وأنا ..... مازلت أطير ....!

اليوم وبمحض الصدفة وجدت علاجاً ناجعاً للبواسير ، ولمن لا يعرف البواسير فهو مرض نادر يصيب خلايا المخ ينتج عنه حاجات أجاركم الله ـ كانت الخرطوم بعرباتها وركشاتها ومكرفوناتها تخطب المورينغا المورينا الموووورينغا تهتف الخرطوم وتهتف ، وكل من لا عمل له أضحي بقدرة هذا المورينغا رجل أعمال بين ليلة وضحاها والخرطوم تهتف :
المورينغا للحوامل
المورينغا للتجميل
المورينقا للبواسير
المورينغا للرطوبة
المورينغا للناسور
المورنغا للـ (ساطور)
المورنقغا لبايرنميونخ
المونغا للملاريا
المورنغا
المورن
المو
ال
والخرطوم تهتف يازول ولا شغالة بي زول الشغلة ، الخرطوم تهتف ولكأن لا طب هنا ولا يحزنون ... خمسمية سبعة وتلاتين مرض بشيلهم المورنغا .... ستمية التهاب كذلك ... واربعتاشر سعال ديكي
ونفر نفرين من الناس الثقيلين كذلك تسقيهم من المورنغا ويبقوا ناس تمام التمام يا يغوروا في ستين داهية .
تحولات كبيرة حدثت في ها الخراتيم كبيرة وكتيرة ولا تحصي يازول ـ مثلاً:
قرأت قبل أسبوع أن مدير سودانير والعاملون بسودانير بكوا وبشدة وهللو وكبروا بمجرد خروج الطائرة (القصواء) للأجواء مرةً أخري http://www.sudanelite.com/news.php?action=show&id=19856
والمورنغا يا ناس ؟
كانت الخرطوم تعالج جروحها بونسات الاحباب والقطايع في عمايل ها الناس ، كانت الخرطوم تعاين وتمشي ولا تشتغل بالحاصل الشغلة ـ حتي ظن الناس بها الظنون ، الخرطوم التي لايعرف سرها الا الله ومن مشي في دروبها الوعرة ، دروبها التي لا يسير فيها الا من أتي البلاد بقلب سليم وشتان يازول .
حتي مساخة لاعبي الهلال أمام الأمل الأتبراوي هضمتها الخراتيم وبينك وبينك كده لاشئ يستحق الإحتفاء ـ قل ياصديقي إنو الهلال ده فاز بي كاس العالم زاتو ؟ يعني شنو الممكن يتغير في العالم غير ان ننطرب ونزغرد ونرفع اعلام الهلال ـ قول ياخ انتصر بي كاس اوربا علي استحالات هذه الأخيرة فمثلاً ماذا سيحدث للعالم بعد هذا ؟ لاشئ سيحدث فقط المورينغا ام اربعة واربعين دي ممكن تعمل عمايل ؟
ناهيك يا أخي ويا أختي الهلالابية عن تعادل الأمس القريب مع أمل أتبرا ، بالله موش حاجة ترفع الكلسترول ؟
والمورينغا ...... يا للمورينغا ياخ
عذبتني ياخ
أنا اساساً كنت جاي اشتري سلطة وتمباك بي سبعمية
هاك اديني مورينقا بي سبعة وسبعمية


المورنغا للسف
المورنغا يساعدك علي ترك التمباك
المورينغا يساعد علي النحافة
المورنغا











و


وسبحانك كل الأشياء
رضيت سوي الذل
وأن يوضع قلبي
في قفص
ورضيت
بكون نصيبي
في الدنيا
كنصيب الطير
لكن سبحانك
حتي
الطير لديها
أوطان
تعود إليها
وأنا ما زلت
أطير

ـــــ
مظفر النواب

فمالي أنا والمورنغا ....باحث أنا عن حياة أفضل ـ مستشفي وشفخانة ومدرسة وسطي ـ لا أكثر ـ عبر عني العم محجوب شريف ألف مرة ـ عبر عني حميد خمسون بل مليون مرة .

ــــــــــــــ
وطارت القصواء رغم كيد الكائدين وبفضل المورينغا موش قلت ليكم

يمشي الدهب بتاع الساعة كم يا سكينة ؟
كويت شنو ؟ وامريكيات شنو




والله وما طالباني حليفة
خلي ولدك ده يجرب المورينغااااااااااااااااااااااااااااا


ــــــــــــــ
هكذا نصحت (حليمة) جارتها سكينة

والله علي بالحلال المورينغا دي كان جبدت منها نفسين تقول وا غربتي ؟
إنت جادي يا دقلش ؟
جادي عربي ؟


إنت كدي جرب بس

ـــــــــــــــ
هكذا أسر المسطول لأخيه المسطول

تقوم تشتري ربطة مورنغا
تبلها وتديها حبة اسبرين





تخليها يومين
اي والله يومين بس وتجي عليها
وحياتك تاني سكرتك الا تفكها بي كبدة ابل


ـــــــــــ
وهكذا اسر السكرجي لاخيه السكرجي

وكلما
أخي المواطن
أختي المواطنة
كلما تقلت علينا الهجايم جاءونا بالبدايل ... مرة مورنغا مرة ولد مولانا داك بتاع روضة الحنان مرة شنو .... ونحنا نتعالج ونحاجج بعضنا البعض ـ نتعالج شنو نحنا بنوصف للآخرين محل يلقوا المورنغا السمحة
والأمر كله ـ كله شنو ؟ كلو علي بعض لعب علي الدقون واستهتار واستخفاف وغياب تام (للمرشد العام) .


ــــــــــــ
زمان يعني ما زمان خالص الشهيد عبد الخالق وقبل أن يعتلي مشنقته وعندما سأله النميري أو أياً كان عن ماذا : قدم للشعب :
أجاب : الوعي ما استطعت

هؤلاء الناس عن بكرة ابيهم جونا من حتة الوعي وهكذا تحولت قضايا شعبنا كله وبقدر قادر من التفكير الي التسليم ومن ثم للتصديق بكل ما يأتون من فعل وقول والله المستعان
ورهاني عليك سعيد ...!

يا اسمي: أَين نحن الآن ؟
قل : ما الآن ، ما الغَدُ ؟
ما الزمانُ وما المكانُ
وما القديمُ وما الجديدُ ؟
سنكون يوماً ما نريد

ــــــــ
درويش

Here are the benefits of continuous intake of Moringa Tea:

1. Increases the Natural Defenses of the body

2. Provides nourishment to the eyes and the brain.

3. Promotes ####bolism with bio-available ingredients

4. Promotes the Cell structure of the body

5. Promotes natural Serum cholesterol.

6. Lowers the appearance of wrinkles and fine lines.

7. Promotes the normal functioning of the liver and the kidney.

8. Beautifies the skin

9. Promotes energy

10. Promotes proper digestion

11. Acts as an antioxidant

12. Takes care of the immune system of the body

13. Promotes healthy circulatory system

14. It is an anti-inflammatory

15. Gives a feeling of general wellness

16. Supports the normal sugar levels of the body. Gives a feeling of general wellness

شفتا يا خدر البي الأحمر دي ياها ذاتا حقت المسطول والسكرجي والكوز وكل ميسر لما خلق له يا صديق ...اشمعنى المورنغا...فقد استبدلنا قصايد حميد ومحجوب شريف ووعي عبد الخالق واناشيد أكتوبر وحتى حكمة الوداعية بهذا الفرح المعبا في ظروف...فطوبي للمورنغا

يا عفراء ازيك ياخ

دي كلها فوائد يا عفراء ؟ ـ قادر ياكريم
طيب قلتي لي إشمعنا المورنغا
لأنهم قاعدين يكوركو لينا في راسنا ده يا عفراء ياخ
محل (قبلت ألقاهم ... معاي معاي زي ضلي)
فترونا وكرهونا الدروب يا صديقتي



غايتو العافية ما بناباها لكن جنس الكواريك دي بتنقص العمر

مودتي

سلامٌ ومحبة


ولا علاج لأوجاعِ/أورام الوطن
التي تكبُر في جنبيه
...!!!



تحياتي واحترامي

هون عليك يا جميل ....


كان الله في عون اهلي ....


مجرد سؤال لا اكثر :
هل تصدر هذه المورينغا .....

يا خدروف واحد في موقف المواصلات يومي بكورك للمورينغا و اخواتها بــ
جري جري
خليك عبقري
و تعال إشتري

يا نعمات ازيك

أنا هين يا بت حمود أنا شايل هم الناس البكوركو ديل

بالنسبة للسؤال بتاع التصدير
فغالباً لا يجوز

المورنغا يا بله
أمراض الوطن برضوا علاجها في المورنغا يا صديقي



الناس دي مالا يا بلة ياخ ؟
الحاصل لينا ده شنو ياخينا ؟

يا خضر يا عزيز ...

كان الله سهل لينا يوم كراعنا تطا الواطة الفي بلدنا ....من اسي غدانا عليك ..مورنغا زاتا ما غيره كان ما كملوها علينا ....



في العيد بدل الخروف


هل تجوز ؟



محبتي

سـلامة يا خضر ياخ إنكـ ما زلت تـ (طير)!!
لأنو لو الموضوع دا جلاّ منكـ لا مورنغا لا عباس بن فرناس ممكن يرجعوهو!!

()