انتو المريخ ده دفع للخرطوم كم في مباراته الأخيرة معاه

الخرطوم اللعب الليلة مع الهلال ده فريق بتغلب 7 من المريخ ؟؟؟
ولا المريخ عاوز يلحق المولد قام دفع المعلوم ؟؟؟
سؤال لغير المريخاب طبعا

Quote: الخرطوم اللعب الليلة مع الهلال ده فريق بتلغ 7 من المريخ ؟؟؟ ولا المريخ عاوز يلحق المولد قام دفع المعلوم ؟؟؟

طيب لو المريخ دفع المعلوم للخرطوم
الهلال مالو ؟
برضو المريخ دفع ليهو عشان يظهر ضعيف كده ؟

ود القاضي سلام
لا طبعا الهلال في الشوط التاني كان حلاوة
بس نعمل شنو مع فلسلفة هذا الجااارعودو (الغارزيتو) ؟؟؟؟
لكن بيني وبينك كده ده نفس فريق الخرطوم القابل المريخ ؟؟؟
ولا ده نفس الحارس الغيروه قبل يتم زمنو؟؟؟

يا زول المريخ دفع 7/صفر للخرطوم الوطني

بحيراوي

البحيراوي سلامات
وشكلو كدي معاها 7 لكل لاعب
تحياتي

الأخ عمر

تحياتي - يا زول قالوا ( العترة "العثرة " بتصلح المشية.

يعني فريق وقع ليه في حفرة عمقها سبعة أمتار - تاني بخلي بالو كويس . في المستقبل .

بحيراوي

والله يا بحيرواي دي ما حال فريق وقع ليهو في حفرة سبعة أمتار
الا تكون 7 شنكالات
مودتي

هلال لم يخسر في الممتاز ابدا _ هيثم
= هلال لم يخسر ابدا +هيثم وقدام الخرطوم ال :
اتهزم من مريخ خسر في الممتاز + عجب
ويهزم الخرطوم 7 صفر برضو ده كلام ده؟؟؟
هيثم اضاف للهلال حلاوة البصات البينية التي غابت من الهلال طوال فترة غيابه
يجي الليلة يتعادل مع الخرطوم ؟؟؟؟
مش حاجة عجيبة يا سيدي الحسن ؟؟؟

(ولا ده نفس الحارس الغيروه قبل يتم زمنو؟؟؟)

هو الحارس ده لو شادي حيلو قون مهند المن الكلاكلات ده بدخل ؟

بعدين دفاعكم ده ناس الخرطوم دفعوا ليه كم في القون

لا طبعا الهلال في الشوط التاني كان حلاوة
*************************************
حلاوة قطن..ياخي الهلال أمبارح أثبت لجمهور الهلال تحديدا أن فريقهم فتة.
و زي ما قال ليك كابتن وليد: بعدين دفاعكم ده ناس الخرطوم دفعوا ليه كم في القون

Quote: (ولا ده نفس الحارس الغيروه قبل يتم زمنو؟؟؟) هو الحارس ده لو شادي حيلو قون مهند المن الكلاكلات ده بدخل ؟ بعدين دفاعكم ده ناس الخرطوم دفعوا ليه كم في القون

استاذ وليد سلامات
ياوليد هي اصلا اقوان مهند بتجي من الكلاكلات وابوادم ودي ميزة مهند
دفاعنا طبعا مابشكروا ليك لكن مش ياهو نفس الدفاع اللعب مع المريخ ؟؟؟
ولا ناس الخرطوم تموها (بركة )؟؟؟؟

ياعمر أخوى ..

كيفنكم ..

اكيييد تكون نمت وأنت تتساءل ..

يا أخوانا معقول ده الفريق صاحب السفن آب

نرد عليك ياعمر أخوى ..

ونقول ليك

أياه ذاتو ..

لكن ..

كيفن أخذ سبعه من المريخ ..

ودرن مع الهلال ..

ونرد عليك ونقول ..

ياعمر أخوى ..

ده أياه حال الهلال ..

يعنى ما جاب شئ جديد ..

ولو ما سوء الطالع للمريخ

اليوم داك كانت السبعه محمداهم من المريخ

لكن ربك ستر ..

وخفنا عليهم من البشتنة

وشيل الحال ..

لكن أياه حال الهلال ..

مش كده ياعمر أخوى ..

ودعتك الله ياغالى ..

تاج السر

(استاذ وليد سلامات
ياوليد هي اصلا اقوان مهند بتجي من الكلاكلات وابوادم ودي ميزة مهند
دفاعنا طبعا مابشكروا ليك لكن مش ياهو نفس الدفاع اللعب مع المريخ ؟؟؟
ولا ناس الخرطوم تموها (بركة )؟؟؟؟ )

عليك يا زميل من غير استاد
خلينا اخوان الخوة ماله عيبها لي

ومالها اقوان مهند المن الكلاكلات الحضر وداها الكورنر كلها ... عشان حارس بعرف يقيف
ما علينا

نجي لموضوع البركة
انا زاتي كنت مستغرب كيف انو الهلال يغلب الماليين 3 وهم منفردين 7 مرات انفراد مباشر بالحارس
وكيف المريخ يتعادل مع الهلال والعجب الصغير لوحده منفرد بالمرمي اربعة مرات بس في الشوط الاول جاب فيهم قون واحد من اصعبهم

وقلت في بوست عن انتصار الهلال على الماليين
انو نجم المباراة الاول في تلك المباراة هو (الفكي)

يبدو انكم استهترتم بالخرطوم .. وقلتو ما بتحتاج ..
بنغلبهم برااااااااااااااانا
لمن سيكوكم

هاهاهاهاهاهاهاهاهاهاهاهاهاهاهاهاهاهاهاهاهاهاها

يا عمر محمد ابراهيم السلام عليك
سبحان الله ياخ
إتا متأكد انك ياكا عمر ذاتو الإفترع البوست دا : عنف الملاعب ظاهرة دخيلة علي السودان يجب محاصرتها
؟؟؟؟؟؟؟؟؟؟؟؟؟؟؟؟؟

هيثم شنو يا حبة الزاد لعب الهليل جمال !!!!

والله انا بطني طمت من هضم حق الولد عنكبه الخطير

دا بالله عليكم يا هلالاب ما كلكم قلوبكم بتقيف لمن

عنكبه دا يمسك الكورة و يفتح في الشوراع زي انيستا

و الله بقلب في ناس مساوي عربي وافرنجي و يجوا اصحاب

الذمة المافي يعطوا النجومية لهيثم والله البخلي الناس

تدخل الغابة ما ساهل . الولد دا مش يستاهل نجوميه

المباراة دا يحتاج ينتخب رئيس للحيكومة عديل !!!

قال ايه قال سفن اب قال !!!

موسي عيسي سلامات
يااخي عنكبة امس لعب كورة بمزاج
ولو لا المجاملة فهو الأحق بنجومية المباراة
لكن هيثم لعب بمزاج
ومرر تمريرات مافي زول بمررها غيرو
واحدة جات قوون والتانية الاسهل اخونا بي كهربتو الزائدة جدعها باص
وكلو من بركات هيثم حفظه الله ورعاه

حبابكم

المريخ لا يدفع المريخ يلعب

الفروق الاكبر : وجود عنكبة , وعزل المدرب السابق , ودرس المريخ ,
الخرطوم فريق امكاناته المادية جيدة

المدرب السابق لم يبدا بعنكبة , عايز يلعب مدافع وفشل في تطبيق التسلل لوجود العجب وحلوله بالباصات خلف المدافعين

مبروك التعادل ولا زال الحظ معكم ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

حبابك ألف يا شهاب
طيب ما نحن شفنا لعب الناس ديل مع المريخ
ومعقولة مدرب يجي في اقل اسبوع يعير شكل الفريق
اما درس المريخ ده ممكن
ودخول عنكبة ممكن
لكن كل ده لوصل الفريق من هزيمة 7 صفر الي تعادل 2/2 مع متصدر الدوري ؟؟؟
لك التحية

Quote: يا عمر محمد ابراهيم السلام عليك سبحان الله ياخ إتا متأكد انك ياكا عمر ذاتو الإفترع البوست دا : عنف الملاعب ظاهرة دخيلة علي السودان يجب محاصرتها ؟؟؟؟؟؟؟؟؟؟؟؟؟؟؟؟؟

طلحة وعليك السلام
يااخي والله ياني ذااااااتو وهل تري تعارض في ذلك ؟؟؟
يااخي انا اكتب واهاتر
واشجع
لكن يوم واحد ماشجعت العنف يااخي تصدق
لك التحية

وليد يااخوي
طبعا مافي احلي من اخوي دي بالجد
لكن شفنا الجماعة سايقنها استاذ وزميل قلنا نديها كوز
المهم اقوان مهند دي ماركة معروفة بتجي من بعيييييييد
اما الفكي ده سرو باتع يااخي
طيب اخونا سادومبا ده مابطح الحضري في ذات نفسو من الكلاكلات ؟؟؟؟
خليهو ساددومبا الزول ابو رويس ده سانيه مش ختاها خلي الحضري يتفرج زينا وزيو واحد ؟؟؟ ماتييييييييييييب؟؟؟
غايتو المسألة دي فيها انة كبيرة جدا
والمخرج امس زي العاوز يقول لينا انو الطائر القام متخارج قبل 3 دقائق من المباراة انو مهمتو انتهت
بس ماركزنا كويس عشان نعرف الطائر ده لابس ازرق ولا احمر
هههههههههه

تاج السر سلامات
يااخي انا نمت طبعا نوم الجداد في الحبل وبفكر في الحصل ده شنو ؟؟؟
المهم ده ماياهو الفريق الغلبو المريخ
لأنو المريخ اذا غلب الخرطوم 7 مفروض يغلبنا نحن برضو 7
لكن تعادل هنا وهناك 7الا يكون زي ماقلت الفكي نام
ههههههههه

المهم.....

انا لله ... بقيت تلقط من طرف يا.......؟

هارون دياب
سلامات يااخي
ساعدنا بشرح النقط دي يااخي امكن تقدر تفك لينا طلاسم الحصل ده