Post: #3 Title: Re: هطول امطار غزيرة فى الخرطوم. 290912 15:30 Author: معتصم محمد صالح Date: 09-30-2012, 02:53 PM Parent: #2
تحياتي امبدة ..
فعلا غريبة والله وبلدنا ذاتا تحيرك كل الامور فيها عشوائية حتى الجو .. قبل ايام بدأ فصل الشتاء بهبوب نسمات باردة في ساعات الصباح الاولى بعدها بدأت درجات الحرارة في الارتفاع ومنذ الامس شاهدنا السحب الخريفية واليوم هطلت الامطار ..
فيديو اخر ويظهر فيه درويش بجلباب اخضر لم يوافقنى فى كلام قلته بان تلك الامطار ستسبب مزيد من توالد الذباب والباعوض ووو وانها خير فى الارياف ونقمة فى المدينة. مساعدة اخرى لاظهار الفيديو فى البوست.
عمار و معتصم
لكم جزيل الشكر على المشاركة.
Post: #5 Title: Re: هطول امطار غزيرة فى الخرطوم. 290912 15:30 Author: ناذر محمد الخليفة Date: 09-30-2012, 03:35 PM Parent: #4
نحن في الخرطوم 3 يا دكتور ما عندنا مطرة ولا شامين ريحتا زاتو ..!!
هلا ناذر. يبدو ان تلك الامطار هطلت فى بعض أطراف العاصمة ههههه. كما اهدى " ياربى متين اشوف الخرطوم" لركاب الحافلة الذين شاركونى الرحلة الى امبدة. بالمناسبة ونستهم كانت تلقائية بسبطة تنفع عمل درامى.
Post: #7 Title: Re: هطول امطار غزيرة فى الخرطوم. 290912 15:30 Author: محمد إبراهيم علي Date: 09-30-2012, 04:46 PM Parent: #6
Quote: نحن في الخرطوم 3 يا دكتور ما عندنا مطرة ولا شامين ريحتا زاتو ..!
انتو ناذر ده بقى جدادة الكترونية ولا شنو ههههههههههههه
بختكم المطر خير وبركة ان شاء الله يكون صب في الجزيرة قالو العيش شرايتو اتحت من العطش
Post: #9 Title: Re: هطول امطار غزيرة فى الخرطوم. 290912 15:30 Author: ombadda Date: 10-02-2012, 07:30 AM Parent: #8
ما عدمناك اخى عمار. ولك الشكر محمد ابراهيم على المرور
Post: #10 Title: Re: هطول امطار غزيرة فى الخرطوم. 290912 15:30 Author: GAAFER ALI Date: 10-02-2012, 02:44 PM Parent: #9
دي باين عليها فقاعة شمس بس انتو يا ناس الخرطوم عايزين ليكم درس في انواع المطر مطر والشمس فاقعة وناس نمرة 3 ولا شامين رحيتها دي حباته تكون كبيرة وسرعان ما تختفي دي فقاعة شمس
جعفر على شكرا على المشاركة والمعلومة. فعلا نزلت فجأة وحباتها كبيرة وما هى الا دقائق وتوقفت وكأن شئ لم يكن. ثقافة التعامل مع الامطار وفصل الخريف فى السودان دى غير موجودة الناس ماشة بالبركة.