2012, 02:42 AM Parent: #87
الخلاصة صرت أثق في نجلاء سيد أحمد وفيديوهاتها ومساهماتها ثقة شديدة (ولا أقوة ثقة عمياء) أيدها الله بنصر من عنده وأبقاها ذخرا للوطن وللثورة القادمة لإقتلاع الديكتاتور
وصرت أشك في شوقي سليمان ومساهماته أكثر
أبرأه الله من درن الديكتاتوريات والحكام ظالمي شعوبهم
Post: #89 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-07-2012, 09:05 AM Parent: #88
Quote: انا اعتمد على ضميرى ونظرتى وحدسي وكل ماضميري يحركنى تجاه مظلوم او انتهاك بسعى اليه .
هذا ما جعل منك نجلاء سيد أحمد
Post: #90 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 12:39 PM Parent: #89
Quote: بدون ما يقولها صراحةً، أنا متأكد إنو وصل لشئ.
ابو الريش لك تحياتي
بالحيل وصلت لاشياء كثيرة وليس شئ واحد فقط اهمها إنوا في فيديوهات غير صحيحة وكلكم عارفين كدا لكنه الاصطفاف
Post: #91 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 12:41 PM Parent: #90
Quote: شكرا على النصيحة التى لااحتاجها ، قبل كدا قلت لى اعمل فى مجال العمل الانسانى احسن ....والان تحدد لى ان اعتمد على كاميرتى فقط
قد تكوني ما محتاجة ليها لكن اجزم بأنك استفدتي منها وأنا متأكد في قادم الأيام حا تفكري الف مرة قبل ما ترفعي اي فيديو يجيك أو توثقيه
Post: #92 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 12:46 PM Parent: #91
Quote: أبوالشوش,,,,,,,, وين يا هنان!!!!
كيف يا مها
اها شفتي اول ما جبتي سيرة الهنان بديت أشعر بأن هناك انفراج في الازمة بيني وبينك ههههههه
الموج له احترام خاص يمنعنا من الرد عليه وهو يعلم ذلك والأسباب .
انتي هسع ما واقفة لي في حلقي ليك فترة في زول قال ليك حاجة .
Post: #93 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 12:49 PM Parent: #92
Quote: وصرت أشك في شوقي سليمان ومساهماته أكثر
شك يا اخويا شك ، ياتوا مساهمات دي بالله يوم واحد شفتني رفعت لي فيديو كاذب
Post: #94 Title: Re: يا شوقي سليمان .. وين بوستات نجلاء سيد أحمد المفبركة؟ Author: مها عبد الله Date: 10-07-2012, 12:55 PM Parent: #93
كيف يا مها
اها شفتي اول ما جبتي سيرة الهنان بديت أشعر بأن هناك انفراج في الازمة بيني وبينك ههههههه
الموج له احترام خاص يمنعنا من الرد عليه وهو يعلم ذلك والأسباب .
انتي هسع ما واقفة لي في حلقي ليك فترة في زول قال ليك حاجة .
_________________________________________________
سلامات يا شوقي وعساك بخير يا ود أمي ( دى تبعا لوصية مونج ) لووووووووووول هسه شفت الصلبتة بتاعتك دي ، عاين فوق وشوف الكتب ليك الكلام دا منو !
دا أيمن ياخ ( هسه الواقف للتاني فى حلقو منو ) ههههههههههههههههههه
كلو منك يا أيمن الطيب هههههههههه
برضو بهنان ومن غيرو ما وصلنا لأى حاجة يا مونج وتعال فكني من شوقي سليمان دا بالله
Post: #97 Title: Re: يا شوقي سليمان .. وين بوستات نجلاء سيد أحمد المفبركة؟ Author: أيمن الطيب Date: 10-07-2012, 01:06 PM Parent: #94
Quote: كيف يا مها
اها شفتي اول ما جبتي سيرة الهنان بديت أشعر بأن هناك انفراج في الازمة بيني وبينك ههههههه
الموج له احترام خاص يمنعنا من الرد عليه وهو يعلم ذلك والأسباب .
انتي هسع ما واقفة لي في حلقي ليك فترة في زول قال ليك حاجة .
_________________________________________________
Quote: سلامات يا شوقي وعساك بخير يا ود أمي ( دى تبعا لوصية مونج ) لووووووووووول هسه شفت الصلبتة بتاعتك دي ، عاين فوق وشوف الكتب ليك الكلام دا منو !
دا أيمن ياخ ( هسه الواقف للتاني فى حلقو منو ) ههههههههههههههههههه
كلو منك يا أيمن الطيب هههههههههه
برضو بهنان ومن غيرو ما وصلنا لأى حاجة يا مونج وتعال فكني من شوقي سليمان دا بالله
أبوالشوش يا هنان إنتا,, دى المرة التالتة وإنت لو قاصد قول لى والله بعمل ميت,,
كل مرة شايل كلامى ملصقو لى زول تانى!!! الواحد يعمل ديباجة لمداخلاتو ولا كيف..
ملاحظ جدا إنو فى نص العصرة يا حبيب إنت ما بتفرق!! غايتو ود الموج قال هنان هناااااااااااااان يا هنان إنت لكن باقى لى معاهو شيتا تانى يا حبيب!!
هسه فك بت الناس دى خليها تمشى تشوف ليها شغلة فيها الفايدة,, بعدين مها دى زاتا أنا شاكى فيها وإحتمال تطلع راجل بعدين نبقى فى جا يكوس هنان مسكو ضنب السهلية,,
تحياتى يا أبوالشوش وأفرز المرة الجاية لا عذر لك,,
Post: #103 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-07-2012, 01:24 PM Parent: #97
Quote: ملاحظ جدا إنو فى نص العصرة يا حبيب إنت ما بتفرق!!
أها يا أيمن .... دي يا دوبا الصلبتة ..... العصرة وينا؟ نحن كنا بنتونس ياخ.
Post: #102 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-07-2012, 01:19 PM Parent: #94
كده كويس يا مها؟ واحد بيشكك في (الجندر) بتاعك .... والتاني مطلّعك ما بتعرفي تعملي إقتباس.
Post: #95 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 12:58 PM Parent: #93
يا أبا الريش ما بعرف أعمل إقتباس لمشكلة تقنية عندي بكومبيوتري ، بعدين الخط الفوق دا لزوم شنو يعنى يا أبو الأشواق والهنان زاتو ، علشان نفصَل ونقسَم ونوضَح
شوقي دا بشكك فى فيديوهات نجلاء بقت على عدم معرفتي بكيفية عمل الإقتباس ، أما أيمن الطيب فلا تعليق غير أنفعل هسه وأقوم أجيب ليك صوت وصورة ( إني أُنثي .... إني أُنثي ) لوووووووووووووووول
كتب محمد أبوالعزائم أبو الريش :
حليل أبوي ... ____________________________
ما قلتوا نوبة ههههههههههههههه
Post: #106 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 01:45 PM Parent: #105
Quote: شوقي دا بشكك فى فيديوهات نجلاء بقت على عدم معرفتي بكيفية عمل الإقتباس
عجبتني دي
Post: #108 Title: Re: يا شوقي سليمان .. وين بوستات نجلاء سيد أحمد المفبركة؟ Author: هشام عباس Date: 10-07-2012, 02:03 PM Parent: #106
Quote: بالحيل وصلت لاشياء كثيرة وليس شئ واحد فقط اهمها إنوا في فيديوهات غير صحيحة وكلكم عارفين كدا لكنه الاصطفاف
عنزة ولو طارت
يا اخى نحنا ما عارفين وعشان نعرف طلبنا منك تدلنا على فيديو واحد كاذب للاخت نجلاء وانت رافض تدلنا .. كلنا عارفين كيف يا اخوى اذا انت رافض تورينا ؟؟
Post: #110 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 02:13 PM Parent: #108
Quote: يا اخى نحنا ما عارفين وعشان نعرف طلبنا منك تدلنا على فيديو واحد كاذب للاخت نجلاء
Post: #109 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 02:08 PM Parent: #106
Quote: كمان اليوم الأحد يا أيمن والشغل رااااااااااقد وغسيل ومكواة ونضافة لووووول
الاسبوع الفات كنت في لندن بس مداخلاتكم البتخوف دي حالة دون رؤيتكم بس المرة الجاية الهنان وكدا
Post: #111 Title: Re: يا شوقي سليمان .. وين بوستات نجلاء سيد أحمد المفبركة؟ Author: مها عبد الله Date: 10-07-2012, 02:29 PM Parent: #109
الاسبوع الفات كنت في لندن بس مداخلاتكم البتخوف دي حالة دون رؤيتكم بس المرة الجاية الهنان وكدا ____________________________________________________________
وكمان غتيت غتاتة شديدة خلاص ، ياخ كنت تدى خبر للبورداب المساكين الما بخوفوا ، أشرف مصطفي ، ود هارون ، نبيل عبد الرحيم
المرة الجاية مع هذا الهنان مفروض يكون الخوف زال لووووووووول
مرحبا بك دوما ولندن تنور بمقدمك أكيد
جيبوا لينا ورود حمراء بالله
Post: #112 Title: Re: يا شوقي سليمان .. وين بوستات نجلاء سيد أحمد المفبركة؟ Author: أيمن الطيب Date: 10-07-2012, 04:14 PM Parent: #111
أها شوف يا هنان,, طرح واضح صريح زى دا أسسسسسسسسسسسسسسسسسسسسلو ما شفنا قريب..
Quote: جيبوا لينا ورود حمراء بالله
بالمناسبة الDHL عندهم خدمة توصيل ورود Door 2 Door,,,,, وبعدها خلى شعارك الزارعنا يقلعنا و يا لندن نجيك نقدل نمشى فيك,, تحياتى ليك وللطرح زاتو,,
Post: #113 Title: Re: يا شوقي سليمان .. وين بوستات نجلاء سيد أحمد المفبركة؟ Author: صديق الموج Date: 10-07-2012, 04:36 PM Parent: #112
Quote: وكمان غتيت غتاتة شديدة خلاص ، ياخ كنت تدى خبر للبورداب المساكين الما بخوفوا ، أشرف مصطفي ، ود هارون ، نبيل عبد الرحيم
المرة الجاية مع هذا الهنان مفروض يكون الخوف زال لووووووووول
مرحبا بك دوما ولندن تنور بمقدمك أكيد
جيبوا لينا ورود حمراء بالله
شوقى : بختك ربح الحنان ربح الحنان !!
ام النسب : بالله شوقى ده ود خالتى وبالمناسبة هو خريج روضة دار الحنان زى ود سيدى.. ايمن الطيب : لكن ريحتنى فى حنانى.. نجلاء سيد احمد: اوع تكونى فهمتينى غلط بس !! لوووووووووول،،،
Post: #114 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 05:04 PM Parent: #113
Quote: جيبوا لينا ورود حمراء بالله
والله ما قصرتي تب بس اناخايف تكوني عملتي بنصيحتي ود خالتي موج (الواحد بقي يخاف من ضنب الككو)
والله كنت اتمنى اقابلكم وكان مفروض احضر الجلسة ولا الندوة الشعرية الكانت يوم السبت بتاعت طارق ابوعبيد بس الله ما سهل (اشرف ود هارون ونبيل ما فيهم كلام تب)
اجمل حاجة في البوست دا انك بقيتي من الحمائم وإن شاء الله ما يكون كمين ههههه
اكيد المرة الجاية الخوف بكون زال مع الورود الحمرا والكلام الطيب
Post: #115 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 05:08 PM Parent: #114
Quote: شوقى : بختك ربح الحنان ربح الحنان !!
ابن خالتي تحياتي
دا شكلوا كمين عموما بنخلي كراع برا وكراع جوا
Post: #116 Title: Re: يا شوقي سليمان .. وين بوستات نجلاء سيد أحمد المفبركة؟ Author: Shawgi Sulaiman Date: 10-07-2012, 05:18 PM Parent: #115
Quote: أها شوف يا هنان,, طرح واضح صريح زى دا أسسسسسسسسسسسسسسسسسسسسلو ما شفنا قريب..
يا ايمن تحياتي
دي دردقة عديل
Post: #117 Title: Re: يا شوقي سليمان .. وين بوستات نجلاء سيد أحمد المفبركة؟ Author: مها عبد الله Date: 10-07-2012, 06:02 PM Parent: #114
هسه نعمل شنو يعنى علشان نثبت لشوقي إنو ما عاوزين نمسكك ضنب ككو ، والله صحي
ورود حمراء ما نفعت ، كل الحنان ما نفع أها الحلل شنو يا ربي
Quote: اجمل حاجة في البوست دا انك بقيتي من الحمائم وإن شاء الله ما يكون كمين ههههه
اكيد المرة الجاية الخوف بكون زال مع الورود الحمرا والكلام الطيب
أحلي حاجة إنى أخيرا قدرت أعمل إقتباس منذ بداية البوست ، يا وش الخير يا أبو الأشواق ياخ تسلم ومشكور
ومنتظرين حضورك مجددا للندن حتى نحتفى بك خير إحتفاء
Post: #118 Title: Re: يا شوقي سليمان .. وين بوستات نجلاء سيد أحمد المفبركة؟ Author: صديق الموج Date: 10-07-2012, 06:06 PM Parent: #117
Quote: هسه نعمل شنو يعنى علشان نثبت لشوقي إنو ما عاوزين نمسكك ضنب ككو ، والله صحي
ورود حمراء ما نفعت ، كل الحنان ما نفع أها الحلل شنو يا ربي
Quote: اجمل حاجة في البوست دا انك بقيتي من الحمائم وإن شاء الله ما يكون كمين ههههه
اكيد المرة الجاية الخوف بكون زال مع الورود الحمرا والكلام الطيب
أحلي حاجة إنى أخيرا قدرت أعمل إقتباس منذ بداية البوست ، يا وش الخير يا أبو الأشواق ياخ تسلم ومشكور
ومنتظرين حضورك مجددا للندن حتى نحتفى بك خير إحتفاء
مها ما عارفات تعملن شنو ؟ ده كلام ده؟ غايتو انا هششتو ليكن انتن اتصرفن يعنى مزيد من صب الخل فى الزيت يا ربابات البيت لووووووووول،،،
Post: #119 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-07-2012, 07:50 PM Parent: #118
لا حولاااااااا ده شنو ده؟ ......... عملتو شنو في بوستيني؟
أيمن .... مها ..... موج ....... إنضبطوا ياخ!!
Post: #120 Title: Re: يا شوقي سليمان .. وين بوستات نجلاء سيد أحمد المفبركة؟ Author: محمد أبوالعزائم أبوالريش Date: 10-10-2012, 10:17 AM Parent: #119