Post: #3 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: Ashraf el-Halabi Date: 09-30-2012, 05:46 PM Parent: #2
Quote: تم خلال اللقاء تناول أزمة الصحافة الرياضية وبحث السبل اللازمة للقضاء على ظاهرة الشغب التي استفحلت مؤخراً
"خلال" دي بتدي إيحاء إنو (أزمة الصحافة الرياضية) كانت موضوع هامشي ضمن الأجندة! وسعادتنا يرى إنو ما تم هذا الاستدعاء من قبل جهاز الأمن إلا لأنه يرى أن الصحافة الرياضية هي السبب الرئيسي في إثارة الشغب
Post: #4 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: Ashraf el-Halabi Date: 09-30-2012, 06:03 PM Parent: #3
Quote: لبينا الدعوة التي قدمها لنا الإخوة في جهاز الأمن والمخابرات الوطني
ماشي "دعوة"، لكن: من لم يلتزم بتوجيهات جهاز الأمن التي يرسلها خلسة، بين كل كوب شاي وقطعة جاتوه، خلال هذا النوع من الدعوات قطعاً سيصله (استدعاء) لا لبس فيه
Post: #5 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: محمد البشرى الخضر Date: 09-30-2012, 07:08 PM Parent: #4
توجيهات شنو يا قريبك قال ليك آلية تضم فيمن تضم جهاز الأمن هيم سيلف ومش كدا وبس سعادة الفريق قال ح يتابعها بنفسه بالرغم من ادراكي لمدى الضرر الذي يسببه ترك الحبل على الغارب بالنسبة للصحافة الرياضية و مشجعي الأعمدة لكن كراهية في جهاز النحس دا أخير لي الصحافة الرياضية بي سجمها و رمادها ولا يجو الفقر ديل يستلموها
Post: #6 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: Ashraf el-Halabi Date: 09-30-2012, 08:23 PM Parent: #5
Quote: بالرغم من ادراكي لمدى الضرر الذي يسببه ترك الحبل على الغارب بالنسبة للصحافة الرياضية و مشجعي الأعمدة لكن كراهية في جهاز النحس دا أخير لي الصحافة الرياضية بي سجمها و رمادها ولا يجو الفقر ديل يستلموها
معاك يا ود البشرى طبعا لم نورد الموضوع فرحة بتدخل الجهاز (يا هذا )، إنما أوردناه لنثبت رأينا القديم (هلال مريخ تدار من القصر الجمهوري) الدولة بثقلها كله خاشة في موضوع هلال مريخ دا ومعولة عليه كتير في حكاية لهي الناس عنها وتدخلها في مشكلة هيثم (رغم نتائجه الكارثية مستقبلا) خير دليل المحير ناس كبار وشغلتهم الكورة يجيو يقولوا ليك (الكاش عندنا)! كاش مين يا بو كاش إنتا!! دي قروشنا القلعتها مننا حكومة السجم دي وأدتها لـ"ولدنا" في القلعة الحمراء فديوك العدة الرياضية يفهموا كويس إنو مسموح ليهم بالفنجطة وكسير العدة، بس يبعدوا من حاجة تجيب مظاهرات
آخر خبر: هلال مريخ خط (أحمر)
Post: #7 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: ابو عثمان Date: 09-30-2012, 08:41 PM Parent: #6
هذا لا يحدث الا في السودان !!!
عجبي !!
Post: #8 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: Ashraf el-Halabi Date: 09-30-2012, 08:56 PM Parent: #7
سلامات أبو (أبو) عفان
Quote: هذا لا يحدث الا في السودان !!!
كمان النزيدك من الشعر بيت: ناسنا ديل ممكن يتلاعبوا في نتيجة هلال مريخ أو نتائج للهلال أو للمريخ لو كانت حتخرب ليهم نظام القطبين المستفيدين منو دا
Post: #9 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: Ashraf el-Halabi Date: 09-30-2012, 11:55 PM Parent: #8
Post: #10 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: محمد مصطفي مجذوب Date: 10-01-2012, 04:03 AM Parent: #9
خلاص يللا كل واحد يطمئن .. جهاز امننا الوطني غير استراتيجية ارهاب الناس وخطف اولاد الناس وبنات الناس واستضافة خلق الله في البيوت الاسمها ايه .. وعمل الاسمو ايه ....اصبح الامر من الان فصاعدا اجتماع في اجتماع
ومن سعادته محمد مصطفي مجذوب يهدي لادارتي هلال ----مريخ وصحفيي الرياضة ويهديها بشكل خاص لكل اللذين يلعبون في الزمان الضائع من رجال النيابات العامة والخاصة ورجال القضاء الاشاوس وبتاعين حرية الفكر والراي
Post: #11 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: walid shingrai Date: 10-01-2012, 08:06 AM Parent: #3
Quote: خلال" دي بتدي إيحاء إنو (أزمة الصحافة الرياضية) كانت موضوع هامشي ضمن الأجندة!
الموضوع الرئيسي كان مناقشه
اداء فريقهم ضد المريخ والهلال وعدم اهتمام الصحافه الرياضيه بفريق الخرطوم
وفي خلال اللقاء تمت مناقشة المواضيع الاخري
Post: #12 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: وليد عبد اللطيف Date: 10-01-2012, 09:56 AM Parent: #11
اشرف جهاز امن شنو يجتمع مع الناس وزارة الداخلية مفروض تفرض سلطتها وتوفر السلامة للمواطن يعني قصة كل مره الناس ترمي بالحجارة في كل كورة دي اسمها فوضه نحنا ما نعلق الشماعه في الاعلام كل مره لان اصلا موضوع الاعلام دا منتهي جدا وزي ما شايف لكن مفروض تكون في عقوبات حتى من الاتحاد العام للاندية لان ممكن تحصل كارثه بسبب هذه الظاهره يعني قصة الاجتماع بمسؤولين من هلال مريخ دي شغله ميته هسه امس بشاهد لي في كورة لافيها هلال ولا مريخ برضو شايف الناس بترمي اللاعبين بالحجارة لازم تكون في قرارات حاسمه لهذه الفوضى ....
Post: #13 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: عمر محمد ابراهيم Date: 10-01-2012, 10:22 AM Parent: #12
Post: #14 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: Ashraf el-Halabi Date: 10-01-2012, 02:35 PM Parent: #13
مولانا ود مجدوب الجهاز دا ياهو بن 10 ذاتو داخل في أي حاجة!.. ياخي الجهاز عنده شركات استثمارية!!
الشاعر سأل: "كيف يكون الإنسان شريفا وجهاز الأمن يمد يديه بكل مكان!؟"
Post: #15 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: Ashraf el-Halabi Date: 10-01-2012, 02:41 PM Parent: #14
شنقراي دبايوا
Quote: الموضوع الرئيسي كان مناقشه اداء فريقهم ضد المريخ والهلال وعدم اهتمام الصحافه الرياضيه بفريق الخرطوم
الناس ديل عندهم قنزب ربك، وقادرين يعملوا تيم أقوى من هلال مريخ ويجيبوا محترفين "على أعلى مستوى" موش زي المواسير (وارقو) وإيفوسا، لكن ما حيعملوا كدا عشان ما يسحبوا البساط من تحت هلال مريخ أصحاب القاعدة الكبيرة المغيبة احتمال يفكروا في كدا لقدام
Post: #16 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: Ashraf el-Halabi Date: 10-01-2012, 02:55 PM Parent: #15
وللي سلامات
Quote: اشرف جهاز امن شنو يجتمع مع الناس وزارة الداخلية مفروض تفرض سلطتها وتوفر السلامة للمواطن
ببساطة الإنقاذ تستغل الرياضة لأغراض سياسية تخصها لأنو زي ما قلت محاربة الشغب من اختصاص الشرطة وليس أمن الدولة عشان نكون موضوعيين يا وليد: ظاهرة العنف الاستشرت مؤخرا سببها أطراف عديدة لكن إعلام ديوك العدة هو المتسبب الأكبر فيها ضعف الاتحاد دا بمباركة الدولة ذاتها، عشان يكون أداتها لحظف توازن هلال مريخ لما كان في رئاسة الاتحاد زول قوي زي شداد الدولة ذاتها حاربته لدرجة حظروا سفره خارج السودان!!
Post: #17 Title: Re: جهاز الأمن يجتمع بمسؤولين في إدارتي (هلال مريخ) وصحفيين رياضيين Author: Ashraf el-Halabi Date: 10-03-2012, 00:36 AM Parent: #16
قالت تسريبات أن الاجتماع ركز كتثرا على حكاية "لا نضمن ردة فعل جمهورنا" ما تديني يدك لو ظهرت تاني في عمود شيبوب
)، إنما أوردناه لنثبت رأينا القديم (هلال مريخ تدار من القصر الجمهوري)