Post: #1
Title: تحكيم فاااااااشل + مدرب مجنون = شليل وينو
Author: وليد عبد اللطيف
Date: 09-29-2012, 09:15 AM
امس تذكرت نحنا زمان نرمى العظم في الليل ونجري خلفه ( شليل وينو)
امس الهلال وينو ياجماعه
الله يسالني ياهلالاب مدربكم عايز يمشي منكم ولاعب ضد نفسه موش ضد الهلال فقط
في زول بغير ثلاثه لاعبين دفعة واحده هسه لو الحارس وقع غمران يقبل وين يعني
وشنو كمان انا غاياتو قلت الزول دا عايز ينتهي من هيثم مصطفى ومن نفسه زي الزول اللابس الغام ( انتحاري )
يعني معقول لاعب بمواصفات هيثم مصطفى لايعتمد على القوه يدخل معه لاعبين ليس من موافصاتهم اللعب القوي
طيب البقلع الكوره لهيثم منو ..
حاجه واحده امس كيفتني واضحكتني في غازيتو قال لمهند الطاهر العب بالعربي واشر لكعب رجله
يعني الخواجه دا بدل ما يرفعنا نزلنا به الى القاع ههههههههههه
..
1= التحكيم لم يحمي الاعبين وغالبا ما يكون هو سبب شغب الملاعب
2= التحيكم يصرف ضربة جزاء للهلال
3= التحكيم لم يطرد اكانقا لاعب الهلال بالبطاقة الحمار لتعمده الضرب
4= وكذلك لم يطرد احد لاعبي الامل
5= التحكيم يحتسب لمسة يد على انفراد لاعب الامل بالمرمي وكان ظاهره جدا
بالجنبه ...
هدف زهير زكريا الضائع في الدقيقة 83 لو دخل كان ممكن يودي كم واحد المستشفى دا لو ما وداهم المقابر
لاعب مثل كاريكا لايتم حصره او تقيده في مكان معين ياجماعه من الافضل ان يكون اقرب الى الصندوق
لان بُعده من المرمى يكثر من التمريرات الخطأ وحتى الحركه
امس جاني احساس في حقد داخل الملعب مع ابراهيما سانيه المحترف ومرات بجيني احساس انه محترف فاشل
|
Post: #2
Title: Re: تحكيم فاااااااشل + مدرب مجنون = شليل وينو
Author: وليد عبد اللطيف
Date: 09-29-2012, 11:41 AM
Parent: #1
جمعه جينارو كل مره بيثبت انه هو الخيار الافضل الان حتى ولو رجع المعز ثانيه
.
.
محمد احمد دا شكله ممتاز يعني كم سنه كدا برضو سوف يجد مكانه بكل ارتياح
وممكن يكون البديل للكابتن هيثم مصطفى كمان لابد من تعتيقة با شراكه كثيرا في المباريات
حتى ولو ودية ...
|
Post: #3
Title: Re: تحكيم فاااااااشل + مدرب مجنون = شليل وينو
Author: tmbis
Date: 09-29-2012, 11:46 AM
Parent: #2
Quote: محمد احمد دا شكله ممتاز يعني كم سنه كدا برضو سوف يجد مكانه بكل ارتياح
وممكن يكون البديل للكابتن هيثم مصطفى كمان لابد من تعتيقة با شراكه كثيرا في المباريات
حتى ولو ودية ... |
يا وليد ..
المقارنة بين الولد دا وهيثم مسطفى هي المشكلة ..
محمد أحمد دا ممتاز جدا وليهو بصمتو الخاصة ، ياريت يلقى ليهو مدرب ناجح غير غارزيتو العايز يضرب بيهو هيثم في معادلة فاشلة جدا .. وممكن ينتهي من الولد دا براحـة ..
امثال محمد أحمد هم عماد المستقبل في الهلال .. الولد حركتو جميلة في الميدان ..
استلامو للكورة مريح .. رشيق .. خفيف .. لياقتو عالية جدا وتركيز اعلى .. بالرغم من ذلك انا اعتقد انو لسة ما نضج كلاعب في الهلال ..
ولي قدام ح يكون ليهو شان هلالي كبير ..
|
Post: #4
Title: Re: تحكيم فاااااااشل + مدرب مجنون = شليل وينو
Author: وليد عبد اللطيف
Date: 09-29-2012, 12:11 PM
Parent: #3
Quote: يا وليد ..
المقارنة بين الولد دا وهيثم مسطفى هي المشكلة ..
محمد أحمد دا ممتاز جدا وليهو بصمتو الخاصة ، ياريت يلقى ليهو مدرب ناجح غير غارزيتو العايز يضرب بيهو هيثم في معادلة فاشلة جدا .. وممكن ينتهي من الولد دا براحـة ..
امثال محمد أحمد هم عماد المستقبل في الهلال .. الولد حركتو جميلة في الميدان ..
استلامو للكورة مريح .. رشيق .. خفيف .. لياقتو عالية جدا وتركيز اعلى .. بالرغم من ذلك انا اعتقد انو لسة ما نضج كلاعب في الهلال ..
ولي قدام ح يكون ليهو شان هلالي كبير .. |
تمبس ياخي انا ماقلت ليك من زمان انت عينك نجيضة بتعرف الشغل تمام التمام
الولد دا المشكله الناس عايزه تختو في مقارنه مع هيثم واكيد سوف ينتهي ولم يتقدم عارف ليه
لان دي توجيهات المدرب وبعض الناس التي لاتريد او لاتحب هيثم
زماااااااااااااااان ياتمبس ناس العلال جابو ادورد احرف من ادورد في
جابو هيثم السعودي ودا رب الكوره السودانية المشكله جابوهم عشان هيثم مصطفى لذلك لم يقدموا الكثير للهلال
واخرهم النعيم ودا طبعا كان ممكن يجد مكانه في الهلال مشكلته الناس دائما تضعه في مقارنه مع هيثم مصطفى لذلك لم يجد طريقة ان جعل لنفسة بصمه خاصة
هسه يا تمبس عايز اقول كلامي دا عشان لو ملاحظ كل ابناء لاعبي كرة القدم لم يكونا افضل من ابواتهم عشاااااان جنس المقارنه من الناس
.
.
اسماعيل عطا المنان ومعه شاب في التحليل قالوا خليفة كان ممتاز وتحرك في الملعب كله تخيل خليفة دا لو ثبت في مكانه زي ما بعمل عمر بخيت تاني عمر غلا يفتش على خانه تانية
لكن مشكلته زي الرقشه جرى الميدان كله ومن غير اي فائده حتى وجد انفراد قبل ما الناس تشترك معه كان حشرها في الحارس وريح الهلالاب لكنه
شكله فكر في ان يسلم على الحارس بالاحضان وبرضو كان الحكم يعطية ضربة جزاء وصرفها الحكم يعني مافي يدخل نفسة والناس في مثل هذا الامتحان
غايتو خليفة دا بذكرني ليك الرقشه في الملعب فررررر.. فر .. فررررررر ..... فر
|
Post: #5
Title: Re: تحكيم فاااااااشل + مدرب مجنون = شليل وينو
Author: صبري طه
Date: 09-29-2012, 03:43 PM
Parent: #4
| Quote: في زول بغير ثلاثه لاعبين دفعة واحده هسه لو الحارس وقع غمران يقبل وين يعني |
| Quote: يجري الجهاز الفني للهلال ثلاثة تبديلات بخروج كل من علاء الدين يوسف واكانقا والطاهر ودخول هيثم مصطفي ومحمد احمد وبكري المدينة |
في حاجة غريبة يا وليد وهي شارة الكابتنية كان يلبسها على ما أعتقد اللاعب فداسي وقد لاحظت لذلك في شوط المُباراة الثاني .. حتى بعد دخول هيثم مصطفى استمرّت شارة الكابتنية مع فداسي ...
فهل هذه مقصودة أم دقسة ؟!
|
Post: #6
Title: Re: تحكيم فاااااااشل + مدرب مجنون = شليل وينو
Author: محمد البشرى الخضر
Date: 09-29-2012, 03:52 PM
Parent: #5
الكابتنية يا صبري كانت مع صالح الأمين نوع من التكريم ليه قدام فريقه السابق
ولأنها تكريم ما تم اعطاؤها للبرنس لما دخل الشوط التاني
لفتة بارعة من التيم
سلامات وليد
|
Post: #7
Title: Re: تحكيم فاااااااشل + مدرب مجنون = شليل وينو
Author: صبري طه
Date: 09-29-2012, 03:55 PM
Parent: #6
Quote: الكابتنية يا صبري كانت مع صالح الأمين نوع من التكريم ليه قدام فريقه السابق
ولأنها تكريم ما تم اعطاؤها للبرنس لما دخل الشوط التاني
لفتة بارعة من التيم |
تُشكر يا ود البُشرى على التوضيح ...
|
Post: #8
Title: Re: تحكيم فاااااااشل + مدرب مجنون = شليل وينو
Author: مرتضى احمد عبد القادر
Date: 09-29-2012, 04:07 PM
Parent: #7
محمد أحمد في احسن الاحوال حيصبح مهند طاهر جديد
|
Post: #9
Title: Re: تحكيم فاااااااشل + مدرب مجنون = شليل وينو
Author: مرتضى احمد عبد القادر
Date: 09-29-2012, 04:20 PM
Parent: #8
وإيكانقا وخليفة نشاط فوضوي لا طائل منه الفرق في الشلاليت إيكانقا بشلت بدون كورة وخليفة بشلت بكورة
اما بكري المدينة والطاهر حماد دا يلتخو بيهو دا .. الفرق الطاهر حماد بثبته للخصم والمدينة لا يقدر حتى على تثبيتها
|
Post: #10
Title: Re: تحكيم فاااااااشل + مدرب مجنون = شليل وينو
Author: مرتضى احمد عبد القادر
Date: 09-29-2012, 04:26 PM
Parent: #9
صالح اللمين دا من كورة المريخ حقت بشه تاني ما شفتو الا كورة الأمل دي غايتو في المرتين الشفتو بالنسبة لي فداسي و بويا مالديني عديل
|
Post: #11
Title: Re: تحكيم فاااااااشل + مدرب مجنون = شليل وينو
Author: مرتضى احمد عبد القادر
Date: 09-29-2012, 04:35 PM
Parent: #10
غايتو مازدا كان كورة اثيوبيا ساق المدينة وخلى رمضان عجب وعنكبة يكون اخير منو القار
القار واحد من رواد دار الرياضه وصاحب افشل تجربة تدريب في نواحي امبدات
|
Post: #12
Title: Re: تحكيم فاااااااشل + مدرب مجنون = شليل وينو
Author: Ashraf el-Halabi
Date: 09-29-2012, 04:55 PM
Parent: #11
| Quote: القار واحد من رواد دار الرياضه وصاحب افشل تجربة تدريب في نواحي امبدات |
إنتهيت من MAZDA يا مورتا!
الشاف المدينة الموسم الجاي في مدينة النمور ما كضب
سلامات وليد وضيوفك
|
Post: #13
Title: Re: تحكيم فاااااااشل + مدرب مجنون = شليل وينو
Author: كمال مبارك
Date: 09-29-2012, 05:14 PM
Parent: #12
يا صبرى تصحيح بس
لو حضرت الكورة مجرد دخول البرنس ارض الملعب حضر له صالح الامين ليسلمه
شاره الكابتن ،،، البرنس رفض ولبسها ليهو فى محلها وكانت لفته بارعه منه
|
Post: #14
Title: Re: تحكيم فاااااااشل + مدرب مجنون = شليل وينو
Author: محمد عبدالرحمن
Date: 09-29-2012, 05:26 PM
Parent: #13
أفترح الهلالى الغيور عبدالله فى نواحى الدوحة ان يكلف
خليل بتجميع (شير) لشراء حواشه لبكرى المدينة ليرجع
لسيتقر فى مسقط راسه ...
التعليق :
من ناحيتنا (كاهل عوض ) بنقول ان بكرى لايصلح كمزارع
الطريقة الاشتغل بيها امبارح دى لو اشتغل بيها فى
الحواشة يمين (الحبة مايجيبا) ..ويطلع مطالب كمان ..
بكرى لما انتهت المباراة ماطلع ليهو كورة صاح ..
واعتقد انو (الركنة) الطويلة اثرت فى اللاعب ..فبدايته
كانت قوية وتبشر بلاعب كبير ...وانا شخصيا شايفو
لسه عندو الكتير ..بس يحلو الله من الكنب دا ...
|
Post: #15
Title: Re: تحكيم فاااااااشل + مدرب مجنون = شليل وينو
Author: مرتضى احمد عبد القادر
Date: 09-29-2012, 07:19 PM
Parent: #14
Quote: إنتهيت من MAZDA يا مورتا!
الشاف المدينة الموسم الجاي في مدينة النمور ما كضب |
مازذا براهو حينتهي من روحو لو استمر في إختيار عينة بكري المدينة للمنتخب واصل يلعب لاعبين في خانات غير الخانات البيلعبو فيها مع أنديتهم
|
Post: #16
Title: Re: تحكيم فاااااااشل + مدرب مجنون = شليل وينو
Author: صبري طه
Date: 09-29-2012, 07:51 PM
Parent: #13
Quote: يا صبرى تصحيح بس
لو حضرت الكورة مجرد دخول البرنس ارض الملعب حضر له صالح الامين ليسلمه
شاره الكابتن ،،، البرنس رفض ولبسها ليهو فى محلها وكانت لفته بارعه منه |
تسلم يا كمال ...
لم أشاهد هذه اللقطة .. لأنني لم أُشاهد الشوط الثاني مّنذ بدايته ...
|
Post: #17
Title: Re: تحكيم فاااااااشل + مدرب مجنون = شليل وينو
Author: وليد عبد اللطيف
Date: 09-30-2012, 05:38 AM
Parent: #16
Quote: الكابتنية يا صبري كانت مع صالح الأمين نوع من التكريم ليه قدام فريقه السابق
ولأنها تكريم ما تم اعطاؤها للبرنس لما دخل الشوط التاني
لفتة بارعة من التيم
سلامات وليد |
حركات مكاتب على قول واحد في حلتنا
ود البشرى طبعا انا زعلت جدا لان في لحظة حسيت دي فيها عدم احترام للكابتن هيثم مصطفى وهضم حقة الادبي
عارف لان ناس الهلال ما ماعودونا صراحه وكنت عايز ارسل ليهو رساله بهذا الخصوص لكن كويس انك نبهتني هنا
عارف في مره شاكلت ليك مصطفى كومى في الحله لان وقتها كان هو الكابتن وعند دخوله لم يسلمه انس النور شارة الكابتنيه
في نفس الوقت دخل اللاعب المصري وسلمه زميله شارة الكابتنية المباراه كانت في السودان
مصطفى كومى طبعا ولدنا الصغير وقال ياوليد ياخي انا ما شغال بالحاجات دي لان فعلا زول مؤدب ومحترم جدا جدا
وهنا فعلا هيثم مصطفى بهذا التصرف اثبت انه كبير وكل يوم بدي الناس دي دروس في الاخلاق
|
Post: #18
Title: Re: تحكيم فاااااااشل + مدرب مجنون = شليل وينو
Author: وليد عبد اللطيف
Date: 09-30-2012, 05:42 AM
Parent: #17
صبري طه .... ياحبيب
Quote: في حاجة غريبة يا وليد وهي شارة الكابتنية كان يلبسها على ما أعتقد اللاعب فداسي وقد لاحظت لذلك في شوط المُباراة الثاني .. حتى بعد دخول هيثم مصطفى استمرّت شارة الكابتنية مع فداسي ...
فهل هذه مقصودة أم دقسة ؟! |
والله انا زعلت عديل وكنت عايز افتح بوست لكن شايف هنا ود البشرى نبهنا ليها
انت وانا كنا بنحضر في كورة تانية ولا شنو هههههههههههههه
الهلال له سوابق كثيره في مثل هذه الامور
واذكر كانت من ضمن الاسباب التي ترك الرشيد المهديه الهلال بسببها عندما كان طارق احمد ادم هو الكابتن
|
Post: #19
Title: Re: تحكيم فاااااااشل + مدرب مجنون = شليل وينو
Author: وليد عبد اللطيف
Date: 09-30-2012, 05:49 AM
Parent: #18
مرتضونا ...كيفك مالك مطول الغيبه ولا نحنا الغائبين عن هنا
| Quote: محمد أحمد في احسن الاحوال حيصبح مهند طاهر جديد |
ياريت يبقى افضل منه
محمد احمد لازم يغير من طريقة لعبه شويه
عارف سعيد السعودي بتاع المريخ البتلاقيهو هسه واقع شلاليت في الناس دا لعبه كان لعبه ناعم وحريف جدا
هسه ناس المريخ خربو ليه كورتو بالشلاليت
مشكلة نادي الهلال كمان طريقة لعبه دائما لاتعتمد على العنف عشان نقول ممكن يتعلم الخشونه محمد احمد
.
.
عارف مرات مهند دا بمتعني ليك متعه شديده بطريقة لعبه بالزات لمن يكون عندو مزاج لانه هو الوحيد الممكن يلعب
مع هيثم ويروق الكوره لكن مرات على قول الكوتش جعفر عبد الرازق يرقد ليك برش بس
|
Post: #20
Title: Re: تحكيم فاااااااشل + مدرب مجنون = شليل وينو
Author: وليد عبد اللطيف
Date: 09-30-2012, 05:57 AM
Parent: #19
Quote:
وإيكانقا وخليفة نشاط فوضوي لا طائل منه الفرق في الشلاليت إيكانقا بشلت بدون كورة وخليفة بشلت بكورة
اما بكري المدينة والطاهر حماد دا يلتخو بيهو دا .. الفرق الطاهر حماد بثبته للخصم والمدينة لا يقدر حتى على تثبيتها |
تعرف يامرتضى خليفة دا لو عرف حدود امكانياته وعرفها ايضا المدرب ممكن يكون افضل لاعب ارتكاز
مشكلته بهدر طاقته في الفاضي اما ايكانقا دا يرجعوه بلده طوالي
بكري المدينه دا كمان انا في يوم فتحت ليهو بوست عيدل هنا قلت مستقبله ممكن يكون افضل
لكن زي ما شايف لم يطور نفسه وغير ذلك جلوسه احيتايطيا كثير خلاص فقد الثقه حتى في نفسه
رغم انه ولد صغير وقوي وكان ممكن يكون مستقبله افضل من كدا
اما بخصو الطاهر حماد اصلا تسجيله ما كان في داعي له
|
Post: #21
Title: Re: تحكيم فاااااااشل + مدرب مجنون = شليل وينو
Author: haroon diyab
Date: 09-30-2012, 06:14 AM
Parent: #20
| Quote: وهنا فعلا هيثم مصطفى بهذا التصرف اثبت انه كبير وكل يوم بدي الناس دي دروس في الاخلاق |
قالها ثم استلقي علي قفاه واصبح يحرك رجليه ويصدر اصواتا تسمي قهقهة 
|
Post: #22
Title: Re: تحكيم فاااااااشل + مدرب مجنون = شليل وينو
Author: محمد عبدالرحمن
Date: 09-30-2012, 06:20 AM
Parent: #21
بعدين اتضح بما لايدع مجالا للشك ان اصعب فقد للهلال
هو فقد عمر بخيت ..غاب هيثم والمعز وعلاء الدين ولم يتاثر
الهلال بهذا الشكل ...بغياب عمر بخيت تكون الهجمة خطرة
على دفاع الهلال من منتص الملعب ..(عمر كشف اخوانو)
|
Post: #23
Title: Re: تحكيم فاااااااشل + مدرب مجنون = شليل وينو
Author: وليد عبد اللطيف
Date: 09-30-2012, 06:58 AM
Parent: #22
| Quote: قالها ثم استلقي علي قفاه واصبح يحرك رجليه ويصدر اصواتا تسمي قهقهة |
ود دياب ياقريبي احسن تبعد عن اسياد البلد ديل
هسه بجو يرشوك هنا الناس ديل للان متصدرين
|
|