بالأمس وقف أمام البرلمان (الحوار العاق ) على طه ببدلته الرمادية المتسقة تماماً مع لونه وبسمته .. و خلفه تماماً تململ الحبر يوسف نور الدائم فى جلسته وسرح بعيداً .. على يد هذا الفتى كانت نهاية غريمه اللدود .. غريمه الذى حرمه الإرتواء , شاشات التلفاز , الحضور الزائف .. قال وروائح الكذب عطراً يستنشقه الساده .. ( إن حزمة الإصلاحات قرار اتخذه الشعب السودانى وأحمد لكم أنكم أجزتموه .. ) أو قريب من هذا الإسفاف .. وقبل ذلك وفى هذه القاعة التى يتعفف الشيطان من رجزها قال رئيس البرلمان وفى موقف مماثل ( لايهم أن يرضى الشعب عن القرارات , نحن نبتغى رضى الله !!!! ) كبيرهم الذى علمهم الرقص قال فى مؤتمر المرأة ( إن العائدات من رفع الدعم عن المحروقات سندعم بها الفقراء والمحتاجين ومحدودى الدخل !!!!!!!! )
إنهم آلهة الكذب فى الفصل الأخير من فصول المسرحية ..
ود شيقوق حبيبنا مشتاقين ياخ أدينى الأخبار ياخ .. أبوبكر عندك أحوالو .. ود الحرب وعروسو الحبوبة بت القبايل .. آخر عهدى بيهو سمعنى قصيدة فى راديو العربية وهو مسافر أخر الليل من الشرقية للرياض .. شوفت كيف ويتهمونا بالزهايمر
Quote: انت يا العشاء بتعرف الفرة ؟
ياخ بالحيل مشتاقين ليك
هى بس الفرة البعرفا .. قالوا سابت الدشم وسكنت العمارات .. العويرة بدل السفر مع الرهو والباجبار
Quote: أدينى الأخبار ياخ .. أبوبكر عندك أحوالو .. ود الحرب وعروسو الحبوبة بت القبايل .. آخر عهدى بيهو سمعنى قصيدة فى راديو العربية وهو مسافر أخر الليل من الشرقية للرياض .. شوفت كيف ويتهمونا بالزهايمر
والله ابو بكر دا غايب تماما وتوارى عن الاسافير
ود المحرب وعرسو الناظرة نفضوا الدنيا طب وبقوا ناس اخرة يعني التباريق والاباريق تتطاقش في البيت
Quote: هى بس الفرة البعرفا .. قالوا سابت الدشم وسكنت العمارات .. العويرة بدل السفر مع الرهو والباجبار
Quote: ازيك وشوق الله الواحد دا ما تنقطع وتشفقنا عليك سلام مربع لسلمى الصغيرة وكل المعاك يا يا انبل الاصدقاء
ياحليلك أنتى .. سلمى الصغيرونة ولدا حايم عمرو سنتين ولازا كرشا بالبنية .. شفتى الله كريم كيف .. سلامك واصل يا أجمل الناس
Quote: حيطة تتمطى وتفلع فى قفا الزول البناها
هو داب فليع .. نسوى شنو يا سلمى .. يحيى قبانى قال ليك الراجل الله أكرمو بجوكر ههههه .. ذكرتنى الزول القال (مرات الزول يشرب قزازة ما تعمل ليهو حاجة .. ومرات بكاس واحد يسكر .. أصلو القصة توفيق من عندالله) حاجة تحير موش تتمطى وتفلع بس[
يا ريت يا رأفت أخوي كان وقفت عند الأكل بس!!!! الأمر فاق كل تصور..
تحياتي وما طول الغيبة تاني
Post: #20 Title: Re: طيرة تاكل فى جناها Author: خالد المحرب Date: 09-25-2012, 03:45 AM Parent: #19
Quote: ود الحرب وعروسو الحبوبة بت القبايل .. آخر عهدى بيهو سمعنى قصيدة فى راديو العربية وهو مسافر أخر الليل من الشرقية للرياض .. شوفت كيف ويتهمونا بالزهايمر
صدبقى العزيز رافت ميلاد ياخ ما سالت منك شينه الرجل الطيب ليك وحشه والله شفت كيف اول ما شفت دربك قصيتو تقبل تحيات عفاف والاولاد وربنا يديم المعروف بين الناس والتحيه عبرك لصديقى العريبى شيقوق صاحب الشمار المدقوق وحليل اخونا ابوبكر الله يطراه بالخير
Post: #21 Title: Re: طيرة تاكل فى جناها Author: يحي قباني Date: 09-25-2012, 04:15 AM Parent: #20
رأفت يا حبيب ... والله الشوق بحرين و الله ...
انت وين يا زول ... تلفوناتنا اتباعدت و ما شفناك بيغادى في المكتبة من زمن ...
وجيناكم بيجاي بعد العمر ده ... غايته قلنا نفضي المخزن في الراس زي ما شايف ...
Post: #22 Title: Re: طيرة تاكل فى جناها Author: جمال المنصوري Date: 09-25-2012, 04:21 AM Parent: #21
ياسلام
رأفت ياخي والله ليك وحشة شديدة.. ان شاء الله تكون طيب انت واسرتك كلها.. مودتي
Post: #45 Title: Re: طيرة تاكل فى جناها Author: رأفت ميلاد Date: 09-26-2012, 10:55 AM Parent: #22
Quote: ياسلام
رأفت ياخي والله ليك وحشة شديدة.. ان شاء الله تكون طيب انت واسرتك كلها.. مودتي
سلامات يا جمال .. طلتك ولا القمر مشتاقين ياخ .. الأسرة تقلصت ياخ .. بقيت مع أم العيال وولد واحد .. غايتو شهر عسل جديد كان ما الحاقنا ده ههههه طابت أيامك يا المنصورى أخوى
قبانى يا حبيب والله أول بوست وقع فى عينى بوستك .. أقدم كراع وأأخر فى التانية .. زى العامل ليهو عملة ..
والله فرحت لوجودك هنا .. نورت المكان وبقى ليهو رونق .. والنفس أنفتحت من تانى .. ياخ الله يطول فى أيامك وأيامنا ونشوف البلد رجعت بلد زى زمان وأحسن .. والمخزون أصلو ما تبخل بيهو بالله .. الناس بقت محتاجة تعرف أصلها وفصلها جا من وين .. ديل قالوا ليهم الأسلام يادوبو جه ونحن سيادو .. وبدو يفرغوا فيهم عقدم وفشلم .. مخزونك إنقاذ من أهل الأنقاذ ياخ
Quote: صدبقى العزيز رافت ميلاد ياخ ما سالت منك شينه الرجل الطيب ليك وحشه والله شفت كيف اول ما شفت دربك قصيتو تقبل تحيات عفاف والاولاد وربنا يديم المعروف بين الناس والتحيه عبرك لصديقى العريبى شيقوق صاحب الشمار المدقوق وحليل اخونا ابوبكر الله يطراه بالخير
والله دخلتك دى دخلت علىّ لامن سدرى سخن .. وينكم ياخ علمتونا الدلع وفطمطونا صغار .. والله الحجة تسأل منك (وينو زولك البضرب آخر الليل مالو قطع) وطبعاً أتهمتنى بلسانى المتبرى منى أكون زعلتك .. دا كلاماشوفت الإفترا
ياحليل الأيام السمحة وراكوبة بت أبو حريرة الدافية ديك .. خلاس من ما جا ولد الولد ضهبتو بينا ..
ياخ شوق كبير .. وتلفونى ياهو تلفونى
Post: #23 Title: Re: طيرة تاكل فى جناها Author: Sudany Agouz Date: 09-25-2012, 05:34 AM Parent: #19
الأخ الحبيب رأفت ..
زى ما قالوا الاخوان والاخوات .. ليك وحشة كبيرة .. رحت وجيت .. ولقيتنا .. نحنا يانا نحنا ..
ناس تحت الحراية .. تقشقش فى عرقا الغرقان.. وناس تحت الراكوبة .. تحاحى فى الضبان .. وناس فى التكييف .. تقحقح من الدخان .. اما ناس نحنا .. ناس قريعتى راحت .. يانا نحنا .. مرة نقرا ومرة نكتب .. ندرس .. وندرَس .. ومن أول السطر .. الولد ولد البلد .. والبنت بنت البلد .. والبلد بلد البنت والولد .. --- ويا حليل البلد .. وأولاد البلد .. وبنات البلد .. وناس البلد ---- عليك الله يا رأفت .. ما تنقطع منا بالطريقة دى .. أخوك العجوز ارنست ارجانوس جبران
Post: #24 Title: Re: طيرة تاكل فى جناها Author: سيف الدولة كامل Date: 09-25-2012, 05:40 AM Parent: #23
حبيبنا رافت ميلاد ,, سلامات
حمدا لله علي العودة والله فرحنا كتييير بشوفتك.
الفرة ده ود شيقوق زاااااتو كان شفته.
Post: #25 Title: Re: طيرة تاكل فى جناها Author: haroon diyab Date: 09-25-2012, 06:05 AM Parent: #24
Quote: ود شيقوق حبيبنا مشتاقين ياخ أدينى الأخبار ياخ .. أبوبكر عندك أحوالو .. ود الحرب وعروسو الحبوبة بت القبايل .. آخر عهدى بيهو سمعنى قصيدة فى راديو العربية وهو مسافر أخر الليل من الشرقية للرياض .. شوفت كيف ويتهمونا بالزهايمر
هدية محبة واستراحة قبل القراءة الحنينة ...
*
Post: #27 Title: Re: طيرة تاكل فى جناها Author: طاهر بدر Date: 09-25-2012, 07:00 AM Parent: #1
تعرف... اسوأ صفات الضبع يا رأفت غير التغول على حق الغيرهو شنو؟؟؟ انو نذل حتى في قانون الغاب ... ولو صادف وهو اصطاد او لقى ليهو فريسة مكسورة ما بكتلا بياكلا وهي حية ومن اطرافا ولا يأبه لصراخ او انين . . . شوق الشوق يا رأفت ياخ
Post: #28 Title: Re: طيرة تاكل فى جناها Author: فيصل محمد خليل Date: 09-25-2012, 07:45 AM Parent: #27
ياها دي الفرة تقول ليهو وهـ
بتكرفس في محلو
Post: #29 Title: Re: طيرة تاكل فى جناها Author: محمد كابيلا Date: 09-25-2012, 08:49 AM Parent: #28
Quote: ياها دي الفرة تقول ليهو وهـ
بتكرفس في محلو
Post: #30 Title: Re: طيرة تاكل فى جناها Author: رأفت ميلاد Date: 09-25-2012, 11:54 AM Parent: #29
Quote: بركة الجية أخوي.. والله قادر يجيب ابوبكر أخوي وأخوكم.. قال سفره كتير في الشغل لغرب إفريقيا.. الله يستر عليه من غرب إفريقيا دي!
عليك الله ومعزتنا عندك با رأفت ماتغيب تاني عاين بقينا شوية كيف؟؟ أيامنا ذاتها ماشية لشوية! تعال نتحمل البلاوي كلنا سوا.. نخلق ضحك مع بعض ونحكي حكاوينا زي ما عايزين
تعرفى يا منى الغياب بتم كيف وبتين وليه الزول ما بعرف .. الصعبة الرجعة غايتو الله يطولك يا روح .. فى حاجات كدة تنقص للزول عمرو .. لامن تشوفى تبجح بى خطأ لا تخطاه العين
فى ندوة زمان محمود محمد طه رحمه الله قال المثل الإنجليزى فى معناه (فى الزمن الغير طبيعى .. تصير كل التصرفات الغير طبيعية .. طبيعية)
عارفك بتاعة قهوة ساكت ما تعرفى غى الكشتينة .. يوم أنا وعبد العزيز محمد حماد فنان الكركاتير رحمة الله علية راجين الأكل وقدامنا كشتينة قعدنا نجر فى بكرة (بوكر) للحناكيش الذيك كده .. أها يكشف الورق يقول لي تسعة .. أقول ليهو عندى وأجدع الورق وأجر طوالى .. أقول تمانية أقول عندى وأجر .. القصة تكررت زى أربعة مرات ورا بعض .. جريت وهو وقف .. قلت له مالك .. قال لى (ياخ ماتقيف نستغرب شوية) ههههه
حبيبنا ود الجمام ليك وحشة والله .. ما أهو البورد بى عمارو يا منى
Quote: سلام يا رأفت وبركة بالشوفه ..
الفره هي القطا الطيرة البتهجم ديك ولا واحدة تانية ؟؟ لو زي الارض انت تكون ماشي ما شايف تقوم تطير قدامك وقلبك يفر ههههههههه تحياتي ...
غايتو قصتك دى لامن فرة تلاقى فرة .. الفرة زى ما قال ليك قيقاراوى لامن تطير ما تطير معاها .. تقوم تخلعابب تقع .. بس لاحظ تخلعا ما (تخلعو) الفرة مرة .. بس قريبى الحلفاوى صاحب الصورة التحت اللغة ما مساعداهو هههههه
سلام يا رافت وكل الشوق بركة الجيت بطيرك وطريرك ( ودي من طرير الشباب غني لنا غني ) ياخي كل ما اتابع كتابتك كاني بسمع صوتك ياخي الحصل في شهر يونيو في السودان مش يخلي الطير يأكل جناهو يخلي الظالم ياكل نفسوا وياما تشوف
الحكومة دي بتشرط هدومة
واهلنا قالوا الجن بنداوا كعبة الاندراوا
Post: #38 Title: Re: طيرة تاكل فى جناها Author: وليد محمد المبارك Date: 09-25-2012, 06:23 PM Parent: #34
خلينى احكى ليك حكايتى مع كلام المشوطن حميد له الرحمة
مرة شافت فى روآها طيرة تاكل فى جناها وحيطة تتمطى وتفلع فى قفا الزول البناها
فى ذات ظهيرة امى عشة بت البشير سمعت عقد الجلاد بغنوا فيها قالت لى: الاولاد ديل البنقو خرب غناهم كلو كلو.. كيفن الطيرة بتاكل جناها والحيطه بتفلع الزول البناها وفى احد زيارات صديقى الراحل المقيم حميد لمنزلنا اخبرته بما قالت امى فقال لها يا خالتى عاشة والله فى سنى دى ما قاعد اسويه رحم الله حميد الجميل صاحب الياذات شعر السودان
Quote: قبانى يا حبيب والله أول بوست وقع فى عينى بوستك .. أقدم كراع وأأخر فى التانية .. زى العامل ليهو عملة ..
والله فرحت لوجودك هنا .. نورت المكان وبقى ليهو رونق .. والنفس أنفتحت من تانى .. ياخ الله يطول فى أيامك وأيامنا ونشوف البلد رجعت بلد زى زمان وأحسن .. والمخزون أصلو ما تبخل بيهو بالله .. الناس بقت محتاجة تعرف أصلها وفصلها جا من وين .. ديل قالوا ليهم الأسلام يادوبو جه ونحن سيادو .. وبدو يفرغوا فيهم عقدم وفشلم .. مخزونك إنقاذ من أهل الأنقاذ ياخ
سلامات يا يحيى ياخ وشوق عمر والله
رأفت يا بديع ... والله سعيد بي طلتك و بي عودتك ... ووالله الشوق اسكت كِب بس ...
رغم انو في ناس كتيرة بتتضاير منو ...... لكن ما ياهو ده السودان الانا و انت عشناهو ؟؟؟
حتي صديق الموج ما دخلو ... رغم صولاتنا وجولاتنا في بيت حمزة نايل في طرف الرياض !!! ولا شنو يا موج ؟؟؟
غايته يا رأفت راجيك بي فارغ الصبر ... لأني انا " زى ناس المزازيك " من النوع البيحب السؤال و الجواب ...
عشان انكت الفي الراس لازم زول يستفز الذكريات ... وبعدين انا متأكد انو لسة في فايلات قاعدة زي " سب فولدرز كده " ..ما اتهبشت زاتو ...
Post: #42 Title: Re: طيرة تاكل فى جناها Author: baha eassa Date: 09-25-2012, 11:21 PM Parent: #41
مرحب اخي رافت وليك وحشة ..
Post: #43 Title: Re: طيرة تاكل فى جناها Author: فيصل عثمان الحسن Date: 09-26-2012, 00:05 AM Parent: #42
رأفت يا صديق اها عشان خاطر الناس الزينين ديل ما حقو تغيب تانى وجيب معاك صاحبك النور يوسف .
Post: #64 Title: Re: طيرة تاكل فى جناها Author: رأفت ميلاد Date: 10-05-2012, 11:38 AM Parent: #43
Quote: رأفت يا صديق اها عشان خاطر الناس الزينين ديل ما حقو تغيب تانى وجيب معاك صاحبك النور يوسف .
سلامات يا فردة[
والله ما حايشنى إلا الشديد القوى .. لكن النور سمعت أنو حايم بى جاى .. بينى وبينك هو ذاتو مقل شديد اليومين ديل .. غايتو آخر أخبارو صاريها لى ههههه
أشوفك فى لوزان يا صاحب .. ومعاك صاحبك الفشنك عماد (العمة سابقاً)/B]
Post: #63 Title: Re: طيرة تاكل فى جناها Author: رأفت ميلاد Date: 10-05-2012, 11:32 AM Parent: #42
Quote: مرحب اخي رافت وليك وحشة ..
سلامات يا بهاء يا أصيل غايتو الزول لامن يشوفك يعرف اللوم يعنى شنو .. العفو والعافية منك .. ونتواصل
Post: #62 Title: Re: طيرة تاكل فى جناها Author: رأفت ميلاد Date: 10-05-2012, 09:53 AM Parent: #41
Quote: رأفت يا بديع ... والله سعيد بي طلتك و بي عودتك ... ووالله الشوق اسكت كِب بس ...
و سعيد بدخولك بوست قال لي ربنا سبحانه و تعالي أكرمني بي جوكر قفل لي الورق حق ونسة الحبوبات داك ...
رغم انو في ناس كتيرة بتتضاير منو ...... لكن ما ياهو ده السودان الانا و انت عشناهو ؟؟؟
حتي صديق الموج ما دخلو ... رغم صولاتنا وجولاتنا في بيت حمزة نايل في طرف الرياض !!! ولا شنو يا موج ؟؟؟
غايته يا رأفت راجيك بي فارغ الصبر ... لأني انا " زى ناس المزازيك " من النوع البيحب السؤال و الجواب ...
عشان انكت الفي الراس لازم زول يستفز الذكريات ... وبعدين انا متأكد انو لسة في فايلات قاعدة زي " سب فولدرز كده " ..ما اتهبشت زاتو ...
سلامات يا قبانى
متأسف ياخ على التأخير ياخ .. أخونا نبيل يوسف عبد الملك الله يديهو الصحة عيان فى المستشفى .. دعواتكم معانا ربنا يواليه بالعافية .. بالمناسبة يا يحيى .. نبيل ده والدو يوسف عبد المالك ووالدتو ووهيبة أصحاب إغنية (جمال يوسف والوهيبة) رحمهما الله
ياخ بوست الجوكر باين ما عدا معانا الربع ده .. لكن لميت فى بتاع الجرسة .. برضو ضاع لكن بكوسو
تعرف الغياب يومين هنا بفرق كتير خلاس
Post: #44 Title: Re: طيرة تاكل فى جناها Author: الطيب عثمان يوسف Date: 09-26-2012, 05:40 AM Parent: #40
*** رأفت
إنذار أخير
أحذرك
وأوعاك
ثم أوعاك
.
.
ماتطول الغيبة
Post: #49 Title: Re: طيرة تاكل فى جناها Author: صلاح جادات Date: 09-27-2012, 05:13 PM Parent: #44
الاخ رافت لك التحية ومرحبا بالعودة تعرف بوست واحد بهنا افضل من البتعملوا في سودانيات في شهر بجاي طيرة وماشي في السيرة جيب شركك وتعال كان من سبيب حصان كان قلوبية
Quote: الاخ رافت لك التحية ومرحبا بالعودة تعرف بوست واحد بهنا افضل من البتعملوا في سودانيات في شهر بجاي طيرة وماشي في السيرة جيب شركك وتعال كان من سبيب حصان كان قلوبية
سلامات يا جادات
ياخ سودانيات بقينا كبارا ووصالا وسكن فى القلب
وأونلاين ما غايبة من قلوبنا .. بس كتر فيها الخيانة والكيزان أعداء الله وأعداء الوطن
حبيبنا الصدّيق ولد عمنا الموج رحمة الله عليه مشتاقين والله
Quote: رأفت ميلاد .....سلام تربيع يازول يا سمح
خلينى احكى ليك حكايتى مع كلام المشوطن حميد له الرحمة
مرة شافت فى روآها طيرة تاكل فى جناها وحيطة تتمطى وتفلع فى قفا الزول البناها
فى ذات ظهيرة امى عشة بت البشير سمعت عقد الجلاد بغنوا فيها قالت لى: الاولاد ديل البنقو خرب غناهم كلو كلو.. كيفن الطيرة بتاكل جناها والحيطه بتفلع الزول البناها وفى احد زيارات صديقى الراحل المقيم حميد لمنزلنا اخبرته بما قالت امى فقال لها يا خالتى عاشة والله فى سنى دى ما قاعد اسويه رحم الله حميد الجميل صاحب الياذات شعر السودان
أقول ليك سر على قول حجة آمنة بس ما تكلم زول والله ما كنت عارف الكلام كلام حميد عليه الرحمة .. كدى حسيت بالكلام أكتر
كيفك يا صفية يا عزيزة .. ياخ ما نكرت أمدرمان والله .. نكرت الصيد غرب أمدرمات وأنا مشيتو .. وكان مشيتيهو ذاتك بتنكريه .. ياخ قتل الحيوانات سيئ شديد .. نحن كنا فى الجزيرة بنصطاد الطيور والسمك .. ياخ الغزال الكبير داك لامن يصطادوه بصرخ زى الشافع التانين منو .. أدينى لستة ..
زى ما قال طاهر بدر ما المشكلة فى أكل الجنا .. المصيبة بتاكلو حى
الشفت أذيك مالك شكلك زى مستعجل كدة .. محصل المغرب ولّ الطابونة
عندى صحبى زمن شريعة نميرى زارنا فى السعودية .. قلت ليهو عامل شنو مع الشربة .. قال لى نهاراً جهاراً تجيبو فى إبريك .. تشمل السروال بى خبة كدى .. وتشق فى نصهم زى اللاحق الصلاة ههههههه
Post: #54 Title: Re: طيرة تاكل فى جناها Author: رأفت ميلاد Date: 09-28-2012, 08:34 AM Parent: #34
Quote: سلام يا رافت وكل الشوق بركة الجيت بطيرك وطريرك ( ودي من طرير الشباب غني لنا غني ) ياخي كل ما اتابع كتابتك كاني بسمع صوتك ياخي الحصل في شهر يونيو في السودان مش يخلي الطير يأكل جناهو يخلي الظالم ياكل نفسوا وياما تشوف
الحكومة دي بتشرط هدومة
واهلنا قالوا الجن بنداوا كعبة الاندراوا
زوربا يا زوربا ياخ .. عملت زياره لى بروفايك .. تقول لى لكزتنى .. ياخ نحن وصلنا مرحلة البلكزوه بى شعبة ما بجيب خبر هههههه
اللكزة الحلوة كانت من الجزولى .. مهد لى كويس
غايتو قصة الظالم ياكل نفسو دى .. خلتنى أفكر .. هل نحن الطيرة ولّ جناها
كابيلا شايفك بعاضض عمك فيصل .. ولّ عاجبك الفرة العملا ضكر دى .. كلنا من الناطقين بها هههههههه
نقول ليك نحن وعليك السلام ياخى .. عبرنا ياخ
Post: #53 Title: Re: طيرة تاكل فى جناها Author: رأفت ميلاد Date: 09-28-2012, 08:25 AM Parent: #28
سلامات يا قريبى والله كل ما أفتح الأسكايب بلقاك قاعد .. لكن بكون فتحتو بسسب .. واحد رس ماسيج داير ينق ولّ مشغولية من الما بخلص داك ..
شايف كابيلا موافقك فى كلام الفرة .. وأنا برضو
Quote: ياها دي الفرة تقول ليهو وهـ
بتكرفس في محلو
صاح .. لكن الصورة دى موش قطا ما فرة .. هم البه بيناتم كبير وكلهم اون الو اطة .. بس بتخيل لى الفرة أكبر .. القطا بكون فى مجموعات
يا زول ما علينا .. هسة الفرة يا ربى منو .. نحن ولَ هم .. عموماً زى ما قال جنابو الطاغية كذاب .. والكذاب ######## .. ما كده
Post: #52 Title: Re: طيرة تاكل فى جناها Author: رأفت ميلاد Date: 09-28-2012, 08:10 AM Parent: #27
سلامات يا طاهر والحى بتلاقى فعلاً كيف أيامك والدنيا معاك
Quote: تعرف... اسوأ صفات الضبع يا رأفت غير التغول على حق الغيرهو شنو؟؟؟ انو نذل حتى في قانون الغاب ... ولو صادف وهو اصطاد او لقى ليهو فريسة مكسورة ما بكتلا بياكلا وهي حية ومن اطرافا ولا يأبه لصراخ او انين
ياخ كلامك ده كل ما أفتح النت بقراهو .. أحساس زى وجع المصارين كدة .. كل مأتخيل (الحيوان) بلتهم فى فريسة حية أكاد أتقيأ
تصدق يا طاهر نحن الفريسة الحية دى .. تصدق بالله
Post: #55 Title: Re: طيرة تاكل فى جناها Author: أحمد أبكر Date: 09-28-2012, 09:30 AM Parent: #52
العم رأفت وضيوفه لكم التحية بوست مريح للأعصاب ما حصل لي الشرف بمعرفتكم وصداقتكم لكن خفة دمك بتخلي الواحد يصادقك غصباً عنو وعنك ولو ما لقى فرقة ، يكتفى ويصادق بوستك أو ضُلّك تحياتي
Post: #60 Title: Re: طيرة تاكل فى جناها Author: محاسن أحمد محمد Date: 09-29-2012, 04:05 PM
هي يا الحبيب الغالي رافت ( اوفه ) يعني ده شنو تغيب عشان تشوف الناس مشتاقين ليك قدر شنوا تعرف من زمن ما قاعده ادخل المنبر كتير بس جئت أعاين سريع كده لفت انتباهي العنوان والله فرحته وين قاتس والله مشتاقين وكنا في سيرتكم أنا ومحمد عبدالرحمن طه وعصام عثمان عبدالله او قصينا او حكينا اييك شي ودالشافعي او شي بركات اتصلته عليكم في البيت كم مره من غير فايده كيف فاتن والعيال كلهم وسلمي اذا غيرته التلفون رسل لي التلفون الجديد في الماسنجر او أحسن ترسلوا لي امكن بضرب نمره غلط