Post: #1
Title: حبوبتي تسلم عليكم وتقول ليكم .... السودان خلاص بقى ملطشة
Author: صلاح غريبة
Date: 09-30-2012, 08:15 PM
Parent: #0
السودان على مر العصور ظل يشكل معبراً للكثير
من رعايا الدول المجاورة للتواصل مع
الأمم الأخرى خاصة أرض الحجاز فيما مضى
والتي كان يقصدها أهل غرب أفريقيا بغرض
الحج وبسبب ذلك قد يمكثوا فترات طويلة
في السودان حتى تسنح لهم الفرصة لمواصلة
رحلتهم ومنهم من يطيب له المقام فيتخذ
من السودان موطناً ،
فتكونت بذلك مناطق لتجمعات هؤلاء الوافدين
صارت قرى ومدن فيما بعد ، الشاهد أن
هذا حدث في الماضي ولكنه لا يزال يتجدد ،
فالهجرة للسودان تتجدد خاصة بعد المجاعات
والحروب التي تحدث في دول الجوار وخاصة بعد
التحسن النسبي للمعيشة في السودان بعد ظهور
البترول وتساعد حدود السودان المفتوحة على
تشجيع هذه الهجرات.
......... ساواصل ..........
صلاح غريبة - اعلامي وكاتب صحفي ومدون
مقيم بالخرطوم
|
Post: #2
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: ابو عثمان
Date: 09-30-2012, 08:21 PM
Parent: #1
لو ما واصلت يكون كتر خيرك
|
Post: #4
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: صلاح غريبة
Date: 09-30-2012, 08:26 PM
الهجرة للسودان في السابق كانت تأتي بفوائد له ،
حيث تتوفر العمالة الكافية للزراعة بواسطة
هؤلاء المهاجرون ، خاصة وأن عدد سكان السودان
في بدايات القرن العشرين كان قليلاً لا يكفي لإدارة
المشروعات الزراعية والصناعية في السودان ،
أما الهجرة للسودان حديثاً فقد صارت وبالاً عليه ،
فبالإضافة للمهددات الإجتماعية بدخول عادات
ومظاهر إجتماعية دخيلة على المجتمع السوداني ،
عملت على خلخلة نسيجه الإجتماعي بالإضافة إلى ذلك
أفرزت هذه الهجرات الحديثة مهددات أمنية مباشرة.
........... ساواصل ..........
صلاح غريبة - اعلامي وكاتب صحفي ومدون
مقيم بالخرطوم
|
Post: #9
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: صلاح غريبة
Date: 09-30-2012, 08:57 PM
| Quote: لو ما واصلت يكون كتر خيرك |
ابو عثمان ...
كان البوست ما عاجبك اطلع !!!!
|
Post: #18
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: خضر الطيب
Date: 09-30-2012, 10:25 PM
| Quote: السودان خلاص بقى ملطشة |
فعلا ياغريبه بقى ملطشه لما جيتو انتو من (دراو)
قبائل الفولانى والتى تنتشر فى افريقيا هى الاحق
بالاقامه فى السودان الافريقى
|
Post: #3
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: Salah Abdulla
Date: 09-30-2012, 08:25 PM
Parent: #1
| Quote: السودان خلاص بقى ملطشة |
اليوم 30 / 9 / 2012م ..
ياخ السودان مملطش ليهو تلاتة وعشرين سنة وتلاتة شهور بالضبط يا غريبة ..
يا دوب حبوبتك نبهتك ؟؟
عليك وعلى حبوبتك السلام..
|
Post: #5
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: صلاح غريبة
Date: 09-30-2012, 08:33 PM
Parent: #3
إن الكثير من قادة الحركات المسلحة وأعضاءها
ليسوا بسودانيين أصلاء ،
بمعنى أنهم هاجروا حديثاً للسودان
ولم يحدث لهم التطبيع الكامل مع شعب السودان ،
لذا تجدهم يقومون بأفعال ليست بأي حال
من الأحوال في مصلحة المواطن بل هي تصب
في مصالحهم الضيقة
وذلك لعدم إنتماء هم الحقيقي للسودان فقلوبهم
مع دولتهم الأم وليحدث ما يحدث للسودان ..
لقد حول المهاجرون الجدد شعارات كالعدالة والحرية
وغيرها من الشعارات لقد حولوها للافتات يخفون
وراءها أغراضهم الحقيقية للنهب والسلب لأجل
الثراء وبناء الأمجاد الشخصية على حساب
المواطن المغلوب على أمره.
.... ساواصل .....
صلاح غريبة - اعلامي وكاتب صحفي ومدون
مفيم بالخرطوم
|
Post: #6
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: صلاح غريبة
Date: 09-30-2012, 08:36 PM
Parent: #5
آن الأوان للتشديد في قفل الحدود السودانية
ومراجعة الجنسية السودانية
وإكمال مشروع السجل المدني ،
قفلاً لهذه الثغرات التي جعلت من السودان
بلداً متغير الهوية بإستمرار
حسب مجات الهجرة واللجوء إليه
وحتى لا يجلس الغرباء على رؤوس أهل البلد
الحقيقيين الذين عاشوا منذ أسلافهم
في تراب هذا البلد الطيب.
.......... ساواصل ........
صلاح غريبة - اعلامي وكاتب صحفي ورئيس منظمة اصدقاء السياحة
مقيم بالخرطوم
|
Post: #7
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: صلاح غريبة
Date: 09-30-2012, 08:44 PM
Parent: #6
هذا نموذج لمن يدعون الدفاع عن حقوق
منطقة هم لا يمتون لها بصلة:
المصدر ... المركز السوداني للخدمات الصحفية
Quote: اللجنة السياسية لأبناء النوبة ترفض التفاوض مع قطاع الشمال
الخرطوم(smc)
رفضت اللجنة السياسية لجبال النوبة بالمؤتمر الوطني التفاوض مع قطاع الشمال بحسبان ان منفستو الحركة الشعبية أدى الى إنفصال الجنوب وأشعل الحرب في جبال النوبة وتدعو فى اجندتها لاسقاط النظام .
وقال الطيب حسن بدوي وزير الشباب والرياضة بولاية الخرطوم ونائب رئيس اللجنة السياسية لجبال النوبة بالمؤتمر الوطني في تصريح لـ(smc) أن اللجنة ترفض مقررات ما يسمى بالمجلس القيادي للحركة الشعبية لقطاع الشمال الذي إنعقد فى الثامن والعشرين من أغسطس الماضي مبينأً أن اللجنة السياسية تدعو
لفك الارتباط العسكري بين متمردي المنطقتين مع دولة الجنوب خاصة وانها تتبع أسلوب الاغتيالات والتصفيات والاعتقالات سبيلاً لتحقيق اهدافها .
وعلى ذات الصعيد قررت اللجنة السياسية لجبال النوبة بالمؤتمر الوطني فى اجتماعها برئاسة محمد مركزو كوكو رئيس اللجنة اعادة هيكلة اللجنة واستكمال رؤساء الدوائر ونوابهم واضافة اعضاء جدد للمكتب التنفيذي لمواكبة متطلبات المرحلة الحالية التى يجري فيها التفاوض بين الحكومة والمتمردين فى جنوب كردفان حيث تم اختيار البروفسير خميس كجو كنده رئيساً للمجلس الاستشاري كمشرف عام وينوب عنه الامير صالح على أزرق والمهندس محمد بحر الدين فيما تم اختيار أبو راس تومات مقرراً للمجلس الاستشاري كما تم تكليف الطيب حسن بدوي للاشراف على ملف ابناء جبال النوبة بالمهجر بالاضافة الى آخرين . |
|
Post: #8
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: محمد حسن العمدة
Date: 09-30-2012, 08:55 PM
Parent: #7
Quote: الهجرة للسودان في السابق كانت تأتي بفوائد له ،
|
وهجرتكم انتو استفدنا منها شنو ؟؟
جدادت الخلا الطردت جدادت البيت
قلت لي النوبة اهل الساس والراس لا يمتون بصلة ؟!! هههه عشان كيزان ولا شنو ؟
Quote: اللجنة السياسية لأبناء النوبة ترفض التفاوض مع قطاع الشمال
الخرطوم(smc)
رفضت اللجنة السياسية لجبال النوبة بالمؤتمر الوطني التفاوض مع قطاع الشمال بحسبان ان منفستو الحركة الشعبية أدى الى إنفصال الجنوب وأشعل الحرب في جبال النوبة وتدعو فى اجندتها لاسقاط النظام .
وقال الطيب حسن بدوي وزير الشباب والرياضة بولاية الخرطوم ونائب رئيس اللجنة السياسية لجبال النوبة بالمؤتمر الوطني في تصريح لـ(smc) أن اللجنة ترفض مقررات ما يسمى بالمجلس القيادي للحركة الشعبية لقطاع الشمال الذي إنعقد فى الثامن والعشرين من أغسطس الماضي مبينأً أن اللجنة السياسية تدعو
لفك الارتباط العسكري بين متمردي المنطقتين مع دولة الجنوب خاصة وانها تتبع أسلوب الاغتيالات والتصفيات والاعتقالات سبيلاً لتحقيق اهدافها .
وعلى ذات الصعيد قررت اللجنة السياسية لجبال النوبة بالمؤتمر الوطني فى اجتماعها برئاسة محمد مركزو كوكو رئيس اللجنة اعادة هيكلة اللجنة واستكمال رؤساء الدوائر ونوابهم واضافة اعضاء جدد للمكتب التنفيذي لمواكبة متطلبات المرحلة الحالية التى يجري فيها التفاوض بين الحكومة والمتمردين فى جنوب كردفان حيث تم اختيار البروفسير خميس كجو كنده رئيساً للمجلس الاستشاري كمشرف عام وينوب عنه الامير صالح على أزرق والمهندس محمد بحر الدين فيما تم اختيار أبو راس تومات مقرراً للمجلس الاستشاري كما تم تكليف الطيب حسن بدوي للاشراف على ملف ابناء جبال النوبة بالمهجر بالاضافة الى آخرين . |
طبعا انت قاصد ناس قطاع الشمال لكن قدر قدرتك حاولت توصل المعلومة .. قلت لي ما مشتاق لسينما كردفان ؟!! ههههه
|
Post: #11
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: صلاح غريبة
Date: 09-30-2012, 09:11 PM
Parent: #8
محمد حسن العمدة ...
بطل لولوة الخبر المنشور واضح والفكرة واضحة
هل عرمان وعقار والحلو بمثلوا النوبة؟
دا انا ذكرتوا كنموذج للتضليل البتقوم
بيهو حركات التمرد بدعوى الدفاع عن
حقوق منطقة بعينها وهم في الواقع لا يمثلوها...
أها بعد إتفاق أديس أبابا الأخير وفك الإرتباط
النشوف وهمة قطيع الشمال تاني بنكون شنو؟
تخريمة: نحن أهلنا هاجروا للسودان قبل مئات
السنين وانصهروا مع اهل البلد الكلام الناس
اللي يوم الليلة جسدهم في السودان وروحهم
ومصالحهم خارجه والكلام الناس العرسهم في بلد
وماتمهم في البلد التانية وبعد دا هم عاملين
فيها أحق من السودانيين الاصلاء
|
Post: #10
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: صلاح غريبة
Date: 09-30-2012, 09:00 PM
Parent: #3
Quote: اليوم 30 / 9 / 2012م ..
ياخ السودان مملطش ليهو تلاتة وعشرين سنة وتلاتة شهور بالضبط يا غريبة ..
يا دوب حبوبتك نبهتك ؟؟
|
وعليك السلام اخونا صلاح..
السودان مملطش من زمن الانجليز اللقوا
عدد سكان السودان قليل بدل ما يتركوا
السودانيين عددهم يزيد بالتدرج فتحوا
الباب للهجرات عشان يلقوا العمالة الرخيصة
والمجانية لمشاريعهم الاستعمارية بدون
ما يراعوا لهوية البلد الاصبحت متنازع عليها
ليوم الليلة ..
المشكلة رسخوا في اذهاننا انو السودان
دولة معبر وحدودها مفتوحة عشان نحن اليوم
نعاني من الوافدين الجدد البقوا عاملين
فيها ثوار وعايزين يطردوا جدادة البيت ..
مسؤولية الحكومة الحالية توقف المسلسل دا
بحراسة الحدود واستعجال السجل المدني
عشان الجوة جوة والبرة برة
|
Post: #12
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: مرتضى احمد عبد القادر
Date: 09-30-2012, 09:14 PM
Parent: #10
والله الملطشة اليوسر نيم بتاعك دا يا يابا
|
Post: #14
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: Adil Ali
Date: 09-30-2012, 09:33 PM
Parent: #13
صلاح غريبة الليلة ادّيت الباسويرد لي منو...
الكلام المكتوب فوق دا انت ماااااا بتعرف تكتب زيو، لأنك زول شبه أمي، إن لم تكن امياً تماماً!
بس الزول الكتب الكلام دا أضاف كلمة (مُدوِّن)....ودي لازم تقعد معاهو ويشرح ليك معناها شنو... يا مهندس التبريد-تخصص أزيار!
|
Post: #23
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: omar altom
Date: 10-01-2012, 08:42 AM
Parent: #14
LOOOOOL
LIKE IT
|
Post: #15
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: الامين محمد علي
Date: 09-30-2012, 09:37 PM
Parent: #13
Quote:
.إن الكثير من قادة الحركات المسلحة وأعضاءها
ليسوا بسودانيين أصلاء ،
بمعنى أنهم هاجروا حديثاً للسودان
ولم يحدث لهم التطبيع الكامل مع شعب السودان ،
لذا تجدهم يقومون بأفعال ليست بأي حال
من الأحوال في مصلحة المواطن بل هي تصب
في مصالحهم الضيقة
وذلك لعدم إنتماء هم الحقيقي للسودان فقلوبهم
مع دولتهم الأم وليحدث ما يحدث للسودان .. |
******
من هم هؤلاء القاده الذين قصدتهم....وما هو وطنهم الاصلي؟
|
Post: #16
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: يوسف محمد يوسف
Date: 09-30-2012, 10:00 PM
Parent: #15
دا كلو من .. عزيز ؟؟؟
ـــــــــــــــــــــــــــــــــــــــــ
صلاح غريبه .... يا و..ا..ح.. ش.. نيييييييييي.. !!
|
Post: #17
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: قاسم المهداوى
Date: 09-30-2012, 10:11 PM
Parent: #16
Quote: صلاح غريبة كاتب وصحفى واعلامى ومدون
مقيم بالخرطوم |
اوسكار / حلوة والله
فاما نحن :
( محمد معانا ما تغشانا )
قاسم المهداوى
|
Post: #19
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: Elbagir Osman
Date: 09-30-2012, 10:27 PM
Parent: #17
في زول تاني مسك الوردية
أسلوب الكتابة اتغير
|
Post: #20
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: محمد علي عثمان
Date: 10-01-2012, 04:01 AM
Parent: #19
Quote: إن الكثير من قادة الحركات المسلحة وأعضاءها
ليسوا بسودانيين أصلاء ،
بمعنى أنهم هاجروا حديثاً للسودان
ولم يحدث لهم التطبيع الكامل مع شعب السودان ،
لذا تجدهم يقومون بأفعال ليست بأي حال
من الأحوال في مصلحة المواطن بل هي تصب
في مصالحهم الضيقة
|
يا أخ صلاح
دا كلام خطير جدا وفيهو عنصرية واضحة وعلى العموم الناس ألبتحارب النظام سوى في دارفور أو النيل الأزرق أو كردفان هم بلا شك من سكان السودان الأصليين .
|
Post: #21
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: طارق ميرغني
Date: 10-01-2012, 05:46 AM
Parent: #20
يبدو ان صلاح غريبه غير طريقته
ما من عاداته ان يرد علي كل مداخله
شغال بسياسة الجمل ماشي وال###### ينبح
هسي بقي الجمل ينبح وال###### ماشي
هههههههههههههههههههههههههههه
كيفك يا وحش .........
|
Post: #22
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: مهدي صلاح
Date: 10-01-2012, 07:26 AM
Parent: #21
يبدو انو حبوبتكم اختار نوع الطرح (النتن) دا عشان تصعد وتثبت نفسها كخبيرة اعلامية ... اسلوب الدهنسة والتملق للمسؤولين بالسير باسمعاهم ما يصادف هوى في نفسهم و تأجيج نار التفرقة والعنصرية وتقسيم الناس لأصلي وغير اصلي
بيخلي من يردد هذا الكلام ملطشة
انا ما حأحاجج بانو حبوبتك ذاتا جاية من وين لان هذا يعني ضمنيا انو موافقك على الطرح النتن
|
Post: #24
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: أيمن الطيب
Date: 10-01-2012, 08:52 AM
Parent: #22
الغريبة يا غريبة إنك إنت نفسك من أسرة هاجرت وإستوطنت السودان فى وقت سابق ما!!!
وكانت هجرة عكس هجرات الحجيج سبحن الله,,
وين المشكلة فى رايك !!!
والزعلك منو بالضبط من المهاجرين المستوطنين ديل!!
شكلك بدون ما تشعر أدمنت القصة دى والله ,,
|
Post: #25
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: رأفت ميلاد
Date: 10-01-2012, 09:00 AM
Parent: #22
Quote: اليوم 30 / 9 / 2012م ..
ياخ السودان مملطش ليهو تلاتة وعشرين سنة وتلاتة شهور بالضبط يا غريبة ..
يا دوب حبوبتك نبهتك ؟ |
فى ملطشة أكتر من كدة يا أبن عمى
Quote:
صلاح غريبة - اعلامي وكاتب صحفي ومدون
|
ثم مشتاقبن يا أبوصلاح
|
Post: #26
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: Deng
Date: 10-01-2012, 09:31 AM
Parent: #25
غريبة أختشي
|
Post: #27
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: محمد أبوالعزائم أبوالريش
Date: 10-01-2012, 09:57 AM
Parent: #26
إلى من يكتب باسم غُريبة ......
سيب حبوبتو في حالا !!!!!
|
Post: #28
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: عبدالرحمن الحلاوي
Date: 10-01-2012, 10:07 AM
Parent: #27
الوطن يسع الجميع لو اتسع الأفق ...وضيق به الأصلاء والدخلاء وحتى بقايا الحملات وعمال المياومة طالما انسد الافق وصار الناس ينظرون للآخر بهذه النظرة التي تشبه النفوس الكالحة ..نصيب الفرد في الأرض شبر فقط وما دون ذلك لا يساوي هذا الرغاء .
|
Post: #29
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: وضاحة
Date: 10-01-2012, 10:16 AM
Parent: #28
يا جماعة
دى ما غروبتى
دا زول تانى ابو كضوم مسكيييييين وما بعرف يكتب ويرد كدة
الباس ويرد عند زول تانى من ناس الامن
أبو كضوم
لو ما بقيت راجل وصلبت طولك ومسكت باس ويردك تانى ما بعبرك وانا زعلت منك خالص خالص كضومي
|
Post: #30
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: عزيز
Date: 10-01-2012, 10:53 AM
Parent: #29
| Quote: دا كلو من .. عزيز ؟؟؟ |
يوسف يا حبيب
استاذنا الخبير الإعلامي ما عبرني ولا قالي تسأل عنك العافية يا عزيز يا طيب
وشمت فيني الأحباب
كده كويس يا غريبة وكمان طلعنا قرايب أولاد ريف!!
|
Post: #31
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: عماد موسى محمد
Date: 10-01-2012, 11:24 AM
Parent: #30
صلاح غريبة كتب:
Quote: إن الكثير من قادة الحركات المسلحة وأعضاءها
ليسوا بسودانيين أصلاء ،
بمعنى أنهم هاجروا حديثاً للسودان
ولم يحدث لهم التطبيع الكامل مع شعب السودان ،
لذا تجدهم يقومون بأفعال ليست بأي حال
من الأحوال في مصلحة المواطن بل هي تصب
في مصالحهم الضيقة
وذلك لعدم إنتماء هم الحقيقي للسودان فقلوبهم
مع دولتهم الأم وليحدث ما يحدث للسودان ..
لقد حول المهاجرون الجدد شعارات كالعدالة والحرية
وغيرها من الشعارات لقد حولوها للافتات يخفون
وراءها أغراضهم الحقيقية للنهب والسلب لأجل
الثراء وبناء الأمجاد الشخصية على حساب
المواطن المغلوب على أمره.
.... ساواصل .....
صلاح غريبة - اعلامي وكاتب صحفي ومدون
مفيم بالخرطوم |
أخ صلاح غريبة
السلام عليكم
*هذا الكلام عنصري بامتياز يا صلاح-أقترح أن تحذفه لان فيه إساءة
لاتليق-حتى ولو مع من تختلف معهم..
**ثم هو-مع عنصريته-يخالف الواقع ..فأنا أعرف
| Quote: الكثير من قادة الحركات المسلحة وأعضاءها |
كانو مؤتمر وطني..وكانوا "إتجاه إسلامي" في الجامعات والمعاهد..
وأنا شخصيا في جامعة الخرطوم زاملت شباب سودانيين من أهل البلد-وليسوا من الخارج كمازعمت -كانوا معكم تحزبا وتنظيما..كالأستاذ/إدريس إبراهيم أزرق /رئيس فصيل دارفوري..هؤلاء وحملوا السيخ في الجامعة دفاعا عن فكرهم وفكركم ..الآآآآن صاروا ليسوا بسودانيين أصلاء؟؟؟!!!
يحي بولاد/د. خليل إبراهيم...إلخ هل جاء من بلاد الواق واق؟ ! والقائمة تطول
إذن يا محترم كأن لسان حالك يقول: من خالفنا فهو سوداني غير أصيل!!
أقول هذا الكلام وأنا أخالف هؤلاء المعارضين كما أخالفكم في كثير من منطلقاتكم السياسية والفكرية
لكن الإنصاف يا نااس..الإنصاف.
***قولك:
Quote: لذا تجدهم يقومون بأفعال ليست بأي حال
من الأحوال في مصلحة المواطن بل هي تصب
في مصالحهم الضيقة
وذلك لعدم إنتماء هم الحقيقي للسودان فقلوبهم
مع دولتهم الأم وليحدث ما يحدث للسودان |
هذا -يا أخ صلاح-تقعيد وتفسير خاطئ للأمورعامة، ولمسألة حبّ الوطن
وخدمته خاصة
المعيارية ليست في إنتساب فلان للسودان
أو عدمه..المعيارية هي تعامل الإنسان مع البلد التي هو فيها
بمعيار التقوى والإخلاص والتضحية..إلخ
وكم ذاق السودان الأمرّين من بعض أبنائه الذين
ينتفخون بطرا وفخرا بسودانيتهم
..وكم من الناس..من أهل البلد
وإسلاميين.. قاموا بأفعال-وهم في السلطة-ولايزالون-:
Quote: ليست بأي حال
من الأحوال في مصلحة المواطن بل هي تصب
في مصالحهم الضيقة |
****Quote: لقد حولوها للافتات يخفون
وراءها أغراضهم الحقيقية للنهب والسلب لأجل
الثراء وبناء الأمجاد الشخصية على حساب
المواطن المغلوب على أمره |
إن كان هذا صحيحا..فهذا كذلك قد يشمل بعض
من وصفتهم:
فعلوا بالسودان وأهله وموارده وأمواله مالله به عليم
إذن ثبت بأن هذا المعيار الي استعملته:
عنصري وغير منطقي وغير واقعي
شكرا
|
Post: #32
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: عبدالقادر علي عبدالرحيم
Date: 10-01-2012, 11:41 AM
Parent: #31
ياود غريبة
بفعل سياسات الانقاذ
|
Post: #33
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: جمال الباقر
Date: 10-01-2012, 11:45 AM
Parent: #31
الى الذي يكتب باسم صلاح غريبة
رسالة قذرة تم التوقيت لها بكل خبث ومكر
|
Post: #34
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: mohmmed said ahmed
Date: 10-01-2012, 06:05 PM
Parent: #33
فى حال الكاتب زول تانى
يكون زول سادى عرض غريب للبهدلة
ولو الكاتب
غريب ذات نقسو
تبقى ما سوشية
منك يا غرب
تتلذ ذ بالردم الجبتو لنفسك
|
Post: #35
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: Dr. Ahmed Amin
Date: 10-01-2012, 06:45 PM
Parent: #29
Quote: يا جماعة
دى ما غروبتى
دا زول تانى ابو كضوم مسكيييييين وما بعرف يكتب ويرد كدة
الباس ويرد عند زول تانى من ناس الامن
أبو كضوم
لو ما بقيت راجل وصلبت طولك ومسكت باس ويردك تانى ما بعبرك وانا زعلت منك خالص خالص كضومي |
|
Post: #36
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: saif massad ali
Date: 10-01-2012, 07:06 PM
Parent: #35
صلاح غريبة
كل قادة الحركات سودانييون اما عن اب
كدي ورينا قائد ما سوداني
|
Post: #37
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: محمد حسن العمدة
Date: 10-01-2012, 09:03 PM
Parent: #36
| Quote: يا مهندس التبريد-تخصص أزيار! |
ازيك يا بتاع السودان الجليد
ههههه غايتو في الابيض في حي تخصص فحم وازيار في حي الحلب -- دي ما عنصرية بالجد في حي اسمو حي الحلب :)
|
Post: #38
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: elsawi
Date: 10-01-2012, 09:43 PM
Parent: #37
Quote:
وحتى لا يجلس الغرباء على رؤوس أهل البلد
الحقيقيين الذين عاشوا منذ أسلافهم
في تراب هذا البلد الطيب.
|
يا جماعة الزول ده كويس
جادعنو مالكم؟
|
Post: #39
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: محمد علي عثمان
Date: 10-01-2012, 09:45 PM
Parent: #37
يا صلاح غريبة حبوبتك قالت ليك الناس الدايرة تسقطكم بالمظاهرات و- السلاح عشان انتو وصلتو البلاد للحالة دي:
جرائم غريبة وشاذة أفرزها المشروع الحضارى !!! .. بقلم: عصام الجزولى
الإثنين, 01 تشرين1/أكتوير 2012 10:43
[[email protected]]
منذ أن أعلن أصحاب المشروع الحضارى اعادة صياغة الانسان السودانى دخلت على مجتمعنا جرائم غريبة وشاذة لم يألفها المجتمع السودانى فى تأريخه الطويل ولم نسمع بها حتى فى المجتمعات التى ليس لافرادها وازع من دين أو قانون أو عرف وترد فى صحفنا اليومية ومصدرها أقسام الشرطة وهى على النحو التالى :-
• ادانة أب بأغتصاب ابنته
( مكرر مرتين) !!!
ادانة نظامى وزوجته بقتل نظامى استدرجته الزوجة !!!
• اتهام طبيب بالتحرش الجنسى بمريضة !!!
• توجيه الاتهام لرجلين بغسيل الاموال !!!
• توجيه الاتهام لمجموعة بالاتجار بالبشر !!!
• ادانة طالب اسأس بقتل زميله !!!
• ادانة كمسارى بقتل مهندس بسبب الباقى !1!
• اتهام طالب جامعى برشق ماء النار على وجه مدير الجامعة !!!
• اتهام شاب بقتل امام مسجد بسبب الحديث مع شقيقته حول عدم احتشامها !!!
• اتهام شقيقتان بقتل والدهما لانه أجبرهم على الزواج !!!
• أجنبى يضبط طالبتان داخل شقته بدافع السرقة !!!
• ادانة شاب بقتل والدته !!!
• اتهام ثلاثة من ضباط الامن بأغتصاب ناشطة سياسية !1!
• اتهام قيادى وشاغل منصب دستورى بالافعال المخلة بالاداب !!!
• ادانة رجل بتشويه وجه زوجته بماء النار لرفضها الانصياع له بعد اكراهها على الزواج منه !!!
• ادانة شيخ دجال بأغتصاب طالبة جامعية جاءت اليه لتحسين مستواها الاكاديمى بأرشاد صديقتها !!
• ادانة شيخ فى السبعين من عمره بأغتصاب طفلة !!!
• اتهام ثلاثة شبان بأختطاف وأغتصاب فتاة !!!
• ادانة شابان بأغتصاب وقتل طفلة !!!
• اتهام مهندس بأستدراج وأغتصاب طفلة !!!
• اتهام وادانة شيخ خلوة بأغتصاب طفل !!!
• ادانة لاعب كرة قدم بقتل مدربه !!!
• اتهام رجل بأغتصاب ابنته 15 مرة !!!
• ادانة طبيب بأجراء عملية اجهاض لخمسة عشر الف فتاة !!!
• اتهام امام مسجد بالتحرش الجنسى بأمراة داخل حافلة ركاب !1!
• يقول الصوفية ان ( الفقر) هو الاب الروحى لكل أفات السلوك كما يقولون مافى دين بلا عجين
|
Post: #40
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: Zomrawi Alweli
Date: 10-02-2012, 05:35 PM
Parent: #39
| Quote: فعلا ياغريبه بقى ملطشه لما جيتو انتو من (دراو) |
ايوا يادوب عرفت الكلام دا
زمان لما كنا بنركب الحمير للتوصيل للمدرسة الاولية (الابتدائية) كان الحمار الما جراي يسموه الحمار الدراوي اتاريه كان من بلد ناس غريبة........ اجيبة الاجب والله
|
Post: #41
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: Nasr
Date: 10-02-2012, 06:22 PM
Parent: #40
ضحكتني يا مرتضي
ووفرت علي كلام كتير كنت عايز أقوله
| Quote: والله الملطشة اليوسر نيم بتاعك دا يا يابا |
|
Post: #42
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: خضر الطيب
Date: 10-02-2012, 07:58 PM
Parent: #41
| Quote: كان الحمار الما جراي يسموه الحمار الدراوي اتاريه كان من بلد ناس غريبة........ اجيبة الاجب والله |
يازمراوى انت زول بتاع مشاكل .. انا اصلا ماكان ممكن احيب سيرة الحمير فى زريبة غريبة دى ...مش كفايه هو ...
|
Post: #43
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: محمد أبوالعزائم أبوالريش
Date: 10-03-2012, 06:47 AM
Parent: #42
بالله شفتو تخانة جلد أكتر من كده؟
الردم ده شغال هنا قرش ونص .... وممكن عااادي تلقوهو بيفتح ليهو بوست تاني يقول: حبوبتي عازمة معجبي غريبة سينما.
غريبة:
سجمك وسجم حبوبتك الراجياك.
|
Post: #44
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: صلاح غريبة
Date: 10-03-2012, 07:15 PM
Parent: #43
خضر الطيب...
مصور والي كردفان الاسبق بسلم عليك.. قلت لي الفولاني أكثر أفريقية مني ليه؟؟ دراو دي في أمريكا اللاتينية؟؟؟.. وكان ما كنت من الدويم ياخضر كان تقول شنو؟ الجعافرة انت ما بتعرفهم؟ وللا باقات العسل عمن قلبك؟
======================
مرتضى ..
كان عندك راي قولو بلاش مطاعنات ما جايبة حقها
=====================
الشايقي...
مكي شبيكة براهو قول يوسف فضل قول ابو سليم وووو ...
====================
عادل علي.. بطل إستخفاف أجوف
====================
عمر التوم تشكر على المرور
======================
الأمين محمد علي... دا قميص عامر مفصل لأي زول .. القدرو يلبسو
====================
يوسف محمد يوسف ... لا اوحشك الله ... كيفك يارجل
=====================
ياقاسم مهداوي دي طريقة تكلم بيها عمدة بورداب القاهرة السابق... بعد شوية حارجع وابقى عمدة بورداب الإسكندرية حتودي وشك وين؟
==================
الباقر لسة أسلوبك الإسقاطي دا ما خليتو؟... أخبار المظاهرات في الخرطوم شنو؟ مافي جديد؟
===================
محمد علي ... وينا العنصرية ؟... والحاصل من بعض حركات دارفور دا عاجبك؟ في سوداني أصيل يبيع ويشتري في أهلو ويقبض الدولارات من المنظمات الصهيونية؟ الناس الماعندهم إنتماء لبلدهم هم البعملوا كدة... فإذا كانت إدانتي لأمثال هؤلاء عنصرية، فأنا أتشرف بعنصريتي لبلدي ولأهلي.
=====================
أهلاااا يا باشمهندس طارق كيف أحوالك.. المشكلة يا هندسة كلاب الزمن دا ما بهوهون في الجمل بس ديل بخربشوا كمان.
=================
مهدي صلاح... وريني جملة تملقت فيها أحد في هذا البوست... الفكرة واضحة... قفل الحدود ومراقبتها+ التشدد في إعطاء الرقم الوطني = منع الهجرة الغير شرعية الوافدة للبلاد ، ودا كله في إطار تجفيف الكثير من المشكلات التي ظل يعاني منها السودان طوال العقود الماضية... مش كل دول العالم بتعمل كدا؟ المانعنا في السودان شنو نكون زيهم؟
===================
والله يا أيمن الطيب ما في زول مزعلني ولا عندي مشكلة مع زول.. كل ما في الأمر إني مشفق على حال السودان البقى ملطشة بسبب الوافدين... بعدين جدودي لمن جاءوا السودان ما جوا شايلين سلاح ولا كونوا حركة مسلحة ولا طردوا جدادة البيت .. أهلي جوا بحضارتهم وأدخلوا الزراعة ومهاراتها لأجزاء واسعة من السودان ودونك منطقة الدويم امشي أسأل من الجعافرة وتاريخهم.. أهلنا أضافوا وعمروا مش خربوا وقتلوا وشردوا أهل البلد بعدين الكلام دا من مئات السنين .. الكلام الجو السودان قبال سنتين تلاتة وبقوا أسيادو.
====================
مرحبتين أخونا رأفت ميلاد وشرفتنا بمرورك الأنيق... بس الملطشة إنت عارف ما بدت قبل 23 سنة بدت منذ عهد الإستعمار وقد بينت ذلك في صدر البوست... الجماعة ديل يا رأفت ماتشيلوهم وش القباحة ساكت .. إلا كان قاصد شيتاً تاني.... تسلم يا حبيب.
=====================
دينق... معليش دا شأن سوداني خالص.. بعدين إنت ما مقتنع بالوقعو رئيسك بفك الإرتباط مع قطيع الشمال وللا شنو؟
==================
أبو الريش قول بسم الله .. الهضربة شنو؟
=====================
عبد الرحمن الحلاوي.. انا معك الوطن يسع الجميع لكن شرطاً يكونوا من أهل البلد..حتى الوافدين مافي مشكلة بس يقعدوا مسالمين وفق قوانين البلد
=======================
وضاحة.. شكرا على المرور ولو إني ما فاهم حاجة
=======================
هلا بيك يا عزيز... كيف ما نعبرك ياخ وأولاد الريف مالهم ما نصروا المهدي وكان عندهم عمودية واستعانت بيهم الدولة المهدية في الكثير من الوظائف وأسي أصبحوا من الوطنيين العريقين وعمرهم ما تسببوا في اذية السودانيين .. الكلام الجوا أمبارح وعايزين يطلعوا في رؤوس أولاد البلد.
======================
عماد موسى ... عنصرية دي على حسب وجهة نظرك ما تفرضها على الآخرين .. فما تراه أنت عنصرية انا أراه غير ذلك.
=====================
عبد القادر علي... الإنقاذ قالت أي زول عندو ظلامة يرفع السلاح في وجه الدولة؟ ليشرد أهله ويضيق العيش عليهم... هل الإنقاذ سمحت لكل غريب أن يتسبب في تهديد أمن البلد؟ مالكم كيف تحكمون؟
====================
جمال الباقر ... سيبك من نظرية المؤامرة دي... ورأيك شنو في صلب الموضوع
====================
محمد سيد أحمد... وينو الردم أخوي؟
د. أحمد .. البركة في الضحكة أم شخير دي!!!!
====================
سيف مساعد.. الأول إنت ورينا مع الريس المقال أم مع المجلس الإنتقالي؟
====================
العمدة... طيب وكت ما عنصرية ذاكره ليه؟
==================
الساوي... تقول شنو؟ عالم حاسدة ساكت
====================
اها قصرت مع زول .... كلكم رديت عليكم
صلاح غريبة - اعلامي وكاتب صحفي ومدون
مقيم بالخرطوم ( 2 )
|
Post: #45
Title: Re: حبوبتي تسلم عليكم وتقول ليكم .... السودان خلاص بقى ملطشة
Author: محمد أبوالعزائم أبوالريش
Date: 10-03-2012, 07:26 PM
Parent: #44
| Quote: صلاح غريبة - اعلامي وكاتب صحفي ومدون |
نسيت خبير فيسبوك - رئيس جمعية السياحة - رئيس ناذر الخليفة - الحبوبتو قالت ليهو ..... إلخ.
|
|