السلام عليكم وهذه تهنئة العيد باللغة النوبية الدنقلاوية والكنزية والمحسية كورى اجن نل Kure Aang Nel Eid Saaid وترجمته بالعربى يعود العيد عليكم بالصحة والعافية او عساكم من عوادو
وكثيرة هى اشكال التعبير عن تهانى العيد لى النوبة وحتى فى الدنقلاوية او المحسية هناك تعبيرات اكثر روعة ونتمنى ان نسمع ونقرا من الاخوة فى جبال النوبة ويخيا لى قبيلة الدلنج والغلفان عندهم تعابير قريبة من هذه !! والاخوة من دارفور او النيل الازرق وشرق السودان , ياريت لو نقدر نعمل مقارنات بين كل اشكال التعبير عن العيد وفرحته
الترجمة للناطقين بغيرها: من العايدين سالمين ... لامين ... من غير انشقاقات ... مش الانشقاقات التي ابتلي بها بشار ... انشقاق بمعنى من غير ما تكونوا فقدتو عزيز
النوبية وكغيرها من اللغات غنية بمفرداتها وبالمسحات البلاغية والتعابير المجازية وبالحكم والامثال والقصص التراثية وهي بحاجة لمن يوثق ويتناول هذه الجوانب من الاختصاصيين ذوي الشأن وفيها لكنات ،الدنقلاوية نفسها بها اكثر من لكنة وتظهر اللكنات بالانتقال من منطقة لأخرى. على سيرة القصص التراثية ، تحضرني (اسطورة دنقلاوية) الان عن (البرون درو) او البومة الطائر المعروف ... برون درو: برو يعني بنت ودرو يعني عجوز يعني البت العجوزة – دي على وزن البت الحديقة - بت وعجوزة ما بيتلموا طبعا .. بيناتم تناقض لكن المقصود من بت هو توضيح انها غير متزوجة وعجوز طبعا لتنيبان مدى التقدم في السن ، ترجمة برون درو هي العانس العجوز .. عانس دي صنفت في المنبر من قبل البعض بأنها وصف (تعسفي) لكن لم اجد لها في هذا المقام بديلا ارجع للاسطورة قال ليك البومة او البرو درو دي في الاصل كانت بت زيها وزي سائر بنات حواء لكن مخها تخين شوية ...بومة ما بتفهم بسرعة ، يوم امها قالت ليها ركبي حبيتن بليلة خلينا نقزقز – قاري حب اوقي ... حبيتين قاري – الام قصدها شوية بليلة ، قومي انتي يابت طبقي توجيهات الام حرفيا وركبي حبيتني بالعدد ... اثناء ما الحلة مشدودة قامت البت مرتين تشوف البليلة استوت ولا لأ ..في كل مرة كانت بتختبر المسالة بحبة بليلة ... امها فتحت الحلة ما لقت اي حاجة ، قالت ليها وبالدنقلاوي: سجم خشمي دا شنو دا ... وين البليلة ... بتها ردت كانوا حبيتن زي ما قلتي لي وانا قضيت عليهم ... امها اتغاظت ودعت على بنتها قائلة: ان بيّون بلمنل ... يعني ان شاء الله تبوري بورة ليها ضل فكان ان استجيبت الدعوة والبت اتسخطت بومة وكدة خلصت الحدوتة وآسف للاطالة
شكرا لك استاذ مهدى صلاح على اشراقاتك النوبية المعبرة بالرغم من انى لم استطع فتح الاغنية الا مشيت لليوتيوب فى مشكلة فى التحميل لكن استمتعت بحكوة البرون درو فلك التحية
أتمنى أن يتم إحياء اللغة النوبية ، هي حية الان وتستخدم في الحياة اليومية على امتداد مناطق النوبة لكن الطموح والامل ان يتم تدريسها ويشوفوا ليها حروف وطبعا في جهود مقدرة في هذا الاتجاه ونامل كذلك ان تاخد نصيب اكبر من كدة من اهتمام الجهات الرسمية ، يعني اقل حاجة في الاذاعات والتلفزيونات المحلية في دنقلا وحلفا يُفسح المجال كاوسع ما يكون لبرامج بالنوبية
في مصر وفي الايام القادمة سيفتتح الرئيس مرسي مشروع مجمع يضم حوالي 1500 وحدة سكنية في وادي كركر باسوان خصصت للنوبيين وهذه المساكن اقيمت في مناطق تعد اقرب لبحيرة ناصر من المناطق التي تم تهجير النوبيين اليها لكن يبدو ان قطاع عريض من النوبيين معترض حيث يرون ان التربة في وادي كركر غير صالحة للزراعة بالاضافة الى انهم ينادون بان تقوم الحكومة باعادة كل المهجرين ، الـ 1500 وحدة تسع فقط 4 قرى والعايزين يرجعو 43 قرية الان وعبر قناة سي بي سي المصرية وعلى هامش الزيارة المرتقبة لمرسي هناك برنامج يناقش الموضوع بوجود ناشطين نوبيين منهم احمد اسحق ناشط نوبي (راجل كبرة) وقد تحدثوا عن مطالبهم والقوا الكثير من الضوء على المظالم التي طالت النوبيين من تهجير وتهميش وتعمد من تعاقبوا على الحكم عدم تعمير المنطقة حتى تصبح المنطقة طاردة ويتشتت النوبيون وتذوب هويتهم
شكرا كثير ليك عزيزى النوبى مهدى تدريس وتعليم النوبية النيلية بما فيها الكنزية واحد من المهام الاساسية لناشطى ومثقفى النوبة وكمان ماتنسى النوبة الاخرون سواءا فى شمال كردفان والحرازة او جبال النوبة والنيل الازرق والابيض ومابينهما ودارفور ,مع التركيز لكل منطقة وخصوصينها والبحث واستحداث وسائل لجعل هناك لغة نوبية قومية لكل هذه المجموعات , والموضوع كبير وله علاقة بالهوية والدولة اخى الكريم ولذا واحد من الوسائل هذا البوست وجعل التهانى كنوذج
شكرا كثير ليك عزيزى النوبى مهدى تدريس وتعليم النوبية النيلية بما فيها الكنزية واحد من المهام الاساسية لناشطى ومثقفى النوبة وكمان ماتنسى النوبة الاخرون سواءا فى شمال كردفان والحرازة او جبال النوبة والنيل الازرق والابيض ومابينهما ودارفور ,مع التركيز لكل منطقة وخصوصينها والبحث واستحداث وسائل لجعل هناك لغة نوبية قومية لكل هذه المجموعات , والموضوع كبير وله علاقة بالهوية والدولة اخى الكريم ولذا واحد من الوسائل هذا البوست وجعل التهانى كنوذج
لقد عانت النوبة المصرية وذاقت الامرين من مايسمى بثورة يوليو وقادتها تهميشا وعسفا وتشريدا واستتباعا واستيعابا وبصفة خاصة ايام حسنى مبارك . ومع قيام الثورة ونجاحها كنا نتوقع مزيدا من الانفتاح نحو التعددية وحرية الاعلام تجاه الثقافات , وبفوز الاخوان المسلمين وبالرغم من انهم فازوا باصوات النوبة الغلابة لكن من غير المتوقع ان يجدوا انصافا ومساواة فى عهد مرسى وذلك بحكم ان مشروع الاخوان المسلمين لا يستوعب النوبة وغير مضمنة فى حساباتهم , والمشزوع الوعى النوبى الكوشى اشمل واكثر رسوخا , وبالرغم من ان السادات نوبى ونجيب نوبى وطنطاوى نوبى ومرسى نوبى ولوحدك تعلم دلالة الاسم (مرسى ) فى اللغة النوبية المؤودة . ونرحب باى عمل او نشاط لرفعة النوبة والنشاط الثقافى النوبى
بالنسبة لمرسي اتمني ما يكون ليهو من دلالة اسمو في النوبية نصيب للمعلومية (مرساج) في الدنقلاوية يعني كضاب نوبيو مصر في عهد محمد حسني مبارك عانوا كثيرا اتمنى مرسى ما يطلع ليهم :محمد مرسي مبارك
حظي الايام دي تمام ، كم مرة صادفت النوبة وسيرتهم التي لا تمل ، صباح اليوم الاستاذ منان نقل لنا خبر سعيد عن إجازة برنامج الدبلوم العالي في اللغة النوبية وقبل كدة بوستيك حق المعايدة دا وقبل شوية وعبر اذاعة البيت السوداني الباحث مرغني ديشاب جال بنا في عوالم النوبة
Quote: النوبة الاخرون سواءا فى شمال كردفان والحرازة او جبال النوبة والنيل الازرق والابيض ومابينهما ودارفور
ديشاب اتى على سيرة المجموعات النوبية بشقيهم النوبة النهريين والنوبة الموجودين في كردفان جبال النوبة ودارفور .... عدّد البرقد ضمن النوبة الموجودين في تلك المناطق
تعيش وتحضر العيد مع أبوك وأمك وأخوانك وإخواتك وكل من يحبك .
يا لها من أيام ، وعشنا وشفنا لي زمنا يأتيك العيد ولا يأتيك أحد ( إلا النوم ) وتجد نفسك وسط أربع جدران ويسألك أطفالك في العيد بالله ده العيد ، حتى ملابسهم الجديدة لا تعني لهم شئ .
تحياتي من حلفا الجديدة .
التعديل لزوم إضافة(ويسألك أطفالك في )
Post: #18 Title: Re: كورى اجن نل , Kure Aang Nel , Eid Saaid Author: عباس محمود Date: 09-02-2012, 05:05 AM Parent: #17
الاخ صابر عابدين
Koren aj nalwe ,Kore a Nafiated
Salemongen,Saleemongen
Paspelmongen, Parespelmongen
مع اجمل الاماني
Post: #19 Title: Re: كورى اجن نل , Kure Aang Nel , Eid Saaid Author: أنور سيد ابراهيم Date: 09-02-2012, 05:13 AM Parent: #5
الاخ صابر
مـسـكـاقـمـى
( Eccon Aang Nel )
كامل الود
Post: #20 Title: Re: كورى اجن نل , Kure Aang Nel , Eid Saaid Author: محمد عبد الماجد الصايم Date: 09-02-2012, 07:18 AM Parent: #19
Eccon Aang Nel
Post: #21 Title: Re: كورى اجن نل , Kure Aang Nel , Eid Saaid Author: أنور سيد ابراهيم Date: 09-02-2012, 07:43 AM Parent: #20
يا ود الصايم
سلام ليك
ووووين طولت الغيبة
يعنى الاّ الوحد يلاقيك صدفة ؟؟ * معليش يااخونا صابر لاننا طوّلنا من الزول دا *
كامل الود
Post: #22 Title: Re: كورى اجن نل , Kure Aang Nel , Eid Saaid Author: محمد عبد الماجد الصايم Date: 09-02-2012, 08:19 AM Parent: #21
الاخ العزيز ولياب شكرا ليك كتير على المرور والتعليق الضافى حتما نحن نحلم ونامل ونعمل وكلنا امل فى عودة النوبة سيرتها الاولى من بعد تهميش وتحنيط , ولك التحية وانتم فى الاطراف تحمون الثغور
اتوقع مرساج يكون اسوا بكتير من مبارك , ولانو مبارك كان تابع لمدرسة القومية العربية ومعها لمسة من الاسلام التركى العلمانى , وبينما مرساج يتبع لمدرسة الاسلام السياسى الاصولى السلفى وممكن يلتقى مع السعودية او مع تنظيم القاعدة , ومعرف نوع هذا النوع من التفكير وخاصة فى الحكم , ونحو الثقافات الاصيلة والنوبة .
شكرا لك اخى انور سيد وكل عام وانتم بخير ودمت عونا للنوبة مافى مشكلة , بس انا تفاجات بمحمد عبدالماجد الصائم وهل هو من اندينا او هل هو Andandi ray ? وفى كل الاحوال مرحبا بك اخى محمد منتميا بالاصالة او بالتطلع ؟
Post: #27 Title: Re: كورى اجن نل , Kure Aang Nel , Eid Saaid Author: أنور سيد ابراهيم Date: 09-02-2012, 10:32 AM Parent: #26
اخونا صابر
سكّر فى ؟
اخينا محمد عبد الماجد .. اتوقع يكون من اندنا
وفى نفس الوقت امكن يكون Andaandi ray
المهم .. عندى cd جمع مايخص اللغة النوبية
والمقارنات بين النطق ( المحس والدناقلة وامكن كمان الحلفاوييين )
بالجد سيدى جميل وعلمى جدا جدا
جمعه الاستاذ القدير جدا جدا جدا ( محمود ساتى )
وان شاء الله سآتيك بالتفاصيل بعد قليل ان تمكنت
لك كامل الود
Post: #28 Title: Re: كورى اجن نل , Kure Aang Nel , Eid Saaid Author: خضر حسين خليل Date: 09-02-2012, 10:34 AM Parent: #27
أأشريا عزيزى انور سيد تعرف لو محمد دا من اندينا او انداندى حيكون مكسب كبير للنوبة وتعزيز لهم وضربة قاضية لمجموعة المستعربة بالمنبر ولكما التحية , وشكرا مقدما على ال CD والرجاء ارساله عند الحصول عليه , سوف ارسل لك ايميلى نرجو كريم افادتكم
فليسمح الاخ صابر ان احيي عبر بوستيهو آخر المتواجدين محمد عبدالماجد الصايم بعد موضوع اجازة برنامج الدبلوم العالي في اللغة النوبية بجامعة الخرطوم ، اطلعت على خبر آخر سعيد عن مساعي في مصر لإنشاء قناة ناطقة بالنوبية قناة طيبة اسوان المصرية تعرض دائما اخبار وبرامج عن مناطق النوبة في جنوب مصر واسبوعيا عندهم برنامج كامل عن السودان يهتم بالعلائق بين شعبي وادي النيل وبشكل خاص يستضيف سودانيين زوار او مقيمين في مصر
الاغاني النوبية الدنقلاوية رجعت بقوة وفي فرق نوبية بيقدموا اغاني جميلة منها الاغنية المعمولة خلفية للصور في المقطع بتاعي ، الصور التقطتها من مدينة دنقلا ومن قريتي سورتود
لك العتبى حتى ترضى اخى سيد على الخطا الغير مقصود عزيزى محمد عبدالماجد مرحبا فى كل احوالك وبالمناسبة ماتتعقد من تطلع دى هى والانتماء واحد وخاصة فى ايامنا ديه . مرحبا بك ابن سورتود البار ويااانت ما جارنا ومن الاشياء السعيدة كذلك قيام المهرجان الثقافى النوبى الثانى بشاطئ البحيرة بدار الكيقا ولقد شاركنا فى يوم تكريم الفرق الفنية والابدعية السبت الفائت وكان يوم شعبى موسيقى بلا حدود وروعة اما موضوع الدبيلوم العالى للغة النوبية فحقو الناس ماتفرح بيه شديد او تحتفل بيه , دا لو تم اصلا !! ولو تم حيكون كلو رسوم وذى ذى اى مشروع من مشاريع الخستكة بتاعت الجماعة , ذى اى جامعة او معهد او كلية وفرقعة اعلامية ولكن مافى حاجة
ونواصل بعض من الرسائل التى وصلتنى كمعايدة باللغة النوبية ومادايرة كلمة رطانة دى خالص فى هذا المقام , من النوبيين الراسخون فى النوبية حتى المشاش ونبدا بالنوبى على محمد حسن من بلدة حامد نارتى قرب السير قال وهو يرد على رسالتى : كورى اجن نل رد قائلا : اكن اجنل أندمقنو شفت العلم دا كيف
ونواصل بعض من الرسائل التى وصلتنى كمعايدة باللغة النوبية ومادايرة كلمة رطانة دى خالص فى هذا المقام , من النوبيين الراسخون فى النوبية حتى المشاش ونبدا بالنوبى على محمد حسن من بلدة حامد نارتى قرب السير قال وهو يرد على رسالتى : كورى اجن نل رد قائلا : اكن اجنل أندمقنو شفت العلم دا كيف
. ونواصل مع رسائل تهانى العيد التى وصلتنى وهنا رسالة وصلتنى من النوبى الاصيل الاستاذ : حامد خبير وله كتاب عنوان من حكم وامثال التوبة ويقول حامد مهنئا او ردا على رسالة لى :
كرى سرينقون اارملر تاقى قدن
التهنئة الحارة لاستاذ حامد مع تمنياتنا له بدوام الصحة والعافية
