Post: #1 Title: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-25-2012, 09:57 AM
السؤال دا بالمناسبة لأنه محركات البحث فيها
نسب للأغنية لكلا الشاعرين العملاقين...
غايتو أنا البعرفو إنها كلمات الأمي والله تعالى أعلم..
جارو اهلك وجورهم امر بالبعاد والامر الامر في ديارم حجبو القمر
البديع الساحر الفكر بالجمال والحياء انشكر حسنو يرمي الزول في وكر شوفتو تسكر من غير سكر للقلوب ياصحي احتكر كي يخلف خالد الذكر
مفخر الاجيال والدهر حسنو اعجب على ماظهر في خدودو الحياء ازدهر والطبيعه تناجي الزهر تدي منظر جذاب بهر زي نجوم السماء في النهر
البهيج النضر الاغر يزدري البراق بالثغر المحشم من الصغر منو كل الناس في بغر فيه شارد الحسن استقر
من عيونو كيف المفر كم بأفئده واعيات ظفر محيو فيه البدر السفر وجيدو جيد الظبي النفر كل عهد الحسن الوفر زول ويوزن مليون نفر
حبي هاك القول الابر والعيان يغنيك عن خبر كم نظرت في دهري العبر نظرة الي الحياة اعتبر الجزع في الناس والصبر شفنا طوع القضاء انجبر
لو بحجبو الامر الصدر مابحجبوا دمعي اللنحدر كل شي ان صفا اوكدر في ايادي القضا والقدر اما دهري ان صد او غدر البعرفوا الوفاء ماندر ..
.
Post: #2 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-25-2012, 10:31 AM Parent: #1
صحي والله:
Quote: البعرفوا الوفاء ماندر
..
.
Post: #3 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: ABUHUSSEIN Date: 09-25-2012, 10:38 AM Parent: #2
أخونا محمود سلام جاروا أهلك للأمي هاك ليها بي صوت عاصم اللي أبدع فيها
Post: #4 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: ياسر السر Date: 09-25-2012, 10:51 AM Parent: #3
الاخ محمود جارو اهلك حسب علمي من كلمات الامي ولكن هل يفتى وصديق الموج في البورد، غايتو رايي ده خليهو لامن يجيك صديق الموج بالاكيده لانو هو مرجعنا في الحقيبة ولا يعلى عليه واحتمال يكون حضر الزمن الاتقالت فيهو الاغنية دي زاتو ،،، لوووووووووولز
لك تحياتي وشكرا على الاغنية الجميلة ...
تحياتي : ياسر العيلفون
Post: #6 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-25-2012, 11:24 AM Parent: #4
ياسر يا فنان..
Quote: خليهو لامن يجيك صديق الموج بالاكيده لانو هو مرجعنا في الحقيبة
أنا غايتو مرجعي دكتورنا ود القرشي...
عامل السن في الحتة ما حاسم..
..
تحياتي لك وللكبير ود الموج الصفوة...
..
.
Post: #5 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-25-2012, 11:21 AM Parent: #3
أبو حسين..
شكراً والله للمرور والإضافة..
للأسف الفيديو في المكتب ما شغال معاي..
وعاصم بيكون أدبها تمام.. ولكن..
شخصياً يطربني أداء بادي محمد الطيب رحمة الله عليه..
الذي لا يعلى عليه..
..
..
Post: #7 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Ahmed al Qurashi Date: 09-25-2012, 11:30 AM Parent: #5
الأخ العزيز / محمود مصطفى محمود
تحياتي
أعنية جاروا أهلك من كلمات الشاعر سيد عبدالعزيز
والحان الحاج محمد أحمد سرور
ولقد سجلها للاذاعة الفنان بادي محمد الطيب
ولقد نشرت في ديوان ليالي زمان الذي صدر في الستينات في صفحة 53
والذي كتب له المقدمة ابن الخياط
لك كل الود
Post: #9 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-25-2012, 11:37 AM Parent: #7
Quote: أعنية جاروا أهلك من كلمات الشاعر سيد عبدالعزيز
والحان الحاج محمد أحمد سرور
ولقد سجلها للاذاعة الفنان بادي محمد الطيب
ولقد نشرت في ديوان ليالي زمان الذي صدر في الستينات في صفحة 53
والذي كتب له المقدمة ابن الخياط
قُضي الأمر... قضي الأمر..
شكراً يا دكتور..
..
Post: #8 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Ahmed al Qurashi Date: 09-25-2012, 11:34 AM Parent: #5
الأخ العزيز / محمود مصطفى محمود
تحياتي
أعنية جاروا أهلك من كلمات الشاعر سيد عبدالعزيز
والحان الحاج محمد أحمد سرور
ولقد سجلها للاذاعة الفنان بادي محمد الطيب
ولقد نشرت في ديوان ليالي زمان الذي صدر في الستينات في صفحة 53
والذي كتب له المقدمة ابن الخياط
لك كل الود
Post: #10 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-25-2012, 12:14 PM Parent: #8
اتفضل يا دكتور...شوف لينا حل للفوضى دي:
وطوااااالي تلقى في نفس السيرش:
فشنو...قلنا المسألة دي زي عايزة حسم من أهل المعرفة..
يعني بصراحة حتة نسب الأغنية للأمي أنا وجدتها بكل أسف في منتديات الإذاعة السودانية..
تصدق؟؟
غايتو..
.
Post: #11 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: صديق الموج Date: 09-25-2012, 01:10 PM Parent: #10
محمود ......سلام وجاءك الدكتور بالقول الفصل وخير القول ما قال ود القرشى...
لكن ده كوم و صورة البروفايل حقك كوم تانى رحم الله صديقى الاثير المادح الفلته الشيخ على المبارك والله يا محمود من ما شفت الصورة طوالى جاتنى فى اضانى شوقك شاوينى طه او (طاهى على طريقة شيخ على ) الساكن ام صينى وصلاة الله الباعثنا ،وابن سليمان تؤسسنا او تؤثثنا انطقها كما تريد وشكلها كما تشاء فكلها صحيحه كريم يا بارى ثلثنا ،عشرناه و سدسنا ،ربعناه و خمسنا وعشر معشارو ما قسنا كنت اتردد عليه باستمرار فى الجزر او فى الفتيحاب وكنت ابتدر الحديث معه بهذه الابيات كان يقول لى : (صلى الله عليه وسلم )وبصوته الخفيض يقول لى: لكن يا صديق يا اخوى مع كوكو دى وهوى يشير الى اصوات الفؤوس تهوى على اللحم رحم الله شيخى وملاذى واستاذى على المبارك رحمة توسع له فى المرقد،،،،
Post: #12 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-25-2012, 07:29 PM Parent: #11
صديق يا موج يا صفوة...حبابك..
Quote: لكن ده كوم و صورة البروفايل حقك كوم تانى رحم الله صديقى الاثير المادح الفلته الشيخ على المبارك والله يا محمود من ما شفت الصورة طوالى جاتنى فى اضانى شوقك شاوينى طه او (طاهى على طريقة شيخ على ) الساكن ام صينى وصلاة الله الباعثنا ،وابن سليمان تؤسسنا او تؤثثنا انطقها كما تريد وشكلها كما تشاء فكلها صحيحه كريم يا بارى ثلثنا ،عشرناه و سدسنا ،ربعناه و خمسنا وعشر معشارو ما قسنا كنت اتردد عليه باستمرار فى الجزر او فى الفتيحاب وكنت ابتدر الحديث معه بهذه الابيات كان يقول لى : (صلى الله عليه وسلم )وبصوته الخفيض يقول لى: لكن يا صديق يا اخوى مع كوكو دى وهوى يشير الى اصوات الفؤوس تهوى على اللحم رحم الله شيخى وملاذى واستاذى على المبارك رحمة توسع له فى المرقد،،،،
وسعادتك كنت وين لما البوست دا اتفتح؟؟؟ الله يسامحك يا صديق ياخي...
مرورك لطيف فعلاً وإضافة لها ما بعدها إن شاء الله..
..
.
Post: #13 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: صديق الموج Date: 09-25-2012, 07:37 PM Parent: #12
Quote: وسعادتك كنت وين لما البوست دا اتفتح؟؟؟ الله يسامحك يا صديق ياخي...
المادح على المبارك..صلاة الله الباعثنا على محمد ري...ْنا.. طرب من نوع آخر
ورحمة الله الواسعة على روح شيخ علي المبارك...
..
مرورك لطيف فعلاً وإضافة لها ما بعدها إن شاء الله..
محمود سلام من تانى ياخى انا مع قيامة ساس يسوس الخير فايتنى والشر فايتنى والله لم الحظ ذلك الخيط الوسيم لكن اصبرى لى بس اروق شوية،،،
Post: #14 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: ABUHUSSEIN Date: 09-25-2012, 08:14 PM Parent: #13
Quote: أعنية جاروا أهلك من كلمات الشاعر سيد عبدالعزيز
شكراً يا دكتور
أنا فعلاً لقيت القصيدة منسوبة للأمي في النت
و شكراً صاحب البوست
تحياتي و إحترامي للجميع
Post: #15 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-26-2012, 05:46 AM Parent: #14
أبو حسين...
Quote: و شكراً صاحب البوست
ماااااا بدري ياخ... شنو ماشي طوالي كدا؟؟؟
عشمانين في المزيد من المساهمات...تجيبها بصوت بادي مثلاً...
أنا شخصياً الأيام دي مركب مكنة جهلول والفضل يرجع لاستخدام الآيباد...
..
تحياتي
.
Post: #16 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-26-2012, 08:55 AM Parent: #15
دكتور ودالقرشي..
راجع الإيميل يا حبيب
تحياتي..
.
Post: #17 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: صلاح النصري Date: 09-26-2012, 12:40 PM Parent: #16
الأخ محمود وضيوفه نعم جاروا أهلك للشاعر المرحوم سيد عبدالعزير الشكر لدكتور ودالقرشي وصديق الموج سدنة الحقيبة علي المعلومات , واضيف أيضا ان جاروا أهلك وردت في ديوان أخر للشاعر سيد عبدالعزيز وهو قصة حياته واجمل أشعاره اعداد التجاني حسين واحمد سيد عبدالعزيز ص 100 =101 والكتاب اصدار دار الأشقاء للطباعة والنشر , وهناك مشكلة حقيقية في الأنترنت يورد بعض الأشخاص معلومات عن طريق الخطأ , بحسن نية ولكن بعجلة وسرعة ودون الرجوع لا أي مصادر , وبمرور الزمن تصير المعلومة الخاطئة هي الصحيحة وتضيع كثير من الحقوق , وأسمح لي يا أخ محمود أن اناشد الاخوة والأخوات الذين يكتبون في الأنترنت مراعاة محاولة التأكد من المعلومات التي ينشرون ولكم شكري.
Post: #18 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-26-2012, 01:03 PM Parent: #17
الأستاذ صلاح النصري،،،
يسعد أيامك إن شاء الله..
Quote: نعم جاروا أهلك للشاعر المرحوم سيد عبدالعزير الشكر لدكتور ودالقرشي وصديق الموج سدنة الحقيبة علي المعلومات , واضيف أيضا ان جاروا أهلك وردت في ديوان أخر للشاعر سيد عبدالعزيز وهو قصة حياته واجمل أشعاره اعداد التجاني حسين واحمد سيد عبدالعزيز ص 100 =101 والكتاب اصدار دار الأشقاء للطباعة والنشر , وهناك مشكلة حقيقية في الأنترنت يورد بعض الأشخاص معلومات عن طريق الخطأ , بحسن نية ولكن بعجلة وسرعة ودون الرجوع لا أي مصادر , وبمرور الزمن تصير المعلومة الخاطئة هي الصحيحة وتضيع كثير من الحقوق , وأسمح لي يا أخ محمود أن اناشد الاخوة والأخوات الذين يكتبون في الأنترنت مراعاة محاولة التأكد من المعلومات التي ينشرون ولكم شكري.
يا سلام عليك أخي صلاح...وعلى ذوقك وأدبك في "المناشدة"..
شخصياً قاعد أحاول أبدا الاستجابة للمناشدة بتاعتك دي اعتباراً من البوست الحالي..
تسلم على الإضاءة الرائعة..
..
.
Post: #19 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: omer osman Date: 09-26-2012, 04:28 PM Parent: #18
وهنا بصوت عضو المنبر الأخ /طارق ابوعبيدة (خدر)
شغل نضيييييييييف
Post: #20 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: محمد الأمين موسى Date: 09-26-2012, 08:55 PM Parent: #19
شكرا أخي محمود وشكرا أخي أبوالحسين وشكرا أخي عمر عثمان على هذه الأغنية البديعة التي احتفت بقافية الراء لدرجة الإشباع... هذه الأغنية من الأغنيات التي تطرب الوجدان وتنعش الروح... أخونا خدر حلق بها بعيدا ناشدا الإمتاع والصفاء.
Post: #21 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Ridhaa Date: 09-26-2012, 09:39 PM Parent: #20
سلام لصاحب البوست والمتداخلين ... من أصعب القصائد القافيتها بالراء ....وحتى في الغناء الفنان لازم يكون مجضم اللغة العربية عشان يوصل المعنى المراد ... رحم الله سيد عبدالعزيز والأمي والمادح علي المبارك .
تحياتي .
Post: #24 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-27-2012, 10:50 AM Parent: #21
رضا....حبابك والله
Quote: من أصعب القصائد القافيتها بالراء ....وحتى في الغناء الفنان لازم يكون مجضم اللغة العربية عشان يوصل المعنى المراد ...
كمان مية بالمية..
رحمهم الله جميعاً..
شكراً ليك يا أمير..
...
.
Post: #23 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-27-2012, 10:46 AM Parent: #20
العزيز محمد اللمين موسى...
Quote: هذه الأغنية البديعة التي احتفت بقافية الراء لدرجة الإشباع... هذه الأغنية من الأغنيات التي تطرب الوجدان وتنعش الروح... أخونا خدر حلق بها بعيدا ناشدا الإمتاع والصفاء.
مية بالمية بدون إشري على قول دعاية هيد آند شولدرز..
شكراً لحضورك يا جميل..
.. .
Post: #22 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-27-2012, 10:42 AM Parent: #19
جنابو عمر الصفوة...
طارق أبو عبيدة ما يحتاج....
واحدة من أميز مزايا طارق إنه بيحب بادي محمد الطيب...
..
شكراً ليك كتير..
.
Post: #25 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: سلمى الشيخ سلامة Date: 09-27-2012, 12:14 PM Parent: #11
هسى البوست دا يدخلوه كيفن ؟ خاتى لينا صورة شيخنا الجميل على المبارك وسالتنا عن اغنية يؤديها حبيبنا الجميل وشيخ الطرب الاصيل بادى محمد الطيب رحمة الله عليهما على المبارك وبادى فبينهما تمددت افرع محبتنا شجرتها لاتمس جذورها سوى القلب مبذولة محبتهما للناس والحب والحياة على المبارك يشجينى حد البكاء التقيه دائما "كنت " على باب الاذاعة يجئ بالبوكس التايوتا مبتغيا فضل الجمال الذى كان يبثه من خلال عديد برامج فى الاذاعة ايام كان البلد يلمنا ويجئ شيخى بادى محمد الطيب "ابونا وحبنا وساكن حينا " كان يجاورنا فى الحى لذلك كانت معظم حفلاتنا يحييها بادى والما غنى ليهو بادى ما عرس ...! شكرا ليك يا جميل على هذا العالم الجميل الذى ادخلتنا متنه
Post: #26 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-27-2012, 05:44 PM Parent: #25
(الأخ) (الأستاذ) (المخرج) الإذاعي "سلمى الشيخ سلامة"...
كيفك يا ست الناس؟؟ علك طيبة يمة؟؟
Quote: هسى البوست دا يدخلوه كيفن ؟
كأنك السحابة تستأذن الأرض الهطول...
صبي في أي حتة وفي أي وقت ومن أي الأبواب ادخلي..
كنت سأقترح عليك همساً وجهراً أن: ادخلي من باب المحبة..
فإذا بك أووووووووولريدي عارفة الباب بجنس الكلام دا:
Quote: خاتى لينا صورة شيخنا الجميل على المبارك وسالتنا عن اغنية يؤديها حبيبنا الجميل وشيخ الطرب الاصيل بادى محمد الطيب رحمة الله عليهما على المبارك وبادى فبينهما تمددت افرع محبتنا شجرتها لاتمس جذورها سوى القلب مبذولة محبتهما للناس والحب والحياة على المبارك يشجينى حد البكاء التقيه دائما "كنت " على باب الاذاعة يجئ بالبوكس التايوتا مبتغيا فضل الجمال الذى كان يبثه من خلال عديد برامج فى الاذاعة ايام كان البلد يلمنا ويجئ شيخى بادى محمد الطيب "ابونا وحبنا وساكن حينا " كان يجاورنا فى الحى لذلك كانت معظم حفلاتنا يحييها بادى والما غنى ليهو بادى ما عرس ...!
ثم إنك في خيطنا عن شيخ علي قدس الله سره ..تفضلت بجميل الكلام
وحديث العارفين...فما عدمناك..ولا حرمنا الله طلتك المليحة..
سلِمتِ يا سلمى بت الشيخ سلامة..
..
.
Post: #27 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Rawia Date: 09-28-2012, 00:57 AM Parent: #26
من يوم شفت البوست وانا بفتش فيها بصوت بادي قلت مابجي بايدي فاضية عند طارق برضو ختيرة إنجوي إيت
Post: #28 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-28-2012, 01:08 AM Parent: #27
سمحة جيتك لينا في رقبتها دي
ثم انو مافي زول قال ليك جيبي لينا اكتر من راوية
كلير؟
* التعديل لتصحيح حرف واااااحد بس..والله العظيم صحي...
الاخ العزيز محمد مصطفي لك التحايا اضافة لكلام دكتور القرشي وعمنا صديق الموج سمعت باضاني الراحل بادي محمد الطيب في برنامج اسماء في حياتنا زكر انه كيف تحصل على هذه الاغنيه وعند من وجد اللحن لانه لايوجد تسجيل موثق للحن بصوت سرور وحينما تطرق للشاعر زكر ان كاتبها هو سيد عبدالعزيز وسمعت باضاني برضو مره علي مصطفي (الدكشنري) نسبها لسيد عبدالعزيز
Post: #30 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-29-2012, 06:52 AM Parent: #29
العزيز حمزة الكوبي..سلام جاك..
Quote: اضافة لكلام دكتور القرشي وعمنا صديق الموج سمعت باضاني الراحل بادي محمد الطيب في برنامج اسماء في حياتنا زكر انه كيف تحصل على هذه الاغنيه وعند من وجد اللحن لانه لايوجد تسجيل موثق للحن بصوت سرور وحينما تطرق للشاعر زكر ان كاتبها هو سيد عبدالعزيز وسمعت باضاني برضو مره علي مصطفي (الدكشنري) نسبها لسيد عبدالعزيز
ولو إنه بعد "حديس" دكتور أحمد القرشي لم يعد هنالك من شك
في نسب الأغنية لشاعرها العملاق سيد عبدالعزيز ، إلا أنه تأكيدك
برضو بيخدم المصالح العليا لهذا البوست..خاصة عندما يتم إيراد أسماء
زي بادي وأسماء في حياتنا وعمنا علي مصطفى الدكشنري وسيد عبدالعزيز
كدا ما خليت ناقصة للسيرش إنجين...
تسلم ياخ..
..
Post: #31 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-29-2012, 06:55 AM Parent: #30
ثم أجزل الشكر وعاطر الثناء على
الأخ المهندس بكري أبوبكر لنقل الخيط إلى هذا الربع الجديد
لمزيد من الإطلاع والتفاعل إن شاء الله..
..
.
Post: #32 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 09-29-2012, 08:32 PM Parent: #31
ثم الثناء العاطر للجميل الموسوعي دكتور أحمد القرشي
على المكالمة المليئة بالوفاء وجميل الذكريات
الدكتور قال كلام كتير ومثير وخطير عن بادي
وفي الطريق مشاريع توثيقية عملاقة
فا......stay tuned
..
.
Post: #33 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 10-13-2012, 03:43 AM Parent: #32
*
>
Post: #34 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: خالد العبيد Date: 10-13-2012, 04:05 AM Parent: #33
اسمعها دائما بصوت خدر ونهى عجاج
Post: #35 Title: Re: جاروا أهلك..هل هي للأمي أم لسيد عبدالعزيز؟؟؟؟ Author: Mahmoud Mustafa Mahmoud Date: 11-10-2012, 09:48 PM Parent: #34
