Post: #1 Title: صورة نادرة من ( عيزومة) زواج الطيب شيقوق 1964م!! Author: هشام هباني Date: 09-27-2012, 02:52 AM
Post: #2 Title: Re: صورة نادرة من ( عيزومة) زواج الطيب شيقوق 1964م!! Author: معاوية المدير Date: 09-27-2012, 02:55 AM Parent: #1
في صينية ما فيها رغيف !!! دي ملآحظة مني.
هو الطيّب اكِنو من الزمن دآك معرس !!!؟ أكان كدي تاريهو عجوز غابرين.
سلآمات يا هباني...
Post: #3 Title: Re: صورة نادرة من ( عيزومة) زواج الطيب شيقوق 1964م!! Author: عمر ادريس محمد Date: 09-27-2012, 03:02 AM Parent: #2
وييين الكتشب والنابكن ياعمدة ؟ و مبروك لمولانا وإن تأخرت نصف قرن والتحيات
Post: #4 Title: Re: صورة نادرة من ( عيزومة) زواج الطيب شيقوق 1964م!! Author: محمد مصطفي مجذوب Date: 09-27-2012, 03:19 AM Parent: #3
سلام يا هباني يا موسوعة الليلة شلت حس مولانا شيقوق عديل كدي وزي ما قال ود المدير
Quote: في صينية ما فيها رغيف !!! دي ملآحظة مني. هو الطيّب اكِنو من الزمن دآك معرس !!!؟أكان كدي تاريهو عجوز غابرين.
حكاية عجوز دي نحن ما بنقدر نطول لسانا فيها لكن مولانا زول ...قانون ..وابواتنا الكبار قالو قاضيان في النار ....وثالثهما مشكوك في امره إلا ان يتلطف الله به وين العداله يا مولانا ... صوانيكم واحدات المحشي فيهن جوز جوز .. وواحدات معلمات الله ... بالذمه ده اسمو كلام
Post: #5 Title: Re: صورة نادرة من ( عيزومة) زواج الطيب شيقوق 1964م!! Author: هشام هباني Date: 09-27-2012, 03:34 AM Parent: #4
بعض من شباب الحفلة من حلة البريدانة!!
Post: #8 Title: Re: صورة نادرة من ( عيزومة) زواج الطيب شيقوق 1964م!! Author: هشام هباني Date: 09-27-2012, 03:49 AM Parent: #4
الحبيب البروف محمد المجدوب
تحياتي
Quote: وين العداله يا مولانا ... صوانيكم واحدات المحشي فيهن جوز جوز .. وواحدات معلمات الله ... بالذمه ده اسمو كلام
اكان بقت علي المحشي هينة يا بروف بس انا المزعلني انو اهلنا ناس ( البريدانة) من الزمن داااااك اتفلهموا وخلوا اكل الكسرة واتلحوا الرغيف بعدين بختوها رغيفة كاملة من غير قطيع وبعدين ما في اي ملاحات!!
Post: #18 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 06:53 AM Parent: #4
ود المجذوب
وين العداله يا مولانا ... صوانيكم واحدات المحشي فيهن جوز جوز .. وواحدات معلمات الله ... بالذمه ده اسمو كلام
زمان يا ود المجذوب اخوى حتى الصواني تراعى فيها المقامات
Post: #7 Title: Re: صورة نادرة من ( عيزومة) زواج الطيب شيقوق 1964م!! Author: هشام هباني Date: 09-27-2012, 03:43 AM Parent: #3
الحبيب عمر ادريس
Quote: وييين الكتشب والنابكن ياعمدة ؟ و
يا اخوي ناس ( البريدانة) ديل تجيب ليهم ( النابكن) علي النعمة دي افرتقوهو ليك طرقات طرقات و اضربوه ليك مع ام رقيقة وبقية اللواييق زي الترتيب باعتباره نوعا من الكسرة من عيش ( ودالفحل) الفاخر............اما الكاتشب فهو عندهم سيكون في مقام (الحلو)!!
( شيقة ود البريدانة) عارفنو ربيان كسرة وعصايد ومفاريك ولواييق والتحلية احيانا ضلافين و في افضل الاحوال ( لبا) من ضرع غنماية ( نفساء) والسخيل والله مظلوم في غضب الله... بس لكن شكلها العيزومة دي ساوينها طباخين غلاد من سنار ولا الرصيرص بيكون الراحل الناظر يوسف العجب زاتو شيخ المدعوين وربما ااكون تحت تحت الراحل الفريق عبود والراحل طلعت فريد كانوا من ضمن المعازيم!!
Post: #11 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 06:06 AM Parent: #6
Quote: انا المتعجب ليهو انو ناس (البريدانة) ديل شن عرفن بالرغيف والضلع والصحانة الكتيرررة ديك في الزمن دااااااك!!
ههههههها اتاريكم مولعين النار بهنا قطيعة وشمارات
جاييك يا الناظر شايفك فكيت درب حوش بانقا واتلهمت البردانة
يا هباني بالجد انت عايز ترجعني لايام الزمن الجميل
جميل برجالو جميل بحريمو جميل بتكافلو الاجتماعي
والله يا الناظر لا انسى وانا صغير لما يكون في عرس في بيتنا راسي بتظلط من مراسيل من نوع - شيل الصينية دى وديها جدك فلان ودي شيخ فلان ودي هنااااااااك خالك الفي طرف الحلة .
بس بيني وبينك كنت حريمونى خلاص الصينية الفيها المطايب ( رغيف وكدا) بنزوي بيها بعيد من اعين الناس عشان اخمش لي منها طرف رغيفة بس خمشة مجيهة مش مبشتنة عشان تكون زى قطعة السكين وكدا .
كانت الناس بتحترم مهنها . يحضرني هنا موقف من ناس الزمن الجميل - ركز معاى هنا يا مانجل :
اذكر الاستاذ عبد الغفار يوسف المحامي رحمه الله واحد من ركائز حزب الامة في سنجة كان رجل صعب المراس وعكليتة عكلتة نامن غلط .
إستأجر محل في مدينة سنجة من احد التجار وعملها مكتب للمحاماة .
سيد المحل إحتاج لمحله لحاجته الماسة لها وطلب من الاستاذ عبد الغفار إخلاءها له غير ان الاخير تماطل وتماطل رافضا الاخلاء.
اقام المواطن المسكين دعوى اخلاء امام محكمة سنجة ضد الاستاذ عبد الغفار . وطالما ان دعوته ستكون ضد محامي فقد رأي ضرورة تكليف محامي للترافع نيابة عنه فذهب لجميع محامي سنجة للحصول على احدهم للترافع نيابة عنه ضد زميلهم عبد الغفار ولكنهم جميعهم اعتذروا ثم تحرك لمدينة سنار ولم يجد محامي الى ان وصل ود مدني غير انه لم يوفق ايضا في الحصول على محامي يترافع له ضد المحامي عبد الغفار وكان جميع المحامين يتهيبون عبد الغفار المحامي لانه - رحمه الله - يجيد الحيل في تمديد الجلسات .
المهم زولنا بعد خلاص اصابه اليأس ذهب الى الخرطوم وتوسط ساحة المحكمة الجزئية بالخرطوم وصار يصيح بصوت عالي ( الله ينعل دي بلد الما فيها عدالة ولا قانون - المحامين ربنا سلطهم لظلم الناس بدل إقامة العدل بين الناس)
في اللحظة ديك وصل الى ساحة المحكمة الاستاذ احمد خير المحامي رحمه الله وشاهد ليك الراجل دا يصيح ويكورك ( يا حليل العدالة يا حليل العدالة وين العدل وين العدل؟)
استاذنا احمد خير مشى للراجل دا طوالي وقال ليهو مالك شنو الحاصل ليك بتسيئ في العدالة كدا ؟
الراجل حكي لاحمد خير قضيتو مع الاستاذ عبد الغفار يوسف في سنجة واحجام المحامين في تمثيله ضده .
الاستاذ احمد خير قال للراجل طيب يا عمي جلستك متين؟ الراجل قال ليهو بعد اسبوع وبتأريخ كدا . الاستاذ احمد خير فتح مفكرتو وكتب اسم الراجل بتاريخ الجلسة .
اتخيل - وانا بحكي ليك عن ايام الزمن الجميل يا الناظر- احمد خير ركب عربيتو من الخرطوم وجاء نام في سنجة قبل يوم من تاريخ جلسة الراجل . والصباح طوالي اتحرك للمحكمة بدون مطالبة الراجل باي اتعاب .
عندما ندهوا القضية الاستاذ عبد الغفار فوجئ بالاستاذ احمد خير القامة واقف ضده . عبد الغفار استغرب في القضية البسيطة دي البتجيب محامي قامة زى احمد خير من الخرطوم .
عبد الغفار سأل أحمد خير امام القاضي وقال ليهو معقول جاى من الخرطوم لقضية كهذه ؟ احمد خير رد عليه قائلا ( لا ابدا انا جابتني قضية اكبر من قضيتكم هذه - انا جيت لثبيت اركان العدالة التي اهتزت بسبب مواقف الزملاء المحامين من قضية هذا الرجل المسكين)
انا جيت لترسيخ مفهوم شرف مهنة .
استاذنا عبد الغفار اندهش لكلام احمد خير وطوالي اتجه للمحكمة قائلا ( يا مولانا طالما الموضوع هكذا فلا مانع لدي من تسليم المفتاح للمدعي واخلاء المحل فورا)
لسه يا هشام تابع - الراجل المدعي نفسه بعد ما شعر بمواقف احمد خير وإطمأن بوجود عدالة طلع المفتاح من جيبو وقال للاستاذ عبد الغفار ( طالما ثبت امامي هذا الموقف فعلى الطلاق طلاق تلاتة تشيل المفتاح وتقعد في الدكان للابد)
آآآآآآآآآآآآآآآآه من ايام الزمن الجميل يا هباني
Post: #12 Title: Re: صورة نادرة من ( عيزومة) زواج الطيب شيقوق 1964م!! Author: Abdlaziz Eisa Date: 09-27-2012, 06:14 AM Parent: #11
Quote:
( طالما ثبت امامي هذا الموقف فعلى الطلاق طلاق تلاتة تشيل المفتاح وتقعد في الدكان للابد)
( طالما ثبت امامي هذا الموقف فعلى الطلاق طلاق تلاتة يا هباني تشيل البوست للربع الجايي وتقعد في عيزومة شيقوق للابد)
Post: #13 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 06:28 AM Parent: #12
Quote: ( طالما ثبت امامي هذا الموقف فعلى الطلاق طلاق تلاتة يا هباني تشيل البوست للربع الجايي وتقعد في عيزومة شيقوق للابد)
هههههههههههها تعال يا عزو عشان تأكل بكفوفنا لما تتكفى
Post: #16 Title: Re: صورة نادرة من ( عيزومة) زواج الطيب شيقوق 1964م!! Author: عمار عبدالله عبدالرحمن Date: 09-27-2012, 06:42 AM Parent: #13
التحلية
وين تلقوا زي ده الله كريم تلقوا زي ده ,,,
Post: #21 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 07:14 AM Parent: #16
عمار
Quote: وين تلقوا زي ده الله كريم تلقوا زي ده ,,,
دا عنكوليب ناس ضهاري جكس المدينة ما بقدر عليهو علا ينقوهو ليهو ويتغم سااااااااى مرتاح
Post: #14 Title: Re: صورة نادرة من ( عيزومة) زواج الطيب شيقوق 1964م!! Author: عاطف مكاوى Date: 09-27-2012, 06:36 AM Parent: #12
بوست جميل يا هباني ويُنتظر منه الكثير أرجو أن تطلب نقله للرُبع التالي.
Post: #15 Title: Re: صورة نادرة من ( عيزومة) زواج الطيب شيقوق 1964م!! Author: Asim Fageary Date: 09-27-2012, 06:40 AM Parent: #14
Quote: كانت الناس بتحترم مهنها . يحضرني هنا موقف من ناس الزمن الجميل - ركز معاى هنا يا مانجل :
اذكر الاستاذ عبد الغفار يوسف المحامي رحمه الله واحد من ركائز حزب الامة في سنجة كان رجل صعب المراس وعكليتة عكلتة نامن غلط .
إستأجر محل في مدينة سنجة من احد التجار وعملها مكتب للمحاماة .
سيد المحل إحتاج لمحله لحاجته الماسة لها وطلب من الاستاذ عبد الغفار إخلاءها له غير ان الاخير تماطل وتماطل رافضا الاخلاء.
اقام المواطن المسكين دعوى اخلاء امام محكمة سنجة ضد الاستاذ عبد الغفار . وطالما ان دعوته ستكون ضد محامي فقد رأي ضرورة تكليف محامي للترافع نيابة عنه فذهب لجميع محامي سنجة للحصول على احدهم للترافع نيابة عنه ضد زميلهم عبد الغفار ولكنهم جميعهم اعتذروا ثم تحرك لمدينة سنار ولم يجد محامي الى ان وصل ود مدني غير انه لم يوفق ايضا في الحصول على محامي يترافع له ضد المحامي عبد الغفار وكان جميع المحامين يتهيبون عبد الغفار المحامي لانه - رحمه الله - يجيد الحيل في تمديد الجلسات .
المهم زولنا بعد خلاص اصابه اليأس ذهب الى الخرطوم وتوسط ساحة المحكمة الجزئية بالخرطوم وصار يصيح بصوت عالي ( الله ينعل دي بلد الما فيها عدالة ولا قانون - المحامين ربنا سلطهم لظلم الناس بدل إقامة العدل بين الناس)
في اللحظة ديك وصل الى ساحة المحكمة الاستاذ احمد خير المحامي رحمه الله وشاهد ليك الراجل دا يصيح ويكورك ( يا حليل العدالة يا حليل العدالة وين العدل وين العدل؟)
استاذنا احمد خير مشى للراجل دا طوالي وقال ليهو مالك شنو الحاصل ليك بتسيئ في العدالة كدا ؟
الراجل حكي لاحمد خير قضيتو مع الاستاذ عبد الغفار يوسف في سنجة واحجام المحامين في تمثيله ضده .
الاستاذ احمد خير قال للراجل طيب يا عمي جلستك متين؟ الراجل قال ليهو بعد اسبوع وبتأريخ كدا . الاستاذ احمد خير فتح مفكرتو وكتب اسم الراجل بتاريخ الجلسة .
اتخيل - وانا بحكي ليك عن ايام الزمن الجميل يا الناظر- احمد خير ركب عربيتو من الخرطوم وجاء نام في سنجة قبل يوم من تاريخ جلسة الراجل . والصباح طوالي اتحرك للمحكمة بدون مطالبة الراجل باي اتعاب .
عندما ندهوا القضية الاستاذ عبد الغفار فوجئ بالاستاذ احمد خير القامة واقف ضده . عبد الغفار استغرب في القضية البسيطة دي البتجيب محامي قامة زى احمد خير من الخرطوم .
عبد الغفار سأل أحمد خير امام القاضي وقال ليهو معقول جاى من الخرطوم لقضية كهذه ؟ احمد خير رد عليه قائلا ( لا ابدا انا جابتني قضية اكبر من قضيتكم هذه - انا جيت لثبيت اركان العدالة التي اهتزت بسبب مواقف الزملاء المحامين من قضية هذا الرجل المسكين)
انا جيت لترسيخ مفهوم شرف مهنة .
استاذنا عبد الغفار اندهش لكلام احمد خير وطوالي اتجه للمحكمة قائلا ( يا مولانا طالما الموضوع هكذا فلا مانع لدي من تسليم المفتاح للمدعي واخلاء المحل فورا)
لسه يا هشام تابع - الراجل المدعي نفسه بعد ما شعر بمواقف احمد خير وإطمأن بوجود عدالة طلع المفتاح من جيبو وقال للاستاذ عبد الغفار ( طالما ثبت امامي هذا الموقف فعلى الطلاق طلاق تلاتة تشيل المفتاح وتقعد في الدكان للابد)
التحيات لهشام هباني و ودشيقوق وزوارهم في البوست
دا موقف يجب أن يوثق له في دار الوثائق
فعلاً أظهر أحمد خير إحتراماً للمهنة
ولكن بقية المحامين الذين تواطؤوا مع زميلهم لم يعرفوا كيف يحترمون المهنة ويفصلوا ما بين الزمالة وأخلاق المهنة
Post: #17 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 06:50 AM Parent: #15
معاوية
Quote: هو الطيّب اكِنو من الزمن دآك معرس !!!؟ أكان كدي تاريهو عجوز غابرين.
ههههههههههها متزوج سنة 71 وكان عمري 14 سنة يا ود المدير يعني في اولى ثانوي عام
لكن مع ذلك كنت بعرف العب دافوري كويس عشان مافي كفارة وكدا .
متابع ولا سارح؟
Post: #19 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 07:09 AM Parent: #17
ود القرشي
Quote: يا هشام هباني دا ما عرس الطيب شيقوق
لانو الصينية دي ناقصة اهم حاجه بحبها ودشيقوق
وهي الكسرة وام رقيقة
هههههههههههههها بعدين وين جردل البقنية يا د.احمد؟
Post: #22 Title: Re: صورة نادرة من ( عيزومة) زواج الطيب شيقوق 1964م!! Author: وضاحة Date: 09-27-2012, 07:14 AM Parent: #19
Quote: زواج الطيب شيقوق 1964م!!
حولة
Post: #24 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 07:18 AM Parent: #22
Quote: حولة
صحيح كنت صغير لكن رونالديو بس
Post: #25 Title: Re: صورة نادرة من ( عيزومة) زواج الطيب شيقوق 1964م!! Author: othman mohmmadien Date: 09-27-2012, 07:51 AM Parent: #22
سلام يا هشام .... الزمن داك زمن ثلاثة أرادب عشاء ... شيشوق سيروا .. أما الصينية البتشتحوا فيها دي من افرازات الانقاذ ... المهبب ده ... ومن اللازم أن يجلس عليها عشرة أفراد والشبع شبع ... والاكل ده مرصوص كده لو جيت متأخر ما تلومنا ما عندنا ليك حاجة ... في الزمن داك مافي كلام زي ده ...
Post: #23 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 07:17 AM Parent: #15
عاصم فقيري
Quote: دا موقف يجب أن يوثق له في دار الوثائق
فعلاً أظهر أحمد خير إحتراماً للمهنة
والله موقف حقيقي وفعلا يستحق التوثيق بعد ان اندثرت كل تلكم القيم المهنية
Quote: ولكن بقية المحامين الذين تواطؤوا مع زميلهم لم يعرفوا كيف يحترمون المهنة ويفصلوا ما بين الزمالة وأخلاق المهنة
كلام صاح 100%
Post: #26 Title: Re: صورة نادرة من ( عيزومة) زواج الطيب شيقوق 1964م!! Author: Abdlaziz Eisa Date: 09-27-2012, 07:52 AM Parent: #23
Quote:
هههههههههههها تعال يا عزو عشان تأكل بكفوفنا لما تتكفى
بلحيل بنجيكم يا شيقا
بس خلينا نشتري لينا مركب ونعبيها بالدعوات لنجدة الناس هناك من الفيضان
راجين الحفيدة
Post: #27 Title: Re: صورة نادرة من ( عيزومة) زواج الطيب شيقوق 1964م!! Author: فيصل محمد خليل Date: 09-27-2012, 08:04 AM Parent: #26
بوست مخستك ارجو نقله للربع الخالي
اكان عندي انا مابدّي وحق الناس بقالع في
يا ناس البيت هووووي
يا ناس جوا
Post: #30 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 08:15 AM Parent: #27
Quote: بوست مخستك ارجو نقله للربع الخالي
اكان عندي انا مابدّي وحق الناس بقالع في
هههههههها انت فاطي ليك كم سطر؟
Post: #33 Title: Re: صورة نادرة من ( عيزومة) زواج الطيب شيقوق 1964م!! Author: محمد على طه الملك Date: 09-27-2012, 08:23 AM Parent: #27
Quote: لكن رونالديو بس
هههه - فعلا مسنوح .
Post: #28 Title: Re: صورة نادرة من ( عيزومة) زواج الطيب شيقوق 1964م!! Author: rummana Date: 09-27-2012, 08:09 AM Parent: #26
Quote: بعدين في حاجه فنية الطعام دا يفترض من اول صينية يقدم للاكل لانو الفترة الجهزوا فيها بقية الصواني وهذا يحتاج لوقت طويل بكون اكل الصواني الاولى برد
الناس دي تقوم وتقع تحضر في الاكل ود. أحمد القرشي يهرج إنه الاكل برد :) تيبكال سودانيز مان!
-- يا هباني هسه الناس بتقدر على كمية الصواني دي كلها .. غايتو إلا تتشاركها الحلة كلها.. وكل معزوم يجيب صينته معاه.. مافي صواني ناقصة عيش.. الجماعة ديل لسه برصوا في الاكل .. ولا عزاء لأحمد القرشي..!
--- شيقوق .. الموقف الحكيته عن الاستاذ احمد خير جميل فعلا يدل على مدى اهتمام السوداني وتقديره (تقديسه) لمهنته وليس فقط اهتمام بالكسب المادي منها... ناس زمان ما بتكرروا تاني نحن هسه في عصر كل تصرف تقوم بيه بكون بفهم "استثماري"
Post: #29 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 08:13 AM Parent: #26
Quote: بس خلينا نشتري لينا مركب ونعبيها بالدعوات لنجدة الناس هناك من الفيضان
والله ما فضل ليك الا تقول لعولنا ما قاله وزير الداخلية لدى زيارته لهم حيث قال - اصبروا يا ناس الدندر دى كلها ابتلاءات والمؤمن مصاب .
Post: #31 Title: Re: صورة نادرة من ( عيزومة) زواج الطيب شيقوق 1964م!! Author: Ahmed al Qurashi Date: 09-27-2012, 08:22 AM Parent: #29
Quote: الناس دي تقوم وتقع تحضر في الاكل ود. أحمد القرشي يهرج إنه الاكل برد :) تيبكال سودانيز مان!
لكن يا رمانة فائدة تعبهم شنو لو الأكل قدموه بارد
ما في زول بياكلو ليهم
لك كل الود
Post: #32 Title: Re: صورة نادرة من ( عيزومة) زواج الطيب شيقوق 1964م!! Author: وضاحة Date: 09-27-2012, 08:22 AM Parent: #29
شيقا الزمن دااااااااك كان عندكم رقيص عروس
Post: #36 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 08:45 AM Parent: #32
وداحة
Quote: شيقا الزمن دااااااااك كان عندكم رقيص عروس
اتخيلي بصورة شاذة كمان قلّيب ونسّيف وترنح في الصقيعة وعلى رؤوس الاشهاد
Post: #34 Title: Re: صورة نادرة من ( عيزومة) زواج الطيب شيقوق 1964م!! Author: صديق الموج Date: 09-27-2012, 08:23 AM Parent: #29
يا عمدة ............... سلام فى عرس عمو الطيب ده انا كنت صغير وحايم بالملاح بالجردل زى (الفروت سلاد) وما شايف الكسرة لا جردلى يكون ده عرس ود شيقوق كيف ؟؟ لوووووووووووووول،،،
Post: #37 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 08:49 AM Parent: #34
الموج
Quote: فى عرس عمو الطيب ده انا كنت صغير وحايم بالملاح بالجردل زى (الفروت سلاد) وما شايف الكسرة لا جردلى يكون ده عرس ود شيقوق كيف ؟؟
صغير لكن اصلي ما بنسي كنت انت بتبصبص ساااي اتقول عليك لاحق .... اقصد امات طه
Post: #35 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 08:36 AM Parent: #29
روما
Quote: شيقوق .. الموقف الحكيته عن الاستاذ احمد خير جميل فعلا يدل على مدى اهتمام السوداني وتقديره (تقديسه) لمهنته وليس فقط اهتمام بالكسب المادي منها... ناس زمان ما بتكرروا تاني نحن هسه في عصر كل تصرف تقوم بيه بكون بفهم "استثماري"
يا سلام على هذا الرجل فقد سجل مواقف مهنية وسياسية مشرفة لا تنسى اطلاقا اذكر عندما ذهب الاستاذ احمد خير للترافع في قضية امام محكمة الحصاحيصا ، قابله محام تحت التدريب trainee وقال ليهو (يا استاذنا هل لك لي ببعض النصائح والارشادات التي يمكن ان تكون نبراسا لنا في هذه المهنة ؟
فرد عليه استاذنا الراحل أحمد خير (نعم بالحيل يا بني عض بالنواجز على أربعة :-
اولا : القرآن الكريم ثانيا: ابو الطيب المتنبئ ثالثا: The high trees case ) رابعا: قضية القاضي قطران
اطيب الاماني
Post: #38 Title: Re: صورة نادرة من ( عيزومة) زواج الطيب شيقوق 1964م!! Author: saif massad ali Date: 09-27-2012, 09:00 AM Parent: #35
ود هباني
عرس شيقوق مو كده
علا الزمن داك الخروف كان نطط فوق الحوش يقولو ليهو الله يجيب من يضبحك
Post: #39 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 09:28 AM Parent: #38
ود مساعد
Quote: علا الزمن داك الخروف كان نطط فوق الحوش يقولو ليهو الله يجيب من يضبحك
قصة النطيط في الحيشان دي ذكرتني قصة حقيقية
كنت زمان محاميا في مدينة السوكى وكان القاضي المقيم وقتها مولانا فخر الدين حسن عز الدين . كان رجل يحب الجمال ( بفتح الجيم والميم !! ) - كانت له حديقه امام المنزل الحكومي غاية الروعة كان يقوم بريها والاشراف عليها لوحده في العصريات .
بجوار منزل القاضي فخر الدين هذا منزل قاض آخر من اولاد امدرمان . تم نقل ابن امدرمان هذا لبلد آخر وتم استبداله بقاضي كان يعمل في محكمة الدلنج ولقاضي الدلنج هذا غنم تاوري ( غنم الجبال) . ومعروف ان غنم الجبال هذه زى خالتك جنيفر شوهر الامريكية تقفز اعلى الارتفاعات .
اها يا عمك قاضي الدلنج جانا في السوكي بعربية مشحونة عفش ومن خلف تلك الاغنام .
اها بعد اتفرتقنا واي زول فات بيتو حتى القاضي فخر الدين بتاع الزهور والورود رجع بيتو الملاصق لقاضي الدلنج .
اخوك صباح الجمعة جاء مار على القضاة لزوم التحية وكدا - والله يا سيف لقيت ليك القاضي فخر الدين بتاع الزهور خاتي كرسيهو برة مدنقر ومتمحن . قلت ليهو مالك يا مولانا الليلة وشك ما سمح ؟ قال ليك ادخل حوشي داك وشوف الحاصل .
دخلت الحوش لقيت ليك الزهور والورود عيدان بس . قلت ليهو يا الله دا شنو ؟ قال لي دى غنم القاضي الجديد نطت حوشو ودخلت بالليل حوشي وعملت العمائل دي . ومن هسه انا حأتصل برئيس القضاء اما ينقلني او ينقل قاضي التاوري دا .
Post: #40 Title: Re: صورة نادرة من ( عيزومة) زواج الطيب شيقوق 1964م!! Author: محمد مصطفي مجذوب Date: 09-27-2012, 09:58 AM Parent: #39
يا استاذ شيقوق ما قلنا .. النار .. النار يا حبيبي شنو الحكاية
Quote: متزوج سنة 71 وكان عمري 14 سنة يا ود المدير يعني في اولى ثانوي عام
انت ولد جزازير ( جزارين لمتفلهمي البورد) .. بتبلغ من سن 14 ؟ وتعال يا يابا انت بتقول
Quote: راسك بتظلط من مراسيل من نوع - شيل الصينية دى وديها جدك فلان ودي شيخ فلان ودي هنااااااااك خالك الفي طرف الحلة
وين ال evidence يا مولانا وين الجلخات ... وين القعورة الفي نص الراس ده ..حقيقة لهجي محامين ساي دحين براك امرق الذمة ...شوف الاثباتات التي لا تقبل الشك وعاين حقة الناظر شخصيا
Post: #41 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 10:08 AM Parent: #40
ود مجذوب
انت مالك بتحكها نامن تجيب الدم ؟ كمان بى صورها؟
انت الناظر دا قريب الجابري ؟
Post: #42 Title: Re: صورة نادرة من ( عيزومة) زواج الطيب شيقوق 1964م!! Author: عباس محمود Date: 09-27-2012, 10:22 AM Parent: #41
يا جماعة الخير شايلين حس مولانا ساكت , الراجل المشمر جلابيته في الصورة عنده ال Check List عشان يكمل النواقص
بعدين اهل مولانا ديل دايما جاهزين للزيادة ( عليك الله جيب صحن بتاع ....) وده شبيه بما كان يعرف سابقا في المطاعم ( علي ايامنا وايامكم ) بالوصلة
امنياتي بموفور الصحة لمولانا شيقوق والعمدة هباني
Post: #43 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 10:26 AM Parent: #42
Quote: وده شبيه بما كان يعرف سابقا في المطاعم ( علي ايامنا وايامكم ) بالوصلة
لا عباس كان عندها اسم احلى من الوصلة خلى يجينا ود الموج بيكون عارف
Post: #44 Title: Re: صورة نادرة من ( عيزومة) زواج الطيب شيقوق 1964م!! Author: عباس محمود Date: 09-27-2012, 10:41 AM Parent: #43
صديق الموج كان عنده كلمة غير ( انسانية ) للزيادة يورينا ليها
Post: #45 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-27-2012, 10:43 AM Parent: #44
Quote: صديق الموج كان عنده كلمة غير ( انسانية ) للزيادة يورينا ليها
Post: #52 Title: Re: صورة نادرة من ( عيزومة) زواج الطيب شيقوق 1964م!! Author: محمد مصطفي مجذوب Date: 09-27-2012, 06:36 PM Parent: #51
يا ود الشيخ سلام
Quote: الأربعين شنو المابتعرفو
يا زول .. مولاناشيقوق براه جاب سيرة الجردل .. وباعتراف لسانو بالغ اربعتاشر .يعني ناس نحن ديل نجر السنة كلها .. جلا وزد شيقوق حمدو لي سيدو جرو .. كلو .. جواكرو مخاواه ... ام دلدوم تجلي هو ما بجلي. ... فالجواب يا ود الشيخ اخوي واضح من عنوانو ود شيقوق صلاة النبي فوقو بربعن (موص ....وملوص )
متي دخل( الرغيف والتلج) البريدانة ومتي ( قرضت) اول رغيفة في حياتك.... ومتي (ضقت) اول تلجة في حياتك!!
Post: #60 Title: Re: صورة نادرة من ( عيزومة) زواج الطيب شيقوق 1964م!! Author: Motawakil Ali Date: 09-28-2012, 05:17 AM Parent: #59
التحية للناظر و لود شيقوق والجميع ... أعجبني موقف الاستاذ احمد خير المحامي رحمه الله مع محامي سنجة فنقلت القصة لصديقي القاضي المقيم بالقولد طلع بيعرف الطيب شيقوق و قام حكى قصةً ليه مع مولانا امبلي ....تكشف عن التفاوت (الطبقي) بين المحامين والقضاة... ياريت ود شيقوق يحكيلنا القصة دي .. باقي الحكي حلو من خشيم سيدو
ودي
Post: #61 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-28-2012, 05:31 AM Parent: #59
Quote: متي دخل( الرغيف والتلج) البريدانة ومتي ( قرضت) اول رغيفة في حياتك.... ومتي (ضقت) اول تلجة في حياتك!!
تقصد دخل كصناعة ام من المدينة محمولا على اكياس ورق الاسمنت الزمان؟
لا اوعاك تتكلم في التلج اذا كان قصدك الموية البيضاء الجامدة . نحن التلج مما قمنا شفناهو بجي نازل من السماء مع المطرة بس مش زي حقكم المكعبات دا لا دا تلج بلوري مدردم زي ام بنة . تعرف ام بنة؟
Post: #62 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-28-2012, 05:35 AM Parent: #61
متوكل ازيك
Quote: أعجبني موقف الاستاذ احمد خير المحامي رحمه الله مع محامي سنجة فنقلت القصة لصديقي القاضي المقيم بالقولد طلع بيعرف الطيب شيقوق و قام حكى قصةً ليه مع مولانا امبلي ....تكشف عن التفاوت (الطبقي) بين المحامين والقضاة... ياريت ود شيقوق يحكيلنا القصة دي .. باقي الحكي حلو من خشيم سيدو
القاضي المقيم في القولد هو مولانا داوود آدم اسماعيل
Post: #65 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-28-2012, 06:04 AM Parent: #64
Quote: بكاييييين عدييييل؟؟؟؟؟؟
نعم يا متوكل لكنه البكاء الموشح بالقداسة التي استطعت في كثير من الاحيان فك طلاسمها بالنكتة التي افقدت الكثيرين منهم وقارهم فرفعوا الستار وانداحو وانداحو وانداحوا .
ما تقول لي كيف واين ذاك الاندياح.
القاضي المقيم في القولد هو مولانا داوود آدم اسماعيل
احييه اخي متوكل عبر هذه النافذة
Post: #63 Title: Re: صورة نادرة من ( عيزومة) زواج الطيب شيقوق 1964م!! Author: محمد الكامل عبد الحليم Date: 09-28-2012, 05:40 AM Parent: #38
تحية تناجي عاصفير البطن....وتمنع الناس الكلام ...حيث لا كلام علي الطعام ...ناس هباني وود شيقوق ..
(لعمرك قد نامت عيون غريرة واضحي علي النار الندي والمحرق).....يقال انه من اجود ما قيل من شعر عن الكرم....ديل اجداد مولانا شيقوق حيث يقترن الجود ليس فقط بالموجود بل بالبشاشة التي تكسو الكريم طلاوة وحلاوة...
وزولنا يا شيقوق يقول....يبدو الغير علي ذاتهم...ويقسمو اللقمة بيناتهم ...حتي ان كان مصيرهم جوع....
لذك لا بد ان تسير بذكر كرمكم الركبان...
Post: #66 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-28-2012, 06:08 AM Parent: #63
Quote: تحية تناجي عاصفير البطن....وتمنع الناس الكلام ...حيث لا كلام علي الطعام ...ناس هباني وود شيقوق ..
(لعمرك قد نامت عيون غريرة واضحي علي النار الندي والمحرق).....يقال انه من اجود ما قيل من شعر عن الكرم....ديل اجداد مولانا شيقوق حيث يقترن الجود ليس فقط بالموجود بل بالبشاشة التي تكسو الكريم طلاوة وحلاوة...
وزولنا يا شيقوق يقول....يبدو الغير علي ذاتهم...ويقسمو اللقمة بيناتهم ...حتي ان كان مصيرهم جوع....
لذك لا بد ان تسير بذكر كرمكم الركبان...
صباحك يا الزول السمح تكر خيرك بالحيل
لا تضن علينا بهذه الدرر واللآلي يا صديقي
Post: #67 Title: Re: صورة نادرة من ( عيزومة) زواج الطيب شيقوق 1964م!! Author: الفاتح ميرغني Date: 09-28-2012, 06:32 AM Parent: #38
Quote: انا المتعجب ليهو انو ناس (البريدانة) ديل شن عرفن بالرغيف والضلع والصحانة الكتيرررة ديك في الزمن دااااااك!!
يا هشام ياخ شيقا من زمان ركازة مسنود ومركز ضيفان ومركز زلزال وبراكين زاتو( لوووول). يا خالد عبدالله محمود حكاية " البوفيه المفتوح" دي هاتريك عديل. شكرا هشام هباني محبتي
Post: #69 Title: Re: صورة نادرة من ( عيزومة) زواج الطيب شيقوق 1964م!! Author: Motawakil Ali Date: 09-28-2012, 08:10 PM Parent: #68
Quote: نعم يا متوكل لكنه البكاء الموشح بالقداسة التي استطعت في كثير من الاحيان فك طلاسمها بالنكتة التي افقدت الكثيرين منهم وقارهم فرفعوا الستار وانداحو وانداحو وانداحوا .
ما تقول لي كيف واين ذاك الاندياح.
كيف ؟ و أين ذلك الاندياح؟؟؟
إلا تكون (ما) المحمرة فوق دي ناهية دارجية.........
تحياتي
Post: #70 Title: Re: صورة نادرة من ( عيزومة) زواج الطيب شيقوق 1964م!! Author: الطيب شيقوق Date: 09-29-2012, 04:13 AM Parent: #69
متوكل
Quote: كيف ؟ و أين ذلك الاندياح؟؟؟
بشرط ان نرمز للاسماء ب X & Z
Quote: إلا تكون (ما) المحمرة فوق دي ناهية دارجية.........
نعم (ما) ناهية ، وإزالتها معلق على شرط الالتزام بما ورد اعلاه
Post: #71 Title: Re: صورة نادرة من ( عيزومة) زواج الطيب شيقوق 1964م!! Author: Motawakil Ali Date: 09-29-2012, 04:53 AM Parent: #70
Quote: بشرط ان نرمز للاسماء ب X & Z
ماشي يا مولانا.. التزام حرفي... ... وقبلها صباحك خير
Post: #72 Title: Re: صورة نادرة من ( عيزومة) زواج الطيب شيقوق 1964م!! Author: MOHAMMED ELSHEIKH Date: 09-29-2012, 05:00 AM Parent: #71
Quote: يا ود شيقوق
متي دخل( الرغيف والتلج) البريدانة ومتي ( قرضت) اول رغيفة في حياتك.... ومتي (ضقت) اول تلجة في حياتك!!
ما تفط البستي كولا ياناظر انا عندي معاها قصة طريفة جاييكم
Post: #73 Title: Re: صورة نادرة من ( عيزومة) زواج الطيب شيقوق 1964م!! Author: حسن طه محمد Date: 09-29-2012, 06:52 AM Parent: #72
اذكر عندما كنت محاميا في مدينة السوكي كانت اغلب القضايا التي يتم تكليفي للدفاع فيها هي قضايا مخالفات الرعاة لقانون حمايـــــــــــــة الحياة البرية ( دخولهم محمية الدندر او حظيرة الدندر) – قانون حماية الحياة البرية ينص في مواده العقابية على معاقبة كل صاحب اغنام او ابقار او ابل يخالف ذلك القانون بمصادرة 50% من الحيوانات التي يدخل بها حظيرة الدندر . الشاهد هو ان حظيرة الدندر مفتوحة الحدود والفاصل بينها واراضى المزارعين او الاراضي التي تجاورها فقط سكّينة موتر قريدر بجروها او يحرتوها سنويا بعد انتهاء موسم الامطار – اى شهر اكتوبر تقريبا - وعلى طول 350 كيلو متر تخيل!!! . عرض هذا الخط المحروت بالموتر قريدر لا يتجاون 3 او اربعة امتار . اها يا متوكل ركز معاى كويس _ اغلب مخالفات الرعاة بتكون شهر ستة او سبعة وعادة عندما يتأخر هطول الامطار في مواقع الرعي السائبة اى الغير محظورة . خلال هذه الاشهر – اي بدايات الخريف – بيكون المطر نزل جهة الحظيرة بكثرة لانها منطقة ثافنا غنية ولذا يضطر الرعاة التغلغل داخل الحظيرة مهما كانت المخاطر ( عقوبة مصادرة ال 50%) . وخلال هذه الايام تتزايد البلاغات ضد الرعاة فيقبض عليهم ويقدمون للمحاكمة وبعدئذ ياتي وجهاء القبيلة التي يتبع اليها المتهمون المقبوض عليهم للمحامي لانهم يجيدون شرح ابعاد القضية للمحامي . زى ما قلت ليك جعلتني تلك القضايا وبتكرارها اتخصص فيها وابدع في فن ال cross-examination لشهود الاتهام . خليك متابع عشان اوريك – في الحلقة الجاية - القاضي المحسي الجابوهو لينا من الشمالية وما ناقش حاجة عن مرامي ال cross وانا متجدع في محكمتو بطبيعة الاعشاب التي تنمو هناك وتغطى تلك السكينة مع بدايات الخريف .
قضية دفاعي ترتكز على عدم علم الرعاة بوجود خط فاصل لانه اندثر بسبب الحشائش التي نمت عليه او زحفت من اطرافه كالتبر والحنتوت والحميض والدمبلاب والانيس والعدار و البوص وعييييييييييك كمية من اسماء الحشائش التي كنت اسأل الشاهد عن تواجدها هناك وقاضينا المحسي ما ناقش اى حاجة . زهج من الاسئلة ورمى قلمو في الطاولة وقال لي شيقوق طلعت .....ي انت قاصد شنو بكلامك دا ؟ قلت ليهو نعم انا قاصد اطلع ....ك انت وقت ما عارف كلامي دا جاي قاضي هنا لشنو ارجع لنخيلك وفولك ومحريبك ولسه الكلام الغريق ما جيتك ليهو انتظر بس .
كنت محاميا بمدينة الدندر وكانت تتدرب معي محامية بالحيل سمحة مكسرة الناس كوووولهم . الواحد اكان ما عندو توثيق مبايعة بفتش ليهو دريب عشان يكون شاهد في التوثيق و يجي يملأ بطاريتو في الصيدة الفي مكتب ود شيقوق . المحامية دي كانت دائما تصحى بدري عشان تمشي معاى في العربة لاندروفر استيشن وتحضر الجلسات اكان في سنجة او السوكي او سنار واحيانا مدني . كان القضاة في تلك المنطقة بقلبوا يومياتهم او مفكراتهم يوميا عشان يعرفوا ود شيقوق عندو جلسة معاهم ولا لا .
في يوم من الايام جيت محكمة السوكي والمحامية السمحة ما معاى اليوم داك . اها القاضي سمع صوتي برة عالي مع الموظفين صلح قعدتو سمح متخيل ود شيقوق جاي ومعاهو ال.... اهلو . لما دخلت من الباب القاضي عاين بوراي ما شاف حاجة ووشو اتغير . انا بالحيل زعلت وطوالي قلت ليهو مالك يا مولانا وشك اتغير ؟ افو افو يا ود شيقوق اخر عمرك بقت تمامتك عند إنتا............ة؟
Post: #85 Title: Re: صورة نادرة من ( عيزومة) زواج الطيب شيقوق 1964م!! Author: Motawakil Ali Date: 09-29-2012, 08:35 PM Parent: #83
Quote: في يوم من الايام جيت محكمة السوكي والمحامية السمحة ما معاى اليوم داك . اها القاضي سمع صوتي برة عالي مع الموظفين صلح قعدتو سمح متخيل ود شيقوق جاي ومعاهو ال.... اهلو . لما دخلت من الباب القاضي عاين بوراي ما شاف حاجة ووشو اتغير . انا بالحيل زعلت وطوالي قلت ليهو مالك يا مولانا وشك اتغير ؟ افو افو يا ود شيقوق اخر عمرك بقت تمامتك عند إنتا............ة؟
ده اسمو البكا ال (BY COURT} يا ود شيقوق
قلت لي سطحت بمولانا المحسي؟؟ انت ما شفت اهلكم لما يجونا في الشمالية كيفن بيسطحوا بالقيراط والسهم والجنزير والخشم والسوبيكات والتقاند
