حكومة البرتا تغلق اكبر سلخانة فى العالم ..طلعت الطيب مطلوب حضورك

سبب الاغلاق: حدوث 9 ساعات تسمم.....

طلعت الطيب ....مطلوب حضورك فورا .....


المصنع اسمه XL Foods ..يقع فى مدينة برووكس التى تبعد بضع ساعات
من كالقرى ......
المصنع يذبح حوالى 5 الف بقرة فى اليوم الواحد

المصنع اكبر مشغل للسودانيين فى كندا (على ما اظن) فعدد العاملين فيه قد يصل للمئات .....


المصنع لوحده ينتج حوالى ثلث انتاج كندا من اللحوم .....


يا طلعت تعال بجاى وورينا الحاصل شنو ؟؟؟


نقع دجاج ساكت؟

هلع شديد يعم البلد ....
اللحوم ال contaminated لا احد يعرف اين هى الان ...
هل يتخلص الناس من اللحوم فى تلاجاتهم ؟

هل اللحوم فى المحلات العربية والاسلامية تاتى من نفس المصدر...

والسؤال المجنن بوبى .... النار مش مفروض تقضى على الفيروسات فى اللحم ؟

ايكولاى سمعنا الاسم كتير لكن ماعارفين مقصود بيهو شنو بالظبط ...

سلامات النصري

Quote: والسؤال المجنن بوبى .... النار مش مفروض تقضى على الفيروسات فى اللحم ؟

على حد علمي في أنواع من البكتريا ممكن تعيش حتى في درجة حراة أعلى من 100C

Quote: سبب الاغلاق: حدوث 9 ساعات تسمم.....

يا النصري بالرآحة، اللحم دا ما وآقف علي السلخانة دي براها.
بالرآحة يا النصري، السوق مليان لحم.
والله صحي...

9 ساعات تسمم!!!

ازيك يا النصري؟ أخبارك؟

ما عاوزه اقل ليك أكل ساي و يقوم الموضوع يطلع خطير. لكن إحنا السودانيين بننجض اللحم لما يقول الروب. ما اظن في بكتريا ممكن تعيش مع النيران اللي بنديها للحم ده. لكن الكلام في الخواجات اللي بياكلوا اللحم نص استوي.
المشكلة مممكن تكون برضو في نظافة اللحم و قطيعه، لو اللحم ملوث و حصل cross contamination بتكون مشكلة.

سلام اشرف
البكتريا اسمها
E. coli O157:H7

وحسب مصدر السى بى سى خطرة جدا بتودى التوج
وبالميت بتعمل فشل كلوى

الشفقة تطير يا مدير
والله مالاحظت للخطا ده الا بعد انت نبهتنى ليهو ........
بالله الواحد نفسه قايم اتقول مرفعين .....






(كنا فى سيرتك امبارح فى محل الجداد البكاى)

سلام يا اسمارت
غايتو السمعناه عن البكتريا دى انها بتعيش تحت حرارة مليون درجة مئوية......

زمان كنا بنمشى نصيد سمك فى احدى الترع قرب مدينة وادمدنى ..
مرة قبضنا قرقور او قرموط (cat fish) النصيبة دى بعد ساعات من صيدها
ونحن بنقطع فيها وهى لسه بتفرفر ...ابت تموت كله كله .....

البكتريا دى يا اسمارت خطرة جدا جدا ..اقتصاد الولاية كله حيتاثر بسبب قفل
المصنع ده ,,,تربية الابقار (ثانى مصدر للدخل بعد النفط) اتاثر واسعار المواشى فى هبوط,,,

برضو لازم نتزكر اخوانا السودانين اللنقطع مصدر رزقهم بسبب الاغلاق ,,,,, انا متاكد عدد كبير من
الاسر فى السودان حتشعر بحجم الكارثة ,,

العزيز النصرى امين
تحياتى
الشركة المعنية شركة كندية اسمها اكسيل بيف XL BEEF وكان عندهم المسلخ الذى تم اغلاقه قبل عام فى كالجرى والذى كنا نقوم بالاشراف عليه من قبل الوكالة الفيدرالية
مما اضطر الحكومة الى نقلنا لاونتاريو !
الكارثة حصلت فى مدينة بروكس فى البرتا حيث اكبر مسلخ للشركة (يتم ذبح اكثر من اربعة الاف راس من الابقار والعجول فى اليوم الواحد) وسرعته 330 راس فى الساعة ويعمل ورديتين
وهو يعمل بنفس طاقة كارقيل فى هاى ريفر ، على ان شركة كارقيل راس مالها امريكى ، وانا الان اعمل ضمن طاقم التفتيش الفيدرالى فى مسلخ اخر ضخم يتبع لشركة كارقيل فى مدينة قويلف .
يقال يا النصرى ان باكتريا الاى كولاى ربما تكون احد اسباب القيامة ولك ان تتخيل مضمون هذا التعبير الساخر
يا النصرى الوكالة الفيدرالية التى اعمل بها CFIA شغالة بأفضل الطرق العالمية المطبقة لضمان صحة اللحوم والاغذية المختلفة ولكندا نظام اسمه هاسب HACCP , وهو اختصار ل Hazards Analysis Critical Control point
ولذلك فهى الان تحقق فى كيفية حدوث هذا التلوث وهناك ضغط كبير عليها من اجل اكمال التحقيق وتمليك الحقائق للناس
الشركة تكبدت خسائر ضخمة حيث تم ارجاع اللحوم من ثلاثين ولاية امريكية وهى شحنات ايام 25 و26 و27 و28 اغسطس حسب علمى او حسب ما اعلنته الوكالة وكذلك تم استدعاء لمنتجات ايام اخرى داخل كندا
هذه ليست المرة الاولى فقد حدثت كارثة الليستريا مونوسايتوجينس فى اونتاريو قبل عامين وتم احتوائها لكن شركة مابل لودج المنتجة للدواجن كانت ايضا قد تكبدت خسائر كبيرة .
طبعا يا النصرى اهم مصادر باكتريا الاى كولاى هى المياه الملوثة وعدم وجود صرف صحى فى السودان واحد من اهم اسباب الفشل الكلوى بين الشباب هذه الايام
كذلك من اهم اسباب الاصابة بها اكل المرارة لانها بتتواجد فى الجهاز الهضمى للبهائم، ولذلك من اهم اجراءت الذبح هنا هو ضمان عدم تلوث اللحوم بمحتويات الامعاء لو براز البهيمة اثناء السلخ . يعنى الغسيل بالموية بعد السلخ المتبع فى السودان وغيره من دول العالم الثالث طرية غير مجدية !
فى والكرتون اونتاريو بالقرب من لندن حدثت اصابات بالاى كولاى قبل اكثر من عشر سنوات كانت نتيجتها خسارة مايك هاريس للانتخابات نتيجة لتقليصه ميزانية فحص مياه الشرب .. فهل تذكر تلك الاحداث يا النصرى
لك التحية وللاسرة الكريمة عاطر السلام

المشكلة الان هى الاحراج الذى دخلت فيه الحكومة الكندية
لان التلوث تم كشفه بواسطة الجهات الامريكية USDA
UNITED STATES DEPARTMENT OF AGRICULTURE

ممل يعنى ان الوكالة الكندية قصرت فى شغلهاCFIA وهى اختصار ل CANADIAN FOOD INSPECTION AGENCY !!!!

Quote: الشفقة تطير يا مدير والله مالاحظت للخطا ده الا بعد انت نبهتنى ليهو ........ بالله الواحد نفسه قايم اتقول مرفعين ..... (كنا فى سيرتك امبارح فى محل الجداد البكاى)

شُفتَ الجداد البكاي دا، بس اعصر عليهو.
تعرف يا النصري، في فترة إضراب جزارين عطبرة المشهور،
وآحد من عمال السكة الحديد قال للجماعة: تعرفو، في صبرة
كُل يوم بتباريني من الإمتداد الشمالي لحدي الوِرش، وتنتظرني
تباريني من الوِرش لحدي الإمتداد الشمالي.
الجماعة إستغربو. وآحد قال ليهو: بتباريك ليّه ؟؟؟
قال ليهو: من أكل المرقة بتاعت ما جي.

هسّع أنا بعد فكرت أحوّل جداد، إتذكرت كمية الثعالب المهولة
الفي رد دِيّر، فعدلت عن الفكرة.


يا النصري إن شاء الله مسألة المصنع دي تبقى ضارة نافعة،
ويجيبو لينا طلعت الطيّب راجع.

السلآم ليك يا طلعت وللأولآد.
ورينا أخبارك.

الاعزاء النصرى واسمارت

سلامات

كتبت اسمارت

Quote: لكن إحنا السودانيين بننجض اللحم لما يقول الروب

تعرفى انا بقيت زى بعض الجماعة هنا افضل Steak يكون rare لكن يبدو خيار
انى اكون نباتى سيحصل قريبا.
مع ودى وتقديرى

الاكرم النصري وضيوفه الكرام
السلام عليكم وعساكم بخير ..وقالو الجليد نزل عندكم

يعني يالنصري بعد مانقطع التذكرة للبرتا تطلع لينا بالخبر
السىء ده؟ يعني حتبقوا زي سانت كاثرينز في فرص العمل؟

Quote: هسّع أنا بعد فكرت أحوّل جداد، إتذكرت كمية الثعالب المهولة الفي رد دِيّر، فعدلت عن الفكرة.

الاخ معاويه سلامي ليك هل انت في ريد دير..لاني
عندي فكره اجي عليها واشتغل فيها ويمكن استقر مع الاسره
فهل فيها فرص عمل مناسبه ودخل معتبر ولا كلام جرايد من السودانيين
المعانا في سانت كاثرينز..

ولكم مودتي

Quote: الاخ معاويه سلامي ليك هل انت في ريد دير..لاني عندي فكره اجي عليها واشتغل فيها ويمكن استقر مع الاسره فهل فيها فرص عمل مناسبه ودخل معتبر ولا كلام جرايد من السودانيين المعانا في سانت كاثرينز.. ولكم مودتي

يا عمك رد دير بتاعت شنو... تعال قراند بريري ساكت Grande Prairie

Quote: يقال يا النصرى ان باكتريا الاى كولاى ربما تكون احد اسباب القيامة ولك ان تتخيل مضمون هذا التعبير الساخر

شكرا يا طلعت على المداخلة المفيدة الدسمة .....انا طبعا من قفلو المصنع الضخم
ده قلبى اكلنى .....لابد انو المصيبة كبيرة و الاثر الاقتصادى مهول نتيجة للاغلاق.

تانى يوم ظهر وزير الزراعة فى التلفزيون والجرائد وهو يشترى لحم البقر من احدى
البقالات المشهورة مدعيا ان اللحم امن....

والله يا طلعت ما قلت الا الحق بخصوص تلوث المياه واثرها على صحة المواطن ,,,,,

يوم الاحد جانى واحد اخونا وطلب منى اغسل السيارة لامر عاجل,,,,لمن بديت اشتغل
فيها حذرته ان لو اى موية نزلت على مجارى الصرف storm sewer حنلقى مخالفة كبيرة من البلدية
لو اشتكانا احد الجيران لان هذه المجارى تؤدى للنهر الذى تحصل منه المدينة على مياه
الشرب ...بقيت اشتغل واتلفت يمين شمال اعاين للموية على الارض و اراقب الجيران.....

فى السودان يفترض يحصل توعية للناس بخصوص اكل اللحوم النية لانو مافى زول عارف البهائم دى
من وين حصلت على مياه شربها (خاصة بعد وصلوها العاصمة)

الحكومة لازم تفهم التوعية تكلف اقل بكثير من معالجة المشكلة,,,,
التكلفة عبارة عن دعاية وتنوير للناس فى التلفزيون والصحف ,,فى الجرائد
والانترنت ..... مهما كلفت لن تصل لتكلفة علاج الفشل الكلوى ,,

برضو يا طلعت فى حاجة تانية
حزب الديمقراطيين الجدد (يسار الوسط) بتهمو الحكومة انها قلصت عدد المفتشين meat inspectors,,,,

التقليص ده كان احد اسباب المشكلة .....

الحكومة ردت عليهم وقالت ان وقت حدوث الكارثة كان هناك 46 مفتش فى المصنع

46 مفتش ,,,يا للهول .....

الله يطراهو بالخير شهاب فتح الرحمن كان دائما بحكى لى عن السلخانة فى السودان ...ان ماخانتى
الزاكرة اظنه قال فى السلخانة فى 2 او تلاته مفتشين ....

غايتو يا مدير نحن احسن منكم ..بلدنا كلها غزلان
الغريب كلما اشوف واحدة ماعارف ليه راسى بودينى للشيه والدكوة...

حيوان جميل وعيونه حلوة يتهادى امامك لا يلوى على شء
ونحن نفكر فى شية الجمر....
بالله دى حالة دى ....

عالم زلعانه

سلام يا معز
فكرت قبلك فى حكاية الزول يبقى نباتى دى ....
دى اسهل منها لحس الكوع (بتاعت نافع)

الحكاية تبدا بتقزز ....ثم نفور ,,,,ثم عدم رغبة ......

لكن سبحان الله ...كلما اتزكر ان رسولنا الكريم كان ياكل اللحم
ده كله يتغير







(طبعا بالاضافة لريحة الشية)

يا عزالدين ياخ انت لسه بتزازى
اطلع من الخور فورا .......
تعال البرتا ...
اى حته ,,,,,
الخير راقد,,,,,

ناس رانى ديل شغلهم كويس جدا جدا (حسب ما سمعنا)
الدخل ممتاز جدا ...المدينة اصغر من سانت كاثرينز
بس مشكلتها انها بعيدة ...تبعد من كالقرى ستة سبعة ساعات بالعربية
ومن ادمنتون تلاته اربع ساعات .......
رد دير فى منتصف المسافة بين كالقرى وادمنتون (ساعة وربع بالعربية) من كلتا
الجهتين .......
لو داير تجى لوحدك امشى لرانى ....
لو معاك الاولاد تعال رد دير

اطلع من الخور

Quote: يا النصري إن شاء الله مسألة المصنع دي تبقى ضارة نافعة، ويجيبو لينا طلعت الطيّب راجع. السلآم ليك يا طلعت وللأولآد. ورينا أخبارك

سلام يا ود المدير سلام
والله يا ريت الواحد يرجع البرتا
سلام لشخصك والاولاد مع عاطر الود والتحية

النصري سلام
جنك لحم
اكل ارانب اسعد بتاعت الانديان ياخي ورا اللحم مدفعني تيكت وكاسر مرايا

Quote: ناس رانى ديل شغلهم كويس جدا جدا (حسب ما سمعنا) الدخل ممتاز جدا ...المدينة اصغر من سانت كاثرينز بس مشكلتها انها بعيدة ...تبعد من كالقرى ستة سبعة ساعات بالعربية ومن ادمنتون تلاته اربع ساعات ....... رد دير فى منتصف المسافة بين كالقرى وادمنتون (ساعة وربع بالعربية) من كلتا الجهتين ....... لو داير تجى لوحدك امشى لرانى .... لو معاك الاولاد تعال رد دير اطلع من الخور

سلآمات يا عز الدين.

كلّت في كلآم النصري دا قوووووي.

دا رقم تلفوني:
4035977151
حبابك ألف.

سلام جمال

الظاهر المصنع مشكلته اكبر مما كان الجميع يظن

اقرا الخبر فى الوصلة سى بى سى
http://www.cbc.ca/news/canada/calgary/story/2...ion-food-safety.html

Florida.http://www.infomedia.gc.ca/inspection/article...au20129253678384.htm

The Liberals and the NDP tore a strip off the Conservative government Monday over the safety of Canada's meat supply. NDP Leader Tom Mulcair and acting Liberal counterpart Bob Rae took jabs during question period, saying the governing Conservatives failed to alert Canadians about meat from an Alberta packing plant that's tainted with E. coli. Mulcair conjured memories of the Maple Leaf Foods listeriosis outbreak of 2008, which was blamed for the deaths of 23 people and happened under the watch of current Agriculture Minister Gerry Ritz. The Listeria scare was undoubtedly a low point in the political career of Ritz, who faced calls for his resignation after The Canadian Press reported he was making jokes during a conference call with scientists, bureaucrats and political staff. Ritz later apologized for the remarks, which included describing the political dangers of the crisis as "death by a thousand... cold cuts" and expressing the hope that one of the victims of the outbreak would turn out to be Liberal MP Wayne Easter. "It was not funny then, and it is not funny now," Mulcair said. http://www.infomedia.gc.ca/inspection/article...2102943593797_14.htm

Four years after the Conservative government was hit by a deadly outbreak of tainted meat, it has yet to produce a widely accepted assessment of whether Ottawa has enough inspectors to keep Canadian food safe. The need for such an analysis was one of the main recommendations of Sheila Weatherill, who investigated the 2008 listeriosis outbreak that left 23 Canadians dead. Ms. Weatherill's independent report to the government concluded she was unable to determine whether Ottawa was spending enough on food inspection because of a lack of information and differing views. That confusion continues to this day, as the Conservative government boasts of having hired 170 new meat inspectors since 2006, while the head of the inspectors' union says he doesn't know where the hell they are. The government plans to amend its own food safety legislation this week so that Ottawa commits to an assessment of the resources allocated to food safety once every five years. The amendment is to a government bill introduced in the Senate just before Parliament's summer recess that has so far received little public attention. Conservative Senator Don Plett, who is putting forward the amendment on the government's behalf for a vote as early as Thursday, says the timing has nothing to do with the current E. coli-related recalls in Alberta.

Liberal Senator Robert Peterson says he will propose an amendment of his own that would have the Auditor-General rather than the agriculture minister conduct the review of whether or not Ottawa is spending enough on food inspection. He said he's concerned by recent cuts to the CFIA, which is facing budget reductions of $56.1-million a year. “Quit advertising the 1812 war and give the money to the CFIA,” he said

الحل الوحيد تنجضوا اللحم نجاض قبوره...

اهلا دكتور الصادق....
غايتو الايام دى انا عزابى ....
اللحمة بتقعد فى النهار زى 8 ساعات كده....

سلامات يا النصرى
الرابط بتاعك فيهو شوية مبالغات زى قصة الزول الدخل الحمامات ده !
العاملين فى هذه الشركات الضخمة مدربين كويس وتدريبهم وشهاداتهم لازم تكون موثقة حسب برنامج الهاسيب HACCP الذى كنت قد اشرت اليه فى بداية مداخلاتى
يعنى غسل الايدى والتعقيم ومواصفات المبانى نفسها اضافة الى التدريب الخ ..كلها حاجات داخلة فيما يعرف بالبرامج الاولية للهاسيب pre-requisite programs
لذلك اعتبر هذا النوع من النقد غير واقعى ، لكنى قطعا اتفق مع من قال ان سرعة الخط لا تسمح بتعقيم المعدات (السكاكين مثلا) تعقيما كافيا(هناك مياة فى درجة حرارة 82 درجة مؤية امام كل عامل للتعقيم)
المسالخ دى يا النصرى تعتبر من اسرع واكبر المسالخ فى العالم (سرعة الخط 330 رأس فى الساعة)
انا اعتقد ان سرعة الخط يجب تخفيضها وده رأى ناس كتار حيث لابد من ارغام هذه الشركات على تخفيض سرعة الانتاج
على العموم رب ضارة نافعة لان هناك الان نقاش حامى فى البرلمان الكندى يهدف الى منح الوكالة الفيدرالية مزيد من السلطات
فى لقاء مع السى بى سى كان رئيس الوكالة قد صرح بانه طالب الشركة بنتائج الفحص المعملى الا ان ادارة الشركة تماطلت احدى عشر يوما مما فاقم المشكلة
الرئيس قال انه لا يملك الصلاحيات او السلطات التى تخول له اجبار الشركة على توفير المعلومات فورا!
ملحوظة: يمكن قتل بكتيريا الاى كولاى بالتاكد من ان (درجة الحرارة الداخلية لشرائح اللحم قد وصلت 71 درجة مؤية على الاقل ولمدة دقيقة لو اكثر)
مرات الباربكيو فى المحلات التجارية (بكون نص استوا ) لجودة عجول البرتا ذات اللحم الطرى.

يا طلعت ناس السى بى سى عملو تقرير من بروكس جابو فيهو مجموعة من العاملين
فى المصنع (اغلبهم افارقة ..سودان صومال الخ) حالتهم صعبة شديد ....متوقفين عن
العمل لاكثر من 11 يوم ...يعنى فى بعد تلاته يوم حيكملو الاسبوعين ... يعنى شيك كامل ...
حسب تضريباتى المتوسط بتاع شيك الاسبوعين حوالى 1800 دولار ...
ده مبلغ ضخم ..... احدهم قال فى التقرير فى ناس عندهم مورقيتش ..حيدفعوه من وين؟
فى ناس عليهم مسئوليات ملحة لا تستحمل التاخير....

الناس ديل فى محنة يا طلعت ....

اتخيل بس تتوقف عن عملك لعدة ايام بدون دفع ..... خليك من اسبوعين.....

الحاجة التانية (طبعا انا متابع الموضوع ده شديد مع السى بىى سى) قالو
الوكالة الفدرالية وافقت قبل عشرة سنوات على استخدام تقنية الاشعاع الذرى Irradiation لقتل المكروبات
فى اللحوم ...

تنازلت الوكالة عن الفكرة بسبب الرفض الشديد من جانب المستهلكين ....واحد من المحللين
قال ساخرا المستهلكين خايفين اللحمة glow in the dark بسبب الاشعاع ......

Irradiation قالو طريقة سليمة جدا ولا تاثر على المستهلك ..

happy thanksgiving

للاخوة خارج كندا ...اليوم الاثنين 8 سبتمبر هو عطلة رسمية بمناسبة عيد الشكر
وهو عيد مرتبط بعملية الحصاد بالنسبة للمهاجرين الاوائل .....