البترول والسكر والتعليم والعلاج بدون دعم وحياتنا بدون طعم

الحكومة رفعت الدعم عن كل حاجة وفتحت المفاوضات كالنفجات فى بيوت امدرمان القديمة والحال يا ريته كان نفس الحال المشكلة بزيد صعوبة وانتهى املنا يا حكومة وعلى كل مواطن يفتش ليه طوبة ويخت رأسه تحته لمن يجوع تكون للبطن سناده ولو زهج افلك بيها ولو مرض على الاقل يكون وفر لناس الدفن طوبة
شعب السودان الذى فضل يا حكومة دفع فاتورة الحرب وده حقيقة ليكم معلومة وبعد الانفصال بتاعكم تانى دورت فاتورة المفاوضات بنفس الصيغة القديمة تعرف يا بكرى ابوبكرى حكاية الارشفه ده الظاهر جابت لينا الجلا والحكومة عملت بيها ما ان نطوى ملف يظهر ملف جديد بنفس الارشفه القديمة بس مع تغير العناوين
اه يا وزير المالية ميزانيتك الجديدة من حسه مخرومة ومافضل حاجة ترقعوها بيها الا بعمل ارشفة جديدة للاسعار ما خلاص كملته كل حاجة
تحياتى