Post: #1
Title: انت طبيب??? مطلوب حضورك فورا.
Author: smart_ana2001
Date: 08-15-2012, 07:14 PM
Parent: #0
لو سمحتوا ^_^
اولا...شكرا لاى طبيب قرر ييستجيب للندا و يفتح البوست.
تانيا....عندى طلب منكم كلكم....
طبعا عارفين النظام فى السودان كيف...تمرض...بعدين تمشي الدكتور...صح? لكن زمااان درسونا فى المدرسة ان الوقاية خير من العلاج
ثالثا....انا عارفه ان الظروف صعبة فى السودان. و انا ناس كتيرة ما لاقية تاكل. و حتى لو مرضوا ما لاقين حق الدواء.
لكن...انا عاوزه (بمساعدتك و مجهودكم) اعمل جدول للفحوصات الى ممكن يعملها البنى ادم فى مراحل مختلفة فى حياته للوقاية من الامراض المختلفة. مثلا....اى سيدة مفروض تعمل اختبار سلطان الرحم سنويا.
اى رجل او امرة مفروض يعمل فحص دم و فحص عام سنويا.
اها عاوزه الحجات دى فى جدول حسب السن و حسب النوع. و بعد ما الجدول يكتمل ممكن ننشره فى البورد فى بوست مخصص و بستفيد منه كل الناس.
انا عارفه ان الاعمار بيد الله. لكن فى سيدات كتر جدا بعرفهم اتوفوا نتيجة للاكتشاف المتاخر لسرطان الثدي او غيره.
|
Post: #2
Title: Re: انت طبيب??? مطلوب حضورك فورا.
Author: Ashraf el-Halabi
Date: 08-15-2012, 07:30 PM
|
Post: #3
Title: Re: انت طبيب??? مطلوب حضورك فورا.
Author: دينا خالد
Date: 08-15-2012, 07:35 PM
Parent: #2
غايتو يا سمارت من كل 300 متلقى حجج ح يجوك داخلين هنا
ح تلقى طبيب واحد ..... شيلى الصبر ...
ـــــــــــــــــــــــــــــ
دا غير ناس اسال مجرب ...
غايتو الررك والتعويل على سيف الدين نصر الدين ..
|
Post: #4
Title: Re: انت طبيب??? مطلوب حضورك فورا.
Author: smart_ana2001
Date: 08-15-2012, 07:56 PM
Parent: #3
الشرف الحلبى....شكرا يا اخى على ال ثم اب ...
دينا .....كويسين متلقين الحجج....يرفعوا البوست *_^
سيف الدين نصر الدين .....no pressure @_@
|
Post: #5
Title: Re: انت طبيب??? مطلوب حضورك فورا.
Author: سيف النصر محي الدين
Date: 08-15-2012, 08:00 PM
Parent: #3
| Quote: غايتو الررك والتعويل على سيف الدين نصر الدين |
انا خارج الخدمة مؤقتا يا دينا -ده في حالة تكوني قاصداني انا- و حاليا بفكر اشوف لي شغلة تانية غير الطب هههههه.
المهم يا اسمارتي في امريكا و الدول "المتغدمة" في برامج معروفة و موصى بها و تعرف بالــ screening programs
مثلا زي العينة البتتاخد من النساء لفحص سرطان عنق الرحم "Pap Smear" , و اشعة الثدي للكشف المبكر عن سرطان الثدي "Mammography"
و تنظير القولون للكشف عن اورام القولون "Colonoscopy" . هذه الاختبارات و الفحوصات تجرى على مرضى يتم اختيارهم بعناية
بناء على اعمارهم، نوعهم الجندري، مناطقهم الجغرافية، تاريخ العائلة المرضي . هنالك انتقادات توجه لهذه النوعية من البرامج و اراء تقول
بعدم فاعليتها و عدم قدرة الاختبارات المستخدمة على اعطاء نتائج حاسمة 100%.
غايتو عينة سرطان عنق الرحم و الماموقرافي للنساء فوق الاربعين لا شك ابدا في اهميتها، اختبار نسبة الكلسترول في الدم و خاصة
الدهون منخفضة الكثافة للرجال فوق الاربعين و اللنساء فوق الخمسين ايضا مسألة مهمة في تقديري.
متابعة نسبة البروتين في البول و وظائف الكلى عند المصابين بالسكر ايضا حاجة في غاية الأهمية.
و بنجيك تاني كان الله هون.
|
Post: #7
Title: Re: انت طبيب??? مطلوب حضورك فورا.
Author: Hani Arabi Mohamed
Date: 08-15-2012, 08:10 PM
Parent: #5
سمارتِ إنتيِ .... بوست جميل ومفيد ... وبانتظار أهل التخصص ليفيدوا الجميع.
هل تعلمي أن سيدة سودانية تتوفى كل 24 دقيقة ، لسبب له علاقة بالحمل و الولادة ؟
|
Post: #6
Title: Re: انت طبيب??? مطلوب حضورك فورا.
Author: فاروق عثمان
Date: 08-15-2012, 08:08 PM
Parent: #3
سمارت ازيك
وكل سنه وانتي طيبه
موضوعك مهم وجميل,بس المشكله انو المستهدفين في السودان وده بصطدم بي حاجتين,قلة الوعي وقلة الامكانيات وممكن نضيف ليها الحاله الاقتصاديه السئيه عندنا
لانو الكشف الدوري علي الاقل مفروض يكون مره في السنه,وده برضو بعتمد علي وجود تاريخ مرضي في الاسره والسن وعوامل تاني.
المهم الحاجات الشايعه البعملو ليها كشف مبكر ممكن ناخد منها امثله,وبعد داك نبذه بسيطه عنها,واهم الامراض البتعمل ليها اسكرين
سرطان الثدي
سرطان عنق الرحم
السكري
ارتفاع ضغط الدم
ارتفاع الكوليسترول والدهون الثلاثيه
سرطان البروستات
ودي امثله ممكن الزملاء يزيدوها كتير
نبدا بي سرطان الثدي
وهو بصيب واحده في كل ثمانيه نساء,وهو السرطان القاتل الاعلي نسبه بعد سرطان الرئه في المملكه المتحده
مافي سبب مباشر معروف ليه لكن هناك عدد من عوامل الخطوره المؤديه ليه منها-
العمر كلما زاد العمر كلما زادت نسبة الاصابه
الجينات وتحديدا في جينينBRCA1 و BRCA2 وديل بزيدن نسبة الاصابه,وكذلك اصابة احد افراد الاسره بسرطان الثدي او المبيض بزيد نسبة الاصابه
ايضا من العوامل فترة البلوغ المبكر او الانقطاع المتاخر تحديدا قبل ال 12 سنه للبلوغ وبعد ال 55 سنه للانقطاع
من العوامل ايضا زيادة الوزن او السمنه
استعمال العلاج الهرمونيhormone replacement therapy
الكحول
عدم الانجاب او الانجاب المتاخر بعد سن ال 35
من علامتو واعراضو
ظهور ورم او حبه في الثدي
نغير في شكل او حجم الثدي
ظهور افرازات من الحلمه
الوقايه بالكشف الشخصي وهو عمليه بسيطه
او الاشعهmammography
وكلما زادت نسبة الخطوره المذكوره بالاعلي يجب الحرص علي الكشف الدوري
دي بداية مبسطه واتمني من بقية الزملاء والاكيد حا يكونو افيد واكثر شرح مني
|
Post: #8
Title: Re: انت طبيب??? مطلوب حضورك فورا.
Author: الفاتح سليمان
Date: 08-15-2012, 08:27 PM
Parent: #6
سلام اسمارت :-)
نسبة الوفيات من امراض سهل جدا الوقاية منها في السودان عالية جدا
التوعية بيها والتثقيف بيها بفيد في كتير من الجوانب ابتداء من الصحة في ذات نفسها
الي التكلفة الاقتصادية لمن يتقدم المرض يكون اعلي ويصعب العلاج
نرفع البوست لحدي ما يضيف الزملاء الكلام في نقاط بسيطة ومفيدة
وممكن ناخدها حسب الفئات العمرية بكون افضل ,,,,
قول واحد
غسيل اليدين
غسيل اليدين
الخ الخ الخ الخ صراحة مشكلة حقيقة حتي منالعاملين معانا في الحقل الطبي عدم التزام مبالغة
تهبش عيان كبير صغير طوالي تخش في البعده
ياخ حاجة مولمة عديل كدا
مرة في مرات من ذات المرارة
عادي نلقي الممرض ماسك فرد جونتي لابسو وقاشي يعمل في الغيارات لناس جروح العنبر في الجراحة زي ما بقول اهلنا جت عليهم ,,,
غايتو ربنا يهون
|
Post: #9
Title: Re: انت طبيب??? مطلوب حضورك فورا.
Author: طه كروم
Date: 08-15-2012, 08:35 PM
Parent: #8
لك التحية والتهنئة بحلول عيد الفطر المبارك
بوست هام يستحق المساهمة المتواضعة ومعاك فى كل الخطوات
المجالات متعددة وقبل أمراض السرطان
مواضيع صحة الأمومة والغذاء المتوازن
|
Post: #10
Title: Re: انت طبيب??? مطلوب حضورك فورا.
Author: Elmuiz Haggaz
Date: 08-15-2012, 08:51 PM
Parent: #8
حاضر ورمضان كريم
عندي مداخلة اتمنى تكون مفيدة ومختصرة بحيث يسهل استيعابها بعيدا عن جارغون الطب وهي تختص بسرطان عنق الرحم, المعروف انه اغلب المصابات هم من النساء في عمر الانجاب لارتباطه بالاتصال الجنسي وتعدد العلاقات مما يعرض المراة للاصابة بالفيروس المسئول عن معظم حالات سرطان عنق الرحم الفيروس اسمه (Human Papiloma Virus). في ايرلندا واظن المملكة المتحدة كذلك (ما عارف باقي العالم )في وسيلتين ناجعات للغاية الاولى هي هي زي ما تفضل د.سيف عن طريق ما يعرف بالCervical smear (معليش ما عارف الترجمة بس حا اشرح بيتعمل كيف) هو عبارة عن عينة بتتاخد من عنق الرحم (طريقة العينة بسيطة للغاية اقل من 10 دقائق وبدون بنج ممكن تتعمل في العيادة الخارجية.حا ارجع في المداخلة الجاية لي الاعمار المستهدفة.
الطريقة الثانية لمكافحة سرطان عنق الرحم هي في لقاح مضاد للفيروس الشريحة المسهدفة باللقاح هم طالبات المدارس في سن 12-14 سنة (الفكرة انهم ياخدوا اللقاح قبل اول اتصال جنسى لانه اللقاح عبارة عن وقاية ولا يصلح لعلاج الفريوس المسبب للسرطان) اللقاح غالي وما اظن فينا واحد بفكر انه ممكن يتوفر في السودان (الجرعة بي 100 يورو).
نواصل عن سرطان عنق الرحم
|
Post: #11
Title: Re: انت طبيب??? مطلوب حضورك فورا.
Author: Elmuiz Haggaz
Date: 08-15-2012, 10:22 PM
Parent: #10
مواصلة عن الكشف المبكر لسرطان عنق الرحم....
الكشف الدورى هو عبارة عن عينة من عنق الرحم (مصطلح عينة كبير شوية هنا,لانه البحصل اشبه بتمرير فرشاة صغيرة علي عنق الرحم عدة مرات بدون جرح بدون خياطة بدون بنج وممكن زي ما قلت ممكن يتعمل في العيادة الخارجية ,بعدها يتم غمس الفرشاة في محلول خاص في علبة ويتم ارسالها للمعمل بعد ذلك).
في عدد من دول العالم الكشف كل 3 سنوات ما كل سنة زي ما ذكر (التغييرات المؤدية للاصابة بالسرطان بطيئة للغاية وممكن تاخد 10 سنوات للتحول من حالات قبل-السرطان لحالة السرطان نفسه), الجدول المذكور ادناه يا اسمارت هو المعمول بيهو في ايرلندا وممكن يفيدك:
اول عينة او كشف في سن ال25 سنة اذا النتيجة طبيعية بيتعاد كل 3 سنة لي حدى سن 49 سنة.
من 50 سنة والي 65 سنة الكشف كل 5 سنوات.
بعد سن ال65 لا حوجة للفحص الا لو الواحدة ما عملت كشف من عمرها كان خمسين سنة او اقل او لو اشتبه الطبيب في اصابتها بالسرطان.
اذا تم انجاب قبل سن 25 سنة الواحدة مفروض تعمل الفحص بعد الحمل مباشرة ما تنتظر لي حدي ما تصل 25 سنة.
الجدول اعلاه هو الكشف الروتينى لمن كانت نتائج الفحص عندهم سلبية,في حالة انه العينة طلع فيها مشكلة تكون مسئولية الطبيب في تحويل المريضة لمركز متخصص.
نقطة اخيرة افتكر انها مهمة وهي عن اعراض سرطان عنق الرحم,للاسف في حالات كثيرة الاعراض نفسها ما بتظهر الا في حالات متقدمة من السرطان,ابرز الاعراض المفروض المرأة تنتبه ليها هي حدوث نزيف بعد الاتصال الجنسى,او نزيف في غير ايام الدورة الشهرية (انبه انه الاعراض دي ما خاصة بسرطان عنق الرحم فقط وممكن تحصل في حالات اخري مثلأ عند من يستخدمن حبوب منع الحمل لكن يجب الانتباه جيدا لهذه الاعراض) ايضا من الاعراض افرازات مهبلية ذات رائحة كريهة.
|
Post: #12
Title: Re: انت طبيب??? مطلوب حضورك فورا.
Author: مريم بنت الحسين
Date: 08-15-2012, 10:33 PM
Parent: #11
سمارت انت... مشكوره والله على البوست ده...
والدتي الله يديها العافية من الناس البهتموا جداً بي الفحوصات كلها، وكانت بتعملها بصورة دورية، وده ساهم في اكتشاف مرض عندها، ما كان ممكن اكتشافه لولا الفحوصات بتاعتها، وهو قابل للعلاج جداً، رغم انه الواحد ممكن يعيش بيه سنين من غير علاج... يا ريتني زي امي في الحاجات دي... انا غايته نوع بقولوا ليك كانت كويييييسه، وفجأة شهقت!
فوق عشان الناس يشوفوا البوست ده، والدكاتره يكتبوا فيه...
|
Post: #13
Title: Re: انت طبيب??? مطلوب حضورك فورا.
Author: دينا خالد
Date: 08-15-2012, 10:59 PM
Parent: #12
لووووووووب يا سيف النصر !
ومال لو كنت داخل نطاق التغطية كنت عملت شنو ؟
انا غايتو لو طبيبه كنت ح الاوز من الكلام فى الطب
فى حضرتك ... لانو عاااادى ممكن تطلعنى ما بعرف ...
ــــــــــــــــــــــــــــ
عارف بعد كتبت اسمك دا .. المداخلة دى قعدت قدامى نص ساعة
فتشت لى اى مداخلة منك عشان اتاكد انك سيف شنو؟
ما لقيت اترددتتتتتتا قريتتتتو عدلتو وقلت خلاص ميه المية صاح
تااااخ رحت مرسلاها ... برضو يطلع غلط ؟؟ ياخ لك العتبى ح ترضى
انا بعرفك بى سيف بس ... ما تجرسنا ..
|
Post: #14
Title: Re: انت طبيب??? مطلوب حضورك فورا.
Author: احمد محمد بشير
Date: 08-16-2012, 00:35 AM
Parent: #13
‘
UP
لحدي ما البوست ده يحقق غرضه .
|
Post: #15
Title: Re: انت طبيب??? مطلوب حضورك فورا.
Author: د. ياسر عبد القادر
Date: 08-16-2012, 03:28 AM
Parent: #14
شكرا سمارت علي هذا البوست الهام....
ما يهمنافي هذا المجال هو التنويه بشدة لامراض الفم و الاسنان الموجودة بالسودان و المرتبطة بعادات و ممارسات سودانية بحتة تؤدي لهذه الامراض بدءا من الالتهابات الخفيفة وحتي كل أنواع سرطانات الفم ..
| Quote: انا عاوزه (بمساعدتك و مجهودكم) اعمل جدول للفحوصات الى ممكن يعملها البنى ادم فى مراحل مختلفة فى حياته للوقاية من الامراض المختلفة. مثلا |
سأعود للتعريف بأنواع أمراض الفم و طرق الوقاية منها مع التركيز علي الاورام الخبيثة أو سرطانات الفم والموجود بالسودان .. ومعرفة العلاقة بينها وبين أنواع التبغ.. وخاصة التمباك السوداني. ..وكيفية الوقاية منها...ولكني أشدد علي زيارة طبيب الاسنان بإنتظام كل 6 شهور علي الاقل لإجراء كشف إكلينيكي للكشف المبكر علي هذه الحالات وإإمكانية علاجها....
لحين عودة
|
Post: #16
Title: Re: انت طبيب??? مطلوب حضورك فورا.
Author: Dr.Elsadig Abdalla
Date: 08-16-2012, 04:19 AM
Parent: #15
بوست ممتاز..جاييكم راجع.
تحياتي
|
Post: #17
Title: Re: انت طبيب??? مطلوب حضورك فورا.
Author: احمد العمار
Date: 08-16-2012, 05:40 AM
Parent: #11
تحياتى صاحبة البوست والضيوف و شكرا على هذا البوست المفيد
والشكر للاطباء المشاركين على اضافاتهم المفيدة والهامة
Quote: الكشف الدورى هو عبارة عن عينة من عنق الرحم (مصطلح عينة كبير شوية هنا,لانه البحصل اشبه بتمرير فرشاة صغيرة علي عنق الرحم عدة مرات بدون جرح بدون خياطة بدون بنج
وممكن زي ما قلت ممكن يتعمل في العيادة الخارجية ,بعدها يتم غمس الفرشاة في محلول خاص في علبة ويتم ارسالها للمعمل بعد ذلك).
|
تسمى ( مسحة )
مع تحياتى يا دكتور و نتمنى ان تواصل
|
Post: #18
Title: Re: انت طبيب??? مطلوب حضورك فورا.
Author: بكري عباس علي
Date: 08-16-2012, 06:47 AM
Parent: #17
ما دكتور لكن ممكن انفع في الاسعافات الاولية
هههههه شوفو القصة التحت دي
حاجة بسيطة ... تساوي حياة انسان
تحياتي لسمارت وضيوفها
|
Post: #20
Title: Re: انت طبيب??? مطلوب حضورك فورا.
Author: احمد العمار
Date: 08-16-2012, 08:19 AM
Parent: #18
بمناسبة ( ما دكتور ) دى
انا برضو ما طبيب لأنو البوست موجه للاطباء
بس الثقافة كاتلانا ... و فى رواية اللقافة كاتلانا
|
Post: #21
Title: Re: انت طبيب??? مطلوب حضورك فورا.
Author: smart_ana2001
Date: 08-16-2012, 05:54 PM
Parent: #20
مشكورين يا جماعة نفر نفر.
ح اجيكم راجعة للردود المفصلة...و برضو بالجدول اللى ح اعمله من ما توفر فى البوست حتى الان.
|
Post: #22
Title: Re: انت طبيب??? مطلوب حضورك فورا.
Author: smart_ana2001
Date: 08-16-2012, 09:14 PM
Parent: #21
سيف النصر محي الدين
شكرا جزيلا على المعلومات المفيدة.
لكن مالك كمان جبت الزصلة باعى البوست ده يل اخى....هسي الدكاتره يشوفوه يقوموا يزعلوا منى ساى....
Hani Arabi Mohamed
| Quote: هل تعلمي أن سيدة سودانية تتوفى كل 24 دقيقة ، لسبب له علاقة بالحمل و الولادة ؟ |
لا حول و لاقوة الا بالله.
يا جماعة الناس بتولد من زمن امنا حواء....حصل شنو الان فى الدنيا?
اخونا فاروق....كيفك?
شكرا جزيلا للاضافى للبوست. ما قصرتا و الله
الفاتح سليمان
| Quote: عادي نلقي الممرض ماسك فرد جونتي لابسو وقاشي يعمل في الغيارات لناس جروح العنبر في الجراحة زي ما بقول اهلنا جت عليهم ,,, |
لا حول و لاقوة الا بالله.
مكن نضيف للجدول بعدين قسم عن الممارسات البسيطة جدا الى ممكن تكون مفيده. مثلا..نعلم الاطفال انهم يغسلوا ايديهم لما يجوا من الشارع.
و انهم يتسوكوا قبل النوم.
و انهم يشربوا مياه كفاية
طه كروم
| Quote: مواضيع صحة الأمومة والغذاء المتوازن |
المواضيع دى فعلا مهمة جدا و مريم اختى ما مقصرة....الان عندها بوست فاتح عن التغذية
Elmuiz Haggaz
شكرا جزيلا على المداخلة الدسمة.
موضوع اللقاح ده فى امريكا عامل مشاكل. الاهل بيفترضوا ان بناتهم فى عمر 12- 14 سنة ما عندهم اى نشاط جنسي. لكن الحاصل هو ان عدد كبير عنده نشاط.
طيب لسودنة الموضوع ده هل نوصي اى فتاة بانها تاخد المصل قبل الزواج طوالى???
| Quote: انا غايته نوع بقولوا ليك كانت كويييييسه، وفجأة شهقت! |
مريوم....تبرى يا بنتى.... ان شاء الله بعد خرف.
تخرفى و تصلى كم و تسعين سنة و تجننى حمودى و اولاده جن شديد
ربنا يديها العافية والدتك.....
دينا خالد
بالمناسبة يا دينا...لما قريت مداخلتك اسم سيف النصر طار لى كلو كلو...مع انى كنت متاكده انك كاتباه غلط.
اعفي لينا يا دكتور
|
Post: #23
Title: Re: انت طبيب??? مطلوب حضورك فورا.
Author: smart_ana2001
Date: 08-16-2012, 09:25 PM
Parent: #22
احمد محمد بشير
تشكر كتير....و تسلم من كل شر
د. ياسر عبد القادر
موضوع الاسنان ده كمان جانب مهم جدا جدا. انا كنت نسياه.
تغيير فرشة الاسنان كل كم شهر مهم جدا. و السواك مرتين فى اليوم
مره فى الثانوى بدون مناسبة قررت امشي دكتور الاسنان. عملتا مواعيد و لما دخلتا للدكتور قال لى :الك? قلت ليه: ما فى شيء معين بس قلتا اجى اشوف الحاصل شنو? الدكتور اندهش جدا. (ايوه, كنت ما عندى موضوع و اهلى بجارونى فى الحجات العجيبة دى)
بالجد منتظرين عودتك
Dr.Elsadig Abdalla
شكرا جويلا
منتظرين عودتك برضو
احمد العمار
اخد راحتك تماما. و او قعدتا تنظر (ذى كده) الدكاتره ما بيقصروا...ح يدونا على رلسنا طوالى*_^
بكري عباس علي
مبااالغة قصتك.
يا اخى ربنا يجازيك خير فى اسعاف الهندى ده. سبحان الله...ربنا كاتب ليه عمر...عشان كده سخرك لقراة الكتاب بتاع الاسعافات الاولية.
قصتك دى شجعتنى امشي اخد كورس بتاع اسعافات اولية...الدنيا ما معروفة
|
|