Post: #1
Title: اليوم اكملت 5 سنوات فى الفيسبوك..منو الاقدم منى؟
Author: النصرى أمين
Date: 09-28-2012, 06:38 AM
Parent: #0
<>
تقديراتى ان واحد فى المائة فقط من عضوية المنبر ده اقدم منى فى الفيسبوك
سبب تسجيلى لان قرات خبر صغير يقول ان مايكروسفت اشترت 6% من اسهم فيسبوك
|
Post: #2
Title: Re: اليوم اكملت 5 سنوات فى الفيسبوك..منو الاقدم منى؟
Author: Ahmed musa
Date: 09-28-2012, 06:47 AM
Parent: #1
تاريخ التسجيل ده بجيبوه من وين ؟؟ عموما صلاح غريبة بكون من المؤسسين للفيسبوك
|
Post: #3
Title: Re: اليوم اكملت 5 سنوات فى الفيسبوك..منو الاقدم منى؟
Author: النصرى أمين
Date: 09-28-2012, 06:58 AM
Parent: #2
سلام احمد اسهل طريقة ...اضغط على اسمك فى اعلى شمال صفحة الفيسبوك الرئيسية. على اليمين تجد هامش فيهو اصدقائك وماذا يكتبون فى تلك اللحظة على شمال (او يمين) الهامش تلقى timeline اعلاه سنة 2012 وينزل لغاية born
|
Post: #4
Title: Re: اليوم اكملت 5 سنوات فى الفيسبوك..منو الاقدم منى؟
Author: كمال علي الزين
Date: 09-28-2012, 07:11 AM
Parent: #3
(*)
سلامات اخي النصري وعقبال مية سنة فيس بوك (:
عادل سالم عاوزك ضروري اتصل عليهو وما تحاول بالفيس بوك عشان هو لسا ماسمع بيهو (:
|
Post: #5
Title: Re: اليوم اكملت 5 سنوات فى الفيسبوك..منو الاقدم منى؟
Author: محمد إبراهيم علي
Date: 09-28-2012, 08:39 AM
Parent: #4
انا ما اقدم منك لكن بعدك بشوية
|
Post: #6
Title: Re: اليوم اكملت 5 سنوات فى الفيسبوك..منو الاقدم منى؟
Author: Mohamed Ibrahim Ahmed
Date: 09-28-2012, 09:26 AM
Parent: #5
لوووول زمن لكن
|
Post: #7
Title: Re: اليوم اكملت 5 سنوات فى الفيسبوك..منو الاقدم منى؟
Author: مهدي صلاح
Date: 09-28-2012, 12:05 PM
Parent: #6
انا برضو كملت الخمسة سنوات .. رغم كدا انا اعتبر نفسي (كائن غير فيسبوكي) بامتياز لجهة قلة ارتياد الفيس وعدم المعرفة بحاجات تعتبر اساسية في الفيسبوك
التحية لكم جميعا وتحية خاصة لدفعة 2007 فيس
|
Post: #8
Title: Re: اليوم اكملت 5 سنوات فى الفيسبوك..منو الاقدم منى؟
Author: عمران حسن صالح
Date: 09-28-2012, 12:21 PM
Parent: #7
إتفسبكنا قبلكـ يا النصري بس ندين ليكـ بالفضل ( إتوترتنا ) وغردنــا بعدكـ
|
Post: #9
Title: Re: اليوم اكملت 5 سنوات فى الفيسبوك..منو الاقدم منى؟
Author: احمد محمد بشير
Date: 09-28-2012, 12:24 PM
Parent: #7
وين يا دفعة .. سلامات . :)
عندي 2 حساب في الفيسبوك. واحد للرمتالة وواحد للعائلات
|
Post: #10
Title: Re: اليوم اكملت 5 سنوات فى الفيسبوك..منو الاقدم منى؟
Author: عمار محمد ادريس
Date: 09-28-2012, 12:28 PM
Parent: #9
Joined Facebook March 24, 2007
|
Post: #11
Title: Re: اليوم اكملت 5 سنوات فى الفيسبوك..منو الاقدم منى؟
Author: مهدي صلاح
Date: 09-28-2012, 01:51 PM
Parent: #10
العرب قالوا عايزين يعملوا (كتاب وجه) خاص بيهم:
Quote: شركات الاتصالات العربية تدرس إنشاء موقع منافس للفيسبوك تدرس عدة شركات اتصالات كبيرة في الوطن العربي إنشاء شبكة تواصل اجتماعي ينافسون بها الفيسبوك وتويتر لتحقيق المزيد من الإيرادات، حيث أن الإيرادات الحالية لا تحقق الأهداف المرجوة على حد قولهم.
ويعتبر السوق العربي خصباً لمثل هذه المشاريع وخاصةً مع تواجد أكثر من 350 مليون مستخدم عربي للإنترنت يتشاركون في اللغة والثقافة والعادات والتقاليد وهذا ما قد يسهل مهمة هذه الشركات في إنشاء شبكة تواصل تراعي هذه الثقافة المشتركة |
|
Post: #12
Title: Re: اليوم اكملت 5 سنوات فى الفيسبوك..منو الاقدم منى؟
Author: اميرة السيد
Date: 09-28-2012, 03:14 PM
Parent: #11
والله يا النصري لو تصدق لغاية هسع انا ما بعرف الفيس بوك ده بينضموا ليه كيفن و لا عارفة الغرض من الانضمام شنوا .. حتى ولا عارفة بيفتحوا صفحة الفيس بوك كيفن.. واذا سمحت تدينا فكرة شاملة وكاملة عن هذه المسألة .. لأني بسمع دائما واحد يقول افتح صفحتي في الفيس بوك.. ادينا فكرة كيف افتح صفحة اي واحد في الفيس بوك..طبعا حتقول لي متخلفة تكنلوجيا.. !! بصراحة ده الحاصل.. والله يديك العافية
|
Post: #13
Title: Re: اليوم اكملت 5 سنوات فى الفيسبوك..منو الاقدم منى؟
Author: أيمن دياب
Date: 09-28-2012, 03:31 PM
|
Post: #14
Title: Re: اليوم اكملت 5 سنوات فى الفيسبوك..منو الاقدم منى؟
Author: Motawakil Ali
Date: 09-28-2012, 04:17 PM
Parent: #13
دفعة 2009 وكان زميلي المنبر عادل عبد العاطي وعزام حسن فرح من أوائل الأصدقاء
ولك التحية اخي النصري
|
Post: #15
Title: Re: اليوم اكملت 5 سنوات فى الفيسبوك..منو الاقدم منى؟
Author: Abdelrahim Elamin
Date: 09-28-2012, 04:57 PM
Parent: #14
من خريجي دفعة 2007 للفيسبوك
تحياتي
|
Post: #16
Title: Re: اليوم اكملت 5 سنوات فى الفيسبوك..منو الاقدم منى؟
Author: النصرى أمين
Date: 09-28-2012, 05:49 PM
Parent: #15
اهلا يا شباب .... والله استغربت اشد استغرابة لمن لقيت البوست ده حى وبفرفر كمان...
عملتو امس على اساس انه حيتارشف (بالاضافة الى حراق الروح)
فيسبوك اتفتح للجمهور فى سبتمبر 26 2007 (حسب ويكيبيديا) الغريب نفس المصدر يقول انه مايكروسفت اشترت 1.6% من اسهم الشركة فى اكتوبر 2007 مع انى متاكد جدا جدا انى فى سبتمبر 2007 قريت الخبر فى قووقل وجيت وسجلت واديتهم الباسوورد بتاع الايميل الاساسى بتاعى ....قلت فى سرى لو الشغلانه طلعت بانى مانى حاطارد مايكروسفت ,,,,,,,
لمن مشيت السودان فبراير 2008 لقيت عدد محدود جدا (اغلبهم من طلبة الجامعات) بستعملوه .....
بالرغم كل شئ كنت (ولازلت) اتمنى ان يتفوق برنامج قووقل بلص و لكن يبدو ان ذلك لن يحدث فانا كمستهلك مثالى اظل وفى لسلعتى المفضلة سنين وسنين ..كمثال لازلت استعمل صابون الحمام كامى camay منذ وانا طفل حيث كانت الحاجة (يرحمها الله) تحضره من الحج ....بينما كان الشباب فى البيت "يتقاتلون" حول شنط السفر كنت انا احظى بدستة او دستين صابون كامى .....
هذا الوفاء الاستهلاكى استفادت منه شركات الدعاية وعملت جاهدة ان تضع بصمتها فى دماغ المستهلك منذ صغره
نرجع للموضوع
يااميرة ...ميزة فيسبوك الاساسية هى التواصل الاجتماعى ..... اتخيلى مثلا انك عملت مجموعة خاصة فى الفيسبوك تضمن فقط ناس بيتكم المنتشرين فى جميع انحاء العالم ...يمكنكم داخل هذه المجموعة المغلقة التواصل مع بعض بحرية تامة ..يمكنكم انزال صور خاصة بناس البيت دون خوف من تسربها لبحر الانترنت الغريق ,,,,,,,
انا شخصيا الصفحة الرئيسية ليس بها شئ يزكر ....الفيلم كله فى المجموعات خاصة السرية التى لا يراها احد نصيحة اخيرة يااميرة لا تقبلى اى طلب صداقة يصلك .... مش لؤم لكن there is no point التسجيل ساهل ولا ياخد سوى دقيقتين حاجة اخيرة اتاكدى من احكام وضعية خصوصية الحساب ..... شوية شوية حتتعودى وتبقى لينا زى واحد اخونا هنا جننا جن بالفيسبوك
|
Post: #17
Title: Re: اليوم اكملت 5 سنوات فى الفيسبوك..منو الاقدم منى؟
Author: عمران حسن صالح
Date: 09-28-2012, 06:34 PM
Parent: #16
طبعاً أنا كانت عندي نظريات طلعت كلها عنجهية سودانية الأصل نظرية ياخي جوال شنو الذكي ؟مش باها ألو البتجيكـ وبترسله دي ولا شي تاني ؟ اتضح لي أن مكتبي بكل تفاصيل عروض أسعاره وصور انتاجه واهتمامات عملائه أحملها الآن في هاتفي وينطبق الموضوع على الفيس اللقيت فيهو ناس لا أعرف عنهم شي منذ عشرات السنين وفجأه ألقاهو متصور مع شفع وكلو شيب :) .. ناس الغربة يخيل لي أكتر فائدة من اللسة جوة البلد ابني الوحيد محمد يتونس مع من تعرف عليهم من أهله في الاجازة أو حتى الذين لم يقابلهم يستمر التواصل بينهم باعتبارهم داخل حوش واحد
|
Post: #18
Title: Re: اليوم اكملت 5 سنوات فى الفيسبوك..منو الاقدم منى؟
Author: Mohamed Foto7li
Date: 09-28-2012, 11:19 PM
Parent: #17
Salam
|
Post: #19
Title: Re: اليوم اكملت 5 سنوات فى الفيسبوك..منو الاقدم منى؟
Author: smart_ana2001
Date: 09-29-2012, 00:34 AM
Parent: #18
November 16, 2007
|
Post: #20
Title: Re: اليوم اكملت 5 سنوات فى الفيسبوك..منو الاقدم منى؟
Author: Rawia
Date: 09-29-2012, 01:34 AM
Parent: #19
December 27, 2007
___ دا أقدم واحد
|
Post: #21
Title: Re: اليوم اكملت 5 سنوات فى الفيسبوك..منو الاقدم منى؟
Author: فايزودالقاضي
Date: 09-29-2012, 03:34 AM
Parent: #20
Quote: December 27, 2007
___ دا أقدم واحد |
ديسمبر ده شهر 12 ياراوية .. يعني آخر شهر في سنة 2007م فكيف يكون الاقدم ؟!!
|
Post: #22
Title: Re: اليوم اكملت 5 سنوات فى الفيسبوك..منو الاقدم منى؟
Author: مريم بنت الحسين
Date: 09-29-2012, 05:48 AM
Parent: #21
November 2, 2007
راوية عندها اكتر من حساب، التاريخ الجابته ده تاريخ اقدم واحد فيهم
النصري ازيك
|
Post: #23
Title: Re: اليوم اكملت 5 سنوات فى الفيسبوك..منو الاقدم منى؟
Author: Amin Salim
Date: 09-29-2012, 05:52 AM
Parent: #21
الى الأن انا اقدم زول
|
Post: #24
Title: Re: اليوم اكملت 5 سنوات فى الفيسبوك..منو الاقدم منى؟
Author: النصرى أمين
Date: 09-29-2012, 06:26 AM
Parent: #23
حتى تاريخ اليوم 28 سبتمبر اقدم خمسة هم ((((((غايتو عدم موضوع مبالغ فيهو))))
الاول امين سالم الثانى محمد ابراهيم احمد الثالث عمار محمد ادريس الرابع محمد فتحولى الخامس عمران حسن صالح
فليتقدموا الى المنصة لاستلام جوائزهم
|
Post: #25
Title: Re: اليوم اكملت 5 سنوات فى الفيسبوك..منو الاقدم منى؟
Author: إدريس البدري
Date: 09-29-2012, 06:36 AM
Parent: #24
April 17, 2007
|
Post: #26
Title: Re: اليوم اكملت 5 سنوات فى الفيسبوك..منو الاقدم منى؟
Author: النصرى أمين
Date: 09-29-2012, 06:36 AM
Parent: #24
نتمنى حظا اوفر لبقية المتسابقين
المسابقة الان ماهو اقدم ايميل لازلت تحتفظ بى (ومافى داعى للكضب)
انا اول ايميل عملته كان سنة 2000 مع محركة بحث اسمه التافستا ولا شنو ماعارف .... لكن اقدم ايميل لا زلت احتفظ من واحد من ايميلاتى المتعددة كان بتاريخ 5 اغسطس 2005 من قائمة الخريجين بموقع سودانيزانلاين
كدى نراجع بقية الايميلات يمكن نلقى حاجة اقدم
|
Post: #27
Title: Re: اليوم اكملت 5 سنوات فى الفيسبوك..منو الاقدم منى؟
Author: النصرى أمين
Date: 09-29-2012, 06:48 AM
Parent: #26
من الايميل التانى لقيت رسالة اقدم شوية بتاريخ 18 ابريل 2003
ال yapjack ده من اوائل اجهزة الاتصالات عن طريق الانترنت ..اشتريت 2 من ebay ورسلتهم السودان المطلوب فقط خط تلفون ارضى ليشتغل..الموضوع طرشق والجهازين اترمو فى الزبــالة
|
Post: #28
Title: Re: اليوم اكملت 5 سنوات فى الفيسبوك..منو الاقدم منى؟
Author: مهدي صلاح
Date: 09-29-2012, 08:17 AM
Parent: #27
استاذ النصري سلام انتا صعبت المسألة على ضميري بطلبك تحري الصدق ....أقدم تاريخ في ايميلي في الياهو لقيتو ديسمبر 2007 حتى بالامارة هي رسالة من النصابين ديلك بتاعين: في مبلغ كبير في بنك وعايزين يحولوه وطالبين مساعدتك نظير عمولة معلومة وشوية شوية حيقولو ليك حول لينا مبلغ نبدا بيهو الاجراءات على ان يخصم المبلغ المحول من نصيبك من العمولة ...انا متاكد انو ايميلي دا انا عملتو بالميت في 2003 او 2004 لكن بكون مسحت الرسائل الاولى
رجائي ممن لديه فكرة ، يفتيتنا في الحتة بتاعت كيف تعرف تاريخ انشاء ايميلك ، عندي ايميل في الهوتميل لا يقل قدما عايز اعرف تاريخ التدشين حقو
|
Post: #29
Title: Re: اليوم اكملت 5 سنوات فى الفيسبوك..منو الاقدم منى؟
Author: Abureesh
Date: 09-29-2012, 02:20 PM
Parent: #28
سلام النصرى
أول مرة أشترك فى الإنترنت كانت عام 1992 وشـركة الإنترنت انذاك كان اسمها بروديجى Prodigy بالإشتراك مع ستى بانك ومحلات سيـرز للتسوق أونلاين.. ستى بانك ارسل لى سى دى فيها المتصفح بروديجى، ثم اسم مستخدم وباسوورد for online banking
واول إيميل عمومى فى يوليو 1997، [email protected] وبه اشتركت فى نفس العام، فى منبر نقاش الســودانيين فى جامعـة أيمورى الذى يدار بواسطـة د. يونس الله يطراه بالخير. ومن ضمن الزملاء أذكر د. سعاد تاج السـر (زميلتنا هنا أيضا) والمهندس ابوبكر سيد احمد (ايضا زميلنا هنا)، والمهندس معاذ عطا السيـد ورتشـارد لوبان وعبد الله الفاضل المهدى... فى نفس العام سجلت الدومين سودان دوت اورغ، وأنشأت فيـه منبرا للنقاش دام أقل من عام.. ثم بعد ظهور سودانيزاونلاين سجلت (حوالى 2003) التسجيل الاول، ثم لما غيرت أسم المستخدم سجلنى بكرى بتأريخ التسجيل الجديد فلم يعد رابط بين الإسمين ومساهماتهما.
رسل الجائزة، واللا كيف؟
|
Post: #30
Title: Re: اليوم اكملت 5 سنوات فى الفيسبوك..منو الاقدم منى؟
Author: ذواليد سليمان مصطفى
Date: 09-29-2012, 03:40 PM
Parent: #4
سلام يا نصري نتمنى ليك اقامة سعيدة مع صلاح غريبة وهذا هو تاريخ انضمامي (انضم إلى فيس بوك 19 مارس، 2009) يعني قربت اكون دفعتك
|
Post: #31
Title: Re: اليوم اكملت 5 سنوات فى الفيسبوك..منو الاقدم منى؟
Author: اميرة السيد
Date: 09-29-2012, 05:13 PM
Parent: #30
والله يا ابو الريش انت بتشبه اوباما شبه شديد تقول تيمان ويخلق من الشبه اربعين( وجه ضاحك)
|
Post: #32
Title: Re: اليوم اكملت 5 سنوات فى الفيسبوك..منو الاقدم منى؟
Author: smart_ana2001
Date: 09-29-2012, 10:47 PM
Parent: #31
Date: Thu 6/14/01 1:10 PM ده اقدم ايميل لقيته إلا يميل ده عملتو سنة 1997 في جامعة الخرطوم في المكتبة. كان في المكتبة اول إنترنت في الجامعة. ما متذكره الساعة كانت بكم!!! سنة 2000 عملتا إنترنت في البيت و من ديك و عيك. بكون قضيت لى يومين أو تلاته بس من اليوم داك من غير إنترنت. واحد منهم و أنا في طريقي لأمريكا لأول مرة سنة 2002 أيام !!!!
|
Post: #33
Title: Re: اليوم اكملت 5 سنوات فى الفيسبوك..منو الاقدم منى؟
Author: مهدي صلاح
Date: 09-30-2012, 06:53 AM
Parent: #32
التواريخ التي اوردتها عن ايميلاتي اختارت ان تنسحب وهي تجرجر اذيال الخجل فأفسحوا لها الطريق رجاء ... الناس بتتكلم عن ايميلات منشأة من تسعينات القرن الماضي وانا فرحان بالالفين تلاتة واربعة انا بتذكر اول ايميل حاولت انشئوا كان في مقهى انترنت في عمارة بقرب مواصلات جبرة القديم بالسوق العربي، عامل فيها الواد بتاع تميّز ... كنت مصّر ادخل الياهو مع اسمي في عنوان الايميل ... كنت ارغب بايميل يكون بالشكل mahdiyahoo@yahooo لكن محاولاتي باءت بالفشل فكان ان اخترت mahdijed
انا متأكد لو لقيت طريقة اطلع بيهوتاريخ انشاء الايميل ممكن آكل عيش وانافس
|
Post: #34
Title: Re: اليوم اكملت 5 سنوات فى الفيسبوك..منو الاقدم منى؟
Author: النصرى أمين
Date: 10-03-2012, 04:52 PM
Parent: #33
فليتقدم السيد محمد عثمان ابوريش لاستلام جائزة اقدم (واعتت) ايميل فى العالم
يااخوانا ابوريش ده لما قابلته سنة 1991 فى نيوجرسى كان بحكى عن التكنلوجيا والكمبيوترات .....الزول ده بالتاكيد ابوالانترنت فى سودانيزانلاين ولايوجد اى زول اقدم منه ,,,,
للميدالية الفضية فلتتقدم السيدة اسمارت انا 2001 لاستلام الجائزة الثانية .....
---------------
المسابقة الان اول كمبيوتر امتلكته ...السعر والمواصفات ....
بالنسبة لى اول كمبيوتر اشتريته كان فى فبراير 2000 اثناء بداية دراستى لكورس مكثف فى علم الشبكات .... الكمبيوتر كلف 1500 دولار وهذا يعتبر سعر جيد لان زميل لى فى الفصل قام بشراء مكونات الكمبيوتر منفردة وركبه .... الكمبيوتر كان بنتيوم 3 سرعته كان 800 ميغاهيرس (الغيغا فيها 100 ميغا) الزاكرة كانت 256 ميغابايت حجم الهاردسك اظنه كان 8 ميغابايت الوندوس كان 98
وصلت الانترنت لاول مرة ملح مع ناس اميركا اون لاين لمدة شهر ...بعد داك اشتركت مع شركة التلفون المحلية ...... المواقع السودانية المعروفة وقتها كانت الدراويش وانور كنغ وسودان نت وسودان غيت ....
ملاحظة ...السؤال متى امتلكت كمبيوتر فى البيت؟
|
|