يا معتمد الكلاكلات كفى ضحكا على الذقون نظف محليتك اولا قبل الكاملين

من المضحك المبكى وبعد ان فتحنا بوست هنا عن اوساخ وقمامة الكلاكلات وقاذوراتها
ومما شاهدت وسمعت هذا الصباح فى اخبار قناة الخرطوم
ان معتمد الكلاكلات قد استقبل نظيره معتمد الكاملين وقد تشاورا فيماتشاورا فى العديد من المواضيع ومن ضمنها نقل خبرة محلية الكلاكلات
فى مجال صحة البيئة والنظافة
تخيلوا معتمد الكاملين سيعتمد على خبرة الكلاكلة فى موضوع الاوساخ والنظافة
غايتوا يا ناس الكاملين ياها الاوساخ الاتراكمت عندكم والامراض والذاباب سيضايقكم فى اللقمة الداخلة فى افواهكم
ونبشركم بالملاريا التى تضرب الكلاكلات والعفن الذى ينتشر فى الشوارع وغياب عربة النفايات منذ اكثر من شهر وحتى كتابة هذه الاسطر
إن كان معتمدكم يرجى خيرا فى معتمد الكلاكلات فنقول له ان فاقد الشيئ لايعطيه

ثم ثانيا معتمد الكاملين كايس شنو فى الكلاكلة؟

عنوان ذو صلة بالموضوع الذى يعانى منه الكلاكلاويون
فِرق إنتحارية ، وخطط جهنمية عاجلة ! الموت للقتلة السفاحين !

محاولة مخجلة من المحلية بعد اكثر من شهر وقريب الشهرين لنظافة اوساخ تراكمت فى محاولة يائسة لتنظيف ما تراكم من اوساخهم
لم تجدى فتيلا وفشلوا واختفوا واستخبوا خلف اكوام القمامة

Quote: ان معتمد الكلاكلات قد استقبل نظيره معتمد الكاملين وقد تشاورا فيماتشاورا فى العديد من المواضيع ومن ضمنها نقل خبرة محلية الكلاكلات فى مجال صحة البيئة والنظافة

محمد النيل
انت الذي استعجلت ولم تفهم لأنك ربطت بين النظافة او لنكون اكثر دقة بين نقل النفايات وصحة البيئة وبين ما دار بين الاثنين
او أن من نقل الخبر لم يكن بالدقة المطلوبة
الجماعة ديل اجتمعوا لنقل خبرات الكلاكلات في مجال صحة البيئة ولكن الحوار لم يتطرق لموضوع نقل النفايات لان الخبرة المتراكمة لدي محلية الكلاكله ليس في هذا المجال أعزك الله
بل في الطرق الخفية في اللغف والسفسفة باسم صحة البيئة وهذا ما ينقص ناس الكاملين

سؤال كدة أنتو بتين الكلاكله بقت محلية يعني الخرطوم دي من الجيلي لغاية جبل أولياء وحدود القطينة كان يديرها زول واحد زي مهدي مصطفي الهادي هسي قطعوها زي الكمونية عشان شنو
مافي رجال زوي همم وعزم زي ناس المرحوم مهدي ديل ولا شنو
الواحد لو عاوز يبقي معتمد معتمدية ديم سلك يعمل شنو ويبدأ من وين