فقع المرارة في أديس أبابا...

باقان بتاع الساعة كم؟

الرئيس هيمسلف بقي مع الجماعة المنبطحين!!!

آخر ضحكـ وقرقراب!!!


لو علي انا ده ؛خلو الحكومة تتقلب والرهيفة التنقد
وما اشوف باقان اموم وسلفاطير ده !!!

يا بشير يعني انت العاوز يفاضكم منو ؟

سلفاكير الرئيس
وباقان الامين العام للحزب بتاعم


؟؟؟!!!!

تعرف يا وليد انا كلما اشوف بشير ده يغني ظلموني هنا
بطمن انو الامور ماشة كويس هناك
يا دكتور انت عايز عمر البشير يفاوض الطيب مصطفى ولا شنو ههههههه


ـــــــــــــــ
يا دكتور عايز منك خدمة رسل لي تلفونك في الخاص لو ممكن

والله ياباشمهندس

ممغوص شديد من المفاوضات
والملاواة الفيها

كل زول يلم قٌفتو ويتخارج محل ما جا.

Quote: الرئيس هيمسلف بقي مع الجماعة المنبطحين!!!

بشـير

كيف حالك


ياتو فيهـم

تحياتي اخي عبدالله احيمر

ياخوي رئيسنا الاسد النتر .

Quote: يا بشير يعني انت العاوز يفاضكم منو ؟ سلفاكير الرئيس وباقان الامين العام للحزب بتاعم

مفروض الرئيس ما يمشي خالص والببقي يبقي
مجلس الامن ح يعمل شنو اكتر مما عملوا زمان؟


الم ليهم اكبر شرّامة وبتاعين مشاكل ووديهم المفاوضات.


وزير دفاعنا الهُمام امس قاعد ينظّر في تلفزيونا ؛وشنو كده حل مؤقت للميل دشليون!!!

عليك الله سيدي الرئيس بعد العملوا وال ح يعملو ابجضوم ده ؛

اكان شحدنا ولاّ اكلنا زلط وحصحاص بمد يدي لابجضوم ده!!!!

بترول بتاع فنيلة منو؟

الكوز بشير أحمد.

أركز وبطل جرسة.

يا بشبش

الطرفين ما عندهم خيارات كثيرة للمفاضلة بينها
وعشان كدا ما فضل ليهم غير الانبطاح
يعني الاثنين منبطحين وكدا .... والله صحي

Quote: الطرفين ما عندهم خيارات كثيرة للمفاضلة بينها وعشان كدا ما فضل ليهم غير الانبطاح يعني الاثنين منبطحين وكدا .... والله صحي

سارتانا أفرز

أصحاب الحق مافي حاجة بتخليهم ينبطحو، اللي بنبطحو ديل هم الذين يطلقون التصريحات النارية ويحلفون بالله وبأولادهم وبنسائهم في الفارغة وفي نهاية الآمر يبلعون وعودهم وتهديداتهم.

Quote: أصحاب الحق مافي حاجة بتخليهم ينبطحو، اللي بنبطحو ديل هم الذين يطلقون التصريحات النارية ويحلفون بالله وبأولادهم وبنسائهم في الفارغة وفي نهاية الآمر يبلعون وعودهم وتهديداتهم.

أصحاب الحق الجابرهم علي المفاوضات شنو كمان؟؟؟

يا بشير صلّي ع النبي وروق
القصة ما بترول و شحدة و فقر
يوجد دماء سالت و تسيل للاشيئ و بلا هدف معلوم
وضح للبلدين و العالم كلو انو حروبهم العبثية دي ليست للنصر بل للإستنزاف و لا طائل او منتصر فيها
يبقى وقت جات الفرصة يتوقف سيل الدم المشكلة شنو و انت رافض المفاوضات ليه ؟

Quote: أصحاب الحق الجابرهم علي المفاوضات شنو كمان؟؟؟

لأنهم عارفين أن الكيزان لا يمثلون السودان والسودانين، وهنالك مصالح مشتركة حقيقية بين الشعبين.
يعني القصة ليس هي مكاوة وحليفة بالطلاق في الفارغة.

ودالبشري تحياتي؛؛؛

Quote: يا بشير صلّي ع النبي وروق القصة ما بترول و شحدة و فقر يوجد دماء سالت و تسيل للاشيئ و بلا هدف معلوم وضح للبلدين و العالم كلو انو حروبهم العبثية دي ليست للنصر بل للإستنزاف و لا طائل او منتصر فيها يبقى وقت جات الفرصة يتوقف سيل الدم المشكلة شنو و انت رافض المفاوضات ليه ؟

عليه افضل الصلاة والسلام؛؛؛

ياخوي المفاوضات جابت انفصال الجنوب والناس قعدت تجقلب؛

الحرب الناس برضو جاريين لي غادي

لكن الحقارة ما بنرضاها تب ؛والكاتبو ربنا يقوم في زلط اديس؛

Quote: سارتانا أفرز أصحاب الحق مافي حاجة بتخليهم ينبطحو، اللي بنبطحو ديل هم الذين يطلقون التصريحات النارية ويحلفون بالله وبأولادهم وبنسائهم في الفارغة وفي نهاية الآمر يبلعون وعودهم وتهديداتهم.

حرقتك يا اديسون ولا شنو؟
الاثنين منبطحين يا دينق شئت أم ابيت وتلك هي الحقيقة
مش قالوا حيصدروا عن طريق كينيا وميناء لامو
طيب الجابهم شنو للمفاوضات يا دينق؟
ببساطة لأنو ماف خيارات تانية (حالياً على الأقل) لتصدير النفط
وادارة دولاب الدولة المتوقف منذ ايقاف تصدير النفط
..
..


___
وإن عدتم عدنا بلا شك

Quote: لأنهم عارفين أن الكيزان لا يمثلون السودان والسودانين، وهنالك مصالح مشتركة حقيقية بين الشعبين. يعني القصة ليس هي مكاوة وحليفة بالطلاق في الفارغة.

في هذي صدقت...وعسي النوايا تكون صادقة

Quote: يوجد دماء سالت و تسيل للاشيئ و بلا هدف معلوم

دا الكلام والله ياود البشرى ،،

وكلاهما مساءل عن هذه الدماء ،،

سلام يادكتور بشير ،،

وعليكم السلام اخي عبداللطيف بكري؛

حقن الدماء حبابو
لكن بالمرمطة والدهنسة ؛خلي الناس تموت موتها ساي.

الاخ/الامين موسي

تحياتي؛؛؛

Quote: الطرفين ما عندهم خيارات كثيرة للمفاضلة بينها وعشان كدا ما فضل ليهم غير الانبطاح يعني الاثنين منبطحين وكدا .... والله صحي

الجنوبيين ديل ؛تجيهم بي هنا يجوك بي هناك؛
مرة هجليج حقتهم ؛ومرة حفرة النحاس
ومره كافيه بالحليب والشوكلاته حقتهم !!!
هسع جو بي حاجة جديدة كرت ؛شنو كده الميل 14؛الشئ شنو نحنا لاعبين حريق!!!
ناسنا لو ختّو الرحمن في قلبهم ورموا طوبة حاجة اسمها بترول الحبة ما بتجيهم؛

لكن تقول شنو!!! قلب المطلقة البالها في الرجوع ...

والمثل الشين داكـــ: دايرة.... وخايفة من شنو ماعارف.

Quote: الكوز بشير أحمد. أركز وبطل جرسة.

والله يادينق انا راكز ؛
لكن البقنع جماعتنا يركزوا منو؟

Quote: حرقتك يا اديسون ولا شنو؟ الاثنين منبطحين يا دينق شئت أم ابيت وتلك هي الحقيقة مش قالوا حيصدروا عن طريق كينيا وميناء لامو طيب الجابهم شنو للمفاوضات يا دينق؟ ببساطة لأنو ماف خيارات تانية (حالياً على الأقل) لتصدير النفط وادارة دولاب الدولة المتوقف منذ ايقاف تصدير النفط ..

مافي زول صاحب حق بنبطح. الأنبطاح ده بيرجع الى أصحاب التصريحات النارية والذين حلفو بأولادهم وبأسم الله وهسع بلعو كلامهم. خيار التصدير عبر جهات أخرى مازال مطروحا، ودولاب الحكومة لم يتوقف. بل أندلعت المظاهرات وطارت الأسعار في السماء في شمال السودان. شعب الجنوب ليس بجديد على المعاناة ولكن ناس الخرطوم الذين تعودو على دولارات البترول السائبة أصابهم تملل كبير.

Quote: والله يادينق انا راكز ؛ لكن البقنع جماعتنا يركزوا منو؟

بشير أحمد

جماعتكم ديل ما بنسترو أبدا، وديل ناس فضيحة.
لكن بيني وبينك عبد الرحيم محمد حسين زول ممتع جدا في التفاوض.
بعدين أوعك تراهن على إبعاد باقان أموم. الزول ده عندو قوة سياسة وشعبية كبيرة جدا.
الزول ده بالنسبة لأهل الجنوب بطل عديل كده. ولا تستغرب لو ترشح للرئاسة في الجنوب وفاز بها.

يادكتور بشير

شاحد الله جولة المفاوضات دي تفشل , عشان المرة الجاية يتم التفاوض على كاب الجداد .

الاخ/معاوية الارباب

تحياتي؛؛؛

Quote: عشان المرة الجاية يتم التفاوض على كاب الجداد .

هييييع ... أهلنا الدباسيين ما بقصروا تب ؛وبنتم ليهم الناقصة

لكن الحقارة الدباسيين ما بيرضوا بيها .

Quote: خيار التصدير عبر جهات أخرى مازال مطروحا، ودولاب الحكومة لم يتوقف.

دينق

سلام...
بل توقف يا دينق ومن ينكر حاجة الجنوب للمال كما هو الحال في شمال السودان
زول مكابر ســاي لاعتبارات سياسية او اغراض في نفسه
نفس هذه التصريحات انطلقت من قادة الجنوب ولذا تم ايقاف ضخ البترول
يا دينق في السياسة ليس هناك صداقات دائمة ولا عداوات دائمة وإنما مصالح مشتركة
ومن مصلحة الطرفين استئناف ضخ النفط لفترة حتى تستقر اوضاع البلدين
الجنوب محتاج للتنمية والشمال محتاج لاموال البترول لكي يعيش
يبقى من مصلحة الطرفين التفكير في مصالح شعبيهما
نعم خيار التصدير مطروح وهو تفكير استراتيجي لدولة الجنوب
ولكن مع ذلك سيظل مصير دولة الجنوب معلق بغيرها فيما يختص بتصدير البترول
سواء كان الغير هذا السودان ولا كينيا ولا غيرها ببساطة لأن الجنوب دولة مغلقة
ليس لها منافذ بحرية ولا تستبعد ان تتعرض لما تعرضت له من ابتزاز من شمال السودان
الانبطاح في الشمال هو بلع جميع التصريحات والقبول بسعر أقل من ما طرحته قبل احداث هجليج
والانبطاح في الجنوب هو رفع سقف ال 60 سنت للبترول التي كان الجنوب متمسك بها
مع الاسف الطرفين ما عندهم خيارات كثيرة عشان يختاروا منها (حالياً على الاقل)
عارف نكتة السكران والشينة:
الشمال فقره دا (سكرتو دي) بتفك بعد فتره بعد استخراج بتروله
أها الجنوب البفك ليهو منافذ (شناتو ) في البحر منو ؟
..
..

Quote: دينق سلام... بل توقف يا دينق ومن ينكر حاجة الجنوب للمال كما هو الحال في شمال السودان زول مكابر ســاي لاعتبارات سياسية او اغراض في نفسه نفس هذه التصريحات انطلقت من قادة الجنوب ولذا تم ايقاف ضخ البترول يا دينق في السياسة ليس هناك صداقات دائمة ولا عداوات دائمة وإنما مصالح مشتركة ومن مصلحة الطرفين استئناف ضخ النفط لفترة حتى تستقر اوضاع البلدين الجنوب محتاج للتنمية والشمال محتاج لاموال البترول لكي يعيش يبقى من مصلحة الطرفين التفكير في مصالح شعبيهما نعم خيار التصدير مطروح وهو تفكير استراتيجي لدولة الجنوب ولكن مع ذلك سيظل مصير دولة الجنوب معلق بغيرها فيما يختص بتصدير البترول سواء كان الغير هذا السودان ولا كينيا ولا غيرها ببساطة لأن الجنوب دولة مغلقة ليس لها منافذ بحرية ولا تستبعد ان تتعرض لما تعرضت له من ابتزاز من شمال السودان الانبطاح في الشمال هو بلع جميع التصريحات والقبول بسعر أقل من ما طرحته قبل احداث هجليج والانبطاح في الجنوب هو رفع سقف ال 60 سنت للبترول التي كان الجنوب متمسك بها مع الاسف الطرفين ما عندهم خيارات كثيرة عشان يختاروا منها (حالياً على الاقل) عارف نكتة السكران والشينة: الشمال فقره دا (سكرتو دي) بتفك بعد فتره بعد استخراج بتروله أها الجنوب البفك ليهو منافذ (شناتو ) في البحر منو ؟ ..

البشاري

سلامات.

توقف ضخ البترول تم بواسطة حكومة الجنوب، لأنها وجدت أن حكومة الخرطوم تقون بنهب البترول.
الذين يحكومون السودان اليوم والذين حكمو السودان أمس لا يعلمون حقيقة مصالح السودان وأهله، ونتيجة ذلك مآثلة أمامك الأن. موضوع صداقات ومصالح ده فهم متقدم جدا على الذين يحكمون السودان. السودان توقف عن الزراعة تماما وصار يعتمد على البترول المستخرج معظمه من جنوب السودان و موضوع بترول الشمال ده طلع أشاعة كبيرة. إذا كان هنالك بترول بكميات تجارية لكان الكيزان أول من قام بأستخراجه، لأن نظامهم الأن في مهب الريح، ومن أسباب ذلك أسباب أقتصادية أيضا.
كما قلت لك من قبل. لقد تعود أهل الجنوب على ضيق العيش والحياة الصعبة، ولكن أهل الخرطوم محل الرئيس بنوم والطيارة بتقوم والكيزان أبان دقون. لن يستحملون أي أزمة أقتصادية كبيرة وقد يطيحون بالحكومة في أقرب وقت، والكيزان يعلمون ذلك جيدا.

Quote: الذين يحكومون السودان اليوم والذين حكمو السودان أمس لا يعلمون حقيقة مصالح السودان وأهله، ونتيجة ذلك مآثلة أمامك الأن

دينق تحياتي مرة أخرى

عارف عندي قناعة من زمان وهي انو سبب تأخرنا
هو انو كل جيل من الاجيال السودانية كان بفكر في نفسه وفي كيفية تسيير حياته
دون النظر نظرة شاملة للمستقبل والدليل عدم وجود تخطيط يستند عليه
..
..

يا دينق الحكومات والانظمة ومهما طال أمد حكمها فهي الى زوال
بينما السودان الوطن باقي وكذلك الشعوب
اذا كانت دولة الجنوب وأنت تفكر فقط في مكايدة الكيزان والحاكمين الآن
فلتعلم أنهم سوف لن يتأثروا ضخ النفط أم لم يضخ
أنت فكر في جون وشول ومحمد صالح وادم وكوكو واوشيك ... الخ الخ
وكيف أن ضخ البترول سيؤثر في حياتهم تعليماً وصحة وخدمات اجتماعية
السودان بلد غني الموارد ولأنها منهوبة أو غير مستغلة فهو فعلياً بلدا فقيراً
شحيح الموارد ويعتمد على عائدات النفط بشكل شبه كامل
والدولتين يجب أن يكون لهما في قصة المكرسح والعميان أسوة حسنة ياخ
..
..
الكيزان ديل والله العظيم سوف يزول حكمهم سيزول اليوم بكره بعده
حتى ولو نزلت على كل واحد منهم ومن الشعب السوداني مائدة سيدنا عيسى
عارف ليه؟
لأنهم خلاص افلسوا وما عندهم جديد عشان يقدموه
ختاماً عايزك تنظر للأمر نظرة كلية شاملة وليس من الزاوية الضيقة دي

دم بخير

Quote: عارف عندي قناعة من زمان وهي انو سبب تأخرنا هو انو كل جيل من الاجيال السودانية كان بفكر في نفسه وفي كيفية تسيير حياته دون النظر نظرة شاملة للمستقبل والدليل عدم وجود تخطيط يستند عليه .. .. يا دينق الحكومات والانظمة ومهما طال أمد حكمها فهي الى زوال بينما السودان الوطن باقي وكذلك الشعوب اذا كانت دولة الجنوب وأنت تفكر فقط في مكايدة الكيزان والحاكمين الآن فلتعلم أنهم سوف لن يتأثروا ضخ النفط أم لم يضخ أنت فكر في جون وشول ومحمد صالح وادم وكوكو واوشيك ... الخ الخ وكيف أن ضخ البترول سيؤثر في حياتهم تعليماً وصحة وخدمات اجتماعية السودان بلد غني الموارد ولأنها منهوبة أو غير مستغلة فهو فعلياً بلدا فقيراً شحيح الموارد ويعتمد على عائدات النفط بشكل شبه كامل والدولتين يجب أن يكون لهما في قصة المكرسح والعميان أسوة حسنة ياخ .. .. الكيزان ديل والله العظيم سوف يزول حكمهم سيزول اليوم بكره بعده حتى ولو نزلت على كل واحد منهم ومن الشعب السوداني مائدة سيدنا عيسى عارف ليه؟ لأنهم خلاص افلسوا وما عندهم جديد عشان يقدموه ختاماً عايزك تنظر للأمر نظرة كلية شاملة وليس من الزاوية الضيقة دي

البشاري

تحية خالصة.

هذه الأجيال لم تسقط من السماء، بل هم من صلب الشعب السوداني بما فيهم الكيزان.
أنا وحكومة الجنوب لا أعتقد بأن لدينا وقت لمكايدة الكيزان وغيرهم. التنمية البسيطة التي حدثت في جنوب السودان ومستمرة الى الأن، لم تحدث طيلة تاريخ السودان. وده بالنسبة لأهل الجنوب لسه ولا شئ. فهم يريدون المزيد والكثير. مشكلتك ومشكلة كثير من مثقفي الشمال يا البشاري أنكم تقفون في نفس المسافة بين حكومتي الجنوب والشمال ، رغم الجرائم التي أرتكبها نظام حكومة الخرطوم ورغم كل الذي حدث في السودان تحت حكمهم. وده خطأ كبير وسوف يكلف شمال السودان الكثير. مسئولية ما حدث في السودان من دمار وخراب وإنفصال يجب أن لا تتحمله حكومة الإنقاذ لوحدها، لقد شاركها في ذلك كل الأنظمة االتي مرت على حكم السودان ، عسكرية أم مدنية كانت.

صباح الضهر بالليل...

المحتفليين ليها شنو ؟

وده اتفاق يحتفلوا بيهو!!!

الهٌريات الاربعة

بالله !!!
يعني يا ابوزيت ماغريت!!!

بشير أحمد.

بيت بكاكم بي وين؟

يا ربي يكون في دار الإنتباهة؟

Quote: الهٌريات الاربعة بالله !!! يعني يا ابوزيت ماغريت!!!

إنشاء الله تكون فهمت أن ما بين شعبي السودان أكبر من خطرفة الكيزان العنصرية
و أن هذا السعي المحموم لتطفيش الجنوبيين لم نسمع به الا في زمن حكومة الكيزان
بالله الحريات الأربعة البتضحك عليها دي مش أحسن من بتاعت مصر الطبقتها حكومتك من جانب
واحد ولم تفعلها مصر حتي اليوم وحكومتك تحنس فيهم يومياً للتفعيل؟؟
مش أحسن منها حريات أربعة لمن يعرف السودان و عاش فيه من قبل بل ولد فيه و لم يزور الجنوب وتم شحنهم للجنوب بالقوة و بطريقة لاتليق بالبشر؟

------------------
العنصرية دي مفروض تصنف كمرض نفسي يستوجب العلاج الإجباري و إعادة التأهيل الإنساني.
Sudan is country of reluctant Africans and unwanted arabs

Quote: بيت بكاكم بي وين؟ يا ربي يكون في دار الإنتباهة؟

أحلق شنب باقان لوكان عندو شنب ؛لو الاتفاق ده تم.

ماعندنا بيت بكا ؛كل مغبون يبكي محل الطيارة بتقوم بس.

كم يمتعني فقع مرارة العنصريين

الإستعلائيين

الإقصائيين


الباقر موسى

الأعزاء عادل أسحق والباقر موسى.

الكوز العنصري بشير أحمد لو كان عندو حتة كرامة وعزة نفس لكان أحتج على المنحة التي سوف تقدم لحكومته من ضمن هذا الأتفاق، ولكن لأنه يتشبع بطمع الكيزان فهو لا يستحي في كره الى الجنوبين ولكن في نفس الوقت يريد بترولهم وأموالهم.
دي عينة لا تستحي أبدا.

Quote: كم يمتعني فقع مرارة العنصريين الإستعلائيين الإقصائيين الباقر موسى

ياخوي انا عنصري بالدرب العديل وما داسيها ؛
ما قاعد اتجمل في البورد ده ؛اعتقد وفي الواقع
وكلنا سودانيين
دي في قاموسي مافي
طاخ طيخ في نص الراس طوالي.

يكرهوا المهمشين

ويحبوا خيراتهم


الباقر

Quote: لأنهم عارفين أن الكيزان لا يمثلون السودان والسودانين، وهنالك مصالح مشتركة حقيقية بين الشعبين.

هههههه يعني الحركة الشعبية بتمثل كل الجنوبيين يادينق؟

Quote: ياخوي انا عنصري بالدرب العديل وما داسيها ؛ ما قاعد اتجمل في البورد ده ؛اعتقد وفي الواقع وكلنا سودانيين دي في قاموسي مافي طاخ طيخ في نص الراس طوالي.

البقرا كلامك ده بيفتكرك كنت بتحارب. لكنك مرقتها في السعودية.
زي ما قلت لك بنفس المستوى الذي خلاك تكره الجنوبين للدرجة دي، برضو كان يجب عليك أن ترفض الهبات التي تصلك منهم الأن.

Quote: البقرا كلامك ده بيفتكرك كنت بتحارب. لكنك مرقتها في السعودية. زي ما قلت لك بنفس المستوى الذي خلاك تكره الجنوبين للدرجة دي، برضو كان يجب عليك أن ترفض الهبات التي تصلك منهم الأن.

البشوف كلامك ده بيفتكر قاعد في جوبا!!!

اها إتا امريكا دي مشيتا سياحة يا اللخو؟


هو اكان ما إنبطاح من حكومتنا ؛بتقبل الهبات من باقان ابجضوم!!!

قروش من الجنوبيين مادايرنها ياخوي ؛ من متين المندكورو بيقبل هباتكم؟

Quote: البشوف كلامك ده بيفتكر قاعد في جوبا!!! اها إتا امريكا دي مشيتا سياحة يا اللخو؟ هو اكان ما إنبطاح من حكومتنا ؛بتقبل الهبات من باقان ابجضوم!!! قروش من الجنوبيين مادايرنها ياخوي ؛ من متين المندكورو بيقبل هباتكم؟

بشير أحمد.

أنا زول صاحب حق، أكون قاعد في جوبا، في الخرطوم أو في واشنطن ما مهم. مدام باقان أموم موجود ما عندي مشكلة نحن بنقعد وبنقوم على كيفنا. المشكلة في جماعتك اللي أنت زعلان منهم وكابي الجرسلين هنا! هبات وبترول باقان ده مش هو اللي كان ممشي السودان ولا ده كان بترول السعودية؟ أتقي الله يا راجل! لو أنت فعلا جادي و بترفض قروش الجنوبين ليه ما تفتح لك بوست وتطالب فيه جماعتك الكيزان بذلك؟ هسع في ذمتك البشير ده ما بخجل من تصريحاتو ديك؟ أها يا بشير أحمد شفت وعرفت الفرق بين أصحاب الحق والبلطجية ولا لسه؟

Quote: المشكلة في جماعتك اللي أنت زعلان منهم وكابي الجرسلين هنا!

والله زعلان عايز أنشّق عديل!!

Quote: أتقي الله يا راجل! لو أنت فعلا جادي و بترفض قروش الجنوبين ليه ما تفتح لك بوست وتطالب فيه جماعتك الكيزان بذلك؟

أٌمال انا في البوست ده كابّي الزيت في شنو؟

ياهو جِنس عمايل جماعتنا.

Quote: هسع في ذمتك البشير ده ما بخجل من تصريحاتو ديك

انا بشير احمد ده خجلان ؛خلي الريس.

بشير أحمد.

في نهاية الأمر سوف تعود الحقوق لأصحابها ولن يصح إلا الصحيح.

تصويت الجزيرة

ده امس.

بركاتك ياشيخ باقان:

Quote: الخرطوم30/9/2012 فرضت الاجهزة الامنية السودانية رقابه صارمة على صحيفة " الانتباهة" السودانية المعروف بمعاداتها لدولة الجنوب ورفضها المتشدد لأي اتفاقات ثنائية وحظر الرقيب الامنى على الصحيفة توجيه اى انتقادات لاتفاق اديس الاخير بين الخرطوم وجوبا والذى وقعه الرئيسان عمر البشير وسلفاكير ميارديت في الجمعة الماضية والمتضمن اتفاق الحريات الاربعة الذي يكفل للجنوبيين حق الاقامة في السودان ويشمل الاتفاق الجزئي ايضا اقامة منطقة منزوعة من السلاح ادخلت فيها منقطة ميل 14 التي تقول الحكومة انها تتبع لاقليم دارفور بينما تقول حكومة جنوب السودان انها جزء من غرب بحر الغزال في الوقت الذي فشل فيه الجانبان من التوصل لاتفاق حول ابيي ويرفض منبر السلام العادل الذى تصدر عنه الصحيفة اى تقارب واتفاقيات مع دولة جنوب السودان وظل رئيسه الطيب مصطفى يوجه انتقادات شديدة لمفاوضى الخرطوم ويتهمهم بتقديم تنازلات كبيرة لأجل جنوب السودان ومنعت اجهزة الرقابة الامنية مصطفى من كتابة عموده الراتب فى الصحيفة ليوم امس السبت وكتب مكانه "حجب" لكن الرجل سارع الى موقع الصحيفة الالكترونى ليسطر كلمات تستجدى الاجهزة الامني رفع الرقابة عن صحيفته والسماح لها بانتقاد الاتفاق الامنى لتبصير الحكومة ببعض الهنات التى صاحبت الاتفاق مؤكدا ان ايجابيات الاتفاق الاخير اكثر من سلبياته وقال مصطفى فى الموقع الالكترونى انه يشعر بالدهشة لعودة الرقابة القبْلية على الصحف ووصفه بالامر المؤسف بعد الظن بان ثورات الربيع العربي جعلت بالامكان تجاوز تلك المرحلة القاتمة من مسيرة الحكم الشمولي للإنقاذ حسب تعبيره و قال " ليت الإخوة في جهاز الأمن يعلمون أن تناولنا للاتفاق سيكون موضوعياً للغاية وسنلفت النظر إلى بعض نقاط الضعف التي ستُعين الحكومة فلسنا جزءًا من قوى الإجماع المعارضة التي تسعى بشتى الوسائل لإسقاط الحكومة ولذلك ترفَّقوا بنا فقد تعبنا من زياراتكم الليلية" وقال بان حديثه سينصب على الحريات الأربع وعلى الملف الأمني

Quote: تصويت الجزيرة ده امس.

طالما حكومة الأخوان المسلمين المجرمة تحكم السودان القديم، من المستحيل أن يكون هنالك سلام بين الدولتين. حتى داخل السودان القديم نفسه لن يعمه أي سلام إذا لم يتم الأطاحة بهذه الحكومة المجرمة.

بشير أحمد

جماعتك هم الذين They put themselves in a lose lose situation

لسع يادينق

ماتحلم كتير .