لاعـب كبييير يا مهند الطاهـــر ** بس لو أنك ..

تخليت عن أنانـيتك المفرطه دي !!

والعب لينا كورة عديييل .. خلي اللميس البتعمل فيه دا !!!

هسع أمس لو روقت الكورة ..

وختيت الكورة دي في الارض ..

ما كان سانيه جاتو تخمة من كثرة الاهداف ..



غايتو فرصـة ########تها ..

الاهداف ملحوقة .. واستعجالك في احرازها ما ليه داعي ..

يعني بدل تهدف مرر .. وما مباراة الاهلي شندي ببعيدة عن الاذهان ..

يا أخي روق ما تفقع مرارتنا .. نحن بنحبك

وما زلنا بنحبك .. وهمنا مصلحتك

بس مصلحة الهلال فوق كل شئ

يا أخي ارجع مهند زمان ..

لما كنا بفاخر بيك النجوم

ونباهي بيك القمر ..

مهند الكان بدخل في اخر الدقائق ..

وبغير نتيجة المباراة في اي وقت شــاء ..

ارجع لأنك في حاجة الهلال والهلال كمان في مجهوداتك ..


كن كما كنت .. ودم كما شئت

تعال فرح ليالينا ..

أتمنى أن نشاهد مهند أخر ابتداء من مباراتنا مع الخرطوم الوطني بعد غداً الثلاثاء انشاء الله ..