Post: #1 Title: صبري طه وابوحسين Author: محمد عمر الفكي Date: 09-22-2012, 11:01 PM Parent: #0
قسماً بالله هذا الفيلانوفا كان ما خلى حميدة وعبد اللطيف بكري يلطشو فيكم تلطيش حرامي قبضوهو في السوق انتو في وانا في ما بحلكم من هذا المصير الاسود الا يوهان كرويف ، الله يعينو ويقويهو ويقلع هذا الفيلانوفا باسرع وقت ممكن
لعب برشلونة حتى الآن في دوري أبطال أوربا = مبارة واحدة وفاز فيها مجموع نقاطه في دوري أبطال أوروبا = 3 نقاط = العلامة الكاملة
لم يكن لبرشلونة في مُباراة اليوم قلب دفاع حقيقي .. لا سونغ ولا ماسكيرانو .. الاثنين لاعبي وسط .. ورغم ذلك حافظ على شباكه نظيفة
ـــــــــــ محمد عمر الفكي = بهضرب هضربة ما معروفة شايتة وين وبرضو تسألو عن حال الكُرة السودانية ياخ
Post: #3 Title: Re: صبري طه وابوحسين Author: محمد عمر الفكي Date: 09-22-2012, 11:18 PM Parent: #2
كلام القصير اصلو مابنسمع الا لما الشمش تحر بقابلكم قدام لاعبي برشلونة من قريب نهاية الشوط الاول ارتجلو اللعب براهم ونسو خطة فيلانوفا الكانت مودياهم التوج انت بالتحديد يوم التلطيش انا ايدي مع ايد الجماعة والله فريق زي غرناطة دا مع بيبي من ربع الساعة الاول كان انحسم وباقي الكورة متعة للناظرين اما انه نقعد نحرق في السجاير لمن شلاليفنا يزرقن دي جديدة علينا صبري انت بتسجر?
Post: #4 Title: Re: صبري طه وابوحسين Author: عبد اللطيف بكري أحمد Date: 09-22-2012, 11:34 PM Parent: #3
محمد إزيك
صبري دا أصلك ماتغالطه في برشلونة مهما كان،، الغريبة كان مدريدي وقلب في حادثة نادرة !!! هههههه
عشنا وشفنا بيدرو رودريغز ينقذ البارشا من انفراد خطير لأحد أبلد مهاجمين اشوفهم في حياتي،،
علامة كاملة ماقلنا حاجة ياصبري : لكن ضد منو؟؟
فالديز زي اللبخة تضرب الكرة في جسمه برعونة المهاجمين و بلادتهم،،
هذا الدفاع نفسه حيقابل اشبيلية ولشبونة وريال مدريد : يالا تعال ورينا العلامة الكاملة بعدين
الفريق الروسي أهداكم فوز غير مستحق،
محمد عمر : مابراك البتحرق في السيجار ، والله انا قربت اكسر التلفزيون مع ضياع فرصتين للصنج ديل!!
Quote: علامة كاملة ماقلنا حاجة ياصبري : لكن ضد منو؟؟
ضد فالنسيا يا حبيب ....
برشلونة 1 فالنسيا 0
Post: #7 Title: Re: صبري طه وابوحسين Author: محمد عمر الفكي Date: 09-22-2012, 11:43 PM Parent: #4
غايتو يا عبد اللطيف الله اداكم، كان ما اتفسحتو السنة دي اصلو ما حتتفسحو تاني صبري معتبر برشلونة فائز على الروس ! دا اقرب للخسارة والمستوي من حفرة لدحديرة غايتو ربك رب الخير ستر من الانفراد بتاع الدقيقة اربعة وتمانين داك ولولا ذلك الستر ما ظن فيلانوفا كان بيت في كتالونيا كلها
Quote: والله فريق زي غرناطة دا مع بيبي من ربع الساعة الاول كان انحسم وباقي الكورة متعة للناظرين اما انه نقعد نحرق في السجاير لمن شلاليفنا يزرقن دي جديدة علينا صبري انت بتسجر?
أنا ما بسجّر .. لكن خيتافي البسجّر
إشبيلية برضو بتسجّر
ــــــــــ بالمناسبة ريال مدريد لعب مع غرناطة في الأسبوع الثالث وفاز عليه بثلاثية نظيفة ... شكلك ما متابع الدوري وجايي متحمّس للغلاط بدون علم
Post: #9 Title: Re: صبري طه وابوحسين Author: عبد اللطيف بكري أحمد Date: 09-23-2012, 00:04 AM Parent: #5
المباريات التي فار بها FC Barcelona الأحد 19/8/2012 22:00 برشلونة 5 : 1 ريال سوسييداد الأحد 26/8/2012 20:00 أوساسونا 1 : 2 برشلونة الأحد 02/9/2012 22:30 برشلونة 1 : 0 فالنسيا السبت 15/9/2012 21:03 خيتافي 1 : 4 برشلونة السبت 22/9/2012 23:03 برشلونة 2 : 0 غرناطة
دي مبارياتك ياحبيب، ضد اوساسونا كانت أكثر من ضربة حظ ضد فالنسيا في ملعبك ومرقتو بكرامة البليلة الليلة كانت آخر حبة في البليلة !!
نشوف لي قدام!! فارق التمانية نقاط (باعتبار ماسيكون غداً) ليس عيباً : تذكر في عهد ريكارد كان الفارق 17 نقطة لغاية الدورة الثانية وقلبت الطاولة!!
Quote: نشوف لي قدام!! فارق التمانية نقاط (باعتبار ماسيكون غداً) ليس عيباً : تذكر في عهد ريكارد كان الفارق 17 نقطة لغاية الدورة الثانية وقلبت الطاولة!!
لا مستحيل في عالم المدوّرة .. لكن على شرط*
ـــــــــ * شوفوا ليكم فكي لي ميسي دا الما طبيعي يا حبيبنا هو فوز الريال بدوري الموسم الماضي !!!
Post: #11 Title: Re: صبري طه وابوحسين Author: محمد عمر الفكي Date: 09-23-2012, 00:19 AM Parent: #9
اغالط في شنو يا صبري؟ مستوى برشلونة دا بتتناطح فيهو عنزان؟ وجهة نظري انه دا ما المستوى البجيب له كاس ملك ناهيك من ليجا وشامبيونز
Post: #12 Title: Re: صبري طه وابوحسين Author: عبد اللطيف بكري أحمد Date: 09-23-2012, 00:42 AM Parent: #11
Quote: الما طبيعي يا حبيبنا هو فوز الريال بدوري الموسم الماضي
والله صبري انت مبالغة : كاتلوني اكتر من لابورتا
كيف يعني ريال مدريد غريبة يفوز بالدوري ودي نتايجو : 1 ريال مدريد Real Madrid CF 38 32 4 2 121 32 89 100 2 برشلونة FC Barcelona 38 28 7 3 114 29 85 91 3 فالنسيا Valencia 38 17 10 11 59 44 15 61
فاز في عشر مباريات اكتر منك احرز 100 نقطة لأول مرة في تاريخ الليغا منذ العام 1929م ومتفوق عليك بفارق تسع نقاط خسر اقل منك تعادل اقل منك
الطبيعي يفوز ريال مدريد لأنه الاوفر حظ بها 32 مقابل 21 لببرشلونة او نحو ذلك
هذا الموسم سيفوز ايضاً بالدوري وستكون الانطلاقة الحقيقية للتنافس من سبعة اكتوبر وانت ماشي وانت في وانا في ومحمد دا زاتو في كان الله كتب لينا عمر!!
Post: #13 Title: Re: صبري طه وابوحسين Author: عبد اللطيف بكري أحمد Date: 09-23-2012, 00:44 AM Parent: #12
محمد عمر و عبداللطيف بالله ما تملونا فقر أكتر من كدا..
لعيبة برشلونة ديل ما محتاجين لي مدرب ..!!!!!!!
و بدون مدرب بغلبوكم نص دستة ......
Post: #15 Title: Re: صبري طه وابوحسين Author: محمد عمر الفكي Date: 09-23-2012, 10:04 AM Parent: #14
بالمناسبة يا ابو حسين محمد دا برشلوني لكن خايف عليكم من طولة اللسان بعدين بالمناسبة برضو التوتر بين فيا وميسي حتكون اثاره كبيرة لقدام ودا ما حصل ابدا في عهد بيبي
Quote: بالمناسبة برضو التوتر بين فيا وميسي حتكون اثاره كبيرة لقدام ودا ما حصل ابدا في عهد بيبي
يا حبيب الجماعة تصافوا ومافي أيّ مشكلة ...
Post: #19 Title: Re: صبري طه وابوحسين Author: عبد اللطيف بكري أحمد Date: 09-23-2012, 12:21 PM Parent: #14
ابو حسين كلامك دا صاح، وهذا ماجعل جواريولا يعتزل التدريب ويعيش على هذه الامجاد: ماحيلقى فريق بالمستوى دا يحقق نفس النتائج ، حتى برشلونة هذا العام سيبدأ في عده التنازلي مع تصاعد مددريد ،،
شوف لينا البسبوسة وخليك من الحكي المافيهو سمرة دا!! ههههه
يا عبداللطيف إنت ياخ بتتحدّث عن الماضي كلو .. وأنا بأتحدّث عن الموسم الماضي ... يعني مستوى الريال الحالي وفي الموسم الماضي في ظل وجود برشلونة بمستواه في الخمسة سنوات الأخيرة مفروض الريال ما يشيل حتى ولو كأس شاي ...
ــــــــ يا أخوان ناس برشلونة ديل بسمّعوا في الكورة زي لمّا كنّا بنسمّع القصايد والسور زمان في المدرسة حتى ولو في غلطة بتكون في علامة فتح أو جر أو ضمة وكدا
Post: #18 Title: Re: صبري طه وابوحسين Author: عبد اللطيف بكري أحمد Date: 09-23-2012, 12:15 PM Parent: #16
Quote: يا عبداللطيف إنت ياخ بتتحدّث عن الماضي كلو .. وأنا بأتحدّث عن الموسم الماضي
والله ياصبري حيرت الصبر زاتو: أخير ليك جيب المدام بقيت تطش شبكة هههههههه
ياخ وين انا جبت سيرة الماضي فوق هنا دا غير قلت ليك الرقم 32 ؟؟
انت قلت الموسم الفات وأنا قلت ليك الموسم الفات هو الأقوى لمدريد منذ تأسيس الليغا سنة تزعة وعشرين
بدليل انو تفوق على الفريق الذي قلتم بأنه الأفضل في تاريخ برشلونة!!
بعدد النقاط
بعدد الأهداف،،
وجا بعدها ولطشك في كأس السوبر اول امبارح دي،،
وحيلطشك بعد اسبوعين 3/1 في ملعبك
سيب الماضي وأحزانه ياتاه صبرك ، هسه عليك الله لو ما الماضي وفوز المريخ بكاس صفيح سيكافا الفريق دا ماكان فرتكو؟؟؟؟ ههههههه
كأس ملك إسبانيا: فاز برشلونة ببرنابيو 2-1 وتعادل الفريقان بالكامب نو 2-2
الدوري الإسباني: فاز برشلونة بالبرنابيو 3-1 وفاز الريال بالكامب 2-1
فاز برشلونة على الريال في الموسم الماضي بنسبة 75% من إجمالي المُباريات التي لم تنتهي بالتعادل بنسبة 3 إلى 1
بالنسبة للدوري .. المواجهات المُباشرة في صالح برشلونة حيث فاز ذهاباً بـ 3-1 وخسر إياباً بـ 1-2 بمعنى اعتمد الريال على فوزه بالدوري على نزيف برشلونة من النقاط من الفرق الأخرى ...
وبرضو تقول لي فوز الريال بالدوري طبيعي ...
ياخي إنتو غلبتو البارسا في الموسم بكل بطولاته في مرّة واحدة بس وافتكرتو عندكم تيم تنافسوا بيهو البارسا !!!
