If you don't have an iPhone, well, you don't have an iPhone

ما بنقدر نقول على الزول اللى ما عندى اى فون انه ما عندو تلفون. لان ال اى فون ما تلفون بس.
ال ما عندو اى فون.....ما عندو اى فون

نبدا اولا بلنكات البوستات القديمة.....للتاريخ


الناس اللى عندها Blackberry or iphone .... مساعدة
اذا كنت مهوووس بال Iphone بتاعك... There is an app for that
و خير جليس فى الزمان...... an iPad

ده بوست لاخوى نوبى برضو حول الموضوع
لعشاق APPLE فقط

الاشاعات الايام دى قوية جدا حول الiphone الجديد.
ابل ما اعلنت رسميا عن التلفون لسه. لكن متوقع انها تعلن عن مؤتمر صحفى قريب.
اخر اشاعة بتقول ان التلفون ح يعلن عنه يوم 12 سبتمبر...و ح ينزل السوق يوم 21 سبتمبر

Galaxy will do

البوست ده ح يكون عن الاشاعات حول التلفون الجديد.
و لما يطلع التلفون ح يكون حول مواصفات التلفون....
و طبعا اى زول عندو تطبيق مفيد ...يورينا ليه مشكور...
و اى خبر او معلومة او تطبيق عن ال ipad برضو مرحب بيه
ذى البوستات الفوق دى...اى زول مرحب بيه يكتب ذى ما عاوز فى البوست. المره دى عندى شرط واحد بس (للكتابة فى البوست)....ناس الاندرويد غير مسموح لهم يبرونا هنا...يمشوا يفتحوا بوستاتهم براهم ^_^
Just kidding, everybody is welcome

شوفتوا???? اها ولى الدين الفكى...جانا طوالى بالقلاكسي ^_^

و الله يا ناس الاندرويد ( و المقصود اخونا والى الدين) احنا عارفين ان تلفوناتكم سمحة...سمحة شديد كمان.*_^
و انا شخصيا ما عندى مشكلة معاها...لكن ناس الانرويد ما بتحلى ليهم تلفوناتهم الا يقولوا ال اى فون كعب!!!!!

ياسمارتي اليومين ديل بعد ما حجوج حردت اللاب توب بتاعي وقالت مافي عدالة في توزيع الفرص
وأنا باخد عدد ساعات أكتر منها
شافت الاي باد عند هبة
قالت لي أنا عاوزة (لوح أردواز) زي حق هبة

حجوج عندها حساب في الاسكايب والفيس بوك
وبتعشق اليو تيوب
ماخلت لي غريبة حاجة ...مش؟

Quote: لاشاعات الايام دى قوية جدا حول الiphone الجديد. ابل ما اعلنت رسميا عن التلفون لسه. لكن متوقع انها تعلن عن مؤتمر صحفى قريب. اخر اشاعة بتقول ان التلفون ح يعلن عنه يوم 12 سبتمبر...و ح ينزل السوق يوم 21 سبتمبر

انا عندي واحد من الجديد 5
وهمي جداً وكبير ذي البرطوش اخير منو ال 4
لو دايراينو برسلو ليكم مجاني كمان

حجوج سكر بس يا راوية.
دقي صدرك و امشي جيبي ال اي باد يا زولة
قلتي تعشق ال يوتيوب، مبااالغة. ربنا يديها العافية


راني، كيف الكلام ده؟ التلفون ده لسه ما طلع في السوق

ازيك يامفيدة وعيدك سعيد

ياريت لو كنت اقدر اخلي ولدي خالد يتداخل معانا ،،

امس راكب معاي في العربية وانا مشغل آيبود من الايفون وهو قاعد في الكنبة الوراء خالص

الاغنية الشغالة من سيديهات نادرة قام قال لي اسم الاغنية والمغني

يازول عرفتها كيف؟؟ غيرت الاغنية برضو وراني ليها،،

عرفت انو في آب في الغلاكسي حقو بقرأ الصوت وطوالي يكشف ليه الاغنية والمغني والالبوم والمغنيين من نفس الفئة


حاجة عجيبة ، ذهول ،،

عرفت منو ان الآب متوفر للآيفون برضو!!!

مبالغة تطور هذه الاجهزة !!!

والماعندو آيفون فات عليه الكثير من متعة إقتناء هاتف حبيب للقلب ،،

سلامات عبد اللطيف.
كل عام انت و خالد و كل الاسرة بألف خير.
الحاجه اللي عملتها ابل سنة 2007 في موضوع التلفونات حاجه مبالغ فيها.
و كل يوم في جديد في التطبيقات دي.

Quote: ازيك يامفيدة وعيدك سعيد ياريت لو كنت اقدر اخلي ولدي خالد يتداخل معانا ،، امس راكب معاي في العربية وانا مشغل آيبود من الايفون وهو قاعد في الكنبة الوراء خالص الاغنية الشغالة من سيديهات نادرة قام قال لي اسم الاغنية والمغني يازول عرفتها كيف؟؟ غيرت الاغنية برضو وراني ليها،، عرفت انو في آب في الغلاكسي حقو بقرأ الصوت وطوالي يكشف ليه الاغنية والمغني والالبوم والمغنيين من نفس الفئة حاجة عجيبة ، ذهول ،، عرفت منو ان الآب متوفر للآيفون برضو!!! مبالغة تطور هذه الاجهزة !!! والماعندو آيفون فات عليه الكثير من متعة إقتناء هاتف حبيب للقلب ،،

الاب اسمو Shazam


وفي اب تاني للصور تاخد بيهو صورة من مجلة او تلفزيون او اي حاجة بديك معلومات عنها لمن تتحير
والله الابات دي شكلها شغالة بسفلي

Quote: امس راكب معاي في العربية وانا مشغل آيبود من الايفون وهو قاعد في الكنبة الوراء خالص الاغنية الشغالة من سيديهات نادرة قام قال لي اسم الاغنية والمغني يازول عرفتها كيف؟؟ غيرت الاغنية برضو وراني ليها،، عرفت انو في آب في الغلاكسي حقو بقرأ الصوت وطوالي يكشف ليه الاغنية والمغني والالبوم والمغنيين من نفس الفئة حاجة عجيبة ، ذهول ،، عرفت منو ان الآب متوفر للآيفون برضو!!!

و البرنامج مجاني و إسمه Shazam
و بيعتمد على قاعدة بيانات أغاني أوروبية فيها 3200000 غنيه !!
رابط التحميل من آي تونز

Quote: راني، كيف الكلام ده؟ التلفون ده لسه ما طلع في السوق

ياتو سوق؟
اها دي صورتو نرسل ليك؟

lool

السلام عليكم
اختنا العزيزه اسمارت كل عام انت واسرتك الكريمه بالف خير

اشتريت امس ايباد تو من ناس ابل ستور ومشيت بنصيحتك

Quote: سلامات امير عبد الدائم. و شكراً جزيلا علي الدعوات الطيبة دي. و لك مثلها ان شاء الله. كيف يا اخي السودان ما فيه وأى فاي.؟ اغلب البيوت الان فيها DSl و وأي فاي. و تمشي تلاقي كل زول ماسك ليه لاب توب او اى باد او اى بود او سمارت فون و حاتلين في الفيسبوك ، ذيي تماماً :( و بالمناسبة الاشتراك الشهري بتاع الdata في للسودان ب 40 الف ( ما متأكدة اى شركة) و أظن انك ممكن تستعمله ذي ما عاوز. Unlimited use بس اهم حاجه ما تجيب ال اى باد اللى بيشتغل ب ال وأى فاى بس لازم يكون 3G برضو.

لكن اهم حاجه انو الواحد بعد ما يدخل محل ناس ابل ديل يشوف ليه حاجه تطير الخلعه من المحل بتاعم
انا بالجد اظنوا اصبت بالشئ البيقولوا عليه الصدمه الحضاريه
غايتوا ابل استور ابداع فى ابداع والمعامله داخل المحل اكتر من ابداع
غايتوا ناس امريكا الما شاف ناس ابل فى نيوجيرسى فى شيرى هيل ما اظنوا شاف شئ فى امريكا
المهم سالت عن هل ممكن انزل ابات فى السودان مع الحظر ده قال لى نظريا ممكن لكن لازم تسال لو كان فى واحد جاتوا مشكله تنزيل ابات فى السودان
كمان سالت عن الانلوك بالنسبه للتلفونات لانوا فى دعايه عن الانلوك ممكن ناس ابل يفكوا قال لا

شكراً راني / قرشي

تموالتعامل مع الموضوع وانزال هذا المدعو شاذام هههههههه

غايتو آب غير مطمئن ابدا ، وواضح امكانية التنصت العالية ،، الله يستر الزول مايكون اشترى له من حلاله علة!!!


شايف في واحد بحوالي ستة دولار : دا ياربي مهمته شنو ؟؟؟

وما لنا من العلم الا قليلا جداً

سلامات عبد اللطيف
أبو ستة دا لايف تايم
لكن الفري دا بيعمل ليك كابشر لخمسة أغنيات في الشهر بس

أممممممممممممم!، بقى عندي شك يا اسمارت إنك بتاخدي كومشن من ناس أبل وبكري نايم في العسل :)

معليش يا راني ما شفت مداخلتك قبال ما أنزل بتاعتي

Quote: المهم سالت عن هل ممكن انزل ابات فى السودان مع الحظر ده قال لى نظريا ممكن لكن لازم تسال لو كان فى واحد جاتوا مشكله تنزيل ابات فى السودان

ما ممكن تنزل Apps من السودان .. بتواجهك مشكلة الحظر

أنا بحل المسألة دي عبر البروكسي
بنزل التطبيقات في اللاب توب الشغال بالبروكسي
و بعدين بعمل ليها Sync مع الآي فون

الله لينا نحنا الما قرينا





كلتينا بالغيظ يا اسمارت



منك لله












كل سنة وانت طيبة
حقق الله الاماني
كوني بخير

اسمارت محبتي وسلام للعيد الجاي
انا دابو دخلت دنيا الاي فون
من خلال صديقي الفنان والعريس الايام دي احمد خضر هداني اي فون
وبتعلم لحدي ما يظهر الجيل الجديد
طبعا التاريخ بعد شوية حيقاس
بي قبل الاي فون وبعد الجلكسي
غايتو عالم ساحر
ومنكم نستفيد

رانى...طلعتا بتستهبل ساى ????

رانى...د.محمد...اشرف الحلبى...شكرا جزيلا. انا حقيقى اتخيلتا خالد ورا ابوه اسم التطبيق...عشان كده moved on طوالى ^_^
انا من النس اللى نزلوا التطبيق زماااان. عشان كده عندى نسخة مجانية لكن بتشتغل اى عدد من الاغانى.

امير عبدالدائم ...سلامات.

Quote: كمان سالت عن الانلوك بالنسبه للتلفونات لانوا فى دعايه عن الانلوك ممكن ناس ابل يفكوا قال لا

ناس AT&T ممكن يفكوا ليك تلفونك لو كان:
اشتريته منهم او من ابل
معاك ليه اكتر من سنتين...و لسه بتدفع الفواتير بصورة كويسه
Call AT&T

د. محمد

Quote: أنا بحل المسألة دي عبر البروكسي بنزل التطبيقات في اللاب توب الشغال بالبروكسي و بعدين بعمل ليها Sync مع الآي فون

شكرا على المعلومة. شد حيلك. لما جى السودان ح اطالبك بزيارة توتى و المساعده فى تشغيل التلفون

حافظ انقابو...كل سنة و انت طيب. تسلم يا اخى من الموت غيظا.
ربنا يسهلوا ليك قريب ان شاء الله


الاستاذ محمد السنى شخصيا!!!
كل عام وانت و الاسرة بالف خير
الف الف مبروك الا اى فون.. وربنا يجعل ليك فيه الخير.
فى تطبيق اسمه imovie ...ممكن فيه تقطع و تلصق الصور و الفيديوهات اللى فى تلفونك (او ال اى باد) و تخت ليهم خلفية اى اغنية فى التلفون و تكون عملتا فلم.

طيب يا جماعة....اول اشاعة عن التلفون انه كبير. اكبر من التلفون الحالى. على الاقل الشاشة. الوزن غالبا ح يكون اقل او نفسه.
الموضوع ده مهم ليه? لان ابل من اول تلفون ما غيرت حجم الشاشة و دى ح تكون او مرة.


الاشاعة التانية ان ابل ح تغير مقاس الوصلة. حتى الان وصلة ال اى فون و وصلة ال اى باد ذى بعض...فى كل الموديلات. ابل ح تغير مقاس الوصلة دى.

سلامات يا سمارت






26% من مكونات الايفون صانعنها سامسونج
http://www.phonearena.com/news/Samsung-makes-...-infographic_id21206

ال retina display بتاع الآى باد عاملاهو سامسونج

اسم ال (آى فون) اصلاً كان بتاع Cisco من قبل ما ابل تفكر انها تصنع ال آى فون........ابل زااااتها اسمها التجارى دا فى الاصل بتاع فرقة ال beatles !

امين الغالاط...كل سنة وانت طيب.
احبطتى.....لما شفتا اسمك فى اخر مداخلة فى البوست و شفتا الصورة
قلتا امين جاى بالضربة القاضية
يا ابنى...فى فرق لما نقول الشركة "صممت" حاجه معينة او "صنعت" حاجه معينة.
ابل هى اللى اخترعت الretina display و عندهم كل براءة اختراعه. و صممته. كونها تدى فى النهاية التصميم ل سامسونج
عشان تركبه ...فده عادى جدا. لو على كده نقول foxconn الصينية هى اللى بتصنع ال اى فون!!!!! هم فعلا بيركبوه...لكن ما عندهم طريقة يقولوا تلفونهم
و التفاح ذاتو بتاع البيتل ???
عندى ليك هوم ويرك....امشي فتش قصة تسمية الشركة ب Apple .
ما ممكن يا امين تطلع اقيم شركة فى العالم كلام ساى !!!!!!
ايوه,....ابل (الان) اقيم شركة فى العالم.

بالمناسبة يا امين ...فى اى لحظة الان حكم المحكة ح يصدر فى القضية بين ابل و سامسنج...ة نشوف منو اللى ح يطلع سارق افطار التانى.
بعدين انت مش عامل فيها انجليزى...القاضي الانجلبزى قبل اسبوعين قال ناي سامسج ال اى فون cool ما ذى تلفوناتكم

Quote: Galaxy tablets aren't “cool” enough to be confused with Apple Inc.'s iPad.

http://www.bloomberg.com/news/2012-07-09/sams...l-galaxy-tablet.html

Quote: شكرا على المعلومة. شد حيلك. لما جى السودان ح اطالبك بزيارة توتى و المساعده فى تشغيل التلفون

نتشرف كتير و الله ..
توتي ترحب بك

بعدين ما تقولي التلفون
خليك متماشيه مع عنوان البوست
الآي فون ما تلفون

برسل ليك رقم شريحة الآيفون في الخاص ..

اها دي صورة الوصلة الجديدة

و انت طيبه يا سمارت...تتحقق الامانى انشاء الله

Quote: ابل هى اللى اخترعت الretina display

ابل اشترت ال retina display من LG

http://www.dailytech.com/LG+Looks+to+Leave+Ap...lay/article24788.htm

http://wiki.answers.com/Q/Who_invented_the_retina_display

Quote: و التفاح ذاتو بتاع البيتل ???

دى معروفه يا سمارت و عندهم كم قضيه ........Apple Inc v Apple Corps.......حتى اغانى البيتلس كانت مافى فى ال Itunes بسبب القضايا دى.....الشركه دى اتأسست سنة 1968 و Apple Inc سنة 1976(يعنى قبل ما يصنعو كمبيوتراتهم)

http://en.wikipedia.org/wiki/Apple_Corps_v_Apple_Computer
http://news.bbc.co.uk/2/hi/entertainment/6332319.stm

Quote: ما ممكن يا امين تطلع اقيم شركة فى العالم كلام ساى !!!!!! ايوه,....ابل (الان) اقيم شركة فى العالم.

عادى لو هى اقيم شركه فى سنه سنتين قوول خمسه سنين عديييل(ما هدى مايكروسوفت كانت اقيم من سنة 1999) وما بتوفع انو Apple حتفوت مايكروسوفت فى عدد السنين فى ال top.....الكلام فى اقيم شركه فى التاريخ و مواقع كتيره بقولو انها Apple زى bbc,reuters, guardian....المشكله انهم ما ختو فى حسابهم ال inflation

اقيم شركه على مر التاريخ هى IBM على حسب حسابات موقع techcrunch

http://techcrunch.com/2012/08/20/apple-is-not...lue-of-1-3-trillion/

حسب الاخبار انو سعروا حايكون اقل من سعر الـ 4 اس عشان يقدر ينافس في السوق مع السامسونق والـ HTC

Quote: القاضي الانجلبزى قبل اسبوعين قال ناي سامسج ال اى فون cool ما ذى تلفوناتكم

ابداً ما قال كدا......قال السامسونج tablets ما كول زى ال Ipad..............:) القضيه ما عن التلفونات

دا قاضى عادل ما زى القاضى ال فى امريكا المنع المبيعات بتاعت Samsung's Galaxy Tab 10.1 :)

شكمرا يا د. محمد...انا اللى ح اتشرف يا اخى.

شكرا يا معاوية على الفيديو

امين انت ناس بيتكم قاعدين معاك كيف????غالاط... غالاط... غالاط

بديت ب:

Quote: ال retina display بتاع الآى باد عاملاهو سامسونج

و انتهيت ب:

Quote: ابل اشترت ال retina display من LG

بعدين اللنكات الى رسلتها لى دى ...ما قريت فيها الكلام ده:?

Quote: The High Court of Justice handed down a judgment on 8 May 2006 in favour of Apple Computer,

دى محكمتك العليا يا ولدنا!!!!!
تحب الغلاط ذي عيونك..حتى انك ما لاحظتا انى كتبتا:

Quote: ايوه,....ابل (الان) اقيم شركة فى العالم.

و جيت تغالطنى ان مايكروسفت كانت اغلى فى التسعسنات...come on!!!!1 مخيل حاجه ذى دى ممكن تفوت على????^_*
اها كده كم صفر???

Quote: امين انت ناس بيتكم قاعدين معاك كيف????غالاط... غالاط... غالاط

فى فرق بين ال اخترع التكنولوجى منو و البصنّع الكومبوننت منو.......انا قلت ب التحديد

Quote: ال retina display بتاع الآى باد عاملاهو سامسونج

ردّك كان

Quote: ابل هى اللى اخترعت الretina display

رديت ب

Quote: ابل اشترت ال retina display من LG

دا الترتيب كدا ولاّ كيف؟ و الفرق واضح

اما فى حكاية اصل الاسم بتاع Apple جبت اللنكات البتثيت انو منو الاستعمل الاسم دا اول........فرق بين عام 1968 و 1976

Quote: تحب الغلاط ذي عيونك..حتى انك ما لاحظتا انى كتبتا: Quote: ايوه,....ابل (الان) اقيم شركة فى العالم. و جيت تغالطنى ان مايكروسفت كانت اغلى فى التسعسنات...come on!!!!1 مخيل حاجه ذى دى ممكن تفوت على????^_* اها كده كم صفر???

ايوه قريت الان يا سمارت و كلامى التحت دا ما بخالف....بس حبيت ازيد فى التقاصيل شويه و اقول توقعى!

Quote: عادى لو هى اقيم شركه فى سنه سنتين قوول خمسه سنين عديييل(ما هدى مايكروسوفت كانت اقيم من سنة 1999) وما بتوفع انو Apple حتفوت مايكروسوفت فى عدد السنين فى ال top.....الكلام فى اقيم شركه فى التاريخ و مواقع كتيره بقولو انها Apple زى bbc,reuters, guardian....المشكله انهم ما ختو فى حسابهم ال inflation اقيم شركه على مر التاريخ هى IBM على حسب حسابات موقع techcrunch

كويس انك ما نقيتى الحقائق التحت دى

Quote: Quote: القاضي الانجلبزى قبل اسبوعين قال ناي سامسج ال اى فون cool ما ذى تلفوناتكم ابداً ما قال كدا......قال السامسونج tablets ما كول زى ال Ipad..............:) القضيه ما عن التلفونات دا قاضى عادل ما زى القاضى ال فى امريكا المنع المبيعات بتاعت Samsung's Galaxy Tab 10.1 :)

Quote: اسم ال (آى فون) اصلاً كان بتاع Cisco من قبل ما ابل تفكر انها تصنع ال آى فون

Apple شركه ماخده اسم شركه تانيه و احد منتجاتها(Iphone) ماخداهو من شركه تانيه برضو......حقيقه تاريخيه مثبته:)

up

بالنسبة للمدعو: iPad

بنتي "ملاذ" اشتريت ليها عدد واحد آيباد..

النتيجة شنو؟؟ تقريباً عندها الآن سوء تغذية وفقر دم..

الشافعة مكنكشة في السجم دا الليل والنهار...

أقول ليك حاجة يا اسمارت؟؟؟

such technologies are NOT a wise choice

والله صحي..

..

استاذة سمارت في أول مداخلة لي معاك كل سنة وانتي وكل البعزو عليك بألف خير

الحقيقة انا لي فترة دايخ ما بين الآي فون والآي باد3
مع العلم انو اغلب استخدامي برامج ونت وتطبيقات يعني ما مركز مع التلفون كتير ممكن استخدم اي تلفون تاني
هل كل التطبيقات البتشتغل على الآي فون ممكن تشتغل على الآي باد .. والعكس كذلك
ولو اي معلومة تانية ممكن استفيد منها تكوني ما قصرتي

أرجو الافادة .. بناء عليها ان شاء الله نخش عالم الآبل لأول مرة

Galaxy وبس انت من زمن ال Iphone

السلام عليكم
هنالك حل مجرب في خلال الايام الماضية لتشغيل الابل ستور من الآيفون مباشرة ( بشرط أن يكون لديك حساب في الاب ستور و فيهو كريديت 10 دولار )
لكن داير ليهو زول مزاجو رايق و معاهو كباية قهوة
1- تنزل في كمبيوتر VPN عشان ما يظهر الاي بي بتاع السودان
2- تنزل و تعمل سيت أب لبرنامج iTune
3- تشغل الـ VPN و تعمل داونلود لي آب إسمه Hotspot VPN بيديك فترة تجريبية إسبوع
4- تشغل الـ التريال فيرشن بتاع الهوت سبوت و تشتري إشتراك سنة بقيمة 9.99 دولار
5- تشغل الفي بي بعد ما تشتريهو و ممكن كل خمسة أصحاب يدفعو قيمة إشتراك سنوي لأنه بيشغل خمسة أجهزة بنفس الرخصة
6- إنجوي إنك تدخل كل المواقع المحجوبة في كل العالم
قومو الي صلاتكم يرحمكم الله

السلام عليكم

Quote: هل كل التطبيقات البتشتغل على الآي فون ممكن تشتغل على الآي باد

للأسف لا
في برامج بتشتغل في الاتنين
و في واحدة للآيفون بس
و في واحدة للآيباد بس

يا محمود
حاول تجعل وقت معين لملاذ
و حاول أن توجد لها برامج تعليمية و ما أكثرها
هم أكثر ما يشدهم الألعاب و وضوح الصورة
مع البرامج التعليمية إن لم تتركه لفترة سوف تتعلم شيء جديد
لكن لا تنزعج فهذا طبع كل الأطفال فقط حاول أن تبرمج وقتها و الأهم طريقة إستخدامها
علي فكرة عندي ولد لم يكمل الثالثة من عمره يدخل اليو تيوب و يبدء في مشاهدة الأفلام الأعلي مشاهدة و كثير منها فيه خلاعة
فوجئت و لكن وجدت الحل موجود ( وهو قفل الفيديوهات لسن معين من ضمن السيتنغ بتاع الآيفون و الآيباد نفسه )
و من هنا أنصحكـ بمراقبتها أكثر لا للتشكيك و لكن الوقاية خير من العلاج.

ماشايف تطبيقات سودانية ؟؟؟

اهلييييييييين نوبي؟ وينك يا رجل؟
خلاص يا جماعة، الخبير الأجنبي نوبي وصل.
مل تزرزروني انا ^_*
طيب يا نوبي الاشتراك ده لسنة كاملة و ما ليه دخل بكمية الديتا اللي بستعملها؟ صح؟

امين، خلاص اطلع بره، من غير مطرود^_*.
بالمناسبة القاضي يوم الجمعة حكم لصالح ابل. سامسنق تستعد لدفع الغرامة


ناس الاندرويد كلكم، مطرودين عديل كده. امشي افتحوا بوستاتكم براكم و شكروا القلاكسي. ^_^

محمود مصطفي محمود، سلامات. ذي ما قال ليك نوبي. حدد وقت معين في البيت للحجات دي.
و مهما زعلت اول ايام ما تشتغل بيها. الاطفال بيحاولوا يشوفوا حدودهم وين. و بيحاولوا يتمادوا شويه عشان يختبروك.
مهم جداً انك تصمد امام البكاء و الحردان

Elfatih Abuelhia .....قلاكسي مين يا عم???
امس قاضي امريكى حكم بغرامة (اظن) بليون دولار على سامسنق لسرقة تصميم تلفونها من ابل!!!!!

عمار محمد ادريس...للاسف ما فى اى تطبيقات سودانية...
لكن دى فرصة نفكر فى فكرة لتطبيق و نحاول نعمله.
احنا كسودانيين...محتاجين شنو??

نادر النور آدم ...سلامات...وكل عام وانت و الاسرة بالف خير.

Quote: طيب يا نوبي الاشتراك ده لسنة كاملة و ما ليه دخل بكمية الديتا اللي بستعملها؟ صح؟

صح 100%

شكرا يا نوبى...




اخر اشاعة
الipad الجديد اتاكد ان اسمه ح يكون ipad mini

معليش يا أمين ..
بس الصورة عجبتني شديد

الأخت سمارت والأخ فيصل شكرًا لكما
الاخ فيصل يخيل لي عند ما تسجل حسابك من الافضل التسجيل علي عنوان في احد الولايات الامريكية التي ليس فيها ضريبة مبيعات علي الشرا بالنت مثل كاليفورنيا والا لن يكفي الكرت

مبروك...
ابل رسلت الدعوة لمؤتمر صحفى. ابل غالبا ح تعلن عن تلفون جديد.
دى الورة فى الدعوة. الصورة مكتوب فيها الرقم 12 و ده هو اليوم اللى فيه المؤتمر. لكن....
الظل بتاع الرقم 12 عبارة عن الرقم 5 ...
و طبعا كل الناس وافقت ان ده hint على ان الدعوة عن الجيل الخامس من التلفون

د.محمد...شكرا على الصورة...امين ده ما تشتغل بيه. تلاقيه شايل اى باد فى السر *_*


شكرا اخى منتصر..
.نوبى دى ما بيوصوه.....واااعى...يحمد ربه^_^

سلام يا اسمارت وكل الحضور

فعلا الخبر نزل:

الآن رسميا: أبل ترسل دعوات مؤتمر اعلان الايفون 5 بتاريخ 12 سبتمبر

شركة “ابل” توزع الدعوات على وسائل الاعلام والصحافيين المستقلين لحضور الحدث السنوي الاهم الذي سيتم الكشف خلاله عن جهاز الايفون 5 وذلك يوم الاربعاء القادم.

لقد اصبح الايفون 5 اقرب من أي وقت مضى وهذه المرة لا يدور الحديث حول اشاعة تسربت لوسائل الاعلام وانما يدور الحديث عن دعوات رسمية وزعتها شركة “ابل” على وسائل الاعلام لحضور المؤتمر الصحفي المنتظر يوم الأربعاء القادم الموافق ال-12 من سبتمبر.

ويقول نص الدعوة: “أنه تقريبا هنا”، وجاء فيها ان الحدث سيقام اعتبارا من الساعة العاشرة صباحا بتوقيت سان فرانسيسكو، (الثامنة مساءً بتوقيت السعودية) ، ومن المتوقع ان يتولى ادارة هذا الحدث تيم كوك – المدير العام لشركة “ابل” .

يذكر ان الايفون الجديد يأتينا بعد مرور أكثر من عام كامل على ظهور سلفه الايفون 4 إس .

ويظهر على الدعوات التي وزعتها “ابل” على الصحافيين الرقم 12، مع خيال للرقم 5، لمحة فنية كما عودتنا ابل في دعواتها، مما يعني بدون شك ان الشئ القادم هو الايفون 5 رسميا .

http://www.arabapps.org/2012/09/%d8%a7%d9%84%...%d8%a7%d9%86-%d8%a7/

معليش يا جماعة نعيد الموضوع دا مرة تانية
وألف شكر يا فيصل نوبي على اجابتك على السؤال السابق :)
سؤال اخير ومعليش اتحملو الأمية (الآبلية) دي
بالنسبة للتطبيقات المتوفرة :
أيهم اكثر روعة وفائدة
التطبيقات المتوفرة للآي فون .. أم المتوفرة للآي باد

السلام عليكم معشر الأبيلاب أو الأبّالة ^_^
عندي سؤال يا ريت زول يجاوبني عليهو
فجأة كده بقيت لمن أجي أخش على التطبيقات ال purchased
من الآيباد ما بتظهر معاي لا تطبيقات الآيفون ولا حتى تطبيقات الآيباد
فما عارف القصة دي سببها شنو؟؟
طبعا قلت فجأة لأنها مشكلة ظهرت حديثا

السلام عليكم
الأخ نادر

Quote: أيهم اكثر روعة وفائدة التطبيقات المتوفرة للآي فون .. أم المتوفرة للآي باد

معظم التطبيقات ( يونيفيرسال يعني بتشتغل علي الإثنين الا القليل منها بالتالي صعب أن توجد فرق بينهما

يا سمارات بالغتى معاى انا اشتريت Samsung Galaxy S111

تجى تقولى Samsung ما تمام احبطينى

الأخ محمد جلال

Quote: فجأة كده بقيت لمن أجي أخش على التطبيقات ال purchased من الآيباد ما بتظهر معاي لا تطبيقات الآيفون ولا حتى تطبيقات الآيباد

هنالك عدة إحتمالات
ممكن يكون إنت منزل البرامج في الآيباد كاملة بالتالي ما بتظهر معاك لأنه ما فضل برنامج ما نزلتو
ممكن تكون عامل ساين إن بإسم تاني و إنت ما واخد بالك من الحتة دي
ممكن يكون الكونيكشن بتاعت النت ضعيفة فيحدث أحياناً هذا الخطاء ( اذا كنت شغال بي VPN)
هذا و الله أعلم.

وضاحة .....يا بنتى متين قلنا القلاكسي ما تمام ??
القلاكسي تمام التمام .....و احتمال يكون احسن من ال اى فون (بالنسبة لناس معينين).لكن.... احنا هنا ناس ايفون @_@
محمد جلال عبدالله و نادر النور آدم....سلامات....
ما عندى رد احسن من رد الخبير نوبى.
شكرا يا نوبى يا اخى

تبقي من الزمن القليل جداً
صورة لقاعة المؤتمر

سمارت ونوبى وباقى الخبراء
تحية ابلية

Quote: اي فون 5 بسعر آي فون 4 إس؟ ومن غير معروف حتى الآن نوعية الشريحة أو الهوائي الذي سيحمله آي فون 5 ، لأن الهوائي هو الذي يحدد الترددات التي يمكنه التقاطها. أما بالنسبة لسعر الجهاز الجديد آي فون 5 فعلى الأقل في الولايات المتحدة الأمريكية، سيكون سعره مساويا لسعر جهاز آي فون 4 إس، حسبما نقلت وكالة الأنباء الألمانية عن موقع شركة آبل “9 تو5 ماك دوت كوم”. فقد ذكر الموقع أن سعره سيبلغ 199 دولارا للنسخة سعة 16 غيغابايت، 299 دولارا للنسخة سعة 32 غيغابايت، و399 دولارا للنسخة سعة 64 غيغابايت، بالإضافة إلى التوقيع على عقد جديد لمدة عامين مع شركات الهاتف المحمول. وهناك تكهنات كثيرة عن حجم وسُمك آي فون 5. إذ من المرجح أن يصل حجم الشاشة إلى 4 بوصات بدلا من 3,5 بوصة كما هو الحال مع آي فون 4 و 4 إس. وسيكون الهاتف الجديد أطول وأقل سُمكا من الإصدارات السابقة. ويتوقع كثيرون أن يطرح آي فون 5 للبيع في الحادي والعشرين من شهر أيلول سبتمبر الجاري. دوتشيه فيليه

هسا ديل ما قاصدنى انا اليادوبك امتلكت s4 ولسا بنات عمو ماسمعنبوا :)

سؤال :
ايو ابديت احاول اعملو لاى من التطبيقات الموجودة عندى بدينى إرور 1009 مثالاً
مافى علاج للبطارية ؟

تشكــــــــرات بحجم ابل ستور

السلام عليكم
الأخ أحمد

Quote: ايو ابديت احاول اعملو لاى من التطبيقات الموجودة عندى بدينى إرور 1009 مثالاً

معناتها إنت في دولة محظورة ( السودان أو ما شابهها
راجع المداخلات فوق في حل ( VPN )
_
بالنسبة للبطارية عليكـ بإيقاف الآتي و تشغيله حسب الضرورة
1- Notifications
2- Bluetooth
3- Location Services
4- Brightness
و إن شاء الله البطارية تقعد معاكـ يومين كاملين بإذن الله.

بإذن الله سينطلق المؤتمر في تمام الساعة 7 مساءا بتوقيت الخرطوم .

هلا وغلا بمعشر الأبلاب!!
غايتو سمارت ونوبي كان ليهم دور كبير في دخول
معمعة الأبـل التي لا تنتهي بأخوي وأخوكـ!!
قبل يومين روان قالت لي لازم أشتري ليها أيبود
طوالي اتذكرت الكاريكاتير بتاع سمارت الفيهو
الأسرة وأي باد وأيبود و(آي بيد)!!


أها .. غايتو لحدي هسي واقفين في تلاتة أيفونات وآيبادين!!
الله يخارجنا من أيفون فايف دا!!

Quote: ايو ابديت احاول اعملو لاى من التطبيقات الموجودة عندى بدينى إرور 1009 مثالاً

18% thinner is a big reduction on the iPhone 4, which was already shaved down from previous iPhones
Now onto the features: Retina Display 326 pixels per inch (same as old model). New screen - 4-inch display.
Pixels 1136 x 640.

Vertical pixels add a 5th row of icons to the home screen.by Josh Lowensohn| 10:17 AM
Permalink

GPRS, EDGE, EV-DO, HSPA. Now: HDPA+, DC-HSPDA, and LTE

LTE has a single chip for voice and data, single radio chip, and a "dynamic antenna" Started with the iPhone 4S, and can now switch antenna connections between different networks




2x faster than the A5. 2x faster in graphics too

the battery life is now 8 hrs 3G talktime, 3G browsing. 8hrs LTE browsing, 10 hrs Wi-Fi browsing, 10 hrs video, 40 hours Music. 225 hrs of standby.








combines pixels in the dark, which gives you up to two f stops better performance in low light. That's an impressive claim



So, the iSight camera looks similar to the iPhone 4S...with enhancements

Faster photo capture? 40% the iPhone 4S is already pretty snappy
New photo feature: Panorama

Front camera: Now FaceTime HD camera with 720p support, backside illuminated sensor, and FaceTime works over 3G with iOS 6

Audio system: three microphones (up from 2) one on the bottom, one on the front, and one on the back
Speaker now has 5 magnets, up from two, which is apparently better. Also uses 20% less space.
Noise-canceling improved as well, Schiller says. New feature called "Wideband audio."
The video camera has better stabilization. And the front-facing camera is finally 720p. Small but important improvements.

Can be plugged in in either direction. 80% smaller -- huge difference, Schiller says








iOS 6 is all set for the iPhone 5


turn-by turn directions, which use Siri and 3D



The flyover effect has video game-level 3D graphics. Feels like a real-life SimCty. Minus motion.
Facebook and Twitter feature in Notification Center. Lets you tweet from whatever app you're in
And a brief introduction to iCloud tabs, which syncs up Safari bookmarks across Macs and iOS devices. Followed by a demo of the VIP feature in Mail.



Onto Passbook, the company's virtual wallet app, which is new for iOS 6.

Showing off movie passes, Starbucks cards, tickets for concerts, baseball games, flights

Now -- and perhaps finally -- onto Siri

Forstall demoing some of the new features, like that it's able to pull up sports scores, standings

Forstall asks Siri to show him the best movies, Siri responds by saying it's subjective then shows listings

Compliance, Robot and Frank, Sleepwalk With Me. Siri's recommended movies for Scott based on Rotten Tomatoes rankings

Forstall shows that you can use Siri to update your Facebook status -- that's new

Users do that by starting out something by saying "post ______"




More than 200 new features in iOS 6
New iPhone is available in white and black
The aluminum on the black is called "slate



The aluminum finish is different on the white and black models: silver for white, slate for black

Schiller rounding down the new features, display, LTE, A6, cameras, dock connector, iOS 6

Schiller rounding down the new features, display, LTE, A6, cameras, dock connector, iOS 6
LTE can be faster than Wi-Fi at home

Here's the question: which is the killer feature? It feels like the iPhone 5 is more of an overall refinement and re-engineering, as well as offering speed boosts across the board (4G, A6)

Same price as the iPhone 4S






By end of year, 100 countries, 240 carriers

So, pre-order on Sept 14, and iOS 6 next week, a few days before the iPhone 5 goes on sale. Much like last year.


new iTunes store
performance has been improved too. Users can preview songs while browsing, something that works with 90-second previews
Now onto iTunes the desktop app
New version of iTunes
iCloud is built in

iTunes Store integration lets you browse other albums from within an album. There's also a "classic" song list view.

Nice to see iTunes get some attention



Now talk about iPods


5.4mm thick, 40% thinner than the 6th-gen iPod nano.



FM tuner built-in with live pause
Can view photos, and widescreen video
Fitness and pedometer apps built in. Integrates with Nike+ out of the box, Joswiak says. Also Bluetooth.




New iPod Touch.
iPod Touch has a longer screen, too.
5th generation model -- looks a whole lot like the old one from the front, except with the larger screen found on the iPhone 5. 6.1 mm thick, 88 grams. Thinnest and lightest iPod touch yet

So, both the Touch and iPhone 5 will have the extra-long 4-inch screen. .

آيفون 5 على الهواء مباشرةً !!
It belongs to here , sorry, forgot abt this!!!x

Camera on the back has a mic, flash. 5 megapixel w/backside illumination, hybrid IR filter, five-element lens, f/2.4 aperture, w/autofocus, and Sapphire crystal
5 instead of 8 megapixel, but same lens construction. And Panorama. The Touch is a franken-portable all around





http://images.scribblelive.com/2012/9/12/5401...649-92602a414105.jpg


Video specs: shoots 1080p video, front camera does FaceTime HD w/720p




iPod Touch gets Siri too

Comes in a bunch of different colors: silver, black, blue, yellow and a red

New headphones



Port in the back tunes mid-range, port in the stem does bass
Looks like this could be a paid accessory vs. a pack-in




Nano and Touch are available in October

سلامات يا عبد اللطيف ...و كل اى فون وانت بخير
ما فى مشكلة يا اخى....البحر ما بيابى الزياده

سلامات العوض..كل الاشعات اللى كانت حول التلفون صحيحة.
الوصلة الجديدة, الحجم, ال4G

احمد الأمين ...سلامات
اسمع كلام نوبى ده......فى حجات ممكن تعملها تطول عمر البطارية.
بالاضافة لكلام نوبي ممكن برضو توقف البحث عن الWiFi

ود الصايم....ده نوبي يا اخى....انا ذاتى هو اللى شبكنى فى الحجات دى

Quote: قبل يومين روان قالت لي لازم أشتري ليها أيبود

روان دى تستاهل ال اى بود الجديييد. واحد وردى كمان

احنا شكلنا احسن منكم....عندنا 2 اي فون و وااااحد اى باد.
ال اى فونات القديمة بتمشي السودان اول باول
المشكلة فى ال اى باد انه ولدى ما مدينى فيه فرصة. كلو كلو. حتى لو ما شغال بيه و شكلته انا بيجى يبدى عدم رضاه بجمل من نوع:
You took my ipad!!!!1
الزول ده عجلته بيقول عليها "العجلة"....و ليس "عجلتى"....لكن نجى لل اى باد و بيقبى حقه. عامل ذى ناس "بيتنا" و "عربيتنا" و "دهبى"

الاخبار عن التلفون في كل مكان.

دى مداخلة كتبتها في بوست معتصم

ذي ما بتكون الان عرفتا، التلفون الجديد أطول من اى فون 4. نفس العرض. عشان يتشال في يد واحده.
سيري بقت تفتح التطبيقات و تكتب ليك في الفيسبوك.
الكاميرا بقت مباااالغة جداً جداً جداً. في 4S كانت مبالغة جداً.
التلفون بيشتغل بتكنلوجيا اتصالات جديدة. الجيل الجديد اللي بعد 3G . اسمه LTE و هي تكنولوجيا سريعة جداً. اسرع من كتير جداً من ال Wifi في البيوت
عمر البطارية أطول شوية.
FaceTime بيقي يشتغل في الشبكة

Quote: ذي ما بتكون الان عرفتا، التلفون الجديد أطول من اى فون 4. نفس العرض. عشان يتشال في يد واحده. سيري بقت تفتح التطبيقات و تكتب ليك في الفيسبوك. الكاميرا بقت مباااالغة جداً جداً جداً. في 4S كانت مبالغة جداً. التلفون بيشتغل بتكنلوجيا اتصالات جديدة. الجيل الجديد اللي بعد 3G . اسمه LTE و هي تكنولوجيا سريعة جداً. اسرع من كتير جداً من ال Wifi في البيوت عمر البطارية أطول شوية. FaceTime بيقي يشتغل في الشبكة

ابل اليوم اعلنت عن الجيل الرابع من ال ipad
و اعلنت برضو عن ipad mini