تكتيك الشيوعيين

لقـد كان لرئيس الحزب او سكرتيره السابق موقفا من قضيـة وطنيـة مشهـورة، عارضنـا توجهه ذاك وتصريحه، ونحن نعتقد أننا نمارس حقنـا الطبيعى والدستورى فى نقـد من تصدوا
لقيادة العمل السياسى الذى يؤثر على كل مواطن سلبا أو إيجابا.. فماذا كان رد فعل الشيوعيين؟
قاموا بتنفيـذ إستفزاز شخصى عنيف ومباغت، ونشـر أكاذيب فى محاولة إغتيال شخصيـة هـذا الناقـد الذى أطال اللسان كما يقول الأردنيون، على الحزب المقدس حسب زعمهم.. وخطتهم فى
ذلك هى، إما أن أستجيب للإستفزاز وأتعارك مع الشخص أو الأشخاص المستفزين الى ما لا نهاية، ويكون الحزب وزعماؤه فى مأمن من النقـد.. أو أتجاهل الإستفزاز واواصل حديثى
عن موقف الحزب وقائده، فأكون بذلك أظهر كمن يتحدث من منطلق شخصى لتصفيـة حسابات الإستفزاز... هل لاحظتم هـذه الشطارة والفكرة التى لا تتفتق إلا فى ذهن إبليس؟!!!

حسنـا..

فى هـذا البوست سـوف لن أتحدث عن مواقف الحزب، وسوف لا أدافع عن نفسى ضـد (الناس) الذين أطلقوهم للإستفزاز.. بل النقاش سيكون فى مضمـار هـذا التكتيك الغير ذكى إلا فى
نظرهم..

و(الدش) بتاعكم دا تانى لو سويتو ليه ود القرعـة ما بقوم.

ونواصل.

ابو الريش تحياتى
شخصيا لم اتابع البوست المقصود ولا اعرف ما دار فيه
لكن صدقنى لا عندنا تكتيك زى دا ولا عندنا اتفاق زى دا ولا الحزب وجهنا بكلام زى دا
يبقى المشكلة ما مشكلة حزب شيوعى او شيوعيين انما تتوقف على ممارسات شخصية
وتابعنا فى المنبر دا الكتير من المساءل الشخصية اللى فاتت حدود المعقول ولم
يكن الشيوعية او الشيوعيون طرف فيها ..
الشئ الثانى هناك طرح يختلف من طرح اخر ونوع الطرح وطريقته هما اللذان يحددان اسلوب النقاش
يعنى مثلا بتلقى واحد يتطرق لقضية مهمة لكن اسلوب الطرح يستفز الطرف الاخر وندخل فى مشكلة لا نتناقش
ولا نتحاور والموضوع يروح بين الارجل .. انا ما بقول ليك انو انا زاتى بعيد من التصرفات دى لا انا كمان جزء منها
ومارست اشياء فعلا اجبرت لها يعنى قبل كم يوم دخلت بوست عن الشيوعية افتكرت انى حالقى نقاش حقيقى لكن تدخل
تتفاجئ بزول بيتكلم عن وجود سفة مرمية فى مسجد الانصار وانو الشيوعيين ديل هم التفو السفة دى وبعداك على
طول ادخل فى شتائم للشيوعيين ..معقول انا اتناقش كيف مع واحد بيفتكر انو غير الشيوعيين ما عندهم شلاليف
وغير الشيوعيين ما بيسفوا وانو الشيوعيين ديل هم الكفار الما بيحترموا لا مسجد لا صلاة .. زى دا ترد عليه كيف ؟؟
يا اخى اكتب عن الشيوعيية كما تشاء وانتقد الشيوعيين كما تشاء لكن بطريقة تحترم العقل مش بطريقة السفة رماها منو
يا اخوى اطمنك لا عندنا خطة ولا تكتيك وكل واحد فينا هنا بيكتب بدون املاء او توجيه من حزب وحسب رؤيته الشخصية
وكل زول مسؤول عن ما يكتب ...
تحياتى

Quote: يبقى المشكلة ما مشكلة حزب شيوعى او شيوعيين انما تتوقف على ممارسات شخصية وتابعنا فى المنبر دا الكتير من المساءل الشخصية اللى فاتت حدود المعقول ولم يكن الشيوعية او الشيوعيون طرف فيها ..

سلام يا هشام
ياخي الممارسات الشخصية دي حدها وين؟ ولماذ ترتبط هذه الممارسات الشخصية في أحيان كتيرة بشيوعيين؟ صحيح هناك صراعات شخصية كتيرة في المنبر الشيوعيين ما كانوا طرف فيها لكن هذا لا ينفي أن لهم نصيب كبير في شخصنة الكثير جدا من الصراعات وبصورة مبتذلة. من قبل كانت هناك عضوة شيوعية وصلت إلى حد اتهام أعضاء في المنبر بأنهم شواذ قبل فترة وجيزة هناك عضو آخر اختلفت معه في أسلوبه فلم يتردد في الطعن في رجولتي (على حسب فهمه للرجولة) ويهددني بأنه يعرف عني الكثير المثير وإن لم أتوقف عن التعليق على ما يكتب فسوف يقوم بنشر هذا الكثير المثير واتهم زملاء آخرين باتهامات أشنع وأفظع ولا يزال بعض الشيوعيين يسمونه الطوربيد. فلما الممارسة الشخصية دي تبقى من طبع بعض وأكرر بعض فأنا أشهد بأن كثيرين من الشيوعيين كانوا على رأس من يدين هذه التصرفات لكن برضه في كتيرين جدا يشجعونها بطريقة مباشرة وغير مباشرة يبقى طبيعي الناس تربط بين الحزب وتصرفات عضويته.

أستاذ أبوالريش ..
دى مسالة جديرة بالاهتمام ..
وأتساءل ..
هل هذا التكتيك المزعوم "حتى الآن" قاصر على شيوعيين منبر سودانيزاونلاين ؟
بالتحديد ماذا عن شيوعيين منبر فوراول وأعلم أنك من النشطاء فيه ..
واعلم انه لا يخلو من الشيوعيين ؟!

سلام وشكرا للمداخلات ومعذرة لضيق الوقت..

بعض التعليقات اعلاه هى بسبيل المتهم القال للقاضى، ويعنى شنو شافونى نفرين، انا اجيب ليك مائة نفر ما شافونى.. أو أن البوليس إتهمنى ظلما لأنى اعرف جيران اقترفوا نفس الجريمة وما فى زول إعتقلهم.

سأعود اليكم بالتفصيل أيها الكرام الافاضل.

Quote: سكتنا كتير على سخفكم دا. المرة الفاتت كنا مع الذين يرسلون الكلاب، أما الان فمع الكلاب وأصحابها.. ومعبودك التجانى الطيب دا الطلع عميل لجهاز الأمن وإنت زى المغفل تطبل ليه فى المنبر

الأخ هشام عباس
والأخ ود المشرف
الاقتباس أعلاه هو مثال للنقد الذي يوجهه هذا الجهلول للحزب الشيوعي
وطبعاً هو بيحاول يلحق سوق الشهرة
سمع انو الشيوعيين ديل بيغتالوا الشخصية
مسكتوا امفريحانة وافتكر بضعفوا البائن انوا دة أقصر طريق للشهرة
وظل يردد الشيوعيين قاصدني ودايرني اخلي البورد
والشيوعيين بتكتكوا لي
غايتو محن التكنولوجيا دي الله يصبرنا عليها

لكن وين الشخصية اليغتالوها دي

Quote: زعلت لما قالوا ليك عم التجاني دة قدر أبوك وراعي عامل السن وعملت فيها من جيلو طيب انت شن نفرك لو ما سودانيس اونلاين دي عم التجاني ونقد بشر بيخطئوا وبيصيبوا لكن كانت عندهم اسهامهم البخليهم أعلام عشان الزيك دة يجي يشتمهم انت تأريخك شنو أها كان دايرين ننتقدك ننتقدك في شنو انت عملت شنو الستين سنة الفاتت داير تجي في عمر الشيوخ تفتش ليك دور وكمان من خلال الانترنت يا راجل اختشي القدرك مفترض ما يعرضوا نفسهم للبشتنة عشان الناس تحترمهم لكن تقول شنو بلاغة واضحة

وهذا نموذج للاستفزاز الذي بسببه استنتج تكتيكات الشيوعيين
وطبعا الكلام دة ليهوا كم سنة كدة
لو لقيت زمن بفتش ليكم الروابط وأجيبها ليكم
ودة واحد منها
أساليب كادر الشيوعيين فى هـذا المنبـر

على العموم من باب وفي كل كبد أجر
سنسعى لأن نكسبه الشهرة التي يريد
وايدكم معانا

بشرى محمد حامد الفكي ،

شكــرا للتبرع بمثال حى على تكتيكات الشيوعيين فى شخصنـة النقاش..

وزى ما ذكرت، هـذه المرة لا إلتفات الى هـذه المحاولات فلا تضيـع وقتك.

Quote: كلام أبو الريش في الرد علي محمد زكريا Quote: والكلمات فرقها شنو من اللغه الشعريه الاديتها ميه في ميه؟ دى يا محمد زكريا وجهـة نظر وتفسيـر ربما خاص بى.. يعنى مثلا فى واحد يقول ليك "المزنـة"، وتانى يقول ليك "البعاق" الكلمتين تعنيان السحابة الداكنة التى تشى بمطـر.. ولكن كلمة "مزنـة" وقعهـا على الإذن الطف وأجمل، وفى ناس يسموا بنتهم مزنـة لكن ما أعتقد زول عاقل يسمى بتو بعاق مع انو المعنى شئ واحـد. هنا الشاعر مثلا يستعمل "مسافر عايد" وما بيستعمل "مسـافر راجع" ودي من مقدمة كتاب البلاغة الواضحة Quote Quote: : مقدِّمةٌ الفصاحةُ - البلاغةُ – الأُسلوبُ *-تعريفُ الفصاحةِ: الفصاحةُ :الظهورُ والبيانً، تَقُولُ: أفْصح الصُّبْحُ إِذا ظَهَر. والكلامُ الفصيحُ ما كان واضحَ المعنى، سهل اللفظِ، جيِّدَ السَّبك. ولهذا وجبَ أن تكون كلُّ كلمة فيه جاريةً على القياس الصَّرفي ، بينةً في معناها، مفهومةً عَذْبةً سلِسةً. وإِنما تكونُ الكلمة كذلك إِذا كانت مأْلوفَةَ الاستعمال بَين النابهين من الكتاب والشعراءِ، لأنها لم تَتَداولها ألسِنتُهم، ولم تَجْرِ بها أقلامهم، إلا لمكانها من الحُسْن باستكمالها جميع ما تقدم منْ نُعوت الجوْدة وصِفات ِالجمال. والذوقُ السليمُ هو العُمْدةُ في معرفةِ حُسنِ الكلمات وسَلاسَتِها، وتمييز ما فيها من وجوه البشاعة ومظاهر الاستكراه؛ لأنَّ الأَلفاظَ أصواتٌ ، فالذي يطْرَبُ لصوْت البُلبُل، وينْفِر من أصوات البُوم والغِرْبان، ينْبُو سمعُه عن الكلمة إذا كانت غريبةً مُتَنَافِرَةَ الحروف . ألا ترى أن كلمتَي "المُزْنةِ" و "الدِّيمةِ " للسَّحابة المُمْطِرة، كلتاهما سَهلَة عذْبَةٌ يسكنُ إليها السمعُ، بخلاف كلمة "البُعَاقِ" التي في معناهما؛ فإنها قبيحةٌ تَصُكُّ الآذانَ. وأمثال ذلك كثير في مُفْردات اللغة تستطيع أَن تُدْركه بذَوْقكَ.----------------(1) ويشترطُ في فصاحةِ التركيب :- فوْقَ جريان كلماته على القياس الصحيح وسهولتِها -أنْ يسلمَ من ضَعفِ التأْليفِ، وهو خروج ُالكلام عن قواعد اللغة المطردة كرجوع الضميرِ على متأخر لفظاً ورتبةً في قول سيدنا حَسانَ رضي الله عنه : وهذا هو الرابط لماذا يهين الفان وردى محبوبته؟

دى يا محمد زكريا وجهـة نظر وتفسيـر ربما خاص بى

بشرى محمد حامد الفكي

لو أردت نقاش موضوعى للقضيـة المطروحـة ونفى تهمتى بإسلوب منطقى وموضوعى، فمرحب بك، ولو أردت إغراق البوست وحرفـه من مجاله (وهذا تكتيك شيوعى ايضا) فأعلم أننا لسنا مغفلين، ولا ننتظر تبريراتك، وأعلم ان
لك ايضا بوسات ومداخلات. أنت أكبر مثال حى لما أقول...

Quote: بشرى محمد حامد الفكي ، شكــرا للتبرع بمثال حى على تكتيكات الشيوعيين فى شخصنـة النقاش.. وزى ما ذكرت، هـذه المرة لا إلتفات الى هـذه المحاولات فلا تضيـع وقتك.

Abureesh

لا شكر على واجب
وبالطبع أنا وقتي ثمين لو تعلم
ولكن كما قلت سابقاً تأسياً بفي كل كبد رطبة أجر أتداخل معك هنا
لأنك مسيكين وتستحق الرثاء

سؤال أتمنى أن تجيب عليه
أين بوست لماذا يهين الفان وردى محبوبته؟
الذي قصدك الشيوعيين من أجله

على العموم انت وصفتنا بالكلاب
والتجاني الطيب بالعمالة
ونقد بالخيانة الوطنية
وسميته نقداً
وردنا عليك سميته تاكتيكاً

وايرادنا للرابط محاولات لا تلتفت لها

ونحن سنحترم طموحك الشخصي في طلب الشهرة لأن الطموح حق ليس من حق أحد سلبك اياه
ولكن لماذا لا تشتهر دون اساءة الآخرين
الذين لا تعرفهم ولا يعرفونك
وانت في سن تتطلب منك وقاراً وحكمة

انتقد الحزب الشيوعي زي ما عايز
لكن ما تضاري عدم قدرتك وقلة حيلتك في نقد الحزب الشيوعي بتصوير أن هنالك مؤامرة تحاك ضدك

شوف أنا بقول ليك الكلام دة وانا متقمصاني روح طيبة
لأنك حننتني مرة لما سألتني في صيغة لوم عن عمري وقلت لي انك ما اتداخلت معاي قبل كدة

يا سيد ابوريش
لا أهوى اطلاقاً مرمطة الرجال الكبار زيك وبشتنتهم
ولا اريد لك الشتيمة
وبنفس القدر نريدك أن تحترم من هم أكبر منك في السن
وأن تنتقد مواقفهم دون أن تهينهم
وألا تصف الآخرين بالكلاب وان خالفوك أو أساؤا اليك

شوف كلام الطيبة دة كيف معاك
وبعداك انتقد زي ما داير الحزب الشيوعي دة لا أمنا ولا أبونا

بشــرى،

لو عندك مشكلـة مع الحزب الشيوعى امشى حلها معاهـم.. ما حأكون ليك وكيل.

Quote: بشــرى، لو عندك مشكلـة مع الحزب الشيوعى امشى حلها معاهـم.. ما حأكون ليك وكيل.

الله وكيلي ووكيلك انت راجل تحفة

هسي بالله في ذمتك دي الشيوعيين ديل محتاجين يعملوا تكتيك يواجهوك بيهو


الله يسهلها عليك
أنا الغلطان

Quote: فأعلم أننا لسنا مغفلين

حاشاك

تعرف يا بشرى !
استاذنا الكبير ابوالريش هذا لا يملك المقومات التى قد تقوم النفس ..
والله صحى !!!
زول بسيط جدا زينا ثم ولا يدرك هذه الحقيقة البسيطة جدا ..
ولاعتبارات كتيرة لا مجال لتثبيتها هنا أرى انو أحسن حاجة الناس تسايرو فى الكلام وتسوقو سواقه عشان يكتب اكثر ..
وذلك كل ما يتطلب الامر يا صديقى ..

تحياتى ..

أكرر سؤالى يا استاذنا ..
الممارسة ضدك محصورة فى هذا المنبر ولا ممتدة لباقى المنابر ؟..
والسؤال مهم لتتبع المصدر بتاع هذا التاكتيك االمتآمر لاغتيال شخصيتك يا أستاذ ..

Quote: قبل فترة وجيزة هناك عضو آخر اختلفت معه في أسلوبه فلم يتردد في الطعن في رجولتي (على حسب فهمه للرجولة) ويهددني بأنه يعرف عني الكثير المثير وإن لم أتوقف عن التعليق على ما يكتب فسوف يقوم بنشر هذا الكثير المثير واتهم زملاء آخرين باتهامات أشنع وأفظع

العوض
سلام و مودة

المشكلة فى هذا البورد انكم تعتبرون اى يسارى او اى شخص يتكلم بلغة يسارية عضوا فى الحزب الشيوعى السودانى
و تحملونه مسؤلية افعاله و اقواله (لا ايد الحزب و لا كراعو)
هذا الشخص الذى يتعلق به المقتبس اعلاه (معاوية الصائم) نفى مرارا و تكرارا عضويته فى الحزب فلماذا تحميل
الحزب مسؤلية اقواله؟؟؟

Quote: أكرر سؤالى يا استاذنا .. الممارسة ضدك محصورة فى هذا المنبر ولا ممتدة لباقى المنابر ؟.. والسؤال مهم لتتبع المصدر بتاع هذا التاكتيك االمتآمر لاغتيال شخصيتك يا أستاذ ..

يا د. المشرف

الأخ أبو الريش لديه إعتقاد بأنه يجب أن يكتب أى شئ يُشوه فيه مواقف الحزب الشيوعي السوداني
بدون أن يتداخل معه منتسبي وأصدقاء هذا الحزب لدحض كتاباته ولإثبات أنه بذلك يدعم نظام الحُكم القائم
بوعي منه أو بدون وعي .... يتوقع ذلك يا المشرف! .. أو أن لهم تكتيكات لإغتيال شخصيته.

وسؤالك جيداً يا دكتور .....
نتمني أن يُجيب عليه بشكل مُباشر بدون لف ودوران.

تك!




تيك!

ما يختــــــــــــص بالحزب الشيـــــــــــــــــوعى السودانى


العوض راجع بوست معاوية
وحسب علمي المتواضع مافي واحد
في المنبر دا بيمثل راي الحزب الشيوعي

Quote: تعرف يا بشرى ! استاذنا الكبير ابوالريش هذا لا يملك المقومات التى قد تقوم النفس .. والله صحى !!! زول بسيط جدا زينا ثم ولا يدرك هذه الحقيقة البسيطة جدا .. ولاعتبارات كتيرة لا مجال لتثبيتها هنا أرى انو أحسن حاجة الناس تسايرو فى الكلام وتسوقو سواقه عشان يكتب اكثر .. وذلك كل ما يتطلب الامر يا صديقى .. تحياتى ..

ود المشرف سلامات
يا راجل انا طبعاً عشان بعيد شوية من المنبر ما كنت مكتشف الحقيقة دي
انا بدخل المنبر لما ألقى عنوان فيهو الشيوعي بدخل اشوف فيهو شنو
كم سنة كدة لي ورا لقيت الراجل الطيب دة بشتم في التجاني الطيب الله يرحموا ويوصفه بالعمالة لجهاز الأمن
تخيل عم التجاني
وبعد داك طالب انو يحاكمو نقد بالخيانة الوطنية
أها وزادها شوية بي كلاب دي
يا راجل بصراحة زعلت منو وبقيت متذكر الاسم لأنو الجا بيهو الراجل دة لم تأتي به الأوائل
هسي والله انا اشيل واسخر من نفسي
دة ما بيزعلوا منو وشكلو كدة دخل في قائمة كتابي المفضلين
الله يجازيك يا الشيطان العميت عيونا من الحقيقة

غايتو نظرية عاطف مكاوي بتاعة العلاقة الطردية بين حب الشهرة وفتح بوستات معنون فيها كلمة شيوعي دي
اثبتت صحتها تماما ومفروض بعد دة يدرسوها

شكراً يا المشرف فقد انرت لنا الظلام

Quote: هل هذا التكتيك المزعوم "حتى الآن" قاصر على شيوعيين منبر سودانيزاونلاين ؟ بالتحديد ماذا عن شيوعيين منبر فوراول وأعلم أنك من النشطاء فيه .. واعلم انه لا يخلو من الشيوعيين ؟!

ود المشرف الشيوعيين الهناك ديل صفوة
انت قايلهم من الشيوعيين العوام زيك

يكفي أن تكتب كلمة (شيوعي).. أو.. (نقد) .. بعنوان أى بوست.. لتضمن... (قراء وشهرة) !


يكفي أن تكتب كلمة (شيوعي).. أو.. (نقد) .. بعنوان أ...من... (قراء وشهرة) !

شكرا الاعزاء
بشرى
المشرف
عاطف مكاوى
لم اتابع الاخ ابو الريش وما كنت اعرف خلفية بوسته هذا ومن خلال مداخلاتكم عرفت

الاخ ابو الريش
ارجع لمداخلتى الاولى .. قلت لك ان اسلوب وطريقة عرض القضية هى التى تلعب دور
فى سير الحوار ووفق ما طرحه بشرى تجد ان ما قلته هى الحقيقة .. يا اخى ما ممكن
تصف ناس بالكلاب وتطلب منهم يناقشوك يناقشوك فى شنو يعنى ؟؟ يثبتوا ليك انهم ما كلاب ولة الفهم شنو ؟؟
وما تصفه باغتيال الشخصية لا اغتيال ولا يحزنون بل رد فعل طبيعى لوصفك للاخر بال######
مستحيل تصف انسان بال###### وتنتظر انه يجى يصفق ليك
واضح ان قضيتك خسرانة يا سيد ابو الريش وواضح ان منطلقاتك غير امينة ولا تقصد بها نقد او حوار
تحياتى

Quote: لم اتابع الاخ ابو الريش وما كنت اعرف خلفية بوسته هذا ومن خلال مداخلاتكم عرفت

الاخ الفاضل هشـام عباس،
ياخى قضـاة العدالة الناجزة ما كانوا يحكموا بالإستماع لطرف واحد وشهوده..

totally unfair

وكل ما بنيت على حكمك هـذا الذى يفتقر لأبسط قواعد العدالة are null and void

كيف بالله تحكم هكذا، حتى لو قرأت نص بوست قديم، دون الرجوع الى البوستات أو المداخلات التى سبقته، ودون التأكد إن كان
فى سياقـه أم لا

Quote: يا اخى اكتب عن الشيوعيية كما تشاء وانتقد الشيوعيين كما تشاء لكن بطريقة تحترم العقل مش بطريقة السفة رماها منو يا اخوى اطمنك لا عندنا خطة ولا تكتيك وكل واحد فينا هنا بيكتب بدون املاء او توجيه من حزب وحسب رؤيته الشخصية وكل زول مسؤول عن ما يكتب ...

احم احم احم
بالجد مبالغات
موضوع اغتيال الشخصية الليلة ولا امبارح ما دي حاجة طوال عمركم كلو كابر عن كبار بتعملو فيها
قال النقاش بموضوعية قال

نحنا قاعدين في النت دا من انتو ما فارزين الكمبويتر من المايكرويف
ما بدأت الاكاذبب وتأليف القصص عن الناس الا بحضوركم الى هذه المنابر

قال طريقة تحترم العقل قال..


يا ود الخالة جاك فريق تشتيت الكور بعد شوية بتجي فرقة الشتائم والاشاعات بفرعية السايبر

بس سردب وما ترد على اي واحد فيهم

نجاة
سلامات.. وشكرا على المداخلـة.



زى ما قلت أول البوست، أكتبوا ما بدا لكم فلن ارد إلا على ما يناقش المطروح بصـورة منطقيـة.. لا أنادى احدكم بالإسـم no name calling وأتوقع المثل ولو حاولتم إغراق البوست لصرف النظر عن موضوعه، وشخصنـة
النقاش، فسـوف (أحتلف معكم) إختلاف كبيـر...

فوق حتى نعود

Quote: فوق حتى نعود

ترجع بالسلامة انشاء الله

Quote: سؤال أتمنى أن تجيب عليه أين بوست لماذا يهين الفان وردى محبوبته؟ الذي قصدك الشيوعيين من أجله

ما تعمل فيها رايح

Quote: سؤال أتمنى أن تجيب عليه أين بوست لماذا يهين الفان وردى محبوبته؟ الذي قصدك الشيوعيين من أجله ما تعمل فيها رايح

وجه  السؤال  دا  لبكرى  ابو بكر

فــوق حتى نعــود