Post: #1 Title: واحد وعشرين Author: جميلة ابراهيم السيد Date: 09-23-2012, 03:05 AM Parent: #0
الاصدقاء والزملاء الاكارم
التمس منكم العذر ان تكون اولي مشاركاتي بعض من احزاني
قال حبيبنا الأستاذ هاشم صديق
يا حليل صوابعِك والحريق رفقه شفايفِك في السهر . متعة كلامِك في السُكات جنه عناقِك في الخطر . رحمة لحافِك في الضلام همسة بلاغتِك في النظر . جَبَنة صباحِك في العروق ونسة سبايبك في السفر . ضحكة ربيعِك في الجفاف لشغة حنانِك في الكدر . رقصة جنونِك في الطبول تترامي زي نار الغجر . ........... مالي باركت الرماد ورسمت بي حبرو الجنون ونكشت شنطة حُزني رتبت الجروح وهمست سر أورادي في أذن السكون ؟! ............ الدنيا مالت ولامات بر المشارق في العيون ؟!!
وانا بضيف...
انا كنت جد قبال تفوت بتمنى بس أتشكرك .. علي كل فرحه بقت معاك و عليها ربنا قدرك .. علي حنك الما بتنسي وعلي كل قاسم مشترك .. أرقد عليك الرحمه يا اب وجها صبوح انا ما نسيتك شان أقول بتذكرك .. و استغفر الله من النويح استغفر الله إذا غفل حرف القصيد .. أو زل من وجعي اللسان و افرطت في زعلي الشديد .. برجع و اقول زي ما يريد ربك نريد .. و الفين سلام آخر الكلام في الدنيا بعدك مافي عيد ..
23 سبتمبر كان وما زال وسيظل اجمل ذكري
الف رحمه ونور تنزل عليك يا ابو شهد ومؤيد وخليفة اللهم من علينا بالصبر الجميل
Post: #2 Title: Re: واحد وعشرين Author: الطيب عثمان يوسف Date: 09-23-2012, 05:18 AM Parent: #1
Quote: الف رحمه ونور تنزل عليك يا ابو شهد ومؤيد وخليفة
*** الله يفيض عليه بالرحمة و المغفرة .
*** الف مرحب بيك جميلة
Post: #3 Title: Re: واحد وعشرين Author: جميلة ابراهيم السيد Date: 09-23-2012, 06:10 AM Parent: #2
سعادتو الطيب
شاكرة مرورك الكريم ومواساتك
وشاكرة ترحيبك
تسلم كتير
Post: #4 Title: Re: واحد وعشرين Author: rummana Date: 09-23-2012, 06:28 AM Parent: #3
Quote: انا كنت جد قبال تفوت بتمنى بس أتشكرك .. علي كل فرحه بقت معاك و عليها ربنا قدرك .. علي حنك الما بتنسي وعلي كل قاسم مشترك .. أرقد عليك الرحمه يا اب وجها صبوح انا ما نسيتك شان أقول بتذكرك .. و استغفر الله من النويح استغفر الله إذا غفل حرف القصيد .. أو زل من وجعي اللسان و افرطت في زعلي الشديد .. برجع و اقول زي ما يريد ربك نريد .. و الفين سلام آخر الكلام في الدنيا بعدك مافي عيد ..
23 سبتمبر كان وما زال وسيظل اجمل ذكري
الف رحمه ونور تنزل عليك يا ابو شهد ومؤيد وخليفة اللهم من علينا بالصبر الجميل
Post: #6 Title: Re: واحد وعشرين Author: خضر الطيب Date: 09-23-2012, 06:56 AM Parent: #3
الجميله اختنا جميله ابراهيم
Quote: انا كنت جد قبال تفوت بتمنى بس أتشكرك .. علي كل فرحه بقت معاك و عليها ربنا قدرك .. علي حنك الما بتنسي وعلي كل قاسم مشترك .. أرقد عليك الرحمه يا اب وجها صبوح انا ما نسيتك شان أقول بتذكرك .. و استغفر الله من النويح استغفر الله إذا غفل حرف القصيد .. أو زل من وجعي اللسان و افرطت في زعلي الشديد .. برجع و اقول زي ما يريد ربك نريد .. و الفين سلام آخر الكلام في الدنيا بعدك مافي عيد ..
قمة الوفاء والانسانيه ياجميلة الدواخل ياسليلة الملوك
رغم حزنى لفقد انسانك الجميل ,
سعدت بما انتجته احاسيسك الجميله
اتوقع الآن بان خليلك يسمع ويحس بتلك الكلمات الرائعه
وقبل تلك الكلمات المكتوبه فى هذه المساحه
كان حديثك معه عبر الهاتف وهو فى سيارته يضحك ملء شدقيه
من حديثك الشيق وقفشاتك الجميله
قبل ان يقابل ربه بوجهه الصبوح المبتسم من آخر كلمات سمعها منك
دليل على حبك الأكيد له وحبه لك
ذهب جسدا ولكنه مازال موجودا بكل تفاصيله فى دواخلك النقيه ...
وسيبقى الى الابد ... هو حبك
عظيم تحياتى ياجميله
Post: #7 Title: Re: واحد وعشرين Author: منال Date: 09-23-2012, 07:06 AM Parent: #6
ربنا يجعل ايامك مزينة بالفرح والجمال ياجميلة
تعيشى وتفتكرى
نورتينا ,,,
Post: #8 Title: Re: واحد وعشرين Author: SHIBKA Date: 09-23-2012, 07:38 AM Parent: #7
Post: #9 Title: Re: واحد وعشرين Author: نجوان Date: 09-23-2012, 07:56 AM Parent: #8
الف رحمة ونور على روحه وانشالله آخر الأحزان..
ومرحب بيك وسط اهلك يا جميلة..
Post: #10 Title: Re: واحد وعشرين Author: أبو ساندرا Date: 09-23-2012, 07:56 AM Parent: #7
إعتذارك عن طبيعة مشاركتك الأولى ، مرفوض في الواقع يحق لك شكر جزيل من الأصدقاء لأنك إستهللتي تواصلك معهم بالموضوع الأكثر قربآ من إحساسك واشركتيهم في بعض إنفعالاتك ، وهذا يتسق مع الطبيعة الإجتماعية للمنبر وهي الطبيعة التي طغت على النواحي الأخرى ، ولو أجلنا النظر لوجدنا البوستات ذات الطابع الإجتماعي هي التي تستقطب مشاركات كثيرة وقبول عام
نسأل الله ان يشمل عادل بشامل رحمته وعميم مغفرته وأن يجعل الجنة مثواه ونشاركك إحتفائك الدامع بالذكرى ال 21 ، الأولى بعد الغياب الفاجع وسوف تكون سنة جميلة وحميدة أن تصطحبي ذكراه معك في هذا اليوم وياريت أن تكرسي الإحتفاء بقرآءة سورة يسن من أجله بدعاء الرحمة وأن تحثي أولادكما على الحرص على الدعاء له عند كل صلاة ، وأن يفعلوا شييء فيه صدقة ترفع لراحة روحه ، فإن أقل القليل من الصدقات يصله خير كثير
صاحبي مالو فات زي الحلم ...؟ كل يوم اقول أصحي منو ...
كل يوم أتذكر و نستنا الدقاقة ديك ... اقعد اضحك و تاني احلم و اقول لازم اصحا ...
عادل في كل شي الا في فراقه ... ما مهلنا و مسخ علينا الدنيا ياخي ...
Post: #17 Title: Re: واحد وعشرين Author: جميلة ابراهيم السيد Date: 09-24-2012, 03:47 AM Parent: #7
Quote: ربنا يجعل ايامك مزينة بالفرح والجمال ياجميلة
تعيشى وتفتكرى
نورتينا ,,,
منال الجميلة .. النور من نورك
تسلمي كتير
Post: #13 Title: Re: واحد وعشرين Author: جميلة ابراهيم السيد Date: 09-23-2012, 04:25 PM Parent: #6
Quote:
قمة الوفاء والانسانيه ياجميلة الدواخل ياسليلة الملوك
رغم حزنى لفقد انسانك الجميل ,
سعدت بما انتجته احاسيسك الجميله
اتوقع الآن بان خليلك يسمع ويحس بتلك الكلمات الرائعه
وقبل تلك الكلمات المكتوبه فى هذه المساحه
كان حديثك معه عبر الهاتف وهو فى سيارته يضحك ملء شدقيه
من حديثك الشيق وقفشاتك الجميله
قبل ان يقابل ربه بوجهه الصبوح المبتسم من آخر كلمات سمعها منك
دليل على حبك الأكيد له وحبه لك
ذهب جسدا ولكنه مازال موجودا بكل تفاصيله فى دواخلك النقيه ...
وسيبقى الى الابد ... هو حبك
عظيم تحياتى ياجميله
خضر
في اليوم ده ما شرقت شمس و انا لسه ما وعيت الحصل .. لا عرفتو باكر لا أمس ما تم ساعه من اتصل .. يسأل علي .. يضحك معاي ما قاللي حيفارق دناي و ضحكنا حد الخط فصل .. و قعدت بتونس براي يا ربي هسي بكون وصل ؟؟ صحاني من السرحه ديك صوت باب اريتو و لا انطرق .. قبال أقول ان شا الله خير وقع الخبر و الهم برق ..
رحيل عادل المفاجئ يشبه ماقال عنه حميد "مالك رحيلك دون وداع زي الحرد" ... الا ان روح عادل تسكن الدواخل الي ان نلتقي.
Quote: انا كنت جد قبال تفوت بتمنى بس أتشكرك .. علي كل فرحه بقت معاك و عليها ربنا قدرك .. علي حنك الما بتنسي وعلي كل قاسم مشترك .. أرقد عليك الرحمه يا اب وجها صبوح انا ما نسيتك شان أقول بتذكرك .. و استغفر الله من النويح استغفر الله إذا غفل حرف القصيد .. أو زل من وجعي اللسان و افرطت في زعلي الشديد .. برجع و اقول زي ما يريد ربك نريد .. و الفين سلام آخر الكلام في الدنيا بعدك مافي عيد ..
23 سبتمبر كان وما زال وسيظل اجمل ذكري
الف رحمه ونور تنزل عليك يا ابو شهد ومؤيد وخليفة اللهم من علينا بالصبر الجميل
نشكرك على اشراكنا فى هذه المشاعر النبيلة ياجميلة
اللهم تقبله عندك فى الصالحين وأسكنه الفردوس الأعلى
واجعل البركة فى ذريته شهد ومؤيد وخليفة، واجبر كسرهم وألهمهم ووالدتهم الصبر الجميل
شبكة تسلمي علي ترحيبك وعلي مواساتك لي ... نسال الله معك بالرحمة لابو شهد
Post: #19 Title: Re: واحد وعشرين Author: جميلة ابراهيم السيد Date: 09-24-2012, 03:51 AM Parent: #18
Quote: الف رحمة ونور على روحه وانشالله آخر الأحزان..
ومرحب بيك وسط اهلك يا جميلة..
نجوان يا صديقة
شكرا ليك علي كل كلمة وكل حرف وكل اتصال .... وتاني بقول ليك لولاك وبقية الاعزاء لما صبرنا علي المحنة
Post: #20 Title: Re: واحد وعشرين Author: جميلة ابراهيم السيد Date: 09-24-2012, 03:54 AM Parent: #19
Quote: إعتذارك عن طبيعة مشاركتك الأولى ، مرفوض في الواقع يحق لك شكر جزيل من الأصدقاء لأنك إستهللتي تواصلك معهم بالموضوع الأكثر قربآ من إحساسك واشركتيهم في بعض إنفعالاتك ، وهذا يتسق مع الطبيعة الإجتماعية للمنبر وهي الطبيعة التي طغت على النواحي الأخرى ، ولو أجلنا النظر لوجدنا البوستات ذات الطابع الإجتماعي هي التي تستقطب مشاركات كثيرة وقبول عام
نسأل الله ان يشمل عادل بشامل رحمته وعميم مغفرته وأن يجعل الجنة مثواه ونشاركك إحتفائك الدامع بالذكرى ال 21 ، الأولى بعد الغياب الفاجع وسوف تكون سنة جميلة وحميدة أن تصطحبي ذكراه معك في هذا اليوم وياريت أن تكرسي الإحتفاء بقرآءة سورة يسن من أجله بدعاء الرحمة وأن تحثي أولادكما على الحرص على الدعاء له عند كل صلاة ، وأن يفعلوا شييء فيه صدقة ترفع لراحة روحه ، فإن أقل القليل من الصدقات يصله خير كثير
ابو ساندرا
بعد كلامك دة مافي كلام.... تسلم يا صديقي
Post: #21 Title: Re: واحد وعشرين Author: جميلة ابراهيم السيد Date: 09-24-2012, 04:00 AM Parent: #20
Quote: جميلة يا صاحبة ....
صاحبي مالو فات زي الحلم ...؟ كل يوم اقول أصحي منو ...
كل يوم أتذكر و نستنا الدقاقة ديك ... اقعد اضحك و تاني احلم و اقول لازم اصحا ...
عادل في كل شي الا في فراقه ... ما مهلنا و مسخ علينا الدنيا ياخي ...
ابو احمد ... لمن بكتب في البوست دة كنت خايفة من ردك .. يا صاحبي القسم معاي كل تفاصيل الرحيل المرّ ..الخلعة والوجعة والحرقة والدمعة
الذكري شريط ما وقف من وقت الخبر وللأن .... عارف لو بيدوا ما كان رحل .. لانه ببساطة كان لا يحتمل ان يكون اي منا حزين ... والحمد لله رحل وهو يعرف قدرة في نفوسنا جميعا ويعلم تمام العلم انه محبوب .. رحل وهو يحبنا جميعا ... راضي .. مبتسم .. الان حان دورنا لنرتضي هذا الرحيل .
اللهم ارحم عادل ومن علينا بالصبر الجميل
Post: #22 Title: Re: واحد وعشرين Author: جميلة ابراهيم السيد Date: 09-24-2012, 04:04 AM Parent: #21
Quote: نشكرك على اشراكنا فى هذه المشاعر النبيلة ياجميلة
اللهم تقبله عندك فى الصالحين وأسكنه الفردوس الأعلى
واجعل البركة فى ذريته شهد ومؤيد وخليفة، واجبر كسرهم وألهمهم ووالدتهم الصبر الجميل
تحياتى
المهيرة
شكرا انك ادخرتي من وقتك بعضه لقراءة كلماتي وايضا تكلفت عناء الرد ... شكرا علي دعواتك ونسال الله القبول والاستجابة
تسلمي كتير
Post: #23 Title: Re: واحد وعشرين Author: جميلة ابراهيم السيد Date: 09-24-2012, 04:07 AM Parent: #22
Post: #24 Title: Re: واحد وعشرين Author: عبدالله ود البوش Date: 09-24-2012, 08:19 AM Parent: #23
Quote: يا ربي هسي بكون وصل ؟؟ صحاني من السرحه ديك صوت باب اريتو و لا انطرق .. قبال أقول ان شا الله خير وقع الخبر و الهم برق ..
لا اله الا الله لا اله الا الله لا اله الا الله . . الله اصبرك وارحم عادل واغفر له . . غايتو الموت دا مشكلة ........................ الله حي
Post: #25 Title: Re: واحد وعشرين Author: ماجدة عوض خوجلى Date: 09-24-2012, 11:41 AM Parent: #24
العزيزة جميلة
Quote: انا كنت جد قبال تفوت بتمنى بس أتشكرك .. علي كل فرحه بقت معاك و عليها ربنا قدرك .. علي حنك الما بتنسي وعلي كل قاسم مشترك .. أرقد عليك الرحمه يا اب وجها صبوح انا ما نسيتك شان أقول بتذكرك .. و استغفر الله من النويح استغفر الله إذا غفل حرف القصيد .. أو زل من وجعي اللسان و افرطت في زعلي الشديد .. برجع و اقول زي ما يريد ربك نريد .. و الفين سلام آخر الكلام
Quote: الاصدقاء والزملاء الاكارم التمس منكم العذر ان تكون اولي مشاركاتي بعض من احزاني
لاحولا ولاقوة الابالله العلى العظيم للهم أرحمه وأسكنه فسيح جنّاتك اللهم باعد بينه وبين خطاياه كما باعدت بين المشرق والمغرب اللهم نقّه من الخطايا والذّنوب كما يُنَقّىَ الثّوب الأبيض من الدّنس اللهم أغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم أجمعنا وإيّاه في مستقرّ رحمتك اللهم إنّا نسألك بإسمك الأعظم أن توسّع مدخله اللهم آنس في القبر وحشته اللهم ثبّته عند السُّؤال اللهم لقّنه حجّته اللهم باعد القبر عن جنباته اللهم أكفه فتنة القبر اللهم أكفه ضمّة القبر اللهم أجعل قبره روضةً من رياض الجّنّة ولا تجعله حفرة من حفر النار اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته اللهم ألحقه بالشُّهداء اللهم أفتح عليه نافذة من الجّنّة وأجعل قبره روضةً من رياضه الصبر ياامى الصبر مافى يدنا غير القبول بقضاء الله وقدره وانا كنت اتمنى ان يكون ترحبيى بوجوك بيننا بدون احزان ... اكتبى واكتبى الكتابه بتريحك كتير ... صحيح مافى طريقة ابدا للنسيان لكن صدقينى بتخفف كتير انشالله البركه فيكم... وربنا يعوضك فى ذريته ويحفظم من كل شر واذى تسلمى يارب ...
Post: #26 Title: Re: واحد وعشرين Author: د.نجاة محمود Date: 09-24-2012, 11:45 AM Parent: #25
الحبيبة جميلة
جميلة كتابتك وتلامس شغاف القلب
محبتي لك وربنا يرحم الراحل العزيز ويصبركم
ومرحب بيك
Post: #27 Title: Re: واحد وعشرين Author: جميلة ابراهيم السيد Date: 09-24-2012, 06:59 PM Parent: #26
Quote: الصبر ياامى الصبر مافى يدنا غير القبول بقضاء الله وقدره وانا كنت اتمنى ان يكون ترحبيى بوجوك بيننا بدون احزان ... اكتبى واكتبى الكتابه بتريحك كتير ... صحيح مافى طريقة ابدا للنسيان لكن صدقينى بتخفف كتير انشالله البركه فيكم... وربنا يعوضك فى ذريته ويحفظم من كل شر واذى تسلمى يارب ...
ماجدة الماجدة
تسلمي علي ترحيبك ... احيانا تجود الكلمات وكثيرا تتمنع ولكن يبقي العزاء في ذكري جميلة باقية.
تحياتي للغالية مني وقبلة علي جبين ماما جارة
Post: #28 Title: Re: واحد وعشرين Author: جميلة ابراهيم السيد Date: 09-24-2012, 07:02 PM Parent: #27
اكتب من قلبي و أدع الكلمات تنساب بلا "سنسر" علها تخفف بعض من آلام الفراق.. عيد الزواج الاول بعد العشرين والاول من غير رفيق الدرب له طعم مختلف .. سيل من الذكريات مغلف بألم
معاك أقول آمين .. تسلمي
Post: #29 Title: Re: واحد وعشرين Author: خضر حسين خليل Date: 09-24-2012, 07:10 PM Parent: #28
البقية في حياتك يا جميلة ـ جمل الله صبركم ، وشكراً لهذه الكتابة الصادقة
Post: #30 Title: Re: واحد وعشرين Author: عبدالكريم الامين احمد Date: 09-24-2012, 09:01 PM Parent: #29
الف مرحب بيك يا جميلة وحبابك شديد في سودانيز اونلاين والمجد والخلود لروح الراحل عادل وانا للهو وانا اليه راجعون
Quote: لذكري شريط ما وقف من وقت الخبر وللأن .... عارف لو بيدوا ما كان رحل .. لانه ببساطة كان لا يحتمل ان يكون اي منا حزين ... والحمد لله رحل وهو يعرف قدرة في نفوسنا جميعا ويعلم تمام العلم انه محبوب .. رحل وهو يحبنا جميعا ... راضي .. مبتسم .. الان حان دورنا لنرتضي هذا الرحيل .
اللهم ارحم عادل ومن علينا بالصبر الجميل
سلام يا جميلة ومرحب بيك وبى احزانك وكلك
عارفة با جميلة كلامك ده مهم شديد فعلا واحدة من الحاجات البتسند شوية و ترقد الروح لما تحرقك اكتر من الشديد الاكتر من شديد ديك انك تتذكر انك قلت لعزيزك الراحل كلمة حلوة قبال يحرد يفوت اتمنى ان يكون كل احبابنا قد ارتضوا هذا الرحيل المفاجئ لهم من هذه الدنيا بإن ارضاهم الله بمقعدهم فى الجنة و جعلهم فى زمرة الصديقين والشهداء
اما رضانا نحن فداير جلد شديد وصبر مر
جميلة هاتى يدك يا بت امى وخشى بلا اعتذار
اللهم ارحم عادل وغادة واجعلهم فى الفردوس الاعلى من الجنة وارزقنا واياهم العفو والعافية
Post: #32 Title: Re: واحد وعشرين Author: سلمى الشيخ سلامة Date: 09-24-2012, 09:42 PM Parent: #31
لك الصبر الجميل يا جميلة الجميلة عارفة كل حروف العالم ما بتساوى لحظة من لحظات غيابه معاك اللهم تقبله القبول الحسن وخلى بالك من زهورك يا اميرة ومن ورودك المعاك يازهرة الازاهير لك محبتى
نسأل الله له الرحمة والمغفرة. إنا لله وإنا إليه رآجعون.
أجمل شئ إنك اليوم وسطنا أختي جميلة، فألف مرحب بيك، وأتمنى أن تجدي فينا العزاء والسلوى.
اهلاً...
Post: #34 Title: Re: واحد وعشرين Author: جميلة ابراهيم السيد Date: 09-24-2012, 10:09 PM Parent: #32
Quote: لا اله الا الله لا اله الا الله لا اله الا الله . . الله اصبرك وارحم عادل واغفر له . . غايتو الموت دا مشكلة ........................ الله حي
اخوي عبدالله
نعم بالله الواحد الاحد ... اصارع هذا الصبر طيلة الستة اشهر الماضية ... اغلبه احيانا ولكن يغلبني اكثر .. وما زال أملي في الله كبير ان يستجيب لدعائي ودعائكم بأن يلهمني واولادي وكل احباء عادل الصبر...
ونعم بالله الحي الذي لا يموت
تسلم
Post: #35 Title: Re: واحد وعشرين Author: جميلة ابراهيم السيد Date: 09-24-2012, 10:13 PM Parent: #34
Quote: البقية في حياتك يا جميلة ـ جمل الله صبركم ، وشكراً لهذه الكتابة الصادقة
خضر الجميل
كثيرا ما الجاء لحائطك واتناسي بعض احزاني بقراءة حروفك
شكرا لك علي مؤاساتك ودعواتك
Post: #36 Title: Re: واحد وعشرين Author: جميلة ابراهيم السيد Date: 09-24-2012, 10:16 PM Parent: #35
Quote: الف مرحب بيك يا جميلة وحبابك شديد في سودانيز اونلاين والمجد والخلود لروح الراحل عادل وانا للهو وانا اليه راجعون
كيكي صديقي الكاكاوي
توقفت كثيرا في كلمة الخلود هذة ... ادري تماما ان عادل خالد فينا ان شاءالله ولكن اكثر ما يعمق الفكرة هو مؤيد .. كل كلماته وتصرفاته واسلوبه نسخة طبق الاصل من عادل سبحان الله ... مش يقال "الخلف ما مات"
تسلم كتير علي ترحيبك
Post: #37 Title: Re: واحد وعشرين Author: جميلة ابراهيم السيد Date: 09-24-2012, 10:22 PM Parent: #36
Quote: سلام يا جميلة ومرحب بيك وبى احزانك وكلك
عارفة با جميلة كلامك ده مهم شديد فعلا واحدة من الحاجات البتسند شوية و ترقد الروح لما تحرقك اكتر من الشديد الاكتر من شديد ديك انك تتذكر انك قلت لعزيزك الراحل كلمة حلوة قبال يحرد يفوت اتمنى ان يكون كل احبابنا قد ارتضوا هذا الرحيل المفاجئ لهم من هذه الدنيا بإن ارضاهم الله بمقعدهم فى الجنة و جعلهم فى زمرة الصديقين والشهداء
اما رضانا نحن فداير جلد شديد وصبر مر
جميلة هاتى يدك يا بت امى وخشى بلا اعتذار
اللهم ارحم عادل وغادة واجعلهم فى الفردوس الاعلى من الجنة وارزقنا واياهم العفو والعافية
بت المجمر سهام
نحن اتكتب علينا نتقابل في الاحزان ولا شنو يا صديقة
عارفة يا سهام مصداقا لكلامك ... كل ما يغلبني الحزن بستعيد تفاصيل اخر مكالمة بينا وكانت قبل اقل من ساعة من الحصل ... لقيت نفسي حافظة كل كلمة وكل حرف اتقال فيها وكل بسمة وكل ضحكة ...وزي ما قلتي بترقد الروح . صبرنا يا سهام نحاول نستمدوا من بعض ووصيتك دائما بحاول اعمل بيها.
اللهم ارحم غادة وعادل وكل موتانا واجعلهم في الفردوس الأعلي من الجنة ومن علينا بالصبر........ آمين
Post: #38 Title: Re: واحد وعشرين Author: جميلة ابراهيم السيد Date: 09-24-2012, 10:26 PM Parent: #37
Quote: لك الصبر الجميل يا جميلة الجميلة عارفة كل حروف العالم ما بتساوى لحظة من لحظات غيابه معاك اللهم تقبله القبول الحسن وخلى بالك من زهورك يا اميرة ومن ورودك المعاك يازهرة الازاهير لك محبتى
سلمي
لك كل المحبة والود ... عارفة يا سلمي ... لولا وجودكم حولي ومكالماتكم ودعواتكم ما اظن كنت استطيع مواجهه الدنيا من جديد ... الغريبة يا بت الشيخ كانما عندك رادار ... دائما مكالمتك تجي وانا احوج ما اكون لصديق.
تسلمي كتير يارب
Post: #39 Title: Re: واحد وعشرين Author: جميلة ابراهيم السيد Date: 09-24-2012, 10:30 PM Parent: #38
Quote: نسأل الله له الرحمة والمغفرة. إنا لله وإنا إليه رآجعون.
أجمل شئ إنك اليوم وسطنا أختي جميلة، فألف مرحب بيك، وأتمنى أن تجدي فينا العزاء والسلوى.
اهلاً...
ود المدير
سعيدة انا بوجودي بينكم .. كثير منكم اخوات واخوه غالين ... واغلب البقية تمنيت ان يكونوا اصدقاء .
شاكرة ترحيبك الصادق واعلم يقينا اني في وسط حوش بكري الماهل اكيد وسط اهلي .
جميلة يا عزيزة.. أراحني وقوفك علي قدميك ورجوعك هنا .. لأننا ياغالية مهما بكينا واتقفلنا وإتحسرنا ما بنرجعهم.. هاتي همك وحزنك وارميهم علي كتوفنا جميعا هنا.. تصبري بنا كما تصبرتي بإيمانك وأطفالك..
مرحب بيك يا جميلة .. .. له الرحمة والمغفرة ولكم الصبر الجميل
Post: #42 Title: Re: واحد وعشرين Author: جميلة ابراهيم السيد Date: 09-24-2012, 11:54 PM Parent: #41
Quote:
جميلة يا عزيزة.. أراحني وقوفك علي قدميك ورجوعك هنا .. لأننا ياغالية مهما بكينا واتقفلنا وإتحسرنا ما بنرجعهم.. هاتي همك وحزنك وارميهم علي كتوفنا جميعا هنا.. تصبري بنا كما تصبرتي بإيمانك وأطفالك..
........ ........
له الرحمة الواسعة بإذن الله..
الغالية مني
بتحسس في طريقي يا مني زي الطفل البتعلم المشي..........
تعالي نلم وجعنا ونتحداهوا سوا ...
شوق كتير
Post: #43 Title: Re: واحد وعشرين Author: جميلة ابراهيم السيد Date: 09-24-2012, 11:59 PM Parent: #42
Quote: مرحب بيك يا جميلة .. .. له الرحمة والمغفرة ولكم الصبر الجميل
معتصم
تسلم كتير علي الترحيب ....
نسأل الله معك بالرحمة والمغفرة لعادل والصبر الجميل لكل من احبه
احترامي
Post: #44 Title: Re: واحد وعشرين Author: محمد على طه الملك Date: 09-25-2012, 03:05 AM Parent: #43
مرحبا بك .. ربنا يأجرك في مصابك ويجعل الجنة مثواه .. ويطرح البركة فيك وفي أنجاله.
Post: #45 Title: Re: واحد وعشرين Author: Ehab Eltayeb Date: 09-25-2012, 03:41 AM Parent: #44
Quote: في اليوم ده ما شرقت شمس و انا لسه ما وعيت الحصل .. لا عرفتو باكر لا أمس ما تم ساعه من اتصل .. يسأل علي .. يضحك معاي ما قاللي حيفارق دناي و ضحكنا حد الخط فصل .. و قعدت بتونس براي يا ربي هسي بكون وصل ؟؟ صحاني من السرحه ديك صوت باب اريتو و لا انطرق .. قبال أقول ان شا الله خير وقع الخبر و الهم برق ..
تقبله الله قبولا حسنا واسكنه فسيح الجنان
وجعل البركة في ذريته والزمكم حسن العزاء
كم هو جميل هذا الوفاء..........
Post: #46 Title: Re: واحد وعشرين Author: جميلة ابراهيم السيد Date: 09-25-2012, 04:43 AM Parent: #45
Quote: مرحبا بك .. ربنا يأجرك في مصابك ويجعل الجنة مثواه .. ويطرح البركة فيك وفي أنجاله.
اكيد امتناني اخي الملك لدعواتك
شكرا علي الترحيب
Post: #47 Title: Re: واحد وعشرين Author: جميلة ابراهيم السيد Date: 09-25-2012, 04:45 AM Parent: #45
Quote: تقبله الله قبولا حسنا واسكنه فسيح الجنان
وجعل البركة في ذريته والزمكم حسن العزاء
كم هو جميل هذا الوفاء..........
لك شكري ايهاب .. ونسال الله معك ونبتهل اليه ان يستجيب لدعوانا.
الوفاء هو اهل له وكان عنوانه
تسلم كتير
Post: #48 Title: Re: واحد وعشرين Author: tmbis Date: 09-25-2012, 07:36 AM Parent: #47
العزيزة جميلة .. الفقد واحد .. ونفس طعم الحنظل .. شدي حيلك .. ربنما يرحمو ويغفر ليهو ويجعلو من اصحاب اليمين .. ويقويك على الفقد
Post: #49 Title: Re: واحد وعشرين Author: جميلة ابراهيم السيد Date: 09-25-2012, 06:26 PM Parent: #48
Quote: العزيزة جميلة .. الفقد واحد .. ونفس طعم الحنظل .. شدي حيلك .. ربنما يرحمو ويغفر ليهو ويجعلو من اصحاب اليمين .. ويقويك على الفقد
يا تمبس مش زي كترت علينا الحاجات وتوالي الاحزان!!
الحمد لله علي ما اراد
خارج النص
مشتاقة ليكم الدكتورة كمان مشكلة غياب
Post: #50 Title: Re: واحد وعشرين Author: اميرة السيد Date: 09-25-2012, 07:24 PM Parent: #40
Quote: في العروق ونسة سبايبك في السفر . ضحكة ربيعِك في الجفاف لشغة حنانِك في الكدر . رقصة جنونِك في الطبول تترامي زي نار الغجر . ........... مالي باركت الرماد ورسمت بي حبرو الجنون ونكشت شنطة حُزني رتبت الجروح وهمست سر أورادي في أذن السكون ؟! ............
.......................
عزيزتي جميلة اراك هنا وكأنك تنعين زوجا وتؤبنبن عزيزا لديك .. وليس لنا سوى ان نسأل له الرحمة والمغفرة وجنات الفردوس نزلا.. واذا عرفت يا عزيزتي جميلة ان هذه الدنيا الفانية ليس دار البقاء وان دار البقاء والدوام هو الدار الآخرة فسوف يخفف هذا من وقع الصدمة.. ووالله بكلماتك الحزينة هذه انما تعبرين عن الحزن الدفين الذي بين جوانحك .. وما دام عندكم اولاد فهو لم يمت... فبيدك احياء صفاته واخلاقه وعشرته بين حنايا اطفالك وتبقى ذكراه خالدة وباقية وكتري من الدعوات .. وعلمي اولادك.. والله يديك العافية
Post: #51 Title: Re: واحد وعشرين Author: جميلة ابراهيم السيد Date: 09-26-2012, 04:43 AM Parent: #50
Quote: عزيزتي جميلة اراك هنا وكأنك تنعين زوجا وتؤبنبن عزيزا لديك .. وليس لنا سوى ان نسأل له الرحمة والمغفرة وجنات الفردوس نزلا.. واذا عرفت يا عزيزتي جميلة ان هذه الدنيا الفانية ليس دار البقاء وان دار البقاء والدوام هو الدار الآخرة فسوف يخفف هذا من وقع الصدمة.. ووالله بكلماتك الحزينة هذه انما تعبرين عن الحزن الدفين الذي بين جوانحك .. وما دام عندكم اولاد فهو لم يمت... فبيدك احياء صفاته واخلاقه وعشرته بين حنايا اطفالك وتبقى ذكراه خالدة وباقية وكتري من الدعوات .. وعلمي اولادك.. والله يديك العافية
الحبيبة أميرة
نعم انعي زوجي ولكني فقدت مع الزوج اعز صديق وحبيب واخ .. كلماتك احسها صادقة لانها دلفت الي قلبي .. اشكرك علي دعواتك ... واتمني ان اكمل الرسالة مع الابناء كما اراد لهم وكما حلمنا سويا.
تسلمي كتير
Post: #52 Title: Re: واحد وعشرين Author: جميلة ابراهيم السيد Date: 09-29-2012, 06:20 AM Parent: #51
شوك الشّوق .. لي الشّوفه آ خي ضارب في إطن النسج الحي يا مُنقاش أحزاني إنشرّت .. وادي الفرح إتمدّدْ صيْ