فى اول لقاء مع محمود عبدالعزيز بعد العلاج...عدم تركيز ولا شنو؟؟ فيديو

اولاً نقول الحمدالله على سلامته والعوده للوطن بصحة وعافية
اول لقاء بعد العودة مع قناة النيل الازرق فى منزل الحوت.....
زعلنى مقدم البرنامج فى طريقة سلامة لانه قرب يكتل الحوت
وشاهدت صديقى على الاورغ محمد (ميمى)
لكن الحوت كلاموا بداء لى زى الما مربوط مع بعضه كده واللقاء قطعوه شديد ناس النيل الازرق

لاحظو معاى لو فى حاجة ما فى محلها

يمكن عشان ما كان مهياء للقاء مباشر ياربى

يا محمد زكريا سلامات يا حبيب,,

مقدم البرامج لم يهتم إلا بنفسه وبرامجه وقناتهم فاقدة البوصلة والمضمون دى,,
الرجل مازال تحت العلاج نتمنى له العافية ولنا جميعا ,,
لكن ما كان لهم أن يعرضوه لضغط التصوير ولقاء وأسئلة المقدم التى يصعب وصفها.
لا يمكن أن تكون هذه الصورة التى يجب أن يظهر بها فنان كبير وله جمهور عريض
والمصيبة أن محاولتهم لمعالجة اللقطات جاءت بنتيجة عكسية تماما..


نتمنى له عاجل الشفاء..


تحياتى ...

Quote: يا محمد زكريا سلامات يا حبيب,, مقدم البرامج لم يهتم إلا بنفسه وبرامجه وقناتهم فاقدة البوصلة والمضمون دى,, الرجل مازال تحت العلاج نتمنى له العافية ولنا جميعا ,, لكن ما كان لهم أن يعرضوه لضغط التصوير ولقاء وأسئلة المقدم التى يصعب وصفها. لا يمكن أن تكون هذه الصورة التى يجب أن يظهر بها فنان كبير وله جمهور عريض والمصيبة أن محاولتهم لمعالجة اللقطات جاءت بنتيجة عكسية تماما.. نتمنى له عاجل الشفاء.. تحياتى ...

1000like
بالظبط وده المزعلنى اكتر من ناس النيل الازرق وكلنا متلهفين للقاء يسر الناظر ولكنهم كلفتوها وخمونا خم واحترت الحوت ده ما مركز ولا شنو مره اسلام ومرة حمد الريح ومرة النيل الازرق
يا رب تستر عليهو وتغطيهو من العيون زول تلاقائى وطيبان وقلبو نضيف

يعنى ناس النيل الازرق كان ممكن ينظموها شويه احسن

والحقيقة المرة وين ناس التلفزيون القومى؟؟

صراحة محمد زكريا معاك حق ..

خسارة والله ..!!

لو كان لدي القرار في قناة النيل الأزرق لمنعت بث هذه الحلقة ...!!

سخافة شديدة من قناة النيل الازرق

معقولة بس ؟؟؟

خيبر شنو هسه ؟

لا حولا ولا قوة الا بالله

اديت وكفيت يا حوت
غناك براوو شرف في جبين كل سوداني
بس يا حوت انت زول ماكا هوين
خلي الباقي علينا
وعد شرف
انت عملت العليك خلي البقية علينا
اما ان نكون اما اللا نكون
ونوعدك بان الراس لو رفض الخيار المحلي
سيكون مصيره لاهاي وود القزافي سيف بقت منيتو لاهاي
بس اتفرعن لما كان عندو خيار
وملعون ابو العجور يا حوت وشنو الخيار
تاكله اليوم مملحة بكرة ناشفة
وشكرا

محمد سلام خرمجه ما بعدها خرمجه تشعر في بتر للحوار بخصوص الفنانين الراحلين ......... الوضع الصحي للحوت ظاهر من نقصان كبير للوزن .....
طريقه الغناء مع التحدث ........
لمس الاورغ اثناء الغناء يحدثك بان هناك شيئا ما .......
كان يجب عدم بث هذه الحلقه اللهم اشفي عبدك محمود ان كان لا يزال يعاني من مرض

لم أنوقع أن تعرض قناة نلفزبونية مثل هذا العمل ، كيف سمحت لهم نفسهم بتصوير هذا الفنان
وهو في هذه الحالة الصحية السيئة ؟

مؤسف مؤسف مؤسف

عاد العملاق
عاد الحوت
عاد محمود
عاد الحبيب المنتظر
عاد المدهش الساخر الظريف
عاد وربنا يحميه ويغطيه ويمتعه بالصحة والعافية والشفاء التام
عاد وكل منانا ان يلتزم فترة النقاهه لانها اهم من ايام العلاج نريدها عودة ظافرة
يحقق فيها احلام واماني طالما ما حلم بها
نريد ان يمتع الكهول والكبار قبل الشباب وان يحمل الاطفال معه في الحانه الشجية وهو الذي كان طفلا متوهجا في برامج الاطفال وكان شاديا مختلف الألوان
عاد محمود وبعودتة تعود الأغنيات الحلوة ومدهشة
شكرا يا مورتن شكرا هذا الخبر الجميل كجمالك
الظاهر الجماعة عايزين يعملوا سبق فني فخربوها
بعدين في حاجات بسيطة يعني واضح انو محمود عندو بقية اثار نزلة برد وتغيير جو فمافي داع الكاميرا على طول معاهو يعني بعد ما يستعمل المنديل صوروه عجب

Quote: محمد سنى دفع الله عاد العملاق عاد الحوت عاد محمود عاد الحبيب المنتظر عاد المدهش الساخر الظريف عاد وربنا يحميه ويغطيه ويمتعه بالصحة والعافية والشفاء التام عاد وكل منانا ان يلتزم فترة النقاهه لانها اهم من ايام العلاج نريدها عودة ظافرة يحقق فيها احلام واماني طالما ما حلم بها نريد ان يمتع الكهول والكبار قبل الشباب وان يحمل الاطفال معه في الحانه الشجية وهو الذي كان طفلا متوهجا في برامج الاطفال وكان شاديا مختلف الألوان عاد محمود وبعودتة تعود الأغنيات الحلوة ومدهشة شكرا يا مورتن شكرا هذا الخبر الجميل كجمالك الظاهر الجماعة عايزين يعملوا سبق فني فخربوها بعدين في حاجات بسيطة يعني واضح انو محمود عندو بقية اثار نزلة برد وتغيير جو فمافي داع الكاميرا على طول معاهو يعني بعد ما يستعمل المنديل صوروه عجب

اوفيت وكفيت يا استاذ السنى
هذا هو احساس الفنان الصادق تجاه الفنان

Quote: ترهاقا لم أنوقع أن تعرض قناة نلفزبونية مثل هذا العمل ، كيف سمحت لهم نفسهم بتصوير هذا الفنان وهو في هذه الحالة الصحية السيئة ؟ مؤسف مؤسف مؤسف

اهتموا فقط باللهفة على السبق الصحفى لا غير

Quote: waleed nayel محمد سلام خرمجه ما بعدها خرمجه تشعر في بتر للحوار بخصوص الفنانين الراحلين ......... الوضع الصحي للحوت ظاهر من نقصان كبير للوزن ..... طريقه الغناء مع التحدث ........ لمس الاورغ اثناء الغناء يحدثك بان هناك شيئا ما ....... كان يجب عدم بث هذه الحلقه اللهم اشفي عبدك محمود ان كان لا يزال يعاني من مرض

نقول شنو بس؟
الله يقويه ويعافيه

Quote: سخافة شديدة من قناة النيل الازرق معقولة بس ؟؟؟ خيبر شنو هسه ؟ لا حولا ولا قوة الا بالله

حبيب نورة
الخلل واضح

ربنا يواليه بالعافيه

الحبيب محمد زكريا...كيفنك يا راجل يا فنان..

أنا - على قول ود جبرين - "أخير ما أنضُم"

زمااااااااااااان في البوست بتاعنا داك...قلنا كل ما يمكن أن يقال بخصوص علاج ونقاهة الحوت...

ربنا يتم ليهو عافيتو...

وشكراً ليك..

..

Quote: طريقه الغناء مع التحدث ........ لمس الاورغ اثناء الغناء يحدثك بان هناك شيئا ما ....... كان يجب عدم بث هذه الحلقه اللهم اشفي عبدك محمود ان كان لا يزال يعاني من مرض

ملاحظة جيدة يا وليد
نسال الله له العافيه وللاعلام السودانى النضج

Quote: مقدم البرامج لم يهتم إلا بنفسه وبرامجه وقناتهم فاقدة البوصلة والمضمون دى,, الرجل مازال تحت العلاج نتمنى له العافية ولنا جميعا ,, لكن ما كان لهم أن يعرضوه لضغط التصوير ولقاء وأسئلة المقدم التى يصعب وصفها. لا يمكن أن تكون هذه الصورة التى يجب أن يظهر بها فنان كبير وله جمهور عريض والمصيبة أن محاولتهم لمعالجة اللقطات جاءت بنتيجة عكسية تماما..

كلام مظبوط يا ايمن عفارم عليك ...


__
انت وييين ياعمر الفاروق ياخ

Quote: الحبيب محمد زكريا...كيفنك يا راجل يا فنان.. أنا - على قول ود جبرين - "أخير ما أنضُم" زمااااااااااااان في البوست بتاعنا داك...قلنا كل ما يمكن أن يقال بخصوص علاج ونقاهة الحوت... ربنا يتم ليهو عافيتو... وشكراً ليك.. ..

الاخ محمود مصطفى سلام
كنت منتظر تعليقك بفارق الصبر وبرضو من غير ما اقول كتير
يا صاحبى ومن اجل الحوت لابد من التحرك السريع وتنفيذ ما اتفقنا عليه من قبل
وعلى محبى الحوت التحرك السريع قبل فوات الاوان

Quote: طريقه الغناء مع التحدث ........ لمس الاورغ اثناء الغناء يحدثك بان هناك شيئا ما ....... كان يجب عدم بث هذه الحلقه اللهم اشفي عبدك محمود ان كان لا يزال يعاني من مرض

وهذا ما احزننى لاننى اعلم ماذا يعنى ما رأيت
الحوت محتاج علاج بعيداً عن السودان فى منتجع بعيداً عن زحمة الحياة السودانية
ونقول فترة نقاهة نقول استراحة اى حاجة بس لازم يطلع بسرعة
فى اوربا المنتجعات والمصحات الخاصة متوفرة وكبار الفنانين بيدخلوا ويخرجوا منها نظيفين من اى شوائب


ويا عشاق الحوت الله يكضب الشينة لكن ما تبقوا زى النعام لو دايرين الحوت يعود بصحة جيدة ويعود الينا افضل مما كان فلنتحد لعلاجه فى اوربا.. وده كلامى الاخير بدون رتوش

Quote: صراحة محمد زكريا معاك حق .. خسارة والله ..!! لو كان لدي القرار في قناة النيل الأزرق لمنعت بث هذه الحلقة ...!!

يا ناذر ده كان شىء محزن انه نشوف الحوت بالحالة دى
ولكن نرجع ونقول رب ضارة نافعة

Quote: عبد المنعم عبدالله اديت وكفيت يا حوت غناك براوو شرف في جبين كل سوداني بس يا حوت انت زول ماكا هوين خلي الباقي علينا وعد شرف انت عملت العليك خلي البقية علينا اما ان نكون اما اللا نكون ونوعدك بان الراس لو رفض الخيار المحلي سيكون مصيره لاهاي وود القزافي سيف بقت منيتو لاهاي بس اتفرعن لما كان عندو خيار وملعون ابو العجور يا حوت وشنو الخيار تاكله اليوم مملحة بكرة ناشفة وشكرا

ده كلام نابع باجساس عميق
ده الكلام الطالع من جوة الجوة
ده التعبير الذى يعبر عن كل محب مخلص

نعم الحوت تم استغلاله بصورة بشعة
الكيزان حاربوه بكل الطرق سجنوه ضربوه ووصلت الى يجلدوه امام العامة
ومن ثم خدعوه ليغنى لهم ليتركوه يعيش فى سلام.ليتركوه يغنى فى سلام.ليتركوه يغنى لمعجبيه فى سلام

غنى لهم ورضخ لهم من اجل ان يغنى .وضحى بكرامته من اجل ان يغنى لمعجبيه
مع ذلك دمروه بالدمار ليل ونهار وبكل الاصناف
حتى لا يعود قوى الارادة كما كان, ارادوه ان يكون فى يدهم
نحن نعرق كيف كانت اللعبة القذرة التى لعبوها معه وضده
وفى الختام افتضح امرهم امام الملاء....................كلوه لحم وجدعوه عظم
ولكن قل لهم هيهات يا عقيمى الاحساس بالفن والابداع يا قتله
لن تسرقوا مننا اخر حلم جميل نعيش به
سيعود الحوت كبيراً قوى الارادة وسيتغلب عليكم وعلى كل كيدكم
فهبوا يا ايها الحواته من اجل املنا الاخير الذى نعيش به فى هذه البلد الظالم اهلها
الحوت يحتاج اليكم فالحقوه قبل فوات الاوان

الحبيب محمد زكريا...

Quote: لاخ محمود مصطفى سلام كنت منتظر تعليقك بفارق الصبر وبرضو من غير ما اقول كتير يا صاحبى ومن اجل الحوت لابد من التحرك السريع وتنفيذ ما اتفقنا عليه من قبل وعلى محبى الحوت التحرك السريع قبل فوات الاوان

معاك يا حبيب...

صورة للأخ/ سفيان نابري...

صورة للأخ/ عمر الفاروق..

الله يهون القواسي..وما قصرت لا زمان لا هسي.. كالعهد بك يا مورتون..

..

.

Quote: معاك يا حبيب... صورة للأخ/ سفيان نابري... صورة للأخ/ عمر الفاروق.. الله يهون القواسي..وما قصرت لا زمان لا هسي.. كالعهد بك يا مورتون.. ..

عارفك بتكون هميت هم اكتر منّى

Quote: Elmosley ربنا يواليه بالعافيه

اللهم يسمع منك يا رب

قمة السخف والاسفاف

Quote: قمة السخف والاسفاف

حبيبنا طارق ميرغنى
عارف اى انسان بعرف معنى الفن وبقدر ويحترم اهل الفن سيصاب بالامتعاض

هذه فقرة مؤلمة وحزينة

ما هذا يا قناة النيل الازرق!!!

فعلاً يا محمد محمود فاقد التوازن والتركيز وعلاجة ليس طبياً فقط

يحتاج لمصحة متخصصة تنقي دمه من السموم التي أوصلته لهذه الحالة.. وإلا

ربنا يشفية ويعافية ويبعد عنه الصحبة السيئة..

Quote: __ انت وييين ياعمر الفاروق ياخ

ومعك ننادى عليه يا مزمل خيرى

الحمد لله علي السلامة لمحمود والنيل الأزرق لم تكن موفقة مع إفتراض حسن النية وإنهم عاوزين يطمنوا المعجبين.

أنا شايف محمود لم يتعافي بعد وفقد الوزن الكبير ممكن يسبب عدم تركيز

محمود ثروة وطنية تحتاج الرعاية وفي هذه الظروف. يا ريت تقوم لجنة وطنية من معجبيه وتعمل علي إيجاد مكان أو مصحة لفترة نقاهة يستعيد فيها وزنه وصحته وبالطبع خارج السودان حتي يبعد من الزيارات. زي ما حصل مع مردونا تم إستعاد عافيته في مصحة في كوبا

شئ مؤسف يامحمد زكريا

وخصما على قناة النيل الازرق والتى تعتبر اميز السئيات من القنوات السودانيه

الحاجه دى كان ممكن تكون زياره عاديه بدون تصوير

اما انها تم عرضها على القناه فهى اما ان هذا الامجد ومحمد عكاشه

قصدو السبق الاعلامى , او انهم ماعارفين ماهية الاعلام المرئي

لانهم دخلاء على هذا الاعلام فى زمن الغفله وانا ارجح الاخيره

على الاخ حسن فضل المولى محاسبة هؤلاء الاشخاص

الصديق/ محمد سلامات
والف حمدا لله على سلامة الجان

و الله يا محمد بي صراحة كده
مشكلة الحوت الرئيسية هي الناس الحولو و الما بيخافو الله دييل

يا اخي اكتر حاجة غاظتني لاحظ للجماعة الحولو ديل في التسجيل بدأوا عينك يا شيخ يسخرون ويضحكون في محمود في اغنية المديح , ولاحظت للحوت انه اتعقد وتم قطع التصوير ........... ياخي ديل ناس ما جادين نهائي ومتلمين في الحوت ده ونشفوهو و وطلعو عينو و للاسف هو معتقد انهم اصدقاء ..... وبفعلتهم هذه ######ريتهم في الجان امام الكاميرا اثبتو انهم ناس فارغين ساكت و مضيعين الراجل ده.

الله يبعد عنه اولاد الحرام ..

ده كان متابعة بعد ما طلع من المستشفى في الخرطوم وقبل ذهابه للقاهرة
محمود عبد العزيز خرج ظهر اليوم من المستشفى (صورة) - الف سلامة يا حوت.

سلام احبائي ..
هل الفنان محمود مريض ام مدمن لان هنالك فرق ..
لو هنالك مشكله ادمان لشئ معين اذن هنالك مشكله عدم الاتززان الكيمائي في الدماغ وهذه المشكله يمكن تحل
عن خلال مايسمي


Detoxification (detox for short)[1] is the physiological or medicinal removal of toxic substances from a living organism, including, but not limited to, the human body and additionally can refer to the period of withdrawal during which an organism returns to homeostasis after long-term use of an addictive substance.[2][3] In medicine, detoxification can be achieved by decontamination of poison ingestion and the use of antidotes as well as techniques such as dialysis and (in a limited number of cases) chelation therapy

ومحمود قد يحتاج لهذه النوعيه لو مشكلته مشكله ادمان

Drug detoxification
Main article: Drug detoxification
Drug detoxification is used to reduce or relieve withdrawal symptoms while helping the addicted individual adjust to living without drug use; drug detoxification is not meant to treat addiction but rather an early step in long-term treatment. Detoxification may be achieved drug free or may use medications as an aspect of treatment. Often drug detoxification and treatment will occur in a community program that lasts several months and takes place in a residential rather than medical center.

Drug detoxification varies depending on the location of treatment, but most detox centers provide treatment to avoid the symptoms of physical withdrawal to alcohol & other drugs. Most also incorporate counseling and therapy during detox to help with the consequences of withdrawal.
من ويكبيديا النقل اعلاه ..

ولكن المشكله الاصعب هي مشكله سيكلوجيه لان العادات الضاره او النافعه مسجله في العقل الباطن ويجب ان يحدث تغيير
هنالك للاقلاع من الادمان. محمود لو مدمن فانه بيلعب بالنار لان السودان الذي اعرفه لايمكن ان يوفكر
Drug detoxification حتي لشخص سكران (سكر المريسه العاديه دي) ..
فنانين في امريكا واشخاص عاددين يعانون من ادمان لمخدرات وبرغم توفر المراكز في الولايات المتحده ولكن
الاقلاع للبعض ليس سهل لان الموضوع كيمائي وايضا سيكلوجي وموضوع محيط فمن هم اصداقائك بيحدد اشياء كثيره وانا قلق جدا علي محمود لان السودان ليس
فيه تلك المراكز .. ياخي الامركان مع تقدم التكلنوجيا دوما في حالة ريللابس ومعاناه
فمحمود ليس لديه امكانيه البنت الشقيه Lindsay Lohan
التي لازالت تعاني من استخداد الكوكايين ومن مشاكل قانونيه بسبب المخدر اللعين رغم انها دخلت المراكز العلاجه ثلاث مرات.. لوهان هذه عمرها ثلاث وعشرين عام ولكن اذا نظرة اليها اليوم ممكن
عادي تعتقد انها 60 عام بسبب المخدرات ..انها مليونيره وثروتها طائله ولكن كل مال الدنيا ليس القدره علي ايقاف المدمن .. اتمني انا اكون غلطان واتمني ان تكون مشكله محمود فقط مرض سريري وليس ادمان ...
لو الموضوع ادمان عليه الخروج من السودان فورا الي اوروبا او امريكا والموضوع مكلف ولكن للحوت قاعده جماهيريه كبيره ..

no image?

ليه البهدلة دى ... محمود فى شكل غير مناسب ...لم افهم شئ من اللقاء ... عبارة عن هضربة ... نتمنى له الشفاء

ياخي المذيع دة انا قاعد يورم لي فشافيشي
وبالحلقة دي فقع مرارتي وحاجة تانية




ابو الزيك ازيك